اهنا اجت اميرة لبيتنة صراحة ابد ممنتبه على شكلهة ولا ابالي انتبه عفتهة ونمت وضلت علاقتنة فترة كلش طويلة هيج احجي وياهة على كد تسويلي اكل لو تغسل ملابسي وهية هم متلح كلش فقيرة صرت انسان كلش جدي دائما معبس ما فد يوم ضحكت من وفات شمس الى اليوم ركزت على الشغل وكمت اجي متأخر للبيت بحجة عندي شغل الى ان عزموني اصدقائي على حفلة وكالولي اشرب صدكني تنسى بوكتهة من تعبي رأسا شربت وضليت اشرب الى ان كالوا خلي نرجع وصلوني للبيت لان مجنت بحال اكدر اسوق صعدت رأسا لغرفتي جان الوقت متإخر كلش من سديت الباب فزت اميرة باوعت عليهة وفتحت عيوني شمسسس هاي انتي ركضت وحضنتهة حييل وبوستهة وهية ذابت بين ادية وووووووو
كعدت الصبح لكيت اميرة يمي وشفت حالتنة صرت اعصاب وكمت اعيط شلووون صار هل شي كامت تبجي
_والله انتة جيتني علي
_كومي ولي من يمي
جنت اتصرف بدون وعي وياهة وهواي اجرحهة بالحجي وما انتبه
مرت فترة واني جنت فوك نايم وسمعت هلاهل امي نزلت ركض وامي تضحك وتكلي راح تصير بابة مادري ليش فرحت حسيت راح يصير عندي امل بالحياة مرة ثانية باوعت على اميرة جانت ضايجة بس من يباوعون عليهة تبتسم صعدت وصعدت وراهة تقربت منهة ولزمت بطنهة
_بيا شهر ؟
_ثاني
_يعني بعد هواي مو
_يعتبر
_شلون عرفتي
_فحص منزلي
_هااا ...زين ممشتهية شي اجيبه الج
_لا
_بس اذا اشتهيتي كليلي زينن
_اي
مرة رجعت طبيت للغرفة شفت اميرة واكفة يم المراية ولابسة كيمونة وشورت بس بصراحة اول مرة انتبه عليهة هية حلووة ضعيفة وشوية طويلة وعيونهة خضر وشعرهة اسود طويل وبيضة جانت لازمة بطنهة وتضحك تقربت منهة
_هلا فزت وباوعتلي
_هااا انتة اهنا
_اي شنو اطلع
_لا بس استغربت مو من عوايدك تجي هيج وقت
_وانتي مو من عوايدج تلبسين هيج
_احتر اذا البس طويل
_انجطلت وهية اندارت علية ضلت تباوع ...هااا شو تباوعين رايدة شي
_بعدك تحبهة؟
_منية ؟
_شمس
_وانتي شعرفج بأسمهة ؟ دارت وجههة على المراية ولزمت المشط وتمشط بشعرهة
_كلته الي بيوم الي تقربت مني
_استغربت وانقهرت عليهة هواي وحسيت على روحي ....اسف
_ههههه ماكو داعي تعودت
ومثل كل يوم قبل ما انام افكر بشمس لحد ما اتعب وانام نمت وكعدتني ثاني يوم للدوام قررت اعاملهة بأحترام واهتمام اكثر لان هية بفترة حمل تحتاج سند وتضل مرتي ما اعرف ليش هل كلمة تكرص كلبي جنت اكولهة لشمس
ومرت فترة حملهة وجابت ابني صراحة ما اكدر اوصف شعوري لاول مرة اضحك من يوم الي توفت بيه شمس لزمته بأيدي واني اضحك وعيوني مدمعة جنة اني وشمس مقررين نسمي اول طفل النة اذا ولد محمد سميته على هل اسم وتغيرت نفسيتي كلش بهاي الفترة وية محمد عبالك صار عندي امل جديد وتغير تعاملي وية اميرة هم
وهنا لكوا الي رمى الطلق واصلا ما حجة ليش سوة هيج بوقتها لزمته دميته من الكتل وما برد كلبي ولا راح يبرد طبعا اخذوه للسجن بيومهة رجعت للبيت بجيت من كل كلبي وووينج شمس وييينج يعمرري انتي هوواي مشتاقلج
"حتى و إن لم يُكتب لنا اللقاء، أنتِ هُنا
بقلبي، بعقلي، بروحي
أنتِ بي لا أستطيع محوكِ"
وورة فترة وامي خبصتني على الجهال شوكت تجيب اخ لو اخت لمحمد ليش تخليه وحده ومن هل حجي لحد ما تقربت من اميرة مرة لخ وصار عندي عادي هل موضوع اتقربلهة بس بدون اي مشاعر ومع مرور الوقت صرت احترمهة حيل لان حيل مساندتني وكلامهة عن الحب ميخلص بس اني بدون مشاعر ما احجي بهل شي ابد وهية متدير بال عادي لحد ما حبلت مرة ثانية وجابت بنية ردت كلش اسمهة شمس بس اميرة اعترضت وضلت تبجي وهو هم حقهة عاد سميتهة قمر وعادي عشنا حياتنة بشكل طبيعي كلش بس....
.....يتبع
