ادعموني ي جماعه بي تعاليقكم و فوتاتكم😚💞و ما تركزو كتير مع الغلطات الإملائيه😑💔
طبعا جو كلعادة صحوني للغدا قمتا دخلتا الحمام غسلته وشي و مشيت اعمل إعادة تعبئه للكرش😂😂😂🌸.
حسام:اها ي جيجي كيف الجامعه الجديده؟
انا:والله ظابطه و ظريفه جديد و اتعرفتا على شله بنات كمان💜
بابا:يعني ما بعد تخلص السنه حتقولي دايرة تتحولي؟
انا:لالا ان شاء الله ما بقول😆
المهم بعد الاكل مشيت غرفتي و يااادوب فتحتا تلفوني من ما جيت من الجامعه و دخلت الواتس و لقيت البنات اضافوني في قروب فيه نحنا الخمسه و اربعه تاني ولقيت القروب فاااااااير شديد
انا:دا شنو ي جماعه فهموني انا وين و ديل منو؟
ترتيل:ديل باقي الشله😂😂😂😂💔
ربا:صدقيني اول ما تتعرفي عليهم اكتر حتعملي ليهم كلهم بلوك😇
رقم غريب:لي لي ي ربا بتحبي تخربي سمعتنا دايما😂😂😂
انا:كدا اول شي كل زول يرسل اسمو يقول انا فلان🌸
باقي الارقام كانت عبارة عن تلاته اولاد يوسف،محمد،خالد وواخر رقم كانت بت اسمها شهد بس الليله اول يوم و كدا ف ما جات المهم اتونستا معاهم كتير و قمتا اتوضيت و صليت و رجعتا عشان انوم تاني😴❤.
اليوم التاني صحيت براي ما عارفه لي بس كنتا متحمسه😂😂قمتااستحميت واتسوكتاواتوضيت و صليت و مشيت صبحته على ناس البيت و قعدنا للفطور واتونستا مع دا و شغالتا دا بعداك مشيت اتجهز للجامعه بعدها مشيت لعبودي😂😂
انا:شنو ي عبودي ياخ والله لو تعرف انا بحبك قدر شنو؟
بابا:انجزي سرعه دايرة شنو بلا عبودي معاك
انا:لي ي بابا انتي جافي كدا يعني الزول ما يحبك😑💔
بابا:سرعه دايرة شنو انا وراي شغل
انا:خلاص طالما اصلا الحب ما بنفع معاك انا دايرة مصروفي
بابا:مصروف شنو انا اديتك حق اسبوع و دا يادوب تاني يوم
انا:اي انا عارفه بس يعني يعني امبارح يعني البنات الاتعرفتا عليهم يعني عزمتهم و كدا زوقا مني و هيكا😇(وانا كضاابه معاي بس يعني احفظ مالك الابيض ليومك الاسود زي ما بقولوا😉💜)
بابا:يلا شفتي عشان حركاتك دي تاني بديك حق اليوم باليوم
قام عبودي الحب اداني خمسميه جنيه بعدها مشيت لي باجي نبع الحنان🌸
انا:باجي حقتي براي شنو لكن مختفيه كدا دي الروضه بتعمل ليك كدا؟
ماما:ي بت مش انا قلتا ليك باجي دي ما تقوليها لي حسي انا قدرك؟
انا:والله انا اشك انك اصغر مني زاتو انتي عارفه اني يوم كنتا عايزة اسوقك معاي الجامعه بس بعد ما فكرتا فيها تاني غيرتا راي اوريك لي؟😆
ماما:لي؟
انا:عشان حيقولو لي اختك الصغيرة احلى منك و حتقومي تكسري الجكس الطبي كلو و انا اقعد اتلفت🐸😂😂
ماما:ي بت انتي اصلك ما نصيحه وريني دايرة شنو سرعه😂😂
انا:بااااس دا الدايراهو زاتو اديني متين جنيه ي حجه😚
ماما:هاك هاك اصلك بتاعت مصالح وزحي لي اتاخرتا على الروضه
طوالي لفيت و انا ماشه على غرفه جوري لقيت حسام برا
انا:سانيه سانيه اقيف
حسام: سرعه سرعه مالك انا طالع
انا:والله ي حسومي امبارح بابا اداني مصروف و راح مني وما عايزة امشي ليهو تاني يعني اذا عندك اديني💕
حسام:طيب طيب هاك
انا:متين بس ياخ زيدني ووانا اصلا ماشه مع روان السوق😇
المهم زادني تاني ميه وبستو ومشا
انتو بتحسبو معاي صح؟😂😂😂😂
بعد مشيت اتم اللفه و دخلتا غرفه جوري
انا:جوجو ي جوجو
جوري:ما عندي ليك اخلاق عايزة شنو؟
انا:لي لي كدا ي حبي
جوري:عايزة قروش صح؟
انا:والله اذا ممكن يعني
جوري:اصلك مصلحجيه من يومك
انا:يخسي عليك ي تافهه بتحتاجي لي يوم
جوري:انتي حاليا محتاجه لي انا عشان كدا احترمي نفسك☺💔
انا:خلاص خلاص ماتزليني اديني ميه
شلتا الغنيمه و مشيت على اخر محطه غرفه التوم
انا:اخواني انا بحبهم شديد😚💕
