#خيانة_زمن
بقلم نور الشمس
#بارت٣٠
ﻣﺴﺎﺀ ﺍﻟﻤﺤﺒﻪ ❤
……
ﺯﻳﻨﺐ ..
ﺑﻌﺪ ﻣﺎﺗﺄﻛﺪﺕ ﻣﻦ ﺣﻤﻠﻲ ﻭﺍﺗﺼﺎﻟﺤﻨﻪ ﺍﻧﻲ ﻭﻣﺎﻫﺮ ﺍﻋﺘﺬﺭﺕ ﻋﻦ ﺗﺼﺮﻓﻲ ﺑﻌﺼﺒﻴﻪ ﺍﻣﺎ ﻏﻴﺮﺗﻲ ﻋﻠﻴﻪ ﻣﻦ ﺣﻘﻲ .
ﻫﺬﺍ ﻃﺒﻌﻲ ﻭﻣﺜﻞ ﻣﺎﻣﺘﻌﻮﺩﻩ ﻋﻠﻰ ﺍﻃﺒﺎﻋﻪ ﻻﺯﻡ ﻳﺘﻌﻮﺩ ﻉ ﻏﻴﺮﺗﻲ ﺍﻟﻜﻼﻡ ﺍﻟﻘﺮﻳﺘﻪ ﻣﻮ ﻋﺎﺩﻱ ﻭﺗﺼﺮﻓﻲ ﻧﺎﺑﻊ ﻣﻦ ﺧﻮﻓﻲ ﻋﻠﻴﻪ ﻭﺣﺮﺻﻲ ﻭﻣﺤﺒﺘﻲ ﺍﻟﻪ
ﺷﺮﺣﺘﻠﻪ ﺍﺳﺒﺎﺑﻲ ﺑﻌﺪ ﺍﻟﺮﺿﺎ ﻭﻭﻋﺪﻧﻲ ﻋﻤﺮﻩ ﻣﺎﻳﺸﻮﻑ ﻏﻴﺮﻱ ﻭﻻ ﻳﻔﻀﻞ ﻭﺣﺪﻩ ﻋﻠﻴﻪ
ﺑﻌﺪ ﻓﺘﺮﻩ ﻗﺮﺭ ﻳﺎﺧﺬ ﻋﻤﺘﻲ ﻋﻤﺮﻩ ﻭﻷﻧﻬﺎ ﻣﺮﻳﻀﻪ ﺍﺻﺮ ﻳﺮﻭﺡ ﻭﻳﺎﻫﺎ ﻫﻮ ﻳﺮﻋﺎﻫﺎ
ﻓﺮﺣﺘﻠﻪ ﻫﻮ ﻫﻢ ﻳﺴﺘﺎﻫﻞ ﺍﻟﻌﻤﺮﻩ ﻭﻳﻜﻮﻥ ﺑﺎﺭ ﺑﺄﻣﻪ ﻭﻋﻤﺘﻲ ﺧﻄﻴﻪ ﻫﺬﺍ ﻗﻠﻴﻞ ﻣﻦ ﺍﻟﺘﺴﺘﺎﻫﻠﻪ ﺍﻧﺴﺎﻧﻪ ﺻﺒﻮﺭﻩ ﻭﺣﻜﻴﻤﻪ ﺍﻟﻠﻪ ﻳﺠﺎﺯﻳﻬﺎ ﺧﻴﺮ ﺑﺲ ﺣﻴﻞ ﺍﺳﺘﻮﺣﺸﺖ ﻣﻦ ﮔﺒﻞ ﺭﻭﺣﺘﻪ ﻭﺃﻭﻝ ﻳﻮﻡ ﺍﻟﻲ ﺭﺍﺣﻮ ﻛﻞ ﺷﻮﻳﻪ ﺍﺭﻳﺪ ﺍﺑﺠﻲ
ﻣﺎﻫﺮ ﺍﺗﻌﻮﺩﺕ ﻋﻠﻴﻪ ﻭﺣﺒﻴﺘﻪ ﻣﻮ ﺣﺐ ﻋﺎﺩﻱ ﻻ ﺍﺗﻌﻠﻘﺖ ﺑﻲ ﺣﻴﻞ ﻭﻋﻴﺖ ﻋﻠﻰ ﻛﻠﺸﻲ ﻭﻳﺎﻩ ﻣﺸﺎﻋﺮﻱ ﻭﺍﻟﺤﺐ ﺍﻟﺤﻘﻴﻘﻲ ﻭﻳﺎﻩ ﺷﻔﺘﻪ ﺍﺗﺰﻭﺟﺘﻪ ﺑﺰﻏﺮﻱ ﻛﻠﺸﻲ ﻭﻋﻴﺖ ﻋﻠﻴﻪ ﻭﻳﺎﻩ ﻣﺤﺒﺘﻪ ﺍﻟﻲ ﻭﺩﻻﻟﻪ ﺭﻏﻢ ﺑﻌﺪﻩ ﻋﻤﺮﻩ ﺯﻏﻴﺮ ﺍﻭﻝ ﺯﻭﺍﺟﻨﻪ ﺑﺲ ﺟﻨﺖ ﺍﺣﺴﻪ ﻭﺍﻋﻲ ﻭﺍﺑﺪ ﻣﺎﻋﻨﺪﻩ ﻃﻴﺶ ﺍﻟﺸﺒﺎﺏ
ﻭﺍﻟﺤﺪ ﻫﺴﻪ ﺍﺷﻮﻑ ﻛﻞ ﻣﺎﻳﺘﻘﺪﻡ ﺑﻲ ﺍﻟﻌﻤﺮ ﻋﻘﻠﻪ ﻳﻜﻮﻥ ﺍﻛﺒﺮ
ﺑﻠﻴﻠﺔ ﺍﻟﻲ ﻳﺮﻳﺪ ﻳﺮﻭﺡ ﻇﻠﻴﺖ ﮔﺎﻋﺪﻩ ﻭﻳﺎﻩ ﻟﻠﺼﺒﺢ ﺣﺲ ﺑﺨﻮﻓﻲ ﻭﺍﻟﻘﻠﻖ ﺍﻟﺒﻴﻪ ﺍﺧﺬﻧﻲ ﺍﻟﺤﻀﻨﻪ ﻭﻫﻮ ﻳﺄﻛﺪ ﻋﻠﻴﻪ
.. ﺧﻠﻲ ﺑﺎﻟﺞ ﻣﻦ ﺭﻭﺣﺞ ﻭﺍﻟﻮﻟﺪ ﻭﺍﻟﻲ ﺍﺑﻄﻨﺞ ﻭﺻﻴﺮﻱ ﺳﺒﺎﻋﻴﻪ ﻣﺎﺍﻧﻄﻮﻝ ﻫﻮﺍﻱ ﻭﺻﻴﺖ ﻭﺳﺎﻡ ﻭﺍﻣﺞ ﻳﺠﻮﻥ ﻳﻤﻜﻢ ﺍﻟﻔﻠﻮﺱ ﻳﻤﺞ ﺷﻨﻲ ﺍﻟﺘﺮﺩﻳﻨﻪ ﺍﺧﺬﻱ ﻭﻋﻴﻨﭻ ﻉ ﺳﺮﻭﺭ ﻭﺑﺘﻬﺎ
ﺭﺍﺡ ﺍﺷﺘﺎﻗﻠﺞ ﻫﻮﺍﻱ ﻣﻬﺮﺗﻲ
.. ﻣﻮ ﺑﻜﺜﺮﻱ ﺗﺸﺘﺎﻕ ﺍﻧﻪ ﻣﻦ ﻫﺴﻪ ﻭﺣﻴﻞ ﺍﺗﻮﺣﺸﺖ
.. ﺷﻮﻓﻲ ﺍﮔﻠﺞ ﺷﻲ
ﺣﭽﺎﻫﺎ ﻭﻫﻮ ﻳﺤﻚ ﻟﺤﻴﺘﻪ ﻭﻋﺪﻝ ﺣﺎﺟﺒﻪ ﺑﻄﺮﻳﻘﻪ ﻋﺒﺎﻟﻚ ﻳﺸﻐﻞ ﻧﻔﺴﻪ
.. ﺍﻧﻪ ﺑﻄﺒﻌﻲ ﻣﺎﺍﻋﺮﻑ ﺍﺳﻮﻟﻒ ﻫﻮﺍﻱ ﻳﻤﻜﻦ ﻣﻮ ﻣﻦ ﺍﻟﻨﻮﻉ ﺍﻟﻴﻈﻬﺮ ﻋﺎﻃﻔﺘﻪ ﺑﺲ ﺍﻧﺘﻲ ﺗﺪﺭﻳﻨﻲ ﺍﺷﻜﺪ ﺍﺣﺒﺞ ﺻﺢ
ﻫﺰﻳﺘﻠﻪ ﺭﺍﺳﻲ ﺑﻤﻌﻨﻰ ﺍﻱ
.. ﺑﺲ ﻣﺎﺗﻌﺮﻓﻴﻦ ﻫﺬﺍ ﺍﻟﮕﻠﺐ ﻣﻦ ﺍﻧﺘﻲ ﻳﻤﻪ ﻳﺪﮒ ﻏﻴﺮ
ﻭﻣﺎﺗﺪﺭﻳﻦ ﺍﻧﻪ ﺷﻠﻮﻥ ﺍﺷﻮﻓﭻ ﺍﺷﻮﻓﭻ ﻫﺪﻳﺔ ﺍﻟﻠﻪ ﺍﻟﻌﻮﺽ ﺑﻴﻬﺎ ﺗﻌﺒﻲ ﻭﺍﺷﻮﻓﭻ ﺩﻋﺎﺀ ﺍﻣﻲ ﺍﻟﻲ
ﺍﺷﻮﻓﺞ ﺣﺒﻴﺒﻪ ﻭﺳﻨﺪ ﺍﺷﻮﻓﺞ ﻏﺎﻟﻴﺘﻲ ﻭﺍﻡ ﻭﻟﺪﻱ ﻭﺭﺍﺣﺘﻲ ﻭﺍﻧﺴﻲ
ﻛﻞ ﻫﺬﺍ ﺍﺷﻮﻓﺞ ﺑﻲ ﻻﺗﺼﺪﮔﻴﻦ ﺑﻴﻮﻡ ﺍﻛﺴﺮ ﺧﺎﻃﺮﺝ ﻟﻮ ﺗﻨﺰﻝ ﺩﻣﻌﻪ ﺍﻟﺞ ﺑﺴﺒﺐ ﻣﺨﺎﻭﻓﺞ ﺑﻌﺪﻳﻬﺎ ﻟﻮ ﺍﺧﺮ ﻳﻮﻡ ﺑﻌﻤﺮﻱ ﻣﺎﺍﻛﺴﺮﻟﺞ ﺧﺎﻃﺮ ﻭﺍﻟﻠﻪ ﺍﺭﻳﺪﺝ ﺗﺮﺗﺎﺣﻴﻦ ﻭﺗﻨﺘﺒﻬﻴﻦ ﺍﻟﺮﻭﺣﺞ
ﺣﻀﻨﺘﻪ ﺣﻴﻞ ﺍﺣﺲ ﻣﻲ ﺑﺎﺭﺩ ﻭﻏﺴﻞ ﺑﻲ ﺍﻋﻀﺎﺀ ﺟﺴﻤﻲ ﻛﻼﻣﻪ ﺍﻟﻲ ﺧﻼﻧﻲ ﺍﺣﺲ ﺍﺣﺴﺎﺱ ﺍﻟﺼﺎﻳﻢ ﻭﻳﺸﺮﺏ ﻣﺎﻱ ﻳﺤﺲ ﺑﺒﺮﻭﺩﺗﻪ ﻭﺻﻠﺖ ﻭﻏﺴﻠﺖ ﻛﻞ ﻋﻀﻮ ﺑﺠﺴﻤﻪ
ﻃﻠﻌﻮ ﺍﻟﻔﺠﺮ ﺭﺷﻴﻨﻪ ﻭﺭﺍﻫﻢ ﻣﺎﻱ
ﺍﻟﺼﺒﺢ ﺍﺟﺎﻧﻲ ﻭﺳﺎﻡ ﻭﺟﺎﻳﺐ ﺍﻣﻲ
ﮔﺎﻝ ﺍﻧﻪ ﺍﻇﻞ ﻫﻨﺎ ﺑﺲ ﺑﺎﻟﻠﻴﻞ ﻭﺑﺎﻟﻨﻬﺎﺭ ﻣﺎﺍﺿﺎﻳﻘﻜﻢ ﺍﺭﻭﺡ ﻟﻠﺪﻳﻮﺍﻥ ﻣﻦ ﺑﺮﻩ ﻟﻮ ﺍﻃﻠﻊ ﻳﻢ ﺣﺴﻴﻦ ﻭﺍﺷﻮﻓﻪ ﻣﻦ ﺍﺭﺟﻊ ﻣﻦ ﺷﻐﻠﻲ
