#عشقته_ملتحي 5
#بقلمي_الآء_خليفة
ابوبكر مشى لغرفة تسنيم لقاها عايزة تنوم
قال ليها قومي م وقت تنومي لي 😒 اهااااا
تسنيم قعدت تضحك وقالت ليهو اول حاجة سلم وبعدين اديني رشوة😌 عشان اديك رقمها
قال ليها مادية شوية عليك😒 اخلصي عايزة كم
قالت ليهو 300$ 😌
قال ليها هاك بس لاحظي انو بدون نفس😒
قالت ليهو اصلا انا الحاجة البتديني ليها بدون نفس دي دايما بتنفعني😂😂
قام قعد في الكرسي قال ليها قالت ليك شنو
قالت ليهو طيب ي سيدي... هي مترددة شوية بين انها عايزة تتعرف عليك وبين انها خايفة تتعرف علي زول
قال ليها هي لو م عايزة خليها على راحتها
قالت ليهو لا انا قلت ليها ح اديك رقمها وبعدين تولعو ب جاز مع بعض 😂
قال ليها لا خليهو مدام هي م مرتاحة .... وطلع مشى غرفتو
دنيا كانت بتفكر ... هي ليه م وافقت انو تتعرف على ابوبكر رغم انو عاجبها وشخصيتو وتعاملو وطريقة كلامو وهي بالجد معجبة بيهو
قعدت تقول ل نفسها معقول ح اكون ضيعتو ؟؟؟؟
نامت وهي بتفكر والصباح صحت لبست ومشت الجامعة واليوم كلو كانت بتفكر فيهو وشاردة
لينا لاحظت ليها قالت ليها ي بت مالك الليلة م على بعضك؟؟
قالت ليها مافي حاجة ...
اليوم كلو فضلت مستنياهو يجي الجامعة عشان بس ع الاقل اشوفو بس اليوم داك م جا
رجعت البيت متضايقة وطوالي دخلت غرفتي
الوية جات تتونس معاي قلت ليها والله الليلة تعبانة عايزة انوم بس ح اتونس معاك بكرة لانو مأجزة
قالت لي ي بت مالك
قلت ليها ماف حاجة بس تعبانة
قامت قالت لي م مشكلة ارتاحي لانو بكرة طالعين نتفسح انا وانتي وتسنيم وملاذ😍
قلت ليها ي سلااااام😍 جات في وقتها الطلعة دي
قالت لي يلا طيب اخليك ترتاحي عشان تصحي بدري
يلا الوية طلعت وانا طوالي رقدت نمت
الصباح صحيت استحميت وصليت وطلعت فطرت
يلا بعد فطرنا طوالي انا والوية دخلنا غرفتي لبسنا وعملنا ميك أب واتظبطنا ( النفسيات 😂)
متفقين نتلاقى في كافيه كدة وبعدين نطلع نحوم
المهم طلعنا مشينا الكافيه ولقيناهم مستنيننا
قعدنا اي واحدة شربت ليها حاجة وطلعنا
قامت تسنيم قالت لينا نمشي مطعم
قلنا ليها ي بت نحن ي داب فطرنا😂 ح نعدي الطلعة كلها اكل 😕
قالت لي عندك حق😂 طيب انا ح اعمل مكالمة واجيكم ...
انتظرنا تسنيم خلصت مكالمتها وطلعنا مشينا مول اشترينا شوية حاجات كدة ومنها مشينا السينما
قامت تسنيم قالت لينا انا جعت والله
الوية وملاذ قالو ليها نحن برضو جعنا😩
قالت ليهم انا عارفة لي مطعم حلو قلنا ليها طيب ارح....
