بعد حين💞

part 5

فوتااااتكم💕

المهم بعد ما خلصتا و ودعتا رنين و رجعت البيت رجعتا زي الساعه 8 كدا طوالي دخلتا غرفتي و شلتا ليك الليل داك كلو بكا😢💔اليوم التاني صحيت رغم اني نمته قريب الساعتين بس😧💔 و طبعا وشي مورم و عيوني حمرا و طبعا لمن ابكي نخرتي بتبقا حمرا😑💔و فعلا كانت حمرا المهم قمنا دخلتا الحمام استحميت و اتوضيت و صليت و بكيت كتير وانا ساجدة💔المهم بعد ما خلصتا صلاة تلفوني اتصل و كان ادهم😤💔
ادهم:جيجي مالك ما بتردي على اتصالاتي من امبارح انابتصل ليك وانتي ما بتردي مالك الحاصل عليك شنو خوفتيتي ما معقوله يعني ما لقيتي زمن حتى ترسلي لي😤؟
انا:كنتا مشغوله ي ادهم😒
ادهم:طيب صوتك مالو ي جيهان؟
انا:مافيهو شي
ادهم:على انا ي جيهان؟
انا:قلتا ليك ماف شي ي ادهم
ادهم:اسمعيني ي جيهان حسي تقومي تلبسي اقرب شي تلقيهو و تلاقيني في.........حسي ي جيهان
وقفل الخط قبلي ارد عليهو اضطريت اطلع اصلا كنتا عايزة افاتحو في موضوع امبارح😧💔و طوالي دخلتا لي في عبايه كلعاده و طلعتا وانا طالعه لقتني امي و وقفتني طبعا ما من عاداتي اني ما اصبح عليها و ما اعمل قهوتي و كدا
ماما:جيجي ما حاسه انك كترتي الطلعات المن الصباح دي؟وثم تانيا وشك دا مالو زي الكان بكفتو فيك؟
انا ابتسمتا ليها ابتسامه صفرة كدا:ما بتاخر يلا باي
وطلعتا قبل ما ترد على وطلعتا طوالي حتى قبل ما امشي لي ناس فطومه💔
وطبعا برضو وصلت قبليهو و بعد مسافه كدا هو جا ولا سلم علي ولاقال شي غير انو سال من وشي
ادهم:جيجي احكي سرعه مالك و وشك مالو مورم كدا؟
انا:ماف شي ي ادهم
ادهم:جيهان ما تقولي لي ماف شي انا ما طفل في شي و شويات كمان اتكلمي احسن
انا:ادهم قلتا ليك ماف بس شكلي عيانه
ادهم:طيب ي جيهان ما اقتنعتا بي كلامك بس حمشيك،وطيب وقت انتي عيانه قومي ارح اوديك الدكتور
انا و بضحك ضحكت استهتار:ياخ ما ممكن تبطل تمثيل و تعمل فيها انك الشريف الرضي😂؟
ادهم:جيهان ي بت انتي شكلك بجد عيانه لمن بقيتي تجيبي خارجيات
انا:و برضو انا العيانه؟طيب اصبر
وفتحتا تلفوني ووريتو صور خطوبتو😔
انا:و برضو انا العيانه صح؟💔ياخ ياتو نوع من البشر انت؟💔بس وريني قلبك دا ما بحس؟💔ما عندك اخوات بتخاف عليهم؟💔ما سمعتا بي كما تدين تدان؟💔
ادهم:جيهان اصبري اسمعيني انا والله ما بحبها والله بحبك انتي والله انا طنتا مجبور عليها و كنتا حخليها عشان نكون انا وانتي مع بعض للنهايه😢💔
اناو بضحك:شنو؟😂للنهايه؟يلا بالجد دا سبب مقنع اكتر اني اخليك ولا كنتا فاكر اني حنسى في ثانيه واقول ليك طيب انا مسامحاك✋😂لالا انت غلطان ي بيبي طيب قول سامحتك بكرا نخطب و تجي تشوف ليك بت تاني و تقول ليها انا ما بحبها و انا كنتا حخليها وانا وانا؟اكيد لا ي بابا شيل الفكره دي من راسك خالص
ادهم:لا ي جيجي ما كدا والله انا مالي بدونك
سكت مسافه و قام مسك يدي وقال لي:والله ما بقدر بدونك ما بقدر ي جيهان
انا:وانا كنتا فاكرة نفس الشي ي ادهم بس لقيت انك ما اكسجين وعادي بعيش بدونك وانا كمان ما اكسجين يعني عادي بتقدر بدوني،وعارف شي؟بقولو الطيبون للطيبات بس انت الليله اثبتا عكس كدا لانو رنين بالجد تستاهل الاحسن منك و الارجل منك لانو حركاتك دي ابدا ما حركات راجل و راجل عندو قلب و ضمير و اقل شي بخاف على اخواتو بس نقول شنو غير الله يهديك و يديك بت الحلال التبسطك و تبسطا ما تخونك و تخونا و السلام عليكم👋
