#خيانة_زمن
بقلم نور الشمس
#بارت١٨
ﻣﺴﺎﺀ ﺍﻟﺨﻴﺮﺍﺕ ﺣﺒﺎﻳﺐ
… ..
ﻃﺒﻌﺎ ﺍﺗﺄﺧﺮﺕ ﺑﺎﻟﺘﻨﺰﻳﻞ ﻻﻥ ﻟﻜﻴﺖ ﺑﺲ ﺍﻟﻒ ﻛﻠﻤﻪ ﻣﻦ ﺍﺻﻞ ٢٩٠٠ ﻭﺭﺟﻌﺖ ﺍﻛﺘﺐ ﻣﻦ ﺟﺪﻳﺪ ﻭﺻﻞ ﻗﺮﻳﺐ ﺍﻝ ٣٠٠٠ ﻋﺬﺭﻭﻧﻲ ﺣﺒﺎﻳﺐ ﻉ ﺍﻟﺘﺄﺧﻴﺮ
ﻫﺬﻱ ﺍﻟﻘﺼﺔ ﺍﻛﺜﺮ ﻗﺼﺔ ﺍﺧﻔﻘﺖ ﺑﻤﻮﺍﻋﻴﺪ ﺗﻨﺰﻳﻠﻬﺎ ﺑﺴﺒﺐ ﻇﺮﻭﻓﻲ ﻭﻫﻔﻮﺍﺕ ﺍﻟﻮﺍﺕ ﺑﺎﺩ
ﻣﻤﺘﻨﻪ ﻣﻨﻜﻢ ﻭﻣﻦ ﺻﺒﺮﻛﻢ ﻋﻠﻴﻪ ﺷﺎﻛﺮﻩ ﻣﺘﺎﺑﻌﺘﻜﻢ ﻭﺩﻋﻤﻜﻢ ﻭﺗﺸﺠﻴﻌﻜﻢ ﻭﻣﻘﺪﺭﻩ ﻫﺬﺍ ﺍﻟﺸﻲ
……………………………………… .
ﺃﺣﺒﺎﺑﻲ ﺍﻟﮕﺒﻞ ﻻﺃﺑﺪﻱ ﺑﺪﻳﻬﻢ
ﺟﻔﻮﻧﻲ ﻭﺍﻟﺤﺪﺭ ﺿﻠﻌﻲ ﺑﺪﻳﻬﻢ
ﺍﻟﺰﻣﻮﻭ ﭼﻔﻲ ﻭﻏﻔﻪ ﺍﻟﺨﻨﺼﺮ ﺑﺪﻳﻬﻢ
ﺍﻧﺪﻫﻨﻪ ﺍﻻﺭﺑﻌﻪ ﻭﻻﮔﺎﻡ ﺍﻟﻴﻪ
،،ﻟﻠﻤﺒﺪﻉ ﺃﻳﺎﺩ ﻋﺒﺪﺍﻟﻠﻪ ﺍﻷﺳﺪﻱ،،
…………………… .
ﺣﺴﻴﻦ ..
ﺣﺎﻭﻟﺖ ﺍﺑﺘﻌﺪ ﻭﺗﻌﺒﻨﻲ ﮔﻠﺒﻲ ﻭﮔﺪﺭﺕ ﺍﺗﺤﻤﻞ ﻭﺍﺻﺒﺮ ﺑﺲ ﻣﺎﻫﺮ ﭼﺎﻥ ﺑﺤﺎﺟﺘﻲ ﺑﺲ ﺍﻭﺻﻞ ﺩﺍﺭﻫﻢ ﺍﻧﺴﻰ ﻛﻠﺸﻲ ﻭﺍﻧﺴﻰ ﺍﻟﻮﻋﻮﺩ ﺍﻟﮕﻠﺘﻬﺎ ﺍﻟﺮﻭﺣﻲ ﻭﺍﻟﻬﺎ
ﺍﺗﻤﻨﻰ ﺗﻌﺮﻑ ﮔﻠﺒﻲ ﺍﻟﻨﺒﺾ ﺑﺤﺒﻬﺎ ﻣﻮ ﺍﻧﻪ ﻭﻻ ﺑﻴﺪﻱ ﻏﺼﺐ ﻋﻨﻲ ﻟﻮ ﺍﻟﻲ ﺳﻠﻄﻪ ﻋﻠﻴﻪ ﺍﻃﻠﻌﻪ ﻭﺑﻤﻮﺱ ﺍﺷﺮﺣﻪ ﻭﺍﺧﻠﻲ ﻳﺘﻮﺏ ﻣﻦ ﺣﺒﻬﺎ ﻟﻴﺶ ﻣﻦ ﺍﮔﺮﺏ ﺩﺍﺭﻫﻢ ﺣﺘﻰ ﺩﻛﺎﺗﻪ ﺗﺨﺘﻠﻒ ﻟﻴﺶ ﻫﺎﻟﻀﻌﻒ ﺍﻟﺒﻴﻪ
ﻭﻫﻴﻪ ﻣﺎﻃﺎﻳﻘﺘﻨﻲ ﺑﻴﻮﻡ ﺍﻻﺟﻴﺖ ﻋﻠﻤﻮﺩ ﻣﺎﻫﺮ
ﺍﺟﻮﻩ ﺭﺑﻌﻪ ﻭﺭﺍﺩﻧﻲ ﻳﻤﻪ
ﻫﻲ ﭼﺎﻧﺖ ﺗﺤﻀﺮ ﺍﻟﻀﻴﺎﻓﻪ ﻛﻞ ﻧﻈﺮﻩ ﻣﻨﻬﺎ ﺗﺤﺴﺴﻨﻲ ﺑﺬﻧﺐ ﺩﻣﻮﻋﻬﺎ ﺍﻟﻤﺎﻟﻴﻪ ﻋﻴﻨﻬﺎ ﻭﺍﺛﺎﺭ ﺍﻟﻤﺪﺍﻣﻊ ﺍﻟﺤﺮﮔﺖ ﺭﻭﺣﻲ ﻛﻞ ﻫﺬﺍ ﺍﻟﻮﺟﻮﺩﻱ ﻳﻤﻬﺎ ﻟﻮ ﺍﻛﻮ ﺳﺒﺐ ﺍﺗﻤﻨﻴﺖ ﺍﻋﺮﻑ ﻭﺍﺭﺗﺎﺡ
ﻭﻣﻨﻮ ﻳﮕﻮﻝ ﺍﺭﺗﺎﺡ ﻳﻤﻜﻦ ﻋﺬﺍﺑﻲ ﻳﺰﻳﺪ ﺍﻛﺜﺮ
ﻗﺮﺭﺕ ﻣﺎﺍﺑﻘﻰ ﻭﺻﺪﮒ ﺍﻭﻝ ﻣﺎ ﻃﻠﻌﻮﻭ ﺍﺗﺮﺧﺼﺖ ﻣﻦ ﻣﺎﻫﺮ ﺻﺎﺣﻨﻲ
.. ﺗﻌﺎﻝ ﺣﺴﻴﻦ ﮔﺒﻞ ﻻﺗﺮﻭﺡ ﺣﺎﻟﻚ ﻣﺎﻋﺎﺟﺒﻨﻲ ﺑﻴﻚ ﺷﻲ
.. ﻻﻳﺨﻮﻱ ﺷﺒﻴﻪ ﻣﺘﻮﻫﻢ ﺍﻧﺖ
.. ﺍﺣﺪ ﻣﺰﻋﻠﻚ ﻟﻴﺶ ﺍﺣﺴﻚ ﻣﺎﻣﺮﺗﺎﺡ ﻭﮔﻮﻩ ﺍﻧﻪ ﻣﭽﻠﺒﻠﻚ
ﻭﺍﻧﺖ ﮔﺒﻞ ﻣﺎﺗﺘﺮﻛﻨﻲ ﻭﺗﺘﺤﺠﺞ ﺣﺘﻰ ﻧﻜﻌﺪ ﺳﻮﻳﻪ ﻭﻧﻨﺠﻤﻊ ﻭﺍﻧﻪ ﺻﺮﺕ ﻣﺜﻠﻚ ﺍﺣﺐ ﮔﻌﺪﺗﻚ ﻭﺳﻮﺍﻟﻔﻚ ﺷﺠﺎﻙ ﻫﺴﻪ ﺍﻛﻮ ﺷﻲ ﮔﻮﻝ
.. ﻣﻮ ﻫﻴﭻ ﻣﻬﺮﺍﻥ ﻭﺩﺍﻋﺘﻚ ﺍﻧﺖ ﺑﺎﻟﮕﻠﺐ ﻭﺍﻟﺮﻭﺡ ﻭﺑﺎﻟﻲ ﻳﻤﻚ ﻭﻟﻮ ﺑﻴﺪﻱ ﺍﺧﺪﻣﻚ ﻋﻤﺮ ﻭﻣﺎﺍﺗﻌﺎﺟﺰ ﻣﻨﻚ ﺍﺑﺪ ﺑﺲ ﻋﻨﺪﻱ ﺷﻐﻞ ﺍﮔﻀﻲ . ﻭﮔﺎﻋﻚ ﻫﻢ ﻣﺎﻋﺎﻳﻔﻬﺎ
.. ﺗﻮﻟﻲ ﺍﻟﮕﺎﻉ ﺍﺭﻳﺪ ﺍﺷﻮﻓﻚ ﻭﻋﻠﻲ ﺍﺷﺘﺎﻗﻴﺘﻠﻚ ﻭﻣﻨﺎ ﻣﺨﺘﻨﮓ ﻣﻦ ﮔﻌﺪﺗﻲ ﻫﺎﻱ ﻭﺍﺣﺲ ﻭﺭﺍﻙ ﺳﺎﻟﻔﻪ ﻭﻟﻚ ﺧﺎﻑ ﺍﻧﺖ ﻭﻭﺳﺎﻡ ﻣﺎﺩﺑﺮﺗﻮﻫﺎ ﻭﺣﻠﻴﺘﻮ ﺷﻐﻠﺘﻜﻢ ﻫﻮ ﺍﻟﺜﺎﻧﻲ ﻫﻢ ﻣﺎﻳﺤﺠﻲ ﺻﺎﻳﺮ
.. ﺍﻭﻭ ﻫﺬﺍ ﻧﺴﻴﺒﻚ ﻫﻢ ﺷﺎﺧﻂ ﻭﻟﻚ ﻣﺎﻳﻨﻄﻲ ﻣﺠﺎﻝ ﻳﺮﻳﺪﻫﺎ ﺣﺎﺭ ﺑﺤﺎﺭ ﻳﺮﻳﺪ ﮔﺒﻞ ﻳﺨﻄﺐ ﻣﺎﻳﺴﻮﻟﻔﻠﻚ ﻳﺪﺭﻳﻚ ﺗﻠﻮﻣﻪ
.. ﺷﻴﺨﻄﺐ ﻋﺮﻓﺘﻮﻫﺎ ﺍﻧﺘﻮﻭ ﻫﺬﺍ ﺍﻟﺤﭽﻲ ﺟﺪﻳﺪ ﻣﻨﻴﻦ ﺟﺎﺑﻪ ﺷﻮ ﻣﺎﺍﺩﺭﻱ
.. ﻣﺤﺪ ﻳﺪﺭﻱ ﺑﻌﺪﻩ ﻣﺎﺣﺎﺟﻲ ﺑﺲ ﺍﻧﻪ ﻣﺎﻧﺼﺤﺘﻪ
.. ﻋﺮﻓﻬﺎ ﻫﻮ ﻣﻨﻴﻦ ﻫﻲ .. ﺑﺘﻤﻦ
.. ﻳﻤﻌﻮﺩ ﺷﻌﺮﻑ ﺳﺄﻟﻬﺎ ﻭﺳﻮﻟﻔﺘﻠﻪ ﻗﺼﻪ ﺧﻮﺵ ﻣﺄﻟﻔﺘﻬﺎ ﺍﻧﻪ ﻣﺎﺍﺭﺗﺎﺣﻴﺖ ﺍﻟﻬﺎ ﺍﺑﺪ ﻭﺣﺎﻭﻟﺖ ﺍﻃﻴﺤﻬﺎ ﺗﻨﻄﻴﻨﻲ ﻣﺠﺎﻝ ﻻ .. ﺑﺲ ﺧﻔﺖ ﻳﺎﺧﺬﻫﺎ ﺑﻐﻴﺮ ﻗﺼﺪ ﻭﻧﺘﺨﺎﺭﺏ ﺗﺎﻟﻲ ﺑﺲ ﻣﺎﻧﺼﺤﺘﻪ ﺍﺑﺪ
.. ﺍﻫﻠﻬﺎ ﻣﻨﻴﻦ ﻋﺮﻓﺘﻮﻫﻢ
.. ﺷﺒﻴﻚ ﻳﺎﺍﻫﻞ ﻉ ﺍﺳﺎﺱ ﺍﻫﻠﻬﺎ ﺫﺍﺑﻴﻨﻬﺎ ﻋﺪﻫﻢ ﺑﻨﺎﺕ ﻫﻮﺍﻱ ﻭﺫﻭﻟﻪ ﺭﺑﻮﻫﺎ ﻭﻣﻦ ﻛﺒﺮﺕ ﺧﻠﻮﻫﺎ ﺗﺸﺘﻐﻞ ﺧﺪﺍﻣﻪ ﻟﻠﺸﺎﻳﺐ ﻫﺬﺍ ﺍﻟﮕﺎﻋﺪﻩ ﻋﻨﺪﻩ .. ﺑﺲ ﻋﻘﻠﻲ ﻳﻜﻠﻲ ﻭﺭﺍﻫﺎ ﻏﻴﺮ ﺳﺎﻟﻔﻪ
