#عشقته _ملتحي

1

#عشقته_ملتحي 1

ي دنيا اسرعي الطيارة ح تفوتنا😤
حاضر حاضر ي ماما جاية اصلا خلصت😅

هييي ازيكم 😍 اعرفكم على نفسي 😊 انا إسمي دنيا❤(دندووون) عايشة مع امي واختي (ألوية 😪)
بابا في امريكا بس م كان عايزنا نتربى هناك عشان كدة قال انو نجي أمريكا بعد نكبر 😊 حاليا انا بقرا طب بشري واختي الصغيرة خلصت تالت بس م ح تقرا جامعة هنا لانو الليلة مسافرين امريكا💃

الوية طلعتي حاجاتك كلها العربية ؟؟؟
ايوة ي ماما
اوع تجي تقولي لي نسيت الحاجة الفلانية عشان بفوتك هنا براك😤😤
دقيقة طيب اشوف لميت حاجاتي المهمة كلها😅
(احكي ليكم عن ألوية ❤ طبعا اختي الصغيرة غياااظة شديد😤 بس قلبها طيب وبحبها😍 م لينا غير بعض نحن❤ طبعا هي ضعيفونة وحلبيه و متحررة في اللبس😂😂😂 بناطلين وفك شعر الله يهديها بس😂😂 لكن حنينة والله لما تشوفني ببكي من دون م تعرف السبب بتبكي معاي😢 ولو اتشاكلت مع زول وهي م حاضرة المشكلة والله بتمشي تردح ليهو وتجي😂😂 ) متناقضين شديد انا وهي😂 انا م بحب افك شعري ولا البس بنطلون (م بيجي فيني اصلا🙊😂) لانو انا صحتي شوية احسن منها😅 بس بحب البس مع الموضة😍 وحتى الطرحة بلبسها على حسب الموضة😂😂 يعني بشوف اللفة الدارجة
م معقدة شديد انا ولبسي معظمو مع الجسم🙊😂 بس طويل وبلبس طرحتي دايما...
بس في الردح دا م زي ألوية طبعا🙊🙊
م عندي علاقات حب سابقة مع انو معظم اولاد الجامعة عايزين يرتبطو بي
بس انا مقتنعة انو الكاتبو لي ربنا اكيد م ح اقدر ارفضو وحتى لو رفضتو القدر ح يحاول يلمنا ب كل الطرق وحتى غصبا عننا❤

#خاطرة
اللهم إن كانت اللقيا بعيدة فقربها💚
وإن كانت قريبة فيسرها❤

نرجع ل قصتنا 😅
طلعنا شنطنا العربية ح يوصلنا وائل ود عمي
يلا امي والوية قالو لي طلعي شنطك ع بال م نجهز
يلا انا طلعت كنت عايزة أدخل شنتطي في العربية قام وائل مسكها مني قال لي انا بدخلها
لما جيت امشي مسكني من يدي وقال لي لسة مقوية راسك؟؟
قلت ليهو وائل لو سمحت الموضوع دا اتناقشنا فيهو مية مرة قبل كدة وانا وريتك وجهة نظري ف لو سمحت قفل ع الموضوع دا
قال لي طيب ي دنيا انا م عارف انتي رافضاني ليه رغم اني ود عمك وابوك موافق وقلتي انو م عندك زول تاني والله م عارفك مالك
طيب م تعرسيني اسي بس ع الاقل اديني فرصة أو اتعرفي علي
ياخ انتي بس حدك معاي السلام ولا حصل مرة قعدتي كدة واتونستي معاي
دنيا والله حرام عليك انتي كدة بتظلميني😪
م قلت ليهو حاجة سكتت بس لانو م لاقيه اجابة واصلا انا م عارفة رافضاهو لييه مع انو طويل واسمراني و عندو عضلات ودقن حلوووو ياخ وجنتل ودايما بقيف معانا ووضعو المادي تمام بس انا م عارفة ليه رافضاهو
المهم م قلت ليهو شي ودخلت خليتو، بعد شوية امي والوية طلعو وانا طلعت معاهم