الاتنين مع بعض:مالك؟
انا:بسم الله بسم الله صحي توم المهم انا عايزة فلوس😊(lolo كيف تمام؟😂😂😂)
غسان :داااك ابوك امشي ليهو
انا:ياخ ابوك دا مخستك ساي اداني خمسين بس يعني هو قايل الخمسين دي قروش مع قروش الناس
غسان:خلاص هاك ي مخستك انتي😂😂😂😂
انا:يلا يلا ي حسان دبل دبل😂😂😂
المهم بكدا بكون لميت الغنيمه حقتي و اصلا بابا كان اداني كرت البنك حقو و ناسي انو هو معاي وطوالي مشيت شلتا قهوتي و نزلتا تحت اعمل تاكيد لي موعدي مع روان😃نزلتا تحت و فتحت لي الباب دانيه
انا:ي دندون كيفك و صباح الخير
دانيه:صباح النور تمام والله
انا:روان في ولا طلعت؟
دانيه:لالا قاعده
طوالي دخلته و بكورك ي فطومه فطومتي😂😂😂😂
رؤى:ي بت اسكتي بتي نايمه
انا:مالي ومال بتك انا جيت لي فطومه
فطومه:حبيبه فطومه
طوالي مشيت وقعت ليك فيها حضن و سلام كأنو ما كنت معاهم امبارح بليل😂😂😂
انا:فطومه عايني لي بناتك ديل بحقرو بي
دانيه:حسي انا سالتك؟
انا:ما خلاص الشر بعوم بعدين انتي ي رؤى ما ماشه بيتكم؟
رؤى:انا قاعده في بيتنا و برجع المشكله انتي البرجعك شنو
دانيه:حسي ي جيجي في داعي لي قصف الجبهات دا من الصباح
انا:ي شافعه امشي اتلمي احسن😂😂😂
روان:في شنو في شنو ياخ عملتو لي إزعاج
انا:روان ي حبي ارح ارح اطلعي ما عندي حيل اتشاكل مع اخواتك ديل
طوالي سقتا روان و طلعنا
في العربيه
انا:اها ي كونه على موعدنا بتاع قبيل
روان:اي اي لسة في محلو
انا:خلاص لمن تخلصي محاضرات اتصلي علي
روان:خلاص حنين ي فرده
وصلتا روان جامعتاو مشيت على جامعتي و طبعا اتاخرتا كلعاده والمحاضرة اصلا بدت و ماشه سرعه و بدخل في تلفوني و مفتاح العربيه في الشنطه وشبه جاريه خبت ولد ووتلفوني وقع😢😢😢💔وكمان الزاد الطين بله شنطي كانت فاتحه و الحاجات اتكشحت☺💔و الولد يشيل و يعتزر لي و يعتزر لي
الولد:معليش ي اخت انا اسف
و بقا بلم لي في حاجاتي
انا:لالا عادي عادي ما حنك
و نزلتا الم معاهو
الولد:لالا خليها برفعا انا
انا:ما مشكله الناس لبعضيها عادي
واخر شي رفعتا التلفون و اصلا كان واقع على وشو و الساعه الرفعتو لقتو اتكسر حته حته(فافا انتي كيف تمام؟☺💔)😣💔بس كانت صدمه بالنسبه لي يعني تلفوني دا زي ولدي😂😂بس بقيت خاته يدي في خشمي و ساكته و الولد يحليلو لمن حسه بالذنب
الولد:معليش والله ي اخت خلاص بصلحو ليك
انا:لالا ياه معقوله بعدين عادي كلنا بنغلط
الولد:ايوا عارف بس كمان الزول لازم يتحمل نتيجه غلطو
انا بجد حسيت انو الولد دا غير عن كل الاولاد يعني حسي انا الغلطانه و هو البعتزر لي حسي دا لو كان ولد تاني كان هاج فيني و سبه لي جدي التاسع😐
انا:ايوا كلامك صح بس انا ما بحب الغرامه و كدا و بعدين اعتزارك مقبول💜🌸
الولد:طيب براحتك بس بكرر ليك اسفي
المهم شلتا حاجاتي و مشيت على القاعه و طبعا المحاضرة اصلا كانت بدت و بعد تعب حتى دخلت بس المحاضرة كلها كنتا بفكر في الولد دا يعني بالجد حسيت بيهو غير من وشو ساكت و كمان من موقف واحد بس يعني حتى ما بعرف اسمو يعني حاليا الولد اقصى طموحاتو يكون سايق عربيه واو و مكسر البنات كلهم و حبيبتو احلى بت في الجامعه و كدا يعني و بالجد بكره النوع دا شديد😤 بعدها قلتا ياخ انا مالي و مال الولد و ي جيجي ركزي في محاضرتك.
يتبع...
YOU ARE READING
بعد حين💞
عشوائيما دائما بنعيش حياتنا زي ما دايرين،مرات كتيره بتحصل حاجات في حياتنا نحنا ما دايرنها او ما بتعجبنا ،لانو في نظرنا الحاجات دي بتسبب لينا حزن او غيرو.....،بس اكيد الحاجات دي لي خير،خير لا يعلم بيهو الا ربنا💜🌸 سودانيه بقلم:دانيه شبلوف
