بعد حين💞

part 4

صحيت اليوم التاني نشيطه و فرحانه😂😂😂😂مشيت صبحت على ماما و لقيت في البيت في هي وانا و جوري بس قلتا ليهم خلاص بظبط ليكم الفطور طبعا ما فرحانه من العرس دا😂😂😂💔💔طوالي مشيت عملتا فطور حضران كدا و بعد الفطور دخلتا ل في عبايه و مشيت لي روان طبعا ماشين الكوفير مع بعض عشان هي زاتا ماشه معاي العرس😃المهم مشينا الكوفير اتظبطنا زي العجب كأنو عرس امنا😂😂😂💔خلصنا زي الساعه 7 كدا رجعنا البيت لبسنا طبعا مابقدر استحما عشان الميكب و كدا طوااالي كسرتا حنك الحمام اي شي ولا الميكب حقى😂😂😂😂لمن جات 8 و نص نحنا كنا خلصنا المهم قمنا اتجهنا على الصاله😂😂😂وصلنا والحمد لله ما كان في ناس كتار قعدنا لينا في موقع استراتيجي(بنات ابجد المنتحرين كيفكم كويسن؟😂😂)قعدنا قريب للعروسه و بجيبو لينا الاكل أول ناس اها تاني دايرين شنو 😂😂😂
قامت روان قالت لي
روان:جي جي انا ماشه الحمام ارح معاي
انا:ي بت امشي براك ماشين يختفوك يعني؟
روان:اصلا ما منك فايده😑
انا:اي اي اول مرة تعرفي؟يلا يلا امشي حمامك دا سرعه
روان مشت و بلاي التقول قالو ليها اسكني هناك بعد سنه جات
انا و مركزة في تلفوني:قالو ليك اسكني هناك ي زفته؟
.......:وكان قلتا ليك انا ما الزفته😃
سمعتا الصوت مويه بادرة و اتكشحت فيني عرفتوهو دا منو صح؟😂😂😂😂
انا:معليش كنتا مفتكراك صحبتي
ادهم:لالا عادي ولا يهمك
سكتنا شويه كدا و قام قال
ادهم:من اهل العروسه ولا العريس؟
انا:تقريبا كدا من اهل العروسه
ادهم:ولي تقريبا؟😂😂
انا:لانو هي اصلا صحبت اختي و هي زاتا زي اختي واحد عشان كدا،وانت؟
ادهم:انا ود خالتو للعريس
انا:اها حلو
ادهم فتح خشمو داير يقول شي روان جات طوالي قام سلم عليها و مشا
روان:كأنو شفتا الولد في محل
انا:ايوة في السوق
روان:ايوا صح دا الولد الزي قطعه الشوكولاته الكنتي واقفه معاهو ي بت اللذين
انا:اي ياهو ي المنبرشه😂😂😂💔
روان:عزمتيهو ي جي جي ولا شنو ي بت؟
انا:لالا ما عزمتو ي هبله هو ود خالتو للعريس
روان:ااااا اوكي اوكي
المهم خلصنا حفلتنا وكانت ظابطه شديد و هججنا و رقصنا زي العجب