.. ﻛﻞ ﻫﺬﺍ ﻭﻭﺳﺎﻡ ﻳﺮﻳﺪ ﻳﺘﺰﻭﺟﻬﺎ ﺷﻮ ﻳﺨﺮﺑﻂ ﻫﺬﺍ ﺗﻮﻩ ﺟﺎﻥ ﻫﻨﺎ ﺷﻮ ﻣﺎﺣﺠﻪ ﺻﺪﻙ ﻳﺤﺠﻲ ﺑﺎﺟﺮ ﺧﺎﺑﺮﻟﻴﺎﻩ ﻭﺗﻌﺎﻟﻮ ﺳﻮﻩ ﻫﻨﺎ ﺧﻞ ﻳﺠﻴﻨﻲ ﻭﺟﻨﻲ ﻣﺎﺍﺩﺭﻱ ﺑﺸﻲ ﺍﻋﺮﻑ ﺷﻠﻮﻥ ﺍﺟﺮﺟﺮﻩ ﻭﺧﻞ ﺍﻭﮔﻒ ﻉ ﺭﺟﻠﻴﻨﻲ ﻭﻳﺼﻴﺮ ﺧﻴﺮ ﻫﺬﺍ ﻳﻮﺭﻁ ﺭﻭﺣﻪ ﻟﻮ ﻳﻤﻮﺕ ﺍﺑﻮ ﻣﺎﻳﺮﺿﺎ ﻭﻻ ﻳﺨﻄﺒﻠﻪ
.. ﺍﻟﻠﻪ ﻛﺮﻳﻢ ﺑﺎﺟﺮ ﺍﺧﺎﺑﺮﻩ ﻭﻧﺘﻔﻖ ﺍﺭﺗﺎﺡ ﺍﻧﺖ ﻭﺍﻧﻪ ﺍﺗﺮﺧﺺ
ﻃﻠﻌﺖ ﻭﺑﺎﻟﻲ ﻳﻤﻬﺎ ﻫﻲ ﺗﺸﻮﻓﻨﻲ ﻭﺍﺣﺪ ﺧﺎﻳﻦ
ﻭﺍﻧﻪ ﺍﺷﻮﻓﻬﺎ ﺷﻲ ﺣﻠﻮﻭ ﺑﺤﻴﺎﺗﻲ ﻭﻃﺎﻫﺮ
ﻣﻨﺎ ﻫﻲ ﺍﻟﻤﺎﻣﻄﻴﺘﻨﻲ ﻭﺟﻪ ﻭﻣﻨﺎ ﺍﻣﻲ ﻭﺍﺑﻮﻱ ﺍﻟﻲ ﻳﻠﺤﻮﻥ ﻉ ﻋﺮﺳﻲ
ﻭﻛﻮﻩ ﺟﺎﻱ ﺍﺗﺤﺠﺞ ﻭﺍﻛﻠﻬﻢ ﻣﺎﻣﺴﺘﻌﺪ ﺳﻨﺔ ﺳﻨﺘﻴﻦ ﻳﻠﻠﻪ
ﺍﻟﺘﻔﻜﻴﺮ ﺫﺑﺤﻨﻲ ﺍﺧﻮﺍﻧﻲ ﻳﺴﺄﻟﻮﻧﻲ ﺷﻨﻮ ﺍﻟﻤﻐﻴﺮﻧﻲ ﻣﺎﺍﻛﺪﺭ ﺍﻛﻮﻝ ﻭﺍﺣﺠﻲ ﺍﺣﺲ ﺍﻟﻜﻞ ﻳﺒﻮﻡ ﺑﻴﻪ ﻭﺍﻟﻤﻼﻣﻪ ﺍﺗﺤﻤﻠﻬﺎ ﻭﺍﻭﻛﻒ ﺑﻮﺟﻪ ﺍﻟﻜﻞ ﻟﻮ ﺍﺣﺲ ﺑﻴﻬﺎ ﻧﺘﻴﺠﻪ ﺑﺲ ﻫﺴﻪ ﺑﻬﺬﺍ ﺍﻟﻮﺿﻊ ﻻ ﻣﺎﻛﻮ ﻧﺘﻴﺠﻪ ﻣﻐﺜﻪ ﻭﺑﺲ
ﺛﺎﻧﻲ ﻳﻮﻡ ﺻﺪﻙ ﺍﺗﻔﻘﺖ ﻭﻱ ﻭﺳﺎﻡ ﻭﺭﺣﻨﻪ ﺍﻟﻤﺎﻫﺮ ﻭﻫﻮ ﮔﺪﺭ ﻳﺴﺤﺐ ﻣﻨﻪ ﻛﻼﻡ ﻛﺪﺍﻣﻲ ﻭﻻﻋﺒﺎﻟﻚ ﻳﺪﺭﻱ ﻭﺍﻧﻪ ﺣﺎﺟﻴﻠﻪ
ﺧﻠﻪ ﻭﺳﺎﻡ ﻳﺤﺠﻴﻠﻪ ﻛﻠﺸﻲ
ﺣﺎﺟﺎﻩ ﻣﺎﻫﺮ ﻫﺎﻟﻤﺮﻩ ﺑﺠﺪﻳﻪ
.. ﺍﻧﺖ ﻣﻘﺘﻨﻊ ﺑﺤﺠﻴﻚ ﻫﺬﺍ .. ﺗﺤﺒﻠﻚ ﻭﺣﺪﻩ ﺍﻫﻠﻬﺎ ﺫﺍﺑﻴﻨﻬﺎ ﻷﻥ ﻋﺪﻫﻢ ﻫﻮﺍﻱ ﺑﻨﺎﺕ .. ﺭﺑﻮﻫﺎ ﻧﺎﺱ ﺧﻠﻮﻫﺎ ﺗﺸﺘﻐﻞ ﻭﺗﺨﺪﻡ ﻭﺗﻜﻌﺪ ﻧﻬﺎﺭ ﻛﺎﻣﻞ ﻭﻣﺎﻣﺘﺄﻛﺪ ﺍﺫﺍ ﺗﺒﺎﺕ ﻳﻢ ﺷﺎﻳﺐ ﻫﻢ .. ﺍﻟﻲ ﺑﺮﺍﺳﻚ ﻋﻘﻠﻮ ﻟﻮ ﺷﻨﻬﻮ
.. ﻣﺎﻫﺮ ﻻﺗﻠﻮﻣﻨﻲ ﺷﻮﻑ ﺍﻧﻪ ﺍﺣﺒﻚ ﻭﺍﺩﺭﻱ ﻣﺎﺍﻗﻨﻌﻚ ﻟﻬﺬﺍ ﻣﺠﻨﺒﻚ ﺍﻟﻤﻮﺿﻮﻉ ﻣﺎﺍﺭﻳﺪﻙ ﺗﻀﻮﺟﻨﻲ ﺍﺿﻮﺝ . ﻣﻨﻬﺎ ﻛﻠﻬﺎ ﺍﻻ ﺍﻧﺖ
.. ﻣﻮ ﻗﺼﺔ ﺍﺿﻮﺟﻚ ﺍﻧﻪ ﻟﻮ ﻣﺎﺍﺣﺒﻚ ﺍﻛﻠﻚ ﺑﺮﺍﺣﺘﻚ ﺑﺲ ﺑﺎﻟﻌﻘﻞ ﻭﺍﻟﻤﻨﻄﻖ ﻫﺎﻱ ﺷﻌﺮﻓﺖ ﻋﻨﻬﺎ
.. ﺍﻋﺮﻑ ﻛﻠﺸﻲ ﻋﻨﻬﺎ ﺣﺠﺘﻠﻲ ﻭﺿﻌﻬﺎ ﻛﻠﻪ ﻭﺷﻠﻮﻥ ﺍﻫﻠﻬﺎ ﺗﺨﻠﻮﻭ ﻋﻨﻬﺎ ﻭﺍﻟﺮﺑﻮﻫﺎ ﻃﻤﺎﻋﻴﻦ ﻭﻳﺮﺩﻭﻥ ﻣﻨﻬﺎ ﻭﺗﺸﺘﻐﻞ ﺣﺘﻰ ﺗﺴﺎﻋﺪﻫﻢ ﻭﺗﺠﺎﺯﻱ ﺗﺮﺑﻴﺘﻬﻢ
.. ﻭﻟﻚ ﻋﻮﻓﻚ ﻣﻦ ﻫﺬﺍ ﻛﻠﻪ ﺍﻧﺖ ﻣﻘﺘﻨﻊ ﺑﻴﻬﺎ ﻳﻌﻨﻲ ﻣﻌﺘﻨﻖ ﺑﺘﺮﺑﻴﺘﻬﺎ ﻭﺷﻠﻮﻥ ﺍﻫﻠﻬﺎ ﺷﺎﻣﺮﻳﻨﻬﺎ ﺯﻳﻦ ﻣﻮ ﺫﻧﺒﻬﺎ ﺍﻧﻪ ﻭﻳﺎﻙ ﺫﻧﺐ ﺍﻫﻠﻬﺎ ﺍﻟﺬﺑﻮﻫﺎ ﻭﺍﻟﺮﺑﻮﻫﺎ ﺑﺲ ﻣﺎﺗﻌﺘﻘﺪ ﺍﻟﻬﺎ ﺗﺄﺛﻴﺮ ﻉ ﺑﻴﺘﻚ ﻉ ﺟﻬﺎﻟﻚ ﻉ ﻣﺴﺘﻘﺒﻠﻚ . ﺗﺸﻮﻓﻬﺎ ﺍﻫﻞ ﺗﻜﻮﻥ ﺍﻡ ﺍﻭﻻﺩﻙ
.. ﺍﻱ ﻭﺷﻨﻲ ﺍﻟﻴﻤﻨﻊ
.. ﻫﻮﺍﻱ ﺍﻣﻮﺭ ﺗﻤﻨﻊ
.. ﻣﺎﻫﺮ ﺍﺭﻳﺪﻙ ﻭﻳﺎﻱ ﺍﻧﻪ
.. ﻫﻮ ﻭﻳﺎﻙ ﺍﻧﻪ ﻷﻥ ﻭﻳﺎﻙ ﻣﺎﺟﺎﻱ ﺍﺟﺎﻣﻠﻚ ﺯﻳﻦ ﺗﻌﺮﻑ ﺍﻫﻠﻬﺎ ﺫﻭﻻﻙ ﺗﻌﺮﻑ ﺳﺎﺳﻬﻢ ﺷﻨﻮ ﺗﺄﺛﻴﺮﻫﻢ ﻉ ﻭﻟﺪﻙ
ﺣﺴﻴﻦ ﻣﺎﺗﺤﭽﻴﻠﻚ ﻛﻠﻤﻪ
.. ﻛﻠﻬﻦ ﺣﺠﻴﺘﻬﻦ ﻭﻣﺎﻳﻘﺘﻨﻊ ﺷﺴﻮﻳﻠﻪ
ﺣﭽﻪ ﻭﺳﺎﻡ
.. ﻣﺎﻫﺮ ﻛﻞ ﻫﺬﺍ ﻣﺎﻳﻤﻨﻌﻨﻲ ﻭﺍﻫﻠﻲ ﺍﺣﺎﻭﻝ ﺍﻗﻨﻌﻬﻢ ﺑﺲ ﺍﺭﻳﺪﻙ ﺍﻧﺖ ﻭﻳﺎﻱ ﻣﻮ ﺍﻧﺖ ﺗﻠﻮﻡ ﺑﻴﻪ
.. ﻭﺍﺫﺍ ﻃﻠﻊ ﺍﻟﺸﺎﻳﺐ ﺯﻟﻤﺘﻬﺎ
.. ﻣﺴﺘﺤﻴﻞ
.. ﻭﺍﻟﻠﻪ ﺍﺫﺍ ﻃﻠﻊ ﺯﻟﻤﺘﻬﺎ ﺑﻴﻚ ﺑﺨﺖ ﭼﺎ ﺷﻨﻲ ﮔﻌﺪﺗﻬﺎ ﻭﻳﺎﻩ
.. ﻣﺎﻫﺮ ﻻﺗﺼﻌﺒﻬﺎ ﻋﻠﻲ ﺷﺎﻳﺐ ﺑﻜﺪ ﺟﺪﻫﺎ
.. ﺍﻱ ﺑﻜﺪ ﺟﺪﻫﺎ ﻣﺎﺍﻃﺒﺒﻪ ﺣﻤﺎﻡ ﻣﺎﺍﺩﺍﺭﻱ ﻣﺎﺗﻠﺒﺴﻪ ﺗﺴﺎﻋﺪﻩ ﻣﻘﺘﻨﻊ ﺍﻧﺖ ﺑﻬﺎﻱ ﺍﻟﺴﺎﻟﻔﻪ ﺍﺗﺄﻛﺪ ﻣﻨﻬﺎ ﺍﺫﺍ ﺻﺪﻙ ﻧﺎﻭﻱ ﺧﻞ ﺗﻔﻜﺮ ﺗﻄﻠﮓ ﻭﺗﺨﻠﺺ ﺑﺲ ﺑﺎﻻﻭﻝ ﻻﺗﻮﺭﻁ ﺍﻟﺒﻨﻴﻪ ﺣﺎﺟﻲ ﺍﺑﻮﻙ ﻭﻋﻤﺎﻣﻚ ﻳﻠﻠﻪ ﻭﻟﻮ ﻣﺎﺍﺗﻤﻨﻴﺘﻠﻚ . ﻫﻴﺞ ﺯﻭﺍﺝ ﺑﺲ ﺍﻧﺖ ﺑﺮﺍﺣﺘﻚ ﺑﻌﺪ.قصص عراقيه حقيقيه من واقعنا.روعه الطائي
