#خيانة_زمن
بقلم نور الشمس
#بارت٢٠
ﻣﺴﺎﺀ ﺍﻟﻬﻴﻞ ﺣﺒﺎﻳﺒﻲ
ﺑﺎﺭﺕ ﻣﻔﺎﺟﺄ ﺍﻟﻜﻢ ﺑﻤﺎ ﺍﻧﻮ ﺍﻧﺘﻮ ﺍﻃﻠﺒﻮﻧﻲ ﺍﻋﺘﺒﺮﻭﻩ ﺍﻭﻝ ﺗﺴﺪﻳﺪﻩ ﻟﻠﻄﻠﺐ ﻫﻬﻬﻬﻬﻪ
...........................
ﻃﻠﻌﺖ ﻭﺍﺧﺬﺕ ﺍﻟﺠﻨﻄﻪ ﻣﻨﻬﺎ ﺻﻌﺪﺕ ﺍﻣﻲ ﺑﺎﻟﺼﺪﺭ ﻳﻤﻲ ﻭﻫﻲ ﺻﺎﺭﺕ ﻭﺭﺍﻱ ﺧﻠﻴﺖ ﺍﻟﻤﺮﺍﻳﻪ ﻋﻠﻴﻬﺎ ﺍﺑﺎﻭﻉ ﺑﻮﺟﻬﻪ ﺻﺪﮒ ﻣﺘﻐﻴﺮﻩ ﺑﺲ ﻳﻤﻜﻦ ﺯﺍﺩ ﺧﻮﻓﻬﺎ ﺍﻛﺜﺮ ﺑﻄﻠﻌﺘﻨﻪ
ﻣﻦ ﺷﻔﺖ ﺩﻣﻮﻋﻬﺎ ﻣﺘﺠﻤﻌﻪ ﺑﻌﻴﻮﻧﻬﺎ
ﺧﻮﻓﻲ ﻋﻠﻴﻬﺎ ﺯﺍﺩ ﻭﺍﺣﺲ ﮔﻠﺒﻲ ﻳﻮﺟﻌﻨﻲ ﻣﻦ ﻛﺜﺮ ﻣﺎ ﺍﻓﻜﺮ ﺑﻴﻬﺎ ﻭﺷﻨﻮ ﺍﻟﻲ ﺭﺍﺡ ﻳﻤﺮ ﺑﻴﻬﺎ ﻭﺗﺤﺴﻪ
ﻋﻴﻨﻲ ﻋﻠﻴﻬﺎ ﺻﺪﻳﺘﻬﻦ ﻋﻨﻬﺎ ﺧﺎﻑ ﺍﺿﻌﻒ ﺍﻛﺜﺮ
ﻳﺎﺍﺭﺏ ﺑﺠﺎﻩ ﺣﺒﻴﺒﻚ ﻣﺤﻤﺪ ﺍﺧﺘﺒﺮﺗﻨﻲ ﻫﻮﺍﻱ ﻭﻫﻮﺍﻱ ﻓﻘﺪﺕ ﺍﻋﺰﺍﺯ ﺍﺣﻔﻈﻠﻲ ﻣﺮﻳﺘﻲ ﻭﺟﻬﺎﻟﻲ ﺭﺩﻫﻢ ﺍﻟﻲ ﺳﺎﻟﻤﻴﻦ ﻳﺎﺭﺏ
ﺣﺎﺟﺘﻨﻲ ﺑﻬﻤﺲ
.. ﻣﺎﻫﺮ ﻓﺪﻭﻩ ﺍﺭﻳﺪ ﺍﻣﻲ ﺧﻠﻴﻨﻪ ﺍﻧﻤﺮ ﻋﻠﻴﻬﺎ
.. ﺣﺒﻴﺒﻪ ﺳﻬﻠﻪ ﺧﻞ ﻧﺸﻮﻑ ﻭﺿﻌﺞ ﻭﺷﺘﮕﻠﺞ ﺍﻟﻄﺒﻴﺒﻪ ﺍﻧﻪ ﺍﺭﻭﺡ ﺍﺟﻴﺒﻠﺞ ﺍﻣﺞ ﻣﺎﺍﺧﻠﻴﺞ ﻭﺍﻟﻠﻪ ﺑﺲ ﺍﻧﺘﻲ ﻻﺗﺨﺎﻓﻴﻦ ﻭﻳﺎﺝ ﺍﻟﻠﻪ ﺍﻻﺣﺴﻦ ﻣﻦ ﻛﻞ ﺑﺸﺮ
.. ﺍﻟﻠﻪ ﻛﺮﻳﻢ ﺑﺲ ﺗﺮﻯ ﺻﺎﺭﺕ ﻋﻨﺪﻱ ﺍﻻﻡ ﻣﺪﺭﻱ ﻣﻦ ﺍﻟﺨﻮﻑ ﻣﺪﺭﻱ ﺻﺪﮒ ﺻﺎﺭﺕ ﻋﻨﺪﻱ ﻭﻻﺩﻩ
ﺳﻤﻌﺘﻬﺎ ﺍﻣﻲ ﻭﺩﺍﺭﺕ ﻋﻠﻴﻬﺎ
.. ﺑﻌﺪ ﺍﺣﺴﻦ ﻋﻤﻪ ﺍﻥ ﺷﺎﺀﺍﻟﻠﻪ ﺧﻴﺮ ﺳﺎﻋﺎﺕ ﻭﺗﻌﺪﻱ ﻭﺍﻧﺘﻲ ﺳﺒﺎﻋﻴﻪ ﻫﺴﻪ ﺗﺬﺑﻴﻦ ﺣﻤﻠﺞ ﻭﺗﺮﺗﺎﺣﻴﻦ ﺑﺠﺎﻩ ﺍﻡ ﺍﻟﺒﻨﻴﻦ ﺍﻟﻠﻪ ﻳﺴﻬﻠﺞ ﻭﺗﻜﻮﻣﻴﻦ ﺍﻧﺘﻲ ﻭﺍﻟﻮﻳﻼﺩ ﺑﺎﻟﺴﻼﻣﻪ
ﺣﺎﺟﻴﺘﻬﺎ ﺍﻧﻲ ﻭﻋﻴﻮﻧﻲ ﻋﻠﻴﻬﺎ ﻣﻦ ﺍﻟﻤﺮﺍﻳﻪ
.. ﺷﻨﻲ ﻳﻌﻨﻲ ﻫﺴﻪ ﺍﻧﺘﻲ ﺗﺘﻮﺟﻌﻴﻦ ﺍﺳﻮﻕ ﺍﺳﺮﻉ .. ﺗﺮﺩﻳﻦ ﺍﻣﻲ ﺍﺩﻭﺭ ﻳﻤﺞ ﻻﺗﺴﻜﺘﻴﻦ ﺍﺣﺠﻲ ﺣﺘﻰ ﻧﻌﺮﻑ ﺍﻟﺒﻴﺞ
.. ﻻ ﻗﻠﻴﻞ ﻭﺍﻟﻠﻪ ﻣﻮ ﻛﻠﺶ ﻣﻐﺼﺎﺕ ﻗﻠﻴﻠﻪ
.. ﺍﻟﻠﻪ ﻛﺮﻳﻢ ﺍﻟﻠﻪ ﻳﺴﻬﻞ
ﻭﺻﻠﻨﻪ ﺍﻟﻤﺴﺘﺸﻔﻰ ﻭﺩﺧﻠﻨﻪ ﺻﺎﻟﺔ ﺍﻟﻮﻻﺩﻩ ﻭﺳﺄﻟﻨﻪ ﻉ ﻃﺒﻴﺒﺘﻬﺎ ﺟﺎﻧﺖ ﻣﻮﺟﻮﺩﻩ ﺍﻟﻲ ﻣﺘﺎﺑﻌﻪ ﺣﺎﻟﺘﻬﺎ ﻣﻦ ﺑﺪﺍﻳﺔ ﺣﻤﻠﻬﺎ
ﺩﺧﻠﻦ ﻫﻨﻪ ﻭﺍﻣﻲ ﻭﻳﺎﻫﻦ ﺟﻮﻩ ﺑﺎﻻﻧﺘﻈﺎﺭ ﻭﺍﻧﻪ ﺑﺮﻩ ﻣﻨﺘﻈﺮ ﻣﻨﻬﻦ ﺧﺒﺮ ﻳﻔﺮﺣﻨﻲ
ﻃﻠﻌﺘﻠﻲ ﺍﻣﻲ
.. ﻫﺎ ﻳﻤﻪ ﺑﺸﺮﻱ
.. ﺧﻴﺮ ﺍﻥ ﺷﺎﺀﺍﻟﻠﻪ ﺗﻜﻮﻝ ﻋﺪﻫﺎ ﻭﻻﺩﻩ ﺑﺲ ﺗﺘﺄﺧﺮ ﻳﻌﻨﻲ ﺑﻌﺪ ﻭﻛﺖ ﻛﺘﻠﻬﺎ ﻧﻄﻠﻊ ﻣﺎﻗﺒﻠﺖ ﮔﺎﻟﺖ ﺗﻮﻡ ﻭﻳﺮﺍﺩﻟﻬﻢ ﻣﺮﺍﻗﺒﻪ ﺍﻟﻨﺒﻀﻬﻢ ﻉ ﻃﻮﻝ ﺣﺘﻰ ﺍﺫﺍ ﺍﺿﻄﺮﻳﻨﻪ ﻟﻮ ﺻﺎﺭ ﺷﻲ ﻻﺳﺎﻣﺢ ﺍﻟﻠﻪ ﻧﺤﻮﻭﻝ ﻋﻤﻠﻴﻪ ﻭﺣﺘﻰ ﻃﺒﻴﺒﺘﻬﺎ ﻣﺎﺭﺍﺡ ﺗﺘﺮﻛﻬﺎ ﺭﺍﺡ ﺗﻈﻞ ﻭﻳﺎﻫﺎ
. ﺍﻟﻠﻪ ﻛﺮﻳﻢ ﻫﻴﻪ ﺯﻳﻨﻪ ﻫﺴﻪ .. ﺍﺭﻭﺡ ﺍﺟﻴﺐ ﺍﻣﻬﺎ
.. ﺍﻱ ﻳﻤﻪ ﺟﻴﺒﻬﺎ ﺗﺤﺘﺎﺟﻬﺎ ﻫﺴﻪ ﺧﻄﻴﻪ ﺧﺎﻓﺖ ﻭﺍﻧﺨﻄﻒ ﻟﻮﻧﻬﺎ ﻣﻦ ﺷﺎﻓﺖ ﺍﻝ ﻳﺠﻴﺒﻦ
.. ﻳﻤﻪ ﻓﺪﻭﻩ ﻋﻴﻨﺞ ﻋﻠﻴﻬﺎ ﻭﻻﺗﺨﻠﻴﻨﻬﺎ ﻭﺣﺪﻫﺎ ﻭﺧﻠﻴﻬﻦ ﻳﺪﺍﺭﻧﻬﺎ ﻭﺍﻧﻄﻲ ﻓﻠﻮﺱ ﻟﻮ ﺭﺍﺩﻥ ﺗﻌﺎﻟﻲ ﻭﻛﻮﻟﻴﻠﻲ ﻭﺍﻟﻴﺎﻣﺮﻥ ﺑﻲ ﺣﺎﺿﺮ ﺑﺲ ﻻﺗﻈﻞ ﻭﺣﺪﻫﺎ ﻭﺣﺎﺟﻴﻬﺎ ﻻﺗﺨﺎﻑ ﺯﻳﺎﺩﻩ ﺧﺎﻑ ﻳﺎﺛﺮ ﻋﻠﻴﻬﺎ
