#متاهات_القدر

السابع

#متاهات_القدر
بقلمي : فردوس عبد اللطيف
السابع
ظلم الغريب أهون ولا ظلم الأقراب لأن الظليمة من قريبك مصيبة.
في المستشفى
ام حسين : خطيه اشبي هذا الوليد وين اهله ؟
الحجي : حجيه اني كنت بالمنطقه وكبال بيتنا صارت الحادثه
الولد عنده عربانه يبيع فراوله على باب الله
والظاهر ذولي ولد مستهترين ثلاثه مناطي فلوسه وضاربي ضرب على حلكه ومكسري تكسر وانهزمو
ام حسين : خطيه الله لا ينطيهم ظلام
كرار : بعد مانضربت ع فكي واغمى علي فتحت عيني لكيت نفسي بمستشفى وحلكي بي بلاتين
واشعر بألم  فضيع واصيح كنت جوعان
سمعت الطبيب يكول لازم يبقى شهرين مياكل طعام بس عصاير وحليب وشوربه يعني سوائل فقط لان فكه بي بلاتين
كنت  اون من الام ورغم هذا الالم الفضيع
افكر شصاير هسه بلبيت وشراح يصير بيه وامي شراح تسوي بي اذا يوميه اجيبلهه فلوس وتضربني شحال واني مريض اذا هيج حالتي مراح اكدر اطلع للشغل
بالردهه كبالي امرأة وبنتها  وعدهم ابنهم نايم بسرير كبالي
وحلكي كله دم واصيح بس صوتي كوه يطلع
ام حسين : تبجي علي مقهوره جتي يمي
ام حسين : يمه جوعان تريد شي ؟ اشربك عصير وتبجي على حالي وفتحت جزدانها  ونطتني ٢٥
كرار : لا خالتي ماخذ
ام حسين يمه انت ع باب الله وفوك ما اخذوا بضاعتك انوب كسروك يمه اخذهن يفيدنك دوا عصاير خاف محتاج
كرار : حاولت ما اخذهه بس حلفتني وخلتها بجيبي
خجلت ارجعهه لان شفتها مقهوره علي
  بقيت  كم ساعه بالمشفى  وكتبلي الطبيب خروج
طلعت من المشفى اخذت تكسي ورجعت للببت ولكيت البيت مخبوص خبيصه دخلت للبيت لكيت الكل تباع عليه وامي تبجي وابويه يصيح  : من اليوم بعد ماكو عربانه واذا لكيتك اموتك وانتي اني اعلمج اله اخلي حياتج جحيم يامفرقه
كرار : هما ملتهين يتعاركون ومامنتبهين علي  دخت وكعت
اغمى علي
فيصل : ولك بويه اشبيك كرار كرار روحي جيبيله ماي
فتحت عيني ابويه فوك راسي من غسل وجهي اني صحت ااخ حلكي بس بلكوه احجي
فيصل : فتح حلكي
هاي شنو بحلكك
كرار : بلاتين فكي مكسور
تخبل بلزايد علمودي شبكني  وبوسني
فيصل : شبيك وليدي منو وياك ؟
ارتاحيتي ولج هسه شوفي حلكه طفل مطلعته بالعربانه يفتر بالشوارع ظالمه البخت حقيره هاي النتيجه
انعام : ها شبيك كرار حبيبي
كرار :  تفاجئت ممصدك اول مره اسمع هل كلمه منها
عيوني دمعت معقوله امي تبجي علي ودكول حبيبي
باوعت اخوتي حوليني يبجون
الله يالمتنا الحلوه لو متعور من زمان
علاوي : تعال اغسلك كروري رحت اغسل وجهي وراها رحت للمطبخ طلعت من جيبي  ٢٥  الي انطتنياهم ام حسين وكان عندي بجيبي مبلغ طلعتهن ذبيتهن كبالها ع غساله اخذي يمه الج
انعام : لا اخذهن ماريدهن  وتبجي اني عفتهن وماريد اكابلها اصلاََ رحت مالي  خلك حلكي بي لهبة نار بفكي وماكدر اضغط فكي ولا افتح حلگي حيل
بالليل نايمين وسمعت عيطه امي واخوي علاوي
ركضنا ونشوف عباس ذابح ركبته بالموس باقي ع اخر شي
ومنعرف منين جايب الموس
ركضوا امي وابوي اخذوا للمستشفى لحكوا على اخر نفس
احنا بقينا بالبيت رجعت نمت لان كنت تعبان والادويه تدوخني نمت ماحسيت بالدنيا
ثاني يوم كعدت الساعه ١١ الصبح
