اول روايه لي ان شاء الله تعجبكم
...جيجي...ي بت اصحي...ي بت قومي ياخ،احساس حتتاخري في اول يوم ليك في جامعتك الجديده
...ياخ انتي مالك خليني انوم
...اصلا انا عارفه من اول يوم حيطردوك
...خلاص انتي كمان قايمه زاتو ما تنقي كتير
طبعا قمتا بي باقي نعاسي داك و دخلتا الحمام اتسوكتا و اتوضيت عشان اصلي الصبح🐸،بعد ماخلصتا لقيت بيتنا كلو صاحي الا انا طبعا😂😂💔ولقيتهم بجهزو في الفطور،تميت معاهم الفطور او في الحقيقه ونستهم و طلعتا،و قعدنا في السفرة مع ناس البيت عشان نطق🐸
بابا:انتي يعني ي جيجي كلو يوم حنكون في موال صحيتك الصباح دا؟
انا:بابا انا والله بعمل منبه بس الشيطان شاطر و بقوم بكسر حنك الجامعه👹
ماما:اصلا طول عمرك مستهبله
انا:شكرااااااان☺💔
اختي:على فكرة انتي خلاص حتتاخري بطلي كلام و قومي اجهزي
انا قمتا بعد هترشه كتيرة مع ناس البيت عشان اقوم اجهز المهم بعد تعب قمتا و اتجهزتا وشلتا قهوتي الحب ومفتاح عربتي ونزلتا لي جيرانا التحت و طبعا يومي ما بخلص كان ما شفتهم،المهم سلمتا عليهم او في الحقيقه صحيتهم وكلعادة طردوني🐸بس كرامه ماف😑💔اصلا يومي كلو بكون قاعده تحت،المهم بعد الطردة التسعين حتى مشيت على الجامعه الجديده و انا اصلا ما بعرف فيها زول،و اصلا المحاضرة الاولى بدت،المهم وصلتا و بعد تعب حتى لقيت القاعه حقتنا
الدكتور:من اول يوم تأخير؟
انا:معليش ي دكتور بس انا جديده و شبه رحتا
الدكتور:خلاص بس ما تتعودي دا سماح لانو اول يوم وانتي جديده خشي بس اول واخر مره
انا:حاضر😑
اول محاضرة طبعا كانت تعارف بي الطلبه الجداد و كدا و اصلا كانت محاضرة وحده بس،بعد ما خلصت طلعتا عشان افتش الكفتريا🐸🐸و بقيت بتكلم مع روحي
انا:حسي انا كان مامتخلفه البخليني اتحول شنو،حسي عشان اصل زفت الكفتريا بكون يومي خلص
فجأة حسيت بي يد في كتفي،اتلفتا عشان اشوف دا منو لقيتا بت كيوت كدا قصيرونه حلبيه حلاتا
البت:هاي
انا:اهلين
البت:معليش ما قاصده ادخل بس كأنو سمعتك بتفتشي في الكفتريا؟
انا:ايوة
البت:طيب ارح اوصلك
انا:لالا ياخ ما مشكله ما اتعبك معاي
البت:العفو ياه تعب شنو اصلا حتى انا ماشه ليها
انا: خلاص اوكي ارح
مشينا الكفتريا وقعدنا مع بعض و بدت تعرفني على نفسها
البت:انا اسمي ترتيل
انا:وانا جيهان بس اي زول بقول لي جيجي💜
ترتيل:ما شاء الله اسمك حلو
انا:الله م ضراك🌸
المهم اتونسنا و بعد مسافه تلفون ترتيل ضرب
ترتيل:اي اي انا قاعده في الكفتريا تعالوا
بعد شويه قامت رفعت يدها نظام بتأشر لي زول، المهم قامو جو علينا تلاته بنات.
ترتيل:لي اتأخرتو؟
وحده فيهم:ياخ موضوع طويل انسي بس
ترتيل:خلاص تعالوا اعرفكم على الطالبه الجديده
انا:اهلين
البنات: اهلين بيك
ترتيل:دي جيهان و يا جيهان ديل ربا و اريج و ريان
ربا:خلاص من يوم الليله انتي صحبتنا
انا:خلاص تمام اصلا ما بعرف اي زول هنا
ربا:على فكره لسه شلتنا ما اكتملت
انا:خلاص انا فرد جديد💜
اريج:فكري تاني لانو نحنا لو اجتمعنا كلنا مع بعض بنقلب بلد😂😂😂💔
انا:عادي ما حنك بساعدكم😅
ريان:لالا كان كدا ما عليك خوف😂😂😂😂💔
المهم تمينا باقي الونسه و اتبادلنا ارقام بعض و كلو وحده مشت على بيتا،بعد ما وصلتا البيت مشيت تحت اول طبعا و طردوني😂 بعداك مشيت البيت🐸ولقيت اختي في المطبخ
انا:هاااااي
اختي:اهلين،كيفك وكيف كان يومك
انا: ظابط والله و اتعرفتا على بنات كمان
اختي:كويس والله
انا:بتسوي في شنو؟
اختي:فطاير و ماما عامله خدرة و رز❤
انا:خدرة الحب ياه خلاص انا بسوي ليكم......
