#خيانة_زمن
بقلم نور الشمس
#بارت٣٢
اعتذر عن التأخير
ﻭﺍﻟﻠﻪ ﻣﺸﻐﻮﻟﻪ ﺑﺎﻣﺘﺤﺎﻧﺎﺕ ﺍﺑﻨﻲ ﺑﺲ ﻣﺎﺍﻛﺪﺭ ﺍﺗﻌﺬﺭﻛﻢ ﻟﻠﻌﻄﻠﻪ ﻭﻛﻠﺖ ﺍﻛﺘﺐ ﺍﻟﻲ ﺍﻛﺪﺭﻟﻪ ﺑﺲ ﺩﺍﺋﻤﺎ ﺍﻟﻈﺮﻭﻑ ﺗﻌﻜﺲ ﻭﻳﺎﻱ
ﺍﻋﺘﺬﺭ ﺍﺫﺍ ﺿﻮﺟﺘﻜﻢ ﺑﺲ ﻣﻮ ﺑﻴﺪﻱ
ﺍﻟﺒﺎﺭﺕ ٣٤٠٠ ﻛﻠﻤﻪ
ﺍﻛﻴﺪ ﺑﺪﻭﻥ ﺗﻌﺪﻳﻞ ﻻﻥ ﺍﺧﺎﻑ ﺍﻟﻨﺖ ﻳﺘﻮﻗﻒ ﺑﺎﻱ ﻟﺤﻈﻪ
………………………
ﻣﺎﻫﺮ ..
ﺍﺧﺬﺕ ﻓﻠﻮﺱ ﻣﻦ ﺍﻟﻌﻨﺪﻱ ﻉ ﺍﺳﺎﺱ ﺍﺷﺘﺮﻱ ﺑﻴﻬﻦ ﮔﺎﻉ ﻗﺮﻳﺒﻪ ﺍﻟﺒﻴﺘﻨﻪ ﺍﻟﺴﺮﻭﺭ ﺟﺎﻧﻦ ﺫﻧﻲ ﺟﻮﻩ ﺍﻳﺪﻱ ﺍﺧﺬﺗﻬﻦ ﻭﺍﺟﻠﺖ ﺍﻟﮕﺎﻉ ﺍﻟﻐﻴﺮ ﻭﻛﺖ ﻓﻠﻮﺳﻬﻪ ﻣﻮﺟﻮﺩﻩ ﺑﺲ ﺑﺎﻟﻤﺼﺮﻑ ﻣﺨﻠﻴﻬﻦ
ﻃﻠﻌﺖ ﺍﻟﻮﺳﺎﻡ ﻭﺍﻧﻪ ﺍﺗﺬﻛﺮ ﻛﻞ ﻭﮔﻔﺎﺗﻪ ﻭﻳﺎﻱ ﭼﻨﻪ ﺯﻏﺎﺭ ﺑﺎﻟﻌﻤﺮ ﺑﺲ ﻭﮔﻔﺎﺗﻪ ﭼﺎﻧﺖ ﻭﮔﻔﺔ ﺯﻟﻢ ﻭﻳﻌﺎﺩﻝ ﻣﻮ ﺍﺧﻮ ﻭﺍﺣﺪ ﻳﻌﺎﺩﻟﻪ ﺍﺧﻮﻩ
ﻫﻮ ﺍﻟﺨﻼﻧﻲ ﺍﺷﺘﻐﻞ ﺧﻼﻧﻲ ﺍﻓﺘﺨﺮ ﺑﺮﻭﺣﻲ ﻣﺎﻃﺨﻴﺖ ﺍﻻﺣﺪ
ﺧﻠﻪ ﺍﻫﻠﻪ ﻳﺼﻴﺮﻭﻥ ﺍﻫﻠﻲ ﻭﺳﺎﻡ ﭼﺎﻥ ﺷﻤﻌﻪ ﺗﻀﻮﻱ ﺍﻟﺪﺭﺏ ﺍﻟﻪ ﻭﺍﻟﻐﻴﺮﻩ ﺍﻟﻲ ﺻﺎﺭﻟﻪ ﺧﻼﻩ ﻳﻄﻔﻪ ﻭﺣﻴﻞ ﺣﻴﻞ ﺍﺗﻐﻴﻴﺮ ﻣﺎﻋﺎﺩ ﻣﺜﻞ ﺍﻻﻭﻝ ﺣﺘﻰ ﻣﻦ ﻧﺴﻪ ﺟﺮﺣﻪ ﺟﺮﻭﺡ ﺍﻫﻠﻪ ﻋﺎﺷﺖ ﺑﻲ ﺭﻏﻢ ﻣﺴﺎﻣﺤﻬﻢ ﻳﺤﺎﺟﻴﻬﻢ ﻛﺎﻋﺪ ﻭﻳﺎﻫﻢ ﺑﺲ ﺳﺤﺐ ﻧﻔﺴﻪ ﻟﻼﺧﻴﺮ ﻣﻨﻬﻢ ﻭﻣﻦ ﻏﻴﺮﻫﻢ ﺣﺘﻰ ﻣﻨﻲ ﻳﻤﻜﻦ ﻳﺨﺎﻑ ﻳﻨﺠﺮﺡ ﺍﺭﺩﻭﺩ ﻳﻤﻜﻦ ﻓﻀﻞ ﺍﻟﻮﺣﺪﻩ ﻟﻮ ﺣﺐ ﻳﺸﻮﻑ ﺭﺑﻌﻪ ﻭﺍﻫﻠﻪ ﻣﻦ ﺟﺪﻳﺪ
ﺭﺣﺘﻠﻪ ﻭﮔﺒﻞ ﻻﺍﺭﻭﺡ
ﺧﺎﺑﺮﺗﻪ ﻭﮔﺘﻠﻪ ﺍﻧﻪ ﺟﺎﻱ ﺍﻛﻴﺪ ﻫﺴﻪ ﻣﺘﺎﻧﻴﻨﻲ
ﻭﺻﻠﺖ ﺍﻟﻪ ﻧﺰﻟﺖ ﻭﻋﻴﻮﻧﻲ ﺑﻴﻬﻦ ﻫﻮﺍﻱ ﻋﺘﺐ ﺍﻟﻪ ﻋﺘﺐ ﺍﺥ ﺍﻷﺧﻮﻭ
ﺷﻔﺘﻪ ﮔﺎﻋﺪ ﺍﺑﺎﺑﻬﻢ ﺍﻧﺘﺒﻪ ﺍﻟﻲ ﺫﺏ ﺟﮕﺎﺭﺗﻪ ﺍﻟﺒﺄﻳﺪﻩ ﻭﮔﺎﻡ ﺳﺤﮕﻬﺎ ﺑﺮﺟﻠﻪ ﻭﻋﻴﻨﻪ ﺗﺘﻔﺤﺺ ﻣﻼﻣﺤﻲ ﺍﻟﻈﺎﻫﺮ ﻗﺮﺍﻧﻲ ﻫﺎﻟﻤﺮﻩ ﺟﻴﺘﻲ ﺍﻟﻪ ﻣﻮ ﻋﺎﺩﻳﻪ
ﺍﺗﺤﻤﺤﻢ ﻭﮔﺎﻝ
.. ﻳﺎﻫﻼ ﺑﺄﺑﻮ ﻣﺤﻤﺪ ﻛﻞ ﺍﻟﻬﻼ ﺑﺎﻟﻨﺴﻴﺐ ﻭﺍﻻﺧﻮ ﺍﻟﻤﺎﻛﻮ ﺍﻋﺰ ﻣﻨﻪ
.. ﻭﺑﻴﻚ ﺍﻛﺜﺮ .. ﺑﺎﻭﺳﺘﻪ ﻭﻛﻤﻠﺖ ﻛﻼﻣﻲ
ﺑﻌﺪ ﻣﺎﻛﻮ ﺗﻘﺪﻳﺮ ﻻ ﻟﻠﻨﺴﺒﻪ ﻭﻻ ﻟﻠﺨﻮﻩ ﻣﻊ ﺍﻻﺳﻒ ﻋﺒﺎﻟﻲ ﺍﻧﻪ ﺑﻌﺪﻧﻲ ﻋﻨﺪﻙ ﻋﺰﻳﺰ
.. ﺍﻋﺰ ﻭﺍﻏﻠﻰ ﻣﻦ ﺍﻟﻴﺸﻮﻓﻦ ﺷﻜﻢ ﻣﻬﺮﺍﻥ ﻋﻨﺪﻱ ﺍﻧﻪ ﺷﺒﻲ ﺍﻻﺳﺪ ﻏﺎﺿﺐ ﺍﻟﻴﻮﻡ ﻳﺎﻫﻮ ﺍﻟﻤﻮﺩﻳﻚ ﻋﻠﻴﻪ ﻭﻋﻴﻮﻧﻚ ﺷﺮﺍﺭ....قصص عراقيه حقيقيه من واقعنا.روعه الطائي
ﺿﺤﻜﺖ
.. ﻻﺗﺎﺧﺬﻧﻲ ﺑﻠﺴﺎﻧﻚ ﻭﻟﻚ ﻟﻴﺶ ﭼﺎ ﻭﻳﻦ ﺧﻮﺗﻨﻪ ﺭﺍﻳﺪ ﺗﻌﺮﺱ ﻭﺍﻧﻪ ﺍﺧﺮ ﻭﺍﺣﺪ ﻳﺪﺭﻱ ﻧﺎﺳﻲ ﻭﻋﺪﻱ ﺍﻟﻚ ﻭﻭﻋﺪﻙ ﺍﻟﻲ
.. ﻣﺎﻧﺎﺳﻲ ﺑﺲ …
.. ﻻ ﺑﺲ ﻭﻻ ﺷﻲ ﺍﺷﺶ ﺍﻧﺖ ﺍﻟﻴﻮﻡ . ﺗﺴﻜﺖ ﻭﺍﻧﻪ ﺍﺣﺠﻲ
ﻭﻟﻚ ﻭﮔﻔﺎﺗﻚ ﺍﻟﻲ ﻳﺴﻮﻥ ﻭﮔﻔﺎﺕ ﻋﺸﺮ ﺍﺧﻮﺍﻥ ﻭﺍﻛﺜﺮ ﭼﻨﺖ ﺗﻌﺎﺩﻝ ﻋﺸﻴﺮﻩ
ﻧﺴﻴﺖ ﻭﻋﺪﻱ ﺍﻟﻚ ﻟﻮ ﻛﺒﺮﺕ ﻭﺍﻟﻠﻪ ﻣﻜﻨﻲ ﻋﺮﺳﻚ ﻛﻠﻪ ﻋﻠﻴﻪ ﻭﺧﺸﺎﺑﻚ ﻫﻢ
.. ﻫﻴﺞ ﻫﻮﺍﻱ ﻣﺎﻫﺮ ﻣﺎﺍﺭﺿﺎ ﺍﻧﻪ ﻣﻮ ﺷﺮﻁ ﻛﻞ ﺣﭽﺎﻳﻪ ﻧﺎﺧﺬ ﺑﻴﻬﺎ ﺍﺑﻮ ﻣﺤﻤﺪ
.. ﺍﻧﺖ ﺗﺮﺿﺎ ﻏﺼﺒﺎ ﻋﻠﻴﻚ ﻣﻮ ﺑﻜﻴﻔﻚ ﻗﺴﻢ ﺑﺎﻟﻠﻪ ﺑﻌﺪ ﺗﻨﺴﻰ ﻣﺎﻫﺮ ﻟﻠﺪﻭﻡ ﻟﻮ ﺍﺳﺘﻨﻜﻔﺖ ﻣﻨﻲ .. ﻭﺍﻧﻪ ﻭﻋﺪﻱ ﻭﺣﺠﺎﻳﺘﻲ ﻋﻬﺪ ﻣﻮ ﺣﭽﺎﻳﻪ ﻋﺎﺩﻳﻪ ﻭﺍﻧﺖ ﺗﻌﺮﻓﻨﻲ ﺯﻳﻦ
.. ﻭﺍﻟﻨﻌﻢ ﻣﻨﻚ ﺍﻛﺜﺮ ﻭﺍﺣﺪ ﻳﻌﺮﻓﻚ ﺍﻧﻪ .. ﻣﺎﻣﺴﺘﻨﻜﻒ ﺷﺒﻴﻚ ﺍﻧﺖ ﺑﺲ ﻫﻮﺍﻱ ﻋﺮﺱ ﻭﺧﺸﺎﺏ
ﺟﺎﺍﻧﻪ ﺷﺪﻓﻊ ﺷﺴﻮﻱ
.. ﺗﺤﺘﺎﺭ ﺍﺑﻴﺘﻚ ﻭﺑﺲ ﻭﻋﻨﺪﻱ ﻓﻠﻮﺱ ﺍﺭﻳﺪ ﺍﺷﻐﻠﻬﻦ ﻭﻳﺎﻙ ﺷﺘﮕﻮﻝ ﻧﻮﺳﻊ ﺷﻐﻠﻚ ﻭﺷﻐﻠﻲ
.. ﻓﻠﻮﺳﻴﺶ ﺍﻧﻮﺏ ﺧﻮﺵ ﺑﺎﺏ ﺍﻃﺒﻠﻲ ﻣﻨﻪ
.. ﺑﻮﻳﻪ ﻭﺍﻟﻠﻪ ﺍﺷﻐﻠﻬﻦ ﻣﻨﻲ ﺍﻟﻔﻠﻮﺱ ﻭﺍﻧﺖ ﺍﺗﺼﺮﻑ ﺍﻧﺖ ﺷﺎﻃﺮ ﺑﺸﻐﻠﻚ ﻭﻣﺘﻔﺮﻍ ﻭﺍﻧﻪ ﺗﻌﺮﻑ ﻭﺿﻌﻲ ﻣﺤﺪ ﻣﻨﻄﻴﻨﻲ ﺩﺭﺏ ﺍﻟﺰﻡ ﺷﻐﻠﻲ ﺍﻃﻠﻊ ﻣﻦ ﺳﺎﻟﻔﻪ ﺍﻃﺐ ﺑﺎﻻﺗﻌﺲ ﻣﻨﻬﺎ ﻧﺘﻌﺎﻭﻥ ﺍﺣﺴﻦ
.. ﻣﺎﻫﺮ ﻓﻠﻮﺳﻚ ﻫﺎﻱ ﺑﺘﻌﺐ ﻭﻃﻼﻳﺐ ﺳﻨﻴﻦ ﻟﻤﻴﺘﻬﻦ ﺍﺟﻲ ﺍﻧﻪ ﻉ ﺍﻟﺤﺎﺿﺮ ﺍﺗﺼﺮﻑ ﺑﻴﻬﻦ ﺣﺘﻰ ﺍﺑﻮ ﺧﻴﻤﺔ ﺍﻟﺰﺭﮔﻪ ﻣﺎﻳﺮﺿﺎ
ﺿﺤﻜﺖ ﻭﻫﻮ ﻳﺄﺷﺮ ﻉ ﺍﻟﺴﻤﺎ ﺩﻭﻡ ﻣﻦ ﻳﺤﭽﻲ ﻭﻫﻮ ﻣﻌﺼﺐ ﻫﺎﻱ ﺣﺠﺎﻳﺘﻪ
.. ﻓﺪﻭﻩ ﺭﺣﺖ ﺍﻝ ﺍﻟﻠﻪ .. ﻳﺮﺿﺎ ﻭﺩﺍﻋﺘﻚ ﻳﺮﺿﺎ ﻻﻋﻴﺐ ﺍﻟﻤﺴﻮﻱ ﻭﻻ ﺣﺮﺍﻡ ﺑﺎﻟﻌﻜﺲ ﺍﻟﻠﻪ ﻣﺎﻳﺮﺿﺎ ﻟﻮ ﻋﻔﺘﻚ ﻭﻧﺴﻴﺖ ﻛﻞ ﺫﺍﻙ ﺍﻟﺴﻮﻳﺘﻪ ﮔﺒﻞ ﻭﺍﻟﻤﻌﺎﻭﻥ ﺣﻠﻮﻭ ﺍﻟﻠﻪ ﻣﻮﺻﻲ ﺑﻲ
ﻫﺴﻪ ﺍﻧﻪ ﺟﺎﻳﺒﻠﻚ ﻓﻠﻮﺱ ﻏﺮﻓﺘﻚ ﻭﻋﺮﺳﻚ ﻋﻠﻲ ﻭﻫﺬﺍ ﺗﺠﻬﻴﺰ ﺍﺧﻮﻭ ﺍﻻﺧﻮﻭ ﻫﺪﻳﻪ ﻳﻌﻨﻲ
ﻭﺣﺘﻰ ﺍﺫﺍ ﻣﺎﺗﺮﻳﺪ ﺗﻜﻮﻝ ﻻﺗﮕﻮﻝ ﺍﻻﺣﺪ ﺧﻠﻬﺎ ﺑﻴﻨﻪ
ﺑﺲ ﺍﻟﻔﻠﻮﺱ ﻻ ﺷﻐﻞ ﺑﻴﻨﺎﺗﻨﻪ ﻳﺼﻴﺮ
ﻓﺘﺤﺘﻠﻪ ﺍﻳﺪﻱ ﺑﻌﺪ ﻣﺎﺷﻔﺘﻪ ﻭﺍﮔﻒ ﻣﺘﺤﻴﻴﺮ ﻭﺍﻟﺪﻣﻮﻉ ﺗﻠﻤﻊ ﺑﻤﺪﻣﻊ ﻋﻴﻨﻪ
ﻳﺮﻳﺪ ﻳﺴﺘﻮﻋﺐ ﺍﻟﻤﻮﻗﻒ ﺍﻟﻈﺎﻫﺮ ﺟﺎﻥ ﻣﺤﺘﺎﺭ
ﺍﺗﺤﺎﺿﻨﻪ ﻭﺟﺪﺩﻧﻪ ﺍﻟﻮﻋﺪ ﻭﻧﺒﻀﺖ ﻋﺮﻭﮒ ﺍﻟﻮﻓﻪ ﺑﻴﻨﻪ
ﻫﺬﺍ ﻭﻛﺖ ﺭﺩ ﺍﻟﺪﻳﻦ ﻭﺻﺪﮒ ﻛﻠﺸﻲ ﺑﺎﻟﺪﻧﻴﺎ ﺩﻳﻦ ﺣﺘﻰ ﺍﻟﻜﻠﻤﻪ ﻳﺠﻲ ﻳﻮﻡ ﻭﻧﺸﻮﻑ ﻣﺮﺩﻭﺩﻫﺎ
…… .
ﺣﺴﻴﻦ …
ﺑﻌﺪ ﺍﻟﻌﻘﺪ ﺻﺎﺭ ﺷﻐﻠﻲ ﺍﻟﺸﺎﻏﻞ ﺳﺮﻭﺭ ﺍﺗﺼﻞ ﺑﻴﻬﺎ ﺑﺲ ﻣﺎﺍﺛﮕﻞ ﻋﻠﻴﻬﺎ ﻧﺤﺠﻲ ﺑﻤﺴﺘﻘﺒﻠﻨﻪ ﺑﺨﻮﻓﻬﺎ ﺑﺎﻟﺸﻐﻼﺕ ﺍﻻﺭﻳﺪﻫﻦ ﻣﻨﻬﺎ ﺗﻨﻄﻴﻨﻲ ﻣﺠﺎﻝ ﺍﻋﻮﺩﻫﺎ ﻋﻠﻲ ﻭﺗﺘﻌﻠﻢ ﻉ ﺍﻫﻠﻲ ﺑﻴﻦ ﻣﺎﺍﺑﻨﻲ ﺑﺼﻔﻬﻢ ﻭﻧﻄﻠﻊ
ﺟﻨﺖ ﻣﻘﻴﻴﺪ ﺭﻭﺣﻲ ﻭﻳﺎﻫﺎ ﺑﺎﻟﻜﻼﻡ ﺍﺭﻳﺪﻫﺎ ﺗﺮﺗﺎﺣﻠﻲ ﻭﺑﺲ
ﻣﺮﺍﺕ ﺍﺧﺬ ﺭﺍﺣﺘﻲ ﻭﺍﺳﻤﻊ ﺑﺲ ﺍﻧﻔﺎﺳﻬﺎ ﺍﺳﻜﺖ ﻭﺑﻌﺪﻫﺎ ﺍﻃﻠﺐ ﻣﻨﻬﺎ ﻧﺤﺠﻲ ﺑﻐﻴﺮ ﻣﻮﺿﻮﻉ
ﻭﻫﻴﺞ ﺍﻧﻪ ﻭﻳﺎﻫﺎ ﻣﺨﻠﺼﻴﻨﻬﺎ ﺍﺷﻮﻓﻬﺎ ﺍﺣﺴﻦ ﻣﻮ ﻣﺜﻞ ﻣﺎﺟﻨﺖ ﻣﺘﻮﻗﻊ
ﻣﺮﺍﺕ ﻣﺎﻫﺮ ﻣﻮﺟﻮﺩ ﺍﺭﻭﺡ ﺑﻮﺟﻮﺩﻩ ﻭﺗﻄﻠﻊ ﻉ ﻛﺪ ﺍﻟﺴﻼﻡ ﻭﺍﺧﺬ ﻳﺴﺮ ﻭﻧﻄﻠﻊ ﻣﺎﻛﺎﻋﺪﻳﻦ ﺳﻮﺍ ﻭﻻ ﻣﺘﺸﺎﻭﻓﻴﻦ ﻭﺣﺪﻧﻪ ﺍﺷﻮﻓﻬﺎ ﻫﻲ ﺗﺘﻬﺮﺏ ﺑﺲ ﻣﻦ ﺗﺘﻼﻛﻪ ﻋﻴﻮﻧﻪ ﺍﺭﺗﺎﺡ ﺍﻟﻨﻈﺮﺗﻬﺎ ﺍﺣﺴﻬﺎ ﻣﻄﻤﺌﻨﻪ ﻣﻦ ﻧﺎﺣﻴﺘﻲ
ﺑﻴﻮﻡ ﻣﺎﻫﺮ ﺣﺎﺟﺎﻧﻲ ﺑﻌﺪ ﺷﻬﺮﻳﻦ ﻣﻦ ﺍﻟﺨﻄﻮﺑﻪ
ﮔﺎﻝ
.. ﺣﺴﻴﻦ ﺷﻮﻛﺖ ﻧﺎﻭﻱ ﺗﺘﻮﻛﻞ ﻭﺗﻌﺮﺱ
ﻓﺮﻛﺖ ﻭﺟﻬﻲ ﺑﺤﻴﺮﻩ ﻭﺟﺎﻭﺑﺘﻪ
.. ﻟﻮ ﻋﻠﻴﻪ ﻣﻦ ﺑﺎﭼﺮ ﺑﺲ ﺍﻧﻪ ﺍﺭﻳﺪﻫﺎ ﻫﻲ ﺗﺘﻌﻮﺩ ﻭﻣﺨﻠﻴﻬﺎ ﻉ ﺭﺍﺣﺘﻬﺎ
.. ﺣﺴﻴﻦ ﺍﺫﺍ ﻇﻠﺖ ﻫﻴﺞ ﻣﺎﺗﺘﻌﻮﺩ ﺍﺗﻘﺪﻡ ﺍﻧﺖ ﺑﺨﻄﻮﻩ ﻭﺍﺧﺬﻫﺎ ﻳﻤﻚ ﻫﻲ ﻣﺘﻘﺒﻠﺘﻚ ﻭﻣﺮﺗﺎﺣﻪ ﻣﺒﻴﻨﻪ ﺑﺲ ﺍﻟﺘﻌﻮﻳﺪ ﻣﺎﻳﺼﻴﺮ ﺍﻻ ﺑﺎﻟﻌﺸﺮﻩ ﻭﻣﺎﻃﻮﻟﻬﺎ ﻣﺮﺗﺎﺣﻪ ﻫﻲ ﻭﺍﻟﺤﺠﻲ ﺟﺎﻱ ﻳﻄﻠﻊ ﻭﻳﻜﺜﺮ ﺍﺧﺬﻫﺎ ﻳﻤﻚ ﻭﻛﻠﺸﻲ ﻋﺎﺩﻱ
ﺍﻟﻌﺸﺮﻩ ﻣﺤﺒﺘﻬﺎ ﻏﻴﺮ
ﻫﺬﺍ ﺍﻧﻪ ﻋﺮﺳﺖ ﻻﺷﺎﻳﻔﻬﺎ ﻭﻻﺷﺎﻳﻔﺘﻨﻲ ﺍﻻ ﺑﻴﻮﻡ ﺍﻟﻌﺮﺱ
ﻭﻫﺴﻪ ﻋﻨﺪﻱ ﺗﺴﻮﺍ ﺍﻟﺪﻧﻴﺎ ﻛﻠﻬﺎ ﻭﻫﻲ ﻫﻢ ﻣﺘﺄﻛﺪ ﻣﺎﻣﺘﻨﺪﻣﻪ ﻋﻠﻴﻪ ﺍﻟﻤﺤﺒﻪ ﺍﻟﻲ ﺗﻘﺼﺪﻫﺎ ﺗﺠﻴﻚ ﺑﺎﻟﻌﺸﺮﻩ
ﻻﺗﻔﻜﺮ ﺯﺍﻳﺪ ﻭﺗﺤﻤﻠﻬﺎ
.. ﺣﺴﻴﻦ ﺍﻧﻪ ﺍﻋﺮﻑ ﻛﻞ ﻫﺬﺍ ﺑﺲ ﻫﻲ ﺧﺎﻑ ﺗﻌﺎﺭﺽ ﻟﻮ ﺗﺘﻘﻴﺪ ﻣﺨﻠﻴﻬﺎ ﻉ ﺭﺍﺣﺘﻬﺎ
.. ﻣﺎﻛﻮ ﻉ ﺭﺍﺣﺘﻬﺎ ﺧﻮﻳﻪ ﻫﻲ ﻣﺠﻠﺒﻪ ﺑﺤﺰﻥ ﻭﺗﻔﻜﻴﺮ ﻳﺸﻞ ﺍﻟﻌﻘﻞ ﻣﺎﻳﺨﻠﻴﻬﺎ ﺗﻔﻜﺮ ﺯﻳﻦ ﺍﻟﻲ ﺍﺭﻳﺪﻩ ﻣﻨﻚ ﺗﻘﺪﻡ ﺍﻟﻌﺮﺱ ﻭﻛﻠﺸﻲ ﺑﻴﻨﻜﻢ ﻳﺼﻔﺎ ﺗﺮﻯ ﺍﻟﺤﺠﻲ ﻛﺜﺮﺍﻥ ﻭﺻﺎﻳﺮ ﻣﺎﻳﻌﺠﺒﻨﻲ ﺍﻧﻪ ﺍﻋﺮﻓﻚ ﻭﺍﻋﺮﻓﻬﺎ ﺑﺲ ﺧﺎﻳﻒ ﺍﻧﻮﺏ ﺍﺣﻄﻠﻲ ﻭﺍﺣﺪ ﻭﺍﻛﺘﻠﻪ ﻭﺍﻧﻪ ﻣﻮ ﺑﻮﻋﻴﻲ ﻋﻠﻴﻪ ﻫﻮﺍﻱ ﺿﻐﻂ ﻣﻨﺎ ﺍﻟﻨﺎﺱ ﻣﻦ ﻋﻤﺎﻣﻨﻪ ﺍﻟﻠﻪ ﻳﺰﻳﺪ ﺧﻴﺮﻫﻢ ﺭﺍﺟﻌﻴﻦ ﻳﻄﺎﻟﺒﻮﻥ ﺑﺤﺼﺘﻬﻢ ﻣﻦ ﺑﻴﺖ ﻛﺮﺍﺭ ﻳﻜﻮﻟﻮﻥ ﺍﺫﺍ ﻣﺎﻳﺮﺩﻭﻧﻪ ﻳﻨﺒﺎﻉ ﺧﻞ ﻳﺪﻓﻌﻮﻟﻨﻪ ﺣﺼﺼﻨﻪ
.. ﻫﺎﻱ ﺷﻨﻲ ﺍﻧﻮﺏ ﺳﺎﻟﻔﻪ ﺟﺪﻳﺪﻩ
.. ﺍﻱ ﻣﻦ ﺩﺭﻭﻭ ﺑﻌﻘﺪﻙ ﻋﻠﻴﻬﺎ ﻭﻫﻢ ﺣﺎﺭﻭ ﺷﻴﺴﻮﻭﻥ ﺑﺲ ﻻﺗﺨﺎﻑ ﻣﺎﺍﻧﻄﻴﻬﻢ ﺍﻟﻴﺮﺩﻭﻧﻪ ﻭﺿﺎﻣﻠﻬﻢ ﺿﻤﻪ ﺑﺲ ﺗﻨﻄﺒﺦ ﺑﻬﺪﺍﻱ ﻛﺎﻋﺪ ﻳﻠﻌﺒﻮﻥ ﺑﺬﻳﻠﻬﻢ ﻫﻤﻪ ﻭﺍﺷﻮﻑ ﺳﻴﻒ ﺭﺍﻳﺢ ﺭﺍﺩ ﺍﻟﻬﻢ
.. ﻣﺎﻫﺮ ﺷﻮﺭﺍﻙ ﺳﻴﻒ ﺧﻠﻪ ﻳﻮﻟﻲ ﺷﻨﻬﻲ ﺗﺮﺍﻗﺒﻬﻢ ﺍﻧﺖ
.. ﻣﺎﻭﺭﺍﻱ ﻭﺳﻴﻒ ﻫﺬﺍ ﻣﺎﻳﺴﻮﻩ ﺍﺧﺴﺮ ﻭﻟﺪﻱ ﻭﻳﺨﺴﺮﻭﻧﻲ ﻋﻠﻤﻮﺩﻩ ﺑﺲ ﺍﻛﻴﺪ ﻣﺎﺍﺧﻠﻲ ﻳﺮﺗﺎﺡ ﻭﺍﺧﻠﻲ ﻳﻤﺸﻲ ﻭﻳﺘﻠﻔﺖ .. ﻫﺴﻪ ﮔﻠﻲ ﺷﻜﻠﺖ ﻉ ﺍﻟﻌﺮﺱ
.. ﻫﺬﺍ ﻫﻮﻭ ﺍﺳﺒﻮﻋﻴﻦ ﻛﺎﻓﻴﺎﺕ ﻟﻮ ﺷﻬﺮ
.. ﺍﺳﺒﻮﻋﻴﻦ ﻛﺎﻓﻲ ﺍﺗﻮﻛﻞ ﻋﻠﻰ ﺍﻟﻠﻪ
.. ﺍﻟﻠﻪ ﻛﺮﻳﻢ
ﻣﺎﻫﺮ ﺭﺍﺡ ﺑﺸﻐﻠﻪ ﻣﺴﺘﻌﺠﻞ ﻋﻠﻴﻬﺎ ﺑﻌﺪ ﻣﺎﺍﺟﺘﻪ ﺭﺳﺎﻟﻪ
ﺍﺣﺲ ﻭﺭﺍﻩ ﺳﻲ ﺑﺲ ﺷﻨﻲ ﻫﻲ ﻳﺴﻜﺖ ﻣﺎﻳﺤﺠﻲ ﻭﻳﺮﻳﺤﻨﻪ ﻭﻳﺠﺎﻭﺏ
ﺭﺟﻌﺖ ﻟﻠﺒﻴﺖ ﺑﺎﻟﻠﻴﻞ ﻣﻮﻋﺪ ﺍﺗﺼﺎﻟﻲ
ﺧﺎﺑﺮﺗﻬﺎ
.. ﺍﻟﻮﻭ
.. ﻫﻼ ﺑﺎﻟﻐﺎﻟﻴﻪ ﺷﻠﻮﻧﭻ ﺣﺒﻴﺒﻪ
.. ﺍﻟﺤﻤﺪﻟﻠﻪ ﺑﺨﻴﺮ ﺍﻧﺖ ﺷﻠﻮﻧﻚ ﻋﺒﺎﻟﻲ ﻣﺎﺗﺘﺼﻞ ﺷﻔﺘﻚ ﺍﺗﺄﺧﺮﺕ
.. ﺟﺎ ﻣﺎﺍﺗﺼﻠﺘﻲ ﺍﻧﺘﻲ ﻣﺪﺭﻱ ﺻﺎﺭ ﻋﻠﻴﻪ ﺷﻲ ﻣﺪﺭﻱ ﻣﺘﺖ
ﺷﺒﻴﻬﺎ ﻟﻮ ﻓﮕﺪﺗﻴﻨﻲ ﻳﻮﻡ ﻭﺍﻧﺘﻲ ﺧﺎﺑﺮﺗﻲ .. ﭼﻨﺖ ﺍﻋﺎﺗﺒﻬﺎ ﺑﺲ ﻣﻦ ﻧﺒﺮﺓ ﺻﻮﺗﻲ ﻣﺒﻴﻴﻦ ﻣﺒﺘﺴﻢ ﺟﺎﻭﺑﺘﻨﻲ ﺑﺨﻮﻑ
.. ﻻ ﺍﺳﻢ ﺍﻟﻠﻪ ﻋﻠﻴﻚ ﻻﺗﮕﻮﻝ ﻫﻴﺞ ﺑﺲ ﺍﺩﺭﻱ ﺑﻤﺎﻫﺮ ﺟﺎﻥ ﻳﻤﻚ
.. ﻫﺎﺍ ﺷﻤﺪﺭﻳﺞ ﮔﺎﻟﺞ ﺷﻲ
.. ﻻ ﻣﺎﮔﺎﻝ ﺑﺲ ﻫﺴﻪ ﺍﺟﻪ ﻣﺘﺄﺧﺮ ﻛﺎﻝ ﺟﻨﺖ ﻳﻢ ﺣﺴﻴﻦ
ﺳﻜﺘﺖ ﺍﺭﻳﺪﻫﺎ ﺗﻜﻤﻞ ﺻﺎﺭ ﻫﻮﺍﻱ ﻣﻦ ﺍﺟﺘﻪ ﺭﺳﺎﻟﻪ ﻭﻋﺎﻓﻨﻲ ﻭﻳﻦ ﺭﺍﺡ ﻫﺬﺍ ﻭﺷﻜﺎﻋﺪ ﻳﺴﻮﻱ
.. ﺍﻱ
.. ﺍﻱ ﻫﺬﺍ ﻫﻮﻭ
.. ﺍﻧﺘﻲ ﺯﻳﻨﻪ ﻣﺮﺗﺎﺣﻪ
.. ﺍﻟﺤﻤﺪﻟﻠﻪ
.. ﺳﺮﻭﺭ
.. ﻫﺎ؟
.. ﺍﻟﻌﺮﺱ ﺑﻌﺪ ﺳﺒﻮﻋﻴﻦ ﺷﺘﻜﻮﻟﻴﻦ
.. ﺍﺳﺒﻮﻋﻴﻦ ﺑﺲ
.. ﺍﻱ
.. ﻣﻮ ﮔﺘﻠﻲ ﻣﺎﺍﺳﺘﻌﺠﻞ
.. ﻭﻫﻮ ﺍﻟﻲ ﻳﺮﻳﺪﺝ ﻭﻳﺘﻌﻮﺩ ﻉ ﺍﻟﺤﭽﻲ ﻭﻳﺎﭺ ﻣﻨﻴﻦ ﻳﺠﻴﺐ ﺍﻟﺼﺒﺮ
ﺑﻌﺪ ﺍﻟﻌﻤﺮ ﺍﻧﺘﻲ ﻻﺗﻀﻮﺟﻴﻦ ﻭﺍﻟﻠﻪ ﻣﺎﺭﺍﺡ ﺗﺘﻨﺪﻣﻴﻦ
ﺟﻮﺍﺑﺘﻨﻲ ﺑﺼﻮﺕ ﻣﺨﻨﻮﮒ
.. ﺑﻜﻴﻔﻚ ﻫﺬﺍ ﻫﻮﻭ
.. ﺷﺒﻲ ﺻﻮﺗﺞ
.. ﻣﺎﺑﻲ ﻫﻴﺞ ﻋﺎﺩﻱ .. ﻳﺴﺮ ﺧﻮ ﻣﺎﺿﻮﺟﺘﻚ ﺍﻟﻴﻮﻡ
.. ﺳﺮﻭﺭ ﻋﻮﻓﻲ ﻳﺴﺮ ﻫﺴﻪ ﺗﺮﻳﺪﻧﻬﺎ ﻣﺎﺗﻀﻮﺟﻨﻲ ﻭﺍﺣﻠﻰ ﻣﻦ . ﺍﻟﺸﻬﺪ ﻉ ﮔﻠﺒﻲ .. ﺧﻠﻴﺞ ﻭﻳﺎﻱ ﺷﺒﻴﭻ ﻳﺎﻋﻤﺮﻱ
ﻟﻴﺶ ﺗﺨﺘﻨﻜﻴﻦ . ﻟﻮ ﺟﺒﺘﻠﺞ ﻃﺎﺭﻱ ﺍﻟﺰﻭﺍﺝ ﺍﺧﺘﻲ ﻭﺍﻓﻘﺘﻲ ﻟﻮ ﺑﻌﺪﺝ ﺍﻟﻬﺴﻪ ﻣﺘﺮﺩﺩﻩ
ﺍﺫﺍ ﺍﻟﺒﻴﺞ ﺧﻮﻑ ﻭﺭﻫﺒﻪ ﻣﻦ ﺣﻴﺎﺓ ﺟﺪﻳﺪﺕ ﺍﻧﻪ ﻭﻳﺎﺝ ﺧﻄﻮﻩ ﺑﺨﻄﻮﻩ ﻭﺍﻛﻮﻥ ﺍﻟﺞ ﺳﻨﺪ ﻭﺍﺣﻤﻴﺞ ﻣﻦ ﻛﻠﺸﻲ ﻭﺍﻭﻟﻬﻢ ﺭﻭﺣﻲ
ﻭﺍﺫﺍ ﺍﻟﺒﻴﺞ ﻧﺪﻡ ﻛﻮﻟﻲ ﻣﻦ ﻫﺴﻪ ﻣﺎﺑﻴﻪ ﺍﻧﺬﺑﺢ ﺍﻧﻪ ﺗﺮﻯ ﺭﺍﺳﻤﻠﻲ ﺩﻧﻴﺎ ﻭﻳﺎﺝ ﺗﺬﺑﺤﻴﻨﻲ ﺍﺫﺍ ﻃﻠﻌﺘﻲ ﻣﺠﺒﻮﺭﻩ ﻭﺍﻟﻠﻪ
.. ﻭﺍﻟﻠﻪ ﻣﺎﻣﺠﺒﻮﺭﻩ ﺑﺲ ﺧﺎﻳﻔﻪ ﺻﺪﮒ ﻣﻨﻚ ﻣﻦ ﺍﻫﻠﻚ ﻣﻦ ﻛﻠﺸﻲ
.. ﺗﺨﺎﻓﻴﻦ ﻣﻨﻲ ﺍﻧﻪ؟ ﺍﺧﺨﺨﺦ ﻟﻮ ﺍﻟﺒﻠﮕﻠﺐ ﻳﻨﺸﺎﻑ ﭼﺎ ﻛﺴﺮﺕ ﺧﺎﻃﺮﺝ ﻭﺍﻟﻠﻪ
ﭼﺎ ﺧﻔﺘﻲ ﻣﻦ ﺭﻭﺣﺞ ﻭﻣﻨﻲ ﻣﺎﺧﻔﺘﻲ
.. ﺣﺴﻴﻦ ﻻ ﺗﻀﻮﺝ ﺍﻧﻪ ﻏﺒﻴﻪ ﻣﺎﺍﻋﺮﻑ ﺍﻋﺒﺮ ﻭﺍﺷﺮﺡ ﺧﻮﻓﻲ
ﺷﻮﻑ ﺍﻧﻲ ﻣﻮ ﻣﻨﻚ ﺍﻧﺖ ﺍﻟﺨﻮﻑ ﻣﻦ ﺍﻟﺤﻴﺎﺓ ﻭﻳﺎﻙ ﻳﻌﻨﻲ ﺍﻧﻪ ﺍﺑﻴﺖ ﺍﻫﻠﻲ ﻭﻋﻤﻲ ﻛﺎﺭﻫﻨﻲ ﻭﺧﻠﻪ ﻋﻤﺎﻱ ﻳﻄﺎﻟﺒﻮﻥ ﺑﺎﻟﺒﻨﻴﻪ ﻭﻧﺴﻮﺍﻥ ﺍﺧﻮﻙ . ﺍﺑﺪ ﻣﺎﻗﺼﺮﺙ ﻭﻳﺎﻱ
ﻫﺬﺍ ﺍﻟﻴﺨﻠﻴﻨﻲ ﺍﺧﺎﻑ ﻭﺍﻓﻜﺮ ﺷﻠﻮﻥ ﺍﺗﺼﺮﻑ ﻭﺑﻨﺘﻲ ﻭﻳﺎﻱ ﻣﻮ ﺑﺲ ﻧﻔﺮ ﺍﻧﻪ
.. ﻛﻞ ﻫﺬﺍ ﺍﻧﺘﻲ ﻣﺎﻟﺞ ﺑﻲ ﺍﻧﻪ ﻳﻤﺞ ﻭﺷﺤﺪﻩ ﺍﻟﻴﺠﻴﺴﻠﺞ ﻃﺮﻑ ﻭﺍﻟﻠﻪ ﻭﺍﻟﻠﻪ ﺑﺲ ﺍﻟﻤﺎﺭﺍﻳﺪ ﺭﻭﺣﻪ ﻳﮕﺮﺑﻠﺞ
.. ﺍﻧﺖ ﻟﻴﺶ ﻫﺎﻟﮕﺪ ﺗﺤﺒﻨﻲ ﺩﻭﻡ . ﺍﺳﺄﻝ ﺭﻭﺣﻲ ﻫﺎﻟﺴﺆﺍﻝ ﺷﻌﺎﺟﺒﻚ ﺑﻴﻪ ﻭﺍﻧﻪ ﻣﻨﻴﻦ ﻣﺎﺍﺻﻔﻦ ﺍﺷﻮﻑ ﺭﻭﺣﻲ ﻣﺎﺑﻴﻪ ﺷﻲ ﺍﻟﻴﺠﺬﺏ ﻻ ﺷﺨﺼﻴﻪ ﻇﻠﺖ ﻋﻨﺪﻱ ﻭﺍﻛﻮﻝ ﻗﻮﺗﻲ ﻋﺠﺒﺘﻪ ﻭﻻ ﺷﻜﻠﻲ ﺫﺍﻙ ﺍﻟﻴﻌﺠﺐ
ﺍﺗﻨﻬﺪ ﻭﺟﺮ ﺣﺴﺮﻩ ﻗﻮﻳﻪ ﻭﺟﺎﻭﺏ
.. ﻭﺍﻧﻪ ﻫﺎﻱ ﺍﻟﻠﻴﺶ ﻣﺎﻻﮔﻴﻠﻬﺎ ﺟﻮﺍﺏ ﺑﺲ ﺍﻟﻤﺎﺗﻌﺮﻓﻴﻨﻪ ﺷﺨﺼﻴﺘﺞ ﺣﻠﻮﻩ ﻭﺍﻧﺘﻲ ﻗﻮﻳﻪ ﻭﺧﻠﻲ ﺍﺑﺎﻟﺞ ﻫﺬﺍ ﺍﻟﺸﻲ ﻭﺍﺗﻌﻮﺩﻱ ﻋﻠﻴﻪ
ﻭﺍﺫﺍ ﻉ ﺍﻟﺸﻜﻞ ﺷﻜﻠﺞ ﻳﺴﺤﺮ ﻋﻴﻮﻧﻲ ﺑﺄﺑﺴﻂ ﺣﺎﻻﺗﻪ ﻭﻛﻮﻥ . ﺍﺑﺪﻝ ﻋﻴﻮﻧﻲ ﺑﻌﻴﻮﻧﺞ ﺩﻗﺎﻳﻖ ﺟﺎ ﺧﻠﻴﺘﭻ ﺗﺸﻮﻓﻴﻦ ﺭﻭﺣﺞ ﺳﻠﻄﺎﻧﻪ ﺑﻌﺮﺷﺞ
.. ﻫﻬﻬﻬﻬﻪ ﺳﻠﻄﺎﻧﻪ ﻣﻮ ﻛﻠﺶ ﻋﺎﺩ ﺗﻌﺮﻑ ﺣﺠﻴﻴﻚ ﺣﻠﻮﻭ ﺑﻲ ﻃﺎﻗﻪ ﺍﻳﺠﺎﺑﻴﻪ ﻳﻌﻨﻲ
.. ﺍﺭﻭﻭﺡ ﻓﺪﻭﻩ ﺍﻟﻬﺎﻟﻀﺤﻜﻪ ﺍﺷﺮﻳﻬﺎ ﺑﻌﻤﺮﻱ ﻭﺍﻟﻠﻪ
ﻛﻠﻲ ﻃﺎﻗﻪ ﺍﻧﻪ ﻭﻣﻮ ﺑﺲ ﻛﻼﻣﻲ ﺷﻮﻓﺘﻲ ﺑﻌﺪ ﺍﻛﺜﺮ
ﺿﺤﻜﺖ ﻭﺍﻧﻪ ﺍﺳﻤﻊ ﺍﻧﻔﺎﺳﻬﺎ ﺍﻟﻈﺎﻫﺮ ﻧﺴﺖ ﺭﻭﺣﻬﺎ ﻭﺣﺠﺖ ﻭﺍﻧﻪ ﻫﻢ ﺧﺠﻠﺘﻬﺎ
ﺣﺎﺟﻴﺘﻬﺎ ﻭﺍﻧﻪ ﺍﺿﺤﻚ
.. ﺳﺮﻭﺭ ﺍﺣﭽﻲ ﻻﺗﺴﻜﺘﻴﻦ ﺷﺒﻴﺞ ﺍﻧﺒﻠﻊ ﺻﻮﻭﺗﭻ ﺷﮕﻠﺖ ﺍﻧﻪ
ﻫﺎ ﻭﻳﺎﻙ
.. ﻭﻳﺎﻱ ﻭﺍﻧﻪ ﻭﻳﺎﺝ ﻭﻭﻛﺘﻨﻪ ﻣﺪﺭﻱ ﻭﻳﺎﻣﻦ ﺷﻮﻛﺖ ﻧﺘﺼﺘﻔﻪ ﻛﻠﻨﻪ ﻭﻧﺼﻴﺮ ﺳﻮﻩ ﻭﻧﺮﺗﺎﺡ
.. ﺍﻟﻴﻮﻡ . ﺍﻧﺖ ﻟﻴﺶ ﻫﻴﺞ ﺗﺤﺠﻲ ﺍﻛﻮ ﺷﻲ ﻏﻴﺮ ﺍﻟﺬﻛﺮﺗﻪ
.. ﻻ ﻭﺍﻟﻠﻪ ﻣﺎﻛﻮ ﺑﺲ ﺍﻟﻌﺮﺱ ﻭﻫﺴﻪ ﺷﮕﻠﺘﻲ
.. ﻫﺬﺍ ﻫﻮﻭ ﺑﺮﺍﺣﺘﻚ
.. ﭼﺎ ﺑﺎﭼﺮ ﺍﻟﻌﺼﺮ ﺍﻣﺮﻟﺞ ﺣﺘﻰ ﺍﻧﻄﻴﺞ ﺗﺠﻬﺰﻳﻦ . ﻭﺍﻧﻪ ﻫﻢ ﻭﺭﺍﻱ ﺍﺷﻐﺎﻝ ﻫﻮﺍﻱ ﻫﻢ ﻳﻠﻠﻪ ﺍﻟﺤﮓ
.. ﺍﻥ ﺷﺎﺀﺍﻟﻠﻪ
.. ﻳﻠﻠﻪ ﺣﺒﻴﺒﻪ ﺍﻣﺎﻧﺔ ﺍﻟﻠﻪ
ﺳﺪﻳﺖ ﺍﻟﺘﻠﻴﻔﻮﻥ ﻣﻨﻬﺎ ﻭﺑﺎﻟﻲ ﻛﻠﻪ ﻳﻤﻬﺎ ﺳﺎﻋﺎﺕ ﺍﻛﻮﻝ ﺧﺎﻑ ﺍﺳﺘﻌﺠﻠﺖ ﻋﻠﻴﻬﺎ ﻭﻫﻲ ﺗﻮﻫﺎ ﺑﺪﺕ ﺗﺘﻌﻮﺩ ﻉ ﺍﻟﻤﺨﺎﺑﺮﺍﺕ ﺍﻧﻮﺏ ﺧﺎﻑ ﺍﺧﺮﺏ ﺍﻻﻭﻝ ﻭﺍﻟﺘﺎﻟﻲ ﻭﺳﺎﻋﺎﺕ ﺍﻛﻮﻝ ﺣﺠﻲ ﻣﻬﺮﺍﻥ ﺻﺢ ﻫﻲ ﺍﻟﺘﻠﻴﻔﻮﻥ ﻟﻴﻴﻦ ﺷﻮﻳﻪ ﻣﻦ ﺭﺍﺳﻬﺎ ﺍﻟﻌﺸﺮﻩ ﻳﻤﻜﻦ ﺗﺄﺛﺮ ﺍﻛﺜﺮ
ﻭﻣﺜﻞ ﻛﻞ ﻣﺮﻩ ﺍﺗﺮﻙ ﻭﺍﻗﻌﻲ ﻭﺍﻟﺘﺠﺄ ﺍﻻﺣﻼﻣﻲ ﻭﻳﺎﻫﺎ ﻭﺍﻧﻪ ﺻﺎﺣﻲ
ﮔﻄﻊ ﺻﻔﻨﺘﻲ ﺗﻠﻴﻔﻮﻥ ﻣﺘﺄﺧﺮ ﻣﻦ ﻭﺳﺎﻡ
ﻗﺒﻞ ﻓﺘﺮﻩ ﺣﺠﺎﻟﻲ ﺷﻠﻮﻥ ﻣﺎﻫﺮ ﻭﺍﻛﻒ ﻭﻳﺎﻩ ﻭﻣﻨﻄﻴﻪ ﻓﻠﻮﺱ ﺟﺎﻭﺑﺘﻪ ﻭﻣﺴﺘﻐﺮﺏ ﻣﻦ ﻣﺨﺎﺑﺮﺗﻪ ﻫﻴﺞ ﻭﻛﺖ
.. ﺍﻟﻮﻭﻭ
.. ﻫﻼ ﺍﺑﻮ ﻋﻠﻲ
.. ﻫﻼ ﺑﻴﻚ ﻭﺳﻮﻡ ﺷﻠﻮﻧﻚ
.. ﺍﻧﻪ ﺍﻟﺤﻤﺪﻟﻠﻪ ﺗﻤﺎﻡ .. ﺍﻟﻴﻮﻡ ﺍﻣﻲ ﻭﺧﻮﺍﺗﻲ ﺭﺍﺣﻦ ﻳﺨﻄﺒﻦ ﺍﻟﻲ ﻭﺍﻥ ﺷﺎﺀﺍﻟﻠﻪ ﺻﺎﺭﺕ ﺑﺎﻗﻲ ﺷﻜﻢ ﻳﻮﻡ ﻳﺮﺩﻭﻥ ﺧﺒﺮ ﻭﺗﺼﻴﺮ ﮔﻌﺪﺓ ﺍﻟﺰﻟﻢ ﻭﺍﻧﺖ ﻭﻧﺎﻫﺮ ﺍﻭﻝ ﺍﻟﺤﺎﺿﺮﻳﻦ
.. ﻉ ﺍﻟﺨﻴﺮ ﺣﺒﻴﺒﻲ ﺍﻥ ﺷﺎﺀﺍﻟﻠﻪ ﺭﺑﻲ ﻳﺴﻌﺪﻙ ﻭﻳﻬﻨﻴﻚ ﺗﺴﺘﺎﻫﻞ ﻭﺳﻮﻡ
.. ﺍﻟﻠﻪ ﻳﺴﻠﻤﻚ ﺑﺲ ﻣﻮ ﻫﺬﺍ ﺍﻟﻤﺨﻠﻴﻨﻲ ﺍﺧﺎﺑﺮﻙ ﺑﻬﺬﺍ ﺍﻟﻮﻛﺖ
.. ﺍﻛﻮ ﺷﻲ ﺳﻮﻟﻒ
.. ﻣﺎﻫﺮ ﺍﺣﺲ ﻭﺭﺍﻩ ﺳﺎﻟﻔﻪ ﺗﻠﻴﻔﻮﻧﺎﺗﻪ ﻭﻣﺮﺍﺳﻼﺗﻪ ﺍﺑﺪ ﻣﻮ ﺧﺎﻟﻴﻪ ﺍﺣﺲ ﻭﺭﺍﻩ ﺷﻲ ﻋﻨﺪﻙ ﻓﻜﺮﻩ ﻋﻨﻪ ﺷﻴﺴﻮﻱ ﻫﺎﻟﻴﻮﻣﻴﻦ ﺧﺎﻳﻒ ﻋﻠﻴﻪ ﺍﻧﻪ ﻣﻮ ﻗﺼﺪﻱ ﻏﻴﺮ ﺷﻲ
.. ﻭﺍﻟﻠﻪ ﺣﺎﻟﻲ ﺣﺎﻟﻚ ﺷﺎﻙ ﻭﻣﺘﺨﻮﻑ ﺑﺲ ﻳﻜﻮﻝ ﻣﺎﻛﻮ ﺷﻲ
.. ﻣﺎﺍﺩﺭﻱ ﺑﻌﺪ ﺣﺘﻰ ﻋﺎﻳﻠﺘﻪ ﺍﻟﻴﻮﻡ ﻋﺪﻧﻪ ﻣﺎﺧﺬﻩ ﻉ ﺧﺎﻃﺮﻫﺎ ﻭﻣﺎﻛﻠﻒ ﺭﻭﺣﻪ ﻳﻮﺻﻞ ﺍﻟﻨﻪ ﻭﻳﺮﺿﻴﻬﺎ ﻟﻮ ﺣﺘﻰ ﻳﻔﻬﻤﻬﺎ ﺗﻌﺮﻑ ﺍﻧﻪ ﻣﻮ ﻣﺎﻝ ﺍﺣﺎﺟﻲ ﺑﻌﺪﻧﻲ ﻏﺎﺹ ﺑﻮﮔﻔﺘﻪ ﻭﻳﺎﻱ
.. ﻻ ﺍﺫﺍ ﻫﻴﺞ ﺍﻟﺴﺎﻟﻔﻪ ﺻﺪﮒ ﻣﻮ ﺧﺎﻟﻴﻪ ﻫﻮ ﻋﻨﺪﻩ ﻛﻠﺸﻲ ﻭﻻ ﻣﺤﻤﺪ ﻭﺍﻣﻪ ﻣﺎﺍﺩﺭﻱ ﺑﺲ ﺍﻛﻴﺪ ﻣﻮ ﺍﻟﺒﺎﻟﻬﺎ ﻭﺍﺑﺎﻟﻜﻢ ﻣﺎﻫﺮ ﻛﺎﻋﺪ ﻳﺨﻄﻂ ﺍﻟﻌﻤﺎﻣﻪ ﻫﺬﺍ ﺍﻻﻋﺮﻓﻪ
.. ﺍﻧﻪ ﻫﻢ ﻣﺎﻋﻨﺪﻱ ﺷﻚ ﺑﻲ ﻫﺎﻱ ﺍﻟﺴﻮﺍﻟﻒ ﻳﻜﺮﻫﻪ ﻫﻮ ﺑﺲ ﺗﺪﺭﻱ ﺑﻌﺪ ﻫﻢ ﻣﺎﻛﻮ ﺷﻲ ﻣﻀﻤﻮﻥ ﻭﺍﻧﻪ ﻣﻦ ﺳﺄﻟﺘﻚ ﻣﻦ ﺧﻮﻓﻲ ﻋﻠﻴﻪ ﺍﻟﻠﻪ ﻳﺸﻬﺪ ﺍﻟﺒﻴﻨﻪ ﻭﺑﻴﻦ ﻋﺎﻳﻠﺘﻪ ﻫﻮ ﻳﺤﻠﻬﺎ ﺍﺣﻨﻪ ﻣﺎﻋﻠﻴﻨﻪ ﻣﻨﻬﻢ
.. ﺍﻟﻠﻪ ﻛﺮﻳﻢ ﺍﻟﺼﺒﺢ ﺍﺭﻭﺣﻠﻪ ﻭﺍﺷﻮﻓﻪ
…… ..
ﺯﻳﻨﺐ …
ﻣﺎﻫﺮ ﻓﺮﺣﺎﻥ ﺑﺤﻤﻠﻲ ﻭﻋﺒﺎﻟﻚ ﺍﻭﻝ ﺣﻤﻞ ﺍﻟﻲ
ﺍﺫﺍ ﻟﺰﻣﺖ ﺷﻲ ﻣﺎﻳﺮﺿﺎ ﺍﺫﺍ ﺷﻠﺖ ﺍﻟﺠﻬﺎﻝ ﻳﺤﺠﻲ ﻫﻮ ﺍﺫﺍ ﻣﻮﺟﻮﺩ ﻳﺴﺎﻋﺪﻧﻲ ﺑﻜﻠﺸﻲ ﻳﺸﻴﻞ ﺍﻟﺜﮕﻞ ﺍﻟﺠﻬﺎﻝ ﻳﺎﺧﺬﻫﻢ ﻋﻨﻲ ﻳﻜﻠﻲ ﺍﻧﺘﻲ ﺍﺭﺗﺎﺣﻲ ﻭﺑﺲ
ﻣﻦ ﻳﻄﻠﻊ ﺍﺳﺘﺤﻲ ﺍﺛﮕﻞ ﻋﻠﻴﻬﻢ ﺳﺮﻭﺭ ﺣﺎﻳﺮﻩ ﺑﺰﻣﺎﻧﻬﺎ ﻣﺎﻣﻘﺼﺮﻩ ﺑﺘﻨﻈﻴﻒ ﺍﻟﺒﻴﺖ ﺍﻟﻌﺸﻪ ﺗﻜﻠﻲ ﻋﻮﻓﻲ ﺑﺲ ﻣﺎﺍﻋﺮﻑ ﺍﻛﻌﺪ ﻭﺍﺷﻮﻑ ﻏﻴﺮﻱ ﻳﻔﺘﺮ ﻭﺍﻧﻪ ﻛﺎﻋﺪﻩ ﺍﺣﺲ ﺭﻭﺣﻲ ﻋﺎﻟﻪ ﺍﺿﻮﺝ ﺣﻴﻞ ﻭﺍﺗﺤﺴﺲ
ﮔﻤﺖ ﺍﻓﺘﺮ ﺑﺲ ﻉ ﻛﻴﻔﻲ ﺍﺣﺎﻭﻝ ﻣﺎﺍﺗﻌﺐ ﺭﻭﺣﻲ ﻛﻠﺶ ﻭﻻ ﺍﮔﻌﺪ
ﺍﻟﺤﻤﻞ ﺻﺎﺭ ﻳﺜﮕﻞ ﺍﻓﺤﻂ ﻣﻦ . ﻛﻠﺸﻲ
ﺑﺎﻟﻠﻴﻞ ﺍﺫﺏ ﺭﻭﺣﻲ ﺍﻧﺎﻡ ﺗﻌﺒﺎﻧﻪ
ﻣﺎﻫﺮ ﺻﺮﺕ ﻗﻠﻴﻞ ﺍﻫﺘﻢ ﺑﻲ ﻭﻫﻮ ﻳﻜﻠﻲ ﻣﺎﺭﺍﻳﺪ ﺍﻧﻪ ﺑﺲ ﺭﺍﺣﺘﺞ ﺑﻴﻮﻡ ﻧﺎﻳﻤﻪ ﺟﻨﺖ
ﮔﻌﺪﺕ ﻣﺘﺄﺧﺮﻩ ﻋﻄﺸﺎﻧﻪ
ﻣﺎﻫﺮ ﻳﻤﻲ ﻉ ﺍﻟﺠﺮﺑﺎﻳﻪ ﻓﺘﺤﺖ ﻋﻴﻮﻧﻲ ﺍﺷﻮﻓﻪ ﺷﻴﺴﻮﻱ
ﺷﻔﺘﻪ ﻳﺮﺍﺳﻞ ﻭﻣﺒﺘﺴﻢ ﺭﺍﻳﺢ ﺑﻐﻴﺮ ﻋﺎﻟﻢ
ﺍﺣﺲ ﺭﻭﺣﻲ ﺍﺷﺘﻌﻠﺖ ﻣﻦ ﺍﻃﺮﺍﻑ ﺭﺟﻠﻴﻨﻲ ﺍﻟﺮﺍﺳﻲ
ﺣﺎﻭﻟﺖ ﺍﻧﻌﻞ ﺍﻟﺸﻴﻄﺎﻥ ﻳﺠﻮﺯ ﻭﺳﺎﻡ ﻳﺠﻮﺯ ﺣﺴﻴﻦ ﻫﻢ ﺑﺲ ﺫﻭﻟﻪ ﺭﺑﻌﻪ ﺣﺎﺟﻴﺘﻪ
.. ﻣﺎﻫﺮ ﻭﻳﺎﻣﻦ ﺗﺤﺠﻲ
ﻏﻠﻖ ﺗﻠﻴﻔﻮﻧﻪ ﻭﺍﻧﺪﺍﺭ ﻋﻠﻴﻪ
.. ﻫﺎ ﻳﺎﺑﻌﺪ ﺍﻟﻌﻤﺮ ﮔﻌﺪﺗﻲ ﺷﮕﺪﺝ ﻳﺤﻠﻮﻩ ﻃﺨﻴﻨﻪ ﺍﺗﺤﺮﺷﻨﻪ ﺍﺗﻤﺴﻜﻨﻪ ﻭﺍﻧﺘﻲ ﻭﻻ ﻳﻤﺞ ﺗﻌﺎﻱ ﻫﻨﺎ ﻣﺸﺘﺎﻗﻠﺞ
ﮔﻌﺪﺕ ﺍﻟﺤﻴﻠﻲ
.. ﻭﻳﺎﻣﻦ ﭼﻨﺖ ﺗﺤﭽﻲ
.. ﻭﻳﺎﻣﻦ ﻳﻌﻨﻲ ﻭﻱ ﻭﺍﺣﺪ ﻣﻦ ﺟﻤﺎﻋﺘﻲ
.. ﻭﻣﻨﻴﻠﻚ ﺟﻤﺎﻋﻪ ﻏﻴﺮ ﺣﺴﻴﻦ ﻭ ﻭﺳﺎﻡ
.. ﺷﻌﻠﻴﺞ ﺍﻧﺘﻲ ﻳﺎﻫﻮ ﻣﻦ ﺟﻤﺎﻋﺘﻲ ﻣﺎﺗﻌﺮﻓﻴﻨﻪ ﺯﻧﻮﺑﻪ ﻭﺍﻟﻠﻪ ﻣﻮ ﺍﻟﻲ ﺍﺑﺎﻟﺞ ﻭﺩﺍﻋﺔ ﻭﻟﺪﻱ ﺷﻐﻠﻪ ﺑﻴﻨﻲ ﻭﺑﻴﻦ ﻭﺍﺣﺪ ﺧﻠﻴﺞ ﺑﻌﻴﺪﻩ ﻋﻨﻬﺎ ﺍﺣﺴﻦ
.. ﻣﺎﻫﺮ ﻣﺎﺗﺒﻄﻞ ﺳﺎﻟﻔﺘﻚ ﻳﻌﻨﻲ ﺍﺣﺮﮒ ﺭﻭﺣﻲ ﻭﺍﺧﻠﺺ ﻳﻮﻡ ﺯﻣﻴﻠﻪ ﻳﻮﻡ ﺑﺖ ﻋﻤﻚ ﻳﻮﻡ ﻣﺎﻳﺨﺼﻨﻲ ﻛﻠﻲ ﺍﻟﺘﺎﻟﻲ ﺷﻨﻮﻭﻭ
.. ﺍﺭﺟﻌﻲ ﻧﺎﻣﻲ ﺍﺣﺴﻦ ﻻﺗﻤﺴﻠﺘﻴﻦ ﻛﺎﻓﻲ ﺍﻟﻴﺴﻤﻌﺞ ﻳﮕﻮﻝ ﺫﻧﻲ ﻣﻨﻄﻴﻬﻦ ﻣﺠﺎﻝ ﺍﻧﻪ ﻟﻮ ﺭﺍﻛﺾ ﻭﺭﺍﻫﻦ ﻳﻤﺘﻪ ﺗﻌﻘﻠﻴﻦ ﺍﻧﺘﻲ ﺍﺭﻳﺪ ﺍﻓﻬﻢ
.. ﻫﺴﻪ ﻋﺮﻓﺖ ﺗﺘﺤﺠﺞ ﺑﻬﺎﻟﺴﻮﺍﻟﻒ ﺍﺭﺗﺎﺣﻲ ﻭﻣﺎﺍﺭﻳﺪ ﺷﻲ ﻣﻨﺞ ﻭﺗﺴﻮﻱ ﺭﻭﺣﻚ ﺗﺴﺎﻋﺪﻧﻲ ﺗﻐﻄﻲ ﻉ ﺳﻮﺍﻟﻔﻚ ﻫﺎﻱ ﻭﺗﺮﻳﺪ ﺍﻇﻞ ﻋﻤﻴﻪ ﻭﺛﻮﻟﻪ ﻭﺩﻭﻡ ﻧﺎﻳﻤﻪ ﻭﺍﻧﺖ ﺑﻜﻴﻔﻚ ﻻﺣﺴﻴﺐ ﻭﻻﺭﻗﻴﺐ
.. ﺍﻱ ﺍﺧﺎﻑ ﻣﻦ ﺣﺴﺎﺑﺞ ﺍﻧﻪ ﻭﺍﺭﻳﺪ ﺍﻟﻬﻴﺞ ﻋﻨﻲ
ﺗﻈﻠﻴﻦ ﺛﻮﻟﻪ ﻣﻮ ﺑﻴﺪﺝ
ﻫﺴﻪ ﺧﻮﻓﻲ ﻋﻠﻴﺞ ﻭﻣﺪﺍﺭﺍﺗﺞ ﻃﻠﻌﺖ ﻣﻮ ﺯﻳﻨﻪ ﻣﻮ ﺧﺎﻳﻒ ﻋﻠﻴﺞ ﻻ ﺍﺧﺎﻑ ﻣﻨﺞ ﻭﺍﺭﻳﺪ ﺍﺷﻐﻠﺞ
ﻭﻟﺞ ﺍﻧﻪ ﻟﻮ ﻃﺎﻳﺢ ﺣﻈﻲ ﻫﻴﺞ ﻭﺣﮓ ﻫﻮ ﻋﻠﻲ ﺗﻠﻜﻴﻨﻲ ﻳﻤﺞ ﺍﺧﺎﺑﺮ ﻭﻣﺎﻳﻬﻤﻨﻲ ﻷﻥ ﺍﻟﻤﺎﻧﻌﻨﻲ ﻣﻮ ﺧﻮﻑ ﺑﻨﺖ ﺍﻟﻨﺎﺱ ﻛﺘﻠﺞ ﻃﺒﻌﻲ ﻣﻮ ﻫﺬﺍ ﻣﺎﺍﺣﺐ ﻫﺎﻱ ﺍﻟﺴﻮﺍﻟﻒ ﻭﺍﻧﺘﻲ ﺍﺣﺒﺞ ﻭﻣﺎﺍﻓﻀﻞ ﻋﻠﻴﺞ ﻭﺣﺪﻩ ﻇﻠﻲ ﺑﻬﺎﻱ ﺳﻮﻳﺪﺗﺞ ﻭﻻﺗﻌﻘﻠﻴﻦ ﺍﺑﺪ ﺍﻧﺘﻲ ﺍﺗﻌﺒﻴﻦ ﺍﻧﻪ ﻛﻠﺸﻲ ﻣﺎﻋﻠﻴﻪ
.. ﻣﺎﻫﺮ ﻭﺍﻟﻠﻪ ﻣﺎﺍﻇﻞ ﺍﻟﻚ ﻫﺎﻟﻤﺮﻩ ﺍﺫﺍ ﻣﺎﺷﻮﻓﺘﻨﻲ ﺍﻟﻤﺤﺎﺩﺛﻪ ﺍﻟﺼﺒﺢ ﺍﺧﻪ ﺍﺭﻭﺡ ﺍﻷﻫﻠﻲ
.. ﺍﻟﺼﺒﺢ ﺍﻭﺩﻳﺞ ﻫﻢ ﺍﺻﻼ ﺭﺍﻳﺪﻳﻨﺞ ﺗﺨﻄﺒﻮﻥ ﺍﻟﻮﺳﺎﻡ ﺍﻛﻴﺪ ﺧﺎﺑﺮﻭﺝ ﻭﺑﻠﻐﻮﺝ
ﺧﻠﺼﻲ ﺍﻟﺨﻄﻮﺑﻪ ﻭﺗﺨﺎﺑﺮﻳﻨﻲ ﺍﺟﻴﺞ ﻭﺻﻴﺮﻱ ﻋﺎﻗﻠﻪ ﻣﺜﻞ ﻣﺎﺍﻋﻮﻑ ﻫﺎﻱ ﺍﻟﺴﻮﻳﺪﻩ ﻣﺎﺗﻠﻮﮔﻠﺞ ﻧﺎﻣﻲ ﻫﺴﻪ ﻭﺍﺭﺗﺎﺣﻲ ﻣﻮ ﺯﻳﻦ ﻋﻠﻴﺞ ﺍﻟﻘﻬﺮ ﻳﺎﺭﻳﺖ ﻟﻮ ﻳﺴﻮﻯ
ﻋﺎﻓﻨﻲ ﻭﻟﻒ ﺭﺍﺳﻪ ﻭﻧﺎﻡ
ﺍﺷﺘﻌﻠﺖ ﺑﻨﺎﺭ ﻟﻠﺼﺒﺢ ﻣﺎﻧﻤﺖ ﻭﺍﻧﻪ ﺍﺗﺤﻠﻒ ﺍﻻ ﺍﺣﺮﻣﻚ ﻣﻦ ﻭﻟﺪﻙ ﻭﻣﺎﺍﺧﻠﻴﻚ ﺗﻠﻤﺢ ﻃﻮﻟﻲ ﺑﻌﺪ
ﺳﻬﻠﻪ ﻣﺎﻫﺮ
ﮔﻌﺪ ﺛﺎﻧﻲ ﻳﻮﻡ ﺍﺧﺬ ﻣﻼﺑﺴﻪ ﻭﺭﺍﺡ ﻳﺴﺒﺢ ﻋﺒﺎﻟﻚ ﻭﻻ ﻋﺒﺎﻟﻚ ﺻﺎﻳﺮ ﺷﻲ ﻟﻮ ﻣﺘﺤﺎﺟﻴﻦ ﺑﺎﻟﻠﻴﻞ ﺑﺮﻭﺩﻩ ﺯﺍﺩ ﻧﺎﺭﻱ ﻭﺩﻣﺮ ﺍﻋﺼﺎﺑﻲ
ﻣﻦ ﻃﻠﻊ ﮔﺎﻝ ﻳﻠﻠﻪ ﺍﺳﺘﻌﺠﻠﻮﻭ ﺍﺧﺬﻛﻢ ﺑﻄﺮﻳﻘﻲ ﻋﻨﺪﻱ ﺷﻐﻞ ﻳﺄﺧﺮﻧﻲ ﻋﻠﻴﻜﻢ ﺍﺫﺍ ﻇﻠﻴﺘﻮﻭ ﻫﺴﻪ ﻭﻣﺎﺭﺣﺘﻮ ﻭﺍﻧﻪ ﻭﻋﺪﺕ ﻭﺳﺎﻡ ﺍﻧﺘﻢ ﻣﻦ ﺍﻟﺼﺒﺢ ﻋﺪﻫﻢ
ﻣﺎﺟﺎﻭﺑﺘﻪ ﻭﺍﻟﺘﻬﻴﺖ ﺍﺣﻀﺮ ﻣﻼﺑﺴﻲ ﻭﻣﻼﺑﺲ ﺍﻟﻮﻟﺪ
ﻛﻌﺪﻫﻢ ﺍﺑﻮﻫﻢ ﻳﺒﻮﺱ ﺑﻴﻬﻢ ﻭﻳﻼﻋﺒﻬﻢ ﻳﺰﻋﺠﻬﻢ ﺣﺘﻰ ﻳﻜﻌﺪﻫﻢ ﻣﻦ ﻧﻮﻣﻬﻢ ﻛﻌﺪﻭﻭ ﻳﻀﺤﻜﻮﻥ ﻭﻳﺎﻩ ﺍﺗﻌﺎﻟﺖ ﺍﺻﻮﺍﺕ ﺿﺤﻜﺎﺗﻬﻢ ﻭﻟﻌﺒﻬﻢ
ﻭﺍﻧﻪ ﺍﺣﺲ ﻧﺎﺭ ﺑﺪﺍﺧﻠﻲ ﻟﻴﺶ ﻣﺒﺘﺴﻢ ﻭﻳﺮﺍﺳﻞ ﻭﻫﺎﻱ ﺍﺑﺘﺴﺎﻣﺘﻪ ﺍﻋﺮﻓﻬﺎ ﻳﺒﺘﺴﻤﻬﺎ ﺑﻮﻛﺖ ﻣﺎﻳﻜﻮﻥ ﻣﺮﺗﺎﺡ
ﻟﻴﺶ ﻣﻦ ﺍﻧﺘﺒﻬﺖ ﻣﺎﻛﻤﻞ ﻣﺮﺍﺳﻠﻪ ﻟﻴﺶ ﺳﺪ ﺗﻠﻴﻔﻮﻧﻪ ﻭﻧﺎﻡ ﺍﻛﻮ ﺷﻲ ﻣﺘﺄﻛﺪﻩ
ﻛﻤﻠﻨﻪ ﻛﻠﺸﻲ ﻭﻃﻠﻌﻨﻪ ﻭﻫﺎﻟﻤﺮﻩ ﻣﺎﻟﻲ ﻣﺰﺍﺝ ﺍﺳﻠﻢ ﺣﺘﻰ ﻉ ﻋﻤﺘﻲ ﻭﺳﺮﻭﺭ
ﺻﻌﺪ ﻫﻮ ﻭﺟﻬﺎﻟﻪ ﻣﺎﺭﺣﺖ ﻳﻤﻪ ﮔﻌﺪﺕ ﻭﺭﺍﻩ ﻭﻃﺒﮕﺖ ﺍﻟﺒﺎﺏ ﺣﻴﻞ ﺑﻜﻞ ﻗﻮﺗﻲ ﺟﻬﺎﻟﻲ ﻓﺰﻭﻭ ﻭﻫﻮ ﻫﺰ ﺍﻳﺪﻩ ﻣﺎﻋﺎﺟﺒﻪ
ﻳﺤﭽﻲ ﻭﻱ ﻣﺤﻤﺪ ﻭﻛﻼﻣﻪ ﻳﻘﺼﺪﻧﻲ
.. ﺣﻤﻮﺩﻱ ﺑﻮﻳﻪ ﻳﻜﻮﻟﻮﻥ ﺍﻟﻌﻘﻞ ﺯﻳﻨﻪ ﺑﺲ ﻛﻮﻥ ﻋﻘﻠﻚ ﻛﺎﻣﻞ ﺍﻧﺖ ﻭﺳﺎﻋﺎﺗﻚ ﺳﻮﻩ ﻣﻮ ﻣﺜﻞ ﺫﻭﻻﻙ ﺍﻟﻨﺎﺱ
ﺩﺭﺕ ﻭﺟﻬﻲ ﻣﻘﻬﻮﺭﻩ ﻣﻨﻪ
ﻭﺻﻠﺖ ﻟﻠﺒﻴﺖ ﺍﺭﻳﺪ ﺍﻧﺰﻝ ﺻﺎﺣﻨﻲ
.. ﻫﺎﺝ ﺍﺧﺬﻱ ﻣﺼﺮﻑ ﺍﻟﺞ . ﻭﻟﻠﺠﻬﺎﻝ ﺧﺎﻑ ﺗﺤﺘﺎﺟﻮﻥ ﺷﻲ ﺗﺮﻯ ﺍﻟﻌﺼﺮ ﺍﺟﻴﺞ ﻟﻮ ﺑﺎﻟﻠﻴﻞ ﺍﺧﺎﺑﺮﺝ ﺍﻃﻠﻌﻴﻠﻲ
ﻣﺎﺟﺎﻭﺑﺘﻪ ﻭﻻ ﺍﺧﺪﺕ ﻣﻨﻪ ﻓﻠﻮﺱ ﻧﺰﻟﺖ ﻭﺳﺪﻳﺖ ﺍﻟﺒﺎﺏ
ﻫﻮ ﺳﻠﻢ ﻉ ﺍﻟﻮﻟﺪ ﻭﻣﻨﻄﻲ ﺍﻟﻤﺼﺮﻑ ﺍﻟﺒﺴﺎﻡ ﻛﺎﻳﻠﻪ ﻣﻦ ﻫﻮﺳﺔ ﺍﻟﺠﻬﺎﻝ ﻧﺴﻴﺖ ﺍﻧﻄﻴﻬﺎ ﺍﻟﻬﺎ
ﺍﺧﺬﺗﻪ ﻣﻦ ﺑﺴﺎﻡ ﻭﺑﮕﻠﺒﻲ ﺍﻛﻮﻝ ﺍﻟﻜﻠﺸﻲ ﻋﻨﺪﻩ ﺍﻟﻒ ﻋﺬﺭ ﻭﻣﺨﺮﺝ
ﺍﻫﻠﻲ ﻓﺮﺣﺎﻧﻴﻦ ﺑﺨﻄﻮﺑﺔ ﻭﺳﺎﻡ ﻭﺧﺎﺹ ﺍﻣﻲ ﺧﻄﺐ ﺑﻨﺖ ﺧﺎﻟﺘﻲ ﺍﻟﺰﻏﻴﺮﻩ ﻛﻠﺶ ﺣﻠﻮﻩ ﻫﻲ ﻭﺗﻮﻫﺎ ﺷﺎﺑﻪ ﻭﺧﺎﻟﺘﻲ ﻫﺬﻱ ﺻﺪﻳﻘﻪ ﻟﻠﻮﻟﺪ ﻣﻮ ﺧﺎﻟﻪ ﺍﻛﺒﺮ ﻣﻦ ﺣﺴﺎﻡ ﺑﺘﻠﺚ ﺍﺳﻨﻴﻦ ﻭﻋﺒﺎﻟﻚ ﺍﺧﻮﻩ ﺑﺤﻴﺚ ﻣﺎﻣﺨﻠﻴﻪ ﺣﻮﺍﺟﺰ ﺑﻴﻨﻬﺎ ﻭﺑﻴﻦ ﺍﻟﻮﻟﺪ ﻭﺗﺠﻴﻨﻪ ﺍﻛﺜﺮ ﻣﻦ ﺍﻫﻠﻬﺎ ﻣﺎﺗﺮﻭﺡ ﺍﻟﺨﻮﺍﻟﻲ ﺍﺟﺎﺯﺗﻬﺎ ﺗﻜﻀﻴﻬﺎ ﻳﻤﻨﻪ ﻭﺗﺮﻭﺣﻠﻬﻢ ﺳﺎﻋﺎﺕ
ﺟﺎﻧﺖ ﻓﺮﺣﺘﻨﻪ ﻏﻴﺮ ﻫﺎﻟﻤﺮﻩ ﺑﺨﻄﻮﺑﺘﻪ ﻷﻥ ﻣﺎﺧﺬ ﺑﺘﻬﺎ
ﺑﺎﻟﺬﺍﺕ
ﺍﻧﻲ ﺧﻠﻜﻲ ﻗﻠﻴﻞ ﻭﺍﺑﺪ ﻣﺎﻟﻲ ﻧﻔﺲ ﺑﻜﻠﺸﻲ ﻭﺍﻟﻜﻞ ﻋﺒﺎﻟﻬﻢ ﺍﻟﺤﻤﻞ ﻣﺘﻌﺒﻨﻲ ﻭﺍﻟﺒﻴﻪ ﺳﺒﺒﻪ ﺍﻟﺤﻤﻞ ﻭﺑﺲ ﺧﺎﺹ ﻷﻥ ﺗﻮﻡ
ﻭﻣﺮﻳﻢ ﻫﻢ ﺣﺎﻣﻞ ﺑﺘﻮﻡ ﺳﺒﺤﺎﻥ ﺍﻟﻠﻪ ﺑﺲ ﻫﺎﻟﻤﺮﻩ ﺣﻴﻞ ﺟﺎﻧﺖ ﻣﺘﻐﻴﺮﻩ ﻭﺍﻱ ﺍﻛﻠﻪ ﺗﺎﻛﻠﻬﺎ ﺗﺬﺑﻬﺎ
ﺍﺛﻨﻴﻨﻪ ﺟﻨﻪ ﻧﻄﻴﺤﻪ ﻭﻣﺘﺮﺩﻳﻪ ﻻﻓﺪﻧﻪ ﺍﻣﻲ ﺑﺸﻲ ﻭﻻ ﺳﺎﻋﺪﻧﺎﻫﺎ ﺑﺎﻟﻌﻜﺲ ﺍﻟﺘﻬﺖ ﺗﺮﻛﺾ ﻭﺭﻩ ﺟﻬﺎﻟﻨﻪ ﻫﻲ ﻭﺍﺧﻮﺍﻧﻲ
ﺑﺲ ﺧﺎﻻﺗﻲ ﻣﺎﻗﺼﺮﻥ ﺍﺟﻦ ﺳﺎﻋﺪﻥ ﺍﻣﻲ
ﻭﻫﻲ ﻣﻮ ﻓﺪ ﺷﻲ ﺭﺳﻤﻲ ﺑﺲ ﺟﺎﻧﺖ ﻟﻤﺔ ﺍﺣﺒﺎﺏ ﺍﺣﻨﻪ ﻭﺧﺎﻻﺗﻨﻪ ﻭﻋﻤﺎﺗﻲ ﻭﻧﺴﻮﺍﻥ ﻋﻤﻲ ﻏﺪﻩ ﻭﺧﻄﻮﺑﻪ ﻧﺮﻭﺡ ﺍﻣﻲ ﻛﺎﻟﺖ ﺍﺷﻴﻴﻢ ﺍﺧﺘﻲ ﻳﻢ ﻋﻴﺎﻟﻬﺎ ﻭﻧﺎﺧﺬﻟﻬﺎ ﻧﺴﻮﺍﻥ ﺣﺘﻰ ﻣﺎﺗﻜﻮﻝ ﺍﺟﻦ ﺑﺲ ﻫﻨﻪ ﻉ ﺍﺑﻮ ﺍﺧﺘﻬﺎ
ﺣﺴﺎﻡ ﻣﺎﻣﻘﺼﺮ ﺑﺎﻟﻤﺴﻮﺍﻙ ﻭﺭﺍﻳﺪ ﻭﺳﺎﻡ ﻳﺪﻓﻊ ﻭﺣﺴﺎﻡ ﻣﺤﺎﺟﻲ ﻣﺎﺭﺍﺿﻲ ﻭﻛﺎﻳﻠﻪ ﻛﺎﻓﻲ ﻛﻠﺒﻚ ﺍﺳﻮﺩ ﺍﻧﺴﻰ ﺫﺍﻙ ﺍﻟﻴﻮﻡ ﺷﺼﺎﺭ ﻏﻴﺮ ﻣﻦ ﺧﻮﻓﻨﻪ ﻋﻠﻴﻚ ﻭﺭﺍﺟﻊ ﺑﺎﻳﺴﻪ ﻭﻣﺘﺤﺎﺿﻨﻴﻦ ﻫﺎﻱ ﺍﻟﺴﺎﻟﻔﻪ ﺍﻧﻲ ﻣﺎﻟﺤﻜﺖ ﻋﻠﻴﻬﺎ ﺟﻨﺖ ﺑﻐﻮﻓﺘﻨﻪ ﺍﻓﻜﺮ ﺑﺎﻟﺒﻠﻮﻩ ﺍﻟﻌﻨﺪﻱ ﺑﺲ ﺷﻔﺖ ﺩﻣﻮﻉ ﺧﺎﻻﺗﻲ ﻭﺍﻣﻲ ﻭﻋﺮﻓﺖ ﺍﻟﺴﺎﻟﻔﻪ
ﺻﺎﺭﺕ ﺍﻟﺨﻄﻮﺑﻪ ﻭﺭﺣﻨﻪ ﻭﺍﻧﻲ ﺍﺑﺪ ﻣﺎﻟﻲ ﺧﻠﻚ ﺍﺗﻤﻨﻴﺖ ﺍﺗﻌﺬﺭ ﺑﺲ ﻭﺳﺎﻡ ﻣﻮ ﻣﺎﻝ ﺍﺗﻌﺬﺭﻩ ﺍﺑﺪ ﻳﻔﺮﺡ ﺑﻔﺮﺣﺘﻨﻪ
ﻣﺎﺍﻧﺘﺒﻬﺖ ﺍﻟﻜﻠﺸﻲ
ﺭﺟﻌﻨﻪ ﻭﺟﺎﻧﺖ ﻣﻮﺍﻓﻘﻪ ﻣﺒﺪﺃﻳﻪ ﻫﻮ ﺍﺻﻼ ﺷﻲ ﺭﻭﺗﻴﻨﻲ ﺷﻜﻢ ﻳﻮﻡ ﻭﻧﻮﺩﻱ ﻣﺸﻴﻪ ﻫﺬﺍ ﺍﻟﻌﺮﻓﺘﻪ
ﺻﺎﺭ ﺍﻟﻌﺼﺮ ﻛﻠﺶ ﺍﺟﺘﻨﻲ ﺭﺳﺎﻟﻪ
.. ﺣﺒﻴﺒﺘﻲ ﺣﻀﺮﻱ ﺭﻭﺣﺞ ﺟﺎﻳﺞ ﺍﻧﻪ ﺍﺑﺎﺭﻙ ﺍﻟﻮﺳﺎﻡ ﺑﺲ ﻭﺍﻃﻠﻊ ﻣﻮ ﺗﺘﺄﺧﺮﻳﻦ
ﻣﻘﻬﻮﺭﻩ ﺣﻴﻞ ﻣﻨﻪ ﻭﻳﺪﺭﻱ ﻣﻦ ﻳﺘﺼﺮﻑ ﻫﻴﺞ ﺍﺑﺮﻭﺩ ﻳﺰﻳﺪ ﻧﺎﺭﻱ
ﺭﺩﻳﺘﻠﻪ
.. ﻻﺗﺠﻲ ﻭﻻ ﺗﻮﺻﻞ ﺍﺑﺪ ﺍﺫﺍ ﺭﺍﻳﺪ ﺗﻔﻀﺢ ﺭﻭﺣﻚ ﻭﺍﻓﻀﺤﻚ ﺗﻌﺎﻝ ﺍﺣﺠﻲ ﻛﻠﺸﻲ ﻭﺍﻟﻠﻪ ﻣﻮ ﻏﺒﻴﻪ ﺍﻧﻪ ﻭﺍﺭﺿﺎ ﺑﺤﺠﺎﻳﺘﻴﻦ ﻛﺘﻠﻚ ﺍﺫﺍ ﻣﺎﺷﻮﻓﺘﻨﻲ ﺍﻟﻤﺤﺎﺩﺛﻪ ﻣﺎﺍﺭﺟﻊ
ﻓﺎﺟﺄﻧﻲ ﺭﺩﻩ ﻛﺎﺗﺐ
.. ﻋﻠﻴﻤﻦ ﻫﺎﻟﻔﻀﺎﻳﺢ ﻣﺎﺗﺴﻮﻩ ﻇﻠﻲ ﻳﻤﻬﻢ ﻻﺗﺠﻴﻦ
ﻭﺑﻌﺪ ﻻﺍﺗﻬﺪﺩﻳﻦ ﻣﺎﻓﺎﺭﻏﻠﺞ ﺍﻧﻪ ﻫﺴﻪ ﺍﻧﻮﺏ ﻳﺼﻴﺮ ﺧﻴﺮ
ﻇﻠﻴﺖ ﺍﻫﺰ ﺭﺟﻠﻲ ﻣﺘﻮﺗﺮﻩ ﻗﺮﻳﺖ ﺭﺳﺎﻟﺘﻪ ﻳﻤﻜﻦ ﻋﺸﺮﻳﻦ ﻣﺮﻩ
ﺻﺎﺣﻮﻧﻲ ﺍﺧﻮﺍﻧﻲ ﻋﻠﻲ ﻃﺎﻳﺢ ﺭﺣﺖ ﺍﺑﺪﻟﻪ ﻭﺍﻏﺴﻞ ﺍﻟﻪ
ﻛﻌﺪﺕ ﻳﻤﻬﻢ ﻣﻦ ﺷﻔﺘﻬﻢ ﻣﺠﺘﻤﻌﻴﻦ ﺻﺎﺭ ﻫﻮﺍﻱ ﻫﺎﻟﺠﻤﻌﻪ ﻓﺎﻳﺘﺘﻨﻲ ﻭﺍﻟﻈﺎﻫﺮ ﺍﻟﻴﻮﻡ ﻳﻮﻡ ﺍﻻﺧﺒﺎﺭ ﺍﻟﺤﻠﻮﻩ
ﻣﺮﺕ ﺣﺴﺎﻡ ﺟﺎﻧﺖ ﺣﺎﻣﻞ ﻭﺳﻮﺩﻩ ﻋﻠﻴﻪ ﭼﺎﻥ ﺣﻴﻞ ﻓﺮﺣﺎﻥ ﻓﺮﺣﺘﻲ ﺍﻟﻪ ﺍﻛﺜﺮ ﻣﻦ . ﻓﺮﺣﺘﻲ ﺑﺤﻤﻠﻲ ﻭﺍﻟﻠﻪ
ﺑﻠﻜﻲ ﺗﺴﺘﻘﺮ ﺣﻴﺎﺗﻬﻢ ﻣﻦ . ﺗﺸﻮﻑ ﺟﺎﻳﻬﻪ ﻃﻔﻞ
ﻭﺳﺎﻡ ﺣﺎﺟﻪ ﺍﺑﻮﻱ ﻭﺍﺧﻮﺍﻧﻲ
ﻋﻴﻨﻪ ﻋﻠﻴﻪ ﻭﻛﺎﻝ
.. ﺭﺍﺡ ﺍﻛﻠﻜﻢ ﺷﻲ ﻣﺎﺗﻌﺮﻓﻮﻧﻪ
ﺍﻟﻜﻞ ﺍﻧﺘﺒﻬﻮﻟﻪ ﻭﻣﻨﺘﻈﺮﻳﻦ ﻳﻜﻤﻞ
.. ﻓﻠﻮﺱ ﺍﻟﻐﺮﻓﻪ ﻭﺍﻟﻌﺮﺱ ﻫﺪﻳﻪ ﻣﻦ ﻣﺎﻫﺮ ﺍﺻﺮ ﻳﻨﻄﻴﻬﻦ ﺍﻟﻲ ﻫﺪﻳﻪ ﻳﻮﻓﻲ ﻭﻋﺪﻩ ﺍﻟﻲ ﺍﺑﺎﻳﺎﻡ ﺍﻻﻋﺪﺍﺩﻳﻪ ﺍﻳﺘﻢ ﻣﺎﻭﻛﻔﺖ ﻭﻳﺎﻩ ﻭﺍﻧﺘﻮ ﺷﻐﻠﺘﻮﻩ ﻭﻫﻮ ﻛﺎﻟﻲ ﺍﺫﺍ ﺗﺮﻳﺪ ﻻﺗﺤﺠﻲ ﺑﻴﻨﺎﺗﻨﻪ ﺑﺲ ﺍﻟﻤﻌﺮﻭﻑ ﻻﺯﻡ ﻳﻨﺬﻛﺮ
ﺍﺑﻮﻱ ﻭﺍﺧﻮﺍﻧﻲ ﻛﺎﻟﻮ ﺣﻠﻮﻩ ﻭﻛﻔﺘﻪ ﺑﺲ ﺍﺣﻨﻪ ﺷﻨﻨﻄﻲ ﺍﺫﺍ ﻫﻮ ﺷﺎﻳﻞ ﻛﻞ ﺫﻧﻲ ﻋﺎﺩ ﻣﺮﻳﻢ ﻛﺎﻟﺘﻠﻬﻢ ﻫﺪﺍﻳﺎ ﺍﻟﺒﻴﺖ ﺧﻠﻮﻫﻦ ﺑﻴﻨﻜﻢ ﻭﺍﻧﻲ ﻫﻢ ﻫﺪﻳﺘﻲ ﻭﻳﺎﻛﻢ
ﻭﺳﺎﻡ ﺍﺗﺸﻜﺮﻫﻢ ﻭﻛﻠﻬﻢ ﻣﺎﻣﺤﺘﺎﺝ ﻭﺍﻟﻠﻪ ﻣﺎﻫﺮ ﺍﻧﺠﺒﺮﺕ ﻣﺎﺍﺭﺩﻩ ﺑﺲ ﺍﻧﺘﻢ ﻭﻛﻔﺘﻜﻢ ﻛﺎﻓﻴﻪ ﺍﺧﻮﺍﻧﻲ ﻣﺎﺭﺿﻮ ﻭﻇﻠﻮ ﻳﺤﺠﻮﻥ ﺑﻮﻛﻔﺔ ﻣﺎﻫﺮ ﻭﺍﻟﻜﻞ ﺻﺎﺭ ﻳﺬﻛﺮ ﺯﻳﻨﺎﺗﻪ
ﻭﺍﺑﻮﻱ ﻳﮕﻠﻬﻢ ﻫﺎﻟﻮﻟﺪ ﺍﺗﺸﻴﻴﻢ ﺑﻲ ﻭﺍﻟﻠﻪ ﺣﺘﻰ ﺍﺑﻴﻦ ﺍﺧﻮﺍﺗﻲ ﺣﺘﻰ ﻋﻤﺎﻣﻜﻢ ﻳﻜﻮﻟﻮﻥ ﻟﻮ ﻫﻴﺞ ﺍﻟﻨﺴﻴﺐ ﻟﻮ ﻻ ﻉ ﺷﺨﺼﻴﺘﻪ ﻭﺣﻈﻮﺭﻩ ﻣﻮ ﺍﻧﻮﺏ ﻫﻴﺞ ﻃﻠﻌﻪ ﻣﻨﻪ ﺍﻻﺧﻮﻩ ﻣﺎﻳﺴﻮﻳﻬﺎ ﺍﻻﺧﻮﻩ
ﺍﻟﻜﻞ ﻳﺤﺠﻲ ﻭﺍﻧﻪ ﻓﺼﻠﺖ ﻭﻻ ﻣﺮﻩ ﺫﻛﺮﻟﻲ ﻫﻴﺞ ﻣﺴﻮﻱ ﺍﻟﻮﺳﺎﻡ ﻭﻻ ﻛﺎﻝ ﺍﻧﻪ ﺍﻧﻄﻴﺖ...قصص عراقيه حقيقيه من واقعنا.روعه الطائي
ﻭﺍﻧﻮﺏ ﺍﻧﻪ ﺷﺴﻮﻳﺘﻠﻲ ﻣﻦ ﺳﺎﻟﻔﻪ ﺍﺭﻳﺪ ﺍﻓﻀﺤﻪ ﻳﻢ ﺍﻫﻠﻲ ﺍﻫﺪﺩ
ﺍﻧﺘﺒﻬﻠﻲ ﻭﺳﺎﻡ ﺍﺷﻮﻟﻲ ﺍﺻﻌﺪ ﻭﺭﺍﻩ ﺍﻟﻐﺮﻓﺘﻪ
ﺻﻌﺪﺕ ﻉ ﻛﻴﻒ ﻭﺻﻠﺖ ﻓﺤﻄﺎﻧﻪ
ﺣﺎﺟﺎﻧﻲ ﺷﺒﻴﺞ ﺍﻟﻴﻮﻡ ﺷﻌﺠﺐ ﻣﺎﻫﺮ ﻣﺨﻠﻴﺞ ﺑﻴﺎﺗﻪ ﺟﺎ ﺑﺎﻟﻌﺮﺱ ﻳﻤﻜﻦ ﻳﻮﺩﻳﻜﻢ ﮔﺒﻞ ﺍﺳﺒﻮﻉ ﻳﺮﻳﺪ ﻳﺨﻠﺺ ﻣﻦ ﻫﻮﺳﺘﻜﻢ ﻣﺎﻣﺴﻮﻳﻬﺎ ﮔﺒﻞ
ﺣﺠﺎﻫﻦ ﻳﻀﺤﻚ ﻭﺍﻧﻪ ﻣﻨﺎ ﻣﻜﺒﻮﺗﻪ ﻭﻣﻨﺎ ﺗﺎﺛﻴﺮ ﺍﻟﺤﻤﻞ ﻋﻠﻴﻪ
ﻧﺰﻟﺖ ﺩﻣﻮﻋﻲ ﻭﻛﺘﻠﻪ ﻣﺘﻌﺎﺭﻛﻴﻦ ﻭﺣﺠﻴﺘﻠﻪ ﻛﻠﺸﻲ
ﺑﺲ ﻣﺎﻛﺘﻠﻪ ﺭﺍﺳﻠﻨﻲ ﺭﺍﺩﻧﻲ ﺍﺟﻲ ﻭﺍﻧﻪ ﻫﺪﺩﺗﻪ ﺧﻔﺖ ﻳﻌﺼﺐ ﻋﻠﻴﻪ
ﺣﺎﻭﻝ ﻳﻬﺪﻳﻨﻲ ﻭﻛﺎﻝ ﺍﻧﺘﻲ ﻫﻢ ﻉ ﻛﻴﻔﺞ ﻻ ﻛﻠﺸﻲ ﻭﺧﻠﻴﺘﻲ ﺣﺎﺟﺰ ﺑﻴﻨﻜﻢ
ﻇﻠﻴﻨﻪ ﻧﺴﻮﻟﻒ ﺷﻮﻳﻪ ﻭﻧﺰﻟﺖ ﻣﺎﺣﺠﻴﺖ ﺍﻟﻤﺮﻳﻢ ﺧﻔﺖ ﺗﺰﻳﺪ ﻋﻠﻴﻪ ﺍﻛﺜﺮ ﻭﺗﺨﻠﻴﻨﻲ ﺍﺧﺮﺑﻂ ﺍﺯﻳﺪ
ﺑﺲ ﺍﻟﻨﺺ ﺍﻟﻠﻴﻞ ﻭﺍﻧﻪ ﺿﺠﺖ ﻣﻦ ﺭﻭﺣﻲ ﺷﻠﻮﻥ ﺟﺬﺑﺖ ﻉ ﻭﺳﺎﻡ ﺍﻧﻮﺏ ﻻﺗﺨﺮﺏ ﻋﻼﻗﺘﻬﻢ ﻣﻦ ﻭﺭﺍﻱ ﻟﻮ ﻳﺘﻌﺎﺗﺐ ﻭﻳﺎﻩ ﻻﻥ ﺷﻔﺖ ﻭﺳﺎﻡ ﺿﺎﺝ ﻣﻦ ﺳﺎﻟﻨﻲ ﻣﺎﻛﺎﻟﺞ ﺗﻌﺎﻱ ﻛﺘﻠﻪ ﻻ ﺣﺲ ﻫﻮ ﻣﺎﻣﻬﺘﻢ ﺑﻴﻪ
ﻣﺎﻛﺘﻠﻪ ﺍﻧﻪ ﺣﺎﺟﻴﺘﻪ ﺑﻮﻛﺖ ﻣﺎﺟﻨﺖ ﻣﻌﺼﺒﻪ
ﻣﺎﮔﺪﺭﺕ ﺍﻧﺎﻡ ﻭﺍﺣﺲ ﺭﻭﺣﻲ ﻣﻮ ﻣﺮﺗﺎﺣﻪ
ﮔﻌﺪﺕ ﺍﻟﺼﺒﺢ ﺑﻴﻦ ﺍﻟﺮﻳﻮﻙ ﻭﺗﺤﻀﻴﺮﺍﺗﻪ ﺍﺧﻮﺍﻧﻲ ﻭﺍﻣﻲ ﻛﺎﻋﺪﻳﻦ ﻭﺍﻟﺠﻬﺎﻝ ﺍﺟﻮﺍﺀ ﺍﻟﻔﺮﺡ ﺑﻌﺪﻫﻲ
ﺩﮒ ﺗﻠﻴﻔﻮﻥ ﻭﺳﺎﻡ ﻣﻦ ﺟﻮﺍﺑﻪ ﻋﺮﻓﺘﻪ ﺣﺴﻴﻦ
ﺑﺲ ﻣﻦ ﺫﺏ ﺍﻟﺨﺒﺰﻩ ﻣﻦ ﺍﻳﺪﻩ ﻭﻃﻔﺮ ﻭﺻﺎﺡ ﺍﺧﻮﺍﻧﻲ ﻭﺭﺍﻩ ﺍﺣﺲ ﻣﻠﺒﻲ ﺍﻧﺨﻤﺶ ﻇﻠﻴﺖ ﺍﺑﺎﻭﻉ ﺑﺎﻟﻮﺟﻮﻩ ﺍﺭﻳﺪ ﺍﻓﻬﻢ ﺷﺼﺎﻳﺮ ﺍﺑﻮﻱ ﻳﺼﻴﺢ ﻭﺭﺍﻫﻢ ﻣﺤﺪ ﺟﺎﻭﺑﻪ
ﺑﺲ ﺍﻟﺘﻠﻴﻔﻮﻧﺎﺕ ﺍﺑﻴﻨﻬﻢ ﻛﺜﺮﺕ ﻭﻣﺤﺪ ﻳﺤﺠﻲ ﺷﺼﺎﻳﺮ
….
ﻣﺎﻫﺮ …
ﻣﻦ ﺭﺟﻌﺖ ﻣﻦ ﺍﻟﻌﻤﺮﻩ ﺭﺟﻌﺖ ﻋﻠﻴﻪ ﺍﻻﺗﺼﺎﻻﺕ ﻣﻦ ﺣﻮﺭﺍﺀ ﻭﻳﻮﻣﻴﻪ ﺭﻗﻢ ﻭﻧﻔﺲ ﺍﻟﺤﺠﻲ
ﺩﺧﻞ ﺍﻟﺸﻚ ﺑﺮﻭﺣﻲ ﺍﺑﻨﻴﻪ ﺑﺪﺍﺧﻞ ﺑﻴﺘﻬﺎ ﻣﺜﻞ ﻣﺎﺗﻜﻮﻝ ﺷﺎﺑﻌﻪ ﺫﻝ ﺍﻻﺭﻗﺎﻡ ﻣﻨﻴﻦ ﺗﺠﻴﻬﺎ ﺻﺮﺕ ﺍﺭﺍﻗﺐ ﺑﻴﺘﻬﻢ ﻭﺑﺎﻟﻲ ﻳﻮﺩﻱ ﻭﻳﺠﻴﺐ
ﻭﻛﻠﻔﺖ ﻭﺍﺣﺪ ﻣﻦ ﺍﺧﻮﺍﻥ ﺣﺴﻴﻦ ﺑﺎﻟﻤﻬﻤﻪ ﻭﻳﺎﻱ ﺣﺘﻰ ﺣﺴﻴﻦ ﻣﺎﻳﺪﺭﻱ ﺑﻌﺪﺗﻪ ﻋﻦ ﺍﻟﺴﺎﻟﻔﻪ ﻻﻥ ﻣﺎﻳﺨﻠﻴﻨﻲ ﺍﺷﻮﻑ ﺷﻐﻠﻲ ﻳﺤﺎﻭﻝ ﻳﻔﻨﻌﻨﻲ ﺍﺑﻌﺪ ﻋﻨﻬﻢ
ﺑﻴﻮﻡ ﺷﻔﺖ ﺳﻴﻒ ﺟﺎﻳﻬﻢ
ﻭﺍﺟﺎﻧﻲ ﺭﻗﻢ ﺟﺪﻳﺪ ﺣﺎﺟﻴﺘﻪ ﻣﻨﻬﺎ ﻭﺣﻈﺮﺗﻪ
ﻭﻇﻠﺖ ﻳﻮﻣﻴﻦ ﻣﺎﻛﻮ ﻣﻨﻬﺎ ﺭﺳﺎﻟﻪ ﻭﻻ ﺍﺗﺼﺎﻝ
ﺑﻌﺪ ﻳﻮﻣﻴﻦ ﻫﻢ ﺣﺎﺟﺎﻧﻲ ﺿﺮﻏﺎﻡ ﺍﺑﻦ ﻋﻤﻲ ﺍﺧﻮ ﺣﺴﻴﻦ ﺍﻟﺰﻏﻴﺮ ﻭﻛﻠﻲ ﺳﻴﻒ ﺍﺟﺎﻫﻢ
ﻫﺎﻟﻤﺮﻩ ﺷﻜﻲ ﺯﺍﺩ ﻭﺑﺎﻟﻠﻴﻞ ﺍﺗﻴﻘﻨﺖ ﻫﻮ ﻳﺠﻴﺒﻠﻬﺎ ﺍﻻﺭﻗﺎﻡ ﻭﺭﺍﺳﻤﻴﻠﻬﻢ ﺭﺳﻤﻪ ﺟﺪﻳﺪﻩ ﺑﻌﺪ ﻣﺎﺣﺎﺟﺘﻨﻲ ﺻﺎﺭ ﻳﺤﺎﻭﺏ ﺑﺎﺧﺘﻪ ﺍﻟﻐﻴﺮﻩ ﺳﺰ
ﻗﺮﺭﺕ ﺍﻧﻄﻴﻬﺎ ﻉ ﻣﺎﻳﻬﺎ ﻭﺍﺳﻤﻊ ﻛﻠﺸﻲ ﻣﻨﻬﺎ ﺑﺲ ﻣﺎﺍﺧﻠﻲ ﺍﺛﺒﺎﺕ ﻋﻠﻴﻪ ﻭﺍﻧﺼﺤﻬﺎ ﺍﺩﻳﺮ ﺑﺎﻟﻬﺎ ﻉ ﺍﻫﻠﻬﺎ ﻭﺍﺧﻮﺍﻧﻬﺎ ﻭﺳﻤﻌﺘﻬﺎ ﺍﻭﻟﻰ ﻭﺍﻧﻪ ﻋﺪﻭ ﺍﻟﻬﻢ ﻭﻋﻴﺐ ﺗﻜﺴﺮﻫﻢ ﺑﻴﻪ
ﺑﻴﻮﻣﻬﺎ ﺯﻳﻨﺐ ﻛﻌﺪﺕ ﻭﺳﻮﺗﻠﻬﺎ ﺳﺎﻟﻔﻪ ﻣﺎﺍﻛﺪﺭ ﺍﺣﺎﺟﻴﻠﻬﺎ ﺍﻟﺼﺪﻙ ﻣﺎﺗﻘﺘﻨﻊ ﻣﺘﺄﻛﺪ ﻭﻻ ﺍﺭﻳﺪﻫﺎ ﺗﻨﻘﻬﺮ ﺯﺍﻳﺪ ﻉ ﺷﻲ ﻣﺎﻳﺴﻮﻯ ﻭﻫﻲ ﺣﺎﻣﻞ ﻭﺗﻌﺒﺎﻧﻪ ﺧﺎﻭﻟﺖ ﺍﻫﺪﻱ ﺍﻟﻤﻮﺿﻮﻉ ﻭﺷﺘﺮﻳﺪ ﺍﻛﻠﻬﺎ ﺑﺮﺍﺣﺘﺞ ﺍﻟﺤﺪ ﻟﻤﻦ ﺭﺩﺕ ﻋﻠﻴﻪ ﺑﺘﻬﺪﻳﺪ ﺗﻔﻀﺤﻨﻲ ﺻﺪﻙ ﻓﺎﺭﺕ ﺍﻋﺼﺎﺑﻲ ﻣﻨﻬﺎ ﻋﻠﻴﻪ ﺿﻐﻂ ﻛﻠﺶ ﻗﻮﻱ ﻻﺍﻛﺪﺭ ﺍﺣﺠﻲ ﺑﻲ ﺍﻻﺣﺪ ﺗﺨﺮﺏ ﺍﻟﺨﻄﻪ ﻣﻦ ﻳﺘﻮﺳﻊ ﺍﻟﻤﻮﺿﻮﻉ
ﻭﺍﻧﻮﺏ ﺍﻃﻴﺢ ﺑﺮﺍﺳﻲ ﺍﻧﻪ ﺍﺭﻳﺪ ﺃﺩﺑﻬﻢ
ﺍﺳﺘﻤﺮﻳﺖ ﺍﺣﺠﻲ ﻭﻳﺎﻫﺎ ﻭﻫﺎﻟﻤﺮﻩ ﻛﺎﻟﺖ ﺍﻧﻪ ﺭﺍﺡ ﺍﺷﺮﺩ ﻣﻨﻌﺘﻬﺎ ﻭﺣﺠﻴﺖ ﻋﻠﻴﻬﺎ ﻭﻛﻠﻪ ﻣﺮﺍﺳﻠﻪ ﺣﺘﻰ ﻋﻨﺪﻱ ﺍﺛﺒﺎﺕ
ﻣﺎﻛﺎﻟﺖ ﺍﺷﺮﺩ ﺍﻟﻚ ﺑﺲ ﺍﻧﻪ ﺍﺗﻮﻗﻌﺖ ﻫﻴﺞ ﻭﻃﻠﻊ ﺗﻮﻗﻌﻲ ﺑﻤﺤﻠﻪ ﻣﻦ ﺭﺍﻗﺒﺖ ﺑﻴﺘﻬﻢ ﻭﺍﻟﺼﺪﻣﻪ ﺍﺧﻮﻫﺎ ﺑﺴﻴﺎﺭﺗﻪ ﺍﺧﺬﻫﺎ ﻭﻧﻔﺴﻪ ﺳﻴﻒ ﺍﻟﻨﺬﻝ
ﻛﻠﺖ ﻳﺠﻮﺯ ﻣﺎﺧﺬﻫﺎ ﺑﺸﻐﻠﻪ ﻇﻠﻴﺖ ﻭﺭﺍﻫﻢ ﻣﻦ . ﺑﻌﻴﺪ ﺍﻟﺤﺪ ﻣﺎﻛﺮﺑﻮ ﻋﻠﻰ ﻣﻨﻄﻘﺘﻨﻪ ﻭﻋﺮﻓﺖ ﻧﻴﺘﻬﻢ ﺷﻨﻲ ﻳﺮﺩﻭﻥ ﻳﻮﺭﻃﻮﻧﻲ ﺑﻴﻬﺎ ﻭﻳﺎﺧﺬﻭﻥ ﺍﻻﺧﺬﺗﻪ ﻣﻨﻬﻢ ﺑﺤﺠﺔ ﻓﺼﻞ ﻫﺎﻟﻤﺮﻩ ﻭﺑﺘﻬﻢ ﺗﺼﻴﺮ ﺑﺮﺍﺳﻲ
ﺍﺳﻼﺣﻲ ﺑﺼﻔﻲ ﺳﺤﺒﺖ ﺍﻗﺴﺎﻣﻪ
ﻭﺍﻭﻝ ﻣﺎﻭﻛﻔﻮ ﺍﺑﺎﺑﻨﻪ ﻭﻧﺰﻟﺖ ﻫﻲ ﻣﻨﻬﺎ ﺗﺘﻠﻔﺖ
ﻭﻫﻮ ﺑﻌﺪﻩ ﺑﺴﻴﺎﺭﺗﻪ ﻳﺮﻳﺪ ﻳﺮﺟﻊ ﺳﺤﺒﺖ ﺳﻼﺣﻲ ﻭﺭﻣﻴﺘﻪ
ﻭﺣﺪﻩ ﺑﭽﺘﻔﻪ ﻭﻭﺣﺪﻩ ﺑﺴﺎﻋﺪﻩ ﺻﺎﺭﺕ ﻫﻲ ﻉ ﻭﮔﻔﺘﻬﺎ ﺗﺮﻳﺪ ﺗﺸﺮﺩ ﺑﺮﺟﻠﻬﺎ ﺭﻣﻴﺘﻬﺎ ﻭﺣﺪﻩ
ﻣﺎﻛﺪﺭ ﻳﺴﻮﻕ ﻓﺘﺤﺖ ﺍﻟﺒﺎﺏ ﻭﻣﺎﺍﺩﺭﻱ ﺷﻠﻮﻥ ﺟﻨﺖ ﺑﻮﻋﻲ ﻣﺎﺍﻛﺘﻞ ﺍﻟﺮﺻﺎﺻﻪ ﺍﻟﺜﺎﻟﺜﻪ ﺑﺮﺟﻠﻪ ﺧﻠﻴﺘﻬﺎ
ﺟﺮﻳﺘﻪ ﻣﻦ ﻳﺎﺧﺘﻪ ﻭﺷﻤﺮﺗﻪ ﻟﻠﻜﺎﻉ ﺍﺧﺘﻪ ﻛﻠﺒﺖ ﺍﻟﺪﻧﻴﺎ ﺻﻴﺎﺡ
ﺧﺎﺑﺮﺕ ﺣﺴﻴﻦ ﻭﻛﺘﻠﻪ ﺗﻌﺎﻝ ﻭﺧﺎﺑﺮ ﺍﻫﻠﻬﻢ ﻳﺎﺧﺬﻭﻧﻬﻢ
ﻣﺎﺍﺩﺭﻱ ﺷﻜﻠﺖ ﻟﺤﺴﻴﻦ ﺍﻟﻈﺎﻫﺮ ﻛﺘﻠﻪ ﻛﺘﻠﺘﻬﻢ ﺑﺪﻭﻥ ﻣﺎﺍﻧﺘﺒﻪ ﻻﻥ ﺩﻗﺎﻳﻖ ﺍﺟﻪ ﻣﺨﺒﻮﺹ ﻫﻮ ﻭﺍﻫﻠﻪ ﻭﻋﻤﺎﻣﻨﻪ ﻣﺎﺍﺩﺭﻱ ﻳﺎﻫﻮ ﺍﺧﺬﻫﻢ ﺑﺲ ﺍﻟﻜﻞ ﻣﺨﺒﻮﺻﻴﻦ ﻳﺮﺩﻭﻥ ﻳﻌﺮﻓﻮﻥ ﺷﺠﺎﺑﻬﻢ ﻭﺷﻠﻮﻥ ﺍﺭﻣﻴﻬﻢ ﻫﻴﺞ
ﺍﻣﻲ ﻭﺳﺮﻭﺭ ﺧﺒﺼﻦ ﺍﻟﺪﻧﻴﺎ ﺻﻴﺎﺡ ﺻﺤﺖ ﻋﻠﻴﻬﻦ ﻭﺣﺴﻴﻦ ﺭﺍﺡ ﻃﺒﺒﻬﻦ ﺟﻮﻩ ﮔﻌﺪﻧﻪ ﺑﺎﻟﺪﻳﻮﺍﻥ ﻭﻛﻠﺖ ﺍﻟﻌﻤﻲ ﺍﺑﻮ ﺣﺴﻴﻦ
.. ﺧﺎﺑﺮ ﺍﺑﻮﻫﻢ ﻳﺎﺧﺬ ﺯﺑﺎﻟﺘﻪ ﻣﻨﺎﻙ ﺍﻗﻞ ﺷﻜﻮﻩ ﻋﻠﻴﻪ ﻟﻮ ﺍﺣﺪ ﻭﺻﻞ ﻣﻨﻬﻢ ﺑﺎﺑﻲ ﺍﻓﻀﺤﻬﻢ ﻓﻀﻴﺤﻪ ﻭﺑﺎﻟﺪﻟﻴﻞ ﻭﺧﻞ ﻳﺸﻮﻑ ﺍﺑﻨﻪ ﺷﻠﻮﻥ ﻳﻮﺻﻞ ﻏﺎﻳﺘﻪ ﺑﺄﺧﺘﻪ ﺣﺠﻴﺘﻬﺎ ﺑﻐﻴﺮ ﻃﺮﻳﻘﻪ ﻭﺍﻭﻝ ﻧﺮﻩ ﺍﺣﺠﻲ ﺣﺠﻲ ﻣﻮ ﺯﻳﻦ ﻳﺨﺺ ﺍﻻﻋﺮﺍﺽ ﻓﻬﻤﺘﻬﻢ ﺳﻴﻒ ﻳﺮﻳﺪ ﻳﻮﺻﻞ ﻏﺎﻳﺘﻪ ﺑﻔﻀﻴﺤﺔ ﺍﺧﺘﻪ ﻭﺣﺠﻴﺘﻠﻬﻢ ﻛﻠﺸﻲ ﺗﻠﻤﺮﺍﺳﻼﺕ ﺍﻻﺭﻗﺎﻡ ﻣﺮﺍﻗﺒﺘﻲ ﺍﻟﻪ ﻭﻛﻠﻬﺎ ﺑﺎﻟﺪﻟﻴﻞ ﻣﺼﻮﺭﻫﻢ ﻭﻋﻨﺪﻱ ﺍﺛﺒﺎﺕ ﻭﻣﺤﺎﺩﺛﺎﺕ
ﻭﻫﺎﻟﻤﺮﻩ ﺍﻧﻲ ﺍﺣﮕﻬﻢ ﻭﺍﻟﺴﻮﻳﺘﻪ ﻣﺎﻳﻤﺘﻊ ﻳﺠﻮﻥ ﻭﻳﻤﺸﻮﻥ ﻭﻳﻔﺼﻠﻮﻥ ﻟﻮ ﻓﻀﻴﺤﺘﻬﻢ ﺗﺼﻴﺮ ﻋﻠﻰ ﻛﻞ ﺍﻟﺴﺎﻥ ﺍﻟﻴﻌﺮﻓﻬﻢ ﻭﺍﻟﻤﺎﻳﻌﺮﻓﻬﻢ
ﭼﻨﺖ ﺍﺣﭽﻲ ﺑﺤﺮﮔﻪ ﻭﻗﻬﺮ ﻭﺍﻓﻜﺮ ﻟﻮ ﻣﺎﺍﻟﻠﻪ ﻛﺎﺷﻔﻬﻢ ﺍﻟﻲ ﻭﻣﺎﺷﻴﻪ ﻋﻠﻴﻪ ﺳﻮﺍﻟﻔﻬﻢ ﭼﺎ ﻫﺴﻪ ﺍﻧﻪ ﻣﻔﻀﻮﺡ ﻭﻧﺎﺯﻝ ﺭﺍﺳﻲ ﻭﻓﻮﻛﻬﺎ ﻳﺎﺧﺬﻭﻥ ﺍﻟﻴﺮﺩﻭﻧﻪ
ﻋﻤﻲ ﺍﺑﻮ ﺣﺴﻴﻦ ﻣﺎﺭﺿﺎ ﻋﻠﻴﻬﻢ ﻭﻫﺎﻟﻤﺮﻩ ﻫﻮ ﻗﺮﺭ ﻳﻄﻠﻌﻮﻥ ﻣﻦ ﺍﻟﻤﺤﺎﻓﻈﻪ ﻛﻠﻬﺎ ﻭﺑﻌﺪ ﻣﺎﺍﻟﻬﻢ ﺭﺟﻌﻪ
ﺣﺎﺟﻪ ﺍﺑﻮ ﻋﻠﻲ ﻭﻛﻠﻪ ﻫﺴﻪ ﺗﺠﻴﻨﻲ ﻧﺘﻔﺎﻫﻢ ﺍﺑﻠﻮﺗﻜﻢ
ﻫﻮﺳﻪ ﻟﻠﻌﺼﺮ ﻣﺎﺻﻔﺖ ﻭﺷﻜﻮﻯ ﻣﺎﻗﺪﻣﻮﻭ ﺧﺎﻓﻮﻭ ﺻﺪﻙ ﻳﻨﻔﻀﺤﻮﻥ
ﻛﻞ ﺍﻟﺼﺎﺭ ﻭﺍﻟﺨﻨﮕﻪ ﻣﺎﺭﺍﺣﺖ ﻣﻦ ﺻﺪﺭﻱ ﺍﺣﺲ ﺭﻭﺣﻲ ﻣﺨﻨﻮﮒ ﻭﺍﻟﻬﻮﺍ ﻛﻮﻩ ﺍﺟﺮﻩ ﻣﺪﺭﻱ ﺷﻠﻮﻥ ﺍﻟﻠﻪ ﻫﺪﺍﻧﻲ ﻭﻣﺎﻛﺘﻠﺖ ﺳﻴﻒ ﻣﻮﺕ ﻭﻳﻈﻞ ﺩﻡ ﺑﺮﮔﺒﺘﻲ ﻭﺭﮔﺒﺔ ﻭﻟﺪﻱ
ﺑﻬﺬﺍ ﺍﻟﻴﻮﻡ ﺣﺘﻰ ﺍﻣﻲ ﻣﺎﺣﺎﺟﻴﺘﻬﺎ ﻭﻻ ﺳﺮﻭﺭ ﻭﻻ ﺍﻟﻲ ﺧﻠﮓ ﺍﻟﻮﺍﺣﺪ
ﻭﺳﺎﻡ ﻭﺍﺧﻮﺍﻧﻪ ﻣﺎﻋﺎﻓﻮﻧﻲ ﺍﺑﺪ ﺍﻟﺤﺪ ﺍﻟﻠﻴﻞ
ﻓﺖ ﺍﻟﻐﺮﻓﺘﻲ ﺑﺎﻟﻠﻴﻞ ﻣﺨﻨﻮﮒ ﻭﺣﺰﺕ ﺑﺨﺎﻃﺮﻱ ﺯﻳﻨﺐ ﻣﺎﺍﺟﺖ ﺍﻛﻴﺪ ﺳﻤﻌﺖ ﻣﻦ ﺍﻫﻠﻬﺎ ﺷﺼﺎﺭ
ﻫﺎﻱ ﻫﻢ ﻣﺎﺧﺬﺗﻠﻬﺎ ﺻﻔﺤﻪ ﺑﻴﻪ
ﻃﻔﻴﺖ ﺍﻟﻀﻮﻩ ﻭﻣﺎﺍﺭﻳﺪ ﺍﻓﻜﺮ ﺑﺸﻲ ﺍﺭﻳﺪ ﺑﺲ ﺑﺎﻟﻲ ﻳﺼﻔﺎ ﻭﺍﻧﺎﻡ ﺑﺮﺍﺣﻪ ﻭﺑﺲ
ﺣﺴﻴﺖ ﺍﻧﻔﺘﺤﺖ ﺍﻟﺒﺎﺏ
ﻧﻬﻀﺖ ﻋﺒﺎﻟﻲ ﻣﺮﺗﻲ ﻭﻭﻟﺪﻱ ﺍﺟﻮﻭ ﺍﺣﺲ ﺭﻭﺣﻲ ﻣﺤﺘﺎﺟﻬﻢ ﺻﺪﻙ ﺍﻟﻴﻮﻡ
ﻭﺻﺎﺭ ﻳﻮﻣﻴﻦ ﻣﺎﺷﺎﻳﻔﻬﻢ
ﺍﻟﻀﻮﻩ ﺧﻔﻴﻒ ﺭﻛﺰﺕ ﺑﻴﻬﺎ ﺍﻣﻲ
ﻭﻛﻔﺖ ﻳﻢ ﺭﺍﺳﻲ ﺍﺧﺬﺗﻬﺎ ﻣﻦ ﺍﻳﺪﻫﺎ ﻭﮔﻌﺪﺗﻬﺎ ﻳﻤﻲ
ﻭﺩﻱ ﺍﻧﺎﻡ ﺑﺤﻀﻨﻬﺎ ﻭﺍﺍﺧﻠﺺ ﻣﻦ ﻫﻤﻮﻣﻲ ﻛﻠﻬﺎ
ﺣﺎﺟﺘﻨﻲ
.. ﻛﻮﻡ ﻳﻤﻪ ﻣﺎﻫﺮ ﺍﺩﺭﻱ ﺑﻴﻚ ﻣﺎﺗﻨﺎﻡ ﻭﺍﻧﺖ ﺑﻬﺬﺍ ﺣﺎﻟﻚ
.. ﺧﻠﻴﻨﻲ ﻳﻤﻪ ﺍﺭﻳﺪ ﺍﺭﺗﺎﺡ
.. ﮔﻮﻡ ﻳﻤﻪ ﻣﺮﺗﻚ ﻣﺪﺧﻠﻴﻨﻬﺎ ﻣﺴﺘﺸﻔﻰ ﺭﻭﺡ ﺷﻮﻑ ﺷﺒﻴﻬﺎ
ﻳﺘﺒﻊ …
#روووعه