المهم رجعنا البيت صحينا اليوم التاني للرقيص و طبعا المره دي انا شبينه💚و كنا عاملين دخله و حركات و قله ادب😂😂😂المهم اليوم برضو عدى عادي و برضو كان حلو و كمان هجننا اكتر لانو ما فيهو اولاد😂😂😂😂الحفله خلصت زي 6 كدا طوالي رجعتا البيت و استحميت و غيرتا و طلعتا تاني طبعا انا عازمه البنات الليله😍💞طوالي مشيت لي ندو عشان نتفق و ندو تشوف لينا محل يكون ظابط😂😂 فعلا اتلاقينا و نكورك و نحضن في بعض و نتعولق طبعا دا كلو في الشارع طبعا اليوم داك الشارع كلو اتفرج فينا😂😂😂و رجعتا البيت و ي السرير جاك زول انا غايتو يومين نايمه من التعب😂😂😂😂اليوم التالت صحيت من الساعه5 صباحا بي اتصال من ترتيل
انا:امممممم
ترتيل:ي بت قومي و صحصحي معاي ووريني مالك ما جيتي ليك اربعه يوم؟و بتصل عليك ما بتردي
انا:اي اي امممم
ترتيل:ي بت قومي و عندي ليك شمار  مبالغه
المهم قلتا كويس و قفلتا منها دخلتا الحمام اتسوكتا و استحميت وصليت و عملتا قهوتي بعداك رجعتا لي ترتيل😂😂😂
ترتيل:انا قلتا ليك صحصحي معاي يعني غسلي وشك و ارجعي لي ما قلتا ليك حرري فلسطين و تعالي
انا:خلاص معليش ي اختنا عايزة شنو😂😂😂
ترتيل: مالك ي بت غايبه و ما داخله لا واتس لا فيس و لا شي
انا:ي بت اسكتي بس
و حكيت ليها بالعرس و اليوم التاني الرقيص و عزمتا البنات و كدا
ترتيل:امورك ظابطه والله
انا:ي بت ظابطه شنو والله جنس تعب
ترتيل:طبعا نسيت ما اقول ليك
انا:اها
ترتيل:جاني ادهم في الجامعه و سال منك
قمتا ناطه و كشحتا جزو من القهوة فيني وانا ولا حاسه😂😂😂😂😂
انا:منو منو السال مني؟
(وانا اصلا الفوله ما بتتبلا في خشمي و حكيت لي ترتيل عنو وهي اصلا ما بتعرفو معرفه شخصيه كدا بس يعني اسمو و شكلو بس )
ترتيل:ادهم بي زات نفسو ي بت
انا بقت بصرخ و كدا و بعد مسافه بقيت بقول الو الو لقيتا قفلت الخط😂😂😂😂
المهم عدت الايام و الاسابيع و الشهور و السنين (بهظر بهظر شهور بس😂😂😂😂)وفي الوقت دا اموري بقت ماشه تمام في الجامعه و انا و ادهم بقينا فرد و يومي ما بخلص كان ما اتكلمنتا بلاقيهو في الجامعه بس برضو بنتلكم كتير وبالجد بقينا أصحاب شديد لحدي ما في يوم الصداقه دي اتحولت لي شي تاني و ادهم اعترف لي بي بحبو🌸وانا ما صدقته ولا رفضته لاني كنتا على يقين انو انا حبيتو من اول مرة شفتو فيها💜ومن طريقه تعاملو و طريقه كلامو💞
و في يوم عزمني و روان قالت الا تمشي معاي عشان لمن يوم السوق ابيت امشي 😂😂😂😂😂💔💔💔مشت معاي و في مرة تانيه مشت معاي ماما😂😂اصلا انا حكيت ليها عنو و بس جيت طالعه قالت الا تمشي معاي قلتا ليها خلاص ارح☺🌹طبعا لمن ادهم سلم عليها و قلتا ليهو دي امي بلاي لمن رجف و هبط و القعدة كلها بتكبكب و بتمتم زي الجاين نخطبو😂😂😂
و الحمد لله خلصتا سنتي التانيه في الجامعه بي معدل امتياز💙وفي اول اسبوع في الاجازة قاعده بصلي قمتا سمعتا صوت رساله في تلفوني بعد ما خلصتا مسكتو و لقيتو مسج من رقم غريب دخلتا لقيت زول مرسل لي صور لي ادهم و كدا انا بالجد اتخلعتا بس قلتا قبل اتهور اشوف ادهم بس جات رساله من الرقم الغريب كأنو قرا افكاري و الرساله كان مكتوب فيها:
(السلام عليكم.اكيد مخلوعه بس انا كمان مخلوعه اكتر منك معليش امكن ما كان مفروض افأجئك  بالطريقه دي بس ما باليد حيله يعني بتمني انو نتقابل و لو ممكن حاليا عشان اقدر اشرح ليك بالتفصيل و بتمني ما تسالي ادهم الا نتلاقى و احكي ليك عشان تكون عارفه كل شي وزي ما بقولو خير وسيله للدفاع هي الهجوم المهم انا اسمي رنين بتمنى اول ما تقري الرساله تردي علي وانا جاهزه في اي لحظه)
انا في اللحظه ديك ماعارفه حصل لي شنو بس قلتا احسن ادخل ادهم في الموضوع تاني قلتا لالا لأنو لو طلع الفي بالي صح اكيد حيكزب و يبرر نفسو و بتاع بس احسن زي ما قالت البت خير وسيله للدفاع هي الهجوم وانا حأهجم عليهو واوريهو اني عارفه كل شي و ما اديهو فرصه المهم قمتا من محلي داك و دخلتا لي في عبايه و طلعتا ومن الاستعجال نسيت مفتاح العربيه رجعتا تاني و جبتو و بعد ما ركبتا اتزكرتا اني اصلا ما اتفقتا مع البت ضربتا ليها من العربيه و اتفقتا معاها و مشيت على المحل و طبعا وصلتا انا اول قعدتا واصلا اتفقنا نتلاقي في كافي كدا
طلبتا لي عصير ليمون لاني حسيت نفسي مهبطه المهم بقيت قاعده و منتظرة على احرة من الجمر قامت اتصلت على زي بعد 15 دقيقه كدا وقالت لي انا وصلتا رفعتا ليها يدي شافتني و جات علي سلمت و قعدت
رنين:تطلبي شي؟
انا:طلبتا انا اطلبي انتي
المهم هي طلبت ليها قهوة و قالت لي
رنين:اسمعي ي..........
انا:جي جي اقصد جيهان(طبعا متعودة على جي جي)
رنين:طيب ي جيهان انا حخش في الموضوع طوالي و حاحكي ليك من طق طق لي السلام عليكم...طيب ي جيهان ادهم بكون ولد صحبو لي بابا و اكيد صاحب بابا دا شافني كتير فقام طلبني لي ادهم وانا ابدا ما كان عندي مانع عشان انا اصلا ما لي في امور الحب دي و كدا بس كان شرطي اني اخلص جامعتي و اصلا كانو حيوافقو مسافه ما ادهم يكمل جامعتو و كدا و بس اهلو لي ادهم قالو انو عايزين يكون في شي رسمي بيناتنا و كدا و عملو خطوبه و بس (و قامت ورتني صور الخطوبه و خليتا ترسلهم لي )يعني ي جيهان انا خطيبه ادهم
انا طبعا ما عرفتا اقول شنو بس كنتا متفاجئه و ما قادرة اصدق انو هو كان متغمس دور المثاليه دا و ابدا ما حسسني انو هو عكس كدا

