أمنيتي ابني وحبيبتي

البارت 11

بقلم dina Al Rubaie
❤❤❤❤❤❤
لغت عيناك قارة أسيا ومعانيها أنا
LOVE

🌹🌹🌹🌹🌹🌹🌹
حسين، نور أحبج
نور، ش شنو حسين اني سمعت صحيح لو تتخيلي انته گلت احبج
حسين، لا حبيبتي انتي والله احبج بس ماگدر اواجه اخوج بالموضوع
نور، ليش عيب لو حرام يعني مصاير مثل حبنه ابد وتخجل تكول الاخوي لو انته مامتأكد من حبك الي
حسين، لا موهيج حبيبتي اني من اشوفه افاتحه بالموضوع بس اريد منج صبر مومهم هسه لازم يعرف بعدين اني اريد اتعرف عليج أكثر واريد أعرف اطباج شنو بعدين ليش تلبسين هيج لبس مو حلو عليج
نور، امممم يالبس منهم قصدك الفستان مروان حبيبي اخوي اختارليا بالعكس حلو والكل عجبها بس انت
حسين، اي يعني لو اطول يطل احلى عليج

مرتضى، وسن وسن وينج
وسن، ها مرتضي والله هسه اجيت من الفاتحه مال خاله علي الله يرحمها وتعبانه گلت ارتاح شويه شتريد اكو شي
مرتضى، ها الله يرحمها اگلج شنو فاتحتي منار بالموضوع لا
وسن، اي گتلها وقبلت گالت ماعندي شكال بس تريد وقت تتعرف عليك يله تتقدم الها وسألتني عله علاقتك ويه لمى بس تريد تتعرف عليك أكثر
مرتضى، اوك باجر گوليلها اني اوديكم وارجعكم بعد ماشي حته تتعرف علي أكثر واني هم اريد اعرفها
وسن، اوك اني اگوللها يله تصبح على خير
مرتضى، وانت بخير

حسين، بعد مابديت شغل ويه ابوكرار بديت اكون نفسي شويه شويه الحمد الله والرجال ثق بيه والولد حته العمال البصفنه ثقو بيه وحبوني بديت احب شغلي بالبدايه خايف من الخساره بس الحمد الله عرفت الاسعار وشلون اتعامل وياهم وكله هاذه شغلي بتعب وباليرضي الله يعني مقتنع منه

مروان، هلو حسون حبيبي اشلونك لك كو،،،،،، صارلك يومين لاتمر لا تسأل علي شكو شنو بس لا صدگ لگيتلك وحده وراح تنساني
حسين، 😅😅 هله وكل الهلة بيك والله مامتفرغ حته النفسي اليوم انشاء الله امر عليكم وعندي موضوع وياك
مروان، هله بيك خير انشاء الله
حسين،  ماشي

ام علي،  يوم علي وره الاربعين مال خالتك تعقد عله فاطمه البنيه لاكل ولاشرب شنو ذنبها اختها رجعت الزوجها واخوانها محد بحالها هالمسكينه تكسر الخاطر
علي، يمه مااعقد هسه عله فاطمه اله ازوج وسن اني وعدتكم اذا ازوج وسن اعقد عليها والبنيه ماتقرب الها بس بليل العرس ومن تجيها قسمه زينه تنطوها واليسأل عليها گليلهم ماتوالمت ويه علي البنيه ماريد اظلم بختها وياي وبعدها صغيره بس گدام العالم راح اتقرب الها اول يوم لان مجبور وخلص سدو الموضوع يمه رحمه الأهلج ماريد ينفتح مره ثانيه

فاطمه، بعد ماماتت امي حسيت نفسي تايهة وادور عله اهلها لا ام ولا أب ولا اخ حته اختي رجعت بقيت يم خالتي بس دموع تجري ومختنگه من الحاله الي اني بيها ماشوف علي هواي ولا اني اشوفه وجهي بس سمعت حجيهم هوه وخالتي بدون قصد يگوللها ماريدها اله ازوج وسن يعني هوه ميحبني ابد اني راح انهي الموضوع ويا ومااخلي يزوجني وهوه ميتقبلني

وسن،  گعدت الصبح جهزت نفسي وعدنا امتحانات وكولها التمت علي طلعنه اني ومرتضى مرينه عله مناراخذناها ويانا البارحه گتلها مرتضى يودينه
قبلت مگالت شي بس مرتضى هم ميگعد راحه يباوع عليها من المرايه الاماميه عباله ماشوفه حفظتها هاي سوالف علي اذا واحد يطلع ويانا يسويها 😅😅