مشينا المطعم طلبنا وجابو لينا طلباتنا بس عايزين ناكل كدة اشوف ليك زولي ال م بغباني😨 والله العظيم قلبي قال ليك شححححح🔥🌡
بقيت بعاين ليهو وفاتحة خشمي😲
الوية وتسنيم وملاذ بقو يغمزو لبعض😌
وانا مصدومة دا الجابو شنو😲
جا سلم علينا وانا لما سلمت عليهو يدي بترجف😑
تسنيم قالت ليهو م بنقدر نقوم ليكم بعد جبنا الاكل 😐 عشان كدة سوق زولتك واتخارجو مننا 😑
الوية قالت ليهو اي اسي م فاضيين لانو جيعانين نحن😑
قعد يضحك قال ليها طيب اقنعي لينا الاستاذة اختك 😂
قالت لي قومي ي استاذة اختي لانو نحن عايزين ناكل
قلت ليها الوية 😢 قالت لي قومي😌
تسنيم قالت لي م هو انتي لو م قمتي ح نضطر نحاسب على دا كلو برانا😂 وانتي شايفة التربيزة مليانة كيف وكلك مفهومية😂 ( وسخين 😢)
اضطريت اقوم 😢 مشينا قعدنا في تربيزة برانا قام قال لي تاكلي شنو قلت ليهو م عايزة
قال لي اسي مش كنتو خاتين اكل المطعم كلو في وشكم😂
قامت تسنيم جاتنا قالت ليهو بالمناسبة دندون جيعانة بس م بتقدر تاكل قدامك عشان كدة قلت اكلمك😂
قام قال لي صحي؟؟
قلت ليهو لأ 🙁
قعد يضحك قال لي خلاص اطلبي لي انا
قلت ليهو اطلب براك انا م عايزة
قال لي ااي اطلبي لي انا😂
قلت ليهو واطلب ليك انا ليه😕
قال لي هنا لما يشوفو في اتنين قاعدين مع بعض بشيلو الطلبات من البنت ❤ نوع من الاتكيت يعني
قلت ليهو اهااااا طيب انت وريني اطلب ليك شنو
قال لي المنيو قدامك اطلبي اي حاجة
المهم طلبت ليهو النفسي فيهو كلو😂 وهو يقول لي بس دا؟؟ لسة م ح اشبع كدة لانو من الصباح م اكلت
وانا اشيل وازيد😂 طلبت الحاجات النفسي فيها كلها
يلا مسافة الطلبات تجي قام قعد يتكلم معاي وانا ساكتة بس بجاوب ليهو على قدر السؤال
يلا قال لي ح اشيل رقمك من تسنيم لو موافقة
قلت ليهو طيب
المهم الاكل جا قام هو طوالي قال ليهو لو سمحت اديني الحساب وحساب التربيزة الهناك دي .. قام دفعهم وشال تلفونو ومفتاحو وطلع قلت ليهو ماشي وين والاكل دا ال ح ياكلو منو 🙁
قال لي م تخافي اسي تسنيم بتجي تاكلو ليك😂 وبعدين انتي م اكلتي وعارف انك م ح تقدري تاكلي قدامي عشان كدة اخدي راحتك
يلا بعد طلع طوالي ديل جو قالو لي طلب ليك دا كلو😍
قلت ليهم طلبتو انا 😂 الوية قالت لي مش قلتي م بتقدري تاكلي قدامو؟؟؟😂😂
قلت ليها والله قال لي اطلب ليهو هو😕 وانا طلبت ليهو كل النفسي فيهو😍
قالت لي فاااااهم😍😍😍 عارفك بتخجلي تاكلي قدامو عشان كدة فات 😍
تسنيم وملاذ قالو لي عندك طيبات هنا زحي خلينا ناكل معاك
قلت ليهم انتو مائدة الرحمن الكنتو راصنها دي م كفتكم😂😂😂
قالو لي البحر بحب الزيادة😁
المهم قعدت اكلت لمن سنوني وجعتني😂 وديل برضو اكلو معاي
يلا المهم اكلنا وطلعنا مشينا البيت
وصلنا البيت تعباين وهلكانين طوالي انخمدنا
الصباح صحيت لبست ومشيت الجامعة
حضرت محاضراتي وانا طالعة من القاعة بس اشوف ليك ابوبكر😍 ياخ م تتخيلو كمية السعادة الحسيت بيها😍😍😍
شايفاهو جايي من بعيد ولابس جكت جلد اسود وبنطلون اسود وتي شيرت ابيض والغمازات مع الضحكة😍😍😍😍 وكان بضحك مع عمر ولما شافني ابتسم ابتسامة كدة خلتني تلقائيا كدة ابتسم تلقائيا☺♥
ابوبكر قال ل عمر يلا بعد كدة طير انت
عمر قال ليهو طيب خليني اسلم على مرت اخوي😂
قال ليهو م وقتك نهائي ... اقطع لينا وشك دا بس
قال ليهو طيب طيب انا زاتي جيعان😂
عمر مشى المطعم وابوبكر جا علي وانا شايفاهو من بعيد وقلبي شغال زي دلوكة انصاف😂
جا سلم علي وقال لي خلصتي محاضراتك؟؟؟
قلت ليهو ايوة
قال لي طيب انا عازمك ع الغدا
قلت ليهو م بقدر والله😕
قال لي ماف حاجة اسمها م بتقدري... نمشي نتغدا وبعدين اوصلك البيت.. انتي ناسية انو عمو احمد موصيني عليك😌
قلت ليهو بس...🙁
قال لي م بس ... مش قلنا عمو احمد موصيني ؟؟
قلت ليهو طيب.. حكم القوي🙁
قال لي م حكم ولا حاجة والله 😂 بس انتي م اتغديتي ف حنمشي نتغدا لانو انا كمان م اتغديت ..
