انا:عارف انا كنتا بحب لي واحد و الطريقه الاتلاقينا فيها نفس الطريقه الانا وانت اتلاقينا كنتا دايما بتزكرني بيهو و كنتا بقارنكم بي بعض لانو لمن انا خبتو و انا كنت غلطانه و هو اعتزر لي وانت
اختا نفس و سكتا و بعد زمن واصلتا و قلتا:
بي اخصار ممكن تقول انو انا حبيتو من اول نظرة حرفيا كدا من اول نظرة لي درجه اني من شدة ما كنت بفكر فيهو طردوني من المحاضرة
كنتا بحبو شديد بس هو خزلني شديد،عارف خلينا بعض لي؟
ضحكتا ضحكه استهتار و قلتا:خلينا بعض عشان كان خاطب ليهو بت و في نفس الوقت معلقني انا
هنا سكتا و ركزتا انو اتكلمتا كتير
انا:انا اسفه اتكلمته أكتر من اللازم
و قمتا خليتو بنده على سقتا العربيه و مشيت البيت،،انا اتكلمتا قدام ايمن لي ما عارفه بس قلتا يمكن يكون السبب اني حبيت احكي لي زول انا ما بعرفو شديد كدا و تقريبا ايمن كان الزول المناسب و هو ساعدني بي انو ما قاطعني و سمعني للنهايه و دا الخلاني اشطح
المهم مرة الاسبوع سرعه و جا العرس و كان حلو شديد و ظبطنا الدخله و كانو كل الناس بعلقو علينا،،بعد العرس العرسان سافرو و لسه كان باقي شهرين لي الجامعه قام ماجد اقترح علينا انو نمشي مزرعه جدي نقعد فيها اسبوعين كدا وقت اصلا قاعدين ما عندنا شي و فعلا بعد ما اترتحنا من تعب العرس طوالي في يوم اتلاقينا في بيت خالو جعفر واتقسمنا على العربات و مشينا و كنا شايلين معانا حاجات تكفينا اسبوعين من لبس لي اكل لي غيرو،،وكانت المزرعه من الخرطوم حكايه ساعتين،،و نحنا في العربات طبعا نشاغل في بعض و نتعاور و نتسابق و غايتو اتعولقنا جنس عولاق
المهم بعض ما وصلنا أول شي عملانو انو نظفنا البيت(يلا هي مزرعه بس في نصها في بيت و بمشي نقضي فيهو اجازات )و كان فيهو اربعه غرف اتقسمنا غرفتين بنات و غرفتين اولاد بعد النظافه علمنا لينا سندوتشات و من التعب كلو زول مشا نام،صحينا كلنا قريب العشاء صلينا و علمنا لينا حاجه ناكلا ومشينا قعدنا برة و بقينا بنتونس و نضخك و كلو زول يحكي موقف حصل معاهو و كدا و ساهرنا لي صلاه الصبح صلينا و كلو قرد طلع شجرتو
استمر الحال كدا ضحك و ونسه و سهر لحدي ما عدا اول اسبوع و في اليوم الاول في تاني اسبوع صحينا علمنا الشاي و كلنا قعدنا شربناهو بي البسكويت و يانسون و كدا
(ملحوظه:كنا شباب بس )
بعدها خلينا الاولاد يغسلو العدة و قعدتا نتونس و بعدها جا موضوع الفطور و برضو خلينا الاولاد يغسلو العده و نفس الشي الغدا لحدي ما جا وقت سهرتنا و برضو اتلمينا و قعدنا في شكل دائرة و بقينا بنتوتس
جوري:جيجي ما تغني لينا
انا حمرتا ليها لاني ما بحب اغني قدام زول و اصلا مرة جوري سمعتني صدفه بغني بقت بتشغلا لي
انا:لالا ياخ ما دايرة
يوسف شافني بحمر لي ضحك و قال:ي زوله ما تحمري ليها غني لينا بس الا ماف زول فينا حيقوم
انا:امري لله طيب بغني
يمنى:طيب طيب خلو ايمن برضو يغني معاك
ايمن: طيب ما عندي مشكله
انا:طيب نغني حبيتك كيف معاك؟
ايمن:امممم لالا كويسه خلاص ارح
جوري:طيب 1 2 3 يلا ابدو
انا و ايمن:حبيتك و نسيت الكلام...نسيت الكلام...ناديت ليك صوت الغام...صوت الغمام...حميتني الراحه والمنام...ي كل مناي كل المرام...ااكيد ميه الميه...ميه الميه...ااكد ليك ميه الميه...لو قربتي على شويه...على شويه...لو قربتي علي شويه...عمري الباقي ليك هديه....الباقي...الباقي ليك هديه...مليان بي شوق وبي حنيه...حرمان عينيا النوم...عينيا النوم...لو غابت بس عنك...بس عنك يوم...غير هواك مالي هموم...ي الله العافيه عليك تدوم...اخترتك لي قلبي حبيب...لي قلبي حبيب...لقيتك من دمو قريب...من دمو قريب...اانتي لي جروحي طبيب...من بير هواك دايما شريب...حبيتك و نسيت الكلام...نسيت الكلام...حبيتك و نسيت الكلام...الكلااااااااااااااام.