ﺍﺭﺗﺎﺣﻴﺖ ﺑﺠﻴﺘﻬﻢ ﺳﺮﻭﺭ ﮔﺒﻠﻬﺎ ﺑﻔﺘﺮﻩ ﭼﺎﻧﺖ ﻣﻘﻬﻮﺭﻩ ﻋﻠﻰ ﺑﺘﻬﺎ ﺗﺮﻳﺪ ﺣﺴﻴﻦ ﺣﺎﻭﻟﺖ ﺗﻤﻨﻌﻬﺎ ﺑﻜﻞ ﻃﺮﻳﻘﻪ ﻣﺎﮔﺪﺭﺕ ﺗﺎﻟﻲ ﻫﻲ ﻃﻠﺒﺖ ﻣﻦ ﻣﺎﻫﺮ ﻳﻮﺩﻳﻬﺎ ﺍﻟﻪ ﺑﻌﺪ ﻣﺎﺻﺨﻨﺖ ﻭﻣﻮ ﺯﻳﻦ ﻋﻠﻴﻬﺎ ﺗﺮﺗﻔﻊ ﺣﺮﺍﺭﺗﻬﺎ ﺑﻌﺪﻫﻲ ﺑﻤﺮﺣﻠﺔ ﺧﻄﻮﺭﻩ ﺧﺎﻑ ﺗﻨﺸﻤﺮ ﻭﺻﻌﺐ ﺗﺴﻴﻄﺮ ﻋﻠﻴﻬﺎ ﺑﻬﺬﺍ ﺍﻟﻌﻤﺮ ﻳﻤﻜﻦ ﺍﻃﻮﻭﻝ ﺣﺎﻟﺘﻬﺎ ﺍﻟﻄﺒﻴﺐ ﻣﺤﺬﺭﻫﺎﺑﻴﻮﻡ ﺍﻟﺮﺍﺣﺖ ﺍﺟﺖ ﻣﺮﺗﺎﺣﻪ ﻳﺴﺮ ﻭﺗﻠﻌﺐ ﻭﻓﺮﺣﺎﻧﻪ
ﺍﺳﺘﻐﻠﻴﺖ ﻫﺎﻟﻤﻮﻗﻒ ﻭﺣﺎﺟﻴﺖ ﺳﺮﻭﺭ
ﺗﻮﺍﻓﻖ ﻋﻠﻴﻪ ﻭﻫﺎﻟﻤﺮﻩ ﻣﺎﺭﻓﻀﺖ ﺍﻛﺘﻔﺖ ﺑﺎﻟﺴﻜﻮﺕ ﺻﺎﺭ ﻋﻨﺪﻱ ﺍﻣﻞ ﮔﺒﻞ ﭼﺎﻧﺖ ﺗﺘﺨﺒﻞ ﻟﻮ ﺟﺒﻨﺎﻟﻬﺎ ﻃﺎﺭﻱ
ﻣﺮﻥ ﻳﻮﻣﻴﻦ ﺍﺣﻨﻪ ﻉ ﺍﻷﺗﺼﺎﻝ ﻭﻳﺎﻫﻢ ﻭﺧﻄﻴﻪ ﻋﻤﺘﻲ ﺳﻜﺮﻫﺎ ﻣﺘﺨﺮﺑﻂ ﻭﻣﺎﻫﺮ ﻣﺤﺘﺎﺭ ﺑﻴﻬﺎ ﻭﻳﺤﺎﻭﻝ ﺗﻜﻤﻞ ﻣﻨﺎﺳﻜﻬﻢ ﺑﺨﻴﺮ ﻭﺳﻼﻣﻪ
ﻣﻦ ﺍﺧﺎﺑﺮﻩ ﺍﺣﺴﻪ ﺣﻴﻞ ﺗﻌﺒﺎﻥ ﻭﺑﺎﻟﻪ ﻳﻤﻨﻪ ﻉ ﻃﻮﻝ
ﻭﺻﺎﻧﻪ ﺍﻟﺒﺎﺏ ﻣﺎﻳﻨﻔﺘﺢ ﺍﻻﻱ ﺑﺸﺮ ﻏﻴﺮ ﻭﺳﺎﻡ ﻭﺍﻟﻲ ﺍﻧﻌﺮﻓﻪ ﺣﻖ ﺍﻟﻤﻌﺮﻓﻪ ﻣﻦ ﺍﻟﻨﺴﻮﺍﻥ
ﺑﻴﻮﻡ ﺳﺮﻭﺭ ﺍﻟﻌﺼﺮ ﺷﺎﻓﺘﻨﻲ ﻭﺟﻬﻲ ﺍﺻﻔﺮ ﻭﺗﻌﺒﺎﻧﻪ ﮔﺎﻟﺖ ﺍﻟﻴﻮﻡ ﺍﻟﻌﺸﻪ ﻻﺗﺠﻬﺰﻳﻨﻪ ﺍﻧﻪ ﺍﺣﻀﺮﻩ ﺍﺣﺴﺞ ﺟﺎﻱ ﺍﺗﻌﺒﻴﻦ ﺣﻤﻠﺞ ﺍﻟﻈﺎﻫﺮ ﻧﻔﺲ ﺣﻤﻠﺞ ﺫﺍﻙ
ﻳﺠﻮﺯ ﻫﻢ ﺗﻮﻡ ﻋﻨﺪﺝ
.. ﻻ ﺩﺧﻴﻠﺞ ﺳﺮﻭﺭ ﻻﺗﺮﻋﺒﻴﻨﻲ ﻋﻔﻴﻪ ﻳﺎﺗﻮﻡ ﺍﻧﻮﺏ ﻣﺎﺍﺭﻳﺪ ﻭﺍﺣﺪ ﻧﻌﻤﻪ ﻭﻳﻦ ﺍﻟﺤﮓ ﻋﻠﻴﻬﻢ
.. ﻛﻮﻟﻲ ﺍﻟﺤﻤﺪﻟﻠﻪ ﺣﺒﻴﺒﻪ ﻛﻠﻨﻪ ﻭﻳﺎﺝ ﻭﺫﻭﻟﻲ ﻛﺒﺮﻭ ﺍﺫﺍ ﻭﺍﺣﺪ ﻭﺍﺫﺍ ﺗﻮﻡ ﻧﻌﻤﻪ ﻣﻦ ﺭﺏ ﺍﻟﻌﺎﻟﻤﻴﻦ
.. ﺍﻟﻠﻪ ﻛﺮﻳﻢ ﺍﻟﺤﻤﺪﻟﻠﻪ
ﻇﻠﻴﺖ ﺍﻟﻤﻠﻢ ﻭﻳﺎﻫﺎ ﻧﻮﺍﻋﻢ ﺑﺎﻟﻤﻄﺒﺦ ﻭﺍﻣﻲ ﻳﻤﻨﻪ ﺣﺎﺟﺖ ﺳﺮﻭﺭ ﻭﺣﺎﻭﻟﺖ ﺗﻘﻨﻌﻬﺎ ﺗﻄﻠﻊ ﺗﺰﻭﺭ ﻫﺎﻟﻜﻌﺪﻩ ﻣﻮ ﺯﻳﻦ ﻋﻠﻴﻬﺎ ﻭﺷﻔﺖ ﺳﺮﻭﺭ ﺍﻧﺪﻣﺠﺖ ﻭﻳﺎﻫﺎ ﺍﻟﻌﺼﺮ ﺍﻟﺠﻬﺎﻝ ﺑﺎﻟﺤﺪﻳﻘﻪ ﻳﻠﻌﺒﻮﻥ
ﺍﻟﻈﺎﻫﺮ ﺍﻟﺒﺎﺏ ﻣﺎﻣﺴﺪﻭﺩ ﺯﻳﻦ ﻣﺎﺣﺴﻴﻨﻪ ﺍﻻ ﻋﻠﻰ ﺟﻔﺘﺔ ﺗﻠﺚ ﻧﺴﻮﺍﻥ
ﺭﻛﻀﻨﻪ ﺍﻟﻬﻦ ﻣﺎﻟﺤﮕﻨﻪ ﺍﻻ ﻳﺴﺮ ﺑﻴﺪﻫﻦ
ﺍﻣﻬﺎ ﺍﺗﺠﺮ ﻭﻣﺎﺗﺴﻴﻄﺮ ﻫﻨﻪ ﺍﻃﻮﻝ ﻭﺍﺿﺨﻢ ﻭﺧﻮﻓﻬﺎ ﻭﺑﺠﻴﻬﺎ ﺧﻼﻫﺎ ﺗﺘﺨﺒﻞ ﻭﻫﻲ ﺗﺠﺮ ﺑﻴﻬﺎ ﺣﺴﻴﺖ ﺍﻳﺪ ﺍﻟﺒﻨﻴﻪ ﺍﻧﺨﻠﻌﺖ ﻣﺎﺍﺩﺭﻱ ﺷﺤﺠﺖ ﻟﻮ ﻫﻨﻪ ﺷﺤﺠﻦ
ﺍﻧﻲ ﻣﺎﺗﻌﺮﻑ ﺷﻨﻲ ﺍﻟﺴﺎﻟﻔﻪ ﻭﺍﺣﻨﻪ ﺗﻼﺛﻪ ﻫﻢ ﺑﺲ ﻣﺎﻛﺪﺭﻧﻪ ﻋﻠﻴﻬﻦ،
ﻋﺘﻴﺖ ﺑﻴﻬﺎ ﻭﻳﺎﻫﻦ ﺣﺴﻴﺖ ﺑﺪﻓﻌﻪ ﻗﻮﻳﻪ ﻃﺤﺖ ﻟﻠﮕﺎﻉ ﻭﻣﺎﺍﺩﺭﻱ ﺷﺼﺎﺭ
ﺍﻧﺘﺒﻬﺖ ﻋﻠﻰ ﻭﺳﺎﻡ ﻳﻤﻲ ﻭﺍﻣﻲ ﺗﺮﺵ ﻋﻠﻴﻪ ﻣﺎﻱ ﻭﺍﻧﻪ ﺑﺪﺍﺧﻞ ﺍﻟﻤﻄﺒﺦ ﻣﺪﺭﻱ ﻳﺎﻫﻮ ﻣﻮﺻﻠﻨﻲ ﻟﻬﻨﺎ ﺑﺲ ﺻﺤﻴﺖ ﻭﺳﺎﻡ ﺭﺍﺡ ﻭﻭﺻﻪ ﺍﻣﻲ ﻋﻠﻴﻪ
ﺻﺤﻴﺖ ﻋﻠﻰ ﺭﻭﺣﻲ ﺳﺮﻭﺭ ﻭﻳﻦ .. ﺑﺘﻬﺎ ﻭﻳﻦ
ﻧﺰﻟﺖ ﺩﻣﻮﻋﻲ ﺧﻮﻑ ﻭﻗﻬﺮ ﻫﺎﻟﻤﺮﻩ ﺗﺘﺨﺒﻞ ﻣﻦ ﺻﺪﮒ ﻋﺰﻩ ﺑﻌﻴﻨﻬﻢ ﻣﺎﻳﺨﺎﻓﻮﻥ ﺭﺑﻬﻢ ﺍﺑﺪ
ﺣﺎﺟﻴﺖ ﺍﻣﻲ ﻭﻛﻤﺖ ﺳﺎﻧﺪﻩ ﺭﻭﺣﻲ ﻧﺸﻮﻓﻬﺎ
ﺷﻔﺘﻬﺎ ﺑﺤﻀﻦ ﺣﺴﻴﻦ ﻳﻬﺪﻱ ﺑﻴﻬﺎ ﻭﻋﻴﻮﻧﻪ ﻛﻠﻬﻦ ﺧﻮﻑ
ﻫﻲ ﺑﻴﻦ ﺍﺣﻀﺎﻧﻪ ﻣﺎﻣﻨﺘﺒﻬﻪ ﻭﻣﺎﻋﻠﻰ ﺍﻟﺴﺎﻧﻬﺎ ﺑﺲ ﺍﺳﻢ ﺑﺘﻬﺎ ﻭﺗﻜﻠﻪ ﺍﺭﻳﺪﻫﺎ
ﻃﻠﻊ ﺑﻌﺪ ﻣﺎﻭﺻﻪ ﺍﻣﻲ ﺗﺴﺪ ﺍﻟﺒﺎﺏ ﻭﻣﺎﺗﺨﻠﻴﻬﺎ ﺗﻄﻠﻊ ﺍﻻﻱ ﺳﺒﺐ ﺍﻣﻲ ﮔﻌﺪﺕ ﺗﺒﭽﻲ ﻋﻠﻰ ﺑﺠﻴﻬﺎ ﻭﺍﻧﻪ ﻫﻢ
ﻣﺮﺕ ﺳﺎﻋﺎﺕ ﺍﻟﺤﺪ ﺍﻟﻠﻴﻞ ﻛﻞ ﺷﻮﻳﻪ ﺳﺮﻭﺭ ﺗﻬﺪ ﻉ ﺍﻟﺒﺎﺏ ﻭﻛﻮﻩ ﺗﺮﺟﻊ ﺑﻌﺪ ﻣﺎﺷﺎﻓﺖ ﺍﺧﻮﺍﻥ ﺣﺴﻴﻦ ﻣﻄﻮﻗﻴﻨﻪ
ﺍﺧﺬﺕ ﺗﻠﻴﻔﻮﻧﻬﺎ ﻭﺧﺎﺑﺮﺕ
ﻣﺎﺍﻫﺘﻤﺖ ﺍﻟﻨﻪ ﻭﺍﺣﻨﻪ ﻳﻤﻬﺎ
.. ﺣﺴﻴﻦ ﺍﺫﺍ ﺭﺟﻌﺘﻠﻲ ﺑﻨﺘﻲ ﺍﺗﺰﻭﺟﻚ ﻭﺍﻟﻠﻪ ﻭﺍﻋﺘﺒﺮﻧﻲ ﻣﻮﺍﻓﻘﻪ ﻣﻦ ﻫﺴﻪ ﺑﺲ ﺭﺟﻌﻬﺎ ﺍﻟﻲ
.. ﻻﺗﺤﭽﻴﻦ ﺷﻲ ﻫﺴﻪ ﻭﻻﺗﻮﻋﺪﻳﻦ ﺍﺭﺟﻌﻬﺎ ﻭﺍﻟﻠﻪ ﻣﻮ ﺍﻷﺟﻞ ﻏﺎﻳﻪ ﺍﺭﺟﻌﻬﺎ ﺑﺲ ﺣﺘﻰ ﺍﻓﺮﺣﭻ ﻭﮔﻠﺒﻲ ﻳﺮﺗﺎﺡ ﻋﻠﻴﻬﺎ
… ..