يلا طلعنا وركبنا العربية قام قال لي عايزة تمشي وين
قلت ليهو دا على اساس اني عارفة لي مكان؟؟😕
قال لي طيب م مشكلة😂
يلا مشينا مطعم كدة من المطاعم الفخمة في نيويورك
اول م دخلنا وقعدنا كدة قام الجرسون جاب لينا مشروب كدة ..( بخلو السيدات يضوقو المشروب في البداية ) طعمو غريب كدة😣
المهم ابوبكر قال لي اطلب
طلبت لي وجبة واحدة قام قال لي ما على اساس انو الاكل هنا بشبع😂😂
قلت ليهو مدام اكلهم م بشبع جايبنا ليه😐 والله بصراحة انا الليلة جيعانة😩
قعد يضحك 😂 قال لي م شاء الله في تحسن واضح😂( م عارفة ليه اليوم داك ارتحت ليهو وكنت منفتحة معاهو وبتكلم عادي😍 )
قال لي نحن اسي طلبنا خليهو يجيب الطلبات وبعدين نمشي مطعم تاني
قلت ليهو لالا ماف داعي ناكل ونمشي البيت
المهم عاين لي كدة نظام مافي بيت الليلة😁
المهم جابو لينا الاكل والله العضيم بس حاجة كدة في نص الصحن😂
انا عاينت ل ابوبكر ☹
قال لي والله كلو من عمر اب راس دا قال لي نمشي مطعم فخم😂 غلطان انا البسمع كلامو
قعدت اضحك قلت ليهو لالا تمام م مشكلة 😂
قال لي طيب قومي
قلت ليهو علي وين
قال لي انا بعرف مطعم سوري حلو
قلت ليهو والاكل الطلبناهو دا 😕
قال لي خليهو
قلت ليهو نحن دافعين قروش لكن والله م نمشي 😂
قال لي طيب ناكل وبعدين نمشي😂
المهم قعدنا اكلنا وبعدين طلعنا
مشينا مطعم سوري والله الاجواء هناك عجيييبة😍 وتعاملهم راقي شديد ❤❤😍
المهم ابوبكر طلب لينا اكل كتير
قلت ليهو انت قايل روحك عازم سيد قشطة😂 منو ال ح ياكل لينا دا كلو
قال لي انا باكلو😂 الاكل الهناك دا ولا كأنو اكلت شي
يلا طلب لينا وقال ل الجرسون ح ناخد ديل
المهم الجرسون فات وبقينا نتونس❤ ياخ طلع ظريف ظرافة😍 اليوم داك اكتر يوم ضحكت فيهو
يلا بعد خلصنا اكل وكنا مندمجين مع الونسة قام جا بتاع الكاشير قال لينا انتو الكابلز المحظوظين الليلة
وقالو انو بختارو اتنين كل يوم ويقدمو ليهم هدية
قامو جابو لي علبتين تشوكلت 😍❤ وعاملين لينا في العلبة صورتنا انا وابوبكر ( طبعا صورونا ونحن بنضحك مع بعض😍 الصورة كانت خووورااافية لانها طبيعية ومن غير تصنع )
ياخ بالجد اتبسط من تعاملهم😍
ابوبكر قال لي اديني واحدة
قلت ليهو ماف
قال لي طيب انتي شيلي التشوكلت واديني العلبة😂الصورة حلوة
قلت ليهو طيب بعد اخلص التشوكلت بديك العلبة😂
قال لي خير ي ستي😂
يلا قلت ليهو بعد كدة نمشي
قال لي طيب يلا
المهم طلعنا ركبنا في العربية ومشينا
قام في نص الطريق كدة نزل في محل جاب لي علبتين ومعاهم بوكيه ورد😍 قال لي ادي علبة ل الوية ❤
يلا طبعا م بعرف اقول شنو في المواقف دي😂 المهم فضلت ساكتة لغاية م وصلنا
المهم نزلت ودخلت االبيت مبسووووووطة😍 وطايرة من الفرحة
لاقتني الوية من الباب قالت لي اها مشيتو وين وقلتو شنو يلا بسرعة احكي لي😍
قلت ليها تعالي احكي ليك جوة😂
المهم دخلنا وقعدت احكي ليها من جاني في الجامعة لغاية العلبة القال لي اديها ليها😂 قالت لي وين 😕 مش قلت ليك احسن واحد😂
قلت ليها مادية😂
قالت لي م مادية بس اتذكرني🙁
قلت ليها اااي😍😍
يلا فتحت علبتها لقت فيها تشوكلت كتييييييييييير 😍❤ وحاجات حلوة ونفس الشي علبتي😍
المهم قعدنا نتونس انا وهي لغاية م نمنا
الصباح اتصل لي
المهم سلمنا علي بعض وكدة قام قال لي انا مسافر نيوجيرسي لانو عندي شغل هناك مدة شهر كدة
( م عارفة ليه زعلت 😟 كان نفسي اقول ليهو م تمشي )
قلت ليهو طيب توصل بالسلامة😟
قال لي م عايزة حاجة من هناك
قلت ليهو سلامتك😟 ( والله بالجد الكلمة دي كانت طالعة من قلبي ).....