منار، وافقت اروح ويه وسن واخوها بس اخوها ماشاء الله انتبه علي أكثر من الطريق كل ماارفع عيني تجي بعينه المهم وصلنه وماعرف شنو الشعور البداخلي تجاه مرتضى بصراحه شخصيته حلوه عكس الي حجتلي علي وسن والباقي الايام الجايه اتعرف علي أكثر 

حسين، هلو مروان اشلونك شخباركم اهلك اشلونهم
مروان، الحمد الله ليش متمر علينه يابه شنو نسيتنه
حسين، لا والله بس ماعندي مجال من الشغل للبيت ارجع تعبان والله حته اهلي ماگعد وياهم هواي
مروان، الله يساعدك يابه غير شغلتك هاي بعد اتحمل
حسين، شنسوي نتحمل والرجال ماكو منه والله الله كريم
مروان، شنو الشغله الردتني بيها
حسين، مروان والله الشغله اني تعرف بعد صارت عندي شغله زينه اعتمد عليها واشتريت غرفه وهسه اريد من عندك مره الي
مروان، بيها الخير انشاء الله اني اخلي امي اتشوفلك مره ادلل
حسين، مروان ماعرف اشلون اگلكياها بس اني  رايد أتقدم لختك اذا ماعدكم مانع
مروان، ابصراحه فاجئتني ماعرف اذا نور توافق لا لان هيه تدرس واني مالگي الاختي احسن منك انشاء الله خير من ارجع افاتحهم بالموضوع وارجعلك خبر
حسين، ابتسمت من گلي مايعرف بنور توافق لا مايدري بنور طبختها قبله 😅 بس الحمد الله شبه موافقين
بعد مافاتحت مروان ارتاحيت هم ونزاح مني اني احب اهله ناس طيبين رجعت للبيت خبرت امي بالموضوع فرحت
مازن، انشاء الله انروح عليهم ونتقدم الها
حسين،  لا موهسه بعد اريد اشوف رد اهلها يله
ام وسن، يمه بيها المباركه راح اشوف حسين حبيبي عريس
مرتضى، لك شبيك مستعجل خلي ازوج اني هسه انطيني صبر 😅
حسين، اول مره اشوف اهلي فرحانين الي وخاصه مرتضى ومازن دائمآ مامتفاهمين احنه التلاثه
وسن، زهراء جاي تشوفين الضحك والسوالف البينهم لو لا
زهراء، اي حبيبتي خلصنه من سحوره لمى اكيد يرجعون تذكرين كل مايروح عليها مرتضى اتصير عدنا هوسه بالبيت حته لو عله اتفه سبب
وسن، اي والله الله ليرجع هذيج الايام انشاء الله يبقون دوم هيج الضحكه متفارگهم شوفي امي متونسه عله ونستهم
زهراء، انشاء الله تعالي وياي للمطبخ انحضر العشه
وسن،  ماشي

مروان،  بعد ماطلب حسين نور مني خبرت امي ونور چانت گاعده يعني اكيد سمعتني
ام مروان، يمه ماكو احسن من احسين والله رجال اتحمل اشكال والوان من اهله ويشتغل وحلو شاب مايتعوض بقت يم اختك هاي حياتها وهيه حره بكيفها مااجبرها اني عله شي هيه متريده
نور، سمعت مروان بس اتفاجئت ماتوقعت هسه حسين يفاتحه بالموضوع رحت اخذت موبايلي وردت اراسله شفت رسائل من عنده عله الماسنجر مكتب
حسين،  هلو حبيبتي اشلونج
نور، هلاو بيك حبيبي بخير دامك انته بخير
حسين، يسلملي القزم
نور، ا اني قزمه اني موقزمه بس انته تشوفني هيج
حسين، فدوة رحت للقزمات اني
نور، كلهن لوبس اني
حسين، لايابه بس انتي شنو حته القزمات يردن من حيلي 😂
نور، ماردت اگول الحسين اني عرفت ردت هوه يگولي احسن
حسين، حبيبي مروان بالبيت لو لا
نور، اي اجه للبيت واني صعدت هسه ليش اكو شي
حسين، اي فاتحت مروان بالموضوع وهوه قبل گال بس اشوف نور شنو رائيها بالموضوع وامي اجيت اگله نور خطبتني قبل لا اني اخطبها بس خفت عليج
نور، حسيييييين شنو اني خطبتك شوكت
حسين، قابل اني مجذب موانتي راسلتيني
نور، يعني اذا اصارحك بحبي تعتبره شنو هااا احجي ليش سكتت
حسين ???

يتبع