ﺣﺴﻴﻦ ..
ﻃﻠﻌﺖ ﺍﻧﻪ ﻭﺳﺎﻡ ﺑﻌﺪ ﻣﺎﺧﺎﺑﺮﺕ ﺍﺧﻮﺍﻧﻲ ﻭﻛﺘﻠﻬﻢ ﻳﺒﻠﻐﻮﻥ ﺍﺑﻮﻱ ﻳﺨﺎﺑﺮ ﺟﺪﻫﺎ ﻳﺮﺟﻌﻮﻥ ﺍﻟﺒﻨﻴﻪ ﻫﺴﻪ ﻟﻮ ﻧﺸﺘﻜﻲ ﻋﻠﻴﻬﻢ ﺑﺎﻟﻤﺮﻛﺰ ﻭﻧﺴﻮﺍﻧﻬﻢ ﻛﻠﻬﻦ ﻳﻨﺎﻣﻦ ﺍﻟﻠﻴﻠﻪ ﺑﺎﻟﺴﺠﻦ
ﺣﺎﭼﺎﻧﻲ ﻛﺎﻇﻢ ﻳﻬﺪﻱ ﺑﻴﻪ ﻭﮔﺎﻝ ﺗﻌﺎﻝ ﺍﻧﺖ ﺣﺎﺟﻲ ﺍﺑﻮﻱ ﺧﻞ ﻳﻔﻬﻢ ﻣﻨﻚ ﻭﺍﻧﻪ ﺭﺍﻳﺢ ﻋﻠﻴﻬﻢ ﺍﻧﻪ ﻭﺍﻟﻮﻟﺪ ﻧﺤﺮﺱ ﺑﻴﺖ ﻣﺎﻫﺮ ﻣﻦ ﺑﺮﻩ ﺧﺎﻑ ﻛﻠﺸﻲ ﻳﺼﻴﺮ ﻭﻳﺮﺟﻌﻮﻥ
ﺭﺣﺖ ﻭﻭﺳﺎﻡ ﻇﻞ ﻣﺘﺎﻧﻴﻨﻲ ﺑﺮﻩ ﻳﺪﺭﻱ ﻫﻮ ﺑﻤﻮﺿﻮﻋﻲ ﻭﻳﺪﺭﻱ ﺑﺄﺑﻮﻱ ﻭﺳﺎﻟﻔﺘﻪ ﮔﺎﻝ ﺍﺣﭽﻮ ﺑﻴﻨﻜﻢ
ﺭﺣﺖ ﻭﺍﺣﺲ ﺍﻋﺼﺎﺑﻲ ﻛﻠﻬﺎ ﻣﺘﺸﻨﺠﻪ ﺍﻭﻝ ﻣﺎﺷﺎﻓﻨﻲ ﺍﺑﻮﻱ ﺑﻬﺎﻟﺤﺎﻟﻪ ﻧﻬﺾ
.. ﺷﺴﺎﻟﻔﺘﻚ ﻳﺒﻮﻱ ﻋﻠﻰ ﻛﻴﻔﻚ ﺍﻟﺒﻨﺖ ﻋﺪ ﻋﻤﺎﻣﺎ ﻣﺎﻳﻜﺘﻠﻮﻧﻬﺎ ﻫﺴﻪ ﺍﺧﺎﺑﺮﻫﻢ ﻭﻧﻔﻬﻢ
.. ﺑﻮﻳﻪ ﺣﺎﺟﻴﻬﻢ ﻻ ﺍﺭﺗﻜﺒﻠﻲ ﺑﻴﻬﻢ ﺟﺮﻳﻤﻪ ﻭﺍﻟﻠﻪ ﺍﺳﻮﻱ ﺍﻟﻤﺤﺪ ﻣﺴﻮﻱ ﻫﺴﻪ ﺍﺳﻜﻂ ﺯﻟﻤﻬﻢ ﻭﻧﺴﻮﺍﻧﻬﻢ ﺗﻨﺎﻡ ﺑﺎﻟﺤﺒﻮﺱ ﺍﻟﻌﻨﺪﻩ ﻏﻴﺮﻩ ﻋﻠﻰ ﻋﺮﺿﻪ ﺧﻞ ﻳﻔﺰﻋﻠﻪ ﻫﺴﻪ ﻭﻳﺮﺩ ﺍﻟﺒﺖ ﺍﻻﻣﻬﺎ ﻛﺒﻞ ﻻﺍﺭﻭﺡ ﺍﺷﺘﻜﻲ
.. ﻭﻟﻚ ﻫﻨﻪ ﻫﻢ ﻋﺮﺿﻚ ﺑﻨﺎﺕ ﻋﻤﻚ ﻣﺎﺗﻔﻬﻢ ﺍﻧﺖ ﺍﺩﺭﻱ ﻋﺎﺩﻱ ﻋﻨﺪﻙ ﺍﻃﺒﺐ ﺍﻣﻬﺎ ﻟﻠﻤﺮﺍﻛﺰ
.. ﻣﺎﺩﺍﻡ ﻋﺮﺿﻲ ﻳﻌﻨﻲ ﻋﺮﺿﻚ ﺍﻧﺖ ﻫﻢ ﻃﻠﻌﻬﻦ ﻣﻦ ﺍﻟﻬﻨﻪ ﺑﻲ ﻭﺩﻟﻴﻨﻲ ﺑﻴﺘﻬﻢ ﺍﺟﻴﺒﻬﺎ ﺍﻧﻪ ﺑﻨﻔﺴﻲ
ﺑﻌﺪ ﻣﺼﺎﻳﺢ ﻭﻱ ﺍﻟﻮﺍﻟﺪ ﻭﺳﺎﻋﻪ ﻳﺮﻳﺪ ﻳﻘﻨﻌﻨﻲ ﻣﺎﺍﻗﺘﻨﻌﺖ ﻭﻇﻠﻴﺖ ﺍﻫﺪﺩ ﻭﺍﺗﻮﻋﺪ ﺣﻠﻔﻠﻲ ﻳﺮﻭﺡ ﻫﻮ ﻳﺠﻴﺒﻬﺎ ﺑﺲ ﻛﻮﻥ ﻣﺎﺍﺩﺧﻞ ﺍﻧﻪ ﺑﻴﻬﻢ
.. ﺍﺫﺍ ﻗﺼﺪﻙ ﻣﺎﺍﺩﺧﻞ ﺑﻨﺴﻮﺍﻥ ﺍﺑﻮ ﻋﻠﻲ ﻣﺎﻋﻨﺪﻱ ﺣﺠﻲ ﻭﻳﺎﻫﻦ ﺍﻟﺤﭽﻲ ﻭﻱ ﺯﻟﻤﻬﻦ ﻭﺍﺫﺍ ﻗﺼﺪﻙ ﺑﻤﺎﻫﺮ ﻭﺍﻫﻞ ﺑﻴﺘﻪ ﺫﻭﻟﻲ ﺑﻤﻌﺰﺓ ﺭﻭﺣﻲ ﻭﺍﻛﺜﺮ ﻣﻦ ﺍﺷﻮﻑ ﺣﻼﻟﻲ ﻳﺘﻔﺮﻫﺪ ﻭﻣﺎﻳﻬﻤﻨﻲ ﻣﺎﺍﻫﺘﻢ ﻋﻮﺩ ﺍﻟﻬﻢ
.. ﻭﻟﻚ ﺍﻟﻮﺍﺩﻡ ﺗﺎﻛﻞ ﻭﺟﻬﻚ ﻭﻳﻄﻠﻊ ﺣﺠﻲ ﻋﻠﻴﻚ ﺧﺎﻑ ﺍﻧﺖ ﻋﺎﻳﺰ ﻭﺍﻟﺒﻨﻴﻪ ﺗﺘﻮﻻﻫﺎ ﺍﻟﻨﺎﺱ ﻛﻠﻬﺎ ﺗﻌﺮﻑ ﺑﺴﺎﻟﻔﺘﻜﻢ ﻫﺎﻟﻤﺮﻩ ﺗﺼﻴﺮ ﺳﺎﻟﻔﻪ ﺟﺒﻴﺮﻩ ﺍﺣﻠﻔﻠﻚ ﺍﻧﻪ ﺍﺣﻠﻬﺎ ﺑﺲ ﺧﻞ ﺗﻤﺮ ﻳﻮﻣﻴﻦ ﻧﺸﻮﻑ ﻋﻤﺎﻣﻬﺎ ﻭﻧﮕﻌﺪ
.. ﺷﺘﻜﻮﻝ ﺍﻟﻨﺎﺱ ﺧﻞ ﺗﻜﻮﻝ ﻣﺎﻳﻬﻤﻨﻲ .. ﻭﺍﻟﻠﻪ ﻫﺎﻟﻠﻴﻠﻪ ﻣﺎﺗﻈﻠﻢ ﺍﻻ ﺍﻟﺒﻨﻴﻪ ﺑﺤﻀﻦ ﺍﻣﻬﺎ ﺗﺮﻳﺪ ﺗﺴﻮﻱ ﺣﻞ ﺳﻮﻱ ﻫﺴﻪ ﻣﺎﺗﺮﻳﺪ ﺍﻧﻪ ﺍﺗﺼﺮﻑ
.. ﺍﻧﻪ ﺍﺣﻠﻬﺎ ﺑﺲ ﺍﻧﺖ ﺍﻃﻠﻊ ﻣﻨﻬﺎ
.. ﺗﻨﺤﻞ ﻭﺍﻧﻪ ﺍﻷﺣﺎﺳﺒﻬﻢ ﻫﺎﻟﻤﺮﻩ ﻣﻮ ﻏﻴﺮﻱ ﻭﻳﺠﻲ ﻣﺎﻫﺮ ﻭﻳﺼﻴﺮ ﺍﻟﻬﻢ ﺧﻴﺮ ﺍﻟﺴﺎﻟﻔﻪ ﺯﺍﺩﺕ ﻋﻦ ﺣﺪﻫﺎ ﻭﻣﺎﻝ ﺍﺗﻜﺘﺮ ﻭﺍﻇﻞ ﻭﺍﻛﻒ ﻣﻦ ﺑﻌﻴﺪ ﻭﺍﻧﺘﻢ ﺗﻜﻀﻮﻧﻬﺎ ﮔﻌﺪﺍﺕ ﻭﺟﺎﻱ ﻭﻋﺰﺍﻳﻢ ﻭﺳﻮﺍﻟﻒ ﻫﺎﻱ ﺍﻟﺴﺎﻟﻔﻪ ﻣﺎﺗﻔﻴﺪ ﺍﻣﻬﺎ ﺗﺘﺨﺒﻞ ﻋﻠﻴﻬﺎ
.. ﺍﻧﺖ ﺍﻟﻤﺴﻮﺩﻧﻚ ﺍﻣﻬﺎ ﺍﻣﺸﻲ ﺍﻧﺮﻭﺡ ﺍﻧﻪ ﻭﻳﺎﻙ ﻭﺑﺎﻻﻭﻝ ﺍﺧﺎﺑﺮ ﺍﺑﻮ ﻋﻠﻲ ﻭﺍﻧﺸﻮﻑ
ﺧﺎﺑﺮﻫﻢ ﺍﺑﻮﻱ ﻭﻫﺎﻟﻤﺮﻩ ﺷﺪ ﻭﻳﺎﻫﻢ ﻭﻣﻮﻗﻔﻪ ﺛﺎﺑﺖ ﺟﺎﻥ ﻣﺎﺍﺩﺭﻱ ﻛﺴﺮﺕ ﺧﺎﻃﺮﻩ ﺍﻟﺒﻨﻴﻪ ﻣﺪﺭﻱ ﺭﺍﺩ ﻳﺴﻜﺘﻨﻲ ﻻ ﺍﺳﻮﻱ ﺷﻲ ﻳﻨﺪﻡ ﻋﻠﻴﻪ
ﺣﺎﺟﺎﻩ ﻭﺣﻴﻞ ﻻﻣﻬﻢ ﺑﺎﻟﺤﺠﻲ ﻭﻛﻠﻬﻢ ﺩﻡ ﺍﺑﻨﻜﻢ ﻣﻬﺪﻭﺭ ﻭﺍﻧﺘﻮ ﻣﻜﺴﻮﺭﻳﻦ ﻭﻫﺎﻟﻤﺮﻩ ﻟﻮ ﺍﺟﻪ ﻣﺎﻫﺮ ﺷﻮﻓﻮﻟﻜﻢ ﻋﺮﺏ ﻣﺤﺪ ﻣﻨﻪ ﺑﻌﺪ ﻳﻮﻛﻒ ﺑﻮﺟﻬﻪ ﻭﻳﻜﻠﻪ ﻋﻮﻓﻬﻢ ﻟﻮ ﻗﺪﺭ ﺍﻟﺪﻡ ﺍﻟﺒﻴﻨﻜﻢ ﻣﺎﻳﺼﻴﺮ ﻳﻮﻣﻴﻪ ﺑﺎﻟﻴﻨﻪ ﺟﺎﺍﻧﺖ ﻻﻭﻟﺪﻙ ﺗﺮﺩﻫﻢ ﻭﻻ ﻧﺴﻮﺍﻧﻜﻢ ﺍﻟﻬﺎ ﺭﺩﺍﺩ