ﺍﻟﻴﺴﻤﻌﻚ ﻳﻜﻮﻝ ﻣﺘﺄﻛﺪ ﻣﺘﺰﻭﺟﺘﻪ
.. ﺍﻱ ﻣﺘﺄﻛﺪ ﻣﺎﻛﻮ ﺍﻫﻞ ﻳﻌﻮﻓﻮﻟﻬﻢ ﺷﺎﺑﻪ ﻳﻢ ﺭﺟﺎﻝ ﺣﺘﻰ ﻟﻮ ﺷﺎﻳﺐ ﺍﺫﺍ ﻣﺎﻳﺨﺎﻓﻮﻥ ﻣﻦ ﺍﻟﻠﻪ ﻳﺨﺎﻓﻮﻥ ﻣﻦ ﺣﺠﻲ ﺍﻟﻨﺎﺱ ﺍﺣﻨﻪ ﻣﺎﻋﺎﻳﺸﻴﻦ ﺑﺄﻭﺭﺑﺎ ﻛﻠﻨﻪ ﻭﻟﺪ ﻭﻻﻳﻪ ﻭﻧﻌﺮﻑ ﻧﺎﺳﻨﻪ ﻭﺗﻔﻜﻴﺮﻫﻢ
.. ﻳﻌﻨﻲ ؟
.. ﻳﻌﻨﻲ ﺍﻟﺒﻨﻴﻪ ﺿﺎﻣﻪ ﻋﻨﻚ ﻫﺴﻪ ﺍﻧﺖ ﻻﺗﺒﻴﻨﻠﻬﺎ ﺗﺪﺭﻱ ﺑﺲ ﮔﻠﻬﺎ ﺍﺭﻳﺪ ﺍﺟﻴﺞ ﺍﺧﻄﺒﺞ ﺍﺫﺍ ﻭﺍﻓﻘﺖ ﺍﺗﻮﻛﻞ ﺍﺫﺍ ﻣﺎﻃﻠﺖ ﻫﻲ ﺑﺮﺍﺱ ﺍﻟﺸﺎﻳﺐ ﻭﺧﻠﺺ ﺑﻌﺪ ﻻﺗﻨﺎﺷﻘﺸﻨﻲ ﺗﺮﻯ ﻓﺘﻴﺖ ﮔﻠﺒﻲ ﻓﺖ
ﻣﺎﺟﺎﻱ ﺗﻔﻬﻢ ﺍﻧﺖ ﺗﺪﺭﻱ ﺑﻜﻞ ﻫﺬﺍ ﺑﺲ ﮔﻠﺒﻚ ﻋﺎﻣﻲ ﻋﻘﻠﻚ ﻭﻣﺎﺗﺮﻳﺪ ﺗﺼﺪﮒ
.. ﻣﺎﻫﺮ ﻭﺣﻖ ﺍﻟﻠﻪ ﺍﺣﺒﻬﺎ ﻭﮔﻠﺒﻲ ﻳﻮﺟﻌﻨﻲ ﻣﻦ ﺍﺳﻤﻊ ﻛﻼﻣﻚ ﺣﺘﻰ ﻟﻮ ﻣﻘﺘﻨﻊ ﺑﻲ ﺻﺪﻙ ﺑﺲ ﺍﺣﺴﻪ ﺳﺠﺎﺟﻴﻦ ﺑﮕﻠﺒﻲ
.. ﻭﺍﻟﻠﻪ ﻫﺬﺍ ﺍﻟﺤﺐ ﻛﻠﻪ ﺍﻧﻪ ﻣﺎﺍﻗﺘﻨﻊ ﺑﻲ ﺍﺩﺭﻱ ﺗﺤﺐ ﻣﻴﺨﺎﻟﻒ ﺑﺲ ﻏﻴﺮ ﺍﻟﺸﺨﺺ ﻣﻼﺋﻤﻚ ﻣﻼﺋﻢ ﻇﺮﻓﻚ ﺍﺗﻌﺮﻑ ﺍﻟﻲ ﺗﺮﻳﺪﻩ ﺍﻟﺤﺐ ﻭﺣﺪﻩ ﻣﻮ ﻛﺎﻓﻲ ﻳﻤﺘﻪ ﺗﻘﺘﻨﻌﻮﻥ ﺍﻧﺖ ﻭﺍﻛﺜﺮ ﺷﺒﺎﺏ ﻫﺬﺍ ﺍﻟﻮﻛﺖ ﻭﺍﻟﻠﻪ ﻣﺎﻛﻮ ﺍﺣﻠﻰ ﻣﻦ ﺍﻟﺰﻭﺍﺝ ﻭﺍﻟﺤﺐ ﻳﺠﻲ ﺑﻌﺪﻳﻦ ﺑﺲ ﺷﺤﺠﻲ ﻭﻳﺎﻙ ﺑﻌﺪ ﺑﺮﺍﺣﺘﻚ
ﺣﺴﻴﻦ ﺷﺘﮕﻮﻝ ﺭﺍﻳﻲ ﺻﺢ ﻟﻮ ﻻ ﺍﻟﺤﺐ ﺑﻌﺪ ﺍﻟﺰﻭﺍﺝ ﺍﺣﻠﻰ ﻟﻮ ﻫﺬﺍ ﺍﻟﻲ ﻳﺴﻤﻮﻧﻪ ﺣﺐ ﻭﻫﻮ ﻣﺮﺽ ﻣﺎﻣﻨﻪ ﺑﺲ ﺍﺫﻳﻪ
.. ﺻﻔﻨﺖ ﻉ ﺳﺆﺍﻟﻪ ﻣﺎﻳﺪﺭﻱ ﺑﺤﺎﻟﻲ ﻣﻮ ﺍﺣﺴﻦ ﻣﻦ ﺣﺎﻝ ﻭﺳﺎﻡ ﺟﺎﻭﺑﺘﻪ ﺑﻌﺪ ﻣﺎﻓﻜﺮﺕ ﻭﺍﺗﺮﺩﺩﺕ ﺑﺠﻮﺍﺑﻲ ﺣﺴﻴﺘﻪ ﺭﺍﺡ ﻳﻜﺸﻒ ﻋﻨﺪﻱ ﺷﻲ ﻣﺎﻫﺮ ﺫﻛﻲ
.. ﺍﻛﻴﺪ ﺑﻌﺪ ﺍﻟﺰﻭﺍﺝ ﺍﺣﻠﻰ ﺑﺲ ﻣﺎﻫﺮ ﻻﺗﻠﻮﻣﻪ ﺍﻧﺖ ﻣﺎﻣﺠﺮﺏ ﻫﺎﻟﻌﺬﺍﺏ ﺍﺣﻤﺪﻟﻠﻪ ﻭﺍﺷﻜﺮﻩ ﺗﺮﻯ ﻣﻮ ﺑﻴﺪﻩ ﺑﺲ ﻳﻜﺪﺭ ﻳﻨﺴﺤﺐ ﺍﺫﺍ ﺍﻟﻮﺿﻊ ﻣﺎﻳﻨﺎﺳﺒﻪ ﺍﻣﺎ ﺣﺒﻪ ﺍﻟﻬﺎ ﻣﺤﺪ ﻳﻠﻮﻣﻪ ﻋﻠﻴﻪ ﻻﻥ ﻣﻮ ﻣﺘﻘﺼﺪ ﻫﻮ ﻣﺴﻴﺮ ﻣﻮ ﻣﺨﻴﻴﺮ
.. ﻭﺍﻧﺖ ﻭﺿﻌﻚ ﺷﻨﻲ
.. ﻭﺿﻌﻲ ﺗﻤﺎﻡ .. ﻋﻮﻓﻚ ﻣﻦ ﻭﺳﺎﻡ ﻭﻣﻨﻲ ﺍﺣﺘﻤﺎﻝ ﻫﻠﻲ ﺍﻟﻔﺘﺮﻩ ﺣﺎﺗﻢ ﻳﺼﻌﺪ ﻳﺘﺤﺎﻛﻢ
ﺣﺠﻴﺘﻬﺎ ﻭﺭﺩﺕ ﺍﻏﻴﻴﺮ ﺍﻟﻤﻮﺿﻮﻉ
.. ﻭﺻﻌﺪﺗﻬﻢ ﻻﺗﺴﻮﻟﻔﻠﻲ ﺑﻲ .. ﺍﻟﻮﺻﻴﺘﻚ ﻋﻠﻴﻪ ﻭﻛﺘﻠﻚ ﺍﺗﺄﻛﺪﻟﻲ ﻣﻨﻪ ﺳﻮﻳﺘﻪ
.. ﺑﻌﺪ ﻣﺎﻣﺘﺄﻛﺪ ﺧﻞ ﺍﺿﺒﻄﻬﺎ ﻋﺪﻝ
.. ﺍﻱ ﺑﻌﺪ ﺍﺧﻮﻙ ﺍﻋﺘﻤﺪ ﻋﻠﻴﻚ ﺣﺘﻰ ﺍﺫﺍ ﺻﺪﮒ ﺍﻟﺸﺎﻛﻴﻦ ﺑﻲ ﻫﺎﻟﻤﺮﻩ ﺍﻟﻠﻌﺐ ﻳﺤﻠﻪ
.. ﻻﺗﺘﻮﺍﺯﻩ ﻋﻠﻴﻬﻢ ﻫﻮﻭ ﺍﻛﻴﺪ ﺑﻴﻬﺎ ﻟﻌﺐ ﺍﻧﺖ ﺍﺭﺗﺎﺡ ﻭﻣﻨﺎ ﻟﻤﻦ ﺗﻜﻮﻡ ﺑﺴﻼﻣﻪ ﺍﻟﻠﻪ ﻛﺮﻳﻢ
.. ﺍﻟﻠﻪ ﻛﺮﻳﻢ
ﻃﻠﻌﻮ ﺍﻟﻮﻟﺪ ﺑﻌﺪ ﻣﺎﺣﺠﻴﻨﻪ ﻛﻠﺸﻲ ﻭﺳﺎﻡ ﻓﻬﻤﺘﻪ ﻳﺨﺘﺒﺮﻫﺎ
ﻭﺑﻌﺪﻫﺎ ﻳﺤﺎﺟﻲ ﺍﻫﻠﻪ ﻭﻭﻋﺪﺗﻪ ﺍﺳﺎﻋﺪﻩ ﮔﺪ ﻣﺎﺃﻛﺪﺭ
ﺑﻌﺪﻫﺎ ﺻﺤﺖ ﺳﺮﻭﺭ ﻳﻤﻲ
ﺳﺄﻟﺘﻬﺎ ﺷﻠﻮﻧﻬﺎ ﺷﻤﺤﺘﺎﺟﻪ ﻛﺎﻟﺖ ﺯﻳﻨﻪ ﻭﻣﺎﻛﻮ ﺷﻲ ﺑﺲ ﺍﺣﺴﻬﺎ ﺗﻌﺒﺎﻧﻪ ﻭﻣﺎﻣﺮﺗﺎﺣﻪ
ﺻﺤﺖ ﺍﻣﻲ ﺣﺎﺟﻴﺘﻬﺎ ﺗﺮﻭﺡ ﺗﺰﻭﺭ ﺍﺧﻮﺍﻧﻲ ﻭﺗﺎﺧﺬ ﺳﺮﻭﺭ ﺗﺰﻭﺭ ﺯﻟﻤﺘﻬﺎ ﻭﺗﺬﺏ ﺣﺴﺮﺗﻬﺎ ﻭﺷﻮﮔﻬﺎ ﻭﺗﺮﺟﻊ ﻭﻫﻲ ﻣﺮﺗﺎﺣﻪ
ﻭﮔﺘﻠﻬﺎ ﺍﻧﻪ ﻣﻦ ﺍﻃﻴﺐ ﺍﺭﻭﺡ ﺍﺯﻭﺭ ﺍﺧﻮﺍﻧﻲ ﻭﺍﺑﻮﻱ
ﺑﺲ ﺍﺧﺬﻳﻬﺎ ﻫﻲ ﻭﺷﻮﻓﻲ ﻳﺎﻫﻮ ﻳﺮﻭﺡ ﻭﻳﺎﺟﻦ ﻋﻤﺘﻲ ﺍﻡ ﺣﺴﻴﻦ ﺑﺎﻗﻲ ﻋﻤﺎﺗﻲ ﺗﺘﻔﻘﻴﻦ ﻭﻱ ﺧﺎﻻﺗﻲ ﺑﻜﻴﻔﺞ ﺍﻧﻪ ﻳﻤﻲ ﺯﻳﻨﺐ ﻭﻟﻮ ﺭﺩﺕ ﺷﻲ ﺍﻟﻮﻟﺪ ﻣﻮﺟﻮﺩﻳﻦ ﺍﺧﺎﺑﺮﻫﻢ ﻣﺎﻳﮕﺼﺮﻭﻥ .
