ملاكي

البارت الرابع_بقلم زبيدة

مرت فترة واحنة منتحاجة وروحي طالعة منهة ليش هيج تصرف وتخرب علاقتنة كتلهة صعدي تصعد وتسكت بس هية شكلهة عاجبهة الوضع، بهاي الفترة حيل تعبت بعدهة عني هيج يخليني اذبل ذبل

"‏‏لقد لامست قلبي بطريقة جميلة جدًا أعجز عن وصفها"

دك موبايلي فرحت حيلللل كمت شلته طلع ابوهة

_الو عموو خير صاير شي

_لا ابني بس حبيت اعزمك على الغدة باجر

_والله عمي حيل حاب هل شي بس مشغول باجر

_لخاطري ماعندي خاطر يمك

_ماشي عمي اجي ان شاء الله

مع انو ضايج منهة بس حييل مشتاقلهة واخيرا راح اشوفهة نمت وكعدت الصبح رحت للشغل ومناك رحتلهم دكيت الباب فتحتهة امهة

_هلااا يمة شلونك ليش هيج مختفي خلينة نشوفك بين فترة وفترة

_هلا خالة والله الشغل ماخذ وكتي مدافرغ

_فوت يمة فوت

فتت للاستقبال واجة ابوهة وضل يحجي ويسولف واني احجي وياه وبالي وعقلي كله يم الباب شوكت تجي واشوفهة ابوهة حس علية وصاح خالة تصيحهة يالله هيج اني مبين ملهوف عليهة وعلى شوفتهة فترة ونزلت شفتهة على الدرج روووحي راااحت عليهة احس صارلنة سنين ممتشاوفين هية جان وجههة ثكيل دخلت سلمت وراحت للمطبخ يربي مبين وجههة حيل تعبان وجوة عيونهة اسمر وكله من وراية كلش لمت روحي بوكتهة ملاكي تعبانة وبسببي دخلت تباوع على ابوهة وصاحتنة على الغدة كمنة وكعدت كبالهة اباوع عليهة متاكل شكد ردتهة تباوع علية عينهة بالكاع مشالتهة كملنة ورجعنا للاستقبال وجابوا الجاي وكعدنة نشرب جاي ونحجي شوية وابوهة صاح امهة وكال خليهم شوية يتحاجون وطلعوا كيفت كلت فرصتي اصالح اميرتي رحت كعدت يمهة جان راسهة بالكاع لزمتهة من حنجهة ورفعت راسهة عيونهة جانت مدمعة وبلكوة لازمة البجية باوعت علية وكالتلي

_هيج اني هينة عندك صار اسبوعين لا تتصل ولا تحجي وياي ادري ضجت بس على الاقل كول هاي خطيبتي اخابرهة اسأل عليهة يجوز ميتة قبل متكمل بوستهة وضلينة فترة وبعدين بعدت وحجيت بهمس

_لا حبيبي لتحجين هيج من عمري على عمرج جنت ضايج حيل وهسة من شفتج راحت كل الضوجة حيل مشتاقلج

_كلش احبكك اني بس مبين متستاهل لان صار اسبوعين اني ولا على بالك

_منو كلج مو على بالي اصلا بالي كله يمج عبالج تهون علية هاي دموعج ولج انتي اغلى من روحي احبببج اكثر مما تتصورين وماكو لحظة بحياتي ما افكر بيج بجت وحضنتني

_حيل تعبانة اني بدونك علي دير بالك بعد تبعد عني تعرفني ما اطيق اعيش بدونك

_يروحي انتي ، اووويلي عليج ليش دتبجين كافي ارحميهة لعيونج الحلوة ليش هيج مأذيتهة ومسحت دموعهة وضليت فترة صافن بعيونها الي بالنسبة ألي هية الحياة

"‏أنظُر إليكِ و أجدني لا أريد التوقف
عن تأمّل الحياة التي في عينيّكِ"

يلة حبيبي اني اروح من اوصل اخابرج ماشي

_اي حبيبي روح ودير بالك على روحك

بستهة وطلعت للباب سلمت على اهلهة ورجعت للبيت وضلينة اني وياهة للصبح سهرانيين سوة

ثاني يوم خابرتني وجاوبت

_هلا عمرري

_هلا حبيبي عرس ابن عمي باجر وابوية كال خلي علي هم يجي تجيي موو

_والله حبيبي مادري عندي شغل اشوف اذا فرغت اجي

_ما اريد نقاش ..انتظرك وسدت الخط

ضحكت وشمرت روحي على الجرباية يررربي اني شكد محظوظ بيهة كل كلمات الحب قليلة باللي داشعر بيه حسيت ربي عوضني عن كل السنين الي عشت بيهة بلى حب حبيت لدرجة الجنون شعوري ما ينوصف ولا اكدر احجي عنه بس من صدك اني بلياها جسد بلا روح ربي يخليهة الي وميحرمني منهة ضليت صافن على السكف ومبتسم عمري ما اتخيلت انو راح امر بهذا الشعور..

'‏أفكُر بكِ ..
وكأن هذا العالم لا يحوي غيركِ
وأفكاري لا تقبل أحداً سواكِ"

....يتبع