بالضبط في يوم ٢٨-١٠ وائل رسل لي علا رساله طويله وختمه بكلام بسيط
:ماذا لو أن هنالك شخصاً يعرف عيوبك ويَختارك ، تزعجه وتغضبه ويختارك ، شخص يَختارك كُل يوم كأنما خلت الأرض إلا منك....بصراحه ي علا انا معجب بيك
علا:م عارفه اقول ليك شنو
وائل:قولي لي الانت حاساهو
علا:اممممم وانا كمان معجبه بيك بس خايفه يجي يوم ونخسر بعض
وائل:مستحيل يجي اليوم دا ح اعمل اي حاجه عشان اكون معاك
علا:انا ابوي صعب ي وائل انت م بتعرفو
وائل:حبيتك انتي م حبيت ابوك
علا:انا طبعي صعب انا بغير شديد م ح اخليك تاخد راحتك صحباتك م ح تقدر تهظر معاهم زي الاول
وائل:انا حبيت طبعك وعصبيتك وعيوبك عارف نفسي ح اقدر اكمل معاك
علا:وانا كمان اتعودته عليك شديد ومرتاحه معاك بجد
وائل:والله وانا كمان....رايك شنو بكرا نتلاقه
علا:خلاص موافقه
"قبل ما تقول كلمة بحِبك.
شوف نفسك , ح تتحمل , ح تكمل . ح تسند
ح تحترم ...ح تهتم .. ح تحتوي .. م تدخل تبوظ حياة زول و تمشى حياه الناس م لعبه
اياكم و كسر القلوب..."
فعلاً اتلاقو ومن م شافو بعض ابتسمو والاتنين خجلانين من بعض زي العرسان بالضبط وبدت علا تضغط في وائل
:امبارح قلت لي شنو
وائل:شنوو
علا:عاين م تعمل رايح انا عاوز اسمع الكلام منك
وائل:هههههه انتي عارفه الكلام لكن
علا: م مشكله عاوزه اسمعو وانت قدامي
وائل:بطلي عواره ياااخ
علا:عواره شنو ي زول يلا اتكلم
وائل:علا انا بحبك
علا ابتسمت وبقت بتعاين قدامه وساكته
وائل:م تتخجلي وريني ردك شنو
علا:انت عارف ردي
وائل:الليله نفس عوارتك وريني ي زوله سريع ردك شنو
علا:م ح اقدر اقوله ياخ
وائل:تتصرفي الليله الا تقوليها
علا:خلاص قبل م تعاين لي
وائل:بس كدا حاااضر
علا:طيب انا بحبك وغمضت عيونه
وائل:ههههههههههههههههههه
وفجاه لقى في زول وراهو وبسمع في كلامم كلووووو.....
يتبع....
