الكاتبه dina
مرحبا اعرفكم بنفسي اسمي وسن عمري 23 سنه ادرس أداب جغرافية شكلي طويله وجسمي زين لا ضعيفه ولاسمينه عيوني كبار لون بني شعري طويل يوصل الخصري اعرفكم على عائلتي بابا توفى مريض بالسكر بعدين تعرفون سبب الوفاه بقتلي بس ماما احن وحده علي بالبيت و شنو اريد متقصر مني عندي أخت وحده مزوجه ابن عمي وعندي اخوان تلاثه اختي ريم عمرها ٢٩ سنه وعدها ثنين بنات واخوي مازن عمره٣٢ سنه مزوج أخت ناصر زوج اختي ريم اسمها زهراء وعده بنيه وولد واخوي مرتضى عمره ٢٨ سنه خاطب بنيه جوارينه واخوي حسين عمره ٢٠ سنه هاي عائلتي وهسه حتبدي قصتي
وسن ... مره اجيت من المدرسه جنت بالسادس لكيت ماما تقيس بالسكر مال بابا كتلها خير ماما شفت مرتضى ركع الباب قوي وطلع شكو
ماما ... هاذه مازن اتعرك ويه زهراء وكتلها وداها لهلها ناصر شايف اخته مزوركه وتبجي متعارك ويه ريم وكايللها اشلون يمد ايده عليها كم مره اني منبه اذا تجاوز علي يجي يحاجيني ليش يضربها شنو ماعدها أهل يطلعولها ريم خابرتني اني ما سمع زين فتحت السماعه اثاري هوه جان يتسمع علي وسمع الحجي كله رايح على بيت عمه ومتعارك هوه وناصر وعمج خابر ابوج كله بعد ماكو حترامات بعدني ماميت ومازن يكتل بتي ويجي يهد على بيتي ومحد وكف ابوجه لعد من اموت شتسوون عيب حاجي ابنك انه مو جاهل ولاناصر جاهل يجي يكللنه خلط بتنه واحنه نصرف
وسن ... صدك يمه عيب هاذه التصرف من مازن وناصر مافديوم اجاوز علينه لو على ريم ليش هيج سوه عيب من عمي والولد شيكولون علينه وزهراء فقيره حته صوت مالها
هاذه قبل تقريبا ٣ اسنين وره هاي العركه بابا السكر مالته ماستقر وتخربط ودينا للمستشفى ورجع مابي شي بس نام الصبح انكعد بي ميكعد ومات بابا بسبب عركات مازن المتخلص خسرنا بابا
الحاضر ..
بعد ما رجعت من الكليه والولد فاتحني بهاذه الموضوع حاجيت امي
وسن ... يمه اليوم بالكليه ولد فاتحني بموضوع ويريد يخطبني
ام وسن ... اي انشاء الله اشوفج عروس قبل ماموت يمه ماامن عليج يم اخوتج كلمن حاير بروحه وبمرته هاجذه مازن مانشوفه من ويه جهاله ومرتضى كاضيها يم خطيبته
أنت تقرأ
أمنيتي ابني وحبيبتي
Literatura Femininaقصه حب فتاه بالجامعه مع شاب ويتزوجها لكن امه تجبرة عله فتاه اخرا هل يتزوجها ام لا تابعو القصه انشاء الله تعجبكم