ﺍﻗﺘﻨﻌﺖ ﺍﻣﻲ ﻭﺻﺪﮒ ﺑﻌﺪ ﻳﻮﻣﻴﻦ ﺭﺍﺣﻦ
ﺑﻴﻮﻣﻬﺎ ﻇﻠﻴﺖ ﺑﻐﺮﻓﺘﻲ ﻭﺯﻳﻨﺐ ﺗﺮﻭﺡ . ﻭﺗﺮﺟﻊ ﻋﻠﻴﻪ ﺗﻜﻤﻞ ﺷﻐﻠﻬﺎ ﻭﺗﺮﺟﻊ ﺻﺤﺘﻬﺎ
ﺯﻳﻨﺐ ﺗﻌﺎﻱ ﻫﻨﺎ ﺑﺴﺞ ﺷﻐﻞ ﻣﺎﻛﺎﻓﻲ ﻧﺎﻣﻲ ﺍﺭﺗﺎﺣﻲ ﺗﻬﻠﻜﻴﻦ ﻫﻴﺞ ﻫﻮ ﻳﺎﻫﻮ ﻫﻨﺎ ﺍﻟﻴﻮﻡ ﺑﺲ ﺍﻧﻪ ﻭﻳﺎﺝ ﻭﺍﻧﻪ ﻋﺎﺫﺭﺝ ﺗﻌﺎﻱ
.. ﻣﺎﺑﻘﻰ ﺷﻲ ﺣﺒﻴﺒﻲ ﺍﻛﻤﻞ ﻭﺍﺟﻴﻚ
.. ﺑﺎﻟﺞ ﻻﻳﺼﻴﺮﻟﺞ ﺷﻲ ﺍﻧﺘﻲ ﻭﺍﻟﺤﺒﺎﻳﺐ ﺍﻧﺘﺒﻬﻲ ﺍﻟﺮﻭﺣﺞ
.. ﻣﻦ ﻫﺴﻪ ﺻﺎﺭﻭ ﺣﺒﺎﻳﺐ ﻭﺍﻧﻪ ﺍﻧﺘﻲ ﻭﺑﺲ
.. ﺑﻮﻳﻪ ﺍﻧﺘﻲ ﺍﻟﺮﻭﺡ ﻭﻫﻢ ﺑﻌﺪﺝ ﺷﺘﺮﺩﻳﻦ ﺑﻌﺪ
.. ﺳﻼﻣﺘﻚ ﺷﻮﻳﻪ ﻭﺍﺟﻴﻚ
ﺭﺣﺖ ﺍﻛﻤﻞ ﺑﺎﻗﻲ ﺷﻐﻠﻲ ﻭﺍﺧﺬﺗﻠﻲ ﻭﻳﺎﻱ ﻣﻼﺑﺲ ﺍﻏﺴﻞ ﻭﺍﺭﻭﺡ ﻳﻤﻪ ﻛﻠﻲ ﺭﻳﺤﺔ ﻃﺒﺦ ﻭﺗﺮﺍﺏ ﻣﻦ ﺍﻟﺘﻨﻈﻴﻒ ﺟﻨﺖ ﺍﺳﻮﻱ ﺍﻟﺤﻮﺵ ﺑﺮﻩ ﻭﺍﻟﺤﺪﻳﻘﻪ ﻧﻈﻔﺘﻬﺎ ﻫﻢ
ﻃﻮﻟﺖ ﺑﻴﻦ ﻣﺎﻛﻤﻠﺖ
ﻓﺘﺖ ﻟﻠﺤﻤﺎﻡ ﻏﺴﻠﺖ ﻭﻃﻠﻌﺖ ﺍﺳﻤﻌﻪ ﻳﺨﺎﺑﺮ ﻭﻫﻮ ﻣﻦ ﺯﻣﺎﻥ ﻳﺨﺎﺑﺮ ﺍﺑﺎﻟﻲ ﻭﺳﺎﻡ ﺑﺲ ﺷﻮ ﻳﻜﻠﻬﺎ ﺍﻟﻠﻪ ﻳﺴﻠﻤﺞ ﺭﺑﻲ ﻳﺨﻠﻴﺞ ﻣﺎﻗﺼﺮﺗﻲ ﻭﻛﻼﻡ ﻣﺮﺍﺕ ﺭﺳﻤﻲ ﻣﺮﺍﺕ ﻣﻦ ﺿﺤﻜﺘﻪ ﻣﺒﻴﻨﻪ ﺑﻴﻨﻬﻢ ﻣﻴﺎﻧﻪ
ﺑﻘﻴﺖ ﺍﺑﺎﻭﻋﻠﻪ ﻣﻦ ﺍﻟﺒﺎﺏ ﻉ ﻭﻛﻔﺘﻲ ﻭﺷﻌﺮﻱ ﻳﻨﮕﻂ ﻣﻲ
ﺍﺷﺮﻟﻲ ﺍﻧﺸﻔﻪ
ﻟﻔﻴﺘﻪ ﺑﺨﺎﻭﻟﻲ ﻭﻫﻲ ﻣﺴﺘﻤﺮﻩ ﻗﺮﺑﺖ ﺻﻮﺗﻬﺎ ﻧﺎﻋﻢ ﻭﺗﺤﺠﻴﻠﻪ ﺗﻔﺎﺻﻴﻞ ﻳﻮﻣﻬﻢ ﻛﻠﻪ ﻭﻣﻨﻮ ﺳﺄﻝ ﻋﻠﻴﻪ ﻭﻣﻨﻮ ﻻ
ﺳﺎﻋﻪ ﻳﻠﻠﻪ ﻛﻤﻞ ﺍﺗﺼﺎﻟﻬﺎ ﺍﺣﺲ ﻋﻴﻮﻧﻲ ﻃﻠﻌﻦ ﻭﻫﻮ ﺍﻧﺘﺒﻬﻠﻲ ﻭﺻﺎﺭ ﺑﺲ ﻳﺮﻳﺪ ﻳﺼﺮﻓﻬﺎ
.. ﺗﻌﺎﻱ ﺷﺒﻴﺞ ﺍﺩﻓﻲ
.. ﻣﻨﻴﻪ ﻫﺎﻱ ﺑﺎﻟﻠﻪ
.. ﻻﺗﺘﺨﻮﺻﺮﻳﻠﻲ ﻫﻴﺞ ﻭﺍﻭﻛﻔﻲ ﻋﺪﻝ ﻫﺎﻱ ﺯﻣﻴﻠﻪ ﺑﺎﻟﺪﻭﺍﻡ
ﻭﺟﺎﻱ ﺗﺴﺄﻝ ﻋﻨﻲ ﻭﺗﻔﻬﻤﻨﻲ ﻉ ﺍﻟﻤﺤﺎﺿﺮﺍﺕ ﺍﻟﻲ ﻣﻮﺩﻳﺘﻬﻦ ﺍﻟﻲ ﺑﻴﺪ ﻭﺳﺎﻡ ﻭﺍﻧﺘﻲ ﺗﻌﺮﻓﻴﻦ ﺍﻟﻤﻮﺿﻮﻉ
.. ﻻ ﻭﺍﻟﻠﻪ
.. ﺍﻱ ﻭﺍﻟﻠﻪ .. ﻭﮔﻠﺖ ﺍﻭﻛﻔﻲ ﻋﺪﻝ ﻭﺍﺣﺠﻲ ﻋﺪﻝ ﻫﺎﻱ ﺍﻟﺴﺎﻟﻔﻪ ﻣﺎﺣﺒﻬﺎ ﺗﺮﻯ
.. ﻳﺎﺳﺎﻟﻔﻪ .. ﺭﻓﻌﺖ ﺣﺎﺟﺒﻲ ﺍﻟﻪ ﺍﺣﺎﺟﻲ ﺑﺤﺮﮔﻪ
.. ﻣﺎﻝ ﺗﺴﻮﻳﻦ ﺭﻭﺣﺞ ﺭﻗﻴﺐ ﻋﻠﻴﻪ ﻭﺗﺪﺭﻳﻨﻲ ﻣﺎﺍﺣﺐ ﻫﺎﻟﺴﻮﺍﻟﻒ ﻣﻮ ﺧﻮﻑ ﻣﻨﺞ .. ﺍﺣﺘﺮﻣﺞ ﺍﺣﺒﺞ ﻣﺎﺍﺣﺐ ﻏﻴﺮﺝ ﻭﻻﺑﻴﻮﻡ ﺍﺟﺮﺣﺞ ﺑﺲ ﺑﺪﻟﻲ ﻫﺎﻟﻨﺒﺮﻩ ﻭﺍﻋﻘﻠﻲ ﻫﺎﻱ ﺍﻛﺜﺮ ﻣﻦ ﻣﺮﻩ ﺟﺎﻱ ﺗﺒﻴﻨﻴﻠﻲ ﻫﺎﻟﺸﻲ ﻉ ﺍﺳﺎﺱ ﺍﻧﻪ ﻣﻬﺘﻢ ﺍﻟﻐﻴﺮﺝ ﻭﻣﻦ ﺧﺰﺭﺓ ﻋﻴﻨﺞ ﻫﺎﻱ ﺍﺧﺎﻑ ﻭﺍﺿﻢ ﻋﻨﺞ ﻭﺍﻋﺘﺬﺭ ..
ﺍﻧﻪ ﺍﺗﺰﻭﺟﺖ ﺣﺘﻰ ﻣﺎﺍﻧﻄﻲ ﻣﺠﺎﻝ ﺍﻟﺮﻭﺣﻲ ﻣﻮ ﻫﺴﻪ ﻭﺭﻩ ﺍﻟﺰﻭﺍﺝ ﺍﻇﻞ ﺍﺩﻭﺭ
.. ﺍﻧﺖ ﻣﺎﺗﺮﻳﺪ ﺑﺲ ﻫﻲ ﻣﻦ ﻣﻠﺤﺘﻬﺎ ﻭﺍﺗﺼﺎﻻﺗﻬﺎ ﻣﺒﻴﻨﻪ ﺗﺮﻳﺪ ﻋﻼﻗﻪ ﻭﺟﺎﻱ ﻛﻮﻩ ﺗﻠﺰﮒ ﺭﻭﺣﻬﺎ ﺍﻟﻚ
.. ﻋﻴﺐ ﺗﺘﻬﻤﻴﻦ ﺑﻨﺎﺕ ﺍﻟﻨﺎﺱ ﻣﺎﺑﻴﻨﺖ ﻫﺎﻟﺸﻲ ﺍﺗﺼﺎﻝ ﻋﺎﺩﻱ
.. ﺑﻨﺎﺕ ﺍﻟﻨﺎﺱ ﻣﻮ ﺍﻧﻪ ﮔﺎﻳﻠﺘﻠﻬﻦ ﺍﺗﺼﻠﻦ ﺑﻮﻟﺪ ﺍﻟﻨﺎﺱ ﻟﻮ ﻳﺴﺘﺤﻦ ﻣﺎﺣﻄﺖ ﺭﻭﺣﻬﺎ ﺑﻬﻴﺞ ﻣﻮﻗﻒ ﺭﺟﺎﻝ ﻣﺘﺰﻭﺝ ﺗﺨﺎﺑﺮﻙ ﺳﺎﻋﻪ ﺷﻜﻮﻭ ﺷﺘﺤﺠﻲ ﺍﺭﻳﺪ ﺍﻓﻬﻢ
.. ﺍﻭﻭﻭﻫﻮﻭﻭ ﻳﺎﻃﻼﺑﺔ ﺍﻟﻄﻼﺑﻪ ﺷﻠﻮﻥ ﺑﻴﺞ ﻛﺎﻓﻲ ﻏﻴﺮﻩ ﺍﻋﻘﻠﻲ
.. ﻫﺴﻪ ﺍﻧﻪ ﺻﺮﺕ ﻣﺨﺒﻠﻪ ﻭﺭﺍﻳﺪﻧﻲ ﺍﻋﻘﻞ ﻋﺎﺩﻱ ﻳﻌﻨﻲ ﺑﻨﺎﺕ ﺍﻟﻨﺎﺱ ﺗﺨﺎﺑﺮ ﺯﻣﻴﻞ ﺍﻟﻬﺎ ﺑﺲ ﺍﻧﻪ ﻣﻦ ﺧﺎﺑﺮﺕ ﺍﺑﻦ ﻋﻤﻲ ﮔﻠﺒﺖ ﺍﻟﺪﻧﻴﺎ ﻋﻠﻴﻪ ﺍﻧﺖ ﺣﻼﻝ ﻭﻏﻴﺮﻙ ﺣﺮﺍﻡ
.. ﺍﻧﭽﺒﻲ ﻻﺍﻃﻮﻟﻴﻦ ﺍﻟﺴﺎﻧﺞ ﻫﺎﻱ ﻭﺣﺪ ﻭﺫﻳﺞ ﻭﺣﺪ