.. ﻳﻤﻪ ﻣﺮﻳﺘﻚ ﻫﻢ ﺳﺒﺎﻋﻴﻪ ﺻﺢ ﺑﻌﺪﻫﻲ ﺯﻏﻴﺮﻩ ﺑﺲ ﻉ ﻓﻄﺮﺗﻬﺎ ﻫﻴﻪ ﺳﺒﺎﻋﻴﻪ ﻣﺎﻳﻨﺨﺎﻑ ﻋﻠﻴﻬﺎ ﻭﺍﻧﺖ ﺍﺩﻋﻴﻠﻬﺎ
ﻣﺎﻋﻨﺪﻱ ﻏﻴﺮ ﺍﻟﺪﻋﺎﺀﺍﻟﻠﻪ ﻛﺮﻳﻢ .. ﺍﻧﻪ ﺍﺭﻭﺡ ﺍﺟﻴﺐ ﻋﻤﺘﻲ ﻭﺍﺟﻲ ﻣﺎﺍﻃﻮﻝ ﻫﺎﺝ ﺫﻧﻲ ﺧﻠﻴﻬﻦ ﺟﻮﻩ ﺍﻳﺪﺝ ﻛﻠﺸﻲ ﻳﺼﻴﺮ ﺧﺎﻑ ﺗﺤﺘﺎﺟﻴﻦ ﺷﻲ
ﻃﻠﻌﺘﻠﻬﺎ ﻓﻠﻮﺱ ﺍﻧﻄﻴﺘﻬﺎ ﻭﺭﺣﺖ ﺍﺟﻴﺐ ﻋﻤﺘﻲ ﺑﺎﻟﺪﺭﺏ ﺧﺎﺑﺮﺕ ﻭﺳﺎﻡ
.. ﻫﻼ ﻭﺳﺎﻡ
.. ﻫﻼ ﻣﺎﻫﺮ ﺷﻠﻮﻧﻚ
.. ﺍﻟﺤﻤﺪﻟﻠﻪ ﺍﻛﻠﻚ ﺍﻧﺖ ﺑﺎﻟﺒﻴﺖ ﻟﻮ ﺑﺸﻐﻠﻚ ﻫﺴﻪ
.. ﻻﺷﻌﻨﺪﻱ ﺑﺎﻟﺒﻴﺖ ﺑﺸﻐﻠﻲ ﺍﻛﻴﺪ ﮔﻮﻝ
.. ﻋﻤﺘﻲ ﻭﻳﻦ ﻣﻮﺟﻮﺩﻩ ﺭﺍﻳﺪﻫﺎ ﻭﺍﺗﺼﻞ ﻋﻠﻴﻬﺎ ﺟﻬﺎﺯﻫﺎ ﻣﻐﻠﻖ ﺯﻳﻨﺐ ﻋﺪﻫﺎ ﻭﻻﺩﻩ ﻭﺗﺮﻳﺪﻫﺎ ﻳﻤﻬﺎ
.. ﻫﺎ ﻣﺎﺍﺩﺭﻱ ﻭﺍﻟﻠﻪ ﺗﻠﻜﺎﻫﺎ ﺑﺎﻟﺒﻴﺖ ﻭﻳﻦ ﺗﺮﻭﺡ ﻭﺣﺘﻰ ﻟﻮ ﻳﻢ ﺧﻮﺍﻟﻲ ﻋﻤﺎﻣﻲ ﺧﻞ ﻳﺨﺎﺑﺮﻭﻧﻬﺎ ﻭﺗﺮﻭﺣﻠﻬﺎ
ﻭﻳﻦ ﺍﻧﺘﻢ ﺍﺟﻴﻜﻢ
.. ﻻ ﻳﺨﻮﻱ ﻛﻤﻞ ﺷﻐﻠﻚ ﺷﺘﺴﻮﻱ ﺍﻧﺖ ﺟﺎﻱ ﺭﺍﻳﺪ ﻋﻤﺘﻲ ﺍﻧﻪ
.. ﺷﻮﻑ ﺭﺍﺡ ﺍﻭﺩﻳﻠﻚ ﺭﻗﻢ ﺍﺑﻮﻱ ﻭﺍﻧﺖ ﺣﺎﺟﻲ ﻫﻮ ﻳﻌﺮﻑ ﻭﻳﻨﻬﺎ ﻭﻳﺨﻠﻴﻬﺎ ﺗﻠﺤﻜﮓ ﺍﺫﺍ ﻣﻮ ﻭﻳﺎﻙ
.. ﺭﺍﺡ ﺍﻭﺻﻠﻜﻢ ﺍﻧﻪ ﺭﻗﻢ ﺍﺑﻮﻙ ﺷﮕﻠﻪ ﻓﺸﻠﻪ ﻳﺨﻮﻱ ﺍﻧﺖ ﺣﺎﺟﻲ
.. ﻻ ﻣﺎﺍﺣﺎﺟﻲ ﺍﻧﻪ
.. ﺯﻋﻼﻥ ﺷﻨﻲ
.. ﻻ ﻣﺎﺯﻋﻼﻥ ﺑﺲ ﻣﺎﺍﻛﺪﺭ ﺍﺣﺎﺟﻲ
.. ﻭﺩﻱ ﻳﻠﻠﻪ .. ﺗﺮﻛﺘﻪ ﻭﻣﻮ ﻭﻛﺖ ﺍﺗﺠﺎﺩﻝ ﻭﺍﺗﻨﺎﻗﺶ ﻭﻳﺎﻩ
ﺍﺟﺎﻧﻲ ﺍﻟﺮﻗﻢ ﻭﻛﻠﺖ ﺍﺫﺍ ﻣﺎﻟﮕﻴﺘﻬﺎ ﺍﺧﺎﺑﺮ ﺍﻟﺤﻤﺪﻟﻠﻪ ﺍﻭﻝ ﻣﺎﺩﻛﻴﺖ ﺍﻟﺒﺎﺏ
ﻫﻲ ﻃﻠﻌﺘﻠﻲ ﺍﻭﻝ ﻣﺎﺷﺎﻓﺘﻨﻲ ﮔﺎﻟﺖ
.. ﻫﻼ ﻳﻤﻪ ﺯﻧﻮﺑﻪ ﻭﻳﻦ
.. ﻫﻼ ﺷﻠﻮﻧﺞ ﻳﻤﻪ .. ﺑﺎﻟﻤﺴﺘﺸﻔﻰ ﻋﺪﻫﺎ ﻭﻻﺩﻩ ﻭﺗﺮﻳﺪﺝ ﻳﻤﻬﺎ ﺍﺟﻴﺖ ﺍﺧﺬﺝ
.. ﻋﻤﺖ ﻋﻴﻨﻲ ﺍﻟﻠﻪ ﻳﺴﻬﻞ ﺍﻟﻬﺎ ﻓﺪﻭﻩ ﻋﻤﻪ ﺑﺲ ﺍﻟﺒﺲ ﺟﻮﺍﺭﻳﺒﻲ ﻭﻋﺒﺎﺗﻲ ﻭﺍﺟﻴﻚ
.. ﺍﻱ ﻋﻤﻪ ﺑﺲ ﻉ ﺍﻟﺴﺮﻳﻊ ﺧﺎﻑ ﻳﺤﺘﺎﺟﻮﻥ ﺷﻲ
ﻃﻠﻌﺖ ﻋﻤﺘﻲ ﺍﺧﺬﺗﻬﺎ ﻭﺭﺣﻨﻪ ﺑﺎﻟﻄﺮﻳﻖ ﮔﺎﻟﺖ ﻭﻋﻠﻲ ﻫﺎﻱ ﺍﺧﺘﻬﺎ ﻛﻠﺴﺎﻉ ﻭﮔﺎﻟﺘﻠﻲ ﻳﻤﻪ ﺧﺎﺑﺮﻳﻬﺎ ﺷﻮﻓﻴﻬﺎ ﺍﺣﺲ ﺑﻴﻬﺎ ﺷﻲ
ﺳﻜﺘﺖ ﻭﻣﺎﻋﻠﻘﺖ ﻳﻤﻜﻦ ﺍﻣﻬﺎ ﻧﺴﺖ ﺍﻟﺴﻮﺗﻪ ﻣﻌﻘﻮﻟﻪ ﻫﻴﺞ ﺗﺤﺲ ﺑﻴﻬﺎ ﺯﻳﻦ ﻟﻴﺶ ﺭﺍﺩﺕ ﺗﺨﺮﺏ ﺑﻴﺘﻬﺎ ﻭﺗﺸﻮﻩ ﺻﻮﺭﺗﻬﺎ
ﻃﺮﺩﺕ ﻣﻦ ﺑﺎﻟﻲ ﻫﺎﻻﻓﻜﺎﺭ ﻭﺻﻔﻴﺖ ﺑﺎﻟﻲ ﺍﻟﻬﺎ ﻭﺑﺲ ﻭﻣﺎﻛﻮ ﻉ ﺍﻟﺴﺎﻧﻲ ﻭﮔﻠﺒﻲ ﺑﺲ ﺍﻟﺪﻋﺎﺀ
ﻭﺻﻠﺖ ﺍﻟﻤﺴﺘﺸﻔﻰ ﻭﻭﺻﻠﺖ ﻋﻤﺘﻲ ﻟﻠﺼﺎﻟﻪ ﺑﻌﺪ ﻣﺪﺍﺧﻠﻬﺎ ﺍﺻﻼ ﺑﻘﺎﻋﺔ ﺍﻻﻧﺘﻈﺎﺭ
ﻭﺍﻻﺻﻮﺍﺕ ﺍﻟﻲ ﺍﺳﻤﻌﺘﻬﺎ ﺯﺍﺩﺕ ﺧﻮﻓﻲ ﻋﻠﻴﻬﺎ
ﺍﻟﻠﻪ ﻳﺴﺎﻋﺪﻫﺎ ﻫﻲ
ﺣﺎﻭﻟﺖ ﺍﻣﻴﻴﺰ ﺻﻮﺗﻬﺎ ﻣﻦ ﺑﻴﻨﻬﻦ ﻣﺎﻛﻮ ﺍﻟﻬﺎ ﺻﻮﺕ
ﺷﻮﻳﻪ ﻭﻃﻠﻌﺖ ﺍﻣﻲ
ﮔﺎﻟﺖ ﺗﻮﻫﺎ ﻳﻠﻠﻪ ﺯﺍﺩ ﻭﺟﻌﻬﺎ ﻭﺍﻟﻄﺒﻴﺒﻪ ﺗﻜﻮﻝ ﻫﻲ ﻭﺍﻟﻠﻴﻞ ﺭﻭﺡ ﻳﻤﻪ ﺭﻭﺡ ﺍﺭﺗﺎﺡ ﺍﻧﺖ
.. ﺷﺮﺗﺎﺡ ﻳﺎﻳﻤﻪ ﺻﺪﻙ ﺗﺤﺠﻴﻦ ﻫﻮ ﺍﻧﻪ ﻛﻌﺪﻩ ﻣﺎﺍﻋﺮﻑ ﺍﻛﻌﺪ .. ﺑﻌﺪﻳﻦ ﺷﻨﻲ ﺍﻟﺤﺪ ﺍﻟﻠﻴﻞ ﺗﻈﻞ ﻣﺘﻮﺟﻌﻪ ﺍﻟﺤﺪ ﺍﻟﻠﻴﻞ ﻫﻮﺍﻱ ﻫﻴﺞ ﻳﻌﻨﻲ ﻫﻲ ﻛﻞ ﻭﺣﺪﻩ ﻟﻮ ﺟﻲ ﺗﻮﻡ
