#خيانة_زمن
بقلم نور الشمس
#بارت٣٥
ﺻﻴﺎﺡ ﺍﻟﺨﻴﺮﺍﺕ ﺣﺒﺎﻳﺐ
ﺑﺎﺭﺕ ﺣﺴﺐ ﺍﻟﻄﻠﺐ ﻧﺺ ﺑﺎﺭﺕ ﻫﻮ ﻷﻥ ﻗﺼﻴﺮ 1640
ﻛﻠﻤﻪ ﻫﺬﺍ ﺍﻟﻜﺪﺭﺕ ﺍﻛﺘﺒﻪ ﺑﺎﺟﺮ ﺍﻛﻤﻠﻪ ﺍﻟﻜﻢ
ﺍﻥ ﺷﺎﺀﺍﻟﻠﻪ
………… ..
ﺳﺮﻭﺭ …
ﺍﺗﻔﺎﺟﺄﺕ ﺳﺎﻛﺖ ﻭﻣﺎﺑﺮﺭ ﻣﻮﻗﻒ ﺍﻫﻠﻪ ﻃﻮﻝ ﻭﻫﻮ ﺻﺎﻓﻦ ﻋﻠﻴﻪ ﺯﺍﺩﺕ ﺍﻟﻌﺒﺮﺍﺕ ﺑﺼﺪﺭﻱ ﻭﻧﺰﻟﺖ ﺩﻣﻮﻋﻲ ﺑﻐﺰﺍﺭﻩ ﺍﻛﺜﺮ
ﺍﺗﻘﺪﻡ ﻋﻠﻴﻪ ﺭﻓﻊ ﺭﺍﺳﻲ ﻭﻣﺴﺢ ﺩﻣﻮﻋﻲ ﺑﺄﻳﺪﻩ
.. ﻛﺎﻓﻲ ﺗﺒﭽﻴﻦ ﺧﻞ ﺍﻓﻬﻢ ﺍﻫﺪﻱ ﻭﺧﻠﻴﻨﻪ ﻧﺴﻮﻟﻒ
ﺑﻨﺒﺮﺓ ﺻﻮﺗﻪ ﺍﻟﺘﻤﺴﺖ ﺍﻟﺤﻨﺎﻥ ﻧﺼﻴﺖ ﺭﺍﺳﻲ ﻣﻘﻬﻮﺭﻩ ﻭﺯﺍﺩﺕ ﺷﻬﮕﺎﺗﻲ
ﻳﺴﺮ ﻣﻦ ﺷﺎﻓﺘﻨﻲ ﻫﻴﺞ ﺯﺍﺩ ﺑﭽﻴﻬﺎ ﻧﺼﻪ ﻋﻠﻴﻬﺎ ﻭﺷﺎﻟﻬﺎ
.. ﺗﻌﺎﻱ ﺑﺎﺑﺎ ﻻﺗﺒﭽﻴﻦ ﺗﻌﺎﻱ ﻭﻳﺎﻱ ﺑﻴﻦ ﻣﺎﺗﻬﺪﺃ ﺍﻣﺞ ﻭﻧﺤﭽﻲ
ﺩﺭﺕ ﻋﻠﻴﻪ ﻫﻮ ﻳﺤﺎﺟﻴﻬﺎ ﻭﻳﺴﻤﻌﻨﻲ ﺟﺎﻭﺑﺘﻪ ﻭﻣﻘﺮﺭﻩ ﻻﺯﻡ ﺍﺧﺬ ﻣﻮﻗﻒ ﺍﺫﺍ ﻇﻠﻴﺖ ﻫﻴﺞ ﺍﻭﻝ ﻭﺣﺪﻩ ﺗﻀﺮﺭ ﺑﻨﺘﻲ
ﺟﺎﻭﺑﺘﻪ ﻭﺍﻧﻲ ﻣﻌﺼﺒﻪ ﻭﻣﻘﻬﻮﺭﻩ
.. ﻣﺎﺍﻫﺪﺃ ﺍﻟﻨﺎﺭ ﺍﻟﺒﻴﻪ ﻣﺎﺗﺨﻠﻴﻨﻲ ﺍﻫﺪﺃ ﻣﻮ ﺳﺎﻋﻪ ﻭﺑﺲ ﺳﻨﺔ ﻣﺎﺭﺍﺡ ﺗﻄﻔﻪ ﺍﻧﺖ ﻣﺎﺣﺎﺱ ﺑﻴﻪ ﺍﻧﻪ ﻟﻴﺶ ﻣﻦ ﺍﻟﺒﺪﺍﻳﻪ ﺭﺩﺕ ﺍﺑﻘﻰ ﺍﻟﺒﻨﺘﻲ ﻭﺑﺲ ﻣﺤﺪ ﺧﻼﻧﻲ ﻻ ﻣﻦ ﺟﻨﺖ ﻣﺠﺒﻮﺑﻪ ﻭﻛﺎﻋﺪﻩ ﻋﻠﻴﻬﺎ ﺧﻠﺼﺎﻧﻪ ﻭﻻﻫﺴﻪ ﺍﻟﺨﻠﺼﺖ ﻣﻦ ﺍﻟﻘﻬﺮ ﻭﺍﻟﻌﺎﺭ ﺍﻧﻮﺏ ﺍﻧﻲ ﺑﺘﻲ ﺑﻬﺬﺍ ﺍﻟﻌﻤﺮﺭ ﺗﺘﻌﻴﺮ ﻣﻦ ﻭﺭﺍﻱ ﻟﻮ ﻛﺒﺮﺕ ﻭﻫﻲ ﺗﺴﻤﻊ ﻫﺎﻟﺤﭽﻲ ﻋﻨﻲ ﺷﺘﮕﻮﻝ ﺷﺮﺍﺡ ﺗﺸﻮﻑ ﺍﻣﻬﺎ
ﻳﺴﺮ ﺑﺎﻳﺪﻩ ﺍﺷﺮﻟﻲ ﺑﺄﻳﺪﻩ ﺍﻟﺜﺎﻧﻴﻪ ﻳﺮﻳﺪﻧﻲ ﺍﻫﺪﺃ
.. ﺍﻭﮔﻔﻲ ﺧﻞ ﺍﻓﻬﻢ ﺍﻟﻤﻮﺿﻮﻉ .. ﻳﺎﻋﺎﺭ؟ ﺷﺒﻴﭻ ﺑﺲ ﻓﻬﻤﻴﻨﻲ ﺟﻬﺎﻝ ﻳﺘﻌﺎﺭﻛﻮﻥ ﻫﻢ ﻣﺨﻠﻴﻦ ﻋﻘﻠﻬﻢ ﻭﻱ ﺍﻟﺠﻬﺎﻝ ﺍﻧﺘﻲ ﻫﻢ ﺧﺎﻟﻪ ﻋﻘﻠﺞ ﻭﻳﺎﻫﻢ ﻫﺴﻪ ﺷﻮﻳﻪ ﻭﻳﻠﻌﺒﻮﻥ ﺳﻮﻩ ﻋﻴﺐ ﺗﺨﻠﻮﻥ ﻋﻘﻮﻟﻜﻢ ﻭﻳﺎﻫﻢ ﻫﺬﺍ ﺍﻟﺤﺠﻲ ﺣﺠﻴﺘﻪ ﺟﻮﻩ ﻭﻫﺴﻪ ﺍﺣﺠﻲ ﻭﻳﺎﺝ