.. ﻻ ﻣﻮ ﻭﺣﺪ ﺍﻧﺘﻢ ﺗﺤﻠﻠﻮﻥ ﻋﻠﻴﻜﻢ ﺗﺤﺮﻣﻮﻥ ﻉ ﻏﻴﺮﻛﻢ ﺍﺫﺍ ﻫﻴﺞ ﻋﺎﺩﻱ ﺍﻧﻲ ﻫﻢ ﻋﻨﺪﻱ ﻭﻟﺪ ﻋﻢ ﻭﺧﻮﺍﻝ ﺛﻜﺮﺍﻳﺐ ﺍﻛﺜﺮ ﻣﻦ ﺯﻣﻼﺀ ﺩﺭﺍﺳﻪ ﻭﺍﻧﻮﺏ ﻫﻢ ﺍﺣﺎﺟﻴﻬﻢ ﻣﻦ ﺗﻄﻠﻊ ﺍﻧﺖ ﻭﺗﻀﻮﺝ ﻭﺣﺪﻙ ﻭﻣﺎﺗﺤﺐ ﺍﺣﺪ ﻳﺴﻮﻟﻒ ﻭﻳﺎﻙ ﺑﻌﺪ ﻣﺎﻟﺢ ﻋﻠﻴﻚ ﻋﻠﻴﻤﻦ ﺍﻟﺼﺪﺍﻗﻪ ﻣﺴﻤﻮﺣﻪ
ﻛﺘﻠﺞ ﺍﻧﭽﺒﻲ ﻛﺎﻓﻲ ﻣﻠﺤﻪ ﻻﺗﺨﻠﻴﻨﻲ ﺍﻃﺤﻦ ﺗﻠﻴﻔﻮﻧﺞ ﻃﺤﻦ ﺣﺎﻃﻪ ﺭﻭﺣﺞ ﻭﻳﺎﻱ ﺍﻧﺘﻲ
.. ﻻ ﻣﻮ ﻭﻳﺎﻙ ﻭﻱ ﺑﻨﺖ ﺍﻟﻨﺎﺱ ﺍﻟﺪﺍﻓﻌﺘﻠﻬﺎ
.. ﻛﺎﻓﻲ ﻛﺘﻠﺞ ﻣﻮ ﺷﻔﺘﻴﻨﻲ ﻣﻜﺴﺮ ﻃﺎﻝ ﺍﻟﺴﺎﻧﺞ ﻻﺗﺨﺒﻠﻴﻨﻲ ﻋﻠﻴﺞ
ﻋﻔﺘﻪ ﻭﺭﺣﺖ ﺍﺣﺲ ﺑﮕﻠﺒﻲ ﻧﺎﺭ ﺑﺲ ﺣﺠﻴﺖ ﺍﻟﻲ ﺑﮕﻠﺒﻲ ﺍﻟﻐﻴﺮﻩ ﺫﺑﺤﺘﻨﻲ ﻳﻌﺎﻣﻠﻨﻲ ﺍﺑﺮﻭﺩ ﻭﻣﺎﻳﺮﺿﺎ ﻋﻠﻴﻬﺎ ﻭﺍﻧﻪ ﻛﻞ ﻫﺬﺍ ﻭﺍﺻﻴﺮ ﺍﺗﺒﻠﻪ ﻉ ﺑﻨﺎﺕ ﺍﻟﻨﺎﺱ ﻣﻮ ﻣﻦ ﺣﻘﻲ ﺍﻏﺎﺭ ﻟﻮ ﺍﺷﻜﻲ ﻻ ﻻﺯﻡ ﺍﻧﺠﺐ ﻭﺍﺳﻜﺖ
ﻣﺎﻛﺪﺭﺕ ﺍﻃﻮﻭﻝ ﺑﻮﺣﺪﻱ ﺭﺣﺖ ﻟﻠﻐﺮﻓﻪ ﺑﺲ ﺑﻌﻴﺪ ﻋﻨﻪ ﺍﺷﻮﻓﻪ ﺷﻴﺤﺘﺎﺝ
ﺷﺎﻣﺮ ﻛﻞ ﺍﻟﻐﺮﺍﺽ ﺍﻟﻴﻤﻪ ﺑﺎﻟﻜﺎﻉ
ﺳﻮﻳﺖ ﻧﻔﺴﻲ ﻣﺎﻣﻬﺘﻤﻪ ﻭﻟﻤﻴﺘﻬﻦ ﻭﺭﺗﺒﺖ ﺍﻟﻐﺮﻓﻪ
ﻭﻫﻮ ﻏﻤﺾ ﻋﻴﻮﻧﻪ ﺗﻈﺎﻫﺮ ﺑﺎﻟﻨﻮﻡ ﺍﺩﺭﻱ ﺑﻲ ﻟﻮ ﻣﺎﻣﺮﻳﺾ ﺟﺎﻥ ﻃﻠﻊ
ﺻﺒﻴﺘﻠﻪ ﻏﺪﻩ
ﮔﺎﻝ
.. ﺷﻴﻠﻲ
.. ﺑﺎﻭﻋﺘﻠﻪ ﺻﺎﻳﺮ ﻧﺎﺭ .. ﺍﺭﻳﺪ ﺍﻛﻞ
.. ﻛﻮﻣﻲ ﺍﻛﻠﻲ ﻭﺣﺪﺝ
.. ﻫﺎﻱ ﻏﺮﻓﺘﻲ ﻭﻣﺎﺍﻃﻠﻊ ﻣﻨﻬﺎ
.. ﻭﻣﻦ . ﺍﺷﻮﻛﺖ ﺗﺎﻛﻠﻴﻦ ﺑﻴﻬﺎ ﻏﺮﻓﺘﺞ ﻛﻮﻣﻲ ﻃﻠﻌﻲ ﻭﺷﻴﻠﻲ ﻫﺎﻱ ﻭﻳﺎﺝ
ﺍﺷﺮ ﻉ ﺍﻟﺼﻴﻨﻴﻪ
.. ﻣﺎﺍﻃﻠﻊ ﻣﻦ ﻣﻜﺎﻧﻲ
.. ﺩﻓﻊ ﺷﻜﻮ ﺷﻲ ﻳﻤﻪ ﻟﻠﻜﺎﻉ ﻓﺰﺯﻧﻲ ﺻﻮﺕ ﺍﻟﮕﺰﺍﺯ
.. ﻣﺎﺍﺫﻟﻌﻴﻦ ﻭﺗﻌﺎﻧﺪﻳﻦ ﺗﺪﺭﻳﻦ ﺑﻴﻪ ﻣﻜﺴﺮ ﻭﺍﻇﻞ ﻏﺼﺐ ﻋﻨﻲ ﻳﻤﭻ ﻭﺗﺪﺭﻳﻦ ﺑﻴﻪ ﻣﻦ ﺍﺗﻌﺼﺐ ﺍﻇﻞ ﻭﺣﺪﻱ ﻧﺎﻭﻳﻪ ﺗﺤﺮﮔﻴﻦ ﺍﻋﺼﺎﺑﻲ ﺍﻧﺘﻲ ﻓﻮﮒ ﻣﺎﻫﻲ ﻣﺤﺘﺮﮔﻪ ﺯﻋﻄﻮﻃﻪ ﻋﻘﻞ ﻣﺎﻛﻮ ﻭﺭﻋﻨﻪ ﺍﻓﻬﻤﺞ ﺍﺭﻳﺪ ﻣﺎﺗﻔﺘﻬﻤﻴﻦ ﺷﺴﻮﻳﻠﺞ
ﻫﻴﺞ ﻣﻴﻠﻲ ﻋﻨﻲ ﺧﻞ ﺍﻧﻪ ﺍﻭﻟﻲ ﺍﻃﻠﻊ
.. ﻭﻳﻦ ﺗﻄﻠﻊ ﺍﺑﻘﻰ ﺍﻧﻪ ﻃﺎﻟﻌﻪ
.. ﻣﻴﻠﻲ ﻫﻴﺞ ﻻﺍﺑﺘﻠﻲ ﺑﻴﺞ ﺍﻧﻪ ﻭﻳﻦ ﻭﺍﻧﺘﻲ ﻭﻳﻦ
.. ﺩﻭﻣﻚ ﺍﻧﺖ ﻣﺘﺤﻤﻞ ﻛﻠﺸﻲ ﻭﻣﻈﻠﻮﻡ ﻭﺍﻧﻪ ﺍﻃﻠﻊ ﻏﻠﻄﺎﻧﻪ ﻭﺟﺎﻫﻠﻪ ﻣﻨﻮ ﮔﻠﻚ ﺗﺘﺰﻭﺟﻠﻚ ﺟﺎﻫﻠﻪ ﺍﻧﻪ ﺟﺎﻫﻠﻪ ﻭﺍﺩﺭﻱ ﺑﺮﻭﺣﻲ ﺷﺠﺎﺑﺮﻙ ﻋﻠﻴﻪ
.. ﻭﻟﭻ ﻛﺎﻓﻲ ﺍﺳﻜﺘﻲ ﺍﻧﺘﻲ ﺍﺗﺨﺒﻠﺘﻲ ﺷﺒﻴﭻ
.. ﻫﻮ ﻣﻨﻮ ﺍﻟﻜﺒﺮ ﺍﻟﻤﻮﺿﻮﻉ ﺍﻧﻪ ﻟﻮ ﺍﻧﺖ
.. ﻻ ﺍﻟﻪ ﺍﻻ ﺍﻟﻠﻪ ﻭﺗﺎﻟﻲ ﺷﻠﻮﻥ
.. ﻇﻠﻴﺖ ﺍﺑﺎﻭﻋﻠﻪ ﻭﺩﻣﻮﻋﻲ ﺗﺠﻤﻌﺖ ﻭﻫﻮ ﺻﺎﻳﺮ ﻧﺎﺭ
ﻛﻮﻩ ﻳﺠﺮ ﺑﺮﻭﺣﻪ ﻳﺮﻳﺪ ﻳﻄﻠﻊ
.. ﺍﺑﻘﻰ ﺍﻧﺖ ﺍﻧﻪ ﻃﺎﻟﻌﻪ ﺍﻟﻠﻪ ﻳﺨﻠﺼﻚ ﻣﻨﻲ ﺍﻥ ﺷﺎﺀﺍﻟﻠﻪ ﻭﻳﺨﻠﺼﻨﻲ
.. ﻭﻟﭻ ﺷﺒﻴﺞ ﺍﻧﺘﻲ ﺷﻐﺎﺛﺞ ﻫﻮ ﺗﻠﻴﻔﻮﻥ ﻭﺳﻔﺘﻴﻨﻲ ﻻﺣﺠﺒﺖ ﺷﻲ ﻭﻻ ﻫﻲ ﺗﺠﺎﻭﺯﺕ ﺣﺪﻫﺎ ﺍﻧﺘﻲ ﻳﺼﻴﺮ ﺗﺮﺩﻳﻦ . ﺗﺨﺒﻠﻴﻨﻲ ﻧﺎﻗﺺ ﻣﺸﺎﻛﻞ ﺍﻧﻪ
.. ﻫﺬﺍ ﻫﻮﻭ ﻛﺎﻓﻲ
.. ﺑﻜﻴﻔﺞ ﺍﻧﻪ ﺗﺸﺮﻃﻴﻦ ﻋﻠﻴﻪ ﺳﺎﻋﻪ ﺗﺤﺠﻴﻦ ﺳﺎﻋﻪ ﻛﺎﻓﻲ
.. ﺷﻔﺘﻪ ﻭﮔﻒ ﻉ ﺣﻴﻠﻪ ﻭﻛﻮﻩ ﺳﻨﺪ ﺍﻳﺪﻩ
ﻫﺬﺍ ﻫﻮﻭ ﺑﺮﺍﺣﺘﻚ ﺍﻧﻪ ﺟﺎﻫﻠﻪ ﻭﺯﻋﻄﻮﻃﻪ ﻭﺍﻟﻠﻪ ﻳﺨﻠﺼﻚ ﻣﻨﻲ ﺍﻥ ﺷﺎﺀﺍﻟﻠﻪ ﻭﺟﻴﺒﻠﻚ ﻭﺣﺪﻩ ﻋﺎﻗﻠﻪ ﻭﻓﺎﻫﻤﻪ
.. ﻇﻠﻲ ﺍﻟﻐﻲ ﻻﺗﺴﻜﺘﻴﻦ
ﻃﻠﻌﺖ ﻣﻦ ﺍﻟﻐﺮﻓﻪ ﻭﻫﻮ ﻳﺼﻴﺢ ﻭﺭﺍﻱ
.. ﺗﻌﺎﻱ ﻭﻳﻨﺞ ﺗﻌﺎﻱ ﻫﻨﺎ ﺯﻳﻨﺐ
ﺭﺣﺖ ﺍﻟﻐﺮﻓﺔ ﻋﻤﺘﻲ ﻧﻤﺖ ﺑﻴﻬﺎ ﻭﺍﻧﻪ ﺍﺑﺠﻲ ﻭﺩﺍﻳﺮﻩ ﻭﺟﻬﻲ ﻉ ﺍﻟﺤﺎﻳﻂ
ﻣﺨﻨﻮﮔﻪ ﺣﻴﻞ ﻭﺩﻱ ﺍﺷﻮﻑ ﺍﻣﻲ ﺍﺧﻮﺍﺗﻲ ﺑﻴﺖ ﺍﻫﻠﻲ
ﻣﺸﺘﺎﻗﻪ ﺍﻟﺤﻴﺎﺗﻲ ﺍﻟﻘﺪﻳﻤﻪ ﻻ ﻣﺴﻮﻭﻟﻴﺔ ﻻﺗﻔﻜﻴﺮ ﻻﻭﺟﻊ ﻻﺛﮕﻞ
