#متاهات_القدر

العاشروالاخير

#متاهات_القدر
بقلمي : فردوس عبد اللطيف
العاشر والاخير

لِعَينَيكِ ما يَلقى الفُؤادُ وَما لَقي وَلِلحبِّ مالَم يَبق مِنّي وَما بَقي وَما كُنت مِمَّن يَدخل العِشق قَلبهُ وَلَكِنَّ مَن يُبصِر جُفونكِ يَعشَقِ وَبَينَ الرِضا وَالسُخطِ وَالقُربِ وَالنَوى مَجالٌ لِدَمعِ المُقلَةِ المُتَرَقرِقِ (للمتنبي )

- [ ] بعد ما طلعت رانيه واهلهه  رجعت نمت
خلصت مهمتي اريد اشبع نوم لان صارلي ثلاث ايام تعب وركض بالعرس وفوك هذا كوله التقيت بانسانه سلبت كلبي وعقلي وتفكيري
كعدت ب٤ العصر فتحت التلفون
رقم غريب متصل علي
مامصدك معقوله رانيه هي اتصلت
اوووف فدوه لكلبج كلبي فرفح شوصفلكم شعوري اول مره احب وراح احجي ويه الي كلبي اختارهه
ترددت اتصل لو اخاف احرجها
اتصلت رنه وحده وسديت الفون احتمال اهلهه يمهه ماريد ينتبهون
رديت  الاتصال اشو ماكو ؟
صار الليل انتضر تتصل وماكو والتلفون بايدي ماعوفه
بعد يومن والتحق يعني هل يومين استراحتي
وهذه اجمل يومين بحياتي لاني حققت بيهن انجاز
ب١١ مساءا رن تلفوني
رفضت واني اتصلت الو الو الو
محد يجاوب سديته
رجع اتصل
رانيه : عابتلك شكو سديته ؟
كرار : هلا وغلا  قزومتي ضحكت عرفتها من صوتها ومن كلمتها مال عابتلك
رانيه : شلونك
كرار : اني زين انت شلونج
رانيه : زينه بعدك مالتحقت ؟
كرار : باجر التحق تدرين رنو هذه اجمل جازه
لان تعرفت عليج بيها
رانيه : اني شايفه صورك وقبل من كنا صغار ملتقين بالفواتح والاعراس بس انت ممنتبه
كرار : ها انت مخليه عينج علي من زمان 🤔
رانيه : منو كلك اني معجبه بيك
كرار : بس اني معجب بيج .... من اول لحظه شفتج بيها
دخلتي كلبي وتمنيتج تكونين من نصيبي
رانيه : بعد وكت ع هالحجي كرار خلي نتعرف على بعضنا بالاول اريدك تحجيلي عن نفسك شتحب شتكره
كرار : اني غيور حيل وعصبي نار احب دكوليلي نعم لكولشي وعود بعدين من اهدأ ناقشيني
رانيه : تريد تطبق العسكريه علي (نفذ ثم ناقش )
كرار : عفيه هذا طبعي وماحب المشاكل واسامح بسرعه
انت شنو صفاتج اخاف هم عصبيه وتتخبلين علي
رانيه : لا اني ها دئة بس مرات اطنكر
كرار : ولج مو علي طناكيرج
من الاخر رنو اني حبيتج واحنا لازم نحاول نتعود على بعضنا واريدج تتغيرين علمودي واني هم اتغير علمودج
وبهيج حانكدر نكمل مشوار حياتنا مع بعض
رانيه : انت ماحبيت قبل معقوله ماعندك علاقات ويه بنات
كرار : صدكيني انت اول بنت تحرك مشاعري واريد اكمل
حياتي وياج لان وجودج يشعرني بالسعاده
رانيه : كرار اني من شفتك بالعرس واني افكر بيك ونفس شعورك واتمنى نسولف طول الوقت
كرار : حبيبتي ربي يجمعنا بالحلال هذه امنيتي
*******
التحقت بوحدتي العسكريه
