ي ربي انا صاحي ولا نايم ي رب لو نايم م اصحى من الحلم دا وبقى ماشي براحه لحدي م وقف قدامه
...:نحن اتقابلنا قبل كدا انت مش اسممك وائل
وائل:الجميله المستحيله!... "بتردد"
علا: الشنووو؟؟؟؟
وائل:لالا م قلته حاجه كيفك ي علا
علا:تمام الحمدلله وانت
وائل:تمام الحمدلله
عبدالله:وائل بتعرف علا من وين
وائل:معرفتي بيها سطحيه
عبدالله: طبعاً ي علا وائل دا زي اخوي وانا بثق فيهو زي م بثق فيك وفي نفسي
وائل اتبسط من كلام عبدالله صحبو وفي نفس الوقت عاوز يعرف هو بعرفه من وين وم ظريفه يسالو قدامه المهم
عبدالله:ارح نقعد في التربيزه دي
وفعلاً قعدنا وبقينا نتونس ونضحك وانا م شاء الله ضرس العقل حقي ظاهر من الابتسامه مبسوط شديد اني شفتها بعد المده دي كلها...الحفله خلصت وكدا
وائل:ي علا ح ترجعي كيف انتي
علا:ح ارجع مع عبدالله وخالتو
وائل:اهاا طيب تصلي بالسلامه وخلي بالك من نفسك
علا:حاضر تسلم كتير ي وائل
وائل بيبنو وبين نفسو اقول ليها عاوز رقمك ولا لا احتمال الاقيها تاني واحتمال م الم فيها اعمل شنوو
علا:سرحت وين ي ود
وائل:هاااا لالا ماف حاجه ااااا ممكن اطلب منك طلب
علا:اتفضل
وائل:عادي اشيل رقمك!!
علا:اممممم لي يعني
وائل:م قصدي حاجه بس كنت حابي اتواصل معاك م اكتر بس شكلو طلبي ضايقك ف انسي الفكره
علا:لالا م قصدي حاجه ياخ وبعدين انت صاحب عبدالله وعبدالله دا زي اخوي وانا بثق فيهو وناس بيتنا بعرفوهو طيب جيب تلفونك
وائل اداها التلفون وح يطير من الفرحه شال تلفونو وودعه ومشى بيتو
وائل:ي امي ي حجه وين انتي ي مرااا
الحجه :اي ي وائل
وائل:شنو ي حجه ياخ مشتاقين
الحجه:محموم انت ولا شنو اليوم كلو وشي في وشك
وائل:غلطان انا قلت اقول ليك كلام حلو بدل الجفاف العاطفي العندك دا
الحجه:ههههههه الله يجازيك ي متخلف
وائل:هههههههه ان شاء الله الضحكه م تفارقك ي حبيبتي
الحجه:اوووباااا بقيت تشاغلني كمان
وائل:ههههههههههههه
الحجه:بختي والله قاعده لي مع ولد وجيه واسمر وعندو دقن وحركات
وائل بقى مبتسم بس
الحجه:يلا قوم غسل العده لاني تعبانه
وائل:والله لقيتك حنااااكه لكن حاضر ي حجه عشان مبسوط بس الليله لكن ماف ليك تاني
الحجه:ان شاء الله دايما مبسوط ي ولدي وربنا يسعدك في الدارين
خلصت غسيل عده وصليت واموري تمام ارسل لي علا بعد دا
وائل:علا كيفك وكيف وصلتي
علا:تمام والله وصلت كويسه انت كيف
وائل:الحمدلله تمام
علا:بكرا.....
وائل:خلاص .....
علا:خلاص اتفقناا!
يتبع...