لكيتهم راجعين ومعالجين عباس ومنطي مهدئ ونايم
بس اني اتخذت قرار لازم اصارح ابويه
بس معقوله تغيرت بسبب الضربه واذيتي وتغيرت
قررت اتريث واشوف شحايصير حايبقى هالتغيير
صبرت يومين
وراها رجعت امي نفس الوظعيه بدت تضربني
وتكفخ  بس هذا الكفخ لاشيئ عندي تعودت بعد مانظربت
الضربات القاسيه هالمره اخف
وره ماكعدت بالبيت اهل السوك يطلبوني ٣٠٠الف
لان كنت اضطر اتداين منهم حتى اكمل مبلغ ال ٢٥
مجموع الدين كان ٣٠٠ الف
عرفو اهلي لان اهل المحلات كل مايشوفون ابويه لو امي يكلولهم نطلب كرار  وين مايروحون واهلي انصدموا
فيصل : كرار فهمني وين كنت تودي الفلوس اكو احد ضاحك عليك ابني كلما اروح للسوك يداعوني
احجيلي اعترفلي وين مودي الفلوس
كرار : اي كلام احجي ويه ابوي مراح يصدكه
المبلغ يعتبر جبير بالنسبه لمراهق وين يصرفه
تغيرت معاملتهم الي حتى ابوي يعاملني بعنف لان يريد يعرف الحقيقة وين اودي الفلوس
  يريدني بس احجيله  الشي الي ضامه عنه
وهو حتى لاتأذيني امي او توصلني مرحله الجنون او الموت البطئ هذا سبب عدم اعترافي لابوي
هذا  تفكيرها والي حسيت بي
اضطريت ارجع للشغل علمود الديانه لان على كد ما يحبوني ويحترموني سكتوا ...بس لازم اشتغل واسددهم
رجعت وشكد ما احصل
اجيبلها قليل واتحمل الكتل والتعذيب في سبيل اسدد  الدين العلي لان حرام يضل بركبتي
ااقسم المبلغ الي احصله اسدد بي الديانه
واجيبلهه قليل ٥ الف ٧ الف ويوميه قال وقلت وضرب واهانه ...بس لازم اتحمل لحد ما اسدد الدين كنت اضحك
لكن محد يعرف الحزن والألم الي بداخلي شيب شعري
تحملت  تعب وكتل واني أقاوم  وباجر الفرج اصبر بروحي يومي بعد يوم ولا كأنمه اكبر الطفوله بعدها بداخلي لان كلشي ماشفت بس ضيم بضيم من الرابع ابتدائي للثالث متوسط وكثر الدك ينفك الحديد
بعد مرور ثلاث اشهر كملت تسديد الدين الي علي
بس العالم يشوفوني فقير واضحك بره البيت انسى همومي والتهي بالشغل وصرت واحد منهم
احس رب العالمين ينسيني ضيم الي عشته بمحبه الناس الي
الايام  تمر وعمري يكبر وعقلي يكبر اختلطت بمجتمع صعب وناس زينه وناس ذيابه بس من اتذكر البيت وامي وتعذيبها الي اموت الف موته من اذكر طفولتي جوه ال رابع بتدائي واتوسل برب العالمين جنت لو تاخذ امانتي وتوديني يم عمي لو تنقذني من هل جحيم!!!
رجعت اتذكر كل السنين الي عشتها بعذابها والامها
بس لازم اوضع حد وانهي هذا العذاب
لازم احجي لابوي اني كبرت وتعلمت الشغل واكدر اعتمد على نفسي حتى لو انطردت
ولا هالمذله استجمعت قواي بس لازم احجيله بره البيت
طلعت بل شارع انتضر ابويه يجي واحجيله كلشي نتضرت ٣ ساعات تقريبا شفته اجه شبكته من كل گلبي وبوسته حسيت اَول مره اشوفه لان بلبيت اذا ضربها او صاح عليها تكلي ليش متجاوبه من يحجي عليه علمودك
كرار : بابا عندي حجايه وياك وحضنته
بجيت  من حضننته كعد بلركن طلع جكاره ورثها
فيصل : كول بابا
كرار : اريد اكولك شغله بس مو تحجي بروح عمي عادل فيصل : كول حبيبي ماحجي لاحد شنو الي مضوجك
كرار : اول شي طلعت جسمي شافه نصدم شوف بابا جسمي مزلغ من الضرب والصوندات والتعذيب شوف اثار الصوندات مال سنين .....