ﺍﺭﺗﺎﺣﻴﺖ ﻣﻦ ﺳﻤﻌﺖ ﺣﭽﻲ ﺍﺑﻮﻱ ﻭﻛﻼﻣﻪ ﻭﺍﻟﻈﺎﻫﺮ ﺍﺑﻮ ﻋﻠﻲ ﻫﻢ ﻣﺎﺭﺍﺿﻲ ﻭﺍﻟﻨﺴﻮﺍﻥ ﺭﺍﻳﺤﺎﺕ ﺑﺪﻭﻥ ﻣﺎﻳﺎﺧﺬﻥ ﺷﻮﺭ ﺯﻟﻤﻬﻦ
ﻷﻥ ﻛﺎﻝ ﺍﻻﺑﻮﻱ ﻣﺎﻧﺪﺭﻱ ﺑﻴﻬﻦ ﻭﻫﻨﻪ ﻣﺤﺮﻭﻙ ﻛﻠﺒﻬﻦ ﺍﺑﻨﻬﺎ ﻭﺍﻟﺒﻨﺎﺕ ﺍﺧﻮﻫﻦ ﻭﻳﺮﺩﻥ ﻳﺸﻮﻓﻦ ﺑﻨﺘﻪ
ﺟﺎﻭﺑﻪ ﺍﺑﻮﻱ ﺭﺟﻌﻮﻫﺎ ﻫﺴﻪ ﺗﺮﻯ ﺍﻣﻬﺎ ﺭﺍﺡ ﺗﺮﻭﺡ ﻟﻠﻤﺮﻛﺰ ﺗﺒﻠﻎ ﻋﻠﻴﻜﻢ ﻭﻋﻠﻴﻬﺎ ﻗﻀﻴﺔ ﺟﺒﻴﺮﻩ ﻫﺎﻱ ﺧﺎﺹ ﺍﺫﺍ ﺍﺗﺤﺮﻛﺖ ﺍﻟﻘﻀﺎﻳﺎ ﻛﻠﻬﺎ ﻋﻠﻴﻜﻢ ﺍﻟﻘﺪﻳﻤﺎﺕ ﻭﻱ ﻫﺎﻱ
ﮔﻠﻪ ﺍﺑﻮ ﻋﻠﻲ ﻫﺴﻪ ﺍﻭﺩﻳﻬﺎ ﺑﺎﻳﺪ ﻋﻠﻲ ﺍﻟﺒﻴﺘﻚ ﺑﺲ ﻛﻮﻥ ﺑﺤﻤﺎﻳﺘﻚ ﻫﻮ ﻭﻫﺪﻱ ﺍﻟﻮﺿﻊ ﻳﻤﻚ ﻣﺎﺍﺭﻳﺪ ﻃﻼﻳﺐ
.. ﺍﺩﺭﻱ ﺍﻧﺖ ﻣﻨﻴﻦ ﺗﺨﺎﻑ ﻭﺗﺮﻳﺪﻟﻪ ﺣﻤﺎﻳﻪ ﻣﺎﻫﺮ ﻭﻣﺴﺎﻓﺮ ﻭﻟﻮ ﻣﺎﺗﺪﺭﻭﻥ ﺑﻲ ﻣﺴﺎﻓﺮ ﻣﺎﺗﻮﺻﻠﻮﻥ ﻻﺍﻧﺘﻢ ﻭﻻ ﻧﺴﻮﺍﻧﻜﻢ ﻛﺎﻓﻲ ﻣﺮﻩ ﻃﻠﻌﻨﺎﻙ ﻣﻦ ﺍﻳﺪﻩ ﻣﻮ ﻳﻮﻣﻴﻪ ﺗﺴﻠﻤﻮﻥ ﺍﻟﻄﻼﻳﺐ ﺍﻧﺘﻢ ﺗﺠﻴﺒﻮﻧﻬﺎ ﻭﺗﻌﺎﻟﻮ ﻃﻠﻌﻮﻧﻲ ﻭﺣﻠﻮﻫﺎ
ﺍﺧﺮ ﺷﻲ ﺍﻻﺗﻔﺎﻕ ﺟﺎﻥ ﻧﻄﻠﻌﻠﻬﻢ ﮔﺒﻞ ﻻﻳﻄﺒﻮﻥ ﺍﻟﻤﻨﻄﻘﻪ ﻻﻥ ﻣﺎﻫﺮ ﻣﺤﺮﻣﻬﺎ ﻋﻠﻴﻬﻢ ﻳﻨﻄﻮﻫﺎ ﺍﻟﻨﻪ ﻭﻳﺮﺣﻮﻥ
ﻃﻠﻌﺖ ﻭﻳﺎﻱ ﻭﺳﺎﻡ ﻭﻭﺍﺛﻨﻴﻦ ﻣﻦ ﺍﻭﻻﺩ ﻋﻤﻨﻪ ﺍﻟﻄﺮﻓﻴﻦ ﺍﺧﺬﺕ ﺳﻼﺣﻲ ﺍﺣﺘﻴﺎﻁ ﻭﺍﺑﻮﻱ ﻳﻮﺻﻲ ﻻﺗﺘﻬﻮﺭ ﺑﺲ ﺍﻧﺠﻴﺒﻬﺎ ﻭﺗﺮﺟﻊ
ﻭﺻﻠﻨﻪ ﺍﻟﻤﻜﺎﻥ ﺍﻟﻤﺘﻔﻘﻴﻦ ﻋﻠﻴﻪ ﻧﺎﺧﺬﻫﺎ ﻣﻨﻪ
ﻋﻴﻮﻧﻲ ﻉ ﺍﻟﺸﺎﺭﻉ ﻭﺍﻟﺴﻴﺎﺭﺍﺕ ﺍﻟﻤﻌﺪﻭﺩﻩ ﺍﻟﺘﺨﻄﻒ ﺑﻲ ﺳﺮﻳﻊ
ﻭﺍﺟﻪ ﺑﺬﺍﻛﺮﺗﻲ ﻭﺟﻪ ﻣﺤﺒﻮﺑﺘﻲ ﻭﻫﻲ ﺗﺘﻮﺳﻞ ﺍﺑﻴﻦ ﺍﺣﻀﺎﻧﻲ
ﻭﮔﻔﻦ ﺳﻴﺎﺭﺗﻴﻦ ﻭﻧﺰﻝ ﻣﻨﻬﺎ ﻋﻠﻲ ﺳﻠﻢ ﻭﺍﻧﻪ ﻋﻴﻮﻧﻲ ﺍﺗﺮﻳﺪ ﺗﺎﻛﻠﻪ ﺍﻛﺪ ﺍﻟﻤﻮﺿﻮﻉ ﻳﻢ ﺍﻟﻨﺴﻮﺍﻥ ﻭﺣﺎﺳﺒﻮﻫﻦ ﺍﻧﻄﺎﻫﺎ ﺍﻟﻲ ﻭﮔﺎﻝ ﺍﻋﺘﺬﺭﻟﻲ ﻣﻦ ﺍﻣﻬﺎ
ﺣﭽﺎﻳﻪ ﻭﺣﺪﻩ ﺣﺴﻴﺖ ﺑﻴﻬﺎ ﻋﻄﻒ ﻟﻮ ﺍﺷﺘﻌﻞ ﺻﺪﺭﻱ ﻣﻦ ﺍﻟﻐﻴﺮﻩ ﺷﻮ ﻫﺬﺍ ﻧﻌﻢ ﺻﻮﺗﻪ ﻣﻦ ﺟﺎﺏ ﻃﺎﺭﻱ ﺍﻣﻬﺎ ﺷﻨﻬﻲ ﺍﺑﺎﻟﻪ ﺧﺎﻑ ﻋﺒﺎﻟﻪ ﺗﺼﻴﺮﻟﻪ ﺻﺪﮒ
ﮔﻄﻌﺖ ﺍﻓﻜﺎﺭﻱ ﻭﻃﻔﺖ ﻧﺎﺭﻱ ﺍﻟﻤﺸﺘﻌﻠﻪ ﻳﺴﺮ ﺑﺤﻀﻨﺘﻬﺎ ﺍﻟﻲ
ﻭﻫﻲ ﺗﻀﺤﻚ ﺑﺲ ﺍﻟﺨﻮﻑ ﻭﺍﺿﺢ ﺑﻴﻬﺎ ﺍﻟﻌﻴﻮﻥ ﺣﻤﺮ ﻭﺑﺎﺟﻴﻪ ﻫﻮﺍﻱ ﻭﻣﻜﻔﺶ ﺷﻌﺮﻫﺎ ﺍﻟﺤﻠﻮﻭ
ﺍﺧﺬﺗﻬﺎ ﺍﻟﺤﻀﻨﻲ ﺍﻟﺪﻧﻴﺎ ﻇﻠﻤﺖ
ﺭﺟﻌﺖ ﺍﻟﺒﻴﺖ ﻣﺎﻫﺮ ﻭﺑﺪﻭﻥ ﻭﻋﻲ ﻣﻨﻲ ﻻﺩﻛﻴﺖ ﺑﺎﺏ ﻭﻻ ﺗﺎﻧﻴﺖ ﺍﺣﺪ ﻳﺄﺫﻧﻠﻲ ﻓﺘﺖ ﻟﻠﻠﺒﻴﺖ ﻭﺳﺎﻡ ﻭﺭﺍﻱ ﻭﺑﺎﻗﻲ ﺍﻟﻮﻟﺪ ﺑﺎﻟﺒﺎﺏ ﻇﻠﻮﻭ
ﻟﻜﻴﺖ ﺍﻣﻬﺎ ﮔﺎﻋﺪﻩ ﺑﺎﻟﺤﻮﺵ ﻭﺩﻣﻮﻋﻬﺎ ﻣﺎﻭﺍﮔﻔﻪ ﻭﺗﺪﻋﻲ ﺭﺑﻬﺎ
ﻧﺰﻟﺖ ﻳﺴﺮ ﻣﻦ ﺣﻀﻨﻲ ﻭﮔﺘﻠﻬﺎ ﺭﻭﺣﻲ ﺍﻷﻣﺞ ﺑﺴﺎﻉ
ﺣﺠﻴﺘﻬﺎ ﺑﺼﻮﺕ ﻋﺎﻟﻲ ﺷﻬﮕﺘﻬﺎ ﺷﮕﺖ ﺻﺪﺭﻱ ﻭﻓﺘﺤﺖ ﺟﺮﻭﺣﻲ
ﻳﻤﻜﻦ ﺍﺷﻬﮓ ﻣﺜﻠﻬﺎ ﺑﻴﻮﻡ ﺍﻟﻲ ﺗﺼﻴﺮﻟﻲ ﻭﺻﺪﮒ ﺗﺼﻴﺮ ﺑﻴﻦ ﺍﺣﻀﺎﻧﻲ
ﻫﻢ ﻳﺠﻲ ﻫﺬﺍ ﺍﻟﻴﻮﻡ ﻭﺍﻓﺮﺡ ﻫﻴﺞ ﻓﺮﺣﻪ
ﻋﻠﻰ ﻭﮔﻔﺘﻲ ﻇﻠﻴﺖ ﻭﻋﻴﻮﻧﻲ ﺗﺘﺄﻣﻠﻬﺎ ﺍﺗﻘﺪﻣﺖ ﻋﻠﻲ ﻋﻴﻮﻧﻬﺎ ﺑﻌﻴﻨﻲ
.. ﻣﺸﻜﻮﺭ ﺣﺴﻴﻦ ﺍﻟﻠﻪ ﻳﺠﺎﺯﻳﻚ ﻛﻞ ﺧﻴﺮ ﻭﻋﺪﺕ ﻭﻭﻓﻴﺖ ﻭﺑﺲ ﻳﺠﻲ ﻣﺎﻫﺮ ﺗﻌﺎﻝ ﺍﻃﻠﺒﻨﻲ ﺍﻧﻪ ﻣﻮﺍﻓﻘﻪ
ﺍﺣﺲ ﺭﻭﺣﻲ ﺑﺤﻠﻢ ﺑﺲ ﺣﻠﻢ ﻛﺪ ﻣﺎﻳﻔﺮﺡ ﻛﺪ ﻣﺎﺑﻲ ﺧﻮﻑ ﺣﺎﺟﻴﺘﻬﺎ ﻣﺘﻤﻨﻲ ﻫﺎﻟﺤﺠﻲ ﻣﺎﻳﻄﻠﻊ ﻣﻨﻲ ﺑﺲ ﻣﺠﺒﻮﺭ ﺍﻛﻮﻟﻪ
.. ﻻﺗﺤﭽﻴﻦ ﻫﺴﻪ ﺑﻌﺪﻩ ﺑﺎﻟﺞ ﻣﻮ ﺻﺎﻓﻲ ﺍﺭﻳﺪ ﻣﻮﺍﻓﻘﺘﺞ ﻏﻴﺮ ﻳﻮﻡ ﻣﻦ ﺗﻬﺪﺃﻳﻦ ﻭﺗﻔﻜﺮﻳﻦ ﺯﻳﻦ