قاطعتني وقالت: كفته بطاطس صح؟
انا:اي ياها زاتا
اختى:اصلا دا الشي الوحيد البتعرفي ليهو
انا:اي عارفه ما كلو ما اجي عشان اعملا تقولي لي الاسطوانه دي😑💔المهم انا ماشه اغير و اجيك
اختي:احسن تلقيني خلصتا زاتو
انا:ظابط
مشيت استحميت و صليت و مشيت المطبخ اسوي الكفته المهم بعد ماخلصتا دخلتا انوم و قلتا ليهم يصحوني للغدا،
كدا دقيقه دقيقه قبل ما اواصل اكيد انتو حسي يتتسألو انا منو و كدا يعني ظاهر ما عرفتو عني حاجه غير اسمي و كدا طيب خلوني اوريكم انا منو،انا اسمي جيهان بس زي ما شايفين بقولو لي جيجي عمري 20 سنه،بقرا طب اسنان في تانيه بس في سنتي التانيه حولت جامعه جديده،طبعا نحنا كلنا في البيت 8 اشخاص💜اول شي بابا اسمو عبد الله و هو دكتور مخ واعصاب و عندو شركات استيراد و تصدير و يعني هو بجد عمود البيت و سندنا و كلنا بدونو ولا شي و ما بقدر اقول شي غير ربنا يخليهو لينا🙌🌸نجي لي ماما الحب نبع الحنان❤اسمها مباهج بس انا بقول ليها باجي،احلى ام فيك ي دنيا يلا هي صحبتي اكتر من امي يعني بحكي ليها اي شي و ما بتردد ولا بخاف و بكون بس مستنيه متين الاقيها عشان احكي ليها يعني باختصار صندوق اسراري💜🌸يلا هي عندها جمعيات خيريه و كدا و عندها روضه كمان💞يلا نشوف اخواني هم تلاته اولاد و بتين بي انا،اول واحد اسمو حسام قاري إدارة اعمال و ماسك شركات بابا والبعدو توم اولاد غسان و حسان واحد قاري محاسبه وواحدIT و شغالين مع حسام،بعدهم اختي جوري قاريه طيران و طبعا ختامها مسك و اخر العنقود انا مدلعه شديد و موقفه البيت على رجل وحده والبقولو يمشي اللهم زدني تواضعا و كدا😌💜،المهم وضعنا المادي حلو و بيتنا عباره عن تلاته طوابق الاول مأجر لي عائله كيوت شديد تعالو اعرفكم عليهم اول شي الابو اسمو معاذ❤والام فاطمه بس انا بقول ليها فطومه❤عندها ولد اسمو محمد مقيم في لندن بعدو بت اسمها رؤى❤متزوجه بس راجلها بسافر كتير و لمن يسافر بتكون قاعده معانا و لمن يجي بتمشي بيتهم و عندها بت عمرها سنتين و طبعا مسمياها على❤ و كمان عندها عيادتين وهي دكتورة و كدا بعدها بت اسمها روان و هي قدري و بتقرا هندسه ديكور❤بعدها بت إسمها دانيه وممتحنه تامن،المهم الطابق البعدو فيهو نحنا و البعدو هو زي صاله كبيرة كدا بنعمل في الحفلات الصغيرة واعياد الميلاد و كدا،يلا انتو كدا عرفتوني،دي انا و دي عائلتي و دي حياتي عايشاها زي ما انا دايرة و زي ما انا بحب بس السؤال هو هل حياتي حتفضل حلوة كدا او لأ؟هل حتتغير مع مرور الزمن او لأ؟طيب خلونا نواصل عشان نشوف حيحصل شنو💜🌸
...يتبع
YOU ARE READING
بعد حين💞
Randomما دائما بنعيش حياتنا زي ما دايرين،مرات كتيره بتحصل حاجات في حياتنا نحنا ما دايرنها او ما بتعجبنا ،لانو في نظرنا الحاجات دي بتسبب لينا حزن او غيرو.....،بس اكيد الحاجات دي لي خير،خير لا يعلم بيهو الا ربنا💜🌸 سودانيه بقلم:دانيه شبلوف
