بعد حين💞

part 6

ما تنسو الفوتات على الاجزاء💜💜

المهم بعد ما خصلنا فطور و كلو زول مشي على غرفتو جاتني ماما
ماما:ممكن ادخل؟
انا:ايوا خشي💙
ماما:اسمعيني ي جيهان انت بت كبيرة و واعيه💞يعني حتفضلي حابسه نفسك كدا؟💔زمان لمن نقول مسافرين لحدي ما يجي وقت السفر انتي ما بتنومي من الفرح حصل شنو💔؟كنتي اول زول بجهز شنطو و حاجاتو حصل شنو؟💔
انا ضحكتا ليها ضحكه استهتار💔 و قلتا:كان زمان ي ماما قبل ما احب و اخسر😧💔،تصدقي زمان كنتا شايفه انو الحب حاجه تافهه شديد و انو الزمن دا ماف حب نقي كدا و طاهر💔 بس لمن لاقيت ادهم💜 حسيت قدر شنو انا كنت متخلفه لمن كنت بفكر كدا💜وقتها عرفت معني الحب الحقيقي💜بس تصدقي انو ادهم زي ما قدر يغير راي في الحب من سانيه وحده قدر يخليني اغير راي في حياتي برضو💔
ماما:حبيبتي💚 انا عارفه قدر شنو صعب انك تخسري حبك بس ما معناتا انك تعملي في روحك كدا ما صح والله ي جي جي يعني انتي كدا سمحتي وبي كل بساطه انو الحزن يتملكك💔 و كانو قدمتو ليهو ضعفك دا في صحن من دهب انتي ما كدا بتي الانا بعرفا ما كدا✋💔
انا بس سكتا و بقيت ببكي لحدي ما ماما لقتني هدت قالت لي:المهم انتو مسافرين الجمعه و حتمشو الامارات ان شاء الله
و طلعت خلتني
صراحه بعد ما ماما طلعت عرفت قدر شنو انا ضعيفه عرفت قدر شنو اني خليت الحب و بي مساعده من ادهم يكسروني و يحسسوني بالضعف💔 اتكلمتا مع نفسي و فكرت في كلام ماما و قلت اكيد ما حاسمح ليهو يعمل لي كدا كفا الكم يوم ديل القضيتهم حزن و بكي و في سريري💔 طوالي شلتا تلفوني و اتصلت على كبسه(رزان)صحبتي💜🌸
انا:ي كبوستي💕
رزان:جي جي ي حبي💞
انا:شنو لكن ما اشتقنا و كدا
رزان:الشوق عامل ضجه وحاتك
انا:خلاص ي بت كفا حب لمتين حنقعد نحب بعض بالكزب يعني😂😂😂😂
رزان:اي انا زاتي قلتا كدا اصلا كنتا بمشي فيك ومنتظراك تخلصي الدراما دي😂😂😂😂
انا:اه ي تافهه 😂😂انتي لي صريحه كدا
رزان:معليش معليش حكمت كدا😃💞
انا:طيب حبيبه عشان خاطر رصيدي خليني اوريك دايره شنو😂
رزان:اها احكي
انا: طيب ي شخصيه القصه و ما فيها عايزاك تعملي لي زي فستانين ظابطات كدا (نسيت اقول ليكم رزان عندها زي محلات بتصمم فساتين و كدا💚💚 )و انا مسافره الامارات يوم الجمعه ان شاء الله عايزاك توريني محلات ظابطه كدا اشتري منها يعني حتات اكسسوارات و ميكب و كدا(اصلا رزان بتسافر هناك كتير عشان عندها محلات هناك يعني و كدا )
رزان:طوالي حبيبتي بس تعالي وريني الالوان العايزاها و عشان اشيل المقاسات و كدا و طبعا بما انك مسافره الجمعه ظبطي حاجاتك من حسي و انا و البنات بنجيك يوم الخميس نساعدك و منها نودعك مرة وحده😌💜
انا:طيب لو كنتي انتظرتي دقيقتين و خليتي العزومه تجي مني انا كان بحصل ليك شنو😂😂
رزان:نووو حبيبه لازم نعزم روحنا عشان نحس انو البيت بيتنا و كدا✋😂
انا:والله كنتا حاعزمكم انا بس ساي استعجلتي
رزان:يلا ي بت اقطعي وشك ماشه اتظبط لي عزومتك دي عشان عسى و لعلى واحد ما اخوانك يتكسر فيني  اتفك من البورة دي👋😂