ﻧﺼﺖ ﺭﺍﺳﻬﺎ ﺑﺪﻭﻥ ﻣﺎﺗﺠﺎﻭﺏ ﻃﻠﻌﺖ ﻭﻫﺎﻱ ﺍﻟﻔﺮﺣﻪ ﺗﻜﻔﻴﻨﻲ
ﺑﻴﻮﻣﻬﺎ ﻣﺎﻫﺮ ﺧﺎﺑﺮﻧﻲ ﻭﻛﻠﻨﻪ ﻭﺍﺣﺪ ﻭﺻﻪ ﻭﺍﺣﺪ ﻣﺎﻧﺤﺠﻲ ﻭﻻ ﺍﻧﮕﻠﻪ ﺍﺷﺼﺎﺭ ﺯﻳﻨﻴﻦ ﻭﺑﺨﻴﺮ ﻭﻫﺬﺍ ﻫﻮﻭ
ﻣﺮﺕ ﻳﻮﻣﻴﻦ ﻭﺑﻴﺘﻬﻢ ﻣﺎﺗﺮﻛﻨﺎﻩ ﺍﻧﻪ ﻭﻭﺳﺎﻡ
ﺍﻳﺎﻡ ﻣﻌﺪﻭﺩﻩ ﺷﻠﻨﻪ ﻣﺴﺆﻭﻟﻴﺘﻬﻢ ﺗﻌﺒﻨﻪ ﺍﻟﻠﻪ ﻳﺴﺎﻋﺪ ﻣﺎﻫﺮ ﻋﻠﻰ ﻫﺎﻟﻌﻤﺎﻡ ﻭﻋﻠﻰ ﺍﻟﻤﺸﺎﻛﻞ ﺍﻟﮕﻀﻪ ﻋﻤﺮﻩ ﺑﻴﻬﺎ
ﻣﺮﺕ ﺍﻳﺎﻡ ﻧﺨﻠﺼﻬﺎ ﺳﻮﺍﻟﻒ ﺍﻧﻪ ﻭﻭﺳﺎﻡ ﻭﺍﺣﺪ ﻳﺸﻜﻲ ﻫﻤﻪ ﺍﻟﻮﺍﺣﺪ
ﻭﺳﺎﻡ ﺟﺎﻥ ﻣﻘﺮﺭ ﻳﺘﺰﻭﺝ ﺑﺲ ﻣﺎﻳﺮﻳﺪ ﻭﻱ ﺍﻫﻠﻪ ﻳﺮﻳﺪ ﻳﻌﺰﻝ ﻭﺣﺪﻩ
ﻭﻳﺮﻳﺪﻟﻪ ﺍﺑﻨﻴﻪ ﺑﻨﺖ ﺍﻭﺍﺩﻡ ﺣﺴﺐ ﻣﺎﮔﺎﻝ ﻫﻮ ﺍﺑﺎﻟﻪ ﻭﺣﺪﻩ ﻣﻦ ﺧﻮﺍﻟﻪ ﻳﮕﻮﻝ ﺭﺍﺑﻴﻪ ﺍﺑﻴﻨﻪ ﻭﺍﻋﺮﻓﻬﺎ ﻭﺍﻋﺮﻑ ﺍﺧﻼﻗﻬﺎ
ﺑﺲ ﺷﻮﻱ ﺣﺎﻟﺘﻪ ﺍﻟﻤﺎﺩﻳﻪ ﺑﻌﺪﻫﻲ ﻣﻮ ﺗﻤﺎﻡ ﺧﺎﺹ ﻣﻦ ﻋﺰﻝ ﺷﻐﻠﻪ ﻋﻦ ﺍﻫﻠﻪ
ﺑﻌﺪﻩ ﻣﺎﻣﺜﺒﺖ ﺭﺟﻠﻪ ﻭﻳﻜﻮﻝ ﺍﺭﻳﺪ ﺍﺳﺘﻘﺮ
ﻛﺘﻠﻪ ﺍﺗﻮﻛﻞ ﻭﺧﻠﻴﻬﺎ ﻋﻠﻰ ﺍﻟﻠﻪ ﻳﺴﻬﻠﻬﺎ ﻫﺴﻪ ﺍﻧﺖ ﺍﺧﻄﺐ ﻭﺑﻌﺪﻳﻦ ﻓﻜﺮ ﺑﺎﻟﺒﻴﺖ ﻭﺍﻟﻤﻜﺎﻥ ﻭﺗﻄﻠﻊ ﻟﻮ ﻻ
ﺑﻴﻮﻣﻬﺎ ﺭﺟﻌﺖ ﻣﻦ ﺍﻟﺒﻴﺖ ﻣﺘﺄﺧﺮ ﻭﻫﺎﻟﻤﺮﻩ ﺍﺗﻠﮕﺎﻧﻲ ﺍﺑﻮﻱ ﺑﻌﺮﻛﻪ
.. ﺷﻌﺪﻙ ﺍﻟﻬﺴﻪ ﻳﻤﻬﻢ ﻭﻟﻚ ﺍﻟﻨﺎﺱ ﻛﻠﺖ ﻭﺟﻮﻫﻨﻪ ﻛﺎﻓﻲ ﻛﻠﻬﺎ ﺍﻟﻴﻮﻡ ﺗﺤﺠﻲ ﺑﻴﻚ ﻫﺬﺍ ﺣﺠﻲ ﺍﻟﺰﻟﻢ ﺍﻟﻠﻪ ﻳﻌﻠﻢ ﺣﭽﻲ ﺍﻟﻨﺴﻮﺍﻥ ﻭﻳﻦ ﻭﺻﻠﻜﻢ
.. ﺍﻟﻴﺤﺠﻲ ﻳﻄﺒﻪ ﻣﺮﺽ ﻣﺎﻣﺴﻮﻱ ﺷﻲ ﺍﻧﻪ
.. ﻭﻟﻚ ﻫﺴﻪ ﺍﻧﺖ ﺗﻌﺎﻧﺪ ﻋﻠﻴﺶ ﻣﻮ ﺑﺼﺎﻟﺤﻚ ﻭﻻ ﺻﺎﻟﺤﻬﺎ ﺍﺫﺍ ﻫﻴﺞ ﻛﻠﺶ ﺭﺍﻳﺪﻫﺎ ﺍﺧﻄﺒﻬﺎ ﺍﺧﺬﻫﺎ ﻭﺧﻠﻲ ﺍﺗﺼﻴﺮ ﺍﻟﻚ ﺑﺲ ﻋﻴﺐ ﻳﻨﺠﺎﺏ ﻃﺎﺭﻳﻚ ﺑﻤﻮ ﺯﻳﻦ ﻭﻫﻲ ﻫﻢ ﺭﺍﺡ ﻳﻜﺜﺮ ﺍﻟﺤﺠﻲ ﻋﻠﻴﻬﺎ
.. ﻳﺎﺣﭽﻲ ﺍﺭﻳﺪ ﺍﻓﻬﻢ ﺭﺍﻳﺤﻠﻬﻢ ﺍﻧﻪ ﻭﺍﺻﻠﻬﻢ ﺟﻲ ﺭﺟﻌﺖ ﺑﺘﻬﺎ ﺍﻟﻬﺎ ﻣﻮ ﺍﻧﺖ ﺍﺗﻜﻔﻠﺖ ﺍﻟﻄﻼﺑﻪ ﻛﺘﻠﺖ ﻭﺍﺣﺪ ﻣﻨﻬﻢ ﻫﺴﻪ ﺍﻧﻪ ؟
ﻫﻮ ﻳﺎﻫﻮ ﺍﻟﻴﺤﭽﻲ ﮔﺮﺍﻳﺒﻨﻪ ﻟﻮ ﻏﻴﺮﻫﻢ ﺍﻟﺒﻲ ﺧﻴﺮ ﺧﻠﻪ ﻳﮕﺎﺑﻠﻨﻲ ﻭﻳﺤﭽﻲ ﻋﻴﺐ ﻋﻠﻴﻬﻢ ﻫﺎﻟﺤﭽﻲ ﻣﺎﻣﺪﺧﻞ ﺑﺄﺣﺪ ﺣﻴﺎﺗﻲ ﻛﻠﻬﺎ ﻣﺎﻣﻦ ﺣﻖ ﺍﻱ ﻭﺍﺣﺪ ﻳﺪﺧﻞ ﺑﻴﻪ ﻟﻮ ﺍﺑﻦ ﺍﻣﻲ ﻣﺎﺍﺳﻤﺤﻠﻪ
ﻭﺍﺧﻄﺐ ﻣﺎﺍﺧﻄﺐ ﺑﻜﻴﻔﻲ ﻣﻮ ﺯﻏﻴﺮ ﺍﻧﻪ ﻛﺎﻓﻲ ﻟﺤﻴﺘﻲ ﻭﺭﺍﺳﻲ ﺑﻴﻬﻦ ﺷﻴﺐ ﻣﺎﻣﻘﺘﻨﻌﻴﻦ ﺍﻧﺘﻢ ﻭﻣﺨﻠﻴﻨﻲ ﻣﺮﺗﺎﺡ
.. ﻓﺮﺣﺎﻥ ﺑﺮﻭﺣﻚ ﺭﺍﺳﻚ ﻭﻟﺤﻴﺘﻚ ﺷﻴﺒﻦ ﻭﺍﻧﺖ ﻣﺜﻞ ﻣﺎﺍﻧﺖ ﺷﻮﻑ ﺍﺧﻮﺍﻧﻚ ﺍﺯﻏﺮ ﻣﻨﻚ ﺑﺸﮕﺪ ﻛﻠﻬﻢ ﺍﺳﺘﻘﺮﻭ ﻭﺍﺗﺰﻭﺟﻮ ﻭﺧﻠﻔﻮ ﺑﺲ ﺍﻧﺖ ﻇﻞ ﺷﺎﻟﻊ ﮔﻠﺒﻚ ﻭﮔﻠﺒﻲ ﺑﻮﻳﻪ ﻛﺎﻓﻲ ﻭﺍﻟﻠﻪ ﻛﺎﻓﻲ ﮔﺒﻞ ﻋﺎﺭﺿﺖ ﻫﺴﻪ ﻳﺎﺭﻳﺖ ﺗﺎﺧﺬﻙ ﻭﺗﻔﺾ ﺍﺭﻳﺪ ﺍﺷﻮﻓﻚ ﻣﺮﺗﺎﺡ ﻭﻛﻠﺸﻲ ﻣﺎﺍﺭﻳﺪ
ﻣﺎﺟﺎﻭﺑﺘﻪ ﻫﻢ ﺣﻘﻪ ﻣﻘﻬﻮﺭ ﻋﻠﻴﻪ ﻭﺍﻟﺤﻤﺪﻟﻠﻪ ﺍﺧﻴﺮﺍ ﺍﺑﻮﻱ ﺍﻗﺘﻨﻊ ﻭﻫﻲ ﻣﻮﺍﻓﻘﺘﻬﺎ ﻣﺎﻳﻨﻮﺧﺬ ﺑﻴﻬﺎ ﻣﺎﻝ ﺫﺍﻙ ﺍﻟﻴﻮﻡ ﺟﺎﻧﺖ ﻣﺮﻋﻮﺑﻪ ﻣﺎﺗﻌﺮﻑ ﺷﺘﺤﺠﻲ
ﺭﺣﺖ ﻏﺴﻠﺖ ﻭﻃﻠﻌﺖ ﺍﺭﻳﺪ ﺍﻧﺎﻡ ﺍﺭﻳﺪ ﺍﺭﺗﺎﺡ ﻛﺎﻓﻲ ﮔﻠﺒﻲ ﻣﻬﻤﻮﻡ ﻭﺍﺑﺎﻟﻲ ﺣﺴﺒﺎﺕ ﻫﻮﺍﻱ
ﺩﻙ ﺗﻠﻴﻔﻮﻧﻲ ﮔﻌﺪﺕ ﺍﻟﺤﻴﻠﻲ ﺑﻌﺪ ﻣﺎﭼﻨﺖ ﻣﺘﻤﺪﺩ ﻫﺬﺍ ﺭﻗﻤﻬﺎ
ﮔﻠﺒﻲ ﺍﺣﺲ ﺑﻲ ﺧﻴﻞ ﺍﻃﺎﺭﺩ
ﻭﺭﻭﺣﻲ ﻋﻠﮕﺖ ﻓﻮﮒ ﺍﻟﻐﻴﻢ
ﺟﺎﻭﺑﺘﻬﺎ ﺣﺘﻰ ﺍﻝ ﺍﻟﻮﻭ ﻣﺎﻃﻠﻌﺖ ﻣﻨﻲ
ﺍﻧﺘﻈﺮ ﺍﺳﻤﻊ ﺻﻮﺗﻬﺎ
.. ﺍﻟﻮﻭ .. ﺍﻟﻮﻭ
.. ﻫﻼ ﻛﻞ ﺍﻟﻬﻼ