ﮔﻠﺖ ﺑﮕﻠﺒﻲ ﻫﺬﺍ ﻣﺎﻓﻬﺎﻫﻢ ﺷﻲ
ﺟﺎﻭﺑﺘﻪ ﻣﻨﻔﻌﻠﻪ
.. ﺍﻧﻪ ﻛﻞ ﻫﺬﺍ ﻣﺎﻳﻬﻤﻨﻲ ﻭﺍﻟﻠﻪ ﻟﻮ ﺑﻨﺘﻲ ﻣﻔﺸﻮﺧﻪ ﻣﻦ ﺟﺎﻫﻞ ﻣﺎﺍﺣﭽﻲ ﻭﻻ ﺍﮔﻮﻝ ﺟﻬﺎﻝ ﺷﻌﻠﻴﻬﻢ ﻫﻲ ﻭﻭﻟﺪ ﺧﺎﻟﻬﺎ ﺳﺎﻋﻪ ﻳﺘﻤﺎﻟﺨﻮﻥ ﺳﺎﻋﻪ ﻳﺘﺼﺎﻟﺤﻮﻥ ﺍﺑﺪ ﻣﺎﻧﺘﺪﺧﻞ ﺟﻨﺖ ﺍﻧﻲ ﺍﻋﺎﻗﺒﻬﺎ ﻭﺷﻔﺘﻬﺎ ﺯﺍﺩﺕ ﻏﻴﺮﺕ ﺍﺳﻠﻮﺑﻲ ﻭﻳﺎﻫﺎ ﻭﺧﺎﻟﻬﺎ ﻭﻣﺮﺗﻪ ﻣﺎﻳﻘﺒﻠﻮﻥ ﺍﺣﺎﺟﻴﻬﺎ ﻟﻮ ﻧﺘﺪﺧﻞ ﺑﻴﻨﻬﻢ
ﺍﻧﻲ ﻉ ﺍﻟﺤﺠﻲ ﺍﻟﺼﺎﺭ ﺣﺴﻴﻦ ﺍﻧﻲ ﻣﺎﺍﺗﺤﻤﻞ ﻛﻞ ﻫﺬﺍ ﻣﺎﺍﺗﺤﻤﻞ ﺍﺳﻤﻊ ﺣﭽﻲ ﻭﺑﻨﺘﻲ ﻣﻮﺟﻮﺩﻩ ﻭﺗﻜﺒﺮ ﻋﻠﻲ ﻭﺗﺴﻤﻊ ﺍﻧﻲ ﻻﺯﻛﺘﻠﻚ ﺳﻨﻴﻦ ﻟﻤﻦ ﺍﺧﺬﺗﻚ ﻭﻧﺎﺳﻴﻪ ﺍﻧﻲ ﺍﺭﻣﻠﻪ ﻭﻟﺰﻛﺖ ﻧﻔﺴﻲ ﺍﻟﻚ ﻣﺎﺍﺗﺤﻤﻞ ﻏﻠﻂ ﻭﺍﻫﺎﻧﻪ ﺻﺢ ﻓﻘﻴﺮﻩ ﺍﻧﻲ ﻣﻮ ﺻﺎﺣﺒﺔ ﺍﻟﺴﺎﻥ ﻭﻣﺎﺟﻨﺖ ﻫﻴﺞ ﺻﮕﻌﺎﺕ ﺍﻟﻮﻛﺖ ﻫﻲ ﺍﻟﺨﻠﺖ ﺍﻟﺴﺎﻧﻲ ﻳﻨﺮﺑﻂ ﺻﺢ ﺍﺗﺤﻤﻞ ﺑﺲ ﻣﻮ ﺍﻟﻬﺬﻱ ﺍﻟﺪﺭﺟﻪ ﻣﺎﻟﻲ ﺧﻠﮓ ﻣﻜﺎﻳﺪ ﺍﻟﻨﺴﻮﺍﻥ ﺍﻧﻲ ﻫﺴﻪ ﻳﻠﻠﻪ ﻗﺮﺭﺕ ﺍﻋﻴﺶ ﺑﺮﺍﺣﻪ ﺍﺳﻌﺪ ﻭﺍﻧﺴﻌﺪ ﺍﺑﺪ ﻣﻮ ﻣﺎﻝ ﻗﻬﺮ ﻭﺗﺨﻄﻴﻂ
ﺍﺷﺮﻟﻲ ﺍﺟﻲ ﻳﻤﻪ
ﺑﻘﻴﺖ ﺑﻤﻜﺎﻧﻲ ﻛﺎﺭﻫﻪ ﺭﻭﺣﻲ ﻭﻃﺎﻟﻌﻪ ﺍﻟﺪﻧﻴﺎ ﻣﻦ ﻋﻴﻮﻧﻲ ﻛﻠﺶ ﺍﺟﺎﻧﻲ ﻫﻮﻭ ﻛﻌﺪ ﻳﻤﻲ
.. ﻛﻞ ﻫﺬﺍ ﺑﮕﻠﺒﺞ ﻣﻨﻬﻮ ﻣﺴﻤﻌﺞ ﺍﺣﭽﻴﻠﻲ ﻣﻨﻬﻮ ﺍﻟﺤﺎﭼﺎﺝ ﺍﻧﻪ ﺍﺑﺎﻟﻲ ﻉ ﺣﺠﻲ ﺍﺑﻮﻱ ﻧﻔﺴﻪ ﻃﻠﺐ ﻣﻨﻲ ﻳﺴﺮ ﻣﻦ ﺗﻨﺰﻝ ﺗﻨﺰﻟﻴﻦ ﺍﻧﺘﻲ ﻭﻳﺎﻫﺎ ﺍﺩﻳﺮﻳﻦ ﺑﺎﻟﺞ ﻋﻠﻴﻬﺎ ﻭﺗﺸﻮﻓﻴﻬﺎ ﺧﺎﻑ ﺗﺄﺫﻱ ﺍﺣﺪ ﺣﺎﺟﻴﺘﻪ ﺑﻬﺪﻭﺀ ﻭﻓﻬﻤﺘﻪ ﻳﺴﺮ ﺣﺎﻟﻬﺎ ﺣﺎﻝ ﺍﻟﻲ ﺑﺎﻟﺒﻴﺖ
ﺑﺲ ﺍﻧﺘﻲ ﺳﺎﻟﻔﺘﺞ ﺛﺎﻧﻴﻪ ﻳﺎﻫﻮ ﺍﻟﻐﺎﺛﺞ
ﺍﺗﻘﺮﺏ ﺍﻛﺜﺮ ﻭﻟﺰﻡ ﻭﺟﻬﻲ ﻣﺴﺢ ﺩﻣﻮﻋﻲ
.. ﺳﻮﻟﻔﻲ ﻣﻮ ﺷﻠﻌﺘﻲ ﮔﻠﺒﻲ
