أمنيتي ابني وحبيبتي

البارت 10

بقلم الكاتبه dina Al Rubaie

ام حسان،( خاله علي) يمه علي تعال اگعد يمي اريد احجي وياك
علي،  تفضلي خاله احجي اسمعج
ام حسان، يمه علي انته تعرف گولش زين ولدي اثنينهم ذبوني عدكم ومحد اجه وتكلف بعلاجي وانته واخوك الله يخليكم ويحفظكم لمكم انشاء الله تكلفتو بكولشي يابني انته تعرف اني وصيتك عله فاطمه ماالهة احد غيرك من بعدي اريدك انته اتصير الهة اب واخ وزوج تحميها ماريدها مثل حنان فوگ ضيمها وقهرها گاعده ومتحمله لان خوانها محد منهم وگف وياها وطلعلها حقها اوعدني علي (وهيه تبجي والكلمه گوه تطلع منها)
علي،  خاله اهم شي صحتج لتشيلين هم فاطمه اعتبريها صارت مره الي اكيد مراح انعوفها وحدها لواسلمها لخوانها اطمني هسه وارتاحي من هاذه الموضوع يله اني رايح ارتاح تصبحون على خير
الجميع، وانت بخير
علي،  صعدت بغرفتي واني حيل ضايج وماعرف شنو راح يكون مصيري بعد متعرف وسن وفاطمه مالها احد بعد امها اخوانها ماسئلو ابد عليهم اكيد ماكدر اعوفها الهم يمكن يزوجواها لي واحد نمت واني الف فكره اجت بالي بعدين فزيت عله صوت عياط قوي نزلت اركض امي گاعده يم خالتي وفاطمه والبيت كله التمو عله خالتي ماتت الله يرحمها تعبت من العلاج والقهر كولها التمت عليها اجو ولدها والفاتحه صارت يمنه

وسن،  يمه خاله علي متوفيه لازم نروح
ام وسن، انا لله وانا اليه راجعون خطيه تعبت هاي المره هواي لازم نروح عليهم
وسن، اوك اني رايحه احضر نفسي
وسن، رحنه اني وامي ومازن للفاتحه مال خاله علي خطيه يكسرون الخاطر بعدين انتبهت عله بنيه نفس عيونها وشكلها البنيه الباوعت علي بيوم خطبتنه اني وعلي اتذكرتها ليش جانت تبجي طلعت امها الميته حيل قهرتني عليها بعدين شفت وحدها يمها وتگولهة يمه ليش عفتيني لا اخوان ولااب ولاام المنو بقيت البنات كلها بقت تبجي عليها شفت علي لابس بدي اسود وبنطلون اسود وعيونه حمر قهرني شافني وخزرني شفت موبايلي دگ طلع علي
وسن،ها حبيبي البقيه بحياتك
علي، وحياتج الباقيه وسن لفي الشال زين اوك حبيبتي وسن، اوك

حسين، رجعت من شغلي من وقت مريت عله الغرفه الحجزتها اخذتها واجو العمال وياي ينصبوها بس ماكو واحد بالبيت
حسين، يمه يممممه وينج وسن
زهراء، ها حسين عمتي ووسن راحن لفاتحه خاله علي خطيه ماتت
حسين، اناالله وانااليه راجعون
زهراء، محتاج شي اني اسويلك
حسين، اي والله خويه سويلنه چاي اجوي العمال اريد اشد الغرفه
زهراء ، هاشتريت غرفه بالعافيه هسه دقايق واخلص الچاي
حسين، اوك بس وديلي واحد من الجهال اجي اخذه

وسن، گمت ويه البنات ساعدتهن بالمطبخ واخوات علي بقن يسولفن وياي بعدين دخل علي للمطبخ گللهن لتعبن مرتي همس يم اخواته بتسمن علي لان كولهة موجوده بعدين دخلت بنيه

حنان، سوده عليه فاطمه وين راح تبقه اشلون بيها وين تروح هاي البنيه وتبجي بحرگه

وسن، اجت مريه ماعرفها من وراها گلتلها اني هم سألت ام علي عليها هاي المگروده گالت علي راح يعقد عليها