ﺳﻜﺘﺖ ﻭﺍﻧﻲ ﺍﺳﻤﻊ ﻧﺒﺮﺓ ﺻﻮﺗﻪ ﻭﺭﺟﻔﺘﻬﺎ ﺍﺣﺲ ﺑﻲ ﻭﺍﺩﺭﻱ ﻳﺤﺒﻨﻲ ﺑﺲ ﺍﻟﻤﺸﻜﻠﻪ ﺍﺿﻮﺝ ﻣﻦ ﺍﺣﺴﺎﺳﻲ ﻭﺍﺿﻮﺝ ﺍﻛﺜﺮ ﻣﻦ ﺍﺷﻮﻑ ﻣﺎﻛﻮ ﺷﻲ ﺑﺪﺍﺧﻠﻲ ﻳﺘﺠﺎﻭﺏ ﻭﻳﺎﻩ ﺍﺣﺴﻪ ﻳﻤﻠﻨﻲ ﻟﻮ ﺍﺳﺒﺒﻠﻪ ﺟﺮﻭﺡ ﻫﻮﺍﻱ
ﺍﺗﺸﺠﻌﺖ ﻭﺣﺎﺟﻴﺘﻪ
.. ﺣﺴﻴﻦ ﺍﻧﻪ ﺣﺎﭼﻴﺘﻚ ﺑﻌﺪ ﺗﻔﻜﻴﺮ ﻃﺎﻝ ﺳﺎﻋﺎﺕ ﺧﻠﻪ ﺍﻟﻨﻮﻡ ﻳﺠﺎﻓﻲ ﻋﻴﻨﻲ ﺍﻟﻴﻮﻡ ﻭﺻﻠﻨﻲ ﺣﭽﻲ ﺣﻴﻞ ﻳﺠﺮﺡ ﻭﺻﺮﺕ ﻋﻠﻰ ﻛﻞ ﺍﻟﺴﺎﻥ ﻋﺎﺷﮕﻪ ﻭﻣﻌﺸﻮﮔﻪ
ﺣﺎﻳﺮﻩ ﺑﻤﺎﻫﺮ ﻟﻮ ﺭﺟﻊ ﻭﺩﺭﻩ ﺑﺎﻟﺼﺎﺭ ﻭﺳﻤﻊ ﺑﺎﻟﺤﭽﻲ ﺷﺮﺍﺡ ﻳﺼﻴﺮ ﺧﺎﻳﻔﻪ ﻋﻠﻴﻪ ﻣﻞ ﻣﻨﻲ ﻭﻣﻞ ﻣﻦ ﻃﻼﻳﺒﻲ
ﺷﻮﻑ ﺍﻧﻪ ﻣﻦ ﺭﻓﻀﺘﻚ ﻣﻮ ﻗﺼﻮﺭ ﺑﻴﻚ ﺍﻟﻠﻪ ﻳﺸﻬﺪ ﻋﻠﻴﻪ ﺭﻓﻀﺘﻚ ﺍﺭﻳﺪ ﺗﺸﻮﻑ ﺍﻻﺣﺴﻦ ﻣﻨﻲ ﺍﻧﺖ ﺗﺴﺘﺎﻫﻞ ﻭﺣﺪﻩ
ﺍﺣﺴﻦ
.. ﻭﺍﻧﻪ ﻣﺎﺭﺍﻳﺪ ﻣﻦ ﺍﻟﻠﻪ ﺑﺲ ﺍﻧﺘﻲ ﺑﺲ ﺭﺍﻳﺪﺝ ﻣﻘﺘﻨﻌﻪ ﻣﺎﺭﺍﻳﺪﺝ ﻣﺠﺒﻮﺭﻩ ﺍﻻﻱ ﺳﺒﺐ .. ﺍﻧﻪ ﻣﺎﻃﻠﺒﺘﺞ ﻣﻦ ﺍﺣﺪ ﻃﻠﺒﺘﺞ ﻣﻦ ﺍﻟﻠﻪ ﻭﻇﻠﺖ ﻳﻢ ﺍﻟﻠﻪ ﺑﻌﺪ
ﺍﺫﺍ ﻉ ﺍﻟﺤﺠﻲ ﻛﻠﻴﻠﻲ ﺍﻟﺘﺮﺩﻳﻨﻪ ﺷﻨﻬﻲ؟ ﻳﺘﻨﻔﺬ ﺗﺮﺩﻳﻦ ﺍﺑﻌﺪ ﻣﻨﺎ ﺍﻋﻮﻑ ﺍﻟﻮﻻﻳﻪ ﻛﻠﻬﺎ ﻣﺎﻋﻨﺪﻱ ﻣﺎﻧﻊ ﺍﻟﻠﻪ ﻳﺸﻬﺪ ﺑﺲ ﻛﻮﻥ ﺍﻧﺘﻲ ﺗﺮﺗﺎﺣﻴﻦ
ﻧﺰﻟﺖ ﺩﻣﻮﻋﻲ ﺻﻌﺐ ﻋﻠﻴﻪ ﺍﻟﻤﻬﻤﻪ ﻭﺣﻴﻞ ﺣﻴﻞ ﺿﺠﺖ ﻣﻦ ﺭﻭﺣﻲ ﺑﺲ ﻣﻮ ﺑﻴﺪﻱ ﻭﺍﻟﻠﻪ
ﺟﺎﻭﺑﺘﻪ ﺑﺼﻮﺕ ﻣﺨﻨﻮﮒ ﻭﻛﻮﻩ ﺗﻄﻠﻊ ﺍﻟﻜﻠﻤﻪ
.. ﻻﺭﺍﻳﺪﻩ ﺗﺨﻄﺐ ﻭﺍﻭﻝ ﻣﺎﻳﺠﻲ ﻣﺎﻫﺮ ﺗﻌﻘﺪ ﺑﺲ ﻋﻨﺪﻱ ﻃﻠﺐ
.. ﻻﺗﮕﻠﻴﻠﻲ ﺑﺲ ﻋﻠﻰ ﻭﺭﻕ ﺷﻮﻓﻲ ﺍﻧﺘﻲ ﻋﻨﺪ ﺍﻫﻠﺞ ﻭﺍﻧﻪ ﻣﺘﻤﻨﻴﺞ ﻣﻦ ﺗﺠﻴﻦ ﻳﻤﻲ ﻣﺎﺍﻭﻋﺪﺝ ﻭﻻ ﺍﺭﺿﺎ ﺑﻬﺬﺍ ﺍﻟﻄﻠﺐ ﺍﺫﺍ ﻫﺬﺍ ﺍﻟﻲ ﺍﺑﺎﻟﺞ ﺗﻌﺬﺭﻳﻨﻲ ﻟﻮ ﺍﺧﺬﺝ ﺍﻟﻲ ﻣﺮﻩ ﺍﺷﻮﻓﺞ ﺣﺒﻲ ﻭﺍﻋﻮﺿﺞ ﻋﻦ ﻛﻞ ﺷﻲ ﻟﻮ ﺗﻈﻠﻴﻦ ﻋﺪ ﺍﻫﻠﺞ ﺍﺭﺣﻢ ﺍﻟﻲ ﻭﺍﻟﺞ ﻭﻻﺗﮕﻮﻟﻴﻦ ﺍﻻﺭﺗﺒﺎﻁ ﺍﻟﺰﻭﺍﺝ ﻭﺍﻟﻌﻼﻗﻪ ﺑﻲ ﻣﻮ ﻣﻬﻤﻪ ﺍﻟﻠﻪ ﻳﻜﻮﻝ ﻫﻲ ﺍﻫﻢ ﺭﺍﺑﻂ ﺑﻴﻦ ﺍﻟﺰﻭﺟﻴﻦ ﻣﻮ ﺍﻧﻪ ﺳﺎﻟﻔﺔ ﺍﻟﻮﺭﻕ ﻭﻫﺎﻟﺴﻮﺍﻟﻒ ﻣﺎﺗﺮﻫﻢ ﻋﻨﺪﻱ ﺻﻌﺐ ﺍﺗﺤﻤﻠﻬﺎ ﺍﺩﺭﻱ ﺑﺮﻭﺣﻲ ﻟﻴﺶ ﺍﻭﻋﺪﺝ ﻭﻣﺎﺍﻭﻓﻲ
ﺗﻨﻬﺪﺕ ﻣﺨﻨﻮﮒ ﺻﺪﺭﻱ ﺳﺪ ﻛﻞ ﺑﺎﺏ ﺑﻮﺟﻬﻲ ﻭﻋﺒﺎﻟﻚ ﻗﺎﺭﻳﻨﻲ ﺍﻧﻪ ﻫﺬﺍ ﺟﺎﻥ ﻃﻠﺒﻲ ﺭﺩﺕ ﺍﺗﻌﻮﺩ ﻋﻠﻴﻪ ﻭﺍﺧﻠﻲ ﻳﻔﻬﻤﻨﻲ ﺍﻭﻝ
ﺟﺎﻭﺑﺘﻪ ﻭﺍﺣﺲ ﺍﻟﻨﻔﺲ ﺟﺎﻱ ﻳﻀﻴﻖ ﺑﻴﻪ
.. ﺯﻳﻦ ﺷﻠﻮﻥ ﺍﺗﻌﻮﺩ ﻋﻠﻴﻚ ﻓﺘﺮﻩ ﺍﺭﻳﺪ ﺍﺳﺘﻮﻋﺐ ﺍﻻﻧﻪ ﺑﻲ ﺍﻟﻬﺴﻪ ﻣﺎﺍﺳﺘﻮﻋﺐ ﻛﻠﺸﻲ ﻳﻤﻜﻦ ﻣﺎﺗﻔﻬﻤﻨﻲ ﺑﺲ ﺍﺣﺲ ﺭﻭﺣﻲ ﺑﺤﻠﻢ ﻭﺍﺻﺤﺎ ﻣﻨﻪ ﺑﻴﻮﻡ ﺍﺭﻳﺪ ﺷﻲ ﻳﺼﺤﻴﻨﻲ ﺷﻠﻮﻥ ﺍﺻﺤﺎ
.. ﻭﻳﺎﺝ ﺍﻧﻪ ﻭﻣﺮﺣﻠﻪ ﻭﻧﺘﻌﺪﺍﻫﺎ ﺍﺧﻄﺒﺞ ﻭﺍﻋﻘﺪ ﻋﻠﻴﺞ ﻭﺗﻈﻠﻴﻦ ﺍﺑﻴﺖ ﺍﻫﻠﺞ ﻣﻨﺎ ﻟﻤﻦ ﺗﺘﻌﻮﺩﻳﻦ ﻭﺍﻧﻪ ﻭﻳﺎﭺ ﻧﺘﺴﺎﻋﺪ
ﻣﺎﻛﻮ ﻏﻴﺮ ﻧﺘﻘﺮﺏ ﻭﺍﻟﺘﻘﺎﺭﺏ ﻳﻮﺿﺢ ﻛﻠﺸﻲ ﺧﻠﻴﻨﻪ ﻧﺘﺮﺍﺳﻞ ﻭﻧﺘﺨﺎﺑﺮ ﻭﺭﺍﺡ ﺗﺴﻬﻞ ﻫﻮﺍﻱ ﺍﻣﻮﺭ ﺑﺲ ﺧﻠﻴﺞ ﻗﻮﻳﻪ ﺍﻧﺘﻲ ﻫﻴﺞ ﻣﺜﻞ ﻗﻮﺗﺞ ﻫﺴﻪ
.. ﺗﺘﺤﻤﻠﻨﻲ
.. ﺍﺗﺤﻤﻞ ﻛﻠﺸﻲ ﻣﻨﺞ ﻣﮕﺪﻭﺭ ﻋﻠﻴﻪ ﻭﻛﻞ ﻫﺬﺍ ﺍﻧﻪ ﺍﻛﺪﺭﻟﻪ
.. ﻭﺍﺫﺍ ﺍﺟﻪ ﻳﻮﻡ ﻭﺿﺠﺖ ﻣﻨﻲ ﻭﻛﺮﻫﺘﻨﻲ ﺑﺴﺒﺐ ﻣﺎﺿﻲ ﻟﻮ ﺫﻛﺮﻯ
.. ﻣﺎﺍﻛﺮﻫﺞ ﺍﻧﻪ ﻟﻮ ﺍﻛﺮﻫﺞ ﺟﺎ ﻛﺪﺭﺕ ﺍﺗﺠﺎﻭﺯ ﺍﻟﺮﺍﺡ ﻛﻠﻪ ﻭﺍﻧﺴﻰ ﻭﺍﺫﺍ ﻉ ﺍﻟﻤﺎﺿﻲ ﺑﻜﺪ ﻣﺎﻳﻮﺟﻌﺞ ﻳﻮﺟﻌﻨﻲ ﺧﻠﻲ ﻫﺎﻟﺸﻲ ﺍﺑﺎﻟﺞ ﺍﻧﻪ ﻫﻢ ﻋﻨﺪﻱ ﺍﺣﺴﺎﺱ ﻉ ﻛﻴﻔﺞ ﻭﻳﺎﻱ ﺧﻠﻴﻨﻪ ﻧﺘﻌﺎﻭﻥ ﻻ ﻭﺍﺣﺪ ﻳﻮﺟﻊ ﺍﻟﺜﺎﻧﻲ ﻧﺤﺴﺐ ﺍﻟﻤﺎﺿﻲ ﻓﺘﺮﻩ ﻭﺫﻛﺮﻯ ﺑﺎﻗﻴﻪ ﻣﺎﺗﻨﻤﺤﻲ ﺑﺲ ﻛﻮﻥ ﻣﺎﺗﺄﺛﺮ ﻋﻠﻰ ﻣﺴﺘﻘﺒﻠﻨﻪ ﺍﻧﻪ ﺩﻭﻡ ﻭﻳﺎﺝ ﺣﺘﻰ ﻋﻠﻴﻪ ﺑﺲ ﻫﻢ ﻉ ﻛﻴﻔﭻ ﻭﻱ ﮔﻠﺒﻲ ﺍﻟﺒﻲ ﻛﺎﻓﻲ