.. ﻣﺮﺕ ﻛﺎﻇﻢ ﻫﻮﺍﻱ ﺗﺘﻌﺪﻩ ﻋﻠﻴﻪ ﻫﻮﺍﻱ ﺗﺤﺠﻲ ﻫﻲ ﻭﺧﻮﺍﺗﻚ ﻳﺴﻤﻌﻨﻲ ﻭﺍﺳﻜﺖ ﺍﺳﻜﺖ ﺍﮔﻮﻝ ﻣﻴﺨﺎﻟﻒ ﺍﻟﻤﻬﻢ ﻫﻮ ﻣﺎﺍﺭﻳﺪ ﺍﺿﻮﺟﻪ ﻣﻨﻲ ﻟﻮ ﻣﻦ ﺍﻫﻠﻪ ﻣﺎﻳﻬﻤﻨﻲ ﺍﺣﺪ
ﺑﺲ ﺑﺼﻮﺕ ﻋﺎﻟﻲ ﺗﺼﻴﺢ ﻋﻠﻴﻪ ﺗﺴﻤﻊ ﺍﻟﺒﺎﻟﺒﻴﺖ ﻛﻠﻬﻢ ﻭﺍﺳﺄﻝ ﺍﺧﻮﻙ ﺿﺮﻏﺎﻡ ﺍﺧﺮ ﺷﻲ ﻫﻮ ﺻﺎﺡ ﻋﻠﻴﻬﺎ ﻫﺬﺍ ﺍﻟﺸﻲ ﻣﺎﺍﺗﺤﻤﻠﻪ ﻓﻮﮔﻬﺎ ﺍﺻﺎﺑﻌﻬﺎ ﻃﺎﺑﻌﻪ ﺧﺪ ﻳﺴﺮ ﻣﺎﺍﺗﺤﻤﻞ ﺑﻨﺘﻲ ﺗﺘﺄﺫﻩ
ﺍﻧﻪ ﺍﻃﻜﻬﺎ ﺑﺄﻳﺪﻱ ﺍﻋﺾ ﺍﻳﺪﻱ ﻭﺍﻋﺎﻗﺐ ﺭﻭﺣﻲ ﻳﻮﻡ ﻛﺎﻣﻞ ﻭﺩﻣﻌﺘﻲ ﻣﺎﺗﻨﺸﻒ ﻋﻠﻴﻬﺎ
ﺣﺴﻴﻦ ﻭﻋﺪﺗﻨﻲ ﺗﺤﻤﻴﻨﻲ ﻭﺗﺮﻳﺤﻨﻲ ﻭﺍﻧﻪ ﻣﺎﻃﻠﺒﺖ ﻣﻨﻚ ﺑﺲ ﺣﻤﺎﻳﺔ ﺑﻨﺘﻲ ﻭﺗﺎﻟﻲ ﻻ ﻫﺎﻱ ﻭﻻ ﻫﺎﻱ
ﺷﻮﻓﻠﻲ ﺣﻞ ﻭﺷﺘﮕﻠﻲ ﻫﺴﻪ ﺍﻧﻲ ﺍﻧﻔﺬ ﺑﺲ ﺍﻭﻋﺪﻧﻲ ﻣﺎﺗﺨﻠﻲ ﺍﻟﺼﺎﺭ ﻳﻨﻌﺎﺩ ﺍﻭﻋﺪﻧﻲ ﺗﺮﻳﺢ ﺑﻨﺘﻲ ﻭﻣﺎﺗﺘﺸﻮﻩ ﺻﻮﺭﺗﻲ ﺑﻌﻴﻨﻬﺎ
.. ﺗﺮﻭﺣﻠﺞ ﻓﺪﻭﻩ ﻛﻞ ﺍﻟﺘﺤﺠﻲ ﻋﻠﻴﺞ ﻣﺎﺗﻠﺤﮓ ﺍﺿﻔﺮ ﻣﻨﺞ
ﺍﻧﺘﻲ ﻣﺮﺗﻲ ﻭﻣﺴﺆﻭﻟﻪ ﻣﻨﻲ ﻭﺣﮕﺞ ﺍﻃﻠﻌﻪ ﻣﻦ ﻋﻴﻮﻧﻬﻢ ﻭﺍﻟﻠﻪ ﺍﻱ ﻭﺍﺣﺪ ﺣﺎﺟﻲ ﺍﻧﻪ ﺍﻭﮔﻔﻪ ﻋﺪ ﺣﺪﻩ ﺑﺲ ﺍﺭﻳﺪ ﻣﻨﺞ ﺗﻬﺪﺃﻳﻦ ﻫﺴﻪ ﻭﺗﺤﻀﺮﻳﻦ ﺭﻭﺣﺞ ﺍﻭﺩﻳﺞ ﺍﻷﻫﻠﺞ ﺗﺘﻮﻧﺴﻴﻦ
.. ﺍﺗﻮﻧﺲ ﻟﻮ ﺯﻋﻼﻧﻪ ﻣﻮﺩﻳﻨﻲ ﺣﺴﻴﻦ ﻓﺪﻭﻩ ﻣﺎﺍﺭﻳﺪ ﺍﻃﻠﻊ ﻣﻦ ﺍﻟﺒﻴﺖ ﺯﻋﻼﻧﻪ ﺷﮕﻮﻝ ﺍﻷﺧﻮﻱ ﻭﺍﻣﻲ ﻣﺎﺻﺪﮔﻮ ﺍﺳﺘﻘﺮ ﺍﻧﻮﺏ ﺍﺭﺟﻌﻠﻬﻢ ﺍﻭﻝ ﺷﻬﺮ
.. ﻛﻞ ﻋﻘﻠﺞ ﺍﺧﻠﻴﺞ ﺍﻃﻠﻌﻴﻦ ﻣﻦ ﺑﻴﺘﻲ ﺯﻋﻼﻧﻪ ﻣﺎﺍﺭﻳﺪ ﺗﺰﻋﻠﻴﻦ ﺗﺮﺣﻴﻦ ﺗﺘﻮﻧﺴﻴﻦ ﺣﺘﻰ ﺍﺣﺠﻲ ﺑﺮﺍﺣﺘﻲ ﺍﻧﺘﻲ ﻫﻢ ﻣﺎﺭﺗﻀﻴﻬﺎ ﺍﻃﻠﻊ ﺻﻮﺗﻲ ﻭﺍﺣﺠﻲ ﺑﺲ ﺣﺘﻰ ﺍﺭﺿﻴﺞ ﻭﺍﻫﻴﻦ ﺍﻫﻠﻲ ﮔﺪﺍﻣﺞ ﺍﺭﻳﺪﺝ ﻣﺎﻣﻮﺟﻮﺩﻩ ﺣﺘﻰ ﻟﻮ ﺣﺠﻴﺖ ﻣﺤﺪ ﻳﻠﻮﻣﻨﻲ ﻣﺎﻳﻜﻮﻟﻮﻥ ﻳﺴﻤﻌﻬﺎ ﺍﻧﻪ ﻣﺎﺍﻃﻮﻝ ﺑﺎﻟﺤﺠﻲ ﺑﺲ ﺍﺣﺠﻲ ﺍﻻﻟﺞ ﻭﺍﻟﻌﻠﻴﺞ ﻭﺍﻃﻠﺐ ﻣﻬﻠﻪ ﺷﻬﺮﻳﻦ ﻭﺑﺲ ﻣﻨﻬﻢ ..
