ابوعلا:عاوزك في موضوع ي بتي
علا:اتفضل ي بابا
ابوعلا:بصراحه ي بتي ولد علي صحبي شافك وابوهو طلب يدك مني
علا:استحاله ي بابا انا م بفكر في العرس هسه
ابوعلا:لي وبعدين دا ولد صحبي
علا:يعني شنو ولد صحبك ي بابا انا م عاوزاهو
ابوعلا:م عايزاهو؟!...انتي اصلا م عرفتيهو ولا شفتيهو كيف ترفضيهو
علا:كدا بس م عايزه انا ي ابوي
(اصواتم الاتنين بدت تعلا)
ابوعلا:اي عريس بجي بتقدم ليك بترفضيهو عاوزه تجيبي لي منو انت عاوزه تجيبي لي واحد من الشارع م نعرف هو منو ولا ولد منو ح تعرسيهو وغصباً عنك ي علا
علا بدت تبكي بي حرقه :يعني ح تغصبني ي ابوي
ابوعلا:اي ح اغصبك
علا:م ح اعرسو ي ابوي
ابوعلا:والله م تعرسيهو م اعفي ليك لادنيا ولا في الاخر
م عرفت شنو بس دخلت غرفته وبقت تبكي بي حرقه شديده م عرفت تعمل شنو استنت ابوها يطلع واتصلت ع وائل وهي بتبكي
وائل:مالك ي علا في شنو
علا:عاوزه الاقيك ي وائل هسه ضروري
وائل:طيب اهدي اهدي نتلاقه في مطعم كل مره
علا حكت لي وائل كل الحصل وكلام ابوها والكوراك وانها م ح تقدر تعيش من غيرو لانو اتعلقت بيهو شديد....
وائل بحاول يطمن فيها ويقول ليها كل حاجه ح تكون زي م هي ودي لحظة عصب منو ...بس بينو وبين نفسو عرف انو دي نهايه القصه خلاص بس م حاول يحسس بكدا عشان هي بتتقوى بيهو
بعد اسبوع....
ابوعلا:علا الليله جايننا ضيوف اعملي الاكل
علا:حاضر ي بابا...بس منو الجايين
ابوعلا:علي وزوجتو وولدو جايين يتعرفو عليك ويقرو الفاتحه
علا: بس ي بابا انا...
ابوعلا:عاوزه تصغريني قدام الناس انا اديتم كلمه ولا انتي عاوزه ابوك يطلع شافع قدامم
علا:م عاش اليصغرك ي ابوي حاضر
فعلاً علي وزوجتو وولدو جو ولاقو ابوعلا وكانو مستنين علا كلهم متوقعين انها ح تجي قاشره ولابسه فستان وكدا بس جات لابسه عبايه وم خاته اي ميك اب...زوجة علي م شاء الله ربنا يحفظك ي بتي زي القمر والله "ع فكره م كانت مجامله لانو علا كانت جميله جداً وبي طبيعته م بتعمل غير روج"
ابوعلي: انا شايف انو نقرا الفاتحه هسه والخميس الجاي نعمل العقد ولا انت رايك شنو ي ابو علا
ابوعلا:ماف قول بعد قولك ي صديق الطفوله هههههههههههه
ابوعلي:هههههههههه بسم الله
ابوعلي وزوجتو وولدو وابوعلا :..."آمييييييييين"
علا:وائل.....
وائل:م عا.....
يتبع....
