#متاهات_القدر

تاسع

#متاهات_القدر
بقلمي: فردوس عبد اللطيف
التاسع
زرعت أوجاعي في حقل من التجلد فنلت أفراحاً. ثمرة النجاح تأتي من الصبر الطويل. الصبر شجرة جذورها مرة وثمارها شهية. الوهم نصف الداء، والاطمئنان نصف الدواء، والصبر أول خطوات الشفاء.
كرار : قدمت الفايل مستمسكاتي
التقديم بمطار المثني
بصراحه اعرف بأن الجيش بي موت وتعب وتحمل حر وبرد وكلشي المهم كلت حالي حال إلى صارو قدمت وتم فحصي بالمطار
الضابط : شباب الي قدمتوا وكملتو الفحص رجعوا لبيوتكم
و انتضر والرساله او اتصال من الدفاع
طلعت اني سعيت مجنت مفكر ادخل الجيش لان جنت اشتغل خلفه معجنات بس كلت بلكت عثره بدفره لان جانت واسطات كله (٢٠ ) ورقه وفوك يالله يتحصل
وبل تقديم آلاف يقدمون لان الناس بس تسمع نفتح تعيين الكل تروح شغل قليل والشاب بهل وكت مع حترامي للي عنده مهنه الي كاعد وميشتغل ماعنده يوميه اقل شي ٢٠ الف لو راتب بالدوله حياته تستمر ومن يكبر عنده راتب تقاعد يعيش منه ...وهذا طموح اي شاب
لان مراح يكدر يسوي شي بحياته إلى أن يكبر ويبقى
بس اني افكر بأن ماطول بعدني بحيلي خل اخلص حيلي ع شي يفيدني احسن من ما اعتمد ع جهالي باجر عكبه اعتمد ع فلان خل اني اسوي براسي خير
بصراحه مأيس من التعيين تعرفون واسطات يوم من الايام اني وداتريك اجاني اتصال رقم غريب
المبلغ : الو الو كرار ابن فلان
كرار : نعم اني كرار تفضل
المبلغ : عليك الالتحاق بمعسكر النعمانيه
كرار : اني عبالي واحد من اصدقائي يتشاقه لان يدرون قدمت واكو بيهم يتشاقون ينصبون علي
كرار : من الصباحيات شقه .....
الولد الحمدلله جان سبورت ضحك
المبلغ : لا خويه احجي صدك اني عليه بلغتك المهم وره يومين رحت صدك جمعونه هناك لزمنه سره كالو تره العسكريه موت والتزامات وعقوبات واوامر نفذ ثم ناقش بصراحه هواي شباب لما سمعوا هذا الكلام تراجعوا وانسحبوا من تكمله المشوار
وبوقتها الجيش يخوض حرب مع (داعش )
اني كلت هذا مكاني ورزقي خل أشد حيلي ميت عدل هو عمر واحد نعيشه ليش ابقى بالفرن خل اكون مستقبلي
كرار : رحت لبيت عمي تك تك
اكرم : منو ؟
كرار : اني
اكرم : ولك صدك جذب عبالنا متت وين صرت ؟ سنتين تغيب ظالم البخت ليش ولك مادكول عندك اهل
كرار : عمي ادخل لو ابقى بالباب
اكرم : خلى ايده ع كتفي ادخل ولك ادخل
تلكوني وحجيتلهم على هالسنتين الي غبتها عنهم
اما اهلي نفس الشي وظعهم اجوني وسلموا علي
صح ابوي حسيته مشتاقلي بس امي لا ابد ماتفرح من تشوفني
رحتلهم زرتهم زياره ساعتين مو اكثر بس من ادخل لبيتهم
اختنك استرجع الذكريات والالم الي شفته ع ايدهه فوك هذا كوله لازم تقهرني بكلمه تخليني اطلع مقهور
والدي وعمي من سمعوا بقبولي بالجيش شجعوني وفرحولي
اول يوم الالتحاق
استلمنا البدلات العسكريه
واني من النوع احب اغامر احب اجازف بس بعقل مو اندفاعي لا تفكير بس عادي احب اجفت ع شغله إلى ماعرفها لان الحياة مثل ماكلت تجارب كلشي لازم تشوف ولازم نجرب كولشي
مرحله التدريب بالمعسكر
بالتدريب بالوحده العسكريه محد يعرف الثاني ذاك من ذاك الي لكاله عرف بدينا مرحله التدريب الجو ثلج شتاء تعرفت ع ناس طيبه وتعرفت ع ناس يبيعون بكطف جكاره وتعرفت ع ناس زايعتهم الكاع وتعرفت ع ناس خوتهم خوه وغيرهم عددنا ( الف ) هواي حيل اني برزت بل عقوبات 😁 لان حالتي النفسيه تعبانه ومامتعلم هيج شي المهم كضيتها مشاكل لان بل عسكريه الفقير ينوكل ويتاذه يستغلوا
تعرفت ع ناس احسهم دوه الي بلدوام وهم واحد يوكف للثاني واحد يزور الثاني اروح للحله الجماعتي يجوني لبغداد اروح لديالى اروح للكوت للبصره لكركوك المهم ازورهم يعزموني واعزمهم لان بدينه يوم بعد يوم ننسجم اكثر واحد يعرف الثاني اكثر اني شقايه محدود عادي نلعب دومنه يجي الليل الجو بارد نشغل جمريه ونسوي مخلمه نطبخهه بايدنا ونسميها مخلمه ال جيش حلوه تصير تخبل لان طبخ جوعانين
بيوم الالتحاق الي يعبر موبايله نفرحله والي مايعبره نحشش عليه بلدوام ممنوع بالدورات
