اني بالي وعقلي يم شمس يم اميرتي وماكدر ابد ابعد عن هذا تفكيري هواي حاولت هواي بس شي مو بأيدي ما اكدر ابد اسيطر عليه شي خارج عن ارادتي حبهة انزرع بكلبي زرع ما مر يوم ما فكرت بيهة ولا مر يوم وما اذكرت احلامنة الي كلهة ادمرت وما عشنا ولا حلم منهن ..مرت السنوات واني ما فد يوم نسيت شمس دائما ابالي ودائما اروح لقبرهة ابجي وارجع والى اليوم سوارهة بأيدي هواي تشوفه اميرة تنقهر بس متحجي واني مو بيدي مو بيدي ابدد احس هذا الشغلة الوحيدة الي بقتلي من ريحتهة وهاي هية كل قصتي ابني ابوك تعب وسهر وبجى بسبب الحب عمري وحياتي كلهة مبتعد عنه لان اعرف واحس راح اتألم بس من شفتهة بفستانهة السماوي وشعرهة وعيونهة الحلوات كلبي وكع وبدون ما حسيت حبيتها حبيتها الى درجة ما تنوصف عشقتهة وعشقت كلشي بيهة صارتلي مثل الحلم الفترة الي عشتهة وياهة ما انساهة ابدد محمد ابددد ما انساهة وامك تبقى مرتي واحترمهة جدا بس الحب ما اتصور يجي يوم واحب لان الحب اذية ويتعب حيلل ااووووووووف عرفت هسة قصة هل بنية وهسة انطيني صورتهة ابني
_الله يساعدك يابة موقفك مو سهل ابد
_يللةةة تعالوووا العشا جاهزز علللي محححمد قمررررر
_امك بدت تعدد خلي ننزل قبل مننكتل منهة
_هههههههههههه يلة بابة
كعدنة كلنة ناكل ...طبعا اني بحمل اميرة الثاني شلت من بيت اهلي وكعدت وحدي حسيت هيج افضل النة وهية تاخذ راحتهة اكثر ومن ناحية الاطفال اكتفيت وماريد بعد
عشت وية عائلتي حياة حلوة وفرحان بيهم بس الى الان اكو غصة بكلبي غصة كلش قوية لان ما كدرت اعيش كل هذا وية شمس جانت هاي الامنية الوحيدة الي تمنيتهة بحياتي بس متحققت.. بكل يوم بليل اطلع صورة شمس وابجي عليهة من كل كلبي شمس جانت ولازالت جزء كلش جبير من حياتي عمري ما نسيتهة ولا راح انساهة ومثل العادة نمت وحلمت بيهة وهية تباوعلي وتضحك ولابسة فستانهة الابيض وبشعرهة الي يجنن وعيونهة الي موتتني بيهن ونظرتهة الي ابد متروح من بالي حبيبتي وروحي وعمري وملااكي الي عمري متهنيت بيه الملاك دائما يكون موجود حتى يحلى حياتنة وبس وهية هيج سوت كلما ينذكر اسمهة اني عيوني تلمع واتذكر ايامنة الحلوة لان احلى ايام حياتي عشتهة وياهة طبعا ابد مقطعت علاقتي وية اهلهة وبين فترة وفترة اروحلهم واشوفهم شنو محتاجين حيل فرحوا بية من تزوجت وعشت حياتي وكالولي الدنيا متوكف عيش حياتك بس لتنساهة لان هية جانت كلش تحبك
"لكنكِ الشخص الوحيد الذي بقى أسمه مُخلدًا
بأعماقي وذاكرتي، الشخص الذي
أختاره القدر من بين هذا الحُشد ليملكني"
......النهاية