امي: والله ي وائل نهائي م قصرت معانا دايما واقف جمبنا
دا شنو ي خالتو فاطمة يعني م معتبريني واحد منكم؟؟؟
لا ي ولدي والله انت اكتر من ولدي والله مع انو م عندنا ولد لكن انت كنت بالنسبة لي ابن و ل بناتي أخ .... في اللحظة ديك وائل عاين لي نظام م أخ انا😂😂😂
امي قالت ليهو خلي بالك من نفسك ي وائل وان شاء الله نشوفك سالم ويديك بت الحلال البتسعدك
يلا وائل بقى يعاين لي بس هو م بيحب يحرجني قدام زول حتى لو كانت امي والله إنسان محترم شديد
قال ليها اللهم امين ي رب ادعي لي بس ربنا يحنن قلبها علي😂 امي قالت ليهو هي لاقية ؟؟ والله البترفضك دي هي الخسرانة( يلا امي م عارفة حاجة هو كلم ابوي وابوي فتح الموضوع معاي انا بس وانا قلت ليهو م تفتح الموضوع مع ماما لانو عارفاها بتحب وائل وح تزن علي 😪)
يلا ركبنا في العربية ومشينا المطار اول م وصلنا المطار الوية قالت لينا يلا من اسي متخيلة التلج 😍❤ قلت ليها انتي قايلاهو حلو 😂 والله اصبعك م تقدري تطلعيهو من البرد
قالت لي منو دي؟؟! والله كل م اتذكر السودان والحر والكتاحة ادردق ليك في التلج دا لمن الله يغفر لي😂 امي قالت ليها طيب انزلو الطيارة ح تفوتنا ب كلاكم الكتير دا ..

#خاطرة
وسلاماً على قلب ❤ انهكه الخذلان فلم يعد قادراً على تحمل المزيد😪

يلا ودعنا وائل ودخلنا صالة المغادرة،،،،،،
جوة لقينا صاحب ابوي مستنينا عشان يخلص لينا الإجراءات وكدة
في الوقت داك كنا مستنيين الطيارة لسة م جات (كنا ماشيين بالطيران القطري❤) قاعدين في الكراسي انا والوية و بنتونس كدة بس كان اشوف ليك كابتن الطيارة ومعاهو مزتين اقصد المضيفات😂 ألوية لكزتني قالت لي واااااااااي ثم واااااي من جواي😍قلت ليها في شنو قالت لي كشفي للكابتن😍 ووووب منو جنس سماحة م حقت نصاح😍 والله يسو كدي👋 البدلة الكحلية بالابيض ح تاكل منو حتة❤
قلت ل الوية واي دا مالو سمح كدة😍 قالت لي ارح نسألو😍 ضربتها قلت ليها انتي ي التافهه😂 وبعدين المفروض م ننبرش بالطريقة دي 😂 نحن ماشين أمريكا ياخ يعني ح نبقى خواجات وكدة المفروض نقول واااااو بس 😂😂😂😂 قالت لي وااااااااااااااو من كل معاميعي😍 قلت ليها مافيش فايدة😂🙊قعدنا نضحك انا وهي😂😂😂😂 في واحد جمبنا شغال يغمز لينا قام انا لكزت الوية قلت ليها عايني المتخلف دا😂 الوية طوالي التفتت ليهو قالت ليها هاا الاحوص دا اسي انت بتشوف يعني؟؟؟😒 والله بقى يتكبكب 😂😂 هو لابس نظارة👓😂😂
المهم جات امي حكينا ليها قالت ل آلاء انتي لازم تدخلي الزول في اضافرينو؟؟؟😂 قالت ليها يستاهل هو بيتراشق مالو😒

#خاطرة
إلى تلك الأرواح اللتي تحبنا بصدق 🍃 تلك اللتي لا تعرف الخذلان 💚 واللتي تمنحنا #القوة حتى ولو كانت في اقصى حالاتها من #الضعف🍁🍃
#فلتكونو_بخير_لأجلنا❤❤

ركبنا الطيارة وانا طبعا بخاف من صوتها😢 والله بترعب عديل والعجب لما تقلع😭 بشيل قلبي في يدي
المهم ربنا عداها ع خير وعملنا ترانزيت في الدوحة ومنها ع أمريكا
المهم وصلنا الحمد لله بخير وسلامة ❤😍
طبعا ألوية داك ي البنطلون ال م خمج😂والشعر عاملينو اشقر كلو 😂 أمريكا جاية فيها معصعصة زيهم🙊😂 اما انا كنت لابسة فستان فنايلي مع الجسم لونو بني فاااااتح كدة مايل للبيجي ومعاهو قميص بني بالاصفر 😁 والله زي م بقول ليكم كدة اصفر والله 😂 طلع حلو شديد والله ومعاهو طرحة صفراء وشبط بني وميك أب خفيييييف بس ماسكرة وروج وحواجبي بس بمليهم واكسسوار ناااعم

وامي قلنا ليها م بنخليك تمشي امريكا ب توب 😂 لبسناها عباية😍

المهم في المطار نشوف ليك الناس نضاف نضافة😍 مع اننا اتحكحكنا حكحكة بس جمبهم ولا شي😂 والله تحسيهم جديدين😂 ولا االمطار😍 واااااي جاتنا صدمة حضارية طبعا😂😂 انا اقول ل الوية اوع تنبهري خليك عادية عشان م نتفضح وامي تضحك علينا😂😂😂
المهم طلعنا لقينا بابا منتظرنا😍😍😍 انا والوية جرينا عليهو زي الشفع وقعدنا نحضنو ونبكي😭😭😭😭😭😭😭 والله اشتقنا ليهو😭😭