أمنيتي ابني وحبيبتي

البارت 16

بقلم الكاتبة dina Al Rubaie
🌺🌺🌺🌺🌺🌺🌺🌺🌺
حسان، لا علي انته مامجبور تتحمل مسؤليتين وبعدين فطومة بعدها مومال زواج هسة
ام علي، وهيه تبجي دير بالك عليها حسان ابني هاي اختك وصيه امك جانت مدللتها ومتخلي واحد يضوجها بكلمة وحده
حسان، لا خالتي ليبقه بالج عليها انشاء الله نخليها بعيوني
«فاطمة، وهيه تتوجه تسلم عله اخوها هلاو حسان اشلونك
حسان، هلاو فطومة اشلونج شخبارج
فاطمة، الحمد الله زينه مريم الجهال اشلونهم
حسان، الحمد الله زينين تقى فرحت لان گتلها راح اجيب عمه فاطمه
فاطمة، هههههههه حياتي
حسان، يله اذا خلصتي انروح بعد احنه
فاطمة، اي ماعندي شي خلصت حضرت نفسي قبل لا تجي
حسان، ماشي يله مع السلامه سلمونه عله عمار وابو عمار
علي ، ام علي، الله يسلمك انشاء الله
ام علي، تعالي فاطمة وياي دقيقه حبيبه
فاطمة، اي خاله اجيت
ام علي، هاج حبيبتي هاي 100 مصرف خليها جوه اديج اصرفين منهن ماشي يمه واي شي تحتاجي خابريني
فاطمة، لا خاله هاي هواي ماريد لتكلفين نفسج
ام علي، لا اخذيهن ضميهن عدج تره ازعل عليج اعتبريني امج وجاي اطيج
فاطمة، فدوة الگلبج خاله مشكوره بستها وطلعت شفت حسان صاعد بالسياره وعلي واگف يمه يسولف ويا اني صعدت وبقيت اباوع عله علي دمعت عينه گلت بگلبي الله يهنيك ويسعدك بحياتك
********************
مرتضى، ها وسن اشلونج
وسن، الو ها مرتضى الحمد الله زينه انته اشلونك
مرتضى، الحمد الله زين اشلونهم الجماعه
وسن، اممممممم ياجماعه مرتضى قصدك منار
مرتضى، هيه يمج
وسن، راحت للكافتريا تجيب كوفي
مرتضى، وليش تخليها تروح وحدها جان رحتي وياها
وسن، استغفر الله مرتضى شنو گمت تغار عليها راحت هيه وصديقاتها
مرتضى، ماشي شوفي وسن من تجي گليلها الجمعه هاي نجي نتعرف عليهم ماشي
وسن، ماشي يله باي
مرتضى، سلميلي باي
وسن، الله يسلمك
منار، ياالله هيج يحبني ويخاف علي ماصدگ
وسن، اي دوخري مني سده الخط بعد شكو لازگه براسي
منار، اي غير ردت اعرف شيحجي ههههههههه
وسن، بس خوش جذبه رايحه تجيبين كوفي يله بهاي المناسبه شربينه شي هههههعع
منار، انجبي خلي اتم الخطوبه واعزمكم
وسن، گبر شگد بخيله انتي
منار، هههههههههه يله انروح للمحاضره