ﻭﺑﻴﺘﻨﻪ ﻳﻜﻤﻞ ﺟﺎﻱ ﻳﺸﺘﻐﻠﻮﻥ ﺑﻲ ﻫﺴﻪ ﺍﮔﺪﺭ ﻣﻦ ﺑﺎﺟﺮ ﺍﻃﻠﻊ ﺑﻲ ﻭﺷﻠﻮﻥ ﻣﺎﺟﺎﻥ ﻧﻌﻴﺶ ﻫﻮ ﻛﺎﻣﻞ ﺗﻘﺮﻳﺒﺎ ﻋﻮﺯﻩ ﺑﺲ ﺍﻟﺮﺑﺎﻁ ﺑﺲ ﺍﺭﻳﺪ ﺍﻛﻤﻠﻪ ﻣﻦ ﻛﻠﺸﻲ ﺍﺭﻳﺪﺝ ﺗﺮﺣﻴﻦ ﻣﺮﺗﺎﺣﻪ ﻣﻮ ﻳﻮﻣﻴﻪ ﻋﻤﺎﻝ ﻭﻧﺘﺒﻬﺬﻝ ﺧﻞ ﻳﻜﻤﻞ ﺍﺻﺒﺮﻱ ﻋﻠﻴﻪ ﺍﻧﺘﻲ ﻋﻴﻨﻴﻨﻲ ﺑﻬﺎﻱ ﻭﺍﻧﻪ ﻫﻢ ﺍﻃﻠﺐ ﻣﻨﻬﻢ ﻳﺼﺒﺮﻭﻥ ﻋﻠﻴﻪ ﻭﺑﻌﺪ ﻧﺰﻟﻪ ﺑﻜﻞ ﻭﻛﺖ ﻣﺎﺍﻟﺞ ﺗﺸﺘﻐﻠﻴﻦ ﺷﻐﻠﺞ ﻭﺑﺲ ﻳﺴﺮ ﻣﻦ ﺗﻀﻮﺝ ﺍﻧﻪ ﻣﻦ ﺍﺟﻴﻬﺎ ﺍﻃﻠﻌﻬﺎ ﻭﺍﻏﻴﺮ ﺟﻮ ﺍﻟﻬﺎ
ﺷﻐﻞ ﻏﻴﺮﺝ ﻋﻮﻓﻲ
ﺍﻧﻪ ﻣﻨﺘﺒﻬﻠﺞ ﺍﻧﺘﻲ ﻛﻠﺸﻲ ﻋﻠﻴﺞ ﻟﻴﺶ ﻭﺍﻧﺘﻦ ﺗﻼﺛﻪ ﺑﺎﻟﺒﻴﺖ
.. ﺍﻧﻲ ﺭﺩﺕ ﺍﻋﻴﺶ ﺣﺎﻟﻲ ﺣﺎﻝ ﺑﻴﺖ ﺍﻫﻠﻲ ﻣﺎﻋﺪﻧﻪ ﻫﺬﺍ ﺍﻟﻤﻜﺎﻳﺪ ﮔﺘﻠﻚ ﺍﻧﻪ ﻭﺍﻣﻲ ﻋﻠﻰ ﻧﻴﺎﺗﻨﻪ ﻧﻌﺎﻣﻞ ﺍﻟﺒﺸﺮ ﻭﻣﺎﻧﺤﺐ ﻧﺘﻌﻠﻪ ﻋﻠﻰ ﺍﺣﺪ ﺍﺑﺪ
ﻭﺍﺟﺘﻨﻪ ﻣﺮﺕ ﻣﺎﻫﺮ ﻣﺜﻠﻨﻪ ﻭﺍﺣﺴﻦ ﺑﻌﺪ ﺟﻨﺖ ﻣﻦ ﺍﺷﻮﻓﻬﺎ ﺍﺭﺗﺎﺡ ﻭﺍﺩﻋﻴﻠﻬﺎ ﺑﻴﻨﻲ ﻭﺑﻴﻦ ﻧﻔﺴﻲ ﻭﺍﺑﺎﻟﻲ ﻫﺬﺍ ﺍﻟﺸﻲ ﻳﺮﻳﺤﻜﻢ ﻭﺍﻧﺖ ﺍﻛﺜﺮ ﺷﻲ ﺍﺣﺎﻭﻝ ﺍﺟﺎﺯﻳﻚ ﻭﻟﻮ ﺷﻲ ﻗﻠﻴﻞ
.. ﻭﺍﻧﻪ ﺟﺰﺍﻱ ﻣﻮ ﺑﻬﺎﻱ ﺍﻟﺴﻮﺍﻟﻒ ﻭﺍﻟﻨﺎﺱ ﻣﻮ ﻛﻠﻬﺎ ﻣﺜﻞ ﮔﻠﺒﺞ
ﺟﺰﺍﻱ ﻣﻦ ﺍﺷﻮﻑ ﺭﻭﺣﻲ ﺍﻫﻤﺞ ﻣﻦ ﺍﺷﻮﻑ ﻟﻬﻔﺘﺞ ﻋﻠﻴﻪ ﺗﺒﻴﻴﻦ ﻣﻦ ﻋﻴﻮﻧﺞ ﺟﺰﺍﻱ ﺍﺷﻮﻓﺞ ﻣﺮﺗﺎﺣﻪ ﻭﻳﺎﻱ ﻭﺑﺲ
ﺳﻜﺘﺖ ﻭﻧﺼﻴﺖ ﺭﺍﺳﻲ
ﻛﺎﻝ ﻳﻠﻠﻪ ﻛﻮﻣﻲ ﺍﻭﺩﻳﺞ
ﺑﺪﻟﺖ ﻭﺟﻬﺰﺕ ﺍﻣﻮﺭﻱ ﻉ ﺍﻟﺴﺮﻳﻊ ﺑﺪﻟﺖ ﺍﻟﻴﺴﺮ ﻧﺰﻝ ﺷﺎﻳﻠﻬﺎ ﻭﺍﻧﻲ ﻭﺭﺍﻩ
ﻋﻴﻮﻧﻲ ﺻﺎﺭﺕ ﺑﻌﻴﻮﻥ ﻋﻤﻲ ﻭﻋﻤﺘﻲ
ﺍﺗﻔﺎﺟﺄﻭﻭ ﻣﻦ ﻃﻠﻌﺘﻲ ﻋﻤﺘﻲ ﮔﺎﻟﺘﻠﻪ
.. ﻳﻤﻪ ﻭﻳﻦ
ﺟﺎﻭﺑﻬﺎ ﺣﺴﻴﻦ ﺑﺪﻭﻥ ﻣﺎﻳﺪﻭﺭ ﺍﻟﻬﻢ
.. ﺍﻟﺒﻴﺖ ﺍﺧﻮﻫﺎ ﻋﺎﺯﻣﻬﺎ ﻣﻦ ﺍﻟﻀﻬﺮ ﺧﺎﺑﺮﻧﻲ ﻭﺍﻧﻪ ﺍﻟﺘﻬﻴﺖ ﻭﺍﺗﻌﻄﻠﺖ ﺍﻟﻬﺴﻪ
ﺍﺟﺖ ﻋﻴﻮﻧﻬﺎ ﺑﻌﻴﻮﻧﻲ ﺷﺎﻓﺘﻬﻦ ﺣﻤﺮ ﻣﻦ ﺍﻟﺒﭽﻲ ﻭﺻﺘﻨﻲ ﺍﺳﻠﻢ ﻋﻠﻰ ﺍﻣﻲ ﺣﺴﻴﺘﻬﺎ ﺗﺮﻳﺪ ﺗﻐﻄﻲ ﻋﻠﻰ ﻛﻼﻣﻬﺎ ﻣﺴﺎﻉ ﻟﻮ ﺿﺎﺟﺖ ﻋﻠﻴﻪ
ﺳﻠﻤﺖ ﻋﻠﻴﻬﻢ ﻣﻦ ﺑﺎﺏ ﺍﻻﺻﻮﻝ ﻭﻃﻠﻌﺖ
ﻭﺻﻠﻨﻲ ﻭﺳﻠﻢ ﻋﻠﻰ ﺍﻣﻲ ﻭﺻﺎﻧﻲ ﻭﻃﻠﻊ ﺭﺍﺳﻠﻨﻲ ﺍﻭﻝ ﻣﺎﺭﺍﺡ
.. ﺩﻳﺮﻱ ﺑﺎﻟﺞ ﻋﻠﻰ ﺭﻭﺣﺞ ﻭﻋﻠﻰ ﻳﺴﺮ
ﺣﺴﻴﻦ …
ﻭﺻﻠﺘﻬﺎ ﻭﺭﺟﻌﺖ ﻟﻠﺒﻴﺖ ﺍﻫﻠﻲ ﻳﻌﺮﻓﻮﻥ ﻃﺒﻌﻲ ﻭﻋﺮﻓﻮﻧﻲ ﻣﺎﺭﺍﺡ ﺍﻓﻮﺗﻬﺎ ﻟﮕﻴﺘﻬﻢ ﻣﺘﺤﻀﺮﻳﻦ
ﺍﻭﻝ ﻣﺎﺩﺧﻠﺖ ﺍﺑﻮﻱ ﺣﺎﺟﺎﻧﻲ
.. ﺷﻨﻮ ﻣﻌﻨﻰ ﻃﻠﻌﺘﻬﺎ ﻫﺴﻪ ﻋﻮﺩ ﺯﻋﻠﺖ ﻣﻦ ﺣﭽﺎﻳﺘﻲ ﺣﺎﺟﻲ ﻏﻠﻂ ﺍﻧﻪ ﺑﺘﻬﺎ ﺑﻨﺖ ﺍﻫﻠﻬﺎ ﺍﻭﻝ ﻭﺗﺎﻟﻲ ﻟﻮ ﺻﺎﺭ ﺷﻲ ﻳﻄﺎﻟﺒﻮﻧﻪ ﺑﺤﮕﻬﺎ ﻭﺳﻴﻒ ﺗﺪﺭﻱ ﺍﻧﺖ ﺍﻧﻪ ﻣﺎﺍﺭﺿﺎ ﻋﻠﻴﻪ ﻣﻮ ﺍﻧﻮﺏ ﺭﺍﺳﻪ ﻣﺸﮕﻮﻙ ﻭﻣﻌﻤﻢ ﺣﭽﻴﺖ ﺣﺘﻰ ﺗﺨﻠﻲ ﻋﻴﻨﻬﺎ ﻋﻠﻴﻬﺎ ﻣﺎ ﮔﺘﻠﻬﺎ ﺗﻄﻠﻊ
.. ﻫﺎ ﻳﻌﻨﻲ ﺍﻧﺖ ﻫﻢ ﻣﺠﺎﭼﻴﻬﺎ ﻣﻮ ﺑﺲ ﺣﺎﭼﻴﺘﻨﻲ ﺍﻧﻪ ﺗﺼﺪﮒ ﻣﺎﺟﺎﺑﺖ ﻃﺎﺭﻱ ﺍﻟﺤﭽﻴﻚ ﻭﻻﮔﺎﻟﺖ !
