أمنيتي ابني وحبيبتي

البارت 15

بقلم الكاتبه dina Al Rubaie

🌺🌺🌺🌺🌺🌺🌺🌺

ام علي، فاااااطمة فطووومة وينج تعالي
فاطمة، ها خالة محتاجه شي
ام علي،  لا بنيتي تعالي گعدي يمي شوفي اخوج خابر اخذي الموبايل وشوفي شيريد اخذي راحتج وحجي وياي
فاطمة، بگلبي الحمد الله من تذكروني
اي راح اتصل علي اشوفه شيريد
بعدني ماتصلت عله حسان وهوه اتصل
حسان، الوووو
فاطمة، هلو حسان
حسان، هلو اشلونج
فاطمة، زينه وانتو اشلونكم
حسان، الحمد الله ليش متسألين احنه مو اخوتج شنو حلتلج الگعده هناك
فاطمة، لا لا حلتي الگعده ولا ابد بس اخوتي ميسألون عليه شكو بعد اني اسألو
حسان، اي والله وطالعلج السان يفطيمة
فاطمة، ليش منو لازم يسأل غير انتو تسألون عليه
حسان، باجر حضري نفسج راح اجي أخذج مفهوم
فاطمة، اااا اننته ممو گلت االي خلي ييعقد عليج ععلي
حسان، فااااااااااااطمة حضري نفسج هسه اني جايج شنو ماصدگتي تردين تعرسين فاااااطمة
فاطمة، بخوف لا والله مو هيج قصدي اصلن اني اريد ارجع محضره نفسي تعال اخذني
حسان، جاي جاي يصير خير انشاء الله
فاطمة، باي
حسان، شوفي وينج
فاطمة، هاااا
حسان، اليسئلج ليش راح ترجعين تگليله اريد ارجع احسن لان متقيده وماماخذة راحتي ماشي
فاطمة، ماشي
************
لمى، يمه اريد أروح البيت ام مروان
ام لمى، اگعدي وسكتي لا يجي كرار ومايلگاج بالبيت شگله من يجي لتسوين مشاكل أكثر من هاي الانتي بيها
لمى، لا يوم والله ماتأخر بعدين كرار ميجي ادري بي ميجي خلي يولي عسا انشاء الله مايجي
ام لمى، طبعآ ميجي اذا انتي گاعده بصف زوجج وتتراسلين ويه ولد غريب شتردي يجي يبوس ايدج ويگلج لمى اني اسف
لمى، يوووم واذا ماراسلت ولد يعني شنو نگلبت الدنيا صديق عادي ليش هوه مويصادق يوميه بنيه شكل والله ياالله بس لمى حرام
ام لمى، لج منو يقبل زوجت تحجي ويه ولد غريب وتتمضحك ويا شنو گ،،،،،،،،د هاذه انعل يومج موتيني تعبتيني انتي
لمى، يووووووو والله تقهرين انتي روحي شوفي البنات شيسون وتجين عليه اصلن اني طالع عليج
ام لمى، ضربتها راجدي نستها زمانها ادبسز انتي شلون تحجين هيج ويه امج ص،،،،،،،،ة گ،،،،،،،،،،ة مامرباية هيه گوة بس اصبريلي اذا ما اربيج من جديد يوميه فضيحه مسويتلي
لمى، كاااااااافي كااااافي والله انتي الخليتني اوصل الهاي المرحله انتي الي ماتابعتيني من البدايه
ام لمى، ليش انتي تنصحين احجي كم مرة نصحتج وعلمتج وگتلج الغلطت اني بي لتوگعين نفس الغلط السويته اني وتندمت علي بس جيبي اليخليج تفتمين
لمى، يوم كافي رحمه المحمد البيه كافيني انتي جان طريقج كله اعوج ماسويت سحر البابا حته يحبج ماسويتي ويا علاقه وورطتي حته يزوجج ماشردتي من اهله حته يطلع بيت وحدج وهيه عله الدرج تحجي ويه امها بصوت عالي وتبجي
ام لمى، ياااااااا ادبسز ياگ،،،،،،،ة يا سا،،،،،،،ة اشلون تحجين هيج ويه امج انتي شنو الله ياخذج ويريحني منج
لمى، قفلت باب الغرفه وابجي عله حضي ليش مومثل البنات اني ليش احس نفسي وحده وصخه ومامتربايه كله بسببكم الله ياخذكم مو اهل انتو مووووووواهل الله ياخذكم
***********
حسين، الحمد الله گدرت اثبت نفسي بشغلي گدام ابو كرار ونجحت وگام يأمن علي ومرة من المرات عرفت بي مخلي كامرة بالمعارض من اجه فاتحته بالموضوع
حسين، ها الله يساعدكم عمي
ابو كرار، ويساعدك ابني اشلونك
حسين، الحمد الله عمي زين بس عندي موضوع اريد احجي بي اذا ماتعبان انته
ابو كرار، اتفضل ابني اني هسه اجيت من البيت من شنو تعبان اتفضل اسمعك
حسين، عمي اني اليوم بالصدفه واني اغسل بالگراج مال معارض سمحت تحسين وعلي يحجون عله كامرة هنا بالمحل عله الاساس انته مخليها تراقب اليشتغلون عندك صراح اني ضجت عمي مامجبور اتخلي كامرة اذا ماتثق بيه
