صارت شمس وقتي الشاغل حتى الشغل هملته حبيتها حييييييل وهية بادلتني نفس الشعور بوقت الي اعترفت الي حسيت اني اسعد انسان بالدنيا وراح احارب الدنيا كلهة لاجل عيونهة الحلوات
بيوم كعدت وية اهلي وهم فتحت الموضوع وياهم ابوية كلي ابني مو رحنة وشفت ابوهة شلون رافض كتله حجي اني رايدهة لخاطري عندك ساعدني احصل عليهة ابني مادام حابها هلكد اعتبرهة من هسة صارت الك كمت بست راسه الله يخليك الي ورحت خابرتهة وكتلهة حسيت بنبرة صوتهة خوف كتلهة دير بالج تخافين انتي الي ومتصرين لغيري
رحنالهم ومع ملحات ابوية على ابوهة نزل راسه وكال خلص يابة اعتبروهة الكم طرررت من الفرح حسيت راح تبدي احلامي تتحقق راح اعيش وياهة ابيت واخليهة تصير الاميرة مالتي واحقق الهة كل حلم حلمناه سوة
ولان هية تدرس ابوهة شرط انو تكمل دراستهة يلة نتزوج واني وافقت لان ما عندي خيار ثاني عشنا فترة خطوبة تجنن ما حرمتهة من ولا شي اكثر وكتنة جان سوة نطلع من الصبح اوصلهة للكلية ونرجع والعصر اخذهة نفتر ونرجع بالليل بيوم ضليت اخابرهة مترد خفت حيل عليهة وجان ينرفع الخط
_علي:ووووووويييننج اننننتتتي صدددك تححححجيييين
_الو ..منو
_علي:فتحت عيوني انت المننننووو ومممموبايل خطيبتي شيسوي يممك
_ها انت نفسك علي اني ابن خالتهة لشمس حسن
_علي: شمس ويييين
_كاعدة يم الاهل
_علي: صيحلياااهااا
_شمس شمس تعاي هاي علي يريدج
الووو حبيبي شلونك
_علي:بت الكلللب تلفووونج يم ذاك ليييش وليييش مكلتيلي همة يمكم
_شمس: شبيك علي ليش تغلط التهيت ونسيت اكلك واحنة اهنا مجموعين كل الاهل مو بس بيت خالتي
_علي:وانتوووو من شوكت تجتممععون وية بيت خالتج وليششش متكليلي هاااا اني طرطوور شنو مو رجال مو بعينج
_شمس:كافي علي لتطوخهة مصار شي ليش تكبر الامور
علي:اكببرررر الاموووور موو دروحي يا شمس وانعل ابو اليحجي وياج بعد
ضلت تتصل وما اجاوب جنت حييل ضايج منهة وحيل مقهور لان مكلتلي مو عوايدهة تخبي شي علية
اخر شي لليل جاوبت
_هاا
_علي حبيبي ليش تسوي هيج والله مادري بجيتهم فجأة بابة كال راح يجون والتهيت وياهم وكامت تبجي
_خلص ليش تبجين
_لان ماريدك تزعل مني كلشي ولا زعلك
_خلص انسي بس وعديني متنعاد
_وعد
_تدرين ليهسة تعبان ودايخ من القهر جنت كلش خايف عليج كلبي وكع
_يررووحي اسفة فدوة لعمرك لتأذي روحك ابد علمودي واعرف انو اذا انتة اتأذيت صدكني الاذية تجي الي بالاكثر
_حيييل احبج
_واني اكثر يرررووحي انتة
...يتبع