انا:حبيبه خلي الوهمنه و اقطعي وشك وانتي بزات ما تجينا
و قفلتا ف وشها الخط😂😂،وقتها عرفت انو كل الحوالي فاكرين اني مبسوطه💔بس هم ما عارفين كل الالم الجواي قدر شنو💔ما عارفين انا بتعذب قدر شنو بس قلتا الحياه دي الزول بعيشا مرة وحده✋💜و ماف اي شي بستحق زعلك ي جي جي✋💙 المهم طبطبت على نفسي شويه كدا و بعدها مسكت تلفوني قلتا ادخل الفيس و انستا و الواتس الي تقريبا اربعه يوم منهم😂😂😂
المهم عدت الايام سرعه و جا يوم الخميس💚و البنات جوني وكان يوم حلو شديد بس حسيت منه(صحبتي اتزكرتوها؟ )بتعاين لي كدا و مستغربه فيني كانو بتقول لي انا عارفاك داسه شي مني😧المهم البنات كلهم طلعو الا هي فضلت قاعده💕 و قالت لي:وقت اصلا الحضور حق المطار تلاته صباحا حقعد معاك و انتظر لمن اجراءاتك تخلص برجع انوم في بيتنا وانا اصلا سايقه💖
و فعلا قعدت معاي و بعد ما خلاص بقينا برانا دخلنا غرفتي انا دخلتا اول بعدين هي دخلت وراي و قفلت الباب😧💔
منه:عايني ي جي جي عارفه فيك شي اتكلمي سريع قبل اقوم اكفتك😤(ماقلتا ليكم بتعرفني من عيوني)
انا:طيب استكناتك اهدي عشان اقدر احكي ليك😑
منه:ايوا يعني هو فعلا في شي وانتي ما جيتي تحكي لي الا اجيك انا صح ي جي جي😢💔
انا:لا والله ما كدا بس القصه حصلت يادوب💔
منه:طيب بتفاهم  معاك بعد ما  اعرف مالك
انا:طيب ي ستي كل القصه و ما فيها انا و ادهم خلينا بعض(اختصرتا ليها شديد ما لاني ما دايراها تعرف بس لاني ما كنتا حابه ازكر نفسي💔 )
منه:جيهان احسن تحكي لي بتفصيل بالتي هي احسن بدل ما اقول اكفتك اخليك تسافري بي وش مورم😃
انا اتنهتا و قلتا:طيب ي منه كل الحصل اني يوم كنتا بصلي و جاتني رساله من رقم💔في صور لي ادهم مع بت
منه:و انتي حكمتي عليهو طوالي قبل ما تعرفي حصل شنو صح؟
انا:حتسكتي و تسمعيني ولا حابه انا  ارجعك بيتكم بي وش مورم😒
منه:اها خلاص سكتا احكي😒
انا:المهم الرقم قال لي عايز الاقيك و كدا و فعلا اتلاقينا و كانت بت و اسمها رنين و حكت لي انو ادهم هو ولد صحبو لي ابوها و هي خطيبتو
💔
انا مع كلمه خطيبتو دي سكتا و اتخنقتا💔و ما قدرتا اتكلم منه ما قصبتني لانها عارفه قدر شنو انا بحبو💔واني بكزب على نفسي لو قلتا كرهتو😢💔امكن زعلتا منو بس ابدا ما كرهتو ولا قدرتا ولا حتى فكرتا كلو العملتو منه انو حضنتي💜و خلتني ابكي و بكت معاي🌹وقتها بالجد عرفتا انو ربنا بشيل شي عشان يعوضنا بالاحسن 💞يعني ع قدر ما زعلته ع قدر ما فرحتا لمن لقيت صحباتي كلهم قدامي💞 و بتضحكو💞 و بتونسو💞 عرفتا انو ربنا ما بعمل شي من فراغ💞 اكيد لي سبب والسبب دا اكيد حيكون احسن بالف مرة من الخسرناهو💞 عرفت ربنا قدر شنو رحيم بعبادو💞 وهو ما ببتلي عبد الا اذا هو بحبو💞 وقتها عرفت قدر شنو ربنا بحبني💞
قمتا من حضن منه و قشيت دموعي و اتصنعتا القوة💪💚
انا:المهم خليني اتم،ورتني صور خطوبتهم و قالت لي حابه انك انتي تتكلمي مع ادهم اول و فعلا دا الحصلو قدرتا اتصنع القوة قدامو بس ي منه هل حقدر المرة الجايه😣💔؟