كلهم بقو بصفرو و بصفقو لينا و بتاع بس رونق قالت
رونق:جيجي صوتك ما حلو خالص خلي ايمن يعيدا تاني براهو
كلهم بقو بعاينو ليعا مخلوعين و بتاع انا زعلته شديد اي ما عندي مانع تقول رايا بس ما كدا و تحرجني قدام الناس
طوالي لملمتا باقي كرامتي و قمتا مشيت غرفتي و خليتهم بشاكلوا في رونق قام جاني يوسف
دق لي الباب و قال
يوسف:ممكن اخش؟
انا:ايوا خش
دخل و جا قعد جمبي
يوسف:ما تزعلى من رونق والله هي ما قصدها شي بس انتي عارفاها روشة
انا:لالا ياخ ما زعلته اصلا كنتا زهجانه عشان كدا طلعتا واصلا مصدعه حقوم اخد لي نومه وخلاص عشان كدا انت امشي تم ونستك مع الناس
يوسف:متاكدة؟
انا:اي ي ولد ما فيني شي امشي
يوسف:طيب تمام
طلع خلاني وانا فعلا نمته وكان الوقت بدري عشان كدا جاتني صحيه كدا زي الساعه 3 ونص صباحا شلتا لي جكت و طرحه كبيرة و عملتا قهوة و مشيت السطوح،،بقيت قاعده و بعيان للقمر و النجوم و بشرب و سرحانه لحدي ما حسيت بي زول جمبي كان ايمن
ايمن:ممكن اقعد؟
انا:ايوا اتفضل
قعد و بعد مسافه قال
ايمن:قبيل زعلتي من رونق؟؟
انا:ما زعلته لاني ما من حقي في النهايه هي مفروض تقول رايا عادي بس ما تحرجني كدا قدام الناس يعني كان ممكن تقول على صوتك هنا ووطيهو هنا و في المقطع دا اعملي كدا لكن ما تحرجني كدا
ايمن:ايوا صح كلامك
المهم فضلنا نتونس و ايمن ما جاب سيرة موضوع ادهم و تقريبا دي كانت اول مرة انا و ايمن نتونس قدر كدا
المهم قعدنا لحدي ما حضرنا الشروق و كان شكلو رهيييييب شديد بعد ما خلاص الشمس طلعت قلتا لي ايمن
انا:انا نعسته شديد بعد دا ماشه انوم يلا تصبح على خير
ايمن:تلاقى الخير
بعد ما خلاص وصلتا باب السلم ايمن نده على
ايمن:جيهان اقفي
وقفتا بدون ما اتلفت اعاين ليهو وهو واصل و قال لي
ايمن:جيهان انا بحبك
انا:وانا برض........
سكتا و عاينتا ليهو مخلوعه طبعا كنتت حقول ليهو انا برضو لاني اصلا كنتا نعسانه شديد بس وعيت على روحي قبل ما اتما و بس بقيت بعاين ليهو وهو واصل
ايمن:جيهان انا واثق انو اخر تجربه ليك ما كانت ظابطه بس ما معناها انو الجاي كلو كدا يعني من طريقه كلامك عن الولد داك عرفتا انو المريتو بيهو ما هين بس ما معناها تدفني نفسك جيهان انا اتعرفتا عليك بس في فترة العرس دي بس صدقيني حبيتك شديد حبيت كل تفاصيلك حبيتك لمن تزعلي و تبكي و نخرتك تحمر و حبيتك لمن تضحكي و تظهر وجنتك الفي خدك الشمال حبيتك بكل تفاصيلك طريقه تعاملك مع الناس و كيف انك عفويه شديد صدقيني ما بلعب عليك ي جيهان
انا عاينتا ليهو و طوالي لفيت و مشيت خليتو مشيت صليت الصبح وانا مخلوعه قلتا شنو و عملتا شنو ما عارفه بس بقيت بقول دي شنو المصيبه دي و قدر ما حاولتا انوم حلف النوم كان يجي
يتبع........
ي جماعه في روايه اسمها ولكن❤امشو اقروها و اعملو فوت💜🌸
YOU ARE READING
بعد حين💞
Randomما دائما بنعيش حياتنا زي ما دايرين،مرات كتيره بتحصل حاجات في حياتنا نحنا ما دايرنها او ما بتعجبنا ،لانو في نظرنا الحاجات دي بتسبب لينا حزن او غيرو.....،بس اكيد الحاجات دي لي خير،خير لا يعلم بيهو الا ربنا💜🌸 سودانيه بقلم:دانيه شبلوف
