#متاهات_القدر

سادس

#متاهات_القدر
السادس
بقلمي فردوس عبد اللطيف
. وجفوني لا تنسدل كأني بلا جفون.. ودوموعي لا تكف عن عيني.. دموع هسيتيرية كأنها من قدر يغلي بداخلي.
كرار : كلت بلكي تخلص العطله واخلص من السوك والعربانه حاداوم مدرسه اشترت للكل ملابس وجنط
من فلوس تعبي بالحر والشمس وجهي من الشمس اسمر اصابعي من نعالي المكطع تطخ بالارض تجرحت بس
حسن : ها كرار شخبارك ؟
كرار : معود اشترت للكل حاجيات المدارس الا اني
حسن : ابقى لليل هالايام ودبر فلوس ملابس المدرسه
كرار : انت شتحجي هي ال ٢٥ مطالعه بعد اطلع فوكهن
خلي اروح يم ابو الثلج
صباح الخير عمي ابو فريد
ابو فريد : هلا بويه كرار اشلونك ؟
كرار : نعسان عمي اريد انام جوه وفد ساعه كعدني حتى الحك عالشغل
لان بالبيت ما اشبع نوم وتكعدني من الصبح اجي يم عمو ابو فريد انام ساعه ارتاح بيها داخل محله بارد لان محل ثلج
اهل المحلات بالسوك عرفوني وحبوني صرت واحد منهم
****
ابو فريد : كوم يابعد عمك كرار خلصت الساعه
كرار : كمت ركض ...ها عمي خل الحك عالشغل بسرعه
اخذت العربانه وركض عالشغل
مثل ماكتلكم الشغل يوم احصل ٢٥ ويوم لا بس (٧ )

حسن : اشبيك كرار ؟
كرار : وين انطي وجهي اليوم تشتغل الصوندات
حسن : كرار لا تسكت احجي لابوك
كرار : اخاف حسن وين اروح بعدين لان تصير مشكله جبيره
خل اروح هسه ابوي راجع بالبيت والله كريم
رجعت للبيت
يمه اليوم الشغل مو زين بس ذني حصلتنهن
انعام : ههه معقوله ؟ ميخالف وياها خزره يعني انتظر عقابك بعدين ركضت عالحمام سبحت
كعدت انتظر تصب العشا لان جوعان وحتى غده ماتبقيلي
الباب يندك تك تك
عباس  : منو
اني عمه
كرار : عماتي حبيبتي حضنتهه
وسيله : يابعد عمتك اشتاقينالك خوي فيصل  عرس زهراء حددو يوم الخميس اني من يوم زواجي انشغلت عن كرار هسه اريد اخذه يم زهراء تعرف نحتاجه ويانا
كرار : صدك عمتي اروح وياج لبيت جدي هسه ابدل
التفتت على امي لكيتها مغضبه ووجهه يريد ينفجر وين تفرغ غضبها اليوم هسه خل افلت والله كريم
وسيله : يمه كرار اشو ضعيف شنو ماتاكل ؟
كرار : ها باوعت شفتها هي دايخه بجهالهه وزوجها نحس
البيها مكفيها شحجي بعدين ابوي حايزعل
عمه اني اتحرك هواي
زهراء : هلا حبيبي كروري ولك كبران
      اليوم اخذك للسوك اشتريلك ملابس مرتبه تلبسهم بعرسي اشبيها امك الفكر تتحسف تشتريلك
كرار : كنت مثل الدايخ وصعب اركز وياها من تحجي
اي عمه بكيفج
اشترتلي ملابس وحذاء حتى ملابس داخليه اخذتلي فانيلات اثنين وسروال ٢
فرحت فرحه ماصايره رجعت للبيت اطفر من الفرح
من اروح لبيت جدي اتذكر عمي عادل وانام بفراشه احس بالدفو والحنان حتى لو هو غايب بس هو عايش بكلبي
بقيت هاليومين يم عماتي حتى عمتي وسيله عافت بيتها وجتي يمنا لحد مايخلص العرس عدها طفل احمله عنها حتى تشتغل وتساعد عمتي زهراء
عمي اكرم جان عايش بالخارج اخذ اقامه بالسويد ورجع لبيت جدي وكال راح استقر بيت جدي
بيوم العرس
جوي اهلي واخوتي شكد افرح من اشوفهم ومن شافوني مرتب وكاشخ فرحو اول مره يشوفوني بهذا الترتيب من اول يوم رحت لبيت اهلي وهي تحاول تقلل من قيمتي
ابوي صفن من شافني بس ما سألني
انعام : ها يمه كرار لعد دكول ماكو شغل يبين جنت تضم من وراي حتى تشتري بيهن ملابس
كرار : لا لا عمتي زهراء اشترتهم الي
وسيله : عيني ام عباس بدل مادكوليله بالعافيه دا تحاسبي منين جايب فلوس ؟
اذا انت مبهذله شكله وهدوم يلبس بالعرس ماعنده شيلبس لعد الجراجير الي دازتهم وياه مجاي افهم ليش كرار هيج وظعه