انصدم نزلت دموعه عيونه احسهن تجدح نار
فيصل : منو مسوي بيك هيج ؟ ظل يتلمس جسمي ومامصدك
شفته تعصب تنرفز معناها اذا اكوله امي يمكن يذبحها
كرار : ماكولك اذا ماتهداء ...اهدأ بابا اهدأ هذا عذاب سنين
فيصل : ستغفرالله غير يحجي لزمني من جتافي احجي بابا
كرار : ماريد افهمك وانت عصبي
فيصل :  كول والله هادئ بس اشوف عيونه جدحن ودموعه تنزل بدون توقف
كرار : هاي امي  ......
وبديت احجيله ع كل الي سوته بي وكل عذابها الي بهالسنين الي مرت من عمري
سرقت مني طفولتي الي هي احلى ايام يعيشها الانسان بين اهله وناسه مدلل بين امه وابوه بقيت اسولفله
من الساعه ٣ لل٥ اكثر
ابوي بس يسمع مني ويبجي ويدخن جكاير
اني مره ابجي ومره اضحك حتى لا ينقهر وينأذى
فيصل : حضني وظل يبجي سامحني ابني سامحني
ليش ماحجيتلي وساكت كل هالسنين وصابر عليها وهي تعذب بيك اليوم انتقم منها كلبه بت الكلب
كرار : لا بابا لا تأذيها
فيصل : كل هذا يصير من وراي وبيتي واني اطرش بالزفه
ليش انعام ليش اشوفك تكعد عالارض وماتكعد ويانا عالقنفات
اشوف هدومك مبهذله وتطلعك تحمل بالعربانه بالشتا والصيف ومجنت مفتهم تجبرك تداين من الغربى حتى تسد حلكها الجايف اليوم اذبحها خلاص لو اطلكها وادزهه لاهلهه
كرار : بابا لخاطري لا تسوي شي لان اخوتي شنو ذنبهم
اذا تطلكها ذولي منو الهم بعدين مو همزين تجرأت وكدرت احجيلك جنت اخاف احجي تدري الفلوس الي تاخذهن مني
جمعتهم كل هالسنين وجانت تتحسف تشتريلي نعال واني نعالي مكطع وصبعي طالع عالارض ومزلغ
فيصل :  اووووف كلبي معقوله انت العزيز فلا ارحمج انعام
هسه انت شنو الي يريحك ؟
كرار : اروح لبيت جدي وهناك عماتي يجون يمي
فيصل : وليدي البطل غير تحجي تكلي اني احس بيك وأريدك تطلع شي بس انته أخرس ضحكت
كرار : اخذني للسوك شربني عصير ولزمني من ايدي
ورجعنا للبيت
فيصل : تعالي ولج اليوم اذبحج قليل .....
اموتج قليل بحقج ......كلبه بت الكلب
اليوم انتقم منج عذاب سنين ورعب عيشتي ابنج بيهن
يضرب ويضرب وهي تصرخ ماخلى برجليه وايديه واذاها حيل حتى دم طلع من حلكها وخشمها وكسر سنها الامامي
انعام : الله يخلصني منك كرار موت الكرفك ياعار
فيصل : الو وسيله اريدج تجين انت وزهراء هسه عالسريع
وسيله : خير خوي اشبيك صاير شي ؟
فيصل : تعالو اخذوا كرار ترى حايموت هنا
وسيله : خوي دا تحجي الغاز وين يموت بيت ابوه وامه ومنو يموته انت اشبيك
فيصل : تجين وتفتهمين بس تعالو بسرعه وليدي صارله سنين متحمل عذاب محد يتحمله ويبجي
بعد مرور نصف ساعه جوي عماتي مخترعات من صوت ابوي والبجي الي جان يبجي
امي ركضت حضرت ملابسي
   رادتني بس ماحجي لعماتي ع سوالفها
انعام : كرار ماريدك تحجي لعماتك علي
كرار : باوعتلهه ماحجيت ولا كلمه كنت اتمنى اكولهه الي بداخلي كلام هواي بس جنت بعدني طفل وماعندي جرأة اواجه الظلم اكتفيت بالسكوت
رحت ويه عماتي وصلنا لبيت جدي عمي اكرم وعائلته
زوجته ام احسان تلكتني وحضنتني وبوستني
بعد ماكعدنا
وسيله : يمه كرار احجيلنا شصاير
كرار : بوقتها عمري مو جبير ومن القهر بس اريد اسولف
واطلع الي بكلبي اريد افرغ الي بداخلي