وواصلت رنين و قالت:يلا انا ما كنتا بحب اطلع معاهو كتير لزوم انو هو لسه ما عاقد على و كانت مرقاتنا بالحساب و كدا وفي يوم طلعنا و نحنا قاعدين كدا قام هو مشي الحمام و اتاخر و تلفونو اتصل و كانت المتصل مسجل بي Soulmate "تؤام روحي"و دا كان رقمك انتي ي جيهان ما استغربتا قلتا ممكن تكون اختو او كدا لكن الرقم جات منو رساله فقمتا فتحتا التلفون و قريت جزو من رسايلكم و كان ظاهر انك ما عارفه انو هو خاطب و سجلتا رقمك و رجعتا التلفون محلو وانا حبيت اني اوريك و افهمك و كمان حيكون افضل لو انتي اتكلمتي مع ادهم اول لانو اصلا ما فارق معاي لاني ما بحبو بس انتي ظاهر عليك بتحبيهو اتكلمي معاهو انتي و بعدين انا بفركش الخطوبه

انا بس بقيت ببكي ما عرفته اقول شنو لاني بالجد حبيت ادهم من جوة قلبي و شوف هو بادرني بي شنو بادرني بالخيانه💔 إحساس الخيانه ممكن نقول اصعب احساس💔..احساس انك تثق في زول ثقه عمياء وهو ما يكون قدر الثقه دي و يبادلك بالخيانه 💔بس بقيت متحيرة و بسأل في نفسي هل ادهم خاني ولا خان رنين؟ يعني انا زي ما من اول مرة شفتو فيها حبيتو قدرتا في كسر من الثانيه اني انسى الحب دا كلو💔 ووقتها الكلام الكنتا عايزو اقولو لي ادهم كلو اتركب في راسي و قلتا ابدا ما حاسمح ليهو يكسرني💪
بس برضو كنتا بسال في نفسي هل فعلا هو حيقدر يكسرني او لأ؟

يتبع........