الحرب مستمره ضد داعش النذل
اول واجب النه بالجزيره وباديه
التحقنا  مع المقاتلين في الجزيره
لان تدريبنا قوي وعزيمتنا القويه لنحرير ارض العراق كدرنا ننتصر على الاعداء وحررنه من دون خسائر
والاهالي حبونا
كرار : هلو حبيبتي
رانيه : هلا يعمري شونك
كرار : الحمدلله ونتي
رانيه : اني زينه اذا انته زين دوامك شونه
كرار : الحمدلله
رانيه :  جوعان
كرار : لا اكلت
صرنا روح وحده نتخابر باليوم طول الوقت نسأل بعض على ادق التفاصيل اذا الجو بارد توصيني ادفى واذا حار تسالني
مرتاح لو تعبان حتى الاكل تسألني اكلت لو جوعان
تختنك من اضوج لو اكون بخطر لان فوجنا مخصص لخوض معارك التحرير داخل المدن حرب شوارع
يوم ع يوم احسها جزء مني يوم بعد يوم نتعلق ببعضنا اكثر  مع  العلم شكد احاسبها وتسمع كلمتي وموبس اني حتى إذا مرات اريد اسوي شي غلط
رانيه : كرار لاتسوي لخاطري اني مو اسمع كلمتك انته هم اسمع كلمتي لخاطري
كرار :  تدللين يروح كرار لان حبنا حب صادق وطاهر عليه ماضوجها مرات اشاقيها لو احب اضوجها اخليها تعصب 
اكول قزومتي  وره مانتزوج تقبلين اتزوج غيرج
رانيه : عسى الموت ياخذني ولا اشوف هاليوم
كرار لا تتشاقى هيج شقى .... اموت ولا اشوف وحده تاخذك مني   وتدعي ع روحها واني اضحك
كرار : مخبله اشاقه وياج هو شعندي غيرج
رانيه :  لعد  صالحني
كرار : ماعدنه شي علمود اصالحج
رانيه : لا اني زعلانه
كرار : ولج وين الكي مثلج هو الكلب بس من شافج طار اكو وحده تكدر تدخل بكليبي يتربيتي
*********^
بعد ماحررنا الجزيره رجعنه إلى المقر وكذالك تدريبنه على المناطق المبنيه والاقتحامات والمعالجه والقناصه والطبابه نختلف عن كل الصنوف لان بلجيش العراقي كل فصيل لفصيل يتكون من ٢٠ إلى ٢٥ مختص مثلان فصيل إخلاء او فصيل اقتحام احنه تدريبنه  صعب وعنيف وكل مقاتل لازم يعرف كلشي مثلان هسه اني داخل دورات سنايبر اقتحام سلكشن كماندوز طبابه سلاح ثقيل قفزات الثقه الجبلي وغيرها وغيرها لان  بلقتال لما ابو الطبابه يتصوب او يستشهد الكل تعرف
منوكف نستمر اذا القائد وكع
مثلا كلنه داخلين دورات قياده مانوكف العمليه تستمر والحمدلله حققنه نجاحات هواي بعد الدوره مال مناطق مبنيه واقتحامات ذهبنه إلى الموصل الساحل الأيسر بدئنه بتحرير حي المعلمين والقادسية الاولى  والثانيه وغيرها من المناطق هم بدون خسائر فقط جرحى  لان دخولنه مضبوط ومفتحين عيونه وثقه عاليه وتكتيك بعد التحرير
بعد التحرير  بدت العوائل يطلعون من مناطقهم واحنه نفرح من نشوف الناس  فرحانه
لانهم عاشوا اسرى ومحبوسين داخل بيوتهم
وداعش النذل يتحكم بيهم
بعدها رجعنه للمقر بعد كم شهر بدأت عمليه الساحل الأيمن ..