ﺻﺪﮒ ﺣﺠﻴﻪ ﺍﻧﻪ ﻃﻔﻠﻪ ﺷﻨﻮ ﺍﻟﺠﺒﺮﻧﻲ ﻉ ﺍﻟﺰﻭﺍﺝ ﺑﻬﺬﺍ ﺍﻟﻌﻤﺮ ﻛﻞ ﺣﺠﺎﻳﻪ ﺍﺣﺴﺒﻠﻬﺎ ﺣﺴﺎﺏ ﻳﻠﻠﻪ ﺍﺣﺠﻴﻬﺎ ﻛﻞ ﺗﺼﺮﻑ ﻣﻨﻲ ﺍﺩﺭﺳﻪ ﺯﻳﻦ ﻳﻠﻠﻪ ﺍﺗﺼﺮﻑ ﺣﺘﻰ ﻣﺎﻳﻜﻮﻟﻮﻥ ﻃﻔﻠﻪ ﺍﺣﺎﻭﻝ ﺍﺯﻳﺪ ﻣﻦ ﻃﺎﻗﺘﻲ ﺣﺘﻰ ﻣﺤﺪ ﻳﮕﻮﻝ ﺑﻌﺪﻫﻲ ﺟﺎﻫﻠﻪ ﺭﻏﻢ ﻫﺬﺍ ﺍﻟﺼﺢ ﺍﻧﻪ ﻫﻮﺍﻱ ﺍﻣﻮﺭ ﺍﺟﻬﻠﻬﺎ ﺑﺲ ﺟﺎﻱ ﺍﺗﻌﻠﻤﻬﺎ ﻭﺍﺟﺘﻬﺪ ﺑﻴﻬﺎ
ﺑﺲ ﺍﻟﺴﻮﻳﺘﻪ ﻣﻮ ﻏﻠﻂ ﺍﻛﻮ ﻭﺣﺪﻩ ﻣﺎﺗﻐﺎﺭ ﻋﻠﻰ ﺭﺟﻠﻬﺎ ﺷﻨﻲ ﺍﻟﻲ ﻣﻮﺍﺯﻱ ﻉ ﺍﻟﻤﺤﺎﺿﺮﺍﺕ ﺍﻻ ﻣﻨﻬﺎ ﺍﺩﺭﻱ ﻫﻲ ﺍﺗﺒﺮﻋﺖ ﻭﺳﺎﻋﺪﺕ ﺑﺲ ﻣﻮ ﻫﻴﺞ ﺗﻠﺢ
ﺣﺘﻰ ﻟﻮ ﻧﻴﺘﻬﺎ ﻃﻴﻴﺒﻪ ﻫﻮ ﻻﺯﻡ ﻳﻘﺪﺭ ﻣﺸﺎﻋﺮﻱ
ﺑﭽﻴﺖ ﻭﺑﭽﻴﺖ ﺍﺳﻤﻪ ﻳﺼﻴﺢ
.. ﻭﻳﻨﺞ ﺗﻌﺎﻱ ﻭﻳﻦ ﺭﺣﺘﻲ
ﺑﭽﻴﺖ ﺍﻛﺜﺰ ﻗﺮﺭﺕ ﻣﺎﺍﻃﻠﻊ ﻫﻮ ﻳﻜﺪﺭ ﻳﻌﺘﻤﺪ ﻉ ﺭﻭﺣﻪ ﺷﻮﻳﻪ ﺷﻮﻳﻪ
ﺗﺮﻛﺘﻪ ﻭﻇﻠﻴﺖ ﺍﺗﮕﻠﺐ ﺍﻟﻰ ﺍﻥ ﻧﻤﺖ
ﻓﺰﻳﺖ ﺍﻟﻌﺼﺮ ﻛﻠﺶ ﻫﻮ ﻣﺎﻛﻮ ﮔﻤﺖ ﻟﮕﻴﺘﻪ ﻃﺎﻟﻊ ﻣﻦ ﺍﻟﻐﺮﻓﻪ ﺑﺲ ﺑﻌﺪﻫﻲ ﺑﻬﻮﺳﺘﻬﺎ ﺭﺗﺒﺘﻬﺎ ﻭﺷﻠﺖ ﺍﻟﻜﺰﺍﺯ ﻛﻼﺹ ﻭﺩﻭﻟﻜﺔ ﻣﻲ ﺟﺎﻧﺖ ﻳﻤﻪ ﻉ ﺍﻟﻤﻴﺰ ﺍﺗﺬﻛﺮﺕ ﻣﻦ ﺷﻤﺮﻫﺎ
ﻃﻠﻌﺖ ﺍﺫﺏ ﺍﻟﺰﺑﻞ ﺳﻤﻌﺖ ﺻﻮﺕ ﻭﺳﺎﻡ ﻳﻤﻪ ﺧﻔﺖ ﺑﺲ ﻻﻳﺤﺎﺟﻲ ﺷﻮﻳﻪ ﻭﺻﺎﺣﻨﻲ ﺣﺎﺟﺎﻧﻲ ﻋﺎﺩﻱ ﻛﺪﺍﻣﻪ ﻛﺎﻝ
.. ﻣﺎﻛﻌﺪﻧﺎﺝ ﻛﺘﻠﻪ ﺗﻌﺒﺎﻧﻪ ﺳﻮﻳﻠﻨﻪ ﺟﺎﻱ ﻭﺣﻀﺮﻱ ﺭﻭﺣﺞ ﺣﺘﻰ ﺗﺮﺣﻴﻦ ﻭﻳﺎﻩ
ﻓﺘﺤﺖ ﻋﻴﻮﻧﻲ ﻉ ﻭﺳﻌﻬﻦ
ﺩﺍﺭ ﻉ ﻭﺳﺎﻡ ﺗﻌﺒﺎﻧﻪ ﻭﺭﺍﻳﺪﻟﻬﺎ ﺗﺮﺗﺎﺡ ﻳﻮﻣﻴﻦ ﺗﻼﺛﻪ ﺗﺤﺲ ﺭﻭﺣﻬﺎ ﻣﻜﺘﻔﻴﻪ ﺗﺠﻲ
ﻭﺳﺎﻡ ﻛﻠﻪ
.. ﻣﻮ ﻭﻛﺘﻬﺎ ﺗﻌﻮﻓﻚ ﻫﺴﻪ ﺧﻠﻲ ﺍﻃﻴﺐ ﺍﻧﺖ ﻭﻋﻮﺩ ﺗﺮﺗﺎﺡ ﺑﻌﺪﻳﻦ ﺑﺲ ﻫﺴﻪ ﻣﺤﺘﺎﺟﻬﺎ ﺍﻧﺖ
.. ﻻ ﺧﻠﻴﻬﺎ ﻫﻲ ﺗﻌﺒﺎﻧﻪ ﻭﻣﺸﺘﺎﻗﻪ ﺍﻟﻜﻢ ﺻﺎﺭ ﺍﺷﻬﺮ ﻣﺎﺭﺍﻳﺤﻪ ﻣﻦ ﺫﻳﺞ ﺍﻟﺴﺎﻟﻔﻪ ﺣﺎﻭﻟﻮ ﺗﺼﻠﺤﻮﻥ ﺍﻻﻣﻮﺭ ﺣﺘﻰ ﻫﻲ ﺗﺮﺗﺎﺡ
.. ﺳﻬﻠﻪ ﺧﻞ ﺗﺠﻲ ﻫﻲ ﻛﻠﺸﻲ ﻳﺘﺼﻠﺢ ﻭﻇﻠﺖ ﺑﻜﻴﻔﻬﺎ ﺷﺘﺮﻳﺪ ﻣﺤﺪ ﻳﺠﺒﺮﻫﺎ ﻋﺴﻪ ﺍﺑﻮﻱ ﻳﻔﺮﺡ ﺑﺠﻴﺘﻬﺎ
ﺑﺎﻭﻋﻠﻲ ﻭﺳﺎﻡ ﻳﻠﻠﻪ ﺣﺒﻴﺒﻪ ﺍﺳﺘﻌﺠﻠﻲ ﺭﺍﺡ ﺗﻀﻠﻢ ﺍﻟﺪﻧﻴﺎ
ﺑﺎﻭﻋﺖ ﺍﻟﻤﺎﻫﺮ ﺑﻌﻴﻮﻧﻲ ﺍﺳﺄﻟﻪ ﺍﺗﺠﺎﻫﻞ ﻧﻈﺮﺍﺗﻲ ﻭﺭﺟﻊ ﻳﺴﻮﻟﻒ ﻭﻱ ﻭﺳﺎﻡ
ﺑﻌﺪ ﻣﺎﺑﻴﻬﺎ ﻣﺠﺎﻝ ﺍﻋﻮﻓﻪ ﻭﺍﺭﻭﺡ ﺷﻨﻮ ﻋﻮﺩ ﻛﺎﺳﺮ ﻋﻴﻨﻲ ﺑﺰﻋﻠﺘﻲ ﻭﻱ ﻣﺮﻳﻢ ﻋﺒﺎﻟﻪ ﻣﺎﺍﻭﺻﻞ ﺍﻫﻠﻲ ﻃﻮﻝ ﻋﻤﺮﻱ ﻭﻛﺎﺳﺮ ﻋﻴﻨﻲ ﺑﻴﻬﻢ
ﺣﺘﻰ ﺟﺎﻱ ﻣﺎﺳﻮﻳﺖ ﺭﺣﺖ ﻟﻤﻴﺖ ﺍﻟﻲ ﻣﻼﺑﺲ ﺑﺠﻨﻄﻪ ﺯﻏﻴﺮﻩ
ﻭﻟﺒﺴﺖ ﻋﺒﺎﺗﻲ ﻭﺭﺣﺖ
.. ﺟﻬﺰﺕ ﻭﺳﺎﻡ ﻳﻠﻠﻪ ﺧﻞ ﻧﺮﻭﺡ
.. ﻳﻠﻠﻪ ﻧﺮﻭﺡ .. ﻣﺎﻫﺮ ﺍﻧﺖ ﻳﺎﻫﻮ ﻳﻤﻚ ﺍﻟﻠﻴﻠﻪ
.. ﺍﻫﻠﻲ ﺟﺎﻳﻴﻦ ﺑﺎﻟﺪﺭﺏ ﻭﺍﻧﻪ ﻫﻢ ﺍﺧﻠﻲ ﺣﺴﻴﻦ ﻳﺒﺎﺕ ﻳﻤﻲ ﺍﺭﻳﺪﻩ ﺑﺸﻐﻠﻪ ﻭﻫﻢ ﻧﺘﻮﻧﺲ
ﻃﻠﻊ ﻭﺳﺎﻡ ﮔﺒﻠﻲ ﻃﻠﻌﺖ ﻭﺭﺍﻩ ﺻﻮﺕ ﻣﺎﻫﺮ ﺻﺎﺣﻨﻲ
.. ﺯﻳﻨﺐ ﺭﻭﺣﻲ ﺷﻜﻢ ﻳﻮﻡ ﺍﺭﺗﺎﺣﻲ ﻏﻴﺮﻱ ﻣﻦ ﻧﻔﺴﻴﺘﺞ ﺷﻮﻓﻲ ﺍﻫﻠﺞ ﻳﻤﻜﻦ ﺗﺮﺗﺎﺣﻴﻦ ﻭﻳﻘﻞ ﺍﻟﻀﻐﻂ ﻋﻠﻴﺞ ﺗﺮﻯ ﺷﻜﻮﻛﺞ ﺻﺎﻳﺮﻩ ﻣﻮ ﻃﺒﻴﻌﻴﻪ ﺍﻟﺤﺪ ﻫﺴﻪ ﺍﮔﻮﻝ ﺗﻔﺴﻴﺘﻬﺎ ﺗﻌﺒﺎﻧﻪ ﻭﺍﻛﻮ ﺿﻐﻂ ﻋﻠﻴﻬﺎ ﻭﻣﺎﺟﺎﻱ ﺗﻔﺴﺮ ﺻﺢ
ﺍﻧﻪ ﻻ ﻣﻦ ﻫﺎﻱ ﺍﻟﺸﺒﺎﺏ ﺍﻟﻲ ﺗﺸﻮﻓﻴﻨﻲ ﻓﺎﺭﻍ ﺍﻟﻬﺎﻟﺴﻮﺍﻟﻒ ﻭﻻ ﺍﻧﻪ ﺍﻟﺨﻔﻴﻒ ﺍﻻﻟﺤﻚ ﻫﻠﻲ ﻭﺫﻳﺞ
ﻻﻋﺒﺎﻟﺞ ﺑﺲ ﺍﻻﺗﺼﺎﻝ ﺷﻔﺘﻲ ﻭﺣﺠﻴﺘﻲ ﺗﺮﻯ ﻫﺎﻟﺴﻮﺍﻟﻒ ﺍﺑﺎﻟﺞ ﻣﻦ ﻛﺒﻞ ﺍﻻﺗﺼﺎﻝ ﻭﺍﺩﺭﻱ ﺑﻴﺞ ﺗﺮﺍﻗﺒﻴﻦ ﺗﻠﻴﻔﻮﻧﻲ ﻭﺍﺩﻭﺭﻳﻦ ﻭﺳﺎﻛﺖ ﻭﺟﻨﺖ ﺍﻛﻮﻝ ﺗﺸﻮﻓﻨﻲ ﻭﺗﺄﻣﻦ ﺑﻌﺪ ﺑﺲ ﻛﻞ ﻣﺎﺍﻟﺞ ﺗﺘﺨﺒﻠﻴﻦ ﻋﻘﻠﻲ ﮔﺎﻳﻠﺞ ﺍﻧﻪ ﺑﺲ ﻭﻳﺎﺝ ﺍﺭﺗﺎﺡ ﻟﻴﺶ ﺣﺘﻰ ﻫﺎﻱ ﺍﺳﺘﺼﻌﺒﺘﻴﻬﺎ ﻋﻠﻴﻪ