ﺍﻧﻪ ﻋﻨﺪﻱ ﺣﭽﻲ ﻭﻳﺎﻛﻢ ﻛﻠﻜﻢ ﻭﻣﺎﺍﺣﭽﻲ ﻟﻤﻦ ﻳﺠﻲ ﻛﺎﻇﻢ ﻭﺗﺠﻲ ﻣﺮﺗﻪ ﻳﻠﻠﻪ
ﺣﺎﺟﺘﻨﻲ ﺍﻣﻲ
.. ﻳﻤﻪ ﺍﺳﺘﻬﺪﻱ ﺑﺎﻟﺮﺣﻤﺎﻥ ﻭﮔﻮﻝ ﻳﺎﻟﻠﻪ ﺑﻌﺪ ﺍﻣﻚ ﻻﺗﺘﻌﺎﺭﻛﻮﻥ ﻣﻦ ﻭﺭﻩ ﻣﺰﻋﻄﻪ ﻭﻧﺴﻮﺍﻥ
.. ﻣﺎﻣﺘﻌﺎﺭﻙ ﺍﻧﻪ ﻭﻻ ﺭﺍﺡ ﺍﺗﻌﺎﺭﻙ ﺍﺑﺪ ﺻﺎﺭﺕ ﻫﺎﻟﻤﺮﻩ ﺍﺟﻴﺖ ﺍﺣﺠﻲ ﻭﺍﻓﺘﻬﻢ ﻭﺍﻓﻬﻤﻜﻢ ﻭﻟﻮ ﺍﻧﻌﺎﺩﺕ ﺑﺪﻭﻥ ﺍﻱ ﻛﻼﻡ . ﻣﻨﻲ ﺍﻃﻠﻊ ﻭﺍﺧﻠﻴﻠﻜﻢ ﺍﻟﺒﻴﺖ ﻛﻠﻪ
ﺑﺲ ﺍﻧﻄﻮﻧﻲ ﻣﻬﻠﻪ ﻫﺴﻪ ﺑﺲ ﻳﻜﻤﻞ ﺑﻴﺘﻲ
ﺻﺤﺖ ﺑﺼﻮﺕ ﻋﺎﻟﻲ ﺍﺳﻤﻌﻬﺎ ﻫﻲ ﺑﻐﺮﻓﺘﻬﺎ
.. ﺍﻡ ﺳﻴﻒ ﺗﻌﺎﻱ ﻫﻨﺎ ﺧﻠﻴﻨﻪ ﻧﺴﻮﻟﻒ ﻭﻫﺎﻱ ﻛﺎﻇﻢ ﺍﺟﻪ ﻭﺍﺑﻮﻱ ﻛﺎﻋﺪ ﻭﺍﻣﻲ ﻭﻛﻞ ﺍﻟﺒﺎﻟﺒﻴﺖ
ﺣﺎﺟﺎﻧﻲ ﻛﺎﻇﻢ ﻭﺍﻟﻈﺎﻫﺮ ﻋﻨﺪﻩ ﻋﻠﻢ ﻣﻦ ﺿﺮﻏﺎﻡ ﻳﻤﻜﻦ ﻫﻮ ﺣﺎﺟﻴﻠﻪ
.. ﺍﺑﻮ ﻋﻠﻲ ﻣﺎﻳﺼﻴﺮ ﺧﺎﻃﺮﻙ ﺍﻻ ﻃﻴﻴﺐ ﻭﺍﻧﻪ ﻣﺎﺍﻋﺪﻳﻬﺎ ﺍﻟﻬﺎ ﻭﺍﻟﻠﻪ ﺍﻟﺤﺠﻲ ﻛﻠﻪ ﻭﺻﻠﻲ ﺗﺮﻯ ﺍﻧﻪ ﻭﻳﺎﻙ ﺍﻛﺒﺮ ﻣﻦ ﻧﺘﺨﺎﺭﺏ ﻋﻠﻤﻮﺩ ﻫﺎﻟﺴﻮﺍﻟﻒ
.. ﻛﺎﻇﻢ ﺍﻧﻪ ﻣﺎﺍﺭﻳﺪ ﺍﻟﺨﺮﺍﺏ ﺍﻟﻠﻪ ﻳﺸﻬﺪ ﻭﻱ ﻛﻞ ﻭﺍﺣﺪ ﻣﺎﺭﻳﺪﻩ ﻣﻮ ﺍﻧﻮﺏ ﻭﻳﺎﻙ ﺧﻮﺗﻨﻪ ﺍﻛﺒﺮ ﻣﻦ ﻫﻴﺞ ﺑﺲ ﺍﺭﻳﺪ ﺍﺣﺎﺟﻴﻬﺎ ﺣﭽﺎﻳﺔ ﺍﺧﻮ ﺍﻻﺧﺘﻪ ﺗﺎﺧﺬﻫﺎ ﺧﻴﺮ ﻋﻠﻰ ﺧﻴﺮ ﻣﺎﺗﺎﺧﺬﻫﺎ ﻣﺎﺗﺄﺛﺮ ﻋﻠﻴﻪ ﺗﺎﺛﻴﺮﻫﺎ ﻋﻠﻰ ﺭﻭﺣﻬﺎ
ﺍﻧﺘﻬﺒﺘﻠﻬﺎ ﻫﻲ ﻭﺍﮔﻔﻪ ﺑﺎﻟﺒﺎﺏ ﻣﺎﻋﺎﺟﺒﻬﺎ ﺍﻟﺤﭽﻲ
ﺍﺷﺮﻟﻬﺎ ﻛﺎﻇﻢ ﻭﻋﻴﻮﻧﻪ ﺗﺮﻳﺪ ﺗﺎﻛﻠﻬﺎ
.. ﺗﻌﺎﻱ ﻫﻨﺎ ﮔﻌﺪﻱ ﻭﺳﻤﻌﻴﻨﻪ ﺷﻨﻬﻮ ﺍﻟﺼﺎﻳﺮ
ﺍﺷﺮﺗﻠﻪ ﻳﺴﻜﺖ
.. ﻛﺎﻇﻢ ﺍﻟﺼﺎﺭ ﻛﻠﻪ ﻋﻨﺪﻱ ﻋﻠﻢ ﺑﻲ ﻭﺍﻟﻜﻞ ﻳﻌﺮﻓﻮﻥ ﺑﻲ ﻣﺎﺍﺭﻳﺪ ﺍﻋﻴﺪﻩ ﺍﺭﻳﺪ ﺍﻧﻬﻲ ﺍﻧﻪ
ﺍﺑﻮﻱ ﮔﺎﻝ ﺷﺼﺎﻳﺮ ﻟﻴﺶ ﻣﺎﺗﻔﻬﻤﻮﻧﻪ
ﺣﺎﭼﺎﻩ ﻛﺎﻇﻢ
.. ﺑﻮﻳﻪ ﻣﺘﺠﺎﻭﺯﻩ ﻉ ﺍﻡ ﻳﺴﺮ ﻭﻏﺎﻟﻄﻪ ﻭﺍﻟﺤﺠﻲ ﻛﻠﻪ ﻭﺻﻠﻨﻲ ﻭﺍﻟﻠﻪ ﻣﺤﺘﺎﺭ ﺷﻠﻮﻥ ﺍﺑﺎﻭﻉ ﺑﻌﻴﻮﻧﻬﺎ