ﺷﻬﮕﺖ ﺑﻌﺒﺮﺗﻲ ﻭﺟﺎﻭﺑﺘﻪ
.. ﺍﻧﻪ ﻣﻮ ﻗﺎﺳﻴﻪ ﻫﻴﺞ ﻭﻻ ﻋﺪﻳﻤﺔ ﺍﺣﺴﺎﺱ ﺣﺘﻰ ﺍﺟﺮﺣﻚ ﺑﺲ ﻗﺼﺪﻱ ﺍﻛﻮ ﺍﻣﻮﺭ ﻣﺎﺍﺩﺭﻱ ﺷﻠﻮﻥ ﺍﺳﻴﻄﺮ ﻋﻠﻴﻬﺎ ﺑﺲ ﺍﻻﻋﺮﻓﻪ ﺍﺭﻳﺪ ﺍﺣﺪ ﻳﺴﺎﻋﺪﻧﻲ ﻭﺍﻧﻪ ﻭﺣﻴﺪﻩ ﺻﺢ ﺍﻣﻲ ﻭﻣﺎﻫﺮ ﻣﺎﻣﻘﺼﺮﻳﻦ ﻋﻠﻴﻪ ﺑﺸﻲ ﺑﺲ ﺻﻌﺐ ﺍﺷﻜﻴﻠﻬﻢ ﺍﻧﻪ ﻋﻴﻨﻲ ﻣﻜﺴﻮﺭﻩ ﻣﻨﻬﻢ ﺑﺴﺒﺐ ﻃﻴﺸﻲ ﮔﺒﻞ ﻭﺍﻛﺘﻢ ﺑﻜﻠﺒﻲ ﻭﺍﺳﻜﺖ
.. ﺍﻧﺘﻲ ﻟﻮ ﻣﺎﻋﻨﺪﺝ ﺍﺣﺴﺎﺱ ﻣﺎﺻﺮﺗﻲ ﺑﻬﺎﻟﺤﺎﻝ ﺍﻧﻪ ﺍﻗﺪﺭ ﺣﺰﻧﺞ ﻭﻻﻋﺒﺎﻟﺞ ﻛﺎﺭﻩ ﻭﺿﻌﺞ ﺑﺎﻟﻌﻜﺲ ﺟﺒﻴﺮﻩ ﺑﻌﻴﻨﻲ ﻭﻳﻮﻡ ﻋﻦ ﻳﻮﻡ ﺗﻜﺒﺮﻳﻦ .. ﺑﺲ … ﺳﻜﺘﺖ ﺟﺮﻳﺖ ﻧﻔﺲ ﻭﺫﺑﻴﺖ ﺣﺴﺮﻩ
ﺑﺲ ﻫﺎﻟﺸﻲ ﻣﺎﺍﺭﻳﺪﻩ ﻳﺄﺛﺮ ﻋﻠﻴﻨﻪ ﺍﻟﻤﺎﺿﻲ ﻻﺗﻔﻜﺮﻳﻦ ﺑﻲ ﺍﻧﺘﻲ ﻣﺎﻏﻠﻄﺘﻲ ﺍﻧﺠﺒﺮﺗﻲ ﺑﻮﻛﺘﻬﺎ ﻭﺍﻟﺰﻋﻞ ﺭﺍﺡ ﻭﺍﻟﻜﻠﻮﺏ ﺍﺗﺼﺎﻓﺖ ﺍﻧﺘﻲ ﺣﺴﺎﺳﻪ ﺍﺯﻳﺪ ﻣﻦ ﺍﻟﻼﺯﻡ ﻭﻇﺎﻟﻪ ﺗﻔﻜﺮﻳﻦ
ﻣﺎﻫﺮ ﻳﻔﻜﺮ ﺑﻴﺞ ﺍﻛﺜﺮ ﻣﻦ ﺭﻭﺣﻪ ﺑﻌﻤﺮﻩ ﻣﺎﺷﺎﻳﻞ ﺑﻜﻠﺒﻪ ﻋﻠﻴﺞ ﻳﺘﻤﻨﺎﻟﺞ ﺍﻟﺮﺍﺣﻪ ﺍﻟﻠﻪ ﻳﺸﻬﺪ
.. ﺍﻟﻠﻪ ﻛﺮﻳﻢ
.. ﺯﻳﻦ ﻫﺴﻪ ﻟﻴﺶ ﺍﻟﺒﭽﻲ ﻭﻟﻴﺶ ﻫﺎﻟﺨﻨﮕﻪ ﻣﻮ ﺣﭽﻴﻨﻪ ﺧﻮﺵ ﺣﭽﻲ ﻭﺍﺗﻘﺪﻣﻨﻪ ﻣﻮ ﻟﻮ ﻻ ﻟﻴﺶ ﻣﺨﺘﻨﮕﻪ ﺷﻴﺼﻴﺮ ﺑﻴﻪ ﻭﺍﻧﻪ ﺍﺳﻤﻊ ﺻﻮﺗﺞ ﻫﻴﺞ ﻣﺨﻨﻮﻙ
.. ﻣﺎﺍﺩﺭﻱ ﻭﺍﻟﻠﻪ ﻳﻤﻜﻦ ﻷﻥ ﻣﺮﺗﺒﻜﻪ ﻣﺎﺍﺟﻪ ﺍﺑﺎﻟﻲ ﺍﺳﻮﻳﻬﺎ ﻭﺍﺣﺎﺟﻴﻚ ﺑﻴﻮﻡ ﺑﺲ ﺣﺠﻲ ﺍﻟﻨﺎﺱ ﻳﺄﺫﻱ ﻭﺣﻴﻞ ﻳﺠﺮﺡ ﻭﺍﻧﺖ ﻫﻢ ﻣﺎﺗﺴﺘﺎﻫﻞ ﺗﺼﻴﺮ ﺑﻴﻨﻲ ﻭﺑﻴﻨﻬﻢ ﻭﺑﻴﻦ ﺍﻫﻠﻚ ﺟﻨﺖ ﺍﺗﻤﻨﺎﻟﻚ ﺍﻟﺮﺍﺣﻪ ﺑﻌﻴﺪ ﻋﻦ ﻫﻤﻮﻣﻲ
.. ﻭﺍﻧﻪ ﻫﺬﺍ ﺍﺣﺴﺎﺳﺞ ﺑﻴﻪ ﻳﻜﻴﻔﻴﻨﻲ ﻭﻳﻐﻨﻴﻨﻲ ﻋﻦ ﺭﺍﺣﺔ ﺍﻟﺪﻧﻴﺎ ﻛﻠﻬﺎ
ﻭﻳﺴﺮ ﺍﺑﺪ ﻻﺗﺨﺎﻓﻴﻦ ﻋﻠﻴﻬﺎ ﻭﻳﺎﻱ ﺍﻧﺘﻲ ﻣﻜﺎﻧﺞ ﺍﻟﻴﻤﻨﻪ ﻭﻫﻲ ﺍﻟﻴﺴﺮﻩ ﺍﺛﻨﻴﻨﻜﻢ ﺑﻌﻴﻮﻧﻲ
.. ﻣﺎﺣﭽﻴﺖ ﺑﻮﺿﻊ ﻳﺴﺮ ﻷﻥ ﻫﻲ ﺳﺒﺐ ﺧﻠﺘﻨﻲ ﺍﻓﻜﺮ ﺑﻴﻚ ﻳﺴﺮ ﻣﺎﺍﺧﺎﻑ ﻋﻠﻴﻬﺎ ﻭﻳﺎﻙ ﺍﻟﺨﻮﻑ ﻋﻠﻴﻬﺎ ﺍﺫﺍ ﻇﻠﺖ ﻭﻳﺎﻱ ﻭﺍﻧﻪ ﻫﺬﺍ ﻭﺿﻌﻲ
ﻫﺴﻪ ﺍﺳﻔﻪ ﺍﺫﺍ ﺿﻮﺟﺘﻚ ﺍﻧﻪ ﻣﻊ ﺍﻟﺴﻼﻣﻪ
.. ﺑﻌﻴﻮﻧﻲ ﻳﺴﺮ ﻭﺍﻣﻬﺎ ﻭﺍﺗﺼﺎﻟﺞ ﻫﺬﺍ ﺑﺤﻴﺎﺗﻲ ﻣﺎﺭﺍﺡ ﺍﻧﺴﺎﻩ ﻭﺍﻋﺘﺒﺮﻩ ﺍﻭﻝ ﺧﻄﻮﻩ ﻟﻠﺴﻌﺎﺩﻩ ﻭﻳﺎﺝ
ﻣﺤﺮﻭﺳﻪ ﺑﺎﻟﻠﻪ ﺍﻟﻠﻪ ﻭﻳﺎﺝ
ﻇﻞ ﺍﻟﺘﻠﻴﻔﻮﻥ ﺑﺄﻳﺪﻱ ﺳﻌﺎﺩﺗﻲ ﻣﺎﺗﻨﻮﺻﻒ
ﺑﻴﻮﻣﻬﺎ ﺍﻟﻨﻮﻡ ﺯﺍﻋﻞ ﺟﻔﻮﻧﻲ ﻭﺿﻼﻡ ﺍﻟﻠﻴﻞ ﺍﺗﺤﻮﻝ ﺻﺒﺢ ﺑﻌﻴﻮﻧﻲ
ﻇﻠﻴﺖ ﻣﺘﺎﻧﻲ ﻣﺎﻫﺮ ﻋﻠﻰ ﻧﺎﺭ ﻣﺮﺕ ﺗﻠﺚ ﺍﻳﺎﻡ
ﺧﺎﺑﺮﻧﻲ ﺟﻨﺖ ﻛﺎﻋﺪ ﻭﻱ ﻭﺳﺎﻡ ﻭﻃﻠﺐ ﺍﻧﺤﻀﺮ ﺍﻟﺬﺑﺎﻳﺢ ﻭﺍﻟﻔﻠﻮﺱ ﻧﺎﺧﺬﻫﺎ ﻣﻦ ﻭﺳﺎﻡ ﺍﺧﺘﻪ ﺗﻨﻄﻲ
ﻛﺘﻠﻪ ﺫﺑﻴﺤﺔ ﺟﻴﺘﻚ ﺍﻧﺖ ﻭﻋﻤﺘﻲ ﻋﻠﻲ ﺣﺎﻭﻝ ﻭﻳﺎﻱ ﻣﺎﺭﺿﻴﺖ ﻭﺭﺣﻨﻪ ﺍﻧﺤﻀﺮ ﻛﻠﺸﻲ ﻧﺤﺘﺎﺟﻪ ﻣﻦ ﻣﺴﻮﺍﻙ
ﺍﺻﺮ ﻭﺳﺎﻡ ﻭﺣﺪﻩ ﻣﻦ ﺍﻟﺬﺑﺎﻳﺢ ﻋﻠﻴﻪ ﻣﺎﺍﺗﻌﺎﻧﺪﻧﻪ ﻭﺍﺗﺴﻮﻛﻨﻪ ﺳﻮﺍ ﺍﺗﺸﺎﺭﻛﻨﻪ ﺑﻜﻠﺸﻲ
ﺑﻮﻛﺘﻬﺎ ﺯﺍﺩ ﺍﻟﺤﺠﻲ ﻫﻮﺍﻱ
ﻭﺻﺎﺭ ﻋﻨﺪﻱ ﻋﺎﺩﻱ ﺭﺍﺡ ﺗﺨﻠﺺ ﻭﺗﻔﺾ ﻭﻗﺮﺭﺕ ﺍﻭﻝ ﻳﻮﻡ ﺍﻟﻴﺠﻲ ﻣﺎﻫﺮ ﺍﺧﻄﺐ ﻭﺍﺫﺍ ﺭﺿﺖ ﻫﻲ ﻧﻌﻘﺪ ﺑﻨﻔﺲ ﺍﻟﻴﻮﻡ
ﺧﺎﺑﺮﻧﻪ ﺍﺗﻮﺟﻬﺖ ﻃﻴﺎﺭﺗﻬﻢ ﻟﻠﻨﺠﻒ
ﻭﺍﺣﻨﻪ ﺭﺣﻨﻪ ﻟﻠﻨﺠﻒ ﻧﺘﻠﻜﺎﻫﻢ
ﺟﺒﻨﺎﻫﻢ ﻭﺭﺟﻌﻨﻪ ﺍﻟﻔﺮﺣﻪ ﺍﻻﻧﻪ ﺑﻴﻬﺎ ﻣﺎﺍﻧﻄﻴﻬﺎ ﺍﻷﺣﺪ
…… .
ﺳﺮﻭﺭ ..