ﺍﻧﺖ ﺗﺘﺤﺠﺞ ﻭﺍﻟﺪﻟﻴﻞ ﻭﺩﻳﺘﻨﻲ ﺣﺘﻰ ﺗﺎﺧﺬ ﺭﺍﺣﺘﻚ ﺍﺧﺬ ﺭﺍﺣﺘﻚ ﺷﮕﺪ ﻣﺎﺗﺮﻳﺪ ﺑﻌﺪ ﻣﺎﺗﻬﻤﻨﻲ ﺍﺗﻪ ﺍﺑﻴﺖ ﺍﻫﻠﻲ ﻭﺟﻴﻪ ﻟﻬﻨﺎ ﺑﻌﺪ ﻣﺎﺍﺟﻲ ﺍﻧﺖ ﻃﻠﻌﺘﻨﻲ ﺑﺪﻭﻥ ﺳﺒﺐ ﻭﺑﻴﺖ ﺍﻫﻠﻲ ﻣﺎﻳﺘﻌﺬﺭﻧﻲ ﻋﻮﺩ ﻳﺼﻴﺮﻭﻥ ﺟﻬﺎﻟﻚ ﻭﺗﻌﺎﻝ ﺷﻮﻓﻬﻢ ﺍﺧﺬﻫﻢ ﺑﻜﻴﻔﻚ
.. ﻟﻴﺶ ﺗﺨﻠﻴﻨﻲ ﺍﻏﻠﻂ ﺷﻮﻓﻲ ﺣﺠﻴﺞ ﻭﺣﭽﻴﻲ ﻭﻣﻴﺰﻱ ﻛﻼﻣﺞ ﻭﻛﻼﻣﻲ ﻭﺭﺍﺡ ﺗﺸﻮﻓﻴﻦ ﻣﻨﻮ ﺍﻟﻐﻠﻄﺎﻥ ﺗﻠﻮﻣﻴﻨﻲ ﻣﻦ ﺍﻛﻮﻝ ﺟﺎﻫﻠﻪ
ﻃﻠﻌﺖ ﻭﺍﻧﻪ ﻫﺎﻟﻤﺮﻩ ﻣﺘﺤﻠﻔﻪ ﻣﺎﺍﺭﺟﻌﻠﻪ ﻭﻻﺍﻛﻮﻝ ﻭﺩﻭﻧﻲ ﻭﺍﺣﺠﻲ ﺍﻻﻫﻠﻲ ﺳﺒﺐ ﺟﻴﺘﻲ ﻭﻟﻴﺶ ﻣﺎﻫﺮ ﺧﺎﺑﺮ ﻭﺳﺎﻡ
ﺣﺘﻰ ﻳﺎﺧﺬﻧﻲ
ﺭﺣﺖ ﻟﻠﺒﻴﺖ ﻭﺟﻨﺖ ﻣﺘﺨﻮﻓﻪ ﺍﺷﻮﻑ ﻣﺮﻳﻢ . ﻭﻫﻢ ﻗﺮﺭﺕ ﺍﺷﻮﻓﻬﺎ ﺍﺗﺠﺎﻫﻠﻬﺎ ﺍﻛﻴﺪ ﺭﺍﺡ ﺗﺸﻤﺖ ﺑﻴﻪ ﻫﻲ ﻭﻣﺮﺕ ﺣﺴﺎﻡ
ﺍﺣﺲ ﺍﻋﺼﺎﺑﻲ ﺗﻠﻔﺖ ﻭﺍﻟﺘﻘﻠﺼﺎﺕ ﺫﺑﺤﺘﻨﻲ
ﺩﺧﻠﺖ ﻭﺳﻠﻤﺖ ﻋﻠﻴﻬﻢ ﺍﺳﺘﻐﺮﺑﻮ ﺟﻴﺘﻲ ﻭﺳﺎﻡ ﻛﻠﻬﻢ ﻣﺎﻫﺮ ﻳﻜﻮﻝ ﺗﻌﺒﺖ ﻭﻻﺯﻣﻬﺎ ﺭﺍﺣﻪ ﻭﻣﺸﺘﺎﻗﺘﻠﻜﻢ ﻭﺗﺮﻳﺪ ﺗﺸﻮﻓﻜﻢ ﻭﻫﻤﻪ ﻣﺎﺻﺪﻛﻮ ﻳﺤﻤﺪﻭﻥ ﺑﺎﺧﻼﻗﻪ ﻭﺫﻳﺒﺘﻪ ﻭﻳﺘﺸﻜﺮﻭﻧﻪ ﻭﻳﻮﺻﻮﻧﻲ ﻉ ﺣﻤﻠﻲ ﺍﻟﺨﺎﻃﺮﻩ ﻣﺎﺟﻨﻬﻢ ﺟﻬﺎﻟﻲ ﻭﺍﻧﻲ ﺍﻣﻬﻢ ﻭﺍﺧﺎﻑ ﻋﻠﻴﻬﻢ ﻭﻉ ﺻﺤﺘﻲ ﺍﻧﻘﻬﺮﺕ ﺍﺯﻳﺪ ﻣﻦ ﻗﻬﺮﻱ ﻟﻮ ﺗﺪﺭﻭﻥ
ﺍﺟﻴﺖ ﺍﺣﺠﻲ ﺷﻨﻮ ﺍﻟﺴﺒﺐ ﺍﻟﺨﻼﻩ ﻳﺤﺠﻲ ﻭﻱ ﻭﺳﺎﻡ ﻭﻳﺨﺎﺑﺮﻩ ﺣﺘﻰ ﻳﺎﺧﺬﻧﻲ ﺍﺟﻦ ﻣﺮﺕ ﺣﺴﺎﻡ ﻭﻣﺮﻳﻢ ﻭﻭﺭﺍﻫﻦ ﻭﺳﺎﻡ ﻳﺮﺩﻥ ﻳﻌﺘﺬﺭﻥ ﻣﻨﻲ ﺍﺷﺮﺕ ﺍﻟﻬﻢ ﺟﻨﺖ ﻣﻘﻬﻮﺭﻩ ﻭﺫﺑﻴﺖ ﻗﻬﺮﺗﻲ ﺑﻴﻬﻦ
.. ﺍﻋﺘﺬﺍﺭﺟﻦ ﻭﺍﺻﻞ ﻭﻫﺬﺍ ﺣﺪﺟﻦ ﻣﺎﻛﻮ ﺷﻲ ﺑﻴﻨﻲ ﻭﺑﻴﻨﺠﻦ ﻫﺬﺍ ﻫﻮﻭ ﻻﺍﺣﺎﺟﻴﺠﻦ ﻭﻻﺗﺤﺎﺟﻨﻲ
ﺣﺴﺎﻡ ﺣﺠﻪ ﻭﺍﺷﺮﻟﻪ ﺍﺑﻮﻱ ﻋﻮﻓﻬﺎ ﻭﻛﻠﻬﻦ ﺭﻭﺣﻦ
ﺍﻧﺘﺒﻬﺖ ﺍﻻﻳﺪﻱ ﺗﺮﺟﻒ ﻭﺩﻣﻮﻋﻲ ﻧﺰﻟﺖ
ﺣﺎﻭﻟﻮ ﺍﻫﻠﻲ ﻳﻐﻴﺮﻭﻥ ﺍﻟﻤﻮﺿﻮﻉ ﻣﺎﺭﺍﺩﻭ ﻳﻄﻮﻟﻮﻥ ﺑﻲ
ﺍﺑﻮﻱ ﺳﺄﻝ ﻭﺳﺎﻡ
ﺍﻧﺖ ﻛﻠﺖ ﺍﻟﻤﺎﻫﺮ ﺍﺑﻮﻱ ﻳﺮﻳﺪ ﻳﺸﻮﻓﻬﺎ
ﺍﺟﻴﺖ ﺍﺣﺎﺟﻲ ﻭﺍﻛﻠﻪ ﻏﻴﺮ ﺗﻮﻩ ﺷﺮﺣﻠﻚ ﺍﻟﺴﺒﺐ ﻭﺍﻟﺼﺢ ﻣﻮ ﻭﺳﺎﻡ ﺣﺎﺟﺎﻩ ﻫﻮ ﺧﺎﺑﺮﻩ ﻋﻠﻤﻮﺩ ﺑﻨﺖ ﺍﻟﻨﺎﺱ ﺍﻟﻤﺤﺘﺮﻣﻪ ﺑﺲ ﻣﺸﻜﻠﺘﻲ ﺍﺧﺠﻞ ﻣﻦ ﺍﺑﻮﻱ
ﻓﺎﺟﺄﻧﻲ ﺟﻮﺍﺏ ﻭﺳﺎﻡ
.. ﺍﻱ ﻳﺎﺑﻪ ﻛﺘﻠﻪ ﺍﺑﻮﻱ ﻳﻜﻮﻝ ﺧﻞ ﻳﻘﻨﻌﻬﺎ ﻭﻳﺤﺎﻭﻝ ﻳﺮﺿﻴﻬﺎ ﻭﻳﻠﻴﻴﻦ ﮔﻠﺒﻬﺎ ﻋﻠﻴﻨﻪ ﻭﻣﻦ ﺍﻃﻴﺐ ﺍﻧﺖ ﺗﺠﻲ ﻭﻃﻠﻌﺖ ﺻﺪﻓﻪ ﻫﻲ ﺗﻌﺒﺎﻧﻪ ﻭﻛﺎﻳﻠﻬﺎ ﺭﻭﺣﻲ ﺍﻻﻫﻠﺞ ﺷﻮﻓﻴﻬﻢ ﻭﺍﺭﺗﺎﺣﻲ
.. ﺍﻟﺤﻤﺪﻟﻠﻪ .. ﻛﺎﻟﻬﺎ ﺍﺑﻮﻱ ﻭﺩﺍﺭ ﻋﻠﻴﻪ
ﻳﺎﺑﻪ ﺍﻟﺒﻴﺖ ﺑﻴﺘﺞ ﺗﺰﻋﻠﻴﻦ ﻣﻦ ﺫﻧﻲ ﺍﻟﻤﺎﻳﺴﻮﻥ ﺗﮕﻄﻌﻴﻦ ﻭﻱ ﺍﺑﻮﺝ ﻭﺍﻣﺞ ﮔﻠﺒﻨﻪ ﻣﺸﻠﻮﻉ ﻋﻠﻴﺞ . ﻭﺍﻧﺘﻲ ﺑﻌﻴﺪﻩ ﻭﺯﻟﻤﺘﺞ ﻓﺎﻫﻤﻨﻪ ﻭﻋﺎﺫﺭﻧﻪ ﻭﺍﻧﺘﻲ ﺗﺘﻌﺰﺯﻳﻦ ﻋﻠﻴﻨﻪ ﻳﻮﻣﻴﻪ ﺍﺭﻳﺪ ﺍﺟﻴﺞ ﺍﺧﺬﺝ ﺑﺲ ﻭﺿﻊ ﻣﺎﻫﺮ ﻣﺎﻳﺴﻤﺢ ﻳﺤﺘﺎﺟﺞ ﻭﺭﺩﺗﻪ ﻳﻘﻨﻌﺞ ﻟﻸﻳﺎﻡ ﺍﻟﺘﺠﻲ ﺑﺲ ﺧﻠﻒ ﺍﻟﻠﻪ ﻋﻠﻴﻪ ﻭﺩﺍﺝ ﺍﻟﻴﻮﻡ ﻻﺗﺒﻄﻴﻦ ﺍﺭﺗﺎﺣﻲ ﻳﻮﻡ ﻭﺭﻭﺣﻲ ﺑﺎﺟﺮ ﺍﻟﺮﺟﺎﻝ ﻣﺎﻳﻠﮕﻪ ﺭﺍﺣﺘﻪ ﺑﺲ ﻳﻢ ﻣﺮﺗﻪ
ﻋﺎﻓﻨﻲ ﻭﻃﻠﻊ ﺷﻠﻮﻥ ﺣﺮﺟﻨﻲ ﻭﺍﻧﻪ ﻧﺎﻭﻳﻪ ﺍﺗﻮﺑﻪ ﻫﻮ ﻃﺮﺩﻧﻲ ﻣﻮ ﻭﺩﺍﻧﻲ ﺍﺷﻮﻓﻜﻢ ﻟﻜﺎﻫﺎ ﺣﺠﻪ ﻋﻠﻴﻪ
ﺍﺻﻼ ﻟﻮ ﺑﻴﺪﻱ ﻣﺎﺍﺭﺟﻊ
ﺻﺎﺭ ﺍﻟﻠﻴﻞ ﻭﻇﻠﻴﺖ ﺍﺗﮕﻠﺐ ﻣﻦ ﻫﺴﻪ ﺍﺷﺘﺎﻗﻴﺘﻠﻪ ﻣﺎﺍﺭﺟﻊ ﻭﺍﻃﻠﻚ ﻭﺍﻟﻠﻪ ﺧﻮﺵ ﻭﻗﺎﻭﻣﺖ ﺍﺫﺍ ﻫﺴﻪ ﻭﻣﺤﺘﺎﺭﻩ ﻣﻨﻮ ﻏﻄﺎﻩ ﻣﻨﻮ ﺩﻫﻨﻠﻪ ﻣﺘﻨﻪ
ﻇﻠﻴﺖ ﺍﺗﮕﻠﺐ ﻋﻴﻮﻧﻲ ﻣﻘﺎﻭﻣﻪ ﻭﺍﻧﻪ ﺍﺭﻳﺪ ﺍﻧﺎﻡ ﺍﺟﺘﻨﻲ ﺭﺳﺎﻟﻪ
