رجعتا الفندق النحنا قاعدين فيهو،رجعتا كيف ما عارفه المهم لقيت روحي هناك و كلى دموع و حزن،وبعد ما افتكرتا انى خلاص نسيتو اتقلبت على المواجع💔،حاولت اكون طبيعيه عشان جوري ما تحس بي،المهم طلعتا غرفتنا ولقيتا نايمه لسه قلتا الحمدلله.
دخلتا الحمام و تميت بكيتي جوة،يعني عن كميه الخزلان الحسيت بيهو و كمان ادهم بعد ما كسرني جاي يقول لي خلاص اتجاوزتيني و نسيتيني؟،انا حرفيا كل الكنت دايراهو راجل يعرف يحبني و يحتويني و يحسسني اني ملكه،يحبني زي ما انا،بمحاسني و مساوئي(بنات ابجد التقنيه كيف معاكم😂❤)،يفرح لي فرحي و يحزن لي حزني،لمن اكون زعلانه يعرف كيف يراضيني يعني يطلعني من المود حقي،انا صراحه دي كاول تجربه حب لي باءت بالفشل و خلتني بعد ما حبيت شعور الحب دا ارجع اكرهو من تاني.
المهم بعد ما خلاص هديت شويه اختا لي دش و طلعتا لقيت جوري يادوب صحت فحاولتا اني اتكلم عادي او ابين اني عاديه رغم عيوني الكان لونا احمر.
انا:صباح الخير ي نوامه
جوري و هي بتضحك:صباح النور
سكتت و عاينت لي كدا بطريقه غريبه
جوري:عيونك دي مالا ي بت
انا بقيت بتمتم و ما عارفه اقول شنو😓
جوري:اتكلمي ي بت مالك
انا:للالالا ماف شي بس لمن كنتا بستحمى الصابون دخل في عيوني
جوري:ااااا خلعتيني قايلاك كنتي بتبكي
انا:لالا ي بت الببكيني شنو ماف سبب😃
وطوالي مشيت عشان حسيت روحي حابكي و افضح روحي💔.
طبعا دا كان اخر يوم لينا في دبي💜عشان كدا كان يوم متعب شديد كنا لافين عشان نتم باقي حاجاتنا و كدا ماشين من مول لي مول و من محل لي محل و غايتو تعبنا تعب،اصلا دا الكنت دايراهو كنتا عايزة اشغل روحي عشان ما اتزكر ادهم💔.
صحينا اليوم التاني من الساعه 5 صباحا عشان نجهز عشان الحضور كان 7 حق المطار،المهم و نحنا في المطار كنتا مصدعه شديد و اتزكرتا مع الدخله و المرقه الليله ما شربت قهوتي☕
انا:جوري انا مصدعه شديد حامشي اجيب لي قهوة واجي تمام؟
جوري:خلاص تمام
مشيت ولقيت محل قهوة و فيهو قعده قعدتا و طلبتا قهوتي☕💞لمن ندهو على طيارتنا شلتا باقي قهوتي و مشيت اصلا كانت بدت تبرد بس قلتا اصلو ما بخليها دي دافعه فيها قروش😂وانا ماشه و مستعجله اتعترته بي شنطه و القهوة اتكشحت زعلته زعل قلتا اتكشحت عشان ما خليتا😂فجاءة اسمع ليك صوت واحد بقول:هبله انتي ما بتشوفي؟
ارفع راسي القا القهوة اتكشحت ليها في ولد و بوظت ام القميص
انا:معليش بس انت الخاتي شنطتك في الطريق
الولد:كاشحه فيني قهوتك و بوظتي قميصي و بتتفاصحي كمان
انا:ما بتفاصح ولا شي بس انت المرة الجايه اعرف تخت شنطك وين و عشان ما يحصل كدا و تشاكل الناس
و شلتا رجولي و مشيت وانا ماشه قلتا بي صوت عالي قاااصده:عالم ما عندها اخلاق بي تعريفه
كنتا قاصده اقولا بي صوت عالي عشان يسمع،المهم طبعا لقيت جوري واقفه منتظراني وانا ماشه و بطنطن طبعا بنبز فيهو
جوري:اتاخرتي لي ي جيجي؟
انا:اسكتي بس اتشاكلتا لي مع واحد متخلف ارح نلحق طيارتنا بحكي ليك جوة.
طبعا جوري شمشارة بي شكل لحدي ما نصل الطيارة طلعت زيتي اها حصل شنو اها قال شنو اها سبب المشكله شنو وانا طبعا غتيته حلفتا كان اتكلم قلتا ليها الليله الا نصل الطيارة بس.
جوري:حرقتي روحي ياخ
انا:عارفه نفسك ظعاطه و معاطه؟
جوري:ي زوله اها ركبنا يلا اتكلمي
حكيت ليها و اتشرتط ضحك وانا زعلانه و هايجه و منفعله و بتكلم بي يديني و رجليني وهي بتضحك😒
YOU ARE READING
بعد حين💞
Randomما دائما بنعيش حياتنا زي ما دايرين،مرات كتيره بتحصل حاجات في حياتنا نحنا ما دايرنها او ما بتعجبنا ،لانو في نظرنا الحاجات دي بتسبب لينا حزن او غيرو.....،بس اكيد الحاجات دي لي خير،خير لا يعلم بيهو الا ربنا💜🌸 سودانيه بقلم:دانيه شبلوف
