أمنيتي ابني وحبيبتي

أّلَبِأّرتّ 7

dina-Al Rubaie للكاتبة

تكفيني يديك لأعلن أستغنائي عن العالم 💖
🌼🌼🌼🌼🌼🌼🌼🌼🌼🌼🌼🌼🌼
حسين ، دخلت سبحت ولبست بنطلون اسود وقميص اسود احب هاذه اللون واني البس ساعتي شافتني أمي
ام وسن ، هايمه اشلونك شنو راح تطلع
حسين،  الحمد الله بستها براسها يمه ادعيلي رايح علمود شغل انشاء الله يعجبني وابدي اشتغل عدهم
ام وسن،  انشاء حبيب امك وكلبها الله يسرلك انشاء الله بس ماگتلي شنو هاذه الشغل وين مكانه
حسين،  من اجي اگللكم انشاء الله هسه طالع خاف أتأخر
ام وسن،  اكلك لگمه قبل لاتطلع لاتروح عله لحم بطنك
حسين،  ماشتهي يمه يله مع سلامه
ام وسن،  مودع بألف سلامه
وسن،  باجر الخبطه مالتي خلصت شغلي اني وزهراء خطيه تعبت هواي ويايه بعدين اتصلت بصديقاتي عزمتهم
ريم،  انشاء الله اجي حياتي شعندي غيرج اني انتي اختي الوحيده المفروض اني هسه يمج وساعدج بس
وسن،  ريم حبيبتي انتي معذوره عندج اطفال وبيت وزوجج اني وزهراء خلصنه كولشي اطمني
ريم،  اشلونهم مازن وزهراء بعدها مشاكلهم
وسن،  لا اشويه احسن من قبل يمكن لان عمي هددهم
ريم،  اي والله حته ناصر گالي اذا تبقه تصرفاتهم هيج ومتخلص اطلك زهراء واكعدها هنا احسن من المشاكل بس اني فهمته وعمي حجه ويا انشاء الله يبقون هيج بدون مشاكل امي تعبت منهم
وسن، انشاء الله والله زهراء فقيره ومتعرف تكسب زوجها هيه هيج طبعها هادئه الله يهديهم
ريم، ومرتضى شنو اخباره
وسن،  الحمد الله زين امي انقهرت علي وگالتله لضوج اني اشوفلك بت الحلال التسعدك
ريم،  گلب والده رغم السو بيها وبعدها تنقهر عليهم الله يحفظها النه انشاء الله
وسن،  أمين يارب
**************

حسين، السلام عليكم عمي اشلونك اني حسين الاتفقت وياي علمود الشغل
ابو كرار، وعليكم السلام اتفضل ابني اكيد عرفتك هلا بيك تفضل تفضل
حسن، زاد فضل عمي اني قررت اشتغل وياك انته بس فهمني الشغل شنو الي لازم استلمه
ابو كرار، شوف ابني اني اعرف الشخص من عيونه اذا كان صادق اولا اني من شفتك وشفت هموم الدنيا كلها فوك راسك وانته بعمر ابني كرار وخالد انقهرت عليك لتفكرها شغله انسانيه او مستعطف عليك لا انته مبين رجال لان هواي مار بمواقف اني ولدي اثنينهم يدرسون يعني مودائمآ وياي متواجدين اني اريد واحد جوه ايدي ويفتهم باهاي الأمور الصراحه اني عندي واحد يشتغل فيتر بس اريد واحد وياي بالمعارض هنا اذا اطلع اذا مشغول يعني مثل منكول انته ايدي اليمين هواي شغلت ولد وياي حته من اقاربي بس مع الاسف كلهم يبوكون اني اطلب مني شنو تريد بس ماريد واحد يمد ايده على الحرام فأنته ياابني اريدك هنا وياي على السجلات عندي سيارات ابيعها بالقصد راح اكون متواجد وياك هاي الفتره حته اعلمك على نظامنه وانشاء الله تتعلم
حسين، عمي الصراحه اني عمري مداخل بهيج شغل اشوفها صعبه عليه صح أعرف كل انواع السيارات والموديلات بس مابايع ولامشتري قبل
ابوكرار،  صحيح بالبدايه اتشوفها صعبه بس راح اطيك قائمه لاسعار السيارات والربح مالتها اني اكلك هلكد لازم اطلع ربح بس انته اذا بعتها بأكثر الربح الك من غير الكراميه واليوميه مالتك شكلت
حسين،  انشاء الله شوكت اباشر بالشغل
ابوكرار، من اليوم بلش بس اهم شي الشكل والنظافه هاي هم من مسؤوليتك ابني
حسين، انشاء الله عمي اكون عد حين ظنك وانشاء الله اتشوف الخير على وجهي 😊
ابوكرار،  انشاء الله 😊