ابو كرار، لا والله موهيج قصدي موقصة اني مااثق بيج لا باالله الكريم اصلن اني مخليها هاي الكامرة من زمان الله شاهد ابني بس جنت افتحها من خليت عمال قبلك بس انته ماريد اجذب عليك اول ما اشتغلت انته هنا فتحتها وشفت تصرفاتك وعفويتك ونظافتك وحرصك عله المحل الله شاهد علي لليوم مافتحتها ولا باوعت بيها عرفتك شنو انته وحاسبك مثل ولدي الله وكيلك ومحمد كفيلك
حسين، اشكرك عمي بس والله من سمعت انته مخليها تراقب العمال ضجت فكرت انته الحد هسه متأمن بيه اني اعتذر عمي خاف ضوجتك
ابو كرار، لا عادي انته مثل الولد ماضوج منك اني وهوه يطبطب عله كتفه
***********
علي،  هااا يمه اشلونج
ام علي، هله بيك علاوي اشلونك
علي، الحمد الله زين ابوي عمار وين شوماكو
ام علي، عمار راح يجيب عائلته وابوك طلع خابر علي صديقه عدهم گعده مدري شنو
علي، هااا فاطمة وين
فاطمة، هلاو علي اشلونك
علي، هلو اشلونج
فاطمه، الحمد الله زينه
ام علي، شنو يريد منج حسان
فاطمة، خاله راح ارجع ويه حسان البيته
ام علي، شنو ترجعين البيته ليش
فاطمة، خاله الصراحه انتو ماقصرتو وياي بشي والله بس اني مجاي اتعود عليكم
ام علي،  بنتي وين ترحين ويه حسان انتي تتحملين مرته وجهاله
فاطمة، اي خاله احسن ارجع يمهم همه اخوتي واكيد يتحملون لعد وين اروح
علي، فاطمة اذا علمودي لترحين اني گتلج اعقد عليج ورة زواجي وبعد محد يگدر ياخذج منا
فاطمة،  لا علي والله بس اني ماريد ازوج هسه مومفكره بالزواج هسه ابد ارجع البيت حسان احسن
علي، اذا مترتاحين عدهم تگليلي اوك
فاطمة، انشاء الله سمعت الباب ندگت
علي، اني اطلع انتي اگعدي هنا يم امي
فاطمة،  ماشي
علي، فتحت الباب شفت حسان
حسان، هلا علي اشلونك
علي، هلا بيك الحمد الله انته شلونك شوماكو مختفي
حسان، والله ملتهي بالبيت والجهال والشغل تعرف انته اليزوج اكو راحه بعد ههههه
علي، اي صحيح ولو اني مامجرب الهوسه هاي بس شفتها بعمار تفضل شنو راح تبقه هنا واگف
حسان، يله يله ياالله
علي، يمه تعالي هنا للاستقبال
ام علي،  اجيت يمه اجيت
هلا حسان حبيبي اشلونك
حسان،  وهوه يتوجه يحضن خالته دمعت عينه هلا بيج خالتي اشلونج
ام علي، وهيه تبجي ليش حرمتو امكم من شوفتكم ليش خليتها تتمرض عليكم
حسان، وهوه تنزل دموعه ماعايفتني امي والله يوميه بالحلم تجيني تبوسني وتغطيني وتروح يوميه نفس الحلم متندم عله كل لحضه عشتها بعيده عليها
ام علي، ميفيد الندم بعد ابني اترحمولها تعذبت هواي بمرضها شنسوي بعد الله يصبركم عله فراگها
حسان، خاله فاطمة وين
ام علي، ليش فاطمة تريد تروح وياك خليها هنا عدنة
حسان، خاله الصراحه اني اريد اخذ فاطمة يمي امي وصتني عليها بالحلم وتبجي تگلي فاطمة لتعوفوها وتبجي واني ماگلت الفاطمة عله الحلم ادري بيها تبقه تبجي خاله اني صحيح ردت فاطمة تتزوج بس هسه لا خليها عله راحتها تتزوج مواله علي علي يريد يشوف حياته وراح يزوج
علي، حسان اني مامتعاجز من فاطمة الله شاهد بس ماريدها تضوج وهيه تشوفني مزوج صعب عليها تتقبل هاذه الوضع وهيه بعدها طفله ماريد اضلمها وياي
حسان!!!!!!!
يتبع

شوفو الأم شي ميتعوض ابدآ الأم حته وهيه متوفيه تذكر اطفالها وتوصي عليهم وتعرف اخبارهم الأم مدرسه لازم نتعلم من عدها وعوفو العناد عله صفحه اذا كل بنيه ترفع صوتها عله امها ومتاخذ بحجيها معناها طول عمرج راح تمشي بالطريق الغلط ومراح ترتاحين بحياتج لان الله مراح يوفقج رضا الله من رضا الوالدين الحد هسه اني ماخطي خطوه اذا مااخذ رئي امي بالتالي هيه اعرف وانصح واحرص عليه فامراح اخسر اذا سمعتها 🌺🌺🌺🌺

بنات راح اتزل كتاب انتو سألو واني اجاوب
وعندي اختي وبت خالي طلبو من اكتب قصصهم حلوة ومختلفه تقهر وتبجي وبيها عذاااااب هواي تعذب بحياتهم اذا تردون انزلهن الكم بس هاااااا لتنسون اذا تردون تسألون عله القصص بالكتاب اطيكم معلومات عليهن
دمتم بخير احبتي المتابعين 🌺🌺🌺😘😘😘