جوري بقت بتعاين لي مخلوعه و فجاءة قامت فكت ليك الضحكه😂😂 احساس كل الصالون بقا بعاين لينا وانا بس بقيت بقرص فيها و الحيوانه حلفت ما تسكت 😤
ماما:مالكم ي بنات؟
انا:للالالا ماف شي ب بس بس جوري اتزكرت ليها موقف لمن كنا في دبي و كدا بس😃
الحمد لله ياسمين انقذتني و قالت:ي جيجي ارح غرفتي عشان نجهز لي العرس و كدا الزمن خلاص ضاق بينا و ما فضل عندنا زمن كتير
انا:طيب طيب ارح☺💖
فعلا طلعنا و بقينا نشوف حنعمل شنو و الشباين و كدا يعني و اصلا ياسمين عارفاني بحب الحجات دي و بزبطا شديد عشان كدا انا كنت وزيرتا💞
انا:طيب عايني انا اصلا اخترتا لون القماش يلا نحنا حنقوم نقص فساتين مختلفه في القصات بس نفس اللون فهمتي؟
ياسمين:طيب حلو بس اخترتي لون شنو؟
انا:كلنا نلبس لبني فاااتح يعني سماوي كدا و يكون في كل فستان في شغل بالابيض تمام👗💙؟
ياسمين:ايوا انا اصلا كنتا خاته اللون دا في راسي😁
انا:طيب معناها كدا تمام،اما بالنسبه للاولاد نعمل ليهم المناديل الفي البدله باللبني و كذلك الببيونات كدا كويس؟
ياسمين:طيب بالنسبه للدخله الحنعملا؟
انا:طيب حبيبه اسمعيني حنعمل قرعه اي بت مع ولد 👫و بالنسبه للرقصه حتكون كالاتي؛حندخل نحنا الشباين اول البنات حيعملو صف👭 و الاولاد صف قصادنا 👬و بعد داك تجو انتي و حسام زوجك المصون😂❤ داخلين مع بعض و حنبدا نجي من ورا كل بت مع ولد 👫حسب القرعه الحنعملا 💜🌸و بعد ما خلاص ندخل انتو اكيد طبعا حتقيفو في النص عشان ترقصو الاسلو💕 و نحنا حنعمل دائرة حوليكم و حنعمل نفس الحركات انا عندي رقصه ظابطه و هي زاتا ما اسلو عديل المهم بس رقصه حلوة💙🌸كدا تمام؟
ياسمين:حلو شديد😍❤
انا:طيب بالنسبه للفساتين عندي صحبتي عندها محل💖 و هي اصلا بتصمم فساتين فا حقوم اشيل القماش و نوديهو ليها تمام؟
ياسمين:تمام شديد ياخ من دونك ما عارفه كنتا حاعمل شنو ي جيجي💞
انا:ايوا ايوا انا زوله ما بتقدرو تعيشو بدوني عارفه ي بيبي😃💙💙
ياسمين:هوي هوي راسك ما يكبر حبيبتي بس عشان انتي الوحيده البتحبي الحاجات دي☺
انا:ح غض نظر عن تفاهتك دي يلا و قومي جيبي لي ورق و قلم عشان نعمل القرعه😒💔
ياسمين و هي بتضحك:طيب طيب ي انتي ماشه
ياسمين مشت و جابتهم و كتبنا الاسماء و عملنا القرعه و طبعا اكتشفتا انا حظي زي الزفت لمن وقعتا مع ايمن😢 زعلته شديد و حنستا ياسمين تخليني اعيد القرعه بس حلفت كان تخليني اعيدا الحيوانه😤💔
المهم بقينا كل يوم نجي بيتهم عشان كنا بنعمل بروفه عشان الرقصه💕 و كنتا اصلا وديت القماش لي رزان و لمن فضل للعرس زي اسبوع تقريبا 💙كنا كالعاده كلنا قاعدين مع ياسمين بنسوي في بروفه للدخله و الرقصه و كدا فا قلتا ليهم ناخد استراحه و قمتا مشيت المطبخ عشان اعمل لي قهوة طبعا البيت بيتي و كدا يعني😂😂💖 المهم دخلتا الوتسب و بقيت بشوف في الحالات و طبعا انا ما عملتا بلوك لي ادهم ولا هو بلكني💔 اصلا كنتا عايشه بي صورو الكان بنزلا في حالتو 😧💔المهم كلعاده دخلتا بس انصدتمته و ندمته شديد اني ما بلكتو 💔لاني لقيتو منزل صور خطوبتو😢 ووحده من الصور كان ماسك يدها 💔و مصور دبلهم💔 و كاتب:
"و تشاء انت في الاماني نجمه🌟🌠 يشاء الله و يناولك القمر🌕💛"
وقتا بالجد عرفتا قدر شنو انا كنت حاجه تافهه بالنسبه ليهو💔 يعني بالجد كلامو دا وقع على قلبي زي طعنه السكين 🔪حاولتا اتمالك نفسي و ما ابكي و طوالي رديت ليهو بي:
ياخ الف الف مبروك فرحتا ليك شديد💕 و انا كمان باذن الله خطوبتي قريب بس حابقى احسن منك و اعزمك😂❤.
