جانت هاي المرة الاولى الي اشوفهة بيهة جان مثل الحلم هية وفستانها السماوي مثل الملاك بعيونها الكبار وشعرها الطويل وضحكتها الي اخذت عقلي طرت بيومها كأنوا صرت بس الغيوم حسيت فعلا انو هاي البنية هية ملكي البنية الي راح اكمل حياتي كلها وياهة بوقتها فعلا وكعت بالحب ومن اول نظرة هم هية جانت مخبوصة بالعروسة ترتبهة جان بيومهة عرس اخوية وحيل فرحانيين بيه
اني اسمي علي عمري بوقتها كان 27 احنة 4 ولد بالبيت وامي وابوية اخوية الاكبر اسمه مرتضى واني الوراه وبعدي التوأم امين وايمن اني حياتي عبارة عن شغل كنت نقيب ويومي كله شغل بشغل واجة موعد زواج اخوية الجبير مرتضى من بت عمي اتزوجوا عن حب وعلاقتهم جانت حلوة نرجع ليوم العرس درت على اخوية كتله هاي منو باوع وكلي هاي شمس صديقة سهى جانت من صدك شمس تضوي ضوي ما اعرف شلون رجلية اخذتني ليمهة يعني معقولة اني الي عمري ما حبيت ولا باوعت على بنية ولا خليت بنية ابالي هيج يصير بية كلت لسهى الف مبروك شايفين كل الخير خوية وباوعت علية رفعت نظرهة علية ورأسا نزلت عيونهة تمنيت تضل تباوع حتى اشبع من نظراتهة بوكتها خلص العرس واني بغير دنيا كلت لازم اعرف كلشي عنهة ثاني يوم دزيت صديقي يسأل عليهة واجاني وضل يحجي عنها هية وحيدة لأهلها امهة وابوهة حيل يحبوهة لان بنتهم الوحيدة وتدرس بالجامعة لغات
وفد يوم رجعت للبيت لكيتهة كاعدة بالاستقبال بوكتهة فرحتي ما اكدر اوصفها رأسا سلمت وعيوني تلمع هية باوعت علية ابتسمت ونزلت راسهة جانت مو ابتسامة بس لاا بوكتها قررت هاهية اريدهة
فاتحت اهلي بالموضوع ووافقوا وحيل حمدوا بيهة رحنالهم واستقبلونة وجانوا مستغربين من جيتنة ابوية حجة بالموضوع واستغربت من حجي ابوهة انو ابن خالتهة يريدهة من زمان وينتظرهة تكمل دراستهة وجان مصر على جوابه رجعت للبيت واني مخنوك شلون راح احصل عليهة يربي احس طريقي صعب كلش
وفد يوم متحملت ورحتلهة للكلية استغربت حيل وجودي رحتلهة وسلمت وردت السلام كالتلي شو اهنا كتلهة واني مركز بعيونهة جيت عليج هية فتحت عيونهة مستغربة وكالت ليش كتلهة شمس اريدج والله احبج اني انطيني امل ولا بسيط احارب الدنيا علمودج واخذج الي باوعت علية جان تكلي انتة كل عقلك هو اني شوكت عرفتك قبل فترة قصيرة شلون تريد مني جواب واني اصلا ما اعرفك تقربت منهة اكثر وباوعت بعيونهة شمس انتي تحبيه باوعت بأستغراب منو كتلهة ابن خالتج باوعت جان تكلي احنة عدنة ماكو بنية تروح للغريب واني الوحيدة لابوية ومن اني وصغيرة رايدنة ابن خالتي كتلهة وانتي صفنت ما اعرف شكلك اني رأيي مو مهم اهم شي عندي سعادة اهلي_علي زين وسعادتج _شمس سعادتي تجي من همة يكونون بخير وفرحانيين كتلهة باعي شمس انطيني رقمج وخلينة نحجي فترة ووراهة قرري يا اما تقبلين يا اما ترفضين باوعت شفتهة مترددة بس بعدين انطتني الرقم فرحت حييل حسيت صار عندي امل انو تكون ألي اول مرجعت خابرتهة ومن ردت كتلهة بدون مقدمات
_علي:مشتاقلج
_شمس:قبل ساعتين جنة سوة شوكت لحكت
_علي:اني اشتاقلج حتى وانتي يمي سكتت
شمس
_شمس :ها
_علي احجيلي كلشي عنج احب اعرف كلشي يخصج
_شمس:ما عندي شي مهم مجرد انو اني الوحيدة لاهلي وادرس كلية لغات مرحلة ثانية وانت ؟
_علي:اني علي عمري 27 نقيب عندي 3 اخوان وابوية وامي عايشين سوة وعمري ما جان ابالي الحب ولا جنت ادير بال للبنات لليوم الي شفتج بيه
وضلينة نحجي ساعة وبعدين كالت اروح انام وودعتهة
...يتبع