ﺣﺎﺟﻴﺘﻬﺎ ﺍﻧﻪ
.. ﺍﻡ ﺳﻴﻒ ﺍﻧﺘﻲ ﻭﻳﻦ ﺷﺎﻳﻔﺘﻬﺎ ﺳﻨﻴﻦ ﻻﺯﻛﺘﻠﻲ ﻭﺗﻌﻴﺮﻳﻨﻬﺎ ﻭﺍﻧﻪ ﻛﻠﻜﻢ ﺗﺪﺭﻭﻥ ﺭﺍﻳﺪﻫﺎ ﻭﺟﺎﻧﺖ ﻫﻲ ﻣﺎﻣﻘﺘﻨﻌﻪ
ﺑﻌﺪﻳﻦ ﻭﻟﻮ ﺭﺍﺩﺗﻨﻲ ﺑﻴﻬﺎ ﻋﺎﺭ ﻫﺎﻱ ﺍﺧﺬﺗﻬﺎ ﻭﺻﺎﺭﺕ ﻣﺮﺗﻲ ﻫﺬﺍ ﺍﻟﺤﺠﻲ ﻋﻴﺐ ﻣﺎﻳﺠﻮﺯ ﻭﺍﻧﻪ ﻣﺎﺣﺠﻴﺖ ﻳﻤﻬﺎ ﻃﻠﻌﺘﻬﺎ ﺣﺘﻰ ﻣﺎﺍﻧﺰﻝ ﻣﻦ ﻗﺪﺭﺝ ﻛﺪﺍﻣﻬﺎ ﺗﺪﺭﻳﻦ ﻟﻴﺶ ﻻﻧﺞ ﻣﺮﺕ ﺍﺧﻮﻱ ﻭﺍﻡ ﻭﻟﺪﻩ ﻣﻮ ﺍﻟﺨﺎﻃﺮﺝ ﺍﻟﺨﺎﻃﺮﻩ ﻫﻮ ﻣﺎﻳﻬﻮﻥ ﻋﻠﻴﻪ
ﺣﭽﻲ ﺍﻟﻨﺴﻮﺍﻥ ﻫﺬﺍ ﻣﺎﻳﻤﺸﻲ ﺍﺑﻴﺘﻨﻪ ﺍﺑﺪ ﺍﻧﺘﻦ ﺍﺗﻌﺒﻦ ﻭﺗﺄﺫﻥ ﺍﺭﻭﺍﺣﺠﻦ ﺍﺫﺍ ﻧﻴﺘﺞ ﻧﺘﺨﺎﺭﺏ ﻭﻧﻄﻠﻊ ﻣﻦ ﺳﻮﺍﻟﻔﺠﻦ ﻫﺎﻱ ﺷﻴﻠﻴﻬﺎ ﻣﻦ ﺑﺎﻟﺞ ﺍﻧﻪ ﻣﺎﺍﻃﻠﻊ ﺍﻻ ﺑﺮﺿﺎ ﻭﻣﺎﺍﻃﻠﻊ ﻣﻨﺎ ﺍﻻ ﻭﺍﻧﻪ ﺭﺍﻳﺪ
ﺍﺑﻮﻱ ﻓﻬﻢ ﺍﻟﺤﭽﻲ ﻭﻇﻞ ﻳﺤﺠﻲ ﻋﻠﻴﻬﺎ ﻭﺭﺯﻟﻬﺎ
ﺍﻣﻲ ﺍﺗﺸﺠﻌﺖ ﻭﺣﺠﺖ ﻛﺎﻟﺖ ﺻﺤﺖ ﻋﻠﻴﻬﺎ ﻧﻬﻴﺘﻬﺎ ﻣﺎﻛﻮ ﻣﺪﺕ ﺍﻟﺴﺎﻧﻬﺎ ﻣﺘﺮ ﻭﻃﺎﻛﻪ ﺑﺘﻬﺎ ﻭﺫﻳﺞ ﻣﺎﺣﺠﺖ ﻟﻜﻔﺖ ﺑﺘﻬﺎ ﻭﺭﺍﺣﺖ ﺗﺒﺠﻲ
ﺍﺑﻮ ﺣﺴﻴﻦ ﻛﺪﺍﻣﻚ ﺍﻧﻪ ﺍﻛﻮﻟﻬﺎ ﺟﻨﺘﻚ ﻭﺑﻨﺎﺗﻚ ﻳﺮﺩﻥ ﺍﻟﺨﺮﺍﺏ ﺍﻟﺒﻴﺘﻚ ﻳﺮﺩﻥ ﻳﺨﺮﺑﻨﻬﺎ ﻭﻳﻜﻌﺪﻥ ﻋﻠﻰ ﺗﻠﻬﺎ ﺣﺘﻰ ﺫﻳﺞ ﺍﻟﺨﻮﻳﻨﺴﻪ ﺟﻨﺘﻚ ﺍﻟﺜﺎﻟﺜﻪ ﺍﻟﺴﻮﺕ ﺭﻭﺣﻬﺎ ﻣﺎﻃﻠﻌﺖ ﻛﻞ ﺍﻟﺰﻥ ﻣﻨﻬﺎ
ﻳﺎﻫﻲ ﻣﻨﻬﻦ ﻛﺎﻭﻳﺘﻠﻚ ﻏﺎﺳﻠﺘﻠﻚ ﻣﻨﻄﻴﺘﻚ ﻟﻜﻤﻪ ﻫﻢ ﺣﻆ ﻣﺎﻋﺪﻫﺎ ﻫﻲ
ﺍﺑﻮﻱ ﻫﻢ ﻇﻞ ﻳﺤﺠﻲ ﻭﻛﺎﻝ ﺍﺑﺪ ﻭﺍﻟﻠﻪ ﻭﻻ ﺍﺑﺎﻟﻲ ﺣﺎﺟﻴﻪ ﺟﺎﺑﺘﻠﻲ ﺍﻟﻮﻟﺪ ﻣﻌﻤﻢ ﻭﺗﻜﻠﻲ ﺭﺍﻳﺪﻟﻪ ﺧﻴﺎﻁ ﻭﺣﺎﺟﻴﺖ ﺍﻣﻬﺎ ﺗﻜﻠﻲ ﻭﺍﺫﺍ ﺷﺼﺎﺭ ﻓﻮﺭﺕ ﺩﻣﻲ ﻭﺣﺠﻴﺖ
ﻭﺍﻟﺒﻨﻴﻪ ﻫﻢ ﺍﻟﻠﻪ ﺷﺎﻫﺪ ﺣﺠﻴﺖ ﻭﺻﺤﺖ ﺻﻮﺗﻬﺎ ﻣﺎﻃﻠﻊ
ﺩﺍﺭ ﻋﻠﻴﻬﻦ ﺟﺎﻧﻦ ﻭﺍﮔﻔﺎﺕ ﺍﺛﻨﻴﻨﻬﻦ ﻧﺴﻮﺍﻥ ﺍﺧﻮﺍﻧﻲ ﻭﺍﺧﻮﺍﻧﻲ ﻛﻠﻬﻢ
