ملاكي

البارت الخامس_بقلم زبيدة

كعدت الصبح ضايج وتعبان مبين بداية مرض بدلت ملابسي ورحت للشغل ومن خلص شغلي خابرتهة حتى اعرف شوكت موعد العرس ووين

_صباح الخير حبيبي شلونك

_صباح العسل يا عسل اذا انتي زينة اني زين

_الحمدلله بخير بس كلش مشتاقتلك تجي اليوم مو

_ليش اكدر ما اجي وانتي طلبتي مني ..بس ردت اعرف وين المكان وشوكت اجي

_بقاعة ........ ساعة 4 مو تتأخر عمرري اووكي بوسااااتي خلي اروح خبصوني 😁

_ماشي حبيبي روحي ما اوصيج لبسج مستور

_تدلل حبيبي باااي

_بااااي قلبي

كملت شغل وطلعت للبيت تغديت وية الاهل وبقينة شوية نسولف ونشرب جاي صعدت غسلت وبدلت وطلعت للقاعة نزلت وصعدت للقاعة وطبيت دخلت وهية انتبهتلي اجتني تمشي على كيف وهية مبتسمة جانت مثل الملاك لابسة فستان ابيض طويل والمكياج فاتح وشعرهة وراهة يمكن شوية ويصير بطولهة هية قصيرة ومربربة شوية يعني اني بطولي من اوكف يمهة لازم ترفع راسهة يلة تشوفني😂 وبيضة كلش وعيونهة سود كبار لزمت ايدي حيل وباستني من خدي

_ اوووووف شكد احبببك

_هاي شطالعة يولو تريدين تخبليني

_حلووة ؟كالتهة بدلع وهية مركزة بعيوني طيرتلي عقلي بنضراتهة

_حلوة وبس ملااك ارووح فدوة للخلقج

_ضحكت وكالتلي يلة خلي اعرفك على كرايبي عرفتني عليهم همة شوية مو هواي ورحنة لطاولة اهلهة سلمت وكعدنة لازم ايدهة حيل وكل شوية اشيلهة وابوسهة وهية تباوع علية وتضحك حسيت كرايبهة كلهم عينهم علينة وشكلهم فرحانيين ما عدا خالتهة وهية اصلا تضوج مني

شوية واشتغلت اغنية كلي ملكك

كمت لزمتهة من ايدهة ورحنة للستيج وية العرسان وهية تضحك حيل وتباوع علية قربتهة منهة حيل وكمنة نركص سوة باوعت بعينهة حيل وكتلهة

_ما اعرف شسويتي بية صرتي كل حياتي ما اتوقع اكدر بدونج ربي يخليج إلي ياربي وميحرمني منج يروووحي انتيي نظر عيني

_حبيبي فدوة لعمرك

قربت وجهي وبستهة من خدودهة وهية تضحك

الاغنية كلهة وهية تغني وياهة

_ان شاء الله يوم الالنة وتصيرين يمي واثنينة تحت سكف واحد لا اعيشج ملكة وما اخليج تحتاجين شي ونملي البيت كله جهال وكون يشبهوج كلهم

_ههههههه حياتي آمين ربي لا يحرمني منك

_ولا يحرمني منج

خلصت الاغنية ورحنة كعدنة تعشينة واكلنة كيك ولاحظت عليهة ابد مفاركتني بيومهة شكد ما يصيحوهة متروح ولازمة ايدي وتضحك وكل شوية تكلي احبك خلص العرس ونزلنة من الدرج لازمين ايدين بعض ونسولف نزلنة جوة دننتظر اهلهة حتى اوصلهم وارجع للبيت نزلوا اهلهة وواكفين يودعون بكرايبهم ويضحكون وهية وياهم باوعت علية

_ حبيبي بس اروح اودع بت عمة ذيج بالسيارة وارجعلك اووكي

_روحي عمري بس بسرعة

واكفين كلنة وما نسمع غير صوت طلق قوووي كلهم نزلوا للكاع واني روحي راحت ولا درت بال لروحي اريد اعرف شمس وووين صار دخان هواي مكمت اشوف واني افتر اريد اشوفهة لحد ما خلص الطلق والكل كاموا يدعون والحمدلله مصار بأحد شي اباوع شفت شمس فستانهة عبارة عن دم وتباوع علينة مبتسمة ولازمة السيارة الي يمهة رحت عليهة ركض والكل وراية وكعت بأدية واني اتوسلل بيهة حبببيييبي لخاطري تحمللي ماشيييي خابببررررروووا الاسععععااااف شمسسسس شمسسسس ملاكي لا تخافين ماشي مراح يصير بيج شي ورانة عمر طويل نعيشه سوة بعدنة ما كملنة قصة حبنا
باوعت علية وهمست

_كلش احبك اني علي لتنسى ماشي

_اني هم احبج ومراح انسى لان انتي راح تذكريني كل يوم

ضلت تباوع على الكل ومبتسمة ما احس غير ايدهة رخت وعيونهة غمضت عطططتت بكل صوووتي شممممممممسسسسسسسسس حياتييييييي كوووميييييي دييييرررر باللللج تسويهة بيةةةة تعرفيني ما اعيش بلياااج شمسس اجتي الاسعاف ونلقلناهة للمستشفى واني روحييي رايحةة اجة دكتور فحصهة وكال البنية ميتة البقاء لله لزمته من ياخته لك انتة شدتحجججييي متمووووووت كمت اعيط حيللل واهز بيهة شمممس حيبيبي شمسسس بعدنة كلشي معشنة سووووة شمسسس كوووميي حياتتتي كووومي لتعبيني تعرفيني ما اكدر بدووونج شلللوووون تروووووحيييين فرفحت كلششش حتى بجي بجيت بوكتهة حسيت قطعوووا كلبي واخذووه ويمكن جان متأذيت هلكدد روحي راحت اجوي اهلي ويحاولون يهدون بية شيهدون واني ملاكي رااح مرررتي وروحيي وكلبي راحت محسيت بروحي بجيت لطمت غلطت كتلت محسيت ابد جان شعوري بوكتهة اقووووى مثل الميت رحت للدفنة ودفناهة واني ميت بجي لاول مرة بحياتي ابجي ولشخص متوقعت بيوم من الايام يرووح

...يتبع