ﺑﻌﺪ ﺗﻔﻜﻴﺮ ﻃﺎﻝ ﺑﻮﺿﻌﻲ ﻭﻭﺿﻊ ﺑﻨﺘﻲ ﻭﻣﺎﻫﺮ ﻭﺍﻟﻤﺸﺎﻛﻞ ﺍﻟﺼﺎﺭﺗﻠﻪ ﻣﺎﺑﻘﺎﻟﻲ ﺣﻞ ﺍﺭﻳﺪ ﺷﺨﺺ ﻳﺴﻨﺪﻧﻲ ﻳﺨﺎﻑ ﻋﻠﻰ ﺑﻨﺘﻲ ﻛﻠﻬﻦ ﺫﻧﻲ ﺑﺤﺴﻴﻦ ﻣﺎﻫﺮ ﺷﺒﻊ ﺿﻴﻢ ﻣﻨﻲ ﻭﻗﻬﺮ ﻭﺍﻟﺒﻲ ﻛﺎﻓﻲ ﺑﻴﺶ ﺍﻃﻠﺒﻪ ﻳﻮﻣﻴﻪ ﺍﺟﻴﺒﻠﻪ ﻃﻼﺑﻪ ﺻﺮﺕ ﺍﻧﺘﻘﺎﻡ ﺍﻟﻪ ﻣﻮ ﺍﺧﺖ ﺻﺮﺕ ﺍﺣﺲ ﺭﻭﺣﻲ ﻋﺎﻟﻪ ﻭﺍﺣﺴﺎﺳﻲ ﻫﺬﺍ ﺗﻌﺒﻨﻲ
ﺍﺗﺸﺠﻌﺖ ﻭﺣﺎﺟﻴﺘﻪ ﺍﺣﺎﺟﻲ ﻭﻣﺴﺘﻐﺮﺑﻪ ﻣﻦ ﺭﻭﺣﻲ ﻛﻞ ﻫﺬﺍ ﻳﻄﻠﻊ ﻣﻨﻲ ﺷﻠﻮﻥ ﺷﻠﻮﻥ ﻛﺪﺭﺕ ﺍﺣﺠﻲ
ﺍﺭﺗﺎﺣﻴﺖ ﻣﻦ ﺟﺎﻧﺐ ﻭﻣﻦ ﺳﺪﻳﺖ ﺍﻟﺘﻠﻴﻔﻮﻥ ﻭﺻﺎﺭﺕ ﺫﺍﻛﺮﺗﻲ ﺗﻐﺰﻳﻨﻲ ﺍﺧﺘﻨﮕﺖ ﺣﻴﻞ ﻭﺍﻧﻪ ﺍﺗﺬﻛﺮ ﻛﻠﺸﻲ ﺟﺎﻥ ﻳﺮﺑﻄﻨﻪ ﻛﺮﺍﺭ ﺣﺐ ﺍﻟﻄﻔﻮﻟﻪ ﻭﺣﻠﻢ ﺍﻟﺸﺒﺎﺏ
ﺍﻭﻝ ﺍﻧﺴﺎﻥ ﻛﺪﺭ ﻳﺎﺧﺬ ﮔﻠﺒﻲ ﺷﻠﻮﻥ ﺍﺳﺘﻌﻴﺪﻩ ﻣﻨﻪ ﺷﻠﻮﻥ ﺍﻛﺪﺭ ﺍﻧﻄﻲ ﺍﻟﻐﻴﺮﻩ ﺍﻧﻪ ﻣﺎﺍﺭﻳﺪ ﺍﺻﻴﺮ ﻇﺎﻟﻤﻪ ﻟﺤﺴﻴﻦ ﺑﺲ ﺷﺴﻮﻱ ﺍﻟﻜﻠﺒﻲ ﻭﻋﻘﻠﻲ ﻣﻌﻘﻮﻟﻪ ﺍﻟﺒﺸﺮ ﻳﻜﺪﺭ ﻳﻨﺴﻰ ﻣﻌﻘﻮﻟﻪ ﺭﺍﺡ ﺍﺗﻌﻮﺩ ﻭﻳﺼﻴﺮﻟﻲ ﺫﻛﺮﻯ ﻭﺑﺲ؟ ﺍﻛﻴﺪ ﺗﻜﻮﻥ ﺫﻛﺮﻯ ﺣﻠﻮﻩ ﺑﺲ ﺍﺭﻳﺪ ﺍﻟﺤﺎﺿﺮ ﺍﻟﻲ ﺣﺘﻰ ﺍﻋﺮﻑ ﺍﺗﺼﺮﻑ
ﺳﻠﻤﺖ ﻋﻘﻠﻲ ﻟﻠﺬﻛﺮﻳﺎﺕ ﻭﻋﺪﺕ ﺑﺬﺍﻛﺮﺗﻲ ﻛﻠﺸﻲ ﻋﺒﺎﻟﻚ ﺑﻌﺪ ﻣﺎﻳﺤﻘﻠﻲ ﺍﺗﺬﻛﺮ ﺷﻲ ﻳﺨﺼﻪ ﻭﻫﺎﻱ ﺍﻻﻳﺎﻡ ﻓﺮﺻﺘﻲ ﺍﻋﻴﺪ ﻛﻠﺸﻲ ﺍﺑﺎﻟﻲ
ﻣﻦ ﻛﺒﺮ ﺍﻟﺠﺮﺡ ﺗﻌﺮﻑ ﻣﻌﺰﺗﻪ ﺍﻟﺮﺍﺡ
ﻋﻠﻰ ﻛﺒﺮ ﺍﻟﺤﺰﻥ ﻳﻨﻘﺎﺱ ﺭﺍﻋﻴﻪ
ﺍﺣﺒﻦ ﻏﻴﺮﻛﻢ ﻏﺎﺭﻭ ﺍﻟﻴﻐﺎﺭ ﻳﻌﻮﺩ
ﺍﺭﺟﻌﻮ ﻭﺫﺑﻮ ﺿﻴﻢ ﺍﺗﺮﺍﺑﻜﻢ ﺑﻴﻪ
ﻟﻠﺸﺎﻋﺮ … ﻣﺤﻤﺪ ﺍﻟﺠﺮﺍﺡ … .
…… .
ﺯﻳﻨﺐ ﻃﻮﻝ ﻫﺬﻱ ﺍﻻﻳﺎﻡ ﻭﺍﺣﺲ ﮔﻠﺒﻲ ﻳﺮﻳﺪ ﻳﻄﮓ ﻋﻠﻰ ﺷﻮﻓﺘﻪ ﺍﻧﻪ ﺣﺘﻰ ﻋﻨﺪ ﺍﻫﻠﻲ ﻣﺎﻣﺘﻌﻮﺩﻩ ﺍﺑﺎﺕ ﻭﺍﻋﻮﻓﻪ ﻟﻮ ﻟﻴﻠﺘﻴﻦ ﻣﺮﺕ ﺍﻻﻳﺎﻡ ﻋﻠﻴﻪ ﺑﺘﻌﺐ......قصص عراقيه حقيقيه من واقعنا.روعه الطائي
ﺳﺮﻭﺭ ﺻﺎﺭﺣﺘﻨﻲ ﻣﻔﻜﺮﻩ ﺗﻮﺍﻓﻖ ﻋﻠﻰ ﺣﺴﻴﻦ ﺑﺲ ﺧﺎﻳﻔﻪ ﺷﺠﻌﺘﻬﺎ ﻭﻛﺘﻠﻬﺎ ﺍﺣﺠﻴﻠﻪ ﻣﺨﺎﻭﻓﺞ ﻭﺍﺗﻔﻘﻲ ﻣﺎﺭﺍﺡ ﺗﻠﻜﻴﻦ ﻣﺜﻠﻪ ﻭﻣﺎﺭﺍﺡ ﺗﻈﻠﻴﻦ ﻃﻮﻝ ﻋﻤﺮﺝ ﻫﻴﺞ ﺍﻟﺤﻴﺎﺓ ﺍﻻﻧﺴﺎﻥ ﻻﺯﻡ ﻳﻌﻴﺸﻬﺎ ﺑﺎﻟﺸﻲ ﺍﻟﻲ ﻳﻼﺋﻤﻪ ﻭﻳﺮﻳﺤﻪ ﻭﻣﺎﻳﻔﻜﺮ ﺑﺮﻭﺣﻪ ﻭﺑﺲ ﺍﻧﺘﻲ ﻓﻜﺮﻱ ﺍﺑﻨﺘﺞ ﻓﻜﺮﻱ ﻳﺼﻴﺮﻭﻟﻬﺎ ﺍﺧﻮﻩ ﻭﺷﺨﺺ ﻳﻜﻮﻥ ﺑﻤﺜﺎﺑﺔ ﺍﺏ ﺍﻗﺘﻨﻌﺖ ﺑﺤﭽﻴﻲ ﺑﺲ ﺍﺩﻣﻮﻋﻬﺎ ﻣﺎﻭﮔﻔﺖ ﺍﺑﺪ
ﻛﻤﺖ ﻋﻨﻬﺎ ﻭﺩﻋﻴﺘﻠﻬﺎ ﺭﺑﻲ ﻳﺴﻌﺪﻫﺎ ﻭﻳﻨﺴﻴﻬﺎ ﺷﻮﻳﻪ
ﻭﺭﻩ ﺍﻳﺎﻡ ﻣﻦ ﻛﻼﻣﻲ ﻭﻱ ﺳﺮﻭﺭ
ﭼﻨﺖ ﻣﻨﺘﻈﺮﻩ ﻣﻜﺎﻟﻤﻪ ﻣﻦ ﻣﺎﻫﺮ ﻳﻜﻠﻲ ﻃﻠﻌﻨﻪ
ﺧﺎﺑﺮﻧﻲ ﻣﺎﻫﺮ ﻭﻛﺎﻝ ﺭﺍﺡ ﻧﺘﻮﺟﻪ ﺍﻟﻤﻄﺎﺭ ﺍﻟﻨﺠﻒ ﺣﻀﺮﺕ ﻏﺮﻓﺘﻲ ﻭﺭﻭﺣﻲ ﻭﺟﻬﺰﺕ ﻛﻠﺸﻲ ﻳﺤﺒﻪ ﻭﻳﺮﻳﺪﻩ
ﻭﺣﺴﻴﻦ ﻭﻭﺳﺎﻡ ﻣﺎﻗﺼﺮﻭﺭ ﻇﻠﻴﺖ ﻉ ﻧﺎﺭ ﻣﻨﺘﻈﺮﻩ ﺟﻴﺘﻪ
ﺑﻌﺪ ﺳﺎﻋﺎﺕ ﻣﻦ ﺍﻻﻧﺘﻈﺎﺭ ﻓﺮﺣﺎﻧﻪ ﻭﺍﺭﻳﺪ ﺑﺲ ﺷﻮﻓﺘﻪ ﺳﺒﺤﺎﻥ ﺍﻟﻠﻪ ﺍﻟﻲ ﻳﺨﻠﻲ ﺍﻧﺴﺎﻥ ﺑﻴﻮﻡ ﻏﺮﻳﺐ ﻋﻠﻴﻪ ﻻﺍﻋﺮﻓﻪ ﻭﻻ ﻣﺘﻮﻗﻌﻪ ﺑﻴﻮﻡ ﻳﺠﻤﻌﻨﻲ ﻭﻳﺎﻩ ﺍﻟﺸﺨﺺ ﺍﺣﺴﻪ ﺍﻏﻠﻰ ﻣﻦ ﺭﻭﺣﻲ ﻭﻣﺎﺍﺗﺨﻴﻞ ﻋﻴﺸﺘﻲ ﺑﺪﻭﻧﻪ ﺩﻋﻴﺖ ﺭﺑﻲ ﻳﺤﻔﻈﻪ
ﻭﻳﻬﺪﻱ ﻭﻣﺎﻳﺴﻤﻊ ﺑﺎﻟﺴﻮﺍﻟﻒ ﺍﻟﺼﺎﺭﺕ ﻭﺭﺍﻩ ﻭﺗﺮﻭﺡ ﻓﺮﺣﺘﻪ ﻛﻠﻬﺎ ﻭﺗﺒﺪﻱ ﻣﺸﺎﻛﻞ ﺟﺪﻳﺪﻩ
ﺑﻜﺪ ﻣﺎﻓﺮﺣﺎﻧﻪ ﺑﺠﻴﺘﻪ ﺧﺎﻳﻔﻪ ﻣﻦ ﺍﻟﺮﺍﺡ ﻳﺼﻴﺮ
ﺳﻤﻌﻨﻪ ﺻﻮﺕ ﺍﻟﻬﻮﺭﻧﺎﺕ ﻣﺎﻝ ﺍﻟﺴﻴﺎﺭﻩ ﻭﺍﺻﻮﺍﺕ ﺍﻟﺮﻣﻲ
ﺍﻟﺠﻴﺘﻪ
ﻃﻠﻌﺖ ﺑﺎﻟﺤﻮﺵ ﻣﻨﻈﺮ ﺍﻟﺮﺍﻳﺎﺕ ﺍﻟﺒﻴﺾ ﺍﻟﻲ ﻣﻌﻠﻜﻬﻦ ﺣﺴﻴﻦ ﺍﺑﺎﺏ ﺑﻴﺘﻨﻪ ﺩﺧﻞ ﺍﻟﺒﻬﺠﻪ ﺍﻟﮕﻠﺒﻲ
ﺍﻧﻔﺘﺢ ﺍﻟﺒﺎﺏ ﻉ ﻭﺳﻌﻪ ﺍﻣﻲ ﻭﻫﻼﻫﻠﻬﺎ ﻭﺑﻴﺪﻫﺎ ﺍﻟﭽﻜﻠﻴﺖ ﻭﺍﻧﻪ ﻭﺳﺮﻭﺭ ﺑﻌﺒﻴﻨﻪ ﺍﻛﻴﺪ ﻭﻟﺪ ﻋﻤﻪ ﻣﻮﺟﻮﺩﻳﻦ ﺍﺗﻠﻜﻴﻨﻪ ﻋﻤﺘﻲ ﺑﺴﺘﺎﻫﺎ ﺍﺗﺤﻤﺪﻧﺎﻟﻬﺎ ﻉ ﺍﻟﺴﻼﻣﻪ ﺩﺧﻠﻮﻭ ﺍﻟﺰﻟﻢ ﻟﻠﺪﻳﻮﺍﻥ
ﻭﻫﻮ ﺍﺗﻮﺟﻪ ﻋﻠﻴﻨﻪ ﻧﺰﻟﺖ ﺩﻣﻮﻉ ﺍﻟﻔﺮﺡ ﻭﺍﻧﻪ ﺍﺷﻮﻑ ﻋﻴﻮﻧﻪ ﺍﺗﺮﻳﺪ ﺗﺎﻛﻠﻨﻲ ﻭﺑﺎﻳﺪﻩ ﻣﺤﻤﺪ ﻭﻋﻠﻲ ﺧﺎﻟﻬﻢ ﺍﺧﺬﻫﻢ ﻭﻳﺎﻩ ﻳﺘﻠﮕﻮﻧﻪ ﭼﻨﺖ ﺧﺎﻳﻔﻪ ﻋﻠﻴﻬﻢ ﻛﻮﻩ ﻭﺳﺎﻡ ﻗﻨﻌﻨﻲ ﻭ ﺧﻠﻴﺘﻬﻢ ﻳﺮﺣﻮﻥ ﺑﻌﺪ ﻣﺎﮔﺎﻝ ﺍﺑﻮﻫﻢ ﻳﻔﺮﺡ ﺑﻴﻬﻢ ﻭﻭﺳﺎﻡ ﺍﺗﻜﻔﻞ ﻳﺪﻳﺮ ﺑﺎﻟﻪ ﻋﻠﻴﻬﻢ
ﺍﺗﻘﺪﻣﺖ ﻋﻠﻴﻪ ﻭﻫﻮ ﻓﺘﺢ ﺍﻳﺪﻩ ﺣﻀﻨﺘﻪ ﺣﻴﻞ ﺑﺎﺱ ﺭﺍﺳﻲ ﻭﺧﺪﻱ ﻭﺍﺷﺮ ﺍﻟﺴﺮﻭﺭ ﺗﺠﻲ
ﻳﺘﺒﻊ
#روووعه