ﮔﺎﻟﻬﻦ
.. ﺍﻧﻪ ﻣﻦ ﺣﭽﻴﺖ ﺣﭽﻴﺖ ﻭﻋﺒﺎﻟﻲ ﻫﻲ ﻣﺘﻌﺪﻳﻪ ﻭﺍﻻ ﻣﺎﺍﺭﺿﺎ ﻋﻠﻴﻬﺎ ﺗﻈﻞ ﺑﻨﺖ ﺍﺧﻮﻱ ﺍﺑﻮﻫﺎ ﺍﺑﻦ ﻋﻤﻲ ﻭﺧﻠﻴﺼﻲ ﻭﻣﺎﺍﺭﺿﺎ ﺍﻱ ﻭﺣﺪﻩ ﺗﺘﺠﺎﻭﺯ ﻋﻠﻴﻬﺎ ﻭﺗﺤﺠﻲ ﻫﺬﺍ ﺍﻟﺤﺠﻲ ﻭﻋﻴﺐ ﻣﻦ ﺣﻤﺎﺟﻦ ﻫﻢ ﻭﺑﻨﺎﺗﻲ ﺍﻣﻬﻦ ﺗﺒﻠﻐﻬﻦ ﺍﻟﻲ ﻋﺪﻫﺎ ﺳﻢ ﺧﻞ ﺗﺬﺑﻪ ﻳﻤﻬﺎ ﺍﺑﻴﺘﻲ ﻣﺎﺍﻟﻔﻲ ﺣﻴﺎﻳﻪ ﺍﻧﻪ
ﻭﺍﻧﺖ ﺭﻭﺡ ﺟﻴﺐ ﻣﺮﺗﻚ ﻭﻏﺼﺒﺎ ﻋﻠﻴﻬﺎ ﺍﻡ ﺳﻴﻒ ﺗﻌﺘﺬﺭ ﻣﻨﻬﺎ ﻭﺍﻧﻪ ﻫﻢ ﺍﻃﻠﺐ ﻣﻨﻬﺎ ﺗﺴﺎﻣﺤﻨﻲ ﻭﺍﻋﺘﺬﺭ ﻋﻠﻰ ﺣﭽﻴﻲ ﺍﻟﻬﺎ ﺍﻟﺒﻨﻴﻪ ﻣﺎﺷﻔﺖ ﻣﻨﻬﺎ ﺍﻻ ﻛﻞ ﻃﻴﺐ
.. ﺍﻋﺘﺬﺍﺭﻙ ﻣﻨﻲ ﻭﻭﺍﺻﻞ ﺑﻮﻳﻪ ﺍﻧﺖ ﻋﻤﻬﺎ ﻭﺍﺑﻮﻫﺎ ﻣﺎﻟﻪ ﺩﺍﻋﻲ ﺗﻌﺘﺬﺭ ﺍﻋﺘﺬﺍﺭ ﺍﻡ ﺳﻴﻒ ﻛﺎﻓﻲ ﻭﺧﻠﻬﺎ ﺗﺮﺗﺎﺡ ﺍﻟﻴﻮﻡ ﻳﻤﻬﻢ ﻭﺍﺟﻴﺒﻬﺎ
ﺻﻌﺪﺕ ﺍﻟﻐﺮﻓﺘﻲ ﺍﺭﻳﺪ ﺍﻧﻄﻴﻬﺎ ﻣﺠﺎﻝ ﺗﻔﻜﺮ ﻭﺗﺮﺗﺎﺡ ﻭﺗﻐﻴﻴﺮ ﻣﻦ ﻧﻔﺴﻬﺎ ﺍﻟﻠﻴﻠﻪ ﻭﻫﻲ ﻳﻢ ﺍﻣﻬﺎ ﻭﻣﺮﺕ ﺍﺧﻮﻫﺎ ﻣﺒﻴﻴﻦ ﻫﻮﺍﻱ ﺗﺤﺒﻬﺎ
ﺍﻧﺪﻙ ﺑﺎﺏ ﻏﺮﻓﺘﻲ ﺻﺤﺖ
.. ﻳﺎﻫﻮﻭ
.. ﺍﻧﻪ ﻛﺎﻇﻢ ﺣﺴﻴﻦ
.. ﻫﻼ ﻳﺨﻮﻱ ﺗﻌﺎﻝ
.. ﺗﻌﺎﻝ ﺍﻧﺖ ﻧﺴﻮﻟﻒ
ﻃﻠﻌﺘﻠﻪ ﻭﻋﺮﻓﺘﻪ ﺑﻌﺪﻩ ﻳﺮﻳﺪ ﻳﺤﺠﻲ ﺑﺎﻟﻤﻮﺿﻮﻉ
.. ﻻﺗﺴﻮﻟﻒ ﻭﺗﺤﺠﻲ ﺷﻲ ﺧﻠﻬﺎ ﺍﻟﺴﺎﻟﻔﻪ ﺗﻮﻟﻲ ﻭﺍﻧﻪ ﺣﺠﻴﺖ ﺑﻴﻬﺎ ﺣﺘﻰ ﻣﺎﺗﻨﻌﺎﺩ ﻭﺗﺮﻯ ﻫﻨﻪ ﻣﺴﻮﻳﺎﺕ ﺣﺰﺏ ﻋﻠﻴﻬﺎ ﻭﺩﻭﻡ ﻳﻐﺜﻨﻬﺎ ﺑﺲ ﻫﻲ ﺳﺎﻛﺘﻪ ﻣﺎﺗﺤﺠﻲ ﻭﺍﻧﻪ ﻫﻢ ﺭﺩﺕ ﺍﺷﻮﻑ ﺍﻟﻬﺎ ﺣﺪ ﻻ ﻣﻦ ﺯﺍﺩﺕ ﺣﺠﻴﺖ ﺣﺘﻰ ﺍﻧﺖ ﻭﺍﺑﻮﻱ ﺗﺨﻠﻮﻥ ﺣﺪ
ﺍﻧﻪ ﻣﺎﺍﺯﻋﻞ ﻋﻠﻤﻮﺩﻫﺎ ﻻ ﻣﻨﻜﻢ ﻭﻻ ﺍﺯﻋﻠﻬﺎ ﺑﺲ ﺍﻃﻠﻊ ﻭﺍﺭﻳﺤﻜﻢ ﻭﺍﺭﺗﺎﺡ ﻭﻫﺴﻪ ﺍﻧﻪ ﻣﻮ ﺟﺎﻫﺰ ﺭﺍﻳﺪ ﻣﻬﻠﻪ ﻣﻨﻜﻢ
.. ﺍﻟﺒﻴﺖ ﻫﺬﺍ ﺑﻴﺘﻚ ﺍﺑﻮ ﻋﻠﻲ ﻣﻦ ﺑﻌﺪ ﺍﺑﻮﻱ ﻛﻠﻨﻪ ﺧﻄﺎﺭ ﻋﻨﺪﻙ ﻣﺤﺪ ﺗﻌﺒﺎﻥ ﻋﻠﻴﻪ ﻛﺜﺮﻙ ﻭﺍﻧﻪ ﺍﺧﺬﻫﺎ ﻣﻨﻲ ﻣﺎﺗﻨﻌﺎﺩ ﺑﻌﺪ