طلعتا من المحل وانا بستقوى قدام ادهم💪وبظهر ليهو انو ما كسرني و ابدا ما فرق معاي💔 بس اول ما ركبتا العربيه و اتحركتا من المحل وقفتا و بكيت😣💔،بكيت بكا بت مقهورة💔بكيت بكا بت مقهورة على حبها الاول الضاع و تلاشي في اقل من سانيه💔،و هنا لقيت الجواب على سؤالي💔،فعلا ادهم قدر يكسرني قدر و بقوة كمان💔انا قدرتا اتصنع القوة قدامو المرة دي بس حقدر المرة الجايه برضو؟ بس اتزكرتا انو الجامعه الكانت بتلمنا الحمد لله هو طلع منها👐
رجعتا البيت و عملتا نفس حركه امبارح
اليوم التاني صحيت بي صوت خبيت في الباب
انا:اتفضل
كانت ماما دخلت و رقدتني في رجولا وقالت:جيهان انتي مالك ي بتي فيك شنو و ما تقولي لي ماف شي انا بعرفك زي جوع بطنك احكي ي جيهان ووريني في شنو ما تخليك كتومه وكان ما حكيتي لي انا حتحكي لي منو
انا بس بقيت ببكي في رجولا و ابدا ما سألتني خلتني اتم بكيتي واتكلم براي
انا:ادهم ي ماما ادهم
ماما:مالو ان شاء الله خير
انا:طلع خاطب ي ماما يعني انا بي جاي فرحانه قلتا اهو اتخرج يعني سنتين تلاته بنعرس بس الفرحه ما تمت والله انا بحبو ي ماما والله بحبو اكتر من نفسي(و حكيت ليها الحصل من ما جاتني الرساله لحدي اسي )
ماما:اسمعيني ي جيهان انتي زوله مؤمنه خلي ايمانك بربنا اقوى من كدا💕واكيد لو انتو لي بعض مهما لف الزمن و دار حتكونو لي بعض 🌹حتى لو بعد الف سنه و اكيد الحصل دا لي خير💜 اذا انتي ربنا ما بحبك ما كان ابتلاك💕ما سمعتي بي ان الله اذا احب عبدا ابتلاه💞؟بعدين انتي بتعترضي على حكم ربنا؟
انا:لالا ي ماما بس....بس....بس انا بحبو ي ماما بحبو
ماما:خلاص ي ماما ما تبكي بكره يجي البحبك و يستاهلك و يشيلك في عيونو
بس بقيت ببكي لمن ماما حست بي هديت شويه قالت لي:يلا قومي ي جيهان عشان تفطري ليك يومين ما قعدتي معانا
انا:ما جعانه بس عندي صداع برتاح شويه وبروح
ماما:ماف شي اسمو ما جعانه قومي قدامي سرعه عشان تاكلي و تبلعي ليك حبه لي صداعك دا بعداك كان دايرة ترتاحي ارتاحي
انا:طيب خمسه دقايق و اجي
ماما:يلا سرعه حبيبتي
بعد ما ماما طلعت مني دخلتا استحميت و اتسوكتا و اتوضيت و صليت و دعيت ي سجودي انو ربنا يقويني في حزني دا و طلعتا عشان افطر
بعد ما قعدنا و اتلمينا كلنا ماما قالت
ماما:طبعا ياسمين خطبوها و عرسها بعد زي شهر و حاجه
حسام:ياسمين منو
غسان:ياسمين بت خالتو منى؟(بوريكم العائله الكريمه بعدين😂)
ماما:ايوا
جوري:بالجد؟ماشاءالله ربنا يتم ليها على خير
ماما:طيب وقت اصلا انتي ي جوري ماخدة اجازة شهر و كمان جيهان عندها اجازة احسن تسافرو تغيرو جو و تجيبو حاجات ليكم للعرس مرة وحده💙
جوري:فكره والله انا غايتو ما عندي مانع بس شوفي جيهان
انا:لالا ما عندي مانع بس وروني متين
ماما:اقرب طيارة تمشو فيها عشان الزمن
حسان:يعني نحنا ما اولادك ولا شنو ي حجه؟
غسان:اي شكلو لقونا واقعين في خور ولا حاجه
ضحكنا كلنا و كملنا اكل و كلو زول مشى لي شغلو
(يلا اصبرو اريكم العائله الكريمه
طيب هم تلاته بنات و ولدين اول شي خالو جعفر عندو تلاته اولاد واحد في الثانوي اسمو قصي و التانين في الجامعه وائل و ماجد بعديهو خالو مصطفى عندو تلاته بنات وولدين توم في الثانوي نورة و نوران و البت التالته اسمها رونق و هي قدري تقريبا والاولاد واحد خلص تالت اسمو يوسف و واحد في الجامعه اسمو همام بعدو خالتو منى عندها ياسمين العروسه و يادوب خلصت جامعه و بعدها ايمن شغال بس مقيم برا السودان من زمان و اخر مرة شفتو تقريبا لمن كان عمري 6 سنين  و بعديهم يسرى و يمنى توم برضو برالمه بعدها ماما بعدها خالتو مياسم اخر العنقود😂عندها عبد الله في تالت اساس و الاء عمرها زي تلاته سنين )
(مع الايام بتحفظوهم😂😂
(😂😂

يتبع........