انعام : هو اشتكالج ؟
وسيله : من شنو يشتكي ؟ ليش شكو
انعام : شكو عيني هو وكيح وحرك ومتبقى عليه هدوم كلما اشتريله يمزقهم
****
كرار : خلص العرس ولازم ارجع للجحيم يم امي
وبدت العقوبات واشتغلت الصوندات
اول يوم رجعت خلت الكل ينام وخصوصا ابوي وجتي علي ب ١٢ بالليل
ماعرف هي ليش بهالوقت تعذبني يمكن متكدر تنام
كنت نايم بغرفتنا اني واخوتي ماحس الا دفره بضلوعي
انعام : كوم ولك حقير انوب عماتك يحجن علي انت فد حشره بتليت بيها ولازم اكافحها
كرار : وره البيت عدنا مساحه متر بمتر مبنيه من اربع جهات وسياجها عالي بس مابيها سقف تخلي الدجاجه (الكركه ) بيها جرتني من ياختي وذبتني بهذه المتر مربع  هذا المكان صار ملاذي اكثر الليالي تاخذني تخليني بيها وتتركني يوم يومين بالشتا برد ومطر وبالصيف حر وبق
المكان بي شباك يطل على غرفه داخل البيت بس مامستخدميها الغرفه
اول ليله كنت متعشي بيت جدي كنت شبعان
جتني بالخمسه جرتني
انعام : تعال ولك اكعد بهاي الزويه وممنوع عليك تنام اذا شفتك نايم اموتك ضرب
كعدت خايف منها اخاف انام لاتجي تضربني
كعد ابوي
فيصل : ها كرار ليش مانايم شعندك كاعد من الفجر؟
كرار : شجاوبه لو بايدي انام وارتاح بس منعتني من النوم
اكوله اخاف انام لاتضربني
لا بابا شبعت نوم وكعدت بعد ما اكدر انام
راح كمل ريوكه وطلع
جتي كفختني
انعام : روح اطلع للسوك شعندك مبوم يمي
كرار : من اطلع من البيت مثل العصفور من يفتحوله باب القفص طلعت للسوك واخذت العربانه
رحت يم عمو ابو فريد نمت ساعه وراها ركض على شغلي
كملت شغلي لكن الوارد هم قليل
رجعت للبيت وبايدي ١٠ الاف
انعام : ممعقوله بس هالمبلغ جاي تحصله انت جاي تجمع
كملنا يومنا اهانات وضرب بس من يجي ابوي متكدر تسويلي شي لكن اعرف من يجي الليل راح تاخذني تحبسني
بغرفه الدجاجه
بيومها جنت مقهور منها ونمت بدون عشا
من كعدتني دفرات وضرب وخلتني بالقفص وراحت
بقيت كاعد جوعان
شفت اخوي عباس من شباك الغرفه
عباس : ها كرار تريد شي ؟ مدلي ايده ولزم ايدي ويفرك بايدي   الله ياخذهه امي حقيره ربي ينتقم منها يبقى يدعي عليها لان من يشوفها تاذيني يبجي علي بس يخاف منها لان قاسيه وياه كلهم اخوتي يخافون منها صح تضربهم لكن اني غير ضربها الي اكثر قساوه لان تكرهني وتكره شي اسمه كرار ...بس اخوتي كلهم يحبوني واني هم احبهم وعباس
شكد هو يأذي الناس بس اني يحبني ميضربني مثل مايضرب الناس
كرار : جوعان وعطشان
راح ركض جابلي خبزه
ناوشني الخبزه وكلاص ماي
كرار : اكلت الخبزه بس بعدني جوعان
حبيبي عباس بعدني ما شبعت جيبلي بعد
عباس : اخاف تشوفني امي فد شويه اروح اجيبلك
كرار : وره شويه ركض راح جابلي خبزه وياها خياره وطماطيه
الله شكد طيبه كنت ميت من الجوع
شكد صعبه لما انت عايش بيت اهلك والخير موجود وانت جوعان بطنك ماشبعانه لكمه بسبب اقرب الناس الك
******
توني راجع من الشغل تعبان
انعام : تعال ولك اخذ عباس فره بالمنطقه
كرار : اخذته نفتر بالمنطقه
من يشوف واحد من الاولاد يضحك لو يباوع ياخذ ع نفسه
عباس : امشي نرجع ذولي ليش يضحكون علي اني مماذيهم
كرار : محد يضحك عليك انت ورده
راح صعد لغرفته هو يحب الهدوء
بقيت جوه يم اخوتي انتظر جيه ابوي
سمعنا صوت ضرب عالحايط
انعام : هاي شنو الصوت جيرانه دا يفلشون
علي : منو يفلش بهيج وقت
انعام : ولكم عباس وينه ؟ ولك كرير وين اخوك مو كتلك فرفره ؟
كرار : شاف ولد يضحكون وضاج
انعام : ولك اصعد شوفه اخاف يسوي بنفسه شي