الساحل الأيمن مو مثل الأيسر بنايات متطوره لا ن الساحل الأيمن خرابات وقرى وشوارع ماكو قليله الدبابه ماتدخل ولا الهمر ف دخلنه راجلا اسرنه عدد كبير من الدواعش والمعركه نتيجتها لصالحنا لان نفكر اندافع عن ارضنا
******
في احد المعارك
كنت مع صديقي صادق نسولف نكظي الوكت صح تعبنا من المشي
كرار : رجلي صايرات خيوط
صادق : ضحك
زين اذا انت خيوط اني نار ماحس بيهن وضهري واكف 
بعد مرور خمس دقايق
واحنا مركزين نحاول نسمع اي حركه شي بس الرمي  صوته قوي  الجو محترك
راسي بمستوه البلوكات  الي يباع من بره مامبين بس صاحبي واكف كبالي ومبين من الشباك ومخلي تك رجل ع حايط طلع جكاره نطاني وهوه ورث ضل ينكت ونضحك
جر موال المرتضه حرب
كرار : صوتك حلو بس سكوتك احلى ويه ماضحك ماشوف إله عصفه وصوت انفجار وتراب كلشي ماشوف عبوه وره الحايط يم الرصيف  اختنكت اكحكح واصيح عليه
صادق ...صادق ميجاوب معداتي ثكيله حيل حديد وسلاح وعتاد
الجندي  الفوك يصيح
وينكم شباب كرار صادق
كرار : موجود
الجندي :  لا تطلع المهم
بعد ما هدئ التراب والعصف باوعته عالارض دمعت عيني كبل ..ولك صادق اشبيك
هستونه  نضحك ونسولف كلبته لكيت الشضا يا بجتفه وعينه اليسرى  مقلوعه
كرار : صادق حبيبي اخوي احجي جاوبني عفيه لاتموت ضربته كم راجدي كعد بس يون لان جرح حار ومايشعربالالم
صادق  : كرار اشو هاي عيني ماشوف بيها ؟
كرار : شجاوبه ... بيها تراب
لزمها ضاج عرف عينه انقلعت
طلعت عده الطباب وضمدته من الوساخه
ووضعت قطن ع عينه وفوكها بلاستر
كرار : صادق راح احملك ع كتافي لاتذب ثكلك علي
بس ميكدر يرد علي مره يفقد وعيه ومره يصحى
اخذنه وركض ع اتجاه الهمر مسافت ٥٠ متر اني واركض صادق : خوي كرار خوماتصيحولي الأعور ؟
كرار :  مدري اضحك مدري ابجي عليه وهوه يضحك خليته بلهمر
صادق : دير بالك ع نفسك
كرار : ماشي ترجع بالسلامه اليوم إله احركهم اصيح بوجه
أخذته الهمر تقدمنه سحكنه والمقاومه عنيفه ودارت معركه قويه بينا وبينهم وخسرنا جرحى من شبابنا واحد بركبته
واخر بالحوض وواحد رجلي اثنينهم انكطعوا اثناء المعركه ....
اني تصوبت برجلي أصابه شضيه بسيطه
مع كل الخسائر لازم نستمر لان توقفنا معناها حايهجمون علينا ونخسر اكثر وميبقى من عدنا واحد
استمرت المعركه اربع ساعات هزمنا بيها الدواعش وقتلنا منهم اكثر من عشر اشخاص
بعد ما خلصت المعركه وتحرير المنطقه
رجعنا  للمقر  والي نجرحو تعالجو وصادق اصيحه الأعور موجود بس مايطلع قتال تثبت داخل المقر
لان هدفنا هو تحرير ارض الوطن من المحتلين
ونخلص وننقذ الناس الي نضلموا بسببهم ونخلص وننقذ العوائل العراقيه الي نضلمو مع العلم من وره الجثث مانكدر حتى ناكل بكثره وفي الحرب والواجب الاخير للأسف خسرنه وافتقدنه ٥ شهداء منهم ضباط ثنين و٣ مقاتلين أبطال الله يرحمهم ويجعل مثواهم الجنه 
بالبدايه  كنا متخوفين نتعامل مع كل الاشخاص بس الاطفال ابرياء وميعرفون يكذبون لذلك كان تعاملنا وياهم اكثر
اما الرجال والنساء مانضمن ولائهم النا او مع الدواعش
بمرور الوقت تطمنه الهم وهما هم حبونا لان خلصناهم من شر مقيت ورجعنا ارضنا من احتلال الاوغاد
  بعد تحقيق الانتصارات نفتخر بالنصر لان شرف جبير ندافع عن ارضنا
رانيه : وينك كروري
كرار : حبي شبكه ضعيفه
رانيه : فدوه هاي شنو الرمي يمكم معارك ؟
كرار : لا ياروحي هذا تدريب
رانيه : فدوه كروري لا تموت ترى انتحر
كرار : لاتخافين قزومتي محد ياخذج غيري