ابوبكر قفل وقعد يفكر في دنيا وانو بالجد بقى بحبها وعايزها دايما جمبو ويقدر يسوقها معاهو محل م ماشي وكان متمني حتى السفرة دي يسوقها معاهو عشان تفضل قريبة منو...
المهم قال انو عايز يديها وقتها و م يتسرع
ابوبكر سافر وفي فترة سفرو دي اتعودنا على بعض شديد
بقيت حاسة نفسي متعلقة بيهو زي الشافعة ولما يتصل لي بقعد احكي ليهو تفاصيل يومي كلهاا حتى اتفه الحاجات بس هو بكون بسمعني زي القاعدة احكي ليهو في حاجة مهمة ويكون منتبه ومركز رغم انو الكلام تافه و م مستحق بس م بنسى حرف من البقولو ليهو
وهو بحكي لي تفاصيلو بس طبعا م اتفه الحاجات زيي😂
في الفترة دي بقينا نتعلق ب بعض شديد ومرات بتصل لي وبكون م عندو كلام بس عايز يسمع صوتي حتى انا بس بكون عايزة اسمع صوتو
مرت تلاتة اسابيع من يوم ابوبكر سافر بس التلاتة اسابيع دي عملت ال م بتعملو السنين❤
يلا اليوم داك صحيت مبسوطة انو ابوبكر جايي بعد اسبوع( طبعا حاسبة ليهو باليوم والساعة)❤
جاتني الوية قالت لي صباح الخير
بس حسيتها م طبيعية لانها لما تجي داخلة بتقعد تكورك طوالي وتحكي لي الشمارات بس الليلة حسيت في كلام في قلبها عايزة تقولو و م عايزة تقولو
قلت ليها مالك الليله
قال لي ماف حاجة
قلت ليها في والله
قالت لي بصراحة :...
قلت ليها ي بت خوفتيني في شنو
قالت لي وائل ود عمك جايي بكرة🙁( متذكرين وائل ال في بداية الرواية ؟؟؟ بس دا هو ال كان قلت ليكم انو اخو ملاذ) قلت ليها والجايبو شنو كمان😐 قالت لي شكلو ناوي يكلم امي انو عايزك
قلت ليها وانا كلمتو اني م عايزاهو
قالت لي بس امي انتي عارفاها بتعز وائل كيف لانو كان سندنا لما كنا في السودان وابوك ماف 🙁 لو قالت ليك وافقي ح ترفضي طلبها؟؟؟
سكت وراسي جاط و م عرفت اعمل شنو🙁
قلت ليها الله يستر بس ويكون لقى ليهو واحدة تانية
قالت لي هو مستحيل يخليك انتي عارفة هو كان مصر عليك كيف
قلت ليها واسي الحل شنو ☹
قالت لي مافي حل غير انك تحكي ل ابوبكر عنو بصراحة
قلت ليها لا انا م عايزة أدخل ابوبكر في الموضوع دا
ح اتفاهم مع وائل براحة وافهمو اني م عايزاهو
قالت لي وائل دا بالجد بحنني 🙁 مع اني بريدو بس برضو ابوبكر زول كويس 🙁 والله م عارفة اقول ليك شنو بس ربنا يديهو واحدة كويسة تلهيهو عنك
قلت ليها امييييين ي رب
اليوم التاني جا وابوي قال نمشي معاهو نجيب وائل قمت انا قلت ليهو انا م بقدر سوقو الآء
قال لي طيب تمام
المهم مشو المطار هو والوية وعمو طارق وملاذ
وانا ضلت في البيت مع امي
قامت امي قالت لي نمشي بيت ناس ملاذ عشان نستقبل وائل هناك
انا م كنت عايزة امشي ولا عايزاهو يشوفني نهائي بس امي بتحب وائل لانو كان راجل البيت لما ابوي كان مافي
المهم مشينا انا وامي وقعدنا نجهز في البيت والاكل مع خالتو تهاني
يلا بعد شوية كدة الباب دقه
ديل ناس ابوي وعمو طارق ومعاهم وائل🙁