.. ﻻ ﻳﻤﻪ ﺍﻟﻠﻪ ﻳﺴﻬﻞ ﻫﻲ ﻛﻞ ﻭﺣﺪﻩ ﻫﻴﺞ ﻫﺎﻱ ﺍﻭﺟﺎﻉ ﺧﻔﻴﻔﻪ ﺍﻟﻘﻮﻳﺎﺕ ﺗﺎﻟﻲ ﻳﺠﻦ ﻭﻣﻨﻬﺎ ﻭﺗﺠﻴﺐ ﻻﻳﻈﻞ ﺑﺎﻟﻚ.....قصص عراقيه حقيقيه من واقعنا.روعه الطائي
ﻫﺴﻪ ﻫﻲ ﺗﺤﺠﻲ ﻛﺎﻋﺪﻩ ﻧﺎﻳﻤﻪ ﻭﻳﻨﻬﺎ ﺷﺘﺴﻮﻱ
.. ﺗﺘﻤﺸﻪ ﺷﻮﻳﻪ ﻻﻳﻈﻞ ﺑﺎﻟﻚ ﺍﺣﻨﻪ ﻳﻤﻬﺎ ﻳﺎﻳﻤﻪ ﺭﺣﻤﻪ ﻳﺨﻠﻨﻪ ﻧﻔﻮﺕ ﻭﻳﺎﻫﺎ ﺭﺑﻚ ﻣﺎﻳﻄﺮﺩﻥ ﺍﻟﻠﻪ ﻫﺎﺩﻳﻬﻦ ﺷﻔﺖ ﺍﻻﻣﻬﺎﺕ ﺗﻔﻮﺕ ﻭﻱ ﺑﻨﺎﺗﻬﻦ
.. ﻳﻤﻪ ﻻﺗﺨﻠﻴﻨﻬﺎ ﻇﻠﻲ ﻳﻤﻬﺎ ﻭﻋﻴﻨﺞ ﻋﻠﻴﻬﺎ
ﻣﺮﺕ ﺍﻟﺴﺎﻋﺎﺕ ﺑﺜﮕﻠﻬﺎ ﻭﻣﻦ ﺻﺮﺕ ﺍﻣﻴﻴﺰ ﺻﻮﺗﻬﺎ ﻭﺍﺳﻤﻊ ﺻﺮﺧﺎﺗﻬﺎ ﻭﺍﺣﺲ ﺑﻌﺬﺍﺑﻬﺎ ﻗﺮﺭﺕ ﺍﻃﻠﻊ ﻭﻣﺎﺍﻇﻞ ﻣﺎﺍﺭﻳﺪ ﺍﺳﻤﻌﻬﺎ ﺍﻛﺜﺮ
ﺭﺣﺖ ﺑﻌﻴﺪ ﻋﻨﻬﺎ ﻭﺍﺗﻌﺬﺑﺖ ﺍﻛﺜﺮ ﺭﺟﻌﺖ ﺍﻟﻨﻔﺲ ﺍﻟﻤﻜﺎﻥ
ﻉ ﺍﻻﻗﻞ ﺍﺣﺲ ﺑﻴﻬﺎ ﻭﺻﻮﺗﻬﺎ ﻳﻄﻤﻨﻲ
ﻭﺻﺎﺭ ﺍﻟﻠﻴﻞ ﻭﺍﺗﻌﺪﺕ ﺳﺎﻋﻪ ﺍﺛﻨﻌﺶ ﺑﻌﺪ ﺍﻧﻬﺎﺭﺕ ﺍﻋﺼﺎﺑﻲ ﻭﺍﻧﻪ ﺻﺮﺕ ﺍﺷﻮﻑ ﻛﻞ ﺍﻟﻮﻳﺎﻫﺎ ﻭﺍﻫﻠﻬﻦ ﻭﻳﺎﻱ ﻃﻠﻌﻮ ﻭﺣﺘﻰ ﺍﻻﺟﻮ ﻭﺭﺍﻫﺎ ﻃﻠﻌﻦ ﻭﻫﻲ ﺑﻌﺪﻫﻲ ﺍﻟﺨﻮﻑ ﺍﺗﻤﻠﻜﻨﻲ ﻭﻭﺩﻳﺖ ﻭﺣﺪﻩ ﻣﻦ ﺍﻟﻤﻤﺮﺿﺎﺕ ﻉ ﺍﻣﻲ
ﺍﺟﺖ ﺍﻣﻲ ﺗﻌﺒﺎﻧﻪ ﻣﺒﻴﻴﻦ ﻋﻠﻴﻬﺎ
.. ﻳﻤﻪ ﺷﻨﻲ ﺍﻟﺴﺎﻟﻔﻪ ﻣﻮ ﺣﺎﻟﻪ ﻫﺎﻱ ﺑﺲ ﻫﻲ ﻇﻠﺖ ﻟﻮ ﺍﻛﻮ ﻭﻳﺎﻫﺎ ﺗﺮﻯ ﻣﺘﺖ ﺧﻮﻑ ﻛﻞ ﺍﻻﺟﻦ ﻭﺭﺍﻫﺎ ﻭﻭﻳﺎﻫﺎ ﻃﻠﻌﻦ ﺻﻴﺤﻴﻠﻲ ﺩﻛﺘﻮﺭﺗﻬﺎ ﺧﻞ ﺗﺤﻮﻟﻬﺎ ﻋﻤﻠﻴﺎﺕ ﺣﺘﻰ ﺻﻮﺗﻬﺎ ﺭﺍﺡ ﺻﺎﺭ ﺳﺎﻋﺎﺕ ﻭﻫﻲ ﻋﻠﻰ ﻧﻔﺲ ﺍﻟﺤﺎﻟﻪ
.. ﻣﺎﺑﻘﺎﻟﻬﺎ ﺷﻲ ﻳﻤﻪ ﻛﻮﻝ ﻳﺎﻟﻠﻪ ﺧﻠﻲ ﺩﻛﺘﻮﺭﺗﻬﺎ ﺗﺸﻮﻑ ﺷﻐﻠﻬﺎ ﻣﺎﻋﺎﻳﻔﺘﻬﺎ ﻭﺍﻟﻠﻪ ﻛﻠﺴﺎﻉ ﺗﺸﻮﻓﻬﺎ ﺑﺎﻟﺠﻬﺎﺯ ﻭﻛﺎﺳﺮﻩ ﺧﺎﻃﺮﻫﺎ ﺟﻲ ﺯﻏﻴﺮﻩ ﻭﺑﺠﺮ ﻭﺑﺘﻮﻡ ﻫﻢ
.. ﻳﻤﻪ ﺧﺎﻳﻒ ﻋﻠﻴﻬﺎ ﻭﺍﻟﻠﻪ ﻭﺧﺎﻑ ﻫﻤﻪ ﻳﺨﺘﻨﻜﻮﻥ ﻫﻢ .. ﺷﻮ ﻳﻜﻮﻟﻮﻥ ﺍﻡ ﺍﻟﺘﻮﻡ ﺍﻟﻌﻤﻠﻴﻪ ﺍﺿﻤﻦ ﺍﻟﻬﺎ
.. ﻏﻴﺮ ﻃﺒﻴﺒﺘﻬﺎ ﺍﻋﺮﻑ ﺑﺤﺎﻟﺘﻬﺎ
.. ﻳﺎﺍﻋﺮﻑ ﻭﻫﺎﻱ ﺍﺗﻌﺪﻩ ﻧﺺ ﺍﻟﻠﻴﻞ ﻭﺍﺣﻨﻪ ﻫﻨﺎ ﻣﻦ ﺍﻟﻀﻬﺮ
.. ﺧﻞ ﺍﺷﻮﻓﻬﺎ ﻭﺍﺭﺟﻌﻠﻚ
ﺭﺑﻊ ﺳﺎﻋﻪ ﻭﻃﻠﻌﺖ ﺍﻣﻲ ﺗﺒﺒﺎﺭﻛﻠﻲ ﻭﻫﻲ ﺗﺒﻮﺳﻨﻲ
.. ﻣﺒﺎﺭﻙ ﻳﻤﻪ ﻣﺎﻫﺮ ﺟﺎﺑﺘﻬﻢ ﺍﺛﻨﻴﻨﻬﻢ ﺑﺨﻴﺮ ﻭﺳﻼﻣﻪ ﺑﺲ ﻭﺩﻭﻫﻢ ﻟﻠﺨﺪﺝ ﺍﻭﻻﺩﻙ ﻳﻜﻮﻟﻮﻥ ﺯﻳﻨﻴﻦ ﺑﺲ ﻳﺮﺍﺩﻟﻬﻢ ﺭﺍﺣﻪ ﺷﻮﻳﻪ
.. ﻳﺎﺍﻟﻠﻪ .. ﺍﻟﻒ ﺍﻟﺤﻤﺪﻟﻠﻪ
ﮔﻠﺘﻬﺎ ﻭﺟﺮﻳﺖ ﻧﻔﺲ ﺑﺮﺍﺣﻪ ﻭﺭﻓﻌﺖ ﺷﻌﺮﻱ ﺑﺄﻳﺪﻱ ﻭﺑﺎﻟﻲ ﻳﻤﻬﺎ
.. ﻳﻤﻪ ﺯﻳﻨﺐ ﺷﻠﻮﻧﻬﺎ
.. ﺯﻳﻨﻪ ﻳﻤﻪ ﺑﺲ ﺑﻌﺪﻫﻲ ﺗﻌﺒﺎﻧﻪ ﻫﺴﻪ ﺗﺮﺗﺎﺡ .. ﺍﺭﺗﺎﺡ ﺍﻧﺖ ﺑﻌﺪ ﺍﻣﻚ ﻉ ﻓﺮﺩ ﻭﮔﻔﻪ ﻣﻦ ﺍﻟﻀﻬﺮ ﺍﻟﻬﺴﻪ
.. ﺭﺍﺡ ﺗﻌﺒﻲ ﻳﻤﻪ ﻣﺎﻋﺪﺕ ﺍﺣﺲ ﺑﻲ ﺍﺭﺩ ﺍﺷﻮﻓﻬﻢ ﻫﺴﻪ ﺯﻳﻨﺐ ﺍﻛﺪﺭ ﺍﺷﻮﻓﻬﺎ
.. ﻻ ﻳﻤﻪ ﻣﻦ ﺗﻄﻠﻊ ﻳﻠﻠﻪ ﻧﺴﻮﺍﻥ ﻫﻮﺍﻱ ﺑﺎﻟﺼﺎﻟﻪ ﻣﻮ ﻭﺣﺪﻫﺎ
ﺭﺣﺖ ﺍﺷﻮﻓﻬﻢ ﻭﺍﺣﺲ ﺍﻟﻔﺮﺣﻪ ﺍﻟﺒﮕﻠﺒﻲ ﺟﻨﻲ ﺗﻮﻧﻲ ﻣﻮﻟﻮﺩ ﻭﺧﺎﻟﻲ ﻣﻦ ﻛﻞ ﻫﻢ ﻭﻣﺎﺷﺎﻳﻒ ﺿﻴﻢ ﺑﻌﻤﺮﻱ
ﺍﺗﺠﻤﻌﺖ ﺍﻟﺪﻣﻮﻉ ﺑﻌﻴﻨﻲ ﻣﻦ ﺷﻔﺘﻬﻢ ﻳﺒﺠﻮﻥ ﻭﻣﺜﻞ ﻛﻞ ﻣﺮﻩ ﻋﺎﻧﺪﻥ ﻣﺎﻧﺰﻟﻦ ﺍﻟﺤﺪ ﺍﻟﻲ ﺍﺗﺬﻛﺮﺕ ﺑﻴﻬﻦ ﺍﺑﻮﻱ ﻭﻟﻮ ﺟﺎﻥ ﻋﺎﻳﺶ ﺷﻠﻮﻥ ﺟﺎﻧﺖ ﻓﺮﺣﺘﻪ ﻫﺴﻪ