.. ﺳﻮﺍﺩﻳﻨﺞ ﺧﻔﺖ ﺯﺍﺩﺕ
ﻣﺨﺒﻠﻪ ﺗﻌﺮﻓﻴﻨﻲ ﺷﮕﺪ ﺍﺣﺒﺞ ﻟﻴﺶ ﺗﺸﻠﻌﻴﻦ ﮔﻠﺒﻲ ﻭﺍﻧﻪ ﺍﻋﺼﺎﺑﻲ ﻃﺎﻓﺮﻩ ﻣﻦ ﺍﻟﻜﻌﺪﻩ ﻭﻣﻴﺔ ﺣﺴﺒﻪ ﺍﺑﺎﻟﻲ
ﻣﻴﻴﺖ ﻉ ﻫﺎﻟﺴﻮﺍﻟﻒ ﺍﻧﻪ ﺷﺎﻳﻔﺘﻨﻲ ﻫﻴﺞ ﻓﺎﺭﻍ
ﺑﺲ ﺳﻴﻒ ﻭﻣﻮﺿﻮﻋﻪ ﺷﺎﻏﻞ ﺗﻠﺚ ﺍﺭﺑﺎﻉ ﺩﻣﺎﻏﻲ
ﻭﺭﺟﻠﻴﻨﻲ ﻭﺍﻳﺪﻱ ﻣﺮﺑﻄﺘﻨﻲ ﺗﺠﻴﻦ ﺗﺰﻳﺪﻳﻨﻬﺎ ﻋﻠﻴﻪ ﺍﻧﺘﻲ
.. ﺗﺎﻟﻴﺘﻲ ﻣﺨﺒﻠﻪ ﻣﻮﻭ
.. ﻋﻔﺘﻲ ﻫﺎﻱ ﺍﻟﺠﺮﻳﺪﻩ ﻛﻠﻬﺎ ﻭﺭﻛﺰﺗﻲ ﻉ ﻫﺎﻱ ﻟﻮ ﻣﺎﻣﺨﺒﻠﻪ ﻣﺎﻋﺠﺒﺘﺞ ﺑﺲ ﻫﺎﻱ ﻣﻦ ﺍﻟﻜﺘﺒﺘﻪ .. ﻣﺨﺒﻠﻪ ﻭﺍﺣﻠﻰ ﻧﺨﺒﻠﻪ ﺑﺤﻴﺎﺗﻲ ﻛﺎﻓﻲ ﺗﻔﻜﻴﺮ ﻭﺣﺮﻙ ﺍﻋﺼﺎﺏ ﺍﺭﺗﺎﺣﻲ ﻭﺷﻮﻓﻲ ﺍﻫﻠﺞ ﻭﺍﺷﺒﻌﻲ ﻣﻨﻬﻢ
.. ﺍﻱ ﺍﺷﺒﻊ ﻣﻨﻬﻢ ﻫﻮ ﺍﻧﻪ ﻣﻄﻮﻟﻪ ﻫﻨﺎ
.. ﺑﺮﺍﺣﺘﺞ
ﻧﻤﺖ ﻭﺍﺣﺲ ﺭﻭﺣﻲ ﻣﺮﺗﺎﺣﻪ ﻻﻥ ﺿﻮﺟﺘﻪ ﻣﺒﻴﻴﻦ ﻣﻦ ﺍﺧﺮ ﺭﺳﺎﻟﻪ ﺍﻟﻪ ﺑﺮﺍﺣﺘﺞ ﺣﺎﻑ ﻳﻌﻨﻲ ﺟﻮﺍﺑﻲ ﻏﺜﻪ
ﮔﻌﺪﺕ ﺛﺎﻧﻲ ﻳﻮﻡ ﻉ ﺻﻴﺎﺡ ﻭﻫﻮﺳﻪ
ﻭﺳﺎﻡ . ﻭﺍﺑﻮﻳﻪ ﻭﺍﻭﻝ ﻣﺮﻩ ﺍﺳﻤﻊ ﺻﻮﺕ ﻭﺳﺎﻡ . ﺑﺤﻀﻮﺭ ﺍﺑﻮﻱ ﻫﻴﺞ ﻳﻌﻠﻪ
.. ﻭﺳﺎﻡ ..
ﺑﻌﺪ ﻣﺎﺣﺎﺟﺎﻧﻲ ﻣﺎﻫﺮ ﺑﻔﺘﺮﻩ ﻭﺷﻔﺘﻬﺎ ﻫﻮﺍﻱ ﻏﺎﻣﻀﻪ ﻗﺮﺭﺕ ﺍﺳﻮﻱ ﺍﻟﻜﺎﻟﻪ
.. ﺧﺎﺑﺮﺗﻬﺎ ﻭﻫﺎﻟﻤﺮﻩ ﻣﺜﻞ ﻣﺎﻛﺎﻟﻲ ﺑﺪﻭﻥ ﻣﺎﺍﻃﻮﻝ ﮔﺘﻠﻬﺎ ﺍﺭﻳﺪ ﻫﺬﺍ ﺍﻟﺸﻬﺮ ﺍﺧﻄﺒﺞ
ﺧﺎﻓﺖ ﺣﻴﻞ ﻭﺍﺭﺗﺒﻜﺖ ﻣﻦ ﺟﻮﺍﺑﻬﺎ ﺩﺧﻞ ﺍﻟﺸﻚ . ﻭﺍﻟﺨﻮﻑ ﺍﻟﻜﻠﺒﻲ
.. ﻻ ﻭﺳﺎﻡ ﻣﻮ ﻫﻴﺞ ﺑﻌﺪ ﻣﺎﻣﺴﺘﻌﺪﻩ
.. ﻣﺎﻣﺴﺘﻌﺪﻩ ﺍﻟﺸﻨﻮﻭ ﺍﻟﺒﻨﺎﺕ ﻳﻜﻴﻔﻦ ﻣﻦ ﻭﺍﺣﺪ ﻳﺮﻳﺪﻫﻦ ﺻﺪﻙ ﺍﻧﺘﻲ ﺷﺒﻴﺞ ﻧﺎﺯﻩ
.. ﺍﻧﻲ ﻣﻮ ﻣﺜﻠﻬﻦ ﺍﺧﺘﻠﻒ
.. ﺷﻨﻲ ﺍﺧﺘﻼﻓﺞ ﺑﺎﻟﻠﻪ ﻣﺎﺗﻔﻬﻤﻴﻨﻲ ﺻﺎﺭ ﺍﺷﻬﺮ ﺍﻧﻪ ﻭﻳﺎﺝ ﻣﻮﻝ ﺣﻴﻪ ﻭﺩﺭﺝ ﺍﻛﻮﻝ ﻭﺻﻠﺘﻠﻬﺎ ﺍﻭﺻﻞ ﻣﺮﺣﻠﻪ ﻭﻳﺎﺝ ﺗﺮﺟﻌﻴﻦ . ﺗﻨﺰﻟﻴﻨﻲ ﺩﺭﺟﺎﺕ ﺷﺒﻴﺞ ﺷﻨﻲ ﺳﺎﻟﻔﺘﺞ
.. ﻣﺎﻛﻮ ﺳﺎﻟﻔﻪ ﻭﺍﻟﻠﻪ ﺑﺲ ﺍﺧﺎﻑ ﻣﻦ ﺍﻫﻠﻲ
.. ﻳﺎﺍﻫﻞ ﺫﻭﻟﻪ ﺧﻄﺒﻪ ﺍﻛﻠﺞ ﻛﺎﻳﻠﺞ ﺍﻧﻬﺒﺞ ﺍﻧﻪ ﺷﺒﻴﺞ ﻣﻮ ﺑﺲ ﺍﻧﺘﻲ ﺗﻔﻜﺮﻳﻦ ﺑﺎﻫﻠﺞ ﺍﻧﻪ ﻫﻢ ﻭﻣﺴﺘﻌﺪ ﺍﻟﻬﻢ ﻭﻣﺴﺘﻌﺪ ﺍﻭﺍﺟﻪ ﺑﺲ ﺍﺭﻳﺪ ﺍﻋﺮﻑ ﺍﻧﺘﻲ ﻟﻴﺶ ﺗﻤﺎﻧﻌﻴﻦ ﺷﻌﻨﺪﺝ
.. ﺍﻧﺖ ﺷﻮ ﻛﻞ ﺷﻮﻳﻪ ﻭﻛﺘﻠﻲ ﺷﻌﻨﺪﺝ ﺗﺸﻚ ﺑﻴﻪ ﺷﻨﻮﻭ
.. ﺑﺖ ﺍﻟﺤﻼﻝ ﺍﺷﻚ ﺑﻴﺞ ﺍﻛﻠﺞ ﺍﺧﻄﺒﺞ
ﺑﺎﻭﻋﻲ ﺍﻟﻴﻮﻡ ﺗﻔﻬﻤﻴﻨﻲ ﻛﻠﺸﻲ ﻣﺎﺗﻔﻬﻤﻴﻨﻲ ﺍﺟﻲ ﻟﻠﺸﺎﻳﺐ ﺍﻻﻧﺘﻲ ﺍﺑﻴﺘﻪ ﻭﺍﺳﺘﻔﺴﺮ ﻣﻨﻪ ﻭﺍﺭﻳﺢ ﺭﻭﺣﻲ ﻭﺍﺭﻳﺤﺞ
.. ﺍﻧﺖ ﺗﺮﻳﺪ ﺗﻔﻀﺤﻨﻲ
.. ﺍﻟﺮﺍﻳﺪ ﺧﻄﺒﻪ ﻳﻔﻀﺢ ﺍﻧﺘﻲ ﻛﻠﻴﻠﻲ ﺳﺎﻟﻔﺘﺞ ﻟﻴﺶ ﺗﺨﻠﻴﻨﻲ ﺑﺄﻣﻞ ﺍﻧﺘﻲ ﻣﺘﺰﻭﺟﺘﻪ ﻫﺬﺍ ﺍﻟﺸﺎﻳﺐ ﻛﻮﻟﻲ
.. ﻭﺍﻟﻠﻪ ﺍﻧﺖ ﻣﻮ ﺻﺎﺣﻲ ﺑﻌﺪ ﻻﺗﺤﺎﺟﻴﻨﻲ ﺍﺑﺪ
.. ﻣﺎﺍﺣﺎﺟﻴﺞ ﺑﺲ ﺍﺟﻴﺞ ﻭﻳﺼﻴﺮ ﺧﻴﺮ
ﺭﺣﺖ ﻟﻠﺸﺎﺭﻉ ﻗﺮﻳﺐ ﺍﻟﻬﻢ ﻭﺻﻠﺖ ﺍﺗﻌﺮﺿﻠﻲ ﻭﻟﺪ
.. ﺍﻧﺖ ﺷﻌﻨﺪﻙ ﻛﻞ ﻓﺘﺮﻩ ﻫﻨﺎ
.. ﺷﺎﺭﻉ ﺍﺑﻮﻙ ﻭﺍﻧﻪ ﻣﺎﺍﺩﺭﻱ ﻟﻮ ﺍﻧﻪ ﺗﻴﻬﺖ ﺩﺭﺑﻲ ﺍﻓﺘﺮﻳﺖ ﺑﻬﻮﻟﻜﻢ
.. ﺍﻧﺘﺒﻪ ﺍﻟﺮﻭﺣﻚ ﻭﻻﺗﺨﺮﺑﻂ ﺯﺍﻳﺪ
.. ﺍﻱ ﻭﻟﻮ ﻣﺎﺍﻧﺘﺒﻬﺖ
.. ﻣﺎﺗﺪﺭﻱ ﺷﻴﺼﻴﺮﻟﻚ ﺑﻌﺪ ﻋﻦ ﺍﻟﺤﺠﻲ ﻭﺑﻴﺘﻪ ﺍﻓﺘﻬﻤﺖ
ﺣﺠﺎﻳﻪ ﻣﻨﻪ ﻭﺣﺠﺎﻳﻪ ﻣﻨﻲ ﺗﻀﺎﺭﺑﻨﻪ
ﺭﺭﺟﻌﺖ ﻟﻠﺒﻴﺖ ﺍﻟﺼﺒﺢ ﺍﺗﻔﺎﺟﺎﺕ ﺑﻮﺟﻮﺩ ﺍﺑﻮﻱ ﻭﺍﻭﻝ ﻣﺎﺷﺎﻓﻨﻲ ﻫﺪ ﻋﻠﻴﻪ ﻳﺮﻳﺪ ﻳﻀﺔﻃﻜﻨﻲ ﻣﻦ ﺳﺎﻓﻨﻲ ﺍﺗﺮﺍﺟﻊ ﻭﻇﻞ ﻳﻐﻠﻂ ﻋﻠﻴﻪ ﻭﻉ ﺭﻭﺣﻪ ﻳﺤﺠﻲ ﺿﺠﺖ ﻣﻨﻪ ﻭﻋﻠﻴﻪ ﻣﺎﺍﻋﺮﻑ ﺷﻮﺍﺻﻠﻪ ﺑﺲ ﺍﻟﻔﻬﻤﺘﻪ ﻭﺍﺻﻠﻪ ﺷﻲ ﻣﻮ ﺯﻳﻦ ﻋﻨﻲ
ﻳﺘﺒﻊ
#روووعه
