كعدت الصبح غسلت وبدلت ونزلت جوة لكيت الاهل كلهم كاعدين يتريكون علي_ صباح الخير الكل ردوا كعدت بمكاني على الطاولة وامي جابتلي استكان جاي كملت على السريع وكمت
_امي وين يمة
_علي رايح يوم عندي شغل
رحت للدوام وخلصت من داطلع اجتي ابالي ملاكي شموستي كلت خلي اروح اخذهة ونطلع صار فترة مطالعين سوة رحتلهم للبيت امهة رحبت بية
_علي خالة وينها شمس
_امهة والله يمة بعدهة نايمة اصعد كعدهة
مصدكت ركضت على الدرج مشتاقلهة للحلوة مالتي دخلت لغرفتهة جانت نايمة نوم عميق وشعرهة واكع من الجرباية هلكد ما طويل وجان لونه ذهبي كعدت على ركبي وضليت اباوع عليهة شحلاتهة ابدد ما اتخيل حياتي بدونهة اجمل وارق بنية على وجه الارض لزمت خدودهة هية جانت بيضة على شكار متحملت تقربت منهة اكثر وكمت اشم انفاسهة تقربت بعد اكثر وبوستهة فزت اول شي متفاجئة بعدين بادلتني وضلينة هيج لحد ما انقطع نفسي ابتعدت وهمست اوووف شكد احبج كامت هية وكومتني جنت حيل ذايب بيهة حضنتني واني حضنتهة حيييل ودكات كلبي من بعيد تنسمع وانفاسي علت بستهة من ركبتهة وهية وخرتني
_ حبيبي شعجب اهنا
_اشتاقيتلج حيلل وكلت اجي اشوفج ونطلع سوة ضلت تكمز
_ياااي راح نطلع
_اي يرووحي يلة بدلي ونزلي اني جوة خلي نروح نتغدة اول شي بعدين نفتر باستني من خدي
_اووكي عمري
نزلت واجة ابوهة وكعدنة نسولف فترة ونزلت بطولهة الحلو تباوع علية ومبتسمة راحت على ابوهة
_بابة راح نطلع
_اوكي حبيبتي بس لتتأخرون
_ماشي حياتي
لزمتهة من ايدهة وطلعنة تغدينة بمطعم وبعدين افترينة ورجعنة من رجعنة جانت اكو سيارة بالباب استغربت هاي المن
_يلة حبيبي نزلي خلي اكعد شوية وبعدين اروح اوكي
_ماشي عمري
دخلنة لكينة خالتهة اهناك روحي طلعت ذولة شعدهم اهنا شو صايرين كل فترة قصيرة يجون دخلنة سلمنة وردوا السلام
طول الكعدة وهذا الكلب عينه عليهة ودي اكوم اشلع عيونه اشرتلهة تجي يمي جتي ابتسمت وكالت
_شبيك حبيبي ليش ضايج
_مدتشوفين هل حيوان شلون يباوع لزمت ايدي
_يروحي لا تديرله بال عوفه واهدى
_يعني انتي متعودة على نضراته مو
_مو متعودة بس هو هيج قابل شسويله
_راح اوولي شمس وانتي تروحين تصعدين فوك افتهمتي واذا هيج لتنزلين بعد خليج فوك اووكييي
_هاي شبيك علي صدك تحجي ادري ليش هيج تكبر الامور عوفه خليه هو هيج ابد ميحس على دمه ليش تسويلنة مشكله انت .......
_هششش كومي يلة
استأذنت منهم وكمت طلعت ومن الباب لحيت عليهة
_ تصصصصعددددييين افتهمتييي
_شدتحجي انتة علي عيييب شلون همة اهنا واصعد
_خاف انتي عاجبتج نضراته ومرتاحة للوضع
_لتطووخ بالحححجججي عللليييي شنو شايفني
_اطووخ ونص هذا الظاهر شفتهة عصبت حيل وعافتني وفاتت واني اصيح عليهة ومترد بسيييططططة يا شمس اني اعلمج
....يتبع