ﻛﻤﻠﺖ ﺍﺟﺮﺍﺋﺎﺕ ﺍﻟﺘﺴﺠﻴﻞ
ﺍﻟﻲ ﻋﺮﻓﺘﻪ ﺑﻴﻦ ﻭﺍﺣﺪ ﻭﻭﺍﺣﺪ ﺳﺒﻊ ﺩﻗﺎﻳﻖ
ﺍﻟﺠﺒﻴﺮ ﺳﻤﻴﺘﻪ ﻣﺤﻤﺪ
ﻭﺍﻻﺯﻏﺮ ﻣﻨﻪ ﻋﻠﻲ
ﺑﻌﺪ ﺳﺎﻋﺎﺕ ﻛﺘﺒﻮﻟﻨﻪ ﺍﻟﺨﺮﻭﺝ ﻭﺍﻧﻪ ﺑﺲ ﺍﺭﻳﺪ ﺍﺷﻮﻓﻬﺎ ﺣﻀﺮﺕ ﺍﻟﺴﻴﺎﺭﻩ ﻭﺟﺒﺘﻬﺎ ﻗﺮﻳﺐ ﺍﻟﺒﺎﺏ ﺍﻟﺨﺮﻭﺝ ﺑﻌﺪ ﻣﺎﺍﺗﺮﺧﺼﺖ ﻣﻦ ﺍﻟﺤﺮﺱ ﺍﻟﻮﺍﮔﻔﻴﻦ ﺑﺎﻟﺒﺎﺏ ﻃﻠﻌﺖ ﻭﻫﻲ ﻋﻠﻰ ﻛﺮﺳﻲ ﻭﻣﻌﻴﻨﻪ ﻭﻳﺎﻫﻦ ﺗﺪﻓﻌﻬﺎ
ﻗﺮﺑﺖ ﻋﻠﻴﻬﺎ ﺑﺴﺖ ﺭﺍﺳﻬﺎ ﻭﺧﺪﻫﺎ ﺑﺎﺭﻛﺘﻠﻬﺎ ﻭﺳﺎﻋﺪﺗﻬﺎ ﺗﺼﻌﺪ ﺑﺎﻟﺴﻴﺎﺭﻩ ﻭﻣﻦ ﻭﺿﻌﻴﺘﻬﺎ ﻭﺻﻌﻮﺑﺔ ﺣﺮﻛﺘﻬﺎ ﻋﺮﻓﺖ ﺷﮕﺪ ﻫﻴﻪ ﻣﺘﺄﺫﻳﻪ ﻭﺗﻌﺒﺎﻧﻪ
ﻣﺎﻣﺘﻔﻘﻴﻦ ﻫﻲ ﺗﺮﻭﺡ ﻭﻳﺎﻱ ﻟﻮ ﺍﻻﻫﻠﻬﺎ ﻭﺧﻠﻴﺖ ﺍﻟﺨﻴﺎﺭ ﺍﻟﻬﺎ ﺭﻏﻢ . ﺍﻣﻨﻴﺘﻲ ﺟﺎﻧﺖ ﺗﺮﻭﺡ ﻭﻳﺎﻱ ﺣﺘﻰ ﺍﺷﺒﻊ ﺷﻮﻑ ﻣﻨﻬﺎ ﻭﻣﻦ ﺍﻭﻻﺩﻱ ﺑﻌﺪ ﺍﻟﻲ ﺻﺎﺭ ﺻﺮﺕ ﺍﺳﺘﺼﻌﺐ ﻃﺒﺘﻲ ﻋﻠﻴﻬﻢ ﻭﺍﻛﻴﺪ ﻣﺎﺭﺍﺡ ﺍﺧﺬ ﺭﺍﺣﺘﻲ ﻣﺜﻞ ﺑﻴﺘﻲ
ﻋﻤﺘﻲ ﮔﺎﻟﺖ ﻭﻳﻦ ﻧﺮﻭﺡ ﻫﺴﻪ ﺍﻟﺒﻴﺘﻨﻪ ﺍﻟﺒﻴﺘﻚ
.. ﺑﻜﻴﻔﻬﺎ ﻋﻤﻪ ﻭﻳﻦ ﺗﺮﺗﺎﺡ ﻫﻲ ﺍﻫﻢ ﺷﻲ ﺭﺍﺣﺘﻬﺎ
ﺣﺎﺟﺘﻬﺎ ﺍﻣﻲ ﺑﻜﻴﻒ ﺯﻧﻮﺑﻪ ﻭﻟﻮ ﺍﺗﻤﻨﻰ ﺗﺠﻲ ﻭﻳﺎﻱ ﻭﺍﺣﻄﻬﺎ ﺑﻌﻴﻨﻲ ﻭﺍﻟﻠﻪ ﺍﻧﻪ ﻭﺳﺮﻭﺭ ﻣﺎﻧﺨﻠﻴﻬﺎ ﺑﻌﺎﺯﺓ ﺍﺑﺪ ﻭﺍﻧﺘﻲ ﺍﻣﻬﺎ ﻭﻳﺎﻫﺎ ﻣﺎﻫﺮ ﻭﻟﻴﺪﺝ ﻻﻋﺪﻧﻪ ﺷﺎﻳﺐ ﺗﺴﺘﺤﻴﻦ ﻣﻨﻪ ﻭﻻ ﺍﺣﺪ ﻳﻀﺎﻳﮕﻜﻢ
ﺩﺍﺭﺕ ﻋﻠﻴﻬﺎ ﺍﻣﻬﺎ
.. ﺷﺘﻜﻮﻟﻴﻦ ﻳﻤﻪ ﻭﻳﻦ ﺗﺮﺩﻳﻦ ﺑﻜﻴﻔﺞ ﺍﻧﺘﻲ
ﻋﻴﻨﻲ ﻋﻠﻴﻬﺎ ﻭﺍﺷﺮﺕ ﻋﻠﻴﻪ ﻭﻳﺎﻫﻢ ﻳﻤﻪ ﺍﻟﺒﻴﺘﻨﻪ ﺍﺭﻭﺡ ﻭﺍﻧﺘﻲ ﺗﻌﺎﻱ ﻭﻳﺎﻱ
ﺍﺑﺘﺴﻤﺖ ﺑﺮﺍﺣﻪ ﺣﺴﻴﺘﻬﺎ ﺗﺤﺲ ﺑﻴﻪ ﻭﺗﺪﺭﻱ ﺑﻴﻪ ﺍﻛﺜﺮ ﻭﻛﺖ ﻣﺤﺘﺎﺟﻬﺎ ﺍﺭﻳﺪﻫﺎ ﮔﺒﺎﻝ ﻋﻴﻨﻲ ﻭﺍﺷﺒﻊ ﺷﻮﻑ ﻣﻨﻬﺎ ﻭﻣﻦ ﺍﻃﻔﺎﻟﻨﻪ
ﺍﻟﺪﻧﻴﺎ ﻟﻴﻞ ﻭﺣﺘﻰ ﺍﻟﻔﺠﺮ ﺑﻌﺪﻩ ﻣﺎﻃﺮ ﺳﺎﻋﻪ ﺗﻼﺛﻪ ﺑﺎﻟﻠﻴﻞ ﻭﺻﻠﻨﻪ ﻭﻟﻜﻴﻨﻪ ﺳﺮﻭﺭ ﻣﺠﻬﺰﻩ ﻛﻠﺸﻲ ﺑﺎﻟﻐﺮﻓﻪ ﺣﺘﻰ ﻛﻮﺍﺭﻳﻚ ﺍﻻﻃﻔﺎﻝ
ﺑﺎﺭﻛﺘﻠﻲ ﻭﻋﻴﻮﻧﻬﺎ ﻣﺪﻣﻌﻪ ﻣﻦ ﺍﻟﻔﺮﺡ
.. ﻋﺒﺎﻟﻲ ﻧﻠﻜﺎﺝ ﻧﺎﻳﻤﻪ ﻭﻳﻨﺸﻠﻊ ﮔﻠﺒﻨﻪ ﺑﺎﻟﺒﺎﺏ
.. ﻳﺎ ﻭﺍﻧﻪ ﻋﻴﻨﻲ ﺍﺧﺬﺕ ﻧﻮﻡ ﻏﻴﺮ ﻣﻦ ﺍﻟﻔﺮﺣﻪ ﻃﺎﺭﺕ ﻧﻮﻣﺔ ﻋﻴﻨﻲ ﻣﺴﺘﻌﺪﻩ ﻳﻮﻣﻴﻦ ﺍﻇﻞ ﮔﺎﻋﺪﻩ ﺑﺪﻭﻥ ﻣﺎﺗﻐﻤﺾ ﻋﻴﻨﻲ ﻣﻦ ﺍﻟﻔﺮﺣﻪ ﻓﺪﻭﻩ ﺣﺒﺎﻳﺒﻲ ﻳﺨﺒﻠﻮﻥ
.. ﺧﻮ ﻣﺎﺧﻔﺘﻲ ﺗﺮﻯ ﻣﺎﺧﻠﻴﺘﺞ ﻭﺣﺪﺝ ﺍﻧﻪ ﻭﺻﻴﺖ ﺣﺴﻴﻦ ﻭﺍﻟﺤﺪ ﺟﻴﺘﻨﻪ ﻫﻮ ﻳﻨﻄﺮ ﺍﻟﺒﻴﺖ
.. ﻻﻣﺎﺧﻔﺖ .. ﺳﻜﺘﺖ ﻭﺍﺑﺎﻟﻲ ﺣﺴﻴﻦ ﺍﺑﺘﻠﻪ ﺑﻴﻪ ﻭﺍﻧﻪ ﺍﺭﻳﺪﻩ ﻳﺒﻌﺪ ﻋﻨﻲ ﻭﻳﺘﺮﻛﻨﻲ ﻭﺍﺣﻨﻪ ﻣﺎﺗﺎﺭﻛﻴﻨﻪ
ﺑﻌﺪ ﺍﺧﺮ ﻣﺮﻩ ﺍﻟﺘﻘﻴﻨﻪ ﺑﻴﻬﺎ ﻣﺎﺍﺩﺭﻱ ﻟﻴﺶ ﺍﻟﺤﺰﻥ ﺍﻟﺒﻌﻴﻮﻧﻪ ﺿﻮﺟﻨﻲ ﻋﻠﻴﻪ ﻭﺍﻭﻝ ﻣﺮﻩ ﺣﺴﻴﺘﻪ ﺑﺮﻭﺣﻲ ﺍﻧﻪ ﻗﺎﺳﻴﻪ ﻭﻳﺎﻩ ﻣﻦ ﺳﻠﻢ ﺭﺩﻳﺖ ﺍﻟﺴﻼﻡ ﻭﺍﺑﺘﻌﺪﺕ ﻋﻨﻪ ﻭﺻﺮﺕ ﺍﻓﻜﺮ ﻣﺎﺭﺍﺡ ﺍﻫﺎﺟﻤﻪ ﺍﺑﺪ ﻫﻮ ﺧﻮﺵ ﻭﻟﺪ ﺑﺲ ﻳﺴﺘﺎﻫﻞ ﻭﺣﺪﻩ ﺍﺣﺴﻦ ﻣﻨﻲ ﺗﺤﺒﻪ ﻭﻛﻠﺒﻬﺎ ﺑﺲ ﺍﻟﻪ ﺍﻧﻪ ﻣﺴﺘﺤﻴﻞ ﺍﺻﻴﺮ ﺍﻟﻪ ﻟﻮ ﺍﺣﺲ ﺑﻲ ﻗﺮﺭﺕ ﺍﺻﺮﻑ ﺑﺲ ﺑﺪﻭﻥ ﻣﺎﺍﺟﺮﺣﻪ
... .