منه:ايوا حتقدري لانك اقوى من كدا💪💖 جيهان الانا بعرفا اقوى بكتير من كدا💪💖 والمرة الجايه لمن تلاقيهو حتعايني جوة عيونو و تقولي ليهو انت الخسران💪💖
بالجد كلام منه حسسني بالامان💙 و فرحتا عشان انا عندي ناس زي دي في حياتي💙 وانا حسي زعلانه عشان ادهم😤💔 قلتا يلا حريقه في ادهم و عشيرتو كلها😂👋 وانتي اقوى من كدا ي جي جي
💪💖المهم مرت الساعات وكانت احلى ساعات مع منوش حبيبت قلبي💜🌸 وجا وقت الحضور و فعلا قمنا و اتجهزنا و مشينا و منوش مشت معاي💛 لحدي ما خلاص دخلتا صاله المغادرة💛 هي كانت بتتكلم معاي💛 وعرفت وقت طيارتي خلاص جات بعداك مشت بيتهم💛
بعد ركبتا الطايرة بقيت بدعي ربنا يحفظ لي صحباتي❤ و كل الناس البحبهم❤ يعني عن كميه السعاده الانا بحس بيها معاهم ماف زول عارفا ❤يعني بالجد الصداقه دي احلى علاقه في كل العلاقات❤❤(شله ابجد ما تصدقو الكلام دا ما ليكم 😂😂😂👋)المهم وصلنا انا جوجو حبي و اكتر شي كنتا مبسوطه فيه اننا بنات بس😍 ما معانا اي زول يعني صياعه جد 😂👋
المهم مرت الايام و اتظبطا للعرس و عديناها كلها حوامه من مطعم لي كافيه لي مول و كدا💕 وفي اخر تلاته يوم صحيت بالصباح💙 لقيت جوري نايمه💕 شلتا رجولي و قلتا اتمشى💕 نزلتا و بقيت ماشه و بفكر💕 قمتا جيت مارة بي كافيه صغير كدا💕 قمتا دخلتا و قعدتا و طلبتا لي قهوه☕
بقيت قاعده وماسكه تلفوني و بتصفح فيهو سمعت صوت زول بقول لي جي جي💔
نفس الصوت😢❤ الفيه البحه البحبها انا 😢❤الصوت الكنت مدمناهو😢❤ و بسمعو ليل نهار😢❤ نفس الصوت الكان بوديني لي عالم تاني😢❤ بس المرة دا كان بي نبرة انكسار💔و حزن💔
رفعتا راسي لقيتو ادهم 💔عاينا لي بعض مسافه تاني قمتا نزلتا عيني لاني عارفه لو عاينته اكتر من كدا حبكي💔و اطلع كل الجواي واقول ليهو خليتني لي كسرتني و خنتني لي عملتا فيني كدا💔 لي عشان حبيتك😢؟تاني اتمالكت نفسي و ختيت التلفون و قلتا ليهو:اتفضل اقعد☺💖
ادهم قعد وقال لي:كيفك❤
انا:بخير والله
ادهم:بخير؟بخير ي جيهان؟
انا:ايوا بخير و كل الخير كمان البمنع شنو اني اكون بخير☺💞؟
ادهم:يعني خلاص اتجاوزتيني و نسيتيني خلاص💔؟
انا عاينتا ليهو و وقتها بالجد ما قدرتا امسك نفسي و بكيت💔ايوا بكيت💔في النهايه انا عندي مشاعر و بحس💔 عندي حدود للاستحمال✋💔 و صراحه انا كنتا استحملتا فوق طاقتي✋
قلتا ليهو وانا ببكي💖:ايوا نسيتك 💔زي ما انت قدرت تلعب بي و تعملني زي العروسه في يديك انا قدرتا انساك💔 كنتا وين لمن كنتا ببكي بليل؟ كنتا وين لمن كنتا ببكي ف مخدتي لي للصباح؟ كنتا وين لمن كنتا ببكي في سجودي؟ كنتا وين لمن كنتا بخش اقرا محاداثتا وابكي؟ كنتا وين لمن كنتا بقفل غرفتي علي واعاين لي صورك و ابكي و اتحسر على روحي؟ ها كنتا وين في الوقت الكنتا مفروض اكون بتكلم فيهو معاك؟ و جاي حسي تقول لي نسيتيني؟ ايوا نسيتك لانو عمرك ما كنتا بتستحقني💔 و بتستحق حبي 💔
و قمتا خليت ليهو المحل و طلعتا كنتا ببكي و جاريه لحدي ما تعبتا وقفتا وقعدتا في الارض💔 و تميت بكيتي 💔وقتا عرفتا اني لسه بحبو و بموت فيهو😢❤ وابدا ما نسيتو ولا حانساهو ولو #بعد_حين❤

يتبع.........