.. ﺍﻧﺸﺎﺀﺍﻟﻠﻪ ﻻﺗﺸﻴﻞ ﻫﻢ ﺍﻧﺖ ﻣﻮﺿﻮﻉ ﻭﺻﺎﺭ
ﺭﺟﻌﺖ ﺍﻟﻐﺮﻓﺘﻲ ﺍﺗﻤﻨﻴﺘﻬﺎ ﺗﺮﺍﺳﻠﻨﻲ ﺗﻜﻠﻲ ﺷﻮﻛﺖ ﺗﺠﻴﻨﻪ ﺍﺗﻌﻤﺪﺕ ﺍﺗﺄﺧﺮ ﺑﻠﻜﻲ ﺗﺤﺲ ﻭﺗﺨﺎﺑﺮ
ﺻﺎﺭ ﺍﻟﻮﻛﺖ ﻣﺘﺄﺧﺮ ﺣﻴﻞ ﺍﺟﺘﻨﻲ ﺭﺳﺎﻟﻪ ﻣﻨﻬﺎ
.. ﺍﻧﺎﻡ ﻳﻌﻨﻲ ﻣﺎﺭﺍﺡ ﺗﺠﻲ ﺍﻧﺖ ﻣﺎﮔﺘﻠﻲ ﺑﺎﺗﻲ
ﺭﺩﻳﺖ ﺍﻟﻬﺎ
.. ﻻ ﺗﻨﺎﻣﻴﻦ ﺟﺎﻳﭻ
ﺧﺎﺑﺮﺕ ﻣﺎﻫﺮ ﻋﻴﺐ ﻣﻨﻪ ﺩﻧﻴﺎ ﺍﻟﻠﻴﻞ
ﺣﺎﺟﻴﺘﻪ
ﺍﻟﻮﻭ
.. ﻫﻼ ﺍﺑﻮ ﻋﻠﻲ ﺷﻠﻮﻧﻚ
.. ﺑﺨﻴﺮ ﺍﺑﻮ ﻣﺤﻤﺪ ﺍﻧﺖ ﺷﻠﻮﻧﻚ ﻭﻳﻦ ﺍﻟﻴﻮﻡ ﻭﺩﺍﻟﻲ ﺻﻮﺭ ﺍﻟﻚ ﻭﺳﺎﻡ ﺧﻮﺵ ﺗﺼﺒﻎ
.. ﻣﻮﺍﻫﺐ ﻣﺪﻓﻮﻧﻪ ﺣﺘﻰ ﺗﻜﻮﻟﻮﻥ ﺑﻌﺪ .. ﻣﺎﻛﺘﻠﻲ ﺷﻤﻀﻴﻴﻊ ﻣﺨﺎﺑﺮﻧﻲ ﻫﺎﻟﻮﻛﺖ ﺗﻮﻧﻲ ﺍﺭﺩ ﺍﺷﻮﻑ ﺩﺭﺑﻲ ﻭﻫﺎﻱ ﻃﺒﺘﻲ ﺍﻟﻐﺮﻓﺘﻲ
.. ﻳﺨﻮﻱ ﺷﻮﻑ ﻛﺎﺽ ﻋﻴﻮﻧﻚ ﺍﻧﻪ ﺧﺎﻑ ﻋﺒﺎﻟﻚ ﺻﻮﺗﻚ ﻭﺍﺣﺸﻨﻲ ﻻﻳﺒﻮﻱ ﺍﻟﻠﻪ ﻋﻤﻪ ﻋﻴﻮﻧﻲ ﻭﺧﻼﻧﻲ ﺍﺟﻴﺐ ﻣﺮﻳﺘﻲ ﺗﺒﺎﺕ ﻳﻤﻜﻢ ﻭﻫﺴﻪ ﺍﻟﻐﺮﻓﻪ ﻣﺎﺗﻨﻄﺐ ﺑﻄﻠﺖ ﺍﺭﻳﺪﻫﺎ
.. ﻋﺰﻟﻨﻪ ﺑﻬﺬﺍ ﺍﻟﻮﻛﺖ ﺍﻟﻄﺒﻠﻨﻪ ﻣﺎﻳﻄﻠﻊ ﺑﻌﺪ
.. ﺟﺎ ﻃﺒﺒﻨﻲ ﻭﻳﺎﻫﺎ ﻟﻮ ﺗﻔﺘﻚ ﻣﻨﻪ ﺍﺛﻨﻴﻨﻪ ﻭﺗﮕﺸﻄﻨﻪ ﺍﺣﺴﻦ
.. ﻫﻬﻬﻬﻪ ﻫﻮﺍﻱ ﺍﺣﺴﻦ ﺗﻌﺎﻝ ﻫﻼ ﺑﻴﻚ ﺑﺲ ﺣﺎﺟﻴﻬﺎ ﺧﺎﻑ ﻣﺎﺗﺪﺭﻱ ﺍﻧﺖ ﺟﺎﻳﻬﺎ
.. ﻻ ﺗﺪﺭﻱ ﺗﺪﺭﻱ
.. ﻫﺎ ﺧﻮﺵ ﻭﻟﻮ ﻣﺎﺷﻔﺘﻬﺎ ﻏﻴﺮ ﻣﺮﻩ ﺧﻞ ﺗﺠﻴﻨﻪ ﻭﺍﻧﻪ ﻫﻨﺎ
.. ﻧﺠﻴﻚ ﺳﻮﻩ ﻋﻨﺪﻱ ﺳﺎﻟﻔﻪ ﻭﻳﺎﻙ ﺑﻴﻬﺎ ﻋﺘﺐ ﺑﺲ ﻣﻮ ﻭﻛﺘﻬﺎ
.. ﻫﺎ ﻋﺘﺐ ﺍﻧﻮﺏ ﺳﺎﻟﻔﺘﻴﺶ ﻫﺎﻱ
.. ﺍﻧﻮﺏ ﺍﺣﺠﻴﻬﺎ ﺍﻟﻜﺎﻙ ﻭﻧﺴﻮﻟﻒ
.. ﺑﺮﺍﺣﺘﻚ
ﺷﻮﻳﻪ ﻭﺍﺟﻪ ﻓﺘﺤﺘﻠﻪ ﺍﻟﺒﺎﺏ ﻭﺳﺮﻭﺭ ﺟﺎﻧﺖ ﻣﺘﺤﻀﺮﻩ ﺑﺲ ﻳﺴﺮ ﻧﺎﻳﻤﻪ ﺍﺧﺬﻫﻦ ﻭﺭﺍﺡ
ﺍﺭﺗﺎﺣﻴﺖ ﺣﻴﻞ ﺍﻟﻮﺿﻊ ﺳﺮﻭﺭ ﺑﻄﻠﻌﺘﻬﺎ ﺷﻔﺘﻬﺎ ﻓﺮﺣﺎﻧﻪ
ﻳﺘﺒﻊ