ﺯﻳﻨﺐ ..
ﺑﻌﺪ ﺗﻌﺐ ﺳﺎﻋﺎﺕ ﺍﻟﺤﻤﺪﻟﻠﻪ ﺟﺒﺖ ﺑﺴﻼﻣﻪ ﺍﺣﺲ ﺍﻟﻠﻪ ﻛﺘﺒﻠﻲ ﻋﻤﺮ ﺟﺪﻳﺪ ﺍﺣﺲ ﺑﻼﻋﻴﻤﻲ ﻣﺠﺮﺣﻪ ﻣﻦ . ﻭﻋﻴﺖ ﻉ ﺭﻭﺣﻲ ﺍﺳﺘﺤﻴﺖ ﻣﻦ ﺍﻣﻲ ﻭﻋﻤﺘﻲ ﻉ ﺻﻮﺗﻲ ﻭﺻﻴﺎﺣﻲ ﻭﺣﭽﻴﻲ ﻋﻠﻴﻬﻢ ﺷﺠﺎﻧﻲ ﻓﻘﺪﺕ ﻣﺎﺍﺩﺭﻱ
ﺑﻌﺪ ﻣﺎﺟﺒﺘﻬﻢ
ﻭﺍﺣﺲ ﻛﻞ ﺗﻌﺒﻲ ﺭﺍﺡ ﻣﻨﻲ ﺑﺲ ﺑﻘﻴﺖ ﺍﻋﺎﻧﻲ ﻣﻦ . ﺍﻭﺟﺎﻋﻲ ﻭﺍﺣﺲ ﺟﺴﻤﻲ ﻛﻠﻪ ﻧﺤﻴﻞ ﻋﺒﺎﻟﻚ ﻃﺎﻳﺤﻪ ﻣﻦ ﻋﻤﺎﺭﻩ ﻭﻋﻈﺎﻣﻲ ﻣﺘﻜﺴﺮﻩ
ﻃﻠﻌﺖ ﻭﻣﻦ ﺷﻔﺖ ﻋﻴﻮﻥ ﻣﺎﻫﺮ ﻭﺍﻟﻔﺮﺣﻪ ﺍﻟﺒﻴﻬﻦ ﺯﺍﺩﺕ ﻓﺮﺣﺘﻲ ﺍﻛﺜﺮ ﺣﺴﻴﺖ ﺑﻠﻬﻔﺘﻪ ﻭﺧﻮﻓﻪ ﻋﻠﻴﻪ
ﻣﺒﻴﻴﻦ ﺣﻴﻞ ﺧﺎﻳﻒ ﻻﻥ ﺍﻟﺴﻮﺍﻩ ﻣﺎﻣﺘﻮﻗﻌﺘﻪ ﻳﺴﻮﻱ ﻣﻦ ﻧﺼﻪ ﻋﻠﻴﻪ ﻭﺑﺎﺳﻨﻲ ﻛﺪﺍﻡ ﺍﻟﻜﻞ ﺑﺮﻩ ﺍﻟﻤﺴﺘﺸﻔﻰ ﻭﺷﻠﻮﻥ ﺳﻨﺪﻧﻲ ﻭﺻﻌﺪﻧﻲ ﺭﻏﻢ ﺍﻳﺪﻩ ﺑﻌﺪﻫﻲ ﻣﺎﺗﺘﺤﻤﻞ ﺛﮕﻞ ﺑﺲ ﻣﺎﻋﺎﻓﻨﻲ ﺷﺎﻟﻨﻲ ﺷﻴﻞ ﻣﻦ ﺍﻟﻜﺮﺳﻲ ﻟﻠﺴﻴﺎﺭﻩ ﺑﺲ ﺍﻧﻲ ﺳﺎﻋﺪﺕ ﻧﻔﺴﻲ ﻭﻧﺰﻟﺖ ﺭﺟﻠﻴﻨﻲ ﻳﻤﻜﻦ ﻋﺒﺎﻟﻪ ﺗﻜﺮﻣﺖ ﻣﻮ ﺑﺲ ﺟﺒﺖ
ﺍﻭﻝ ﻣﺎﻭﺻﻠﻨﻪ ﺍﻟﺒﻴﺖ ﺳﺮﻭﺭ ﻣﺠﻬﺰﻩ ﻏﺮﻓﻪ ﻏﻴﺮ ﻏﺮﻓﺘﻲ ﻣﺎﻛﺪﺭﺕ ﺍﻛﻠﻬﺎ ﺍﺭﻳﺪ ﺑﻐﺮﻓﺘﻲ ﺗﻌﺒﺎﻧﻪ ﻭﺍﺭﻳﺪ ﺑﺲ ﺍﻭﺻﻞ ﻭﺍﻧﺎﻡ
ﺍﺗﻤﺪﺩﺕ ﺑﺘﻌﺐ ﺻﺤﺖ ﺍﻣﻲ ﺍﺩﻟﻜﻠﻲ ﺭﺟﻠﻴﻨﻲ ﻣﺎﺟﺎﻱ ﺍﺣﺲ ﺑﻴﻬﻦ ﺣﺘﻰ ﺍﻟﻮﺭﻡ ﺑﻌﺪﻩ ﻧﻔﺴﻪ
ﺷﻮﻳﻪ ﻭﺍﺟﻪ ﻣﺎﻫﺮ ﻣﺒﺪﻝ ﻭﻣﺒﻴﻴﻦ ﻏﺎﺳﻞ ﺩﻧﻴﺎ ﻟﻴﻞ ﻭﺑﺎﺭﺩﻩ ﺟﺎﻧﺖ ﺻﺢ ﻣﻮ ﺑﺮﺩ ﺍﻟﺸﺘﻪ ﺍﻟﻘﻮﻱ ﺑﺲ ﺑﺪﺍﻳﺎﺗﻪ
ﻛﺘﻠﻪ ﺑﺎﺭﺩﻩ ﻋﻠﻴﻚ ﻣﺎﺍﻫﺘﻢ
ﻛﺎﻝ ﺍﻻﻣﻲ ﻧﺎﻣﻲ ﺍﺭﺗﺎﺣﻲ ﻋﻤﻪ ﺍﻧﻪ ﻳﻤﻬﺎ
ﻣﺪ ﺍﻳﺪﻩ ﻉ ﺭﺟﻠﻴﻨﻲ ﻳﺪﻟﻚ ﺑﻴﻬﻦ
ﺳﺤﺒﺘﻬﻦ ﺑﺘﻌﺐ
.. ﻻ ﻋﻮﻓﻬﻦ ﺗﻌﺒﺖ ﺍﻧﺖ ﺭﻭﺡ ﻧﺎﻡ
.. ﺧﻠﻴﻬﻦ ﻣﺤﺪ ﺗﻌﺐ ﻛﺜﺮﺝ .. ﺷﺘﻌﺒﺖ ﺍﻧﻪ ﺷﺴﻮﻳﺖ ﺍﻧﺘﻲ ﻧﺎﻣﻲ ﺍﺭﺗﺎﺣﻲ ﻭﻣﻌﻠﻴﺞ ﺑﻴﻪ ﺗﺮﻯ ﻭﺭﺍﺝ ﮔﻌﺪﻩ ﺍﻟﺬﻭﻟﻪ ﺍﻻﺳﺒﺎﻉ
ﺗﻌﺒﺎﻧﻪ ﺑﺲ ﻣﺎﺍﻛﺪﺭ ﺍﻧﺎﻡ ﻏﻤﻀﺖ ﻋﻴﻨﻲ ﺍﺗﻈﺎﻫﺮﺕ ﺍﻟﻨﻮﻡ
ﻭﺍﻧﻪ ﺍﺳﻤﻊ ﺍﻣﻲ ﺗﻀﺤﻚ ﻋﻠﻴﻪ
ﻭﺍﻟﻠﻪ ﻳﺎﺭﺑﻲ ﻣﻮ ﻳﻤﻲ ﻭﻛﻠﺴﺎﻉ ﺗﻐﻔﻴﻦ ﻭﺍﻧﻪ ﺍﻃﻠﮓ ﺷﺼﺤﺎﺝ ﻫﺴﻪ ﺭﺍﺡ ﺗﻔﻀﺤﻨﻲ
ﺳﻤﻌﺖ ﻋﻤﺘﻲ ﺗﻜﻠﻬﺎ ﻭﺍﻟﻠﻪ ﺳﺒﺎﻋﻴﻪ ﻫﻲ ﺑﺲ ﺍﻭﻝ ﺻﻮﺕ ﺍﻟﻬﺎ ﺍﺗﻠﻔﺖ ﻋﺒﺎﻟﻲ ﻭﺣﺪﻩ ﻳﻤﻨﻪ ﻭﻻ ﺍﺑﺎﻟﻲ ﻫﺬﺍ ﺣﺴﻬﺎ ﺯﻳﻨﺐ ﻫﻨﺎ ﻋﺪﻧﻪ ﻣﻜﻤﻠﻪ ﺑﺲ ﺧﻄﻴﻪ ﻣﻦ ﺿﻴﻤﻬﺎ ﻃﻠﻊ ﺣﺴﻬﺎ ﻭﺻﻴﺎﺣﻬﺎ
ﻭﺍﻣﻲ ﺗﻜﻠﻬﺎ ﻻ ﻭﺍﻟﻠﻪ ﺍﻧﻪ ﻋﺮﻓﺘﻬﺎ ﺗﻔﻀﺤﻨﻪ ﺍﻟﺴﺎﻧﻬﺎ ﻣﺎﺗﻠﺰﻣﻪ
ﻣﺎﻛﺪﺭﺕ ﺍﺳﻜﺖ ﺍﻛﺜﺮ
ﻓﺘﺤﺖ ﻋﻴﻮﻧﻲ ﻭﺣﺎﺟﻴﺘﻬﺎ
.. ﻫﺎ ﻳﻤﻪ ﺷﻮ ﺻﺤﻴﺘﻲ ﺟﺎ ﻛﻠﺴﺎﻉ ﻣﺎﺧﺬﺗﻠﺞ ﻏﻔﻮﻩ ﻣﺴﺎﻉ ﻭﺷﺨﺮﺗﻲ ﺑﺎﺫﻧﻲ ﺍﺻﻼ ﺑﻌﻨﺎﺩﺝ ﺍﺻﻴﺢ ﺍﺭﻳﺪﺝ ﺗﻜﻌﺪﻳﻦ ﺍﻟﻤﻦ ﻧﺎﻳﻤﻪ ﻳﻤﻲ ﻭﺍﻧﻪ ﺍﺗﻠﻮﻩ .. ﻧﺎﻣﻲ ﻫﺴﻪ ﻟﻮ ﺭﺍﺣﺖ ﺍﻟﻨﻮﻣﻪ ﺍﻻ ﺗﻔﻀﺤﻴﻨﻲ ﻳﻠﻠﻪ ﺗﺮﺗﺎﺣﻴﻦ