كل شخص يتميز بشي اني اتميز بلعركات ويه المعلمين والضباط 😊
من انزل بالاجازه ايتلكوني بيت عمي ذاك الاكل الطيب والمحبه الحلوه وترتيب ملابسي تنغسل وتنكوي
تجربتي بل عسكريه صح شتغلت بسوك شعبي وفرن صمون بس الجيش كلشي يلم واحد لازم يسايس حتى يعيش حتى إذا شخص مارتاحله اني اضحك بوجها واكله هلا خويه شونك بس ماقوي علاقتي بي وره ما جربت كلشي وره شهرين صار التخرج قبل التخرج بيومين يذيعون اسماء احنه
كلنه سويه من نتخرج يطشرونه كل مجموعه تروح بمحافضه وبفوج يختلف ال رياضيين ونشطين اخذونه ع عمليات الخاصه والبقيه طشروهم ع أفواج
يوم التخرج الشباب كلمن لازم صاحبه ويبجون لان تطشرو واحد بلموت واحد واسطه راح يم اهله يداوم اكو ضلم بالموضوع بسبب الواسطه
وياي عددنه ٤٠٠ مقاتل العمليات الخاصه تدريب عنيف جداََ بحيث اكو كتاب مكتوب خسائر التدريب ٥٪؜ اذا واحد مات أثناء التدريب او انزلاق او ينكسر الحوض عادي اني اخذت ب اقوه دوره الي هيه سلكشن لمدة ٢١ يوم تدريبنه عنيف جدا وضرب ومي بارد بلشتا ويجبرونا ندخل بل طين وتحمل ونركض كيلوات بإشراف أمريكي
تدريبنا بليوم ( ٢٢ )ساعه واستراحتنا ساعتين
الأمريكي يلبس بيده ساعه الكترونيه كل مايدوس عل دكمه ينكتب واحد اكيد تعرفوها المهم بهاي ال٢٢ ساعه من التدريب والتعب والضغط النفسي بل استراحتنا
الساعتين يباوع شكم مره دايسها هاي يدوسها ع كل مقاتل يخطاء ف ياخذها من استراحتنه تدريب إضافي احنه نفسنه بس همه ٣ شفتات علينه واحد يسلم واحد يستلم يدربنا وضغط نفسي
دمار هاي ال٢١ يوم كل يوم يعادل سنه
طلعت الأول ع دوره والثاني صديقي محمود من الحله نزلونه اجازه ١٤ يوم وشهايد تقديريه وره ما تخرجت ورجعت اني وامشي احس العالم يحجون انكلش إله اتقرب يالله أفهمه شيكول من وره الرمي وصياح الامريكان hurry up يعني اركضو او، stop talking يعني اقطعو الكلام وغيرها وكله صياح واحنه لازم مانحجي ونتحمل كلشي لان الدوره بيها فشل والحمدلله كدرت اتميز وراها دوره خارجيه للاردن المركز الملك عبدالله الثاني العالمي والدولي هم بإشراف أمريكان محترفين هم الحمدلله حققت إنجاز وأخذت من ال١٠ الأوائل بعد مارجعنه من الاردن شكو شي جربته من مشروب وكلشي تركته فقط التدخين الاركيله
رجعت لبيت عمي مجاز
اكرم : كرار باجر حنه محي ابني واريدك توكف ويه الولد
كرار : تدلل عمي جم محي عدنا
: يستاهل كل خير ربي يسعده
اكرم : يوم الك نفرح بيك تعيين وتعينت بعد لازم تتزوج
كرار : وين العروسه عمي
اكرم : تجي بوكتها انت بس صمم
كرار : من حجه وياي عمي فكرت بيني وبين نفسي كلت ليش ما حبيت لهاليوم اشو الجنود كل واحد مخليله وحده ويتمعشك واني ملتهي بالمشاكل
حفلة الحنه لابن العم محي
‎ احنا الشباب معزبين لان وكفه لابن العم نخدم ونركض نقدم وكفنا وياهم
بيوم الحنه اجتمعوا الأقارب عائله بعد عائله يجون بدت الحفله والنساء وحد والزلم وحد
بعد مابدت الحفله اشتغل الغناء والرقص
بعدها فترة العشا وراحه للشباب اثناء توزيع الاكل وفرش المناسف والعصائر بعد ماكملوا دورنا نشيل المناسف والصواني ونتركهن وره البيت
بعد ماتنتهي الحنه
النسوان ينظفون البيت
خلصت الحنه بدن النسوان يرتبن الداخل واحنه نرتب الخارج
دخلت شفت بنيه تغسل مواعين ويه النسوان ناعمه جسمها يجنن جذبتني شعرها سرح مي اسود عيونها عسلي حلوه مرتبه قصيره لفتت انتباهي اووف كرار شنو هالكمر يضوي بين النجوم
ركزت عليها همزين هوسه ومحد بحالي
طلعت واحس كلبي بقى جوه ... اثكل كرار اشبيك
اخذ الاغراض بسرعه وادخل اشوفها لان مادري شعوري اتجاهها ماعرف شنو راحه سعاده كلبي فرفح
هل هو الحب من النظره الاولى
ادخل علمودها واحاول الفت انتباهه
ركزت عليها عيني بعينها تكهربت
ضحكت بوجها وسلمت عليها واني أصلان مشايفها لان بسبب انقطاعي عن الاهل والاقارب
رانيه : هلا كرار شونك ؟
كرار : ولك هاي تعرفني (الحمدلله )
رانيه : شو ماكو ؟
كرار : يم اهلي بس من اذكر اهلي احس اني بحلم بعدني يمهم سلمت عليها وع امها ضلت أبالي