على كد ماكبتت بداخلي
حسيت لازم احجي واريح نفسي وبنفس الوقت
مايرجعوني لامي
عماتي من شافو جسمي وآثار التعذيب يبجون ويبجون ويدعون على امي
وسيله : بعد عمتك ابقى هسه بيت عمك وخالتك ام احسان طيبه لحد ما اتصل بعمك زكي واتفاهم وياه تروح يمهم بالشمال ترتاح نفسيا غير جو ويمته ماتضوج بيت جدك مفتوح وبيوتنا كولهه مفتوحه الك
كرار : بقيت بيت عمي اكرم مده اسبوع ارتاحت نفسيتي
لان ازحت هم جبير عن صدري
حالتي كانت مثل المسجون بسجن يتعذب يوميه بسبب وبدون سبب وطلعله عفو وطلعوا خارج السجن
خابرني عمي زكي واكدلي اروح يمهم اغير جو
كرار : بابا شدكول اروح يم عمي زكي
فيصل : بكيفك ابني الي يريحك
سافرت للشمال البيت عمي اكرم اخذني
تغيرت نفسيتي مع العلم جان ليشوف ضحكتي بره وسوالفي ميصدك   الي شفته وخاصه  اني دخلت لسوك وعمري صغير والسوك كلشي بي وتعلمت مصلحت العيشه كيف اعيش وتعلمت ع عمل وتعلمت المن اختار بشارع وتعلمن هواي امور فادتني كلش بحياتي رغم الشي الي عشته
بيت عمي زكي استقبلوني احسن استقبال
عمي اكرم رجع لبغداد وبقيت بيت عمي زكي
بينهم ماحسيت بغربه عمي عنده بنات واولاد بعمري
زكي : ياجماعه اليوم بمناسبه جيه كرار راح اخذكم سفره
سياحيه
اشترولي الولد ملابس عالسريع وتغير شكلي كشخت
وطلعنا للسفره لعبنا وتونست ونسه من العمر
بس اكو غصه بداخلي اكو حزن والم بداخلي
كظينا ها طلعات يوميه الوكت يركض سعاده وونسه
بس اني تعودت اشتغل واصرف على اهلي ممتعود اتدلل واكو احد يصرف علي
بدون علمهم رحت على حلاق طلبت منه اشتغل عنده
الحلاق : انت مشتغل حلاقه قبل ؟
كرار : لا ما عرف بس خليني بالبدايه صانع عندك وبعدين اتعلم ...
وافق لان كان محتاج عامل ومن يومها داومت بصالون الحلاقه حتى لو الاجره بسيطه بس احسن من الكعده
زكي : وين جنت عمو تاخرت ؟
كرار : عمو اشتغلت
زكي : اني مقصر وياك ؟ مو دا انطيك مصرف حالك من حال ولدي ليش تروح تشتغل ؟
كرار : عمو خليني براحتي اريد اشتغل ماعرف اكعد
زكي  : احنا مو مثل امك شحايكول  علينا ابوك
كرار : لا عمو اني ماحب اكعد بالبيت وصدكني اني داعيش وياكم اسعد ايام بحياتي
زكي : لعد مصرفك يبقى تاخذه مني وتبقى عدنا معزز مكرم
  كرار : بقيت بيت عمي زكي مرتاح اشتغل من الصبح لليل
ارجع للبيت ملابسي مغسوله ومكويه
نكضيها سوالف وضحك يمر الوكت يمهم بسعاده وبدون تنغيص ولا عرايك ولا صياح مثل ما شفت بيت اهلي
بقيت بالشمال ٦اشهر ارتحت بيهم تغيرت نفسيتي وتعرفت ع ناس كثيره من خلال محل الحلاقه
بس كل انسان اكيد يحن ويشتاق لاهله لمكانه الي تربى بي
اشتقت لابوي لاخوتي لعماتي لبغداد لكولشي حلو بحياتي
اما امي لا ما اشتاقيتلهه لكن مانسيت تصرفاتها وياي
ويبقى سوآل بصدري اسأل نفسي كل يوم
ليش سوت بي هيج ليش عذبتني ليش جانت تعاملني معامله مختلفه عن اخوتي وووووو
محطات مرت بحياة كرار هو قرر العوده لبغداد شتتوقعون حايرجع لبغداد ؟ وين حايسكن هل يرجع لانعام ام يستقر في بيت جده
انتظروني بالبارت القادم الى اي متاهه تاخذك الاقدار يا كرار ؟ وهل ستنتهي معاناتك ياكرار ؟
*****بقلمي فردوس عبد اللطيف *****