ﺿﺤﻜﻦ ﻫﻨﻪ ﻭﻋﻴﻨﻲ ﺻﺎﺭﺕ ﻉ ﻣﺎﻫﺮ ﻋﻴﻮﻧﻪ ﻋﻠﻴﻪ ﺑﺲ ﻧﻈﺮﺗﻪ ﺟﺎﻧﺖ ﻏﻴﺮ ﻧﻈﺮﺓ ﺑﻴﻬﺎ ﺍﻟﻒ ﻛﻠﻤﻪ ﻣﺎﺗﻨﮕﺎﻝ ﺍﺳﺘﺤﻴﺖ ﻣﻨﻪ ﻭﻫﻮ ﺍﺑﺘﺴﻢ
.. ﻳﻔﻀﺤﻨﺞ ﻋﻠﻴﻤﻦ ﻏﻴﺮ ﻣﻦ ﺍﻭﻝ ﺻﻮﺕ ﻋﺮﻓﺘﻪ ﺍﻟﺞ ﻣﺤﺪ ﻳﻠﻮﻣﺞ ﻏﻴﺮ ﻣﻦ ﺍﻟﻮﺟﻊ ﺍﻟﺒﻴﺞ ﺟﺎﻧﻦ ﻣﻴﺘﺎﺕ ﺧﻮﻑ ﻋﻠﻴﺞ ﻫﺴﻪ ﻣﻦ ﻓﺮﺣﺘﻬﻦ ﻳﻀﺤﻜﻦ ﻻﺗﻬﺘﻤﻴﻦ
ﺑﺠﻪ ﻭﺍﺣﺪ ﻣﻨﻬﻢ ﻭﺍﻟﻬﺴﻪ ﻣﺎﺍﻋﺮﻑ ﻣﻨﻮ ﻣﺤﻤﺪ ﻭﻣﻨﻮ ﻋﻠﻲ
ﻋﺎﺩ ﺍﻣﻲ ﮔﺎﻟﺖ ﻣﺤﻤﺪ ﻣﻠﺒﺴﺘﻪ ﺍﺯﺭﮒ ﻭﻋﻠﻲ ﻫﺪﻭﻣﻪ ﺑﻴﻬﻦ ﺧﻀﺎﺭ
ﺿﺤﻜﺖ ﻭﺍﻧﻪ ﺍﻇﻞ ﺑﺲ ﻉ ﻫﺎﻱ ﺍﻓﺮﻕ ﺑﻴﻨﻬﻢ ﻟﻮ ﺍﻧﻮﺏ ﺍﻣﻴﻴﺰ
ﺭﺿﻌﺖ ﻭﺍﺣﺪ ﻣﻨﻬﻢ ﺑﺼﻌﻮﺑﻪ ﻛﻮﻩ ﺳﺮﻭﺭ ﻻﺯﻣﺘﻪ ﺍﻟﻲ ﺍﺣﺴﻬﺎ ﻣﻬﻤﻪ ﻛﻠﺶ ﺻﻌﺒﻪ
ﻛﻌﺪ ﺍﻟﺜﺎﻧﻲ ﻭﻫﻢ ﻳﺒﺠﻲ ﻭﻣﺎﻫﺮ ﻛﺎﻝ ﺟﺎﻳﺐ ﺣﻠﻴﺐ ﺧﻞ ﺳﺮﻭﺭ ﺗﺴﻮﻳﻠﻪ
ﻭﺍﻣﻲ ﻭﺍﻣﻪ ﺍﻋﺘﺮﺿﻦ ﺑﺸﺪﻩ ﻛﺎﻟﻦ
ﺧﻞ ﻳﺼﺒﺮ ﻣﺎﻋﻠﻴﻪ ﺷﻲ ﺍﻫﻢ ﺷﻲ ﺍﻟﺼﻤﻐﻪ ﻭﻻﺯﻡ ﻫﺴﻪ ﻳﺎﺧﺬﻫﺎ ﻭﻋﻮﺩ ﺍﻧﻮﺏ ﺍﺫﺍ ﻣﺎﺳﻴﻄﺮﺕ ﻋﻠﻴﻬﻢ ﺍﻧﻄﻮﻫﻢ ﺣﻠﻴﺐ ﺑﺲ ﻫﺴﻪ ﻻ
ﻧﻔﺬﻧﻪ ﺍﻻﻭﺍﻣﺮ ﺑﺪﻭﻥ ﻧﻘﺎﺵ
ﻧﺎﻣﻮ ﻭﺍﻧﻲ ﻫﻢ ﺍﺳﺘﺴﻠﻤﺖ ﻟﻠﻨﻮﻡ
ﺛﺎﻧﻲ ﻳﻮﻡ ﻓﺰﻳﺖ ﻉ ﻫﻼﻫﻞ ﻋﻤﺘﻲ ﺍﻡ ﺣﺴﻴﻦ ﻭﻫﻲ ﺍﻃﺶ ﺍﻟﭽﻜﻠﻴﺖ ﻉ ﻣﺎﻫﺮ ﻭﻋﻤﺘﻲ
ﻳﺎﺻﻠﻮﺍﺕ ﻃﺎﻟﻜﻴﻦ ﺣﺒﻼﻧﻴﻦ ﻭﺍﻟﭽﻜﻠﻴﺖ ﻋﻠﻴﻬﻢ
ﻣﻦ ﺷﺎﻓﺘﻨﻲ ﻛﻌﺪﺕ ﺧﻄﻴﻪ ﺫﺑﺖ ﻋﻠﻴﻪ ﻭﺩﻧﻜﺖ ﺗﺘﺒﺎﺭﻛﻠﻲ ﻭﺗﺒﺎﻭﺳﻨﻲ ﺍﺧﺬﺗﻬﻢ
ﻭﻫﻲ ﺗﻬﻮﺳﻠﻬﻢ
ﻳﻠﺮﻳﺤﺘﻚ ﺭﻳﺤﺔ ﻭﺭﺩ ﻫﺒﺖ ﻋﻠﻴﻪ ﺑﻠﺒﺮﺩ
ﻳﻠﺮﻳﺤﺘﻚ ﺭﻳﺤﺔ ﻫﻴﻞ ﻫﺒﺖ ﻋﻠﻴﻪ ﺑﻠﻴﻞ
ﻳﻠﺮﻳﺤﺘﻚ ﺭﻳﺤﺔ ﻳﺎﺱ ﻫﺒﺖ ﻋﻠﻴﻪ ﻭﻉ ﺍﻟﻨﺎﺱ
ﺷﺎﻓﺖ ﺑﺖ ﺳﺮﻭﺭ ﺗﺰﺣﻒ ﻋﻠﻴﻬﻢ ﺗﺒﺎﻭﻉ ﻣﻦ ﺑﻌﻴﺪ ﻭﻛﻞ ﺷﻮﻳﻪ ﺗﺮﻭﺡ ﺍﻟﺨﺎﻟﻬﺎ ﻣﺘﻌﻮﺩﻩ ﻋﻠﻴﻪ ﻭﺣﺘﻰ ﺍﺑﺎﻩ ﺗﮕﻠﻪ ﻣﺮﺍﺕ ﻻﻥ ﻫﻮ ﻣﺮﺍﺕ ﻳﻜﻠﻬﺎ ﺗﻌﺎﻱ ﺑﺎﺑﺎ ﻫﺎﺝ ﺑﺎﺑﺎ
ﺍﺗﺬﻛﺮ ﺍﻭﻝ ﻣﺎﻛﺎﻟﻬﺎ ﻣﺎﺭﺿﻴﺘﻠﻪ ﻛﺘﻠﻪ ﺧﺎﻑ ﺳﺮﻭﺭ ﺗﺘﺤﺴﺲ ﺑﺲ ﻫﻮﻩ ﻛﺎﻝ ﻻ ﺑﺎﻟﻌﻜﺲ ﺍﻧﻪ ﻣﺎﺍﺭﻳﺪ ﺍﺣﺴﺴﻬﺎ ﺍﻧﻪ ﺧﺎﻝ ﻭﺑﺲ
ﻟﻮﺣﺘﻠﻪ ﺑﺎﻳﺪﻫﺎ ﺍﺑﺎ
ﺷﺎﻟﻬﺎ ﻫﻮ ﻳﺒﻮﺱ ﺑﻴﻬﺎ ﻭﻭﺻﻪ ﻋﻠﻴﻬﺎ ﺳﺮﻭﺭ ﻭﺭﺍﺡ ﮔﻠﻬﺎ ﺍﻧﺘﺒﻬﻴﻠﻬﺎ ﺧﺎﻑ ﺗﻐﺎﺭ ﺧﻄﻴﻪ
ﻭﺻﺎﺡ ﻋﻤﺘﻲ ﻳﻤﻪ ﻣﺎﺍﺩﺭﻱ ﺷﻮﺻﺘﻪ
ﺭﺟﻌﺖ ﻗﺮﻳﺐ ﻋﻠﻴﻪ ﻭﺳﺮﻭﺭ ﺳﺤﺒﺘﻬﺎ ﻋﻮﻓﻲ ﺍﻟﻮﻟﺪ ﻭﻟﺞ ﺗﻌﺎﻱ ﻳﻤﻲ ﻣﺎﻣﺎ
ﺍﻡ ﺣﺴﻴﻦ ﺍﺧﺬﺗﻬﺎ ﺣﻀﻨﺘﻬﺎ ﻭﻫﻲ ﺗﻬﻮﺳﻠﻬﺎ
ﻳﺎ ﺍﻡ ﺍﻟﻮﻟﺪ ﻟﺘﻔﺮﺣﻴﻦ ﻧﺎﺧﺬﻩ ﻭﻧﺨﻠﻴﺞ ﺧﺎﻟﻴﻪ
ﺍﻡ ﺍﻟﻮﻟﻴﺪ ﺍﺷﺤﺼﻠﺖ ﻭﺍﻡ ﺍﻟﺒﻨﻴﻪ ﺍﻟﻐﺎﻟﻴﻪ
ﻭﻳﺎ ﺍﻡ ﺍﻟﻮﻟﺪ ﻻﺗﻔﺮﺣﻴﻦ ﻏﺮﻓﻪ ﻭﺟﻬﺎﺯ ﺗﺨﺴﺮﻳﻦ
ﻭﺍﻧﺘﻲ ﺑﺎﻟﮕﺎﻉ ﺍﺗﻨﺎﻣﻴﻦ ﻭﻫﻢ ﻋﻠﻰ ﺍﻟﺠﺮﺑﺎﻳﻪ
ﺿﺤﻜﻨﻪ ﻉ ﻫﻮﺳﺎﺗﻬﺎ
ﻭﺍﺗﺤﻮﻟﺖ ﺍﻟﺴﻮﺍﻟﻒ ﻛﺎﻟﺖ
.. ﻋﺒﺎﻟﻲ ﺍﺣﺎﺟﻲ ﻣﺎﻫﺮ ﺍﺷﻜﻴﻠﻪ ﻣﻦ ﺣﺴﻴﻦ ﻣﺎﻳﺮﺿﺎ ﻳﻌﺮﺱ ﺑﺎﻟﻠﻪ ﻫﺬﺍ ﺍﻟﻮﻟﺪ ﺷﻨﻬﻲ ﺍﺑﺎﻟﻪ ﻣﺎﺍﺩﺭﻱ ﺍﺧﺎﻑ ﻋﻠﻴﻪ ﺍﻧﻮﺏ ﺧﺎﻓﻨﻪ ﻣﻌﻜﻮﺩ