كرار : ركضنا كولنا اني واخوتي
طلع عباس يضرب راسه بالحايط وكصته كولهه دم
حاولنا نلزمه بس جسمه قوي وصعب يلزم بدخله ابوي سمع صياحنا ركض علينا لزمه
فيصل : ولك ابني ليش تاذينا ولك بابا تعال جوه يمنا
كرار : ذيج الليله انقهرنا كولنا
حتى لو نحجي وياه ونحاول نفهمه بس هو طريقة تفكيره مختلفه وكلسع يجينا برأي
اخذوا اكثر من مره للطبيب ينطي علاج يخلي نايم وقت طويل ومهدئات بس علاج يشفي لا ماكو
******
بدت دوام المدارس
رجعت اول يوم من المدرسه تعبان تلكتني
انعام : مو تغديت اخذ العربانه وروح للسوك
كرار : ها شسوي ؟
انعام : تشتغل ورجعه ماكو الا تجيبلي (١٥) واذا ماكو بايدك ال ٢٥ ترى اذبحك
كرار : باوعت على اخوتي راحو ناموا يرتاحون واني لازم اطلع اشتغل واجيبلهه فلوس
هذا كان قدري واستمر الحال اداوم الصبح بالمدرسه وارجع اخذ العربانه حتى اجيبلهه فلوس
اضطر اكتب الواجب بالمدرسه وادرس واجباتي بالدوام وارجع كبل عالشغل
بس الي صار اكو ايام الشغل بيها ضعيف اضطر اتداين من السوك واكمل عليها المبلغ حتى احمي نفسي
وبسبب اذيتها وعقوباتها الي ماتخلص اضطريت اتداين من اهل المحلات واهل الجنابر كل يوم من واحد واسددهم من احصل
******
بعد مرورسنتين
وصلنا مرحله ثالث متوسط اني واخوي التوأم
ارجع للبيت ب٢ اتغده وتطلعني للشغل ب٣ اخوتي يناموت واني اشتغل ل٨ بليل لازم ١٥ الف اجيب فمره اجيب مره مادبرها احاول اداين من السوك ورجع من وكت والمبلغ كامل العالم عرفتني بلسوك وقدروني وشكلهم شكد ينطوني ورجعهن اللهم يوم من الايام الشغل تعب بحيث أدين من العالم واطلع فلوس كله ٧ الف دينار بس المن انطيها للدين لو ال امي فكثر عليه الدين ورجعت اتأخر علمود اسدد  الدين بس مارهمت قفلت وياي صارت مشكله جبيره هم علمودي ابويه يحس بيه واني ما احجي
بعد ماجنت اتوسل برب العالمين وادعي هواي ودمعتي جانت عل ابسط تفكير تنزل لان ماتذكر شي يفرحني بعد ماوعيت  كله تعذيب وكتل وجحيم بحيث جان الوصف من ادخل للفرع اوصف البيت بداخلي بأن بيت سحار وفوكاه غيمه سوده ورعيد وغربان  تفتر  داير مداير ه هيج اتخيل البيت من الرعب العشته خلصنه نص السنه اني نجحت واخوي طلع بواحد مع العلم هوه يدرس اني لا  وانجح بسرعه استوعب المهم ستمرت لضروف ع هل حطه ماكو كل رحمه ماكو كل تغير وصلنه امتحانات دخول البكلوريا اخويه مادخل رسب اني  دخلت  بقرار بس بل فيزياء ٥ درجات دخلت بكلوريا لزمتني  حمستني حمس من كتل من خنك يوم أكثر من يوم
انعام : اخوك رسب تريد تكمل موو وهم تعذيب قررت اترك  المدرسه وابقى بلشغل لمدت ٣ أشهر
صادف رمضان اروح ابيع شربت لو يبدي موسم الفراوله ابيع فراوله بلعربانه افتر بلفروع وابيع /١٠٠ /قطعه للتاجر ينطوني ٢٥ الف احسن من ما ابقى ادور كراوي
طفح الكيل حسيت اني دا اكبر وباقي تحت رحمتها ليادوب ابقى  هيج ساكت ومتحمل هل ضيم والكتل والتعذيب قفلت بأن اليوم احجي كلشي اني وبلشغل فا صادفت دنيا غروب دارجع للبيت مسافه خمس دقايق عن البيت
تلكوني ثلاث شباب يشترون مني فراوله
اخذوها خمس قطع باربعه الاف
الشباب : لا منطيك ناخذهه خاوه عليك روح زعطوط
كرار: جيبوها شنو تاخذون بدون فلوس
ما اشوف الا جتني ضربه على فكي وهجموا ثلاثتهم علي وضربوني ضرب هما اكبر مني وثلاثه اكيد كدرو علي
فقدت الوعي واغمى علي
انتظروني بالبارت القادم الى اي متاهه تذهب ياكرار وهل هناك من فرج لهذه المآساة
******بقلمي فردوس عبد اللطيف*****