رغم اني كنت موجوعه شديد بس قلتا ارد ليهو عشان احسسو انو ما فارق معاي ابدا و انا مبسوووطه من غيرو و عدم وجودو في حياتي ما اثر فيني كتير💪💝 في حين انو عدم وجودو دمرني شديد💔.
شاف رسالتي بعد سبعه دقايق و ردا لي بي:
الف مبروك ليك كمان و اكيد حكون من اول الحاضرين❤.
زعلتا شديد على برودو دا و بعدها بقيت بضحك في روحي عشان بالجد حبل الكزب قصير حسي اجيب لي عريس من وين عشان يخطبني و اعزم ادهم😂😂💔.
بالجد زعلتا لمن شفتا الصور بس ولي اول مرة ما بكيت💪💝 و مسكتا دموعي بالعافيه و حاولتا اشغل نفسي بس محل ما امشي بتزكر الصور بستغفر و خلاص😢💔.
كان وقت البريك خلص و رجعنا عشان نتم البروفه،و نحنا بنرقص و طبعا بالي هناك مع ادهم و اصلا ما مركزه انا بعمل في شنو و سرحانه بس حفصته ايمن ما كان قصدي بس عشان كنتا سرحانه بس الصراحه كانت عفصه حارة بس هو بقى يكورك فيني قدام الناس
ايمن:ياخ ي هبله انتي ما بتشوفي ما معقوله معاك كرهتيني والله عشانك ندمته اني جيت لي عرس ياسمين زاتو والله 😠
بس انا هنا الناقصه تمت لي اي انا غلطانه بس هو اذا اداني فرصه كنتا حاعتزر ليهو يعني💔 ما كان في داعي يحرجني كدا اي هم اولاد خالاتي و كدا بس برضو انا ما شافعه عشان يكورك فيني كدا😒😒المهم بس سكت و بقي بطنطن براهو😤 بس انا دموعي ديل جرو عشرة عشرة طبعا كلهم بقو يعاينو لي مخلوعين 😨انا بس بقيت ببكي و شلتا رجولي و طلعتا من الغرفه☺💔💔 مشيت قعدتا في الحديقه برا و ضميت رجولي علي و تميت بكيتي بي مزاج و هم يلا جوة بقو بشاكلو فيهو😃
ياسمين:بتبالغ ي ايمن الموضوع ما مستاهل قدر دا عشان تكورك فيها كدا اكيد هي ما قصدها
ايمن:والله انا برضو ما قصدي بس في لحظه انفعال كوركتا و ما ختيت في بالي انو كلامي ممكن يزعجا قدر دا😳
رونق:والله كلامك عادي جدا بس هي براها اوفرت الموضوع اصلا ما بستاهل دموع و بكى و دراما زي دي😒
يسري:لالا والله مهما غلطت ما مفروض يحرجا كدا امشي اعتزر ليها احسن😃💕
و كلهم قالو ليهو يمشي يعتزر الا رونق طبعا لانو هي اصلا بتكرهني😬 كدا في الله ساي بس و انا اصلا ما شغاله بيها كتير لانو شعور متبادل اصلا😃
المهم في النهايه قال حيعتزر و جا طالع برة و لقاني قاعده و ببكي جا قعد جمبي و مدة لي منديل💕
انا عاينتا ليهو و قلتا:شكرا ما دايرة😒
ايمن:شيليهو احسن لانو شكلك بخوف بالكحل حقك السايل دا 😃
طبعا اضطريت اشيلو فعلا شلتو و قشيت بيهو دموعي هو سكت مسافه حتى قال
ايمن:انا اسف بالجد ما كان قصدي بس انتي عارفه انو اي زول في لحظته زعل ممكن يقول اي كلام😊
انا:ما مشكله انا اصلا حبه و كنتا حابكي بس انت ساعدتني عشان انزل دموعي ما اكتر😧💔
ايمن:كيف يعني ما فهمتك؟
انا اخدتا لي نفس طوييييل و قلتا......
يتبع.......
YOU ARE READING
بعد حين💞
Randomما دائما بنعيش حياتنا زي ما دايرين،مرات كتيره بتحصل حاجات في حياتنا نحنا ما دايرنها او ما بتعجبنا ،لانو في نظرنا الحاجات دي بتسبب لينا حزن او غيرو.....،بس اكيد الحاجات دي لي خير،خير لا يعلم بيهو الا ربنا💜🌸 سودانيه بقلم:دانيه شبلوف