ﺭﺩﺕ ﻋﻠﻴﻬﺎ ﻋﻤﺘﻲ ﻻ ﺍﺳﻢ ﺍﻟﻠﻪ ﻋﮕﺪﺗﻴﺶ ﺑﺲ ﻫﺬﺍ ﻣﻮﺩﻳﻞ ﺷﺒﺎﺏ ﻫﺎﻟﻮﻛﺖ ﺻﺎﻳﺮ ﻣﺎﻳﺮﺩﻭﻥ ﺍﻟﻌﺮﺱ ﻋﻮﺩﻩ ﻳﺘﻮﻧﺴﻮﻥ ﻳﻠﻠﻪ
.. ﺷﻴﺘﻮﻧﺲ ﻳﺎﺧﻴﻪ ﻫﻮ ﻭﻳﻦ ﺭﺍﻳﺢ ﻣﻦ ﺍﻟﺸﻐﻞ ﻟﻠﺒﻴﺖ ﻟﻠﮕﻴﻌﺎﻥ ﺣﺘﻰ ﺗﻌﻴﻴﻦ ﻭﻱ ﺣﻈﻪ ﻣﺎﻛﻮﻭ
ﺍﺧﻮﺍﻧﻪ ﻭﺭﺍﻩ ﻭﺍﺗﻌﻴﻮﻧﻮﻭ ﺑﺲ ﻫﻮ ﻣﺪﺭﻱ ﻟﻴﺶ ﺷﺎﻟﻊ ﮔﻠﺒﻲ ﻭﮔﻠﺒﻪ
ﻭﺭﻩ ﻓﺘﺮﻩ ﺭﺍﺩﺕ ﺗﺮﻭﺡ ﺧﻠﺖ ﻓﻠﻮﺱ ﺟﻮﻩ ﺭﺍﺱ ﻛﻞ ﻭﺍﺣﺪ ﻣﻨﻬﻢ ﻭﺭﺍﺩﺕ ﺗﻜﻮﻡ ﻭﻋﻤﺘﻲ ﻣﺎﻗﺒﻠﺖ ﮔﺎﻟﺖ ﻣﺎﻫﺮ ﻭﺻﺎﻧﻲ ﻣﺎﺍﻃﻠﻌﻴﻦ ﻭﻫﻞ ﺟﺎﺏ ﺍﻟﺬﺑﺎﻳﺢ ﻭﻳﺎﻫﻦ ﻃﺒﺎﺥ ﻭﻫﺴﻪ ﺑﻨﻴﺎﺗﺞ ﻭﺍﻭﻻﺩﺝ ﻳﻠﺤﻜﻮﻧﺞ ﻫﻮ ﺑﺲ ﺍﻧﺘﻦ ﻭﺍﻫﻠﻬﺎ ﺷﻌﺪﻧﻪ ﺍﺣﻨﻪ ﻣﻦ ﻛﺜﺮ ﻛﺮﺍﺑﺘﻨﻪ ﺍﻟﻴﺮﺩﻭﻧﻪ ﻭﻧﺮﻳﺪﻫﻢ
ﺭﺟﻌﺖ ﻧﻤﺖ ﻣﻦ ﺗﻌﺒﻲ ﻣﺎﺍﺣﺲ ﺑﺮﻭﺣﻲ ﮔﻌﺪﺕ ﻉ ﺻﻮﺕ ﻣﺮﻳﻢ ﻭﺧﺎﻻﺗﻲ
ﺍﺟﻦ ﺧﺎﻻﺗﻲ ﻳﺒﻮﺳﻦ ﺑﻴﻪ ﻭﻳﺘﺤﻤﺪﻥ ﻉ ﺍﻟﺴﻼﻣﻪ
ﻭﻣﻦ ﻛﻌﺪﻥ ﺍﺟﺖ ﻣﺮﻳﻢ ﻭﻋﻴﻮﻧﻬﺎ ﻣﺘﺮﻭﺳﻪ ﺩﻣﻮﻉ ﻭﻣﺨﻨﻮﻛﻪ ﺣﻴﻞ ﺍﺻﻼ ﺍﻧﻪ ﺍﻟﺒﺎﺭﺣﻪ ﺑﺎﺧﺮ ﻃﻠﻜﺎﺕ ﺣﺴﻴﺖ ﺭﻭﺣﻲ ﺭﺍﺡ ﺍﻣﻮﺕ ﻭﺑﺮﻳﺘﻬﺎ ﺍﻟﺬﻣﻪ ﻭﺳﺎﻣﺤﺘﻬﺎ ﺑﺲ ﺍﻛﻴﺪ ﺍﻟﺰﻋﻞ ﻣﻮ ﺑﺴﻬﻮﻟﻪ ﻳﺮﻭﺡ
ﺍﺗﻘﺪﻣﺖ ﻋﻠﻴﻪ ﻭﺑﺎﺩﻟﺘﻬﺎ ﺍﻟﺤﻀﻦ ﻭﻫﻲ ﺷﺒﻌﺖ ﺑﺠﻲ ﻭﻋﻤﺘﻲ ﻭﺍﻡ ﺣﺴﻴﻦ ﻋﺒﺎﻟﻬﻦ ﺟﻲ ﺟﺒﺖ ﻭﺑﺲ ﻭﻳﺼﺒﺮﻥ ﺑﻴﻬﺎ ﻇﻠﻦ ﻭﻳﻜﻠﻬﺎ ﻣﺎﻳﺼﻠﺢ ﻛﻮﻟﻲ ﺍﻟﺤﻤﺪﻟﻠﻪ ﺻﺮﺗﻲ ﺧﺎﻟﻪ
ﺍﺗﻤﻨﻴﺖ ﺍﻛﻠﻬﺎ ﻛﻠﻤﻪ ﻭﺣﺪﻩ ﻭﺑﺲ
ﻟﻴﺶ؟
ﺑﺲ ﻣﻮ ﻭﻛﺘﻬﺎ ﻭﺍﺩﺭﻱ ﺟﻮﺍﺏ ﻫﺎﻟﻜﻠﻤﻪ ﻣﻮ ﻣﺨﺘﺼﺮ ﻣﺜﻠﻬﺎ
ﻭﺍﻭﻝ ﻣﺮﻩ ﺍﺷﻮﻑ ﺍﺛﻨﻴﻦ ﻣﻦ ﺧﻮﺍﺕ ﺣﺴﻴﻦ ﺍﻧﻪ ﺷﺎﻳﻔﻪ ﺑﺲ ﺍﻟﻤﺘﺰﻭﺟﺎﺕ ﺑﻌﺮﺳﻲ ﻭﺟﺒﻦ ﻋﻤﺘﻲ ﻭﻭﺟﺒﻨﻲ ﺑﺲ ﺍﻟﻴﻮﻡ ﺍﻛﻮ ﺍﺛﻨﻴﻦ ﺍﺟﻦ . ﻭﻳﺎﻫﺎ ﻭﺣﺪﻩ ﺑﻜﺪﻱ ﻭﺣﺪﻩ ﺍﻛﺒﺮ
ﺧﻄﻴﻪ ﻛﺎﻣﻦ ﻭﻱ ﺳﺮﻭﺭ ﻟﻠﻤﻄﺒﺦ ﻳﺤﻀﺮﻥ ﻭﺣﺘﻰ ﺧﺎﻻﺗﻲ ﻣﺎﻛﻌﺪﻥ ﻫﻨﻪ ﻣﻦ ﺍﻟﻨﻮﻉ ﺍﻟﺸﺎﻏﻮﻻﺕ ﻭﺍﺟﺘﻤﺎﻋﻴﺎﺕ ﻭﺍﺗﺮﺧﺼﻦ ﻣﻦ ﻋﻤﺘﻲ ﻳﺴﺎﻋﺪﻧﻬﻢ ﻭﻋﻤﺘﻲ ﺑﺴﻴﻄﻪ ﻛﻴﻔﺖ ﺑﻠﻤﺘﻬﻦ ﻃﺒﻌﻬﺎ ﻣﺎﺗﺘﻨﺤﺲ ﻣﻦ ﺍﻟﺨﻄﺎﺭ...قصص عراقيه حقيقيه من واقعنا.روعه الطائي
ﺍﺣﺲ ﺍﻻﺟﻮﺍﺀ ﺍﺟﻮﺍﺀ ﻓﺮﺡ ﻋﺒﺎﻟﻚ ﻋﺮﺱ ﻣﻮ ﻭﻻﺩﻩ ﺍﺣﻨﻪ ﻣﺎﻋﺪﻧﻪ ﻫﻴﺞ ﺣﺘﻪ ﻟﻮ ﻭﺣﺪﻩ ﺟﺎﺑﺖ ﻣﻮ ﻫﻴﺞ ﻧﺴﻮﻱ ﺍﻭﻝ ﻣﺮﻩ ﻫﻴﺞ ﺍﺷﻮﻑ ﻣﺎﻫﺮ ﺣﺘﻰ ﻋﺼﺎﻳﺮ ﻭﭼﻜﻠﻴﺖ ﺟﺎﻳﺐ
ﻭﺳﺎﻡ ﺟﺎﻱ ﻭﻳﺎﻩ ﻭﺍﺧﻮﺍﻧﻲ ﻫﻢ ﻣﻌﺰﻭﻣﻴﻦ
ﺧﻠﺼﺖ ﺍﻟﻌﺰﻳﻤﻪ ﻭﺍﻟﻜﻞ ﺭﺍﺣﻮ ﻭﻣﺎﺷﻔﺖ ﻣﺎﻫﺮ ﺍﻻ ﺑﺎﻟﻠﻴﻞ
ﻧﺼﻪ ﻋﻠﻴﻪ ﺑﺎﺳﻨﻲ ﺭﻓﻊ ﺍﻟﻐﺸﺎﻭﻩ ﻋﻨﻬﻢ ﻭﺷﺎﻓﻬﻢ
ﺑﺎﺳﻬﻢ ﻣﻦ ﻋﺼﺎﻳﺒﻬﻢ
.. ﻓﺪﻭﻩ ﺍﻧﻪ ﺍﻟﺮﻳﺤﺘﻜﻢ
ﺑﻌﺪ ﺍﻳﺎﻡ ﻣﺎﻫﺮ ﺑﻴﻦ ﺩﻭﺍﻣﻪ ﻭﺷﻐﻠﻪ ﻭﻟﻮ ﺭﺟﻊ ﻫﻮﺍﻱ ﻳﻬﺘﻢ ﺑﻴﻪ ﻭﺑﻴﻬﻢ ﻭﺍﻧﺘﻘﻠﻨﻪ ﺍﻟﻐﺮﻓﺘﻨﻪ ﺻﺎﺭ ﻳﻬﺘﻢ ﺑﻴﻬﻢ ﻭﻳﺎﻱ ﻭﻃﻴﻪ ﻣﻦ ﺍﺳﻬﺮ ﻳﻀﻮﺝ ﻋﻠﻴﻪ
ﻣﺮﺕ ﻓﺘﺮﻩ ﻭﻣﺎﻫﺮ ﺍﺣﺴﻪ ﻫﻮﺍﻱ ﺍﺗﻐﻴﻴﺮ ﻣﻦ ﻳﺸﻮﻓﻬﻢ ﺍﻟﺒﺴﻤﻪ ﻣﺎﺗﻔﺎﺭﻛﻪ ﻭﻳﻀﺤﻚ ﺍﻻﻱ ﺳﺒﺐ
ﻭﺣﻴﻞ ﻳﻬﺘﻢ ﺑﻴﻪ ﻭﺑﺘﻌﺒﻲ
ﻃﻠﻊ ﺍﺭﺑﻌﻴﻨﻬﻢ ﻭﺑﻬﻠﻲ ﺍﻟﻔﺘﺮﻩ ﻫﻮﺍﻱ ﻧﺰﻝ ﻭﺯﻧﻲ ﻣﻦ ﺍﻟﺮﺿﺎﻋﻪ ﻭﺭﻡ ﺍﻟﺤﻤﻞ ﺭﺍﺡ ﻭﺭﺟﻊ ﺟﺴﻤﻲ ﻣﺜﻞ ﺍﻭﻝ ﺗﻘﺮﻳﺒﺎ ﺻﺮﺕ ﺍﺣﺲ ﺭﻭﺣﻲ ﺧﻔﻴﻔﻪ ﻭﺭﺟﻌﺖ ﺍﻟﻨﺸﺎﻃﻲ
ﺍﺟﻪ ﻫﻮ ﻭﻟﻜﺎﻧﻲ ﺍﺷﺘﻐﻞ ﻭﻣﻨﻮﻣﺘﻬﻢ ﮔﻮﻩ
ﺩﺧﻞ ﻟﻠﻐﺮﻓﻪ ﺻﺤﺖ ﻋﻠﻴﻪ
.. ﻣﺎﻫﺮ ﻋﻠﻴﻚ ﺍﻟﻠﻪ ﻻﺗﻜﻌﺪﻫﻢ
ﻣﺎﻟﺤﻜﺖ ﻋﻠﻴﻪ ﻓﺎﺗﺢ ﺍﻟﻀﻮﻩ ﻭﻣﺒﻮﺳﻬﻢ ﻭﻫﻮ ﻳﻜﻠﻲ
.. ﺩﺧﻴﻞ ﺍﻟﻠﻪ ﻻﺗﺤﻠﻔﻴﻨﻲ ﻣﺎﺍﺻﺒﺮ
.. ﻳﺒﻮ ﻛﻌﺪﺗﻬﻢ ﻭﺍﻧﻪ ﻣﺎﻋﻮﻝ ﻳﻨﺎﻣﻮﻥ ﻭﺍﺧﻠﺺ ﺷﻐﻠﻲ ﻣﻮ ﺻﻮﺟﻚ ﺻﻮﺝ ﺍﻟﺘﺤﻀﺮ ﺍﺟﻮﺍﺀ ﺍﻟﻚ
ﺿﺤﻚ ﺑﺼﻮﺕ ﻋﺎﻟﻲ
.. ﻫﺎﻱ ﺳﻬﻠﻪ
ﺷﺎﻟﻬﻢ ﻭﺻﺎﺡ
.. ﻳﻤﻪ ﺳﺮﻭﺭ ﻭﻳﻨﺠﻦ ﺍﻟﺒﺎﺭﺣﻪ ﺍﻧﻪ ﻭﺟﻨﺘﺞ ﻟﻠﺼﺒﺢ ﻣﺎﻧﻤﻨﻪ ﻧﻨﻄﺮ ﻋﻠﻴﻬﻢ ﻭﻫﺴﻪ ﻣﺎﺍﺷﻮﻑ ﺩﺭﺑﻲ ﺍﺭﻳﺪ ﺍﺭﺗﺎﺡ
ﺍﺧﺬﻭﻫﻢ ﻳﻤﻜﻢ ﺷﻮﻳﻪ
ﺍﺟﺖ ﺳﺮﻭﺭ ﺗﺎﺧﺬﻫﻢ ﻭﺍﻧﻪ ﻣﻦ ﻓﺸﻠﺘﻲ ﺟﻠﺒﺖ ﺑﻴﻬﻢ
.. ﻻ ﺳﺮﻭﺭ ﺧﻠﻴﻬﻢ ﻭﺍﻟﻠﻪ ﻳﺸﺎﻗﻪ
.. ﻣﺎﺗﺎﻣﻨﻴﻦ ﺍﻧﺘﻲ ﺑﻴﻨﻪ ﻭﺍﻟﻠﻪ ﺑﻌﻴﻨﻲ ﺍﺧﻠﻴﻬﻢ ﻧﺎﻣﻲ ﺍﺭﺗﺎﺣﻲ ﺍﻟﻠﻪ ﻋﻠﻴﺞ ﻫﻮ ﻫﻢ ﺧﻄﻴﻪ ﻳﺘﻌﺐ ﺩﻭﺍﻡ . ﻭﺷﻐﻞ ﻭﻫﺎﻱ ﺍﺧﺮ ﺍﻳﺎﻡ ﺍﻣﺘﺤﺎﻧﺎﺗﻪ ﻭﺭﺍﻩ ﺗﺨﺮﺝ ﺧﻠﻲ ﻳﺮﺗﺎﺡ ﺍﺧﺬﻫﻢ ﻳﻤﻲ
ﺍﺧﺬﺗﻬﻢ ﻭﺭﺍﺣﺖ ﻭﻛﻔﺖ ﺍﺑﺎﻭﻋﻠﻪ ﻭﻫﻮ ﻳﻔﺘﺢ ﻗﻤﻴﺼﻪ ﻭﻳﻀﺤﻚ
.. ﺷﺒﻴﺞ ﻣﻮ ﺟﻨﺘﻲ ﺧﺎﻳﻔﻪ ﺗﺨﺮﺏ ﺗﺮﺗﻴﺒﺎﺗﺞ ﻫﺴﻪ ﺷﻮﻓﻴﻨﻲ ﺍﻟﺘﺮﺗﻴﺒﺎﺕ ﺷﻠﻮﻧﻬﺎ
.. ﺍﻧﺖ ﻣﻮ ﺗﺮﻳﺪ ﺗﻨﺎﻡ ﻧﺎﻡ ﺍﺣﺴﻦ ﺍﻟﻚ ﻭﺍﻧﻪ ﺍﺭﻭﺡ ﻳﻤﻬﻢ
.. ﻣﺎﻛﻠﺖ ﺍﻧﺎﻡ ﮔﻠﺖ ﺍﺭﺗﺎﺡ ﻭﺭﺍﺣﺘﻲ ﻭﻳﺎﺝ ﭼﺎ ﺍﻧﺘﻲ ﻣﺎﺗﺪﺭﻳﻦ ﺑﺮﺍﺣﺘﻲ ﻳﻤﺞ
.. ﺿﺤﻜﺖ ﺗﺪﺭﻱ ﺍﻧﺖ ﻣﺼﻠﺤﺠﻲ ﻣﺮﺍﺕ
.. ﻫﺎ ﺍﻧﻌﻢ ﺍﻟﻠﻪ ﻋﻠﻴﺞ ﻫﻤﺰﻳﻦ ﻣﺮﺍﺕ ﻣﻮ ﺩﻭﻡ .. ﺍﺫﺍ ﺍﻧﻪ ﻣﺼﻠﺤﭽﻲ ﺍﻧﺘﻲ ﺷﻴﺴﻤﻮﻧﺞ ﻳﺎﻟﮕﺎﻃﻌﻪ ﺑﻴﻪ
ﻟﺤﻈﺎﺕ ﻭﺍﺟﻴﺞ ﺑﺲ ﺍﻏﺴﻞ ﻭﺍﺟﻲ ﻭﻋﻮﺩ ﻧﺘﻔﺎﻫﻢ
ﻃﻠﻊ ﻫﻮ ﻭﺍﻧﻪ ﺑﺪﻟﺖ ﻭﻋﺪﻟﺖ ﻣﻜﻴﺎﺟﻲ ﻭﻃﻮﺧﺘﻪ ﺍﻛﺜﺮ
ﺛﻮﺑﻲ ﺑﻌﺪ ﺑﻲ ﺿﻴﮓ ﺿﻮﻳﻪ ﻋﺒﺎﻟﻲ ﻣﻦ ﺟﺒﺖ ﻳﺮﺟﻊ ﻣﺜﻞ ﻣﺎﺟﺎﻥ
ﺟﺎﻱ ﺍﻋﺪﻝ ﺑﺜﻮﺑﻲ ﻭﻫﻮ ﻓﺎﺕ ﺍﻟﺨﺎﻭﻟﻲ ﻉ ﻣﺘﻨﻪ
ﺍﺑﺘﺴﻢ ﻣﻦ ﺷﺎﻓﻨﻲ
.. ﺗﺮﻯ ﺻﺎﻳﺮ ﺍﺣﻠﻰ ﻋﻠﻴﺞ ..
.. ﻋﺒﺎﻟﻲ ﺍﺭﺟﻊ ﻧﻔﺲ ﺍﻟﻘﻴﺎﺱ ﻻﺯﻡ ﺍﻏﻴﻴﺮ ﻛﻠﺸﻲ ﻫﺴﻪ
.. ﻫﺴﻪ ﺍﻧﻪ ﺍﻗﻴﺲ ﻭﺍﻗﺮﺭ ﻳﺘﻐﻴﻴﺮ ﻟﻮ ﻻ ﻛﺎﻟﻬﺎ ﺑﻐﻤﺰﻩ ﻭﻣﺪ ﺍﻳﺪﻩ ﻳﺮﻳﺪ ﻳﻠﺰﻣﻨﻲ ﻓﺰﻳﺖ ﻣﻦ ﺣﺮﻛﺘﻪ ﻭﺿﺤﻜﺖ ﺑﺼﻮﺕ ﻋﺎﻟﻲ
.. ﺭﻓﻊ ﺣﺎﺟﺒﻪ ﻭﻫﻮ ﻳﺎﺷﺮﻟﻲ ﺍﺷﺘﻌﻠﺖ ﺭﻭﺣﺞ ﻉ ﻫﺎﻟﻀﺤﻜﻪ ﻓﻀﺤﺘﻴﻨﻪ
ﻳﺘﺒﻊ
#روووعه