******************
علي، هلاو منار اشلونج اشو وسن موياج
منار، هلاو علي الحمد الله انته اشلونك
علي، الحمد الله زين
منار،  وسن يمكن راحت ويه صديقتها علمود تنطيها المحاضرات
علي، ها اوك مشكوره هسه اني راح اتصل عليها
منار، اوك
علي، الووو ها حبيبي وين انتي هسه
وسن، ها حبيبي اني بالكفتريا هسه جيت
علي، اوك اني انتضرج بالحديقه الورانيه
وسن، اوك جيت
علي، بقيت منتضر وسن قررت افتح موضوع الزواج مالتنه
وسن، هلاووو
علي، هلاو حبي اشلونج
وسن، بخير انته اشلونك
علي، تمام ماشي الحال
وسن، خالتي اشلونها عمو البنات مشتاقتلهم
علي، الحمد الله زينين
وسن قررت ائجل موضوع الزواج هسه
وسن، اي اكيد حبيبي هسه خالتك توفت الله يرحمها واحنه مامستعجلين هسه
علي، انشاء الله من تطلع السنه نزوج حياتي
وسن، انشاء الله الله كريم فاطمة اشلونها شخبارها بالي بقه يمها خطيه
علي، لازينه خطيه اجه اخوها البارحه بالليل اخذها
وسن، خطيه ليش موگلت امي بقتها يمها
علي، يگول لا اني اخليها يمي احسن
يله حبي راح تبدي المحاضره
وسن، الله وياك هاا نسيت اگلك اني بس هاي المحاضره ونطلع ماعدنا بعد شي
علي، اوك حبي ماشي يمكن بلليل اجيكم
وسن، هلا بيگ
************
مريم مرة حسان، شوفي فاطمة البارحه اني ماحجيت گدام حسان لان تعبان وضايج شوفي الخاطره اني راح ابقيج هنا لان متحلم بأمة واله اني ليش اجيبج هنا موعندج اخ ثاني هوة يتحمل مسؤليتج
فاطمة، وهيه تبجي والله عبالي تغيرتي بس طلعت نفس خباثتج وماتغيرتي ابد
مريم، ضربتها راجدي فرت وجها فر ادبسز انتي اشلون تحجين هيج وياي خايسه تردين هنا تگعدين وتسكتي تشتغلين حالج من حالي افتهمتي لو لا
فاطمة، الله ياخذ حقي منكم ياظلام حسبي الله ونعم الوكيل صعدت فوگ
مريم، هييييي هييييي وين صعدتي فوگ تنامين هنا بالهول وجوالاتج اكو ميز مال حصه فوك بكان الزيت فرغته الج خلي بي سلاباتج گبور انشاء الله
فاطمة، بصوت ناصي وبجي الله لا يطيج امي جابتج ملحه جلحه الله يطي اخوي سواج مرة يجي يوم واخذ حقي منج 
حسان، هااا الله يساعدكم شنو هاذه الصوت شكو
مريم، الله يساعدك حبيبي لا ماكو شي والله بس فاطمة جانت تتفق وياي عله التنضيف تريد تشتغل وياي خطيه
فاطمة، وهيه مصدومه تسمع من فوگ ههههههه وتهز بديها الحمذ الله گلتله هيج ولاذبت تهمه براسي ام الگمل طلعت الگونيه مال طحين اتشگگت بالبسامير وطشر الطحين وريحه الزيت مگلوب بالميز يمكن يذكر جد جدي لان قديم واذا اريد افتحه ميت سلايه اطب ابيدي الله لا يوفقج مريم وهاذه اجه يگول اني اتكفل واني اتكفل تالي شامريني شمره الجلاب نص فوگ ونص جوة اووووف يمه همه ذول ولدج ليش هيج لا اخت تسأل ولا اخوان دايرين بالهم عليه يارب انته اعلم بحالي خلصني هاي اول صباح وياهم وهيج احترگ گلبي لعد لو ابقه يمهم سنين اشلون
*************
لمى، يمه يمه اني طالعه
ام لمى، لج وين طالعه وين موليه احجييي
لمى، البيت ام مروان وين يعني اريد اروح يم نور
ام لمى، لتخبليني البنيه بعمرج اكبر منها ب7 سنين وين رايحه يمها بس اني ادري بيج تحومين عله مروان ابنهم
لمى، وانتي شعليج قابل ابقه وره ابن اخوج الصگط
ام لمى، والله يا لمى اذا تحركتي منا وطلعت اخابر خالج يجي ياخذج افتهمتي لو لا متخافين لامن اخوانج ولامن ابوج لا مني شنو انتي كلبه حقيره
لمى، لبست شال اني لابسه بنطلون ازرگ وقميص احمر خليت مكياج خفيف ولبست شال احمر ولبست مناظر اخفي زراگ عيوني وطلعت امي ادردم عفتها والله ياالله اسجن تريدني يم اخوها وابنه الصگط اني لمى لمى ماكو واحد يگدرلها ههههههههه رحت البيت ام مروان دگيت الباب الساعه تقريبآ بال4 العصر
ام مروان، منوووو
لمى، اني اني خاله لمى
ام مروان، هلا خاله تفضلي
لمى، وهيه تحضن ام مروان والله خاله اشتاقيت النور ذاكليوم ماشفتها زين
ام مروان، بستغراب نور مشتاقه النور
بس نور بعدها بالدوام ب5 تجي
لمى، اي عادي انتضرها حته لو بس شعجب با5 هواي متأخره
ام مروان، اي هيه مدرستها بعيدة ودوام صباحي با1 يطلعون ونور تروح 12 عله ميداومون ويطلعون يوصلون صديقاتها توصل ب5 وكت الحله اتصير ازدحام
لمى، اي صحيح هيه اشلونها بالدراسه
ام مروان، الحمد الله زينه امج اشلونها
لمى، زينه الحمد الله هيه گالت سلميلي عليها
ام مروان،  الله يسلمج هسه اجيج حبيبتي
لمى، خاله لتكلفين نفسج والله شبعانه وهسه اكلت كيك وعصير قبل لا اجي بس اجيت اشوفكم
ام مروان، تفاجئت منين هاي عدها علاقه بنور هيج شنو هاذه التطور واني ماعرف بي داحضر الها شي عيب هيه خطار عدنا وفاتت نور

نور، هلاو ماما اشلونج
ام مروان،  هلاو بيج اشلونج
نور، الحمد الله منو عدنا شفت حذاء بنيه بالباب
ام مروان، لمى اتگول اجيت اشوف نور گتلها ماموجوده گالت عادي انتضرها انتي لازم تگوليلي شنو هاذه التطور واني ماعرف بي 😕

يتبع!!!!!!!!!

بنات انتضر تصويتكم وتعليقاتكم الحلوة موتنسون 🌺😘😘😘😘