#عشقته_ملتحي 7
#بقلمي_الآء_خليفة
قلت ليهو ابوبكر عليك الله م تهظر
قال لي اول حاجة دي م ساعة الزول يهظر فيها وانا جايي من المطار على هنا طوالي يعني تعبان وهلكان بس عايز اشوفك
قلت ليهو طيب طيب 😣
قعدت الفلف في الغرفة زي المجنونة ... ي ربي اعمل شنو اسي واعاين في المراية واقول لأ لأ دي م خلقة الاقيهو بيها
بس التلفون اتصل رديت قال لي لو م نزلتي انا ح اطلع
قلت ليهو طيب نازلة
اول م طلعت من باب البيت شايفاهو واقف جمب العربية يلا بس قلبي اشتغل زي دلوكة انصاف👋 طوالي لفيت عايزة ارجع البيت😂😂 والله بالجد كنت عايزة أدخل لانو م قادرة اشوفو
جا مسكني من يدي قال لي انتي ماشة وين انتي😂
والله جسمي كلو برد 😂 قلت ليهو انت جادي جيت😕
قال لي م فاضيين نحن اسي عندنا كلام عايزين نحكيهو... ممكن تنصدمي لي بعدين؟؟😂
قلت ليهو اااااا ؟؟؟😟
مسكني من يدي قال لي تعالي بس 😂
مشينا ورا بيتنا قال لي هنا احسن
قلت ليهو في شنو 😟
قال لي والله عايز اتكلم معاك بس م اكتر😂
قلت ليهو وانت جيت الليلة ليه مش قلت جايي بعد بكرة؟؟😕
قال لي كنت عايز اعملها ليك مفاجئة ..... المهم والله العظيم وربي وربك مشتاق ليك انا😍
انا سكت ونزلت راسي
قال لي ياخ م تخجلي كدة بتكسر زيادة والله
(والله م قاعدة اعرف اقول ليهو شنو بس بقعد اتكشم زي نار القصب😂،)
المهم قعد يتونس معاي ويحكي لي وانا طبعا في الحكاوي دي بنداح شديد😂 بس قعدت ااحكي ليهو من يوم مشى 😂😂 وهو شغال يضحك علي 😂
بس فجأة سكت
قال لي مالك وقفتي
قلت ليهو انا حكيت ليك كتير😕 احكي لي انت
قال لي طيب ي ستي عايزة تسمعيني
قلت ليهو ايوة
قال لي متأكدة
قلت ليهو ايوة ياخ😂
قال لي انا بحبك😍❤
في اللحظة ديك انا طوالي قمت من مكاني وعايزة امشي اهلي .... طبعا اول مرة يقولها لي
يلا انا طوالي قمت😂 مسكني من يدي قال لي ماشة وين ي مجنونة اقