#خيانة_زمن
بقلم نور الشمس
#بارت٣٣
ﺭﻣﻀﺎﻥ ﻛﺮﻳﻢ ﻋﻠﻴﻜﻢ ﺣﺒﺎﻳﺐ ﻭﻋﻠﻰ ﺍﻣﺔ ﻣﺤﻤﺪ
ﻳﺎﺭﺏ ﺗﻜﻮﻥ ﺳﻨﺔ ﺧﻴﺮ ﻭﻣﺤﺒﻪ ﻉ ﺍﻟﺠﻤﻴﻊ
ﺑﺎﺟﺮ ﺍﺧﺮ ﻳﻮﻡ ﺍﻣﺘﺤﺎﻥ ﺍﻻﺑﻨﻲ ﺍﻥ ﺷﺎﺀﺍﻟﻠﻪ ﻧﻌﻮﺿﻜﻢ ﺍﻻﻳﺎﻡ ﺍﻟﺘﺠﻲ ﺩﻋﻮﺍﺗﻲ ﺍﻟﻪ ﻭﺍﻟﻜﻞ ﺍﻟﻄﻼﺏ ﺑﺎﻟﻨﺠﺎﺡ ﻭﺭﺑﻲ ﻣﻴﻀﻴﻊ ﺗﻌﺐ ﺍﻫﺎﻟﻴﻬﻢ
……… .
ﮔﻌﺪﺕ ﺍﻟﺤﻴﻠﻲ ﻣﺮﻋﻮﺏ ﻣﺎﻟﻲ ﺣﻴﻞ ﻭﺟﻊ ﻭﻓﺮﺍﮒ ﺑﻌﺪ ﻣﺎﻟﻲ ﺣﻴﻞ ﺍﺗﺤﻤﻞ ﻛﻠﺸﻲ ﻟﻮ ﺟﺮﺡ ﺯﻏﻴﺮ ﺳﻄﺤﻲ ﻉ ﺍﻟﺠﻠﺪ ﺍﺣﺲ ﻣﺎﻟﻲ ﻃﺎﻗﻪ ﺍﺣﻤﻠﻪ
ﺍﻟﻴﻮﻡ ﺍﺣﺲ ﺭﻭﺣﻲ ﺑﺎﺿﻌﻒ ﺣﺎﻻﺗﻬﺎ ﺭﻏﻢ ﺑﻴﻨﺖ ﻟﻠﻨﺎﺱ ﺍﻧﻪ ﻗﻮﻱ ﻭﺑﺬﻛﺎﺋﻲ ﮔﺪﺭﺕ ﺍﻋﺮﻑ ﺧﻄﻄﻬﻢ ﺑﺲ ﺍﺣﺲ ﺍﺳﺘﻨﺰﻓﺖ ﻗﻮﺗﻲ ﻣﻦ ﺍﻟﺪﺍﺧﻞ ﻣﻮﺟﻮﻉ ﺣﻴﻞ ﺣﺘﻰ ﻋﻘﻠﻲ ﺗﻌﺐ ﻣﻦ ﻛﺜﺮ ﻣﺎﺍﻓﻜﺮ
ﮔﻤﺖ ﺑﺪﻭﻥ ﻣﺎﺍﺣﭽﻲ ﻭﺍﻧﻪ ﺍﺩﻋﻲ ﺑﮕﻠﺒﻲ ﻳﺎﺭﺏ ﺍﺫﺍ ﻫﺬﺍ ﺍﺧﺘﺒﺎﺭ ﺍﻟﻲ ﻟﻬﻨﺎ ﻭﻫﺬﺍ ﺣﺪﻱ ﻣﺎﺍﻛﺪﺭ ﺑﻌﺪ ﻛﻠﺸﻲ ﻭﻻ ﻣﺮﺗﻲ ﻫﻲ ﺍﻟﻤﺤﻠﻴﻪ ﺩﻧﻴﺎﻱ ﺑﻌﺪ ﺍﻣﻲ ﻛﻠﺸﻲ ﺍﺟﺎﻧﻲ ﺑﺘﻌﺐ ﻭﺗﺨﻄﻴﻂ ﺍﻻ ﻫﻲ ﺍﺟﺘﻨﻲ ﻫﺪﻳﻪ ﻣﻨﻚ ﺑﺪﻭﻥ ﺗﻌﺐ ﻣﻨﻲ ﻳﺎﺭﺏ ﻻﺗﻮﺟﻊ ﮔﻠﺒﻲ ﺑﻴﻬﺎ
ﺍﺩﻋﻲ ﺑﮕﻠﺒﻲ ﻭﺍﻧﻪ ﺍﺩﻭﺭ ﻋﻠﻰ ﻣﺤﻔﻈﺘﻲ ﻭﺳﻮﻳﺠﻲ ﺍﺭﻳﺪ ﺍﺗﺬﻛﺮ ﻭﻳﻦ ﺣﻄﻴﺘﻬﻦ ﺗﻠﻴﻔﻮﻧﻲ ﻏﺎﻟﻘﻪ
ﺩﻗﺎﻳﻖ ﻣﺮﺕ ﻋﻠﻴﻪ ﺩﻫﺮ
ﻭﺩﻳﺘﻬﺎ ﻣﺎﺑﻴﻬﺎ ﺷﻲ ﺑﺲ ﺗﻌﺒﺎﻧﻪ ﻣﻦ ﺣﻤﻠﻬﺎ ﻭﺿﺎﺟﺖ ﻣﻦ ﺷﻐﻠﺔ ﺍﻟﺮﺳﺎﻳﻞ .. ﺷﺼﺎﺭ ﻭﺩﺧﻠﺖ ﻣﺴﺘﺸﻔﻰ ﻃﺎﻳﺤﻪ ﻣﺤﺘﺮﮔﻪ ﻧﺎﺯﻓﻪ ﻛﻞ ﺫﻧﻲ ﻣﺮﻥ ﻋﻠﻲ ﻭﺍﻧﻪ ﻣﺎﺍﻋﺮﻑ ﺍﻟﺒﻴﻬﺎ
ﻟﮕﻴﺘﻬﻦ ﺍﻟﻤﺤﻔﻈﻪ ﻭﺍﻟﺴﻮﻳﺞ ﻗﺮﻳﺒﺎﺕ ﺍﻟﻲ ﺑﺲ ﻣﺎﺟﻨﺖ ﺍﺷﻮﻓﻬﻦ ﻣﻦ ﺍﺭﺗﺒﺎﻛﻲ
ﻃﻠﻌﺖ ﻣﻦ ﺍﻟﺒﻴﺖ ﻭﺳﺮﻭﺭ ﻭﺍﻣﻲ ﻭﺭﺍﻱ ﻛﺎﻟﻦ ﺧﺎﺑﺮﻧﻪ ﺑﺲ ﺗﻮﺻﻞ
ﺧﺎﺑﺮﺕ ﻭﺳﺎﻡ ﺑﻌﺪ ﻣﺎﺣﺮﻛﺖ ﺍﻟﺴﻴﺎﺭﻩ
.. ﺍﻟﻮﻭ
.. ﻫﻼ ﻣﺎﻫﺮ ﻭﻳﻨﻚ ﻳﻤﻌﻮﺩ ﻧﺘﺼﻞ ﻭﻣﺎﻛﻮ ﻟﻤﻦ ﺍﻣﻲ ﺧﺎﺑﺮﺕ ﺍﻟﺤﺠﻴﻪ ﻳﻠﻠﻪ
.. ﻭﺳﺎﻡ ﺷﺒﻴﻬﺎ ﺯﻳﻨﺐ ﻭﻳﻦ ﺍﻧﺘﻢ ﺍﻧﻪ ﺟﺎﻳﻜﻢ ﻟﻴﺶ ﻣﺪﺧﻠﻴﻨﻬﺎ ﻣﺴﺘﺸﻔﻰ ﺷﺒﻴﻬﺎ
.. ﻣﺎﺍﺩﺭﻱ ﻳﻤﻌﻮﺩ ﺑﻌﺪ ﻛﻠﺸﻲ ﻣﺎﻣﻔﺘﻬﻤﻴﻦ ﺩﺧﻠﻮﻫﺎ ﺟﻮﻩ ﻭﻣﻤﻨﻮﻉ ﻧﺪﺧﻞ ﻭﺍﻣﻲ ﻭﻳﺎﻫﺎ ﻭﻣﺮﻳﻢ
.. ﺍﺩﺭﻱ ﺷﻄﻴﺤﻬﺎ ﻫﻲ ﻣﺎﺟﺎﻥ ﺑﻴﻬﺎ ﺷﻲ
.. ﻣﺎﺍﺩﺭﻱ ﺍﻧﻪ ﺟﻨﺖ ﻳﻤﻚ ﺑﺲ ﻭﺻﻠﺘﻬﻢ ﻟﻜﻴﺘﻬﻢ ﻃﺎﻟﻌﻴﻦ ﺑﻴﻬﺎ ﻣﺎﻟﺤﮕﺖ ﻋﻠﻴﻬﻢ ﻭﺭﺍﻫﻢ ﺍﺟﻴﺖ ﺑﺲ ﻳﻤﻜﻦ ﺩﺍﺭﻳﻪ ﺑﻄﻼﺑﺘﻚ ﺍﻟﺼﺎﺭﺕ ﻭﻣﺮﻋﻮﺑﻪ ﻫﻲ ﻣﻦ ﺍﻣﺲ ﺣﺎﻟﺘﻬﺎ ﻣﻮ ﺷﻲ ﻭﺟﺎﻧﺖ ﺗﻌﺒﺎﻧﻪ ﻭﺿﺎﻳﺠﻪ ﻳﺠﻮﺯ ﺗﻌﺐ ﻣﺘﺮﺍﻛﻢ ﻣﺎﺍﺩﺭﻱ ﺑﺲ ﻛﺎﻟﻮ ﺣﻤﻠﻬﺎ ﺑﺨﻄﺮ
.. ﻳﺎﺣﻤﻞ ﻳﻤﻌﻮﺩ ﻳﺘﻌﻮﺽ ﻛﻠﺸﻲ ﺍﻫﻢ ﺷﻲ ﺳﻼﻣﺘﻬﺎ ﻫﻲ ﺑﺪﻭﻥ ﻛﻠﺸﻲ ﺗﻌﺒﺎﻧﻪ ﺑﻬﺬﺍ ﺣﻤﻠﻬﺎ ﺍﻛﺜﺮ .. ﻭﺳﺎﻡ ﺩﺷﻮﻓﻠﻚ ﺻﺮﻓﻪ ﺗﺸﻮﻓﻬﺎ ﺑﻴﻬﺎ ﺗﺴﻤﻊ ﻋﻨﻬﺎ ﺷﻲ ﺑﻴﻦ ﻣﺎﺍﻭﺻﻞ ﻳﻤﻌﻮﺩ ﺣﺘﻰ ﺩﺭﺑﻲ ﻣﺎﺍﺷﻮﻓﻪ ﻫﺴﻪ
.. ﻫﺴﻪ ﺍﻭﺩﻱ ﻉ ﺍﻣﻲ ﻭﺍﻓﺘﻬﻢ ﺑﺲ ﮔﻠﻲ ﺍﻧﺖ ﻃﺎﻟﻊ ﻭﺣﺪﻙ ﺟﺎ ﻣﺎﺧﺎﺑﺮﺕ ﺣﺴﻴﻦ ﻭﺍﺣﺪ ﻣﻦ ﺍﺧﻮﺍﻧﻪ ﺷﻠﻮﻥ ﺗﻄﻠﻊ ﻭﺣﺪﻙ ﺑﺎﻟﻠﻪ ﺍﺗﻌﺮﺿﻮﻟﻚ
.. ﻳﺎﻫﻢ ﻳﺘﻌﺮﺿﻮﻟﻲ ﺧﻴﻮﻟﻮﻥ ﺷﻴﺮﺩﻭﻥ ﻳﺴﻮﻭﻥ ﻣﻮ ﺍﻟﺼﺎﻟﺤﻬﻢ ﻛﻠﺸﻲ ﻳﺴﻮﻭﻧﻪ ﻳﻄﻴﺢ ﺣﻈﻬﻢ ﻋﻠﻴﻪ
.. ﺍﻟﺤﺬﺭ ﻭﺍﺟﺐ ﻣﺎﻫﺮ ﺩﺗﻌﺎﻝ ﺑﺴﺮﻋﻪ ﻫﺴﻪ ﺍﻧﻪ ﻳﻈﻞ ﺑﺎﻟﻲ ﻳﻤﻚ ﺍﻧﻮﺏ
.. ﻣﺎﺍﻃﻮﻭﻝ ﺷﻮﻳﻪ ﻭﺍﻭﺻﻞ ﻣﺎﻋﻠﻴﻪ ﺷﻲ ﻻﺗﺨﺎﻑ
ﺳﻘﺖ ﺑﺴﺮﻋﻪ ﻣﻨﺎﻃﻘﻨﻪ ﻇﻠﻤﻪ ﺑﺎﻟﻠﻴﻞ
ﺍﻟﺤﺪ ﻣﺎﻃﻠﻌﺖ ﺍﻟﺸﺎﺭﻉ ﺍﻟﻌﺎﻡ ﺳﻴﻄﺮﺕ ﺍﻛﺜﺮ
ﻭﺻﻠﺖ ﺍﻟﻤﺴﺘﺸﻔﻰ ﺳﺄﻟﺖ ﺍﻻﺳﺘﻌﻼﻣﺎﺕ ﺍﻧﻄﻴﺖ ﺍﺳﻤﻬﺎ ﺑﻌﺪﻧﻲ ﻭﺍﻛﻒ ﺍﺭﻳﺪ ﺍﺗﺎﻛﺪ ﻣﻦ ﻣﻜﺎﻧﻬﺎ ﻧﺰﻟﻲ ﻭﺳﺎﻡ ﻭﺻﺎﺣﻨﻲ
ﺭﺣﺘﻠﻪ ﻭﺍﻧﻪ ﺍﺗﺮﻗﺐ ﺷﻴﮕﻮﻝ
ﺍﺣﺠﻲ ﻳﻤﻌﻮﺩ ﺷﺴﺎﻟﻔﺘﻚ ﺷﺒﻴﻬﺎ ﺯﻳﻨﺐ
.. ﻻﺗﺨﺎﻑ ﺯﻳﻨﻪ ﻫﺴﻪ ﻣﺎﺑﻴﻬﺎ ﺑﺲ ﻋﺪﻫﺎ ﻫﺒﻮﻁ ﺣﺎﺩ ﻭﺣﻤﻠﻬﺎ ﻣﻬﺪﺩ ﺑﺎﻻﺳﻘﺎﻁ
.. ﻣﻬﺪﺩ ﻟﻮ ﺍﺳﻘﺎﻁ؟
.. ﻻ ﺍﻧﻄﻮﻫﺎ ﻋﻼﺝ ﻭﺗﻈﻞ ﻳﻤﻬﻢ ﺍﻟﻠﻴﻠﻪ ﺑﺎﺟﺮ ﺗﻄﻠﻊ ﻭﻻﺯﻣﻬﺎ ﺭﺍﺣﻪ ﻫﻴﺞ ﺍﻟﻄﺒﻴﺒﻪ ﻛﺎﻟﺖ ﻭﺭﺍﺩﺗﻚ ﻛﺎﻟﺖ ﻣﻦ ﻳﻮﺻﻞ ﻳﺠﻴﻨﻲ ﺍﻓﻬﻤﻪ ﻉ ﻭﺿﻌﻬﺎ
.. ﻳﻤﻌﻮﺩ ﻻﺗﺨﻮﻓﻨﻲ ﺷﻔﺘﻬﻢ ﺑﻌﺪ .. ﺍﺭﺩ ﺍﺷﻮﻓﻬﺎ ﻭﻳﻦ ﻫﻲ ﻫﺴﻪ
.. ﺭﻭﺡ ﻟﻠﻄﺒﻴﺒﻪ ﺗﻔﻬﻤﻚ ﻭﺑﻌﺪﻳﻦ ﻧﺸﻮﻑ ﻧﻜﺪﺭ ﻧﺸﻮﻓﻬﺎ ﻟﻮ ﻻ
ﺭﺣﺖ ﻟﻠﻄﺒﻴﺒﻪ ﺍﻟﻤﻮﺟﻮﺩﻩ
ﺑﻌﺪ ﻣﺎﻋﺮﻓﺘﻨﻲ ﺑﻮﺿﻌﻬﺎ ﻛﺎﻟﺖ ﻋﺪﻫﺎ ﻫﺒﻮﻁ ﺣﺎﺩ ﻭﻓﻘﺮ ﺩﻡ ﻣﻬﺪﺩﻩ ﺑﺎﻻﺳﻘﺎﻁ ﻭﻻﺯﻣﻬﺎ ﺭﺑﻂ ﺗﺮﻳﺪ ﺍﻧﺴﻮﻱ ﺍﻟﻼﺯﻡ ﻟﻮ ﺗﻨﺘﻈﺮ ﺗﺮﻭﺡ ﺍﻟﻄﺒﻴﺒﺘﻬﺎ
.. ﺩﻛﺘﻮﺭﻩ ﺳﻮﻱ ﺍﻟﻼﺯﻡ ﻭﺑﻌﺪﻳﻦ ﻧﺘﺎﺑﻊ ﺣﺎﻟﺘﻬﺎ ﻳﻢ ﺩﻛﺘﻮﺭﺗﻬﺎ
ﻃﻠﺒﺖ ﻣﻨﻲ ﺗﻮﻗﻴﻊ ﻉ ﻋﻤﻠﻴﺔ ﺍﻟﺮﺑﻂ ﻭﺩﺧﻠﻮﻫﺎ ﺻﺎﻟﺔ ﺍﻟﻌﻤﻠﻴﺎﺕ ﺑﻨﺞ ﻋﺎﻡ
ﺍﻟﻮﻛﺖ ﻣﺘﺄﺧﺮ ﺑﺎﻟﻲ ﻇﻞ ﻳﻢ ﻣﺤﻤﺪ ﻭﻋﻠﻲ ﺍﻋﺮﻓﻬﻢ ﻣﺎﻳﺴﻜﺘﻮﻥ ﺑﺪﻭﻧﻲ ﻭﺑﺪﻭﻥ ﺍﻣﻬﻢ
ﺷﻮﻳﻪ ﻭﺧﺎﺑﺮ ﻫﺸﺎﻡ ﮔﺎﻝ ﺫﻭﻟﻪ ﺍﻟﺠﻬﺎﻝ ﻓﺤﻄﻮ ﻣﻦ ﺍﻟﺒﭽﻲ ﺻﺎﺭ ﺳﺎﻋﺎﺕ ﻣﺘﻮﺍﺻﻠﻪ ﻳﺒﺠﻮﻥ ﻛﺘﻠﻪ ﺟﺎﻳﻬﻢ
ﺍﺧﺬﻫﻢ
ﺣﺎﺟﻴﺖ ﻭﺳﺎﻡ ﻛﺘﻠﻪ ﺭﺍﺡ ﺍﺭﻭﺡ ﺍﺟﻴﺒﻬﻢ ﺩﻗﺎﻳﻖ ﻣﺎﺍﻃﻮﻝ
ﻣﺴﺎﻓﺔ ﺍﻟﻄﺮﻳﻖ ﺧﻠﻚ ﻳﻤﻬﻢ ﺧﺎﻑ ﻳﺤﺘﺎﺟﻮﻥ ﺷﻲ ﻭﺍﻱ ﺷﻲ ﻳﺼﻴﺮ ﺧﺎﺑﺮﻧﻲ
ﺭﺣﺖ ﻟﻜﻴﺘﻪ ﺧﻄﻴﻪ ﺣﺎﻳﺮ ﺷﻴﺴﻮﻳﻠﻬﻢ ﻭﺣﺘﻰ ﺟﺪﻫﻢ ﮔﺎﻋﺪ ﻭﻳﺎﻫﻢ ﻳﺮﻳﺪ ﻳﻠﻬﻴﻬﻢ ﻭﺧﺎﻳﻒ ﻉ ﺯﻳﻨﺐ ﺣﻴﻞ ﻛﺘﻠﻬﻢ ﻻﺗﺨﺎﻓﻮﻥ ﻋﻠﻴﻬﺎ ﻋﺪﺕ ﻫﺴﻪ ﺯﻳﻨﻪ ﺍﻥ ﺷﺎﺀﺍﻟﻠﻪ ﺑﺎﺟﺮ ﺍﻟﺼﺒﺢ ﻧﻄﻠﻊ
ﺭﺟﻌﺖ ﻟﻠﻤﺴﺘﺸﻔﻰ ﺟﺎﻧﺖ ﺗﻮﻫﺎ ﻃﺎﻟﻌﻪ
ﻭﺻﺎﺣﻴﻪ ﻣﻦ ﺍﻟﺒﻨﺞ ﺑﺲ ﺗﻌﺒﺎﻧﻪ ﺑﻌﺪ ﺑﻴﻬﺎ ﺧﺪﺭ
ﺑﺴﺘﻬﺎ ﺑﺮﺍﺳﻬﺎ ﻭﺍﻧﻪ ﺍﺗﺤﻤﺪﻟﻬﺎ ﻉ ﺍﻟﺴﻼﻣﻪ ﻭﻋﻴﻮﻧﻲ ﺍﺩﻭﻭﺭ ﺑﻌﻴﻮﻧﻬﺎ ﺍﻟﺒﻴﻬﻦ ﻧﻈﺮﺓ ﺧﻮﻑ ﻋﻠﻴﻪ ﻟﻮ ﺯﻋﻞ ﻣﻨﻲ
ﺩﻧﮕﺖ ﻋﻠﻴﻬﺎ
.. ﻭﺣﮓ ﺍﻟﻠﻪ ﻟﻮ ﺗﻌﺮﻓﻴﻦ ﻏﻼﺝ ﻋﻨﺪﻱ ﺷﻜﺜﺮ ﻭﺷﻨﻬﻮ ﺍﻟﺨﻮﻑ ﺍﻟﺤﺴﻴﺖ ﺑﻲ ﻭﺍﻟﺪﺭﺏ ﺍﻟﻤﺸﻴﺘﻪ ﺑﺪﻭﻥ ﺷﻮﻑ ﻣﺎﺍﺩﺭﻱ ﺷﻠﻮﻥ ﻭﺻﻠﺘﻠﺞ ﺟﺎ ﻧﻤﺘﻲ ﺭﻏﺪ ﻭﺍﻣﻨﺘﻲ ﺑﻴﻪ
ﺩﻋﻴﺖ ﺍﻟﻠﻪ ﻳﻨﻄﻴﺞ ﻣﻦ ﻋﻤﺮﻱ ﻭﻳﺤﻔﻈﺞ ﻣﻦ ﻛﻞ ﻣﻜﺮﻭﻩ ﻭﻳﺤﻔﻈﺞ ﺍﻟﻲ ﺍﻡ ﺑﻴﺘﻲ ﻭﺳﻠﻮﻯ ﺍﻟﺮﻭﺣﻲ
ﻋﻴﻮﻧﻬﺎ ﺩﻣﻌﻦ ﻣﺴﺤﺘﻬﻦ ﺑﺎﻳﺪﻱ ﻭﻃﻠﻌﺖ ﻣﻤﻨﻮﻉ ﺍﻇﻞ ﺍﻛﺜﺮ
ﻭﺍﻟﺠﻬﺎﻝ ﻳﻢ ﺧﺎﻟﻬﻢ ﺑﺮﻩ ﺑﺎﻟﺤﺪﻳﻘﻪ
ﺍﺣﺘﺎﺭﻳﺖ ﺑﻴﻬﻢ ﻭﺍﺿﻄﺮﻳﺖ ﺍﺭﺟﻊ ﻟﻠﺒﻴﺖ ﺣﺘﻰ ﻳﺮﺗﺎﺣﻮﻥ
ﻭﻫﻨﺎﻙ ﻋﻤﺘﻬﻢ ﻳﻤﻬﻢ ﻫﻢ ﻣﺘﻌﻮﺩﻳﻦ ﻋﻠﻴﻬﺎ
ﺭﺟﻌﺖ ﻟﻠﺒﻴﺖ ﻭﻫﺎﻟﻤﺮﻩ ﺻﺪﻙ ﺍﻟﻮﻛﺖ ﻣﺘﺎﺧﺮ ﺣﺴﻴﺖ ﺑﺨﻮﻑ ﻣﻮ ﻉ ﺭﻭﺣﻲ ﻋﻠﻴﻬﻢ
ﻋﻴﺜﻨﻲ ﺗﺮﺍﻗﺐ ﺍﻟﻄﺮﻳﻖ ﺧﺎﻑ ﺻﺪﻙ ﻭﻻﺣﻜﻴﻨﻲ ﺍﻧﻮﺏ ﻭﻳﺎﻱ ﻭﻟﺪﻱ ﻫﺴﻪ ﻣﻮ ﻋﻠﻴﻪ ﺍﻧﻪ
ﻧﺎﻣﻮﻭ ﻭﺛﻜﻠﻮﻭ ﻣﺤﻤﺪ ﺑﺤﻀﻨﻲ ﻭﻋﻠﻲ ﻉ ﺍﻳﺪﻱ ﺍﻟﺜﺎﻧﻴﻪ ﺳﻨﺪﺕ ﺭﺍﺳﻪ ﺑﻌﺪ ﻣﺎﻧﺎﻡ
ﻭﻛﻔﺖ ﺍﻟﺴﻴﺎﺭﻩ ﻭﻋﺪﻟﺘﻬﻢ ﺑﺎﻟﻜﺮﺍﺳﻲ ﻭﺧﻠﻴﺖ ﺣﺰﺍﻡ
ﺗﻔﻜﻴﺮﻱ ﺯﺍﺩ ﻭﺧﻮﻓﻲ ﺯﺍﺩ ﺣﺴﻴﺖ ﺑﺄﺣﺴﺎﺱ ﺍﻟﻲ ﻳﺨﺎﻑ ﻭﺧﻮﻓﻪ ﻳﺬﺑﺢ ﻷﻥ ﻣﻮﺧﺎﻳﻒ ﻉ ﺭﻭﺣﻪ ﺧﺎﻳﻒ ﻉ ﺍﻷﻏﻠﻰ ﻣﻨﻪ
ﻳﻈﻞ ﻫﺬﺍ ﺍﻟﻘﻠﻖ ﺩﻭﻡ . ﻣﻼﺯﻣﻨﻲ ﻓﮕﺪ ﺍﻟﻐﻮﺍﻟﻲ ﺻﻌﺐ ﺣﻴﻞ
ﻳﺎﺭﺏ ﻋﺪﻳﻬﺎ ﻋﻠﻰ ﺧﻴﺮ ﺻﺎﺭ ﻳﺘﺨﻴﻠﻲ ﺻﻮﺭ ﻣﺎﺍﺣﺐ ﺍﺷﻮﻓﻬﺎ ﻛﻠﺸﻲ ﻭﻻ ﻳﻨﺘﻘﻤﻮﻥ ﺑﻮﻟﺪﻱ
ﻭﺻﻠﺖ ﺍﻟﺒﻴﺖ ﻭﺍﻧﻪ ﺍﻓﻜﺮ ﻻﺯﻡ ﺍﻟﮕﺎﻟﻬﻢ ﺣﻞ
ﺍﺣﺴﻬﻢ ﻣﺜﻞ ﺍﻟﻮﺭﻡ ﺍﻟﺨﺒﻴﺚ ﻛﻞ ﻣﺎﻛﻮﻝ ﺧﻠﺼﺖ ﻣﻨﻪ ﺍﻟﻜﺎﻫﻢ ﻫﺎﺟﻤﻴﻦ ﺍﻛﺜﺮ
ﻭﻫﺬﺍ ﺍﻟﻮﺭﻡ ﻣﺎﻟﻪ ﻏﻴﺮ ﺍﻟﮕﺺ ﻣﻦ ﺍﻟﺠﺬﻭﺭ
ﺑﻴﻮﻣﻬﺎ ﻟﻠﺼﺒﺢ ﻣﺎﻧﻤﺖ ﺑﺲ ﻃﻠﻊ ﺧﻴﻂ ﺍﻟﺼﺒﺢ ﻃﻠﻌﺖ ﺑﻮﺟﻬﻲ ﻟﻠﻤﺴﺘﺸﻔﻰ ﻭﺍﺟﺮﺍﺋﺎﺕ ﻃﻮﻳﻠﻪ ﻭﺗﺴﻠﻴﻢ ﻃﺒﻠﻪ ﻭﻫﺎﻟﺴﻮﺍﻟﻒ
ﺍﻟﺤﺪ ﺍﻟﺘﺴﻌﻪ ﺍﻟﺼﺒﺢ ﻳﻠﻠﻪ ﺷﺎﻓﺘﻬﺎ ﺩﻛﺘﻮﺭﻩ ﻭﺳﻤﺤﺘﻠﻬﺎ ﺗﻄﻠﻊ ﺍﺧﻮﺍﻧﻬﺎ ﺭﺍﺟﻌﻴﻦ ﻣﻦ ﺍﻟﻠﻴﻞ ﻣﻤﻨﻮﻉ ﺍﺣﺪ ﻳﺒﺎﺕ ﻏﻴﺮ ﺍﻟﻤﺮﺍﻓﻖ ﻟﻠﻤﺮﻳﺾ
ﻭﺍﻟﺼﺒﺢ ﺩﺭﻭ ﺑﻴﻪ ﻣﻮﺟﻮﺩ ﻣﺎﺍﺟﻮ
ﻃﻠﻌﺖ ﻫﻲ ﻭﺍﻣﻬﺎ ﺍﻟﻈﺎﻫﺮ ﺍﺧﺘﻬﺎ ﻫﻢ ﺭﺍﺟﻌﻪ ﺍﻟﺒﻴﺘﻬﺎ
ﺣﺎﺟﻴﺖ ﻋﻤﺘﻲ ﻭﻋﻴﻨﻲ ﻋﻠﻴﻬﺎ
.. ﻋﻤﻪ ﺍﺧﺬﺟﻦ ﺍﻟﺒﻴﺘﻲ ﺗﺮﺗﺎﺡ ﻫﻨﺎﻙ ﻟﻮ ﻫﻲ ﺷﺘﺮﻳﺪ
ﺩﺭﺕ ﻋﻠﻴﻬﺎ
ﺍﻡ ﻣﺤﻤﺪ ﻭﻳﻦ ﺗﺮﺩﻳﻦ ﺗﺮﺗﺎﺣﻴﻦ
ﺟﺎﻭﺑﺘﻨﻲ ﺑﻨﺒﺮﻩ ﻫﺎﺩﻳﻪ
.. ﻭﻳﺎﻙ ﺍﻟﺒﻴﺘﻨﻪ ﻃﺒﻌﺎ .. ﻣﺎﻫﺮ ﻓﺪﻭﻩ ﺷﺼﺎﺭ ﺍﻟﻬﺎﻱ ﺍﻟﻤﺸﻜﻠﻪ ﺷﻮ ﺍﻧﺖ ﺗﻄﻠﻊ ﻭﺗﺮﻭﺡ ﻭﺗﺮﺟﻊ ﻋﺎﺩﻱ ﻣﺎﺗﺨﺎﻑ ﻻﻳﺼﻴﺮﻟﻚ ﺷﻲ ﻓﺪﻭﻩ ﺗﺮﻯ ﻣﻴﺘﻪ ﺧﻮﻑ ﻣﻦ ﺍﻟﺒﺎﺭﺣﻪ
.. ﻻﺗﺨﺎﻓﻴﻦ ﻣﺎﻛﻮ ﺷﻲ ﻣﺎﻳﻜﺪﺭﻭﻥ ﻳﺴﻮﻭﻥ ﺷﻲ ﻣﻮ ﺧﻴﺮﻳﻦ ﺑﺲ ﻣﺼﻴﺮﻫﻢ ﺑﻴﺪﻱ ﻭﻫﻢ ﻛﻠﻬﺎ ﺿﺪﻫﻢ ﻣﺤﺪ ﺍﻧﻄﺎﻫﻢ ﻣﺠﺎﻝ ﻳﺸﻜﻮﻥ
.. ﺍﻧﺖ ﺷﻠﻮﻥ ﺗﺼﻮﺏ ﺑﺘﻬﻢ ﻭﺍﺑﻨﻬﻢ ﺳﻮﻩ ﻟﻮ ﻛﺎﺗﻠﻬﻢ ﺷﺘﻜﻮﻝ
.. ﺍﺭﺗﺎﺣﻲ ﺍﻧﺘﻲ ﻻﺗﻔﻜﺮﻳﻦ ﺑﻴﻬﻢ ﻳﻄﺒﻬﻢ ﻣﺮﺽ ﻣﻦ ﺍﻳﺪﻫﻢ ﻣﻮ ﺯﻳﻦ ﺍﻟﻠﻪ ﻫﺪﺍﻧﻲ ﻭﺻﻮﺑﺘﻬﻢ ﺍﺻﻮﺍﺏ
......
ﺯﻳﻨﺐ ...
ﺍﻟﺤﺪ ﻃﻠﻌﺘﻲ ﻣﻦ ﺍﻟﻤﺴﺘﺸﻔﻰ ﻭﻫﻮ ﺧﺎﻳﻒ ﻭﻳﺘﺮﻗﺐ ﻋﺒﺎﻟﻪ ﺑﻌﺪﻧﻲ ﺯﻋﻼﻧﻪ ﻋﻠﻴﻪ ﺍﻋﺮﻑ ﻧﻈﺮﺍﺗﻪ ﻣﻦ ﻳﻜﻮﻥ ﻣﺘﺮﻗﺐ ﺷﻲ ﺷﺎﻙ ﺑﻲ ﻣﺎﻳﺪﺭﻱ ﺑﺨﻮﻓﻲ ﻭﺍﻟﺒﻴﻪ
ﻳﻮﻡ ﻛﺎﻣﻞ ﺍﻧﻪ ﻗﻠﻘﻪ ﻣﻦ ﺍﻟﺘﻠﻴﻔﻮﻥ ﺑﺲ ﻛﺎﻟﻮ ﻣﺸﻜﻠﻪ ﻋﺪ ﻭﺍﺣﺪ ﻣﻦ ﻋﻤﺎﻣﻬﻢ ﻭﺣﺴﻴﻦ ﺭﺍﻳﺪ ﻭﺳﺎﻡ ﺑﺸﻐﻠﻪ ﻳﺪﻟﻲ ﻉ ﻧﺎﺱ ﻳﻌﺮﻓﻬﻢ
ﻣﺎﻣﺸﺖ ﻋﻠﻴﻪ ﺍﻋﺬﺍﺭﻫﻢ ﻭﺍﻧﻪ ﺍﻓﻜﺮ ﻟﻴﺶ ﻫﻴﺞ ﻣﺨﺒﻮﺻﻴﻦ ﻭﺷﻠﻬﻢ ﻏﺮﺽ ﺑﻌﻤﺎﻡ ﺣﺴﻴﻦ ﻭﻣﺎﻫﺮ
ﺍﻟﺤﺪ ﺍﻟﻤﻐﺮﺏ ﺻﺎﺭﺕ ﻋﻨﺪﻱ ﺩﻭﺧﻪ ﻗﻮﻳﻪ ﻣﺎﻫﺮ ﻣﺎﻛﻮ ﻣﺎﺧﺎﺑﺮ ﻭﻻ ﻧﻔﺴﻲ ﺗﺨﻠﻴﻨﻲ ﺍﺗﻨﺎﺯﻝ ﻭﺍﺧﺎﺑﺮ
ﺷﻠﻮﻥ ﻫﺴﻪ ﺍﺧﺎﺑﺮ ﺳﺮﻭﺭ ﺍﺣﺴﻦ
ﺍﺧﺬﺕ ﺗﻠﻴﻔﻮﻧﻲ ﺍﺧﺎﺑﺮ ﺳﺮﻭﺭ ﺩﻙ ﻣﺮﺗﻴﻦ ﻭﻣﺎﻛﻮ ﺭﺩ
ﻻﺯﻡ ﺗﺼﻠﻲ ﻫﺴﻪ ﻭﻛﺖ ﺻﻼﺗﻬﺎ ﻭﺗﺘﺎﺧﺮ ﺗﻘﺮﺍ ﻗﺮﺁﻥ ﻟﻠﻤﺮﺣﻮﻡ
ﺍﻧﻲ ﻫﻢ ﺭﺣﺖ ﺍﺗﻮﺿﻴﺖ ﻭﻛﻠﺖ ﺍﺻﻠﻲ ﻭﺍﺭﺗﺎﺡ ﻣﺎﺩﺍﻡ ﺍﻟﺠﻬﺎﻝ ﻳﻤﻬﻢ ﺍﻣﻲ ﻭﺍﺑﻮﻱ ﻫﻤﻪ ﻳﺤﺒﻮﻧﻪ ﻭﺩﻭﻣﻬﻢ ﻳﻤﻪ
ﻭﺻﻴﺖ ﺍﻣﻲ ﻭﺭﺣﺖ ﺍﺻﻠﻲ ﻭﻛﺘﻠﻬﺎ ﺍﻧﻮﺏ ﺍﻧﺎﻡ ﻟﺤﺪ ﻳﻜﻌﺪﻧﻲ
ﺧﻠﺼﺖ ﺻﻼﻩ ﻭﺣﺎﻭﻟﺖ ﺍﻧﺎﻡ ﻣﺎﻛﺪﺭﺕ
ﻃﻠﻌﺖ ﺍﻛﻌﺪ ﻳﻤﻬﻢ ﺍﺣﺴﻦ
ﺳﻤﻌﺖ ﺍﻣﻲ ﺗﺴﻮﻟﻒ ﻭﻱ ﺍﺑﻮﻱ ﺗﻜﻠﻪ
.. ﺍﺩﺭﻱ ﻫﻮ ﻣﺎﻫﺮ ﺍﻻ ﻳﺼﻮﺏ ﺍﻟﺒﻨﺖ ﻭﺍﺧﻮﻫﺎ ﺷﺮﺍﺡ ﻳﻔﻀﻬﺎ ﺷﻠﻮﻥ ﺗﺨﻠﺺ ﺳﺎﻟﻔﺘﻪ ﻫﺎﻱ ﻭﻫﺎﻱ ﺍﻟﻤﮕﺮﻭﺩﻩ ﻟﻮ ﺩﺭﺕ ﺷﻴﺼﻴﺮ ﺑﻴﻬﺎ ﻭﻫﻲ ﻭﺣﺪﻫﺎ ﺗﻨﻮﻧﻲ ﺑﺪﻭﻥ ﻫﺒﻄﺎﺕ
ﺟﺎﻭﺑﻬﺎ ﺍﺑﻮﻱ ﻣﻦ ﺻﻮﺗﻪ ﻣﺒﻴﻴﻦ ﺧﺎﻳﻒ ﻭﻳﻔﻜﺮ ﺷﺮﺍﺡ ﻳﺼﻴﺮ
.. ﻭﺭﻁ ﺭﻭﺣﻪ ﺑﻴﻬﻢ ﻣﻮ ﺯﻳﻦ ﻣﺎﻛﺘﻠﻬﻢ ﻣﻮﺕ ﻫﻢ ﺍﻟﺤﻤﺪﻟﻠﻪ ﺻﻮﺍﺏ ﺍﻧﻪ ﻣﺎﺭﺿﻴﺖ ﺑﻔﻌﻠﺘﻪ ﺑﺲ ﺑﻴﻨﻲ ﻭﺑﻴﻨﺞ ﺳﺒﻊ ﻭﺍﺧﻮ ﺧﻴﺘﻪ ﻭﻫﻢ ﻳﺴﺘﺎﻫﻠﻮﻥ ﻳﺮﺩﻭﻥ ﻳﻮﺭﻃﻮﻧﻪ ﺑﻄﻼﺑﻪ ﻭﻋﺎﺭ ﻣﺎﻳﺨﻠﺺ ﻣﻨﻬﺎ ﻭﺣﺘﻰ ﺍﻟﻜﺮﻳﺐ ﻛﺒﻞ ﺍﻟﺒﻌﻴﺪ ﻳﻠﻮﻣﻪ ﺍﻧﻪ ﻣﻦ ﺍﻟﻨﺎﺱ ﺍﻟﻠﻪ ﺍﻟﻴﻌﻠﻢ ﺷﺴﻮﻱ ﻳﺠﻮﺯ ﻣﺎﺍﺧﻠﻲ ﺑﻨﺘﻲ ﻳﻤﻪ ﺑﻌﺪ ﻟﻮ ﻣﺎﺷﻴﻪ ﻋﻠﻲ ﺳﺎﻟﻔﺘﻬﻢ
ﻭﻫﺴﻪ ﺷﻴﺴﻮﻭﻥ ﺍﻟﺒﻨﻴﻪ ﻭﺍﺧﻮﻫﺎ ﺧﻮﻭ ﻣﺎﻳﺸﺘﻜﻮﻥ
.. ﻣﺎﺍﺩﺭﻱ ﺷﻠﻮﻥ ﺗﻔﺾ ﺑﺲ ﺍﻟﺤﻤﺪﻟﻠﻪ ﺧﻠﺺ ﻣﻦ ﺷﺪﺗﻬﺎ ﻭﻫﻲ ﺣﻴﻠﺘﻬﻢ ﻭﻏﺪﺭﻫﻢ ﻟﻮ ﻣﺎﻣﺴﺘﺨﺪﻡ ﺍﺳﻼﺣﻪ ﻫﺎﻱ ﻏﻠﻄﺘﻪ ﺍﻟﺴﻼﺡ ﻛﺪ ﻣﺎﻳﻔﻴﺪ ﻳﻀﺮ
ﻭﻛﻔﺖ ﺍﺑﺎﺑﻬﻢ ﻭﺍﻧﻪ ﺍﺟﻤﻊ ﺍﻟﻜﻠﻤﺎﺕ ﺍﺣﺲ ﻋﻘﻠﻲ ﺷﻮﺵ
ﺣﺎﺟﻴﺖ ﺍﻣﻲ
.. ﻳﻤﻪ ﻳﺎﻣﺎﻫﺮ ﺷﺒﻲ ﻣﺼﻮﺏ ﻳﺎﺑﻨﻴﻪ ﻳﺎﻭﻟﺪ ﻳﺎﺳﻼﺡ ﻋﻠﻴﻤﻦ ﺗﺴﻮﻟﻔﻮﻥ
.. ﻳﺎﺍ ﻳﻤﻪ ﻻﺗﺨﺎﻓﻴﻦ ﺍﻭﻻﺩ ﻋﻤﻪ ﺭﺍﺩﻭ ﻳﺬﺑﻮﻧﻪ ﺑﻄﺮﻛﺎﻋﻪ ﻭﺍﻟﻠﻪ ﻧﺠﺎﻩ ﺍﺩﻋﻴﻠﻪ ﺍﻟﻠﻪ ﻳﻔﻜﻪ ﻭﻳﺨﻠﺺ ﻣﻦ ﺳﺎﻟﻔﺔ ﺍﺻﻮﺍﺑﻬﻢ
ﺳﻤﻌﺖ ﺣﺠﻴﻬﺎ ﻭﺷﻔﺖ ﺍﺑﻮﻱ ﺻﺎﺣﻨﻲ ﻳﻤﻪ ﻣﺎﺍﺳﻤﻊ ﺻﻮﺗﻪ ﺑﺲ ﺍﺷﻮﻓﻪ ﻳﺎﺷﺮﻟﻲ ﺍﺟﻲ ﺍﻛﻌﺪ ﺑﺼﻔﻪ ﺷﻮﻳﻪ ﺷﻮﻳﻪ ﺻﺎﺭ ﻇﻼﻡ
ﻃﺤﺖ ﻭﺍﻟﻈﺎﻫﺮ ﻃﻴﺤﺘﻲ ﺻﺎﻳﺮﻩ ﻋﻠﻰ ﺣﺎﻓﺔ ﺍﻟﺒﺎﺏ ﻭﻇﻬﺮﻱ ﻫﻢ ﻣﺘﺄﺫﻱ
ﻣﻦ ﺻﺤﻮﻧﻲ ﻭﮔﻌﺪﺕ ﺣﺴﻴﺖ ﻧﺰﻝ ﻋﻠﻴﻪ ﺷﻲ ﻭﺻﺎﺭ ﻋﻨﺪﻱ ﻭﺟﻊ ﻗﻮﻱ ﺍﺧﺬﻭﻧﻲ ﻟﻠﻤﺴﺘﺸﻔﻰ ﻭﻫﻨﺎﻙ ﺍﻟﻄﺒﻴﺒﻪ ﮔﺎﻟﺖ ﻣﺎﺗﻄﻠﻊ ﻻﻥ ﺣﻤﻠﻬﺎ ﻣﻬﺪﺩ
ﺍﻟﻮﻛﻌﻪ ﻣﻮ ﻫﻴﺞ ﻗﻮﻳﻪ ﺑﺲ ﻳﻤﻜﻦ ﻣﻦ ﺍﻟﺮﻋﺒﻪ ﺻﺎﺭ ﻋﻨﺪﻱ ﺍﻟﻢ
ﺍﻟﻜﻞ ﺍﻟﺘﻬﻮ ﺑﻴﻪ ﻭﺍﻧﻪ ﺑﺎﻟﻲ ﻳﻢ ﻣﺎﻫﺮ ﺍﺭﻳﺪ ﺍﺳﺄﻟﻬﻢ ﻣﺎﺍﻛﺪﺭ ﺧﻮﻓﻲ ﻭﺍﻟﻢ ﺑﻄﻨﻲ ﻭﻇﻬﺮﻱ ﻣﺎﻧﻌﻨﻲ
ﺑﻌﺪ ﺳﺎﻋﻪ ﻣﺎﻧﺰﻝ ﺷﻲ ﺑﺲ ﺗﺠﻴﻨﻲ ﻟﻮﻳﺎﺕ ﺍﺧﺬﺕ ﻋﻼﺝ
ﻭﺍﺻﺮﺕ ﺍﻟﻄﺒﻴﺒﻪ ﺗﺴﻮﻱ ﺭﺑﻂ
ﻣﻦ ﻃﻠﻌﺖ ﻭﺷﻔﺘﻪ ﻳﻤﻲ ﻭﺷﻠﻮﻥ ﺧﺎﻳﻒ ﻋﻠﻴﻪ ﺍﺗﻤﻨﻴﺖ ﺍﻛﺪﺭ ﺍﺳﺄﻟﻪ ﻭﺍﺭﻳﺢ ﺑﺎﻟﻲ ﻭﺍﺯﻳﻞ ﺧﻮﻓﻲ ﻋﻠﻴﻪ ﺍﻧﻪ ﺧﻮﻓﻲ ﻋﻠﻴﻪ ﺍﻛﺜﺮ
ﺩﻧﻚ ﻋﻠﻴﻪ ﻭﺣﺎﺟﺎﻧﻲ ﻣﻦ ﻃﻠﻊ ﺩﻣﻮﻋﻲ ﺻﺎﺭﺕ ﺗﻨﺰﻝ ﻏﺼﺐ
ﺳﺎﻟﺖ ﺍﻣﻲ ﻉ ﺟﻬﺎﻟﻲ ﻛﺎﻟﺖ ﻋﻨﺪ ﺍﺑﻮﻫﻢ
ﻇﻠﻴﺖ ﺍﻟﺤﺪ ﻫﺴﻪ ﺑﺸﻮﻓﺘﻪ ﻛﺒﺎﻟﻲ ﻳﻠﻠﻪ ﺍﺭﺗﺎﺣﻴﺖ ﻭﺑﻌﺪ ﺧﻮﻓﻲ ﻋﻠﻴﻪ ﻧﻔﺴﻪ ﻭﺍﻛﺜﺮ ﺣﺴﻴﺘﻪ ﻣﺎﻣﻬﺘﻢ ﻭﻻ ﻣﻨﺘﺒﻪ ﺍﻟﺮﻭﺣﻪ ﻭﻫﻢ ﻏﺪﺍﺭﻳﻦ ﻳﺨﻮﻓﻮﻥ
ﻇﻠﺖ ﺑﻜﻠﺒﻲ ﻟﻴﺶ ﺑﺖ ﻋﻤﻪ ﻣﺼﻮﺑﻬﺎ ﻭﺷﺠﺎﺑﻬﻢ ﻳﻤﻨﻪ ﺍﻣﻲ ﻣﺎﺣﺠﺘﻠﻲ ﻛﻠﺸﻲ ﻛﻞ ﻣﺎﺍﺳﺄﻟﻬﺎ ﺗﻜﻠﻲ ﺣﻴﺮﻱ ﺑﺮﻭﺣﺞ ﻫﺴﻪ
ﻭﺻﻠﻨﻪ ﻟﻠﺒﻴﺖ
ﺧﻄﻴﻪ ﻋﻤﺘﻲ ﺑﺎﻟﻬﺎ ﻳﻤﻲ ﻭﻣﺒﻴﻨﻪ ﻫﻲ ﻫﻢ ﺧﺎﻳﻔﻪ ﻭﺳﺮﻭﺭ ﻫﻢ
ﺻﺤﺘﻬﺎ ﻳﻤﻲ ﺑﻌﺪ ﻣﺎ ﻣﺎﻫﺮ ﻃﻠﻊ ﻭﺍﻣﻲ ﺍﺻﺮﺕ ﻳﻮﺻﻠﻬﺎ ﻛﺎﻟﺘﻠﻪ ﻣﺎﺍﻛﺪﺭ ﺍﺑﻘﻰ ﺑﻌﺪ ﺍﺑﻮﻫﺎ ﺧﻄﻴﻪ ﻭﺑﺎﻟﻪ ﻳﻤﻬﺎ
ﺣﺎﺟﻴﺘﻬﺎ ﻟﻴﺶ ﻛﻞ ﺷﻮﻳﻪ ﻳﻄﻠﻊ ﻣﺎﻫﺮ
ﻛﺎﻟﺖ ﻭﺍﻟﻠﻪ ﻛﻠﻨﺎﻟﻪ ﻳﻜﻮﻝ ﻣﺎﻛﻮ ﺷﻲ ﺑﺲ ﺍﻟﻜﻌﺪﻩ ﺍﻟﻴﻮﻡ ﺍﻟﻌﺼﺮ ﺗﻔﺾ ﺍﻥ ﺷﺎﺀﺍﻟﻠﻪ
ﺣﺴﻴﻦ ﻳﻜﻮﻝ ﺑﻌﺪ ﻣﺎﻳﻈﻠﻮﻥ ﻫﻨﺎ ﻳﻄﻠﻌﻮﻥ ﻣﻦ ﺍﻟﻤﺤﺎﻓﻈﻪ ﻛﻠﻬﺎ ﻭﻳﺘﻌﻤﻢ ﻛﺴﺮﻫﻢ ﻋﻠﻰ ﻛﻞ ﺍﻟﻌﺸﺎﻳﺮ ﺍﻟﺘﻨﺘﻤﻲ ﻟﻠﻘﺒﻴﻠﻪ ﻣﺎﻟﺘﻨﻪ
ﺍﺣﺲ ﻛﻞ ﻫﺬﺍ ﺍﻟﺤﺠﻲ ﻣﺎﻳﺒﺪﺩ ﺧﻮﻓﻲ ﻭﻻ ﻳﺮﻳﺢ ﻛﻠﺒﻲ
ﺳﺎﻋﻪ ﻣﺮﺕ ﻭﺳﻤﻌﺖ ﺻﻮﺗﻪ ﺻﺎﺡ ﺳﺮﻭﺭ
ﺭﺍﺣﺘﻠﻪ
ﺣﺴﻴﺖ ﺍﻟﺒﺎﺏ ﺍﻧﻔﺘﺢ
ﻓﺮﺣﺖ ﺑﻄﺒﺘﻪ ﻋﻠﻴﻪ ﺍﺗﻤﻨﻰ ﻃﻮﻟﻚ ﻫﺬﺍ ﻣﺎﻳﻔﺎﺭﮔﻨﻲ ﻭﻻ ﺗﻔﺎﺭﻛﻨﻲ ﺍﻟﻔﺮﺣﻪ ﺍﻻﺣﺲ ﺑﻴﻬﺎ ﻟﻮ ﻃﺒﻴﺖ ﻋﻠﻴﻪ ﻭﻉ ﺟﻬﺎﻟﻚ
ﺍﺗﻘﺪﻡ ﻋﻠﻴﻪ ﺑﺎﺳﻨﻲ
.. ﺑﻌﺪﺝ ﺯﻋﻼﻧﻪ ﺣﺒﻴﺒﻪ؟ ﺭﻭﺡ ﻣﺎﻫﺮ ﻭﮔﻠﺒﻪ ﻫﻮ ﻳﻜﺪﺭ ﻳﺸﻮﻑ ﻏﻴﺮﺝ ﺍﻧﻪ ﺑﻴﻪ ﻣﺼﺎﻳﺐ ﺍﻟﺪﻧﻴﺎ ﻛﻠﻬﺎ ﻭﻋﻠﺔ ﮔﻠﺒﻲ ﺗﺪﻟﻞ ﻋﻠﻲ
ﺍﺑﺘﺴﻤﺖ ﻭﻳﺎﻫﺎ ﺩﻣﻮﻋﻲ ﻧﺰﻟﺖ
.. ﺍﻧﻲ ﻟﻮ ﻣﺎﺍﺣﺒﻚ ﻭﺭﻭﺣﻲ ﻣﻌﻠﮕﻪ ﺑﻴﻚ ﺍﻫﺘﻤﻠﻚ ﺍﺭﻳﺪﻙ ﺍﻟﻲ ﻭﺑﺲ ﺍﻟﻲ ﻭﺍﻟﺠﻬﺎﻟﻲ ﻟﻮ ﻣﺘﺖ ﺷﺘﺮﻳﺪ ﺗﺴﻮﻱ ﺳﻮﻱ
ﻻﺗﺠﻴﺒﻴﻦ ﻃﺎﺭﻱ ﺍﻟﻤﻮﺕ ﺑﻌﻴﺪ ﻋﻨﺞ ﻭﻳﻦ ﻣﻮﻟﻲ ﺍﻧﻪ ﺍﻟﺞ ﻭﻳﻤﺞ ﻭﻣﺎﺍﺻﻴﺮ ﺍﻟﻐﻴﺮﺝ ﻭﺍﻟﻠﻪ ﺑﺲ ﺍﺭﺣﻤﻴﻨﻲ ﻭﺍﺭﺣﻤﻲ ﺭﻭﺣﺞ ﺍﻟﻐﻴﺮﻩ ﺍﺗﻌﺒﺞ ﺍﻧﺘﻲ ﺗﺪﺭﻳﻦ ﻃﻼﻳﺒﻲ ﺑﺼﻔﺤﻪ ﻭﺑﺎﻟﻲ ﻳﻤﺞ ﻭﺧﻮﻓﻲ ﻋﻠﻴﺞ ﺑﺼﻔﺤﻪ
ﻟﻴﺶ ﻓﻘﺮ ﺩﻡ ﻫﻴﺞ ﻋﻨﺪﺝ ﻭﺍﻟﻬﺒﻮﻁ ﻫﺬﺍ ﻋﻠﻴﻤﻦ ﻳﺎﻫﻮ ﻳﺴﻮﻯ ﻻﺗﺎﻛﻠﻴﻦ ﻭﻻﺗﺸﺮﺑﻴﻦ ﻭﺗﻠﺘﻬﻴﻦ ﺑﻬﺎﻱ ﺍﻓﻜﺎﺭﺝ ﻭﺍﻟﻠﻪ ﺍﻧﺘﻲ ﺍﺗﻌﺒﻴﻦ ﺍﻧﻪ ﺍﻓﺮﺡ ﺑﻐﻴﺮﺗﺞ ﻭﺑﻤﺤﺒﺘﺞ ﺑﺲ ﺍﺿﻮﺝ ﻣﻦ ﺗﺘﻬﻤﻴﻨﻲ ﺭﺍﺳﺎ ﺑﺪﻭﻥ ﻣﺎﺗﺤﺴﻴﻦ ﻭﻣﺎﺗﺤﺴﺒﻴﻦ ﺣﺴﺎﺏ ﺍﻟﺸﺨﺼﻲ
ﺍﻧﻪ ﺗﺸﻮﻓﻴﻨﻲ ﻫﻴﺞ ﻣﻦ ﻫﺎﻱ ﺍﻟﺸﺒﺎﺏ ﺍﻟﺘﻬﺘﻢ ﺍﻟﻬﺎﻱ ﺍﻟﺴﻮﺍﻟﻒ ﻭﺩﺍﻋﺔ ﺍﻭﻻﺩﻱ ﺑﻌﻴﺪ ﻋﻨﻬﺎ ﻛﻠﺶ ﺍﻟﻠﻪ ﻳﺪﺭﻱ ﻭﺭﺯﻗﻨﻲ ﺑﻴﺞ ﻻﺗﺨﺎﻓﻴﻦ ﻣﻦ ﺷﻲ ﺍﺑﺪ ﻫﺎﻱ ﻛﻞ ﻣﺮﻩ ﺍﻋﻴﺪﻫﺎ
.. ﻣﻮ ﺑﻴﺪﻱ ﺍﻧﺖ ﻫﻢ ﺍﺗﺤﻤﻠﻨﻲ .. ﻋﻮﻓﻚ ﻣﻦ ﻫﺎﻱ ﺍﻟﺴﺎﻟﻔﻪ ﺑﺖ ﻋﻤﻚ ﺷﺠﺎﺑﻬﺎ ﻫﻨﺎ
ﺣﻚ ﻟﺤﻴﺘﻪ ﻭﺿﺤﻚ ﺍﻭﻝ ﻣﺮﻩ ﺍﺷﻮﻓﻪ ﻫﻴﺞ ﻳﻀﺤﻚ
.. ﺍﺳﻮﻟﻒ؟ ﺍﺳﻮﻟﻒ ﺍﻟﻲ ﺍﻻﻣﺎﻥ ﻟﻮ ﺗﺘﺴﻮﺩﻧﻴﻦ ﻋﻠﻴﻪ
.. ﻋﺰﺯﻩ ﻳﻌﻨﻲ ﻭﺭﺍﻙ ﺷﻲ ﺑﺲ ﻻﻋﻨﺪﻙ ﺷﻲ ﻭﻳﺎﻫﺎ ﻭﺍﺧﻮﻫﺎ ﻛﺸﻔﻜﻢ ﻭﺍﻧﺖ ﺍﻧﺘﻘﻤﺖ ﻣﻨﻬﻢ ﻷﻥ ﻛﺸﻔﻮﻙ
.. ﺍﻱ ﺍﻱ ﺑﻌﺪ ﺳﻮﻳﻠﻲ ﻓﻠﻢ ﺧﻠﻬﻢ ﻳﺴﻤﻌﻮﻧﺞ ﺣﺘﻰ ﻳﻔﺮﻭﻥ ﺍﻟﺴﺎﻟﻔﻪ ﻋﻠﻴﻪ ﺑﺸﻬﺎﺩﻩ ﻣﻨﺞ ﺑﻌﺪ ﭼﺎ ﺻﺎﺭ ﺳﺎﻋﻪ ﺷﻠﻐﻲ ﺍﻧﻪ
ﻣﻮ ﻫﻴﺞ ﺍﻧﻪ ﺍﻓﻬﻤﺞ ﺑﺲ ﺍﺗﺬﻛﺮﻱ ﺍﺑﻄﻨﺞ ﺍﺛﻨﻴﻦ ﻛﻮﻩ ﻧﺮﻳﺪﻫﻢ ﻳﺜﺒﺘﻮﻥ ﻫﺎﻟﻠﻪ ﻫﺎﻟﻠﻪ ﺑﻴﻬﻢ ﻭﺑﺮﻭﺣﺞ
ﺣﭽﺎﻟﻲ ﺍﻟﺴﺎﻟﻔﻪ ﻛﻠﻬﺎ ﺧﺘﻤﺘﻬﺎ ﺑﺰﻋﻠﻪ
.. ﻛﻞ ﻫﺬﺍ ﺻﺎﻳﺮ ﻭﻛﻞ ﻫﺎﻟﺤﭽﻲ ﻭﻣﻦ ﺣﺎﺟﻴﺘﻚ ﺗﮕﻠﻲ ﺳﻮﺍﺩﻳﻨﺞ ﻭﺍﻋﻘﻠﻲ ﻳﻌﻨﻲ ﺍﺣﺴﺎﺳﻲ ﺑﻤﺤﻠﻪ ﻭﻣﻮ ﻣﺘﻮﻫﻤﻪ ﻣﺜﻞ ﻣﺎﮔﻠﺖ ﺷﻮﻑ ﻣﻦ ﺍﮔﻠﻚ ﺍﻧﻪ ﺍﺣﺲ ﺑﻴﻚ ﺗﮕﻠﻲ ﻻ
ﺍﺣﭽﻲ ﻭﻣﻨﻔﻌﻠﻪ ﻭﺍﺣﺲ ﻧﺎﺭ ﺑﮕﻠﺒﻲ ﺷﻠﻮﻥ ﻳﺤﭽﻲ ﻭﻳﺎﻫﺎ
ﭼﺘﻒ ﺍﺩﻳﻨﻲ ﺑﺤﻀﻨﻪ ﻭﺑﺎﺱ ﺭﮔﺒﺘﻲ
.. ﻭﻟﭻ ﭼﺎ ﺷﻠﻮﻥ ﺍﻋﺮﻑ ﺷﻜﻲ ﺑﻤﺤﻠﻪ ﻟﻮ ﻻ ﻳﺎﺑﻌﺪ ﻋﻤﺮﻱ .. ﺍﻓﻴﺶ ﻫﺴﻪ ﺭﺩﺕ ﺭﻭﺣﻲ ﻣﻦ ﺷﻤﻴﺖ ﻫﺎﻟﺮﮔﺒﻪ ﻳﺮﺑﻲ ﺗﻼﻟﻲ ﻣﻮ ﺭﮔﺒﻪ ﻳﻨﺸﺎﻑ ﻣﻨﻬﺎ ﺍﻟﻤﺎﻱ
ﻣﻴﻠﺖ ﺭﮔﺒﺘﻲ ﻭﺿﺤﻜﺖ ﺍﻟﻴﺴﻤﻌﻚ ﻳﮕﻮﻝ ﺑﻴﻀﻪ
.. ﺍﺣﻠﻰ ﻣﻦ ﺍﻟﺒﻴﺾ ﻭﺍﻟﻠﻪ ﺍﻛﻮ ﺍﺣﻠﻰ ﻣﻦ ﻟﻮﻧﺞ ﺣﻨﻄﻴﻪ ﺗﺨﺒﻠﻴﻦ
ﺗﻨﻬﺪ ﻭﻛﻤﻞ ﻛﻼﻣﻪ
ﺯﻧﻮﺑﻪ ﻭﺍﻟﻠﻪ ﻟﻮ ﻣﺎﻣﺴﻮﻱ ﻫﻴﺞ ﭼﺎ ﻣﺎﻛﺸﻔﺘﻬﻢ
.. ﻟﻴﺶ ﻣﺎﺗﻌﺘﺒﺮﻧﻲ ﺻﺪﻳﻘﻪ ﻭﺗﺴﻮﻟﻔﻠﻲ ﻛﻠﺸﻲ
.. ﺧﻮﺵ ﺣﺘﻰ ﺍﻟﻐﺮﻓﻪ ﺗﺘﺤﻮﻝ ﺍﻟﺴﺎﺣﺔ ﻣﻌﺮﻛﻪ
ﺍﻧﺘﻲ ﻣﺎﺗﻌﺮﻓﻴﻦ ﺗﺼﺎﺩﻗﻴﻦ ﺗﻌﺮﻓﻴﻦ ﺗﺤﺒﻴﻦ ﻭﺑﺲ ﻭﺣﺒﭻ ﻫﺬﺍ ﻳﻜﻔﻴﻨﻲ
……
ﺣﺴﻴﻦ …
ﭼﻨﺖ ﻧﺎﻭﻱ ﺗﺤﻀﺮ ﻟﻠﻌﺮﺱ ﻭﺍﻧﺸﻐﻠﻨﻪ ﺑﻬﺎﻱ ﺍﻟﺴﺎﻟﻔﻪ
ﺛﺎﻧﻲ ﻳﻮﻡ ﺍﻟﺼﻮﺑﻬﻢ ﻣﺎﻫﺮ ﺻﺎﺭﺕ ﮔﻌﺪﻩ ﺑﺪﻳﻮﺍﻥ ﺍﺑﻮﻱ ﺟﻤﻌﺖ ﺑﺲ ﺍﻟﻌﻤﺎﻡ ﻭﺍﺑﻮ ﻋﻠﻲ ﻣﻮﺟﻮﺩ ﻣﺎﻫﺮ ﺣﭽﻪ ﻛﻠﺸﻲ ﻭﭼﺎﻧﺖ ﻋﻨﺪﻩ ﺍﺩﻟﻪ ﻭﺭﺳﺎﺋﻞ ﺷﻮﻓﻬﻦ ﺍﻻﺧﻮﻫﻢ ﻋﻠﻲ
ﺣﺴﻴﺖ ﺍﺑﻮ ﻋﻠﻲ ﺷﻮﻳﻪ ﻭﻳﻨﺠﻠﻂ ﻭﻋﻠﻲ ﭼﺎﻥ ﺣﻴﻞ ﻣﻜﺴﻮﺭ ﺍﻟﻈﺎﻫﺮ ﻣﺨﻄﻄﻴﻦ ﻭﺣﺪﻫﻢ
ﺻﺎﺭ ﺍﻟﻘﺮﺍﺭ ﺣﺴﺐ ﻃﻠﺐ ﻣﺎﻫﺮ ﻭﻣﻮﺍﻓﻘﺔ ﺍﺑﻮﻱ ﻳﺠﻠﻮﻥ ﻣﻦ ﺍﻟﻤﺤﺎﻓﻈﻪ ﻛﻠﻬﺎ ﻭﺗﻨﻤﻨﻊ ﻋﻠﻴﻬﻢ ﻃﺒﺘﻬﺎ ﻭﻛﺴﺮ ﻣﻦ ﺍﻟﻌﺸﻴﺮﻩ ﻳﺘﻌﻤﻢ ﺍﻟﺒﺎﻗﻲ ﺍﻟﻌﺸﺎﻳﺮ ﺍﻟﻲ ﻣﻦ ﻗﺒﻴﻠﺘﻨﻪ ﻭﺍﻫﺪﺍﺭ ﺩﻣﻬﻢ ﻟﻮ ﻭﺍﺣﺪ ﻣﻨﻬﻢ ﻃﺐ ﻫﻨﺎ ﻟﻠﻤﺤﺎﻓﻈﻪ ﻣﺤﺪ ﻳﻄﺎﻟﺐ ﺑﺪﻣﻪ
ﻫﺬﺍ ﺟﺎﻥ ﻃﻠﺐ ﻣﺎﻫﺮ ﻭﻫﻮ ﺷﻲ ﺭﻭﺗﻴﻨﻲ ﺍﻟﻄﻠﻌﺘﻬﻢ ﻣﻨﺎ
ﻗﺒﻠﻮ ﻳﻨﻔﺬﻭﻥ ﺍﻟﺸﺮﻁ ﺑﺲ ﺍﻻﺳﺒﺎﺏ ﻣﺎﺗﻨﺤﺠﻲ ﺍﻟﺒﺎﻗﻲ ﺍﻟﻌﺸﺎﻳﺮ
ﻟﻮ ﻛﻌﺪﻭ ﺛﺎﻧﻲ ﻳﻮﻡ ﻭﺻﺎﺭﺕ ﺍﻟﻜﻌﺪﻩ ﺍﺗﻌﻤﻢ ﺍﻟﻘﺮﺍﺭ
ﻭﺍﻧﺤﻠﺖ ﺍﻟﻄﻼﺑﻪ ﺭﻏﻢ ﺷﺪﺗﻬﺎ
ﺑﻄﻠﻌﺔ ﻣﺎﻫﺮ ﻣﻦ ﺩﻳﻮﺍﻧﻪ ﺣﺎﺟﺎﻧﻲ
.. ﺍﺑﻮ ﻋﻠﻲ ﺷﺪ ﺍﻟﻬﻤﻪ ﻭﺍﺳﺘﻌﺠﻞ ﺑﻌﺪ ﻣﺎﻟﻚ ﻋﺬﺭ
.. ﺷﺴﺎﻟﻔﺘﻚ ﻳﺨﻮﻱ ﺍﺳﺘﻌﺠﻞ ﻭﺍﺳﺘﻌﺠﻞ ﮔﺎﻋﺪ ﻋﻠﻰ ﮔﻠﺒﻚ ﻣﺎﺗﻜﻠﻲ ﺷﻮ ﻗﻠﻘﺘﻨﻲ ﺍﻛﻮ ﺷﻲ
.. ﻣﺎﻛﻮ ﺷﻲ ﻋﺎﻳﺰﻙ ﺗﻈﻞ ﺑﻌﺪ ﺷﺘﺼﻴﺮ ﺑﻌﺪ ﺷﻜﺒﺮﻙ ﺷﻮ ﺍﺣﺴﻚ ﺧﺎﻳﻒ ﻣﻦ ﺍﻟﻌﺮﺱ ﺷﻌﻨﺪﻙ
ﺿﺤﻜﺖ ﻭﺟﺎﻭﺑﺘﻪ
.. ﺍﻧﻪ ﺍﺧﺎﻑ ﺍﻓﺎ ﺑﺲ ﺧﻮﻓﻲ ﻣﻨﻚ ﺍﺣﺲ ﻭﺭﺍﻙ ﺳﺎﻟﻔﻪ
.. ﻣﺎﻋﻨﺪﻱ ﺳﻮﺍﻟﻒ ﺍﻧﻪ ﺧﻠﺼﺖ ﻫﺎﻱ ﺑﻌﺪ ﺍﺭﻳﺪ ﺍﻛﻌﺪ ﺍﺣﺲ ﺭﻭﺣﻲ ﺷﺎﺏ ﻓﺎﺭﻍ ﻭﻳﺴﺨﺖ ﻣﺎﻋﻨﺪﻱ ﺍﻫﺘﻤﺎﻡ ﻣﺘﻤﻨﻲ ﺍﻋﻴﺶ ﻫﻴﺞ ﻳﻮﻡ ﻭﺍﺣﺪ ﺑﺲ .. ﺍﻧﻪ ﺍﻟﺨﺎﻃﺮﻙ ﺍﺣﺴﻦ ﺍﻟﻚ ﻭﺍﻟﻬﺎ ﻟﻮ ﻃﻮﻟﺖ ﺗﺨﺮﺏ ﺍﻫﻠﻨﻪ ﻣﻮ ﻫﻴﺞ ﻳﻜﻮﻟﻮﻥ
.. ﺻﺢ ﻭﺍﻟﻠﻪ ﻻ ﻫﺎﻱ ﻫﻲ ﻉ ﺍﻟﻤﻮﻋﺪ ﺍﻛﻮ ﻏﻴﺮ ﻃﻼﻳﺒﻚ ﺍﻟﻌﻄﻠﺘﻨﻲ ﺩﻭﻣﻨﻲ ﻣﺒﺘﻠﻲ ﺑﻴﻚ
ﭼﺎﻥ ﻓﺎﺗﺢ ﺑﺎﺏ ﺳﻴﺎﺭﺗﻪ ﻳﺮﻳﺪ ﻳﺼﻌﺪ ﺿﺤﻚ ﻭﺍﻟﺘﻔﺘﻠﻲ
.. ﺷﺘﺴﻮﻱ ﺍﻟﺤﺎﻳﻂ ﻋﻠﻴﻤﻦ ﻳﻄﻴﺢ
.. ﻋﻠﻰ ﺍﻫﻠﻪ ﻫﻬﻬﻬﻪ .
ﺑﻴﻮﻣﻬﺎ ﺣﺎﺟﻴﺖ ﺍﻫﻠﻲ ﻭﻛﺘﻠﻬﻢ ﺍﻛﻌﺪ ﺑﻐﺮﻓﺘﻲ ﻓﻮﻙ ﺑﻴﻦ ﻣﺎﻳﻜﻤﻞ ﺑﻴﺘﻲ
ﻓﺮﺣﻮ ﻭﻓﺮﺣﺘﻬﻢ ﺯﺍﺩﺕ ﮔﻠﺒﻲ ﻓﺮﺣﻪ
ﺑﺪﻳﻨﻪ ﺍﻧﺤﻀﺮ ﻟﻠﻌﺮﺱ ﮔﺒﻞ ﺍﻟﻌﺮﺱ ﺑﺎﺭﺑﻊ ﺍﻳﺎﻡ ﺟﺒﺖ ﺍﻟﻐﺮﻓﻪ ﺍﺧﺮ ﺷﻲ ﺟﺎﻧﺖ
ﺑﻬﺎﻱ ﺍﻻﻳﺎﻡ ﺍﺗﺼﺎﻻﺗﻲ ﻗﻠﺖ ﻫﻲ ﻣﺸﻐﻮﻟﻪ ﻭﺍﻧﻪ ﻣﺸﻐﻮﻟﻪ ﺑﺲ ﻻﺯﻡ ﻛﺒﻞ ﻻﺍﻧﺎﻡ ﺍﺣﺎﺟﻴﻬﺎ ﻭﺍﺷﻮﻓﻬﺎ ﺍﺗﻌﻮﺩﺕ ﻋﻠﻴﻪ ﻭﺍﻧﻪ ﻳﻮﻡ ﻋﻦ ﻳﻮﻡ ﻟﻬﻔﺘﻲ ﺗﺰﻳﺪ....قصص عراقيه حقيقيه من واقعنا.روعه الطائي
ﮔﺒﻞ ﺍﻟﺤﻨﻪ ﺑﻴﻮﻡ ﺧﺎﺑﺮﺗﻨﻲ
.. ﺍﻟﻮﻭ
.. ﻫﻼ ﺣﺒﻴﺒﻪ
.. ﺣﺴﻴﻦ ﻓﺪﻭﻩ ﺍﻃﻠﺐ ﻣﻨﻚ ﻃﻠﺐ
.. ﻋﻴﻮﻧﻲ ﺍﻟﺞ ﺍﻣﺮﻱ
.. ﻣﺎﻫﺮ ﻣﻮﺻﻲ ﻣﺮﺗﻪ ﻭﺍﻣﻲ ﻭﺟﺎﻱ ﻳﻀﻐﻄﻮﻥ ﻋﻠﻴﻪ ﺍﻟﺒﺲ ﺑﺪﻟﻪ ﺑﻴﻀﻪ ﻭﺍﻧﻪ ﻣﺎﺍﺭﻳﺪ
.. ﺍﻱ؟
.. ﺍﻧﻲ ﻣﺎﺍﺭﻳﺪ ﺍﻟﺒﺲ ﺑﺪﻟﻪ
.. ﻟﻴﺶ؟
.. ﻣﺎﺍﺭﻳﺪ ﺣﺴﻴﻦ ﻓﺪﻭﻩ
.. ﻏﻴﺮ ﺍﻓﻬﻢ ﻟﻴﺶ ﺍﺫﺍ ﻟﺒﺴﺘﻲ ﺷﺘﺄﺛﺮ ﻋﻠﻴﺞ
.. ﻫﻴﺞ ﻣﺎﺗﺄﺛﺮ ﺑﺲ ﻣﺎﺭﺍﻏﺒﺘﻬﺎ ..
ﺭﺩﺕ ﺍﻛﻤﻞ ﺣﭽﻲ ﻭﺳﻜﺘﺖ ﺍﻟﺒﺪﻟﻪ ﻫﺎﻱ ﺟﻨﺖ ﻣﺘﻤﻨﻴﺘﻬﺎ ﮔﺒﻞ ﻭﻣﺎﻟﺒﺴﺘﻬﺎ ﺍﻟﺒﺴﻬﺎ ﻫﺴﻪ ﻭﺍﻧﻲ ﺍﺭﻣﻠﻪ
.. ﺳﺮﻭﺭ ﺑﻌﺪ ﺍﻟﻌﻤﺮ ﺍﻧﺘﻲ ﺷﻮ ﺣﺎﭼﻴﻨﻲ ﻭﻳﺎﻱ ﺍﻧﺘﻲ
.. ﺍﻱ ﻭﻳﺎﻙ
.. ﺍﺫﺍ ﮔﺘﻠﺞ ﺍﻟﺨﺎﻃﺮﻱ ﻭﺍﻧﻪ ﺭﺍﻳﺪﻫﺎ ﺭﺍﻳﺪ ﺍﺷﻮﻓﻬﺎ ﻋﻠﻴﭻ ﻳﻬﻤﺞ ﺧﺎﻃﺮﻱ ﻟﻮ ﻻ
.. ﺷﻨﻲ ﺍﻟﻔﺮﻕ ﺍﺫﺍ ﻟﺒﺴﺘﻬﺎ ﻭﺍﺫﺍ ﻻ ﺍﻧﻪ ﻣﺎﺭﺍﻳﺪﺗﻬﺎ ﻭﺍﻟﻠﻪ
.. ﺍﺫﺍ ﻣﺎﻛﻮ ﻓﺮﻕ ﻟﺒﺴﻴﻬﺎ ﺍﻧﻪ ﺍﺭﻳﺪ ﺍﺷﻮﻓﺞ ﺑﻴﻬﺎ ﺳﺮﻭﺭ ﻓﺮﺣﻴﻨﻲ ﺑﺸﻮﻓﺘﺞ ﺑﻴﻬﺎ
.. ﻫﺬﺍ ﻫﻮﻭ ﺭﺍﺡ ﺍﻟﺒﺴﻬﺎ
ﺣﺎﺟﻴﺘﻪ . ﻭﻇﻠﻴﺖ ﺍﻓﻜﺮ ﻫﻮ ﺻﺢ ﺍﻭﻝ ﻣﺮﻩ ﻳﺘﺰﻭﺝ ﺣﻘﻪ ﻳﻔﺮﺡ ﺑﺲ ﺍﻧﻪ ﺍﺷﻮﻓﻬﺎ ﺻﻌﺒﻪ ﻭﺧﺎﻑ ﺍﻟﻌﺎﻟﻢ ﺗﺤﺠﻲ ﻋﻠﻴﻪ ﺍﺭﻣﻠﻪ ﻭﻣﺎﺻﺪﻛﺖ ﺗﻌﺮﺱ ﻟﺒﺴﺖ ﺑﺪﻟﻪ ﻭﺍﺗﺤﻀﺮﺕ
ﻭﻧﺴﺖ ﻛﻠﺸﻲ ﻣﺎﻳﺪﺭﻭﻥ ﺑﻴﻪ ﻳﺘﺼﺎﺭﻋﻦ ﻛﻠﺒﻲ ﻭﻋﻘﻠﻲ
ﺍﻓﺮﺡ ﺑﺎﻫﺘﻤﺎﻣﻪ ﺍﻟﻲ ﻭﺍﺗﺬﻛﺮ ﺍﻟﺮﺍﺡ
ﮔﻄﻊ ﺻﻔﻨﺘﻲ ﻭﻫﻮ ﻳﺤﺎﺟﻴﻨﻲ
.. ﺭﺍﺡ ﺍﺭﺿﻴﺞ ﺑﻐﻴﺮﻫﺎ ﻭﺍﺭﻳﺤﺞ ﻣﻦ ﺷﻲ ﺷﺎﻏﻞ ﺑﺎﻟﺞ
.. ﺷﻨﻮﻭ
.. ﺍﻟﻌﺸﻪ ﻭﺍﻟﺤﻔﻠﻪ ﺍﺳﻮﻳﻬﺎ ﺑﻴﻮﻡ ﺍﻟﺤﻨﻪ ﻭﺍﻟﻌﺮﺱ ﺍﺧﺬﺝ ﺳﻜﺘﻪ ﺑﺪﻭﻥ ﺣﻔﻠﻪ ﻭﻻ ﻫﻮﺳﻪ ﺣﺘﻰ ﺗﺮﺗﺎﺣﻴﻦ
.. ﺣﺴﻴﻦ ﺍﻧﻪ ﻣﻀﻮﺟﺘﻚ ﻣﻮﻭ ﺟﺎﻱ ﺍﺣﺮﻣﻚ ﻣﻦ ﺷﻲ ﻫﻮ ﺣﻘﻚ ﻣﺎﻟﻚ ﻋﻼﻗﻪ ﺑﻴﻪ ﺳﻮﻱ ﺍﻟﻲ ﻳﻌﺠﺒﻚ ﻭﺍﻟﻠﻪ ﺍﺑﺪ ﻻﺗﺘﻘﻴﺪ ﺣﺘﻰ ﺍﻟﺒﺪﻟﻪ ﻋﺒﺎﻟﻲ ﻣﺎﻳﻬﻤﻚ ﻣﻮﺿﻮﻋﻬﺎ ﻭﺣﺎﺟﻴﺘﻚ
.. ﺍﻟﺒﺪﻟﻪ ﻻ ﻫﺎﻱ ﺍﻧﻪ ﺍﺭﻳﺪﻫﺎ ﺑﺲ ﺍﻟﺤﻔﻠﻪ ﻣﺎﻻﺯﻡ ﺍﻟﺤﻨﻪ ﻛﺎﻓﻲ ﻭﺍﻧﻪ ﺍﺭﻳﺪﭺ ﻣﺮﺗﺎﺣﻪ ﻭﺑﺲ ﻣﻦ ﺗﺮﺗﺎﺣﻴﻦ ﺍﻧﺘﻲ ﺍﻧﻪ ﻣﻦ ﻳﻤﻲ ﺍﺭﺗﺎﺡ
ﺍﺣﺎﺟﻴﻬﺎ ﻭﺍﺣﺴﻬﺎ ﻣﺘﻮﺗﺮﻩ ﺣﻴﻞ ﻳﻤﻜﻦ ﺑﺪﺕ ﺗﺘﻮﺗﺮ ﻣﻦ ﮔﺮﺏ ﺍﻟﻌﺮﺱ
ﺛﺎﻧﻲ ﻳﻮﻡ ﺍﻟﺤﻨﻪ ﺳﻮﻳﻨﻪ ﻋﺸﻪ ﻭﺫﺑﺎﻳﺢ ﺣﻔﻠﻪ ﺟﺒﻴﺮﻩ
ﻫﻲ ﻣﺎﺭﺍﺩﺕ ﺣﻔﻠﻪ ﻭﺧﻠﻴﺘﻬﺎ ﺑﺮﺍﺣﺘﻬﺎ
ﺛﺎﻧﻲ ﻳﻮﻡ ﻛﺘﻠﻬﻢ ﺑﻴﻨﺎﺗﻨﻪ ﻭﺑﺲ ﻋﺎﺭﺿﻮ ﻭﺣﺠﻮﻭ ﻭﺍﻟﻲ ﻛﺎﻝ ﺳﻮﻱ ﺍﻟﻲ ﻳﺮﻳﺤﻚ ﻭﺍﻧﻪ ﺍﺭﻳﺪ ﺍﻟﻲ ﻳﺮﻳﺤﻬﺎ ﻭﺑﺲ
ﺑﻴﻮﻣﻬﺎ ﺍﺣﺲ ﻣﺤﺪ ﻓﺮﺣﺎﻥ ﻛﺜﺮﻱ ﺭﻏﻢ ﺍﺑﺎﻟﻲ ﻫﻮﺍﻱ ﺍﺷﻴﺎﺀ ﻣﻮ ﻣﺜﻞ ﻣﺎﺍﺭﻳﺪ ﺍﻭ ﻣﺎﺭﺍﺡ ﺍﺿﻐﻂ ﻋﻠﻴﻬﺎ ﻭﺍﺧﻠﻴﻬﺎ ﺗﺮﺗﺎﺡ ﻭﺗﻨﺪﻣﺞ ﻭﻳﺎﻱ ﻭﻭﻱ ﻋﺎﺋﻠﺘﻲ ﺍﻛﺜﺮ
ﺑﻴﻮﻣﻬﺎ ﻛﺎﻇﻢ ﺍﺧﺬﻫﻦ ﻟﻠﺼﺎﻟﻮﻥ ﺟﺎﻳﺎﺕ ﺧﺎﻻﺗﻬﺎ ﻋﺮﻓﺖ ﻣﻨﻬﺎ ﻣﺮﺕ ﻣﺎﻫﺮ ﻣﺎﺗﻜﺪﺭ ﺗﻄﻠﻊ ﻭﻳﺎﻫﺎ ﻭﺩﻳﺖ ﻭﺣﺪﻩ ﻣﻦ ﺧﻮﺍﺗﻲ ﻭﻳﺎﻫﻦ ﻭﻭﺻﻴﺘﻬﺎ ﺗﺨﻠﻴﻬﺎ ﻋﻠﻰ ﺭﺍﺣﺘﻬﺎ ﻭﺷﺘﺮﻳﺪ ﻣﺎﺗﺘﻨﺎﻗﺶ ﻭﻳﺎﻫﺎ
ﻣﻦ ﺍﻟﺼﺎﻟﻮﻥ ﺭﺟﻌﺖ ﻟﻬﻠﻬﺎ ﻭﺭﺣﺖ ﺍﻧﻪ ﻭﺍﻣﻲ ﻭﺍﺑﻮﻱ ﻭﻛﺎﻇﻢ ﺍﺧﺬﻧﺎﻫﺎ ﻣﻦ ﺑﻴﺘﻬﻢ ﺍﺗﺸﻜﺮﺕ ﻣﺎﻫﺮ ﻭﻃﻠﻌﺖ
ﻟﺰﻣﺘﻬﺎ ﺑﺎﻳﺪﻱ ﻛﻠﻬﺎ ﺑﻴﺎﺽ ﻣﺎﻣﺒﻴﻦ ﻣﻨﻬﺎ ﺷﻲ
ﺍﻟﻬﺬﻱ ﺍﻟﻠﺤﻈﺔ ﺍﻳﺪﻫﺎ ﺑﺎﻳﺪﻱ ﻭﺍﻧﻪ ﻣﺎﻣﺼﺪﮒ
ﻭﺻﻠﻨﻪ ﺍﻟﺒﻴﺖ ﻫﻼﻫﻞ ﺧﻮﺍﺗﻲ ﻭﺻﻔﻜﺎﺗﻬﻦ ﺣﻔﻠﻪ ﺑﺴﻴﻄﻪ ﺍﻟﻜﻞ ﻣﺎﺭﺍﺿﻴﻦ ﻋﻠﻴﻬﺎ ﺑﺲ ﺳﻌﺎﺩﺗﻲ ﺑﻴﻬﺎ ﺟﺎﻧﺖ ﻣﺎﺗﻨﻮﺻﻒ ﻣﺎﻛﻮ ﺷﻲ ﻳﻌﺒﺮ ﻋﻨﻬﺎ
ﺷﻮﻳﻪ ﻭﻃﻠﻌﺖ ﺍﺳﻠﻢ ﻋﻠﻰ ﺍﺧﻮﺍﻧﻲ ﻭﻋﻤﺎﻣﻲ ﺍﻟﻤﻮﺟﻮﺩﻳﻦ ﺍﺧﺬﻧﻬﺎ ﺍﻣﻲ ﻭﺍﻟﺒﻨﺎﺕ ﺻﻌﺪﻧﻬﺎ
ﺻﻌﺪﺕ ﻭﺭﺍﻫﺎ
ﻓﺘﺤﺖ ﺍﻟﺒﺎﺏ ﻋﻴﻮﻧﻲ ﺍﺩﻭﺭﻫﺎ ﮔﺎﻋﺪﻩ ﻣﺨﻠﻴﻪ ﺍﻳﺪ ﺑﺎﻳﺪ ﻭﻣﺪﻧﻜﻪ ﺭﺍﺳﻬﺎ ﻣﺘﻮﺗﺮﻩ
ﺣﺎﺟﻴﺘﻬﺎ ﺑﻬﺪﻭﺀ
.. ﻧﻮﺭﺕ ﺩﻧﻴﺎﻱ ﺑﻴﺞ ﻳﺎﻧﻮﺭ ﻋﻴﻮﻧﻲ ﺍﻧﺖِ
ﺭﻓﻌﺖ ﺭﺍﺳﻬﺎ ﻋﻴﻮﻧﻬﺎ ﺣﻤﺮ
.. ﺗﺮﺩﻳﻦ ﺍﺟﻴﺐ ﻳﺴﺮ ﻫﺴﻪ ﺍﺟﻴﺒﻬﺎ ﺑﺲ ﻻﺗﻀﻮﺟﻴﻦ
ﺣﺎﺟﺘﻨﻲ ﺑﺼﻮﺕ ﻧﺎﺻﻲ
.. ﺑﺎﻟﻲ ﻳﻤﻬﺎ ﺷﻤﺪﺭﻳﻚ
ﻗﺮﺑﺖ ﮔﻌﺪﺕ ﺑﺼﻔﻬﺎ ﺑﺴﺖ ﺭﺍﺳﻬﺎ ﻭﺍﻳﺪﻫﺎ
.. ﺍﻋﺮﻑ ﺑﺎﻟﺞ ﻭﻳﻦ ﺍﺧﺎﺑﺮ ﻳﺠﻴﺒﻮﻧﻬﺎ ؟
.. ﻻ ﻣﺎﻋﻠﻴﻬﺎ ﻳﻤﻬﺎ ﺍﻣﻲ ﻭﺯﻳﻨﺐ ﻛﺎﻟﻦ ﻣﺎﻧﺨﻠﻴﻬﺎ ﺗﺤﺘﺎﺝ ﺷﻲ
.. ﻭﺍﻟﻠﻪ ﻣﺎﺍﺩﺭﻱ ﺑﻴﺞ ﺗﺨﻠﻴﻨﻬﺎ ﺟﺎ ﻣﺎﺭﺿﻴﺘﻠﺞ ﻣﻦ ﺍﻭﻝ ﻣﺎﻃﻠﻌﻨﻪ ﺟﺎﻳﺒﻬﺎ ﻭﻳﺎﻧﻪ
ﺷﻮ ﺧﻞ ﺍﺷﻮﻓﺞ ﺭﻓﻌﻴﻠﻲ ﺭﺍﺳﺞ ﻫﻴﺞ
ﺑﻴﺪﻱ ﻟﺰﻣﺖ ﻭﺟﻬﻪ ﺑﻬﺪﻭﺀ ﺭﻓﻌﺘﻪ
ﺑﺴﺘﻬﺎ ﺑﺨﺪﻫﺎ ﺣﺴﻴﺘﻬﺎ ﻣﺘﺸﻨﺠﻪ
ﻣﺸﻴﺖ ﺍﻳﺪﻱ ﻋﻠﻰ ﺍﭼﺘﺎﻓﻬﺎ ﺍﻟﻈﺎﻫﺮﺍﺕ ﻣﻦ ﺍﻟﺒﺪﻟﻪ ﺟﺬﺑﺘﻨﻲ ﻧﻌﻮﻣﺘﻬﺎ ﻭﻣﻠﻤﺴﻬﺎ
ﺳﺤﺒﺘﻬﺎ ﺑﺨﻔﻪ ﺍﻟﺤﻀﻨﻲ
.. ﻻﺗﺘﺸﻨﺠﻴﻦ ﻫﻴﺞ ﻣﺎﺭﺍﻳﺪ ﺷﻲ ﻭﺍﻟﻠﻪ ﻫﺬﻱ ﺍﻟﺤﻀﻨﻪ ﺗﻜﻔﻴﻨﻲ ﺍﻟﻴﻮﻡ .. ﺑﺪﻟﻲ ﺣﺘﻪ ﻧﺘﻌﺸﻪ ﻭﺗﻨﺎﻣﻴﻦ ﺍﺭﺗﺎﺣﻲ
ﻳﺘﺒﻊ
#روووعه
