دفناهة وكلهم راحوا اخوية واكف فوك راسي
_خوية كول يا الله وكوم وياية
_عوفني ورروح شوية واجي وراكم
_متأكد خوية
هزيت براسي راح
باوعت على قبرهة وحضنته وبجيت من كل كلبي البارحة جنتي بحضني ويمي وبين ادية شلون هيج فجأة رحتي مفكرتي بية مكلتي هذا شيسوي بلاي تعرفيني ما اكدر بدونج شلووون تعووفيني
ضليت بالساعتين وكمت رحت للبيت فترة كلش طويلة اني هملت الشغل وما اكل الا لما امي تتوسل بية وتبجي اكل نص وجبة باليوم وبس وبالي كله يمهة اناام احلم بيهة اكعد افكر بيهة ما اكدر اكمل حياتي هيج بهاي الفترة اني انام بحضن امي وابجيي حيييل وهية تمسدلي وتبجي علية وعلى حالتي صحتي كلش انتكست وعيوني ذبلت فد يوم كمت ورحت لبيت اهلهة طلعتلي امهة سلمت علية وحالتهة فد نوب ودخلتني ابوهة كاعد على القنفة عبالك كبر ميت سنة بوفاتهة كعدت شوية وكتلهم اريد اصعد لغرفتهة وصعدت فتحت الباب حسيتهة بيهة بكل مكان اهنا ضحكت اهنا كعدت اهنا حجت وياي اهنا كالتلي احبك كعدت على الجرباية وفتحت المجر الي يمهة لكيت البوم كعدت اتفرج عليه وابجي لحد ما محسيت ونمت على جربايتهة وحضنت مخدتهة حيييلل جانت بيهة ريحة شعرهة
"لا زلتُ أُهزم حينما أرى صورتكِ لازال ذلك
الحُب يتدفق بقلبي وكأنكِ لم تفارقني قط"
اجتي امهة كعدتني شفتهة فزيت باوعت شفت المكان اظلم الظاهر ليل ركزت وياهة وكالتلي
_يمة ليش تسوي هيج ادعيلهة لا تأذي روحك
_ماكدر خالة والله ماكدر جربت بكل طريقة اكمل حياتي بس مااكدددر مدتطلع من بالي ابدد اشوف نفسي بكل ثانية اتذكرهة وابجي ماكدرر متت تعب من راحت اخذت روحي وياهة
_كوم يمة كوم تعشى وروح لبيتك امك بالهة عليك كل شوية تخابرني
_داطلع باوعت على ميز التواليت مالتهة لكيت اسوار الهة مكتوب بيه حرفي وحرفهة اخذته ولبسته بأيدي ونزلت وكتلهم اني رايح
_والعشى ابني
_بالعافية ...سلمت وطلعت
صعدت بالسيارة ورحت الهة نزلت يم قبرهة وعيطت حييل وكمت ابجي بجيت من كل كلبي يكولون وجع الفراق مع مرور الوقت ينسي شو اني كل يوم يمر ادمر اكثر احس داموت ببطئ شوية شوية
وفجأة واتصل ابوية
_ابني وينك لخاطر الله تعال بالنة يمك
_جاي
رجعت للبيت ورأسا لغرفتي سديت الباب وطلعت صورهة وطشرتهن على الجرباية ونمت واني اباوع على الصور يمكن بيوم وفاتهة اني كبرت كبرت الى درجة كمت الاحظ الشيب ديطلع براسي كمت اشرب منومات حتى بلكت انام وبعد ما اكعد بالتالي جنت اكعد وعادي اكمل يومي جان يومي عبارة عن بجيي وصورهة والنوم مرت 5 اشهر على وفاتهة واني هذا كله واحس اليوم ماتت بعد الحاح من ابوية وامي رجعت اداوم بس شلون اداوم اروح وارجع ما احجي وية احد بهاي الفترة روحي صارت بالنوم لان من انام تجيني تباوع بعيوني لو تضحكلي لو تبتسملي بس كله من بعيد شكد اريد اتلمسهة افز احس النوم صار ملاذي حتى التقيهة تجيني بفستانهة الابيض وابتسامتهة الحلوة وعيونهة الي اول مشفتهن وكعت بحبهة، بفترة شفت امي هواي تعزم بيت خالتي وتخلي بتهم هواي كبالي وتحجيلي بيهة لحد ما فاتحتني انو تريدني اخطبهة بوكتهة عصبت وغلطت وطلعت من البيت وامي حيل ضاجت مني وكمت اشوفهة تبجي بغرفتهة بس ما بيدي شي شسوي ماكدر اشوف غيرهة ولا المس غيرهة هاي غرفتهة شلون اجيب وحدة بمكانهة الى الان محبسهة بأيدي وما ناوي انزعه لحد ما كمت اشوف امي تعبانة ومتحجي وياي وكلما تشوفني تدخل لغرفتهة كتلهة خلص يمة الي تريدي سوي بس ماسوي عرس خليهة بعلمج فرحت حيل ورأسا حجت وية ابوهة وخطبوهة فترة خطوبتنة اني واميرة جانت قصيرة وفترة ورحنة عقدنة وصارت مرتي ومن رادت تلبسني المحبس باوعت لابس واحد رأسا باوعت بعيوني وعيونهة دمعت عاد لبستني وية ذاك وحتى مكالتلي انزعه استغربت بس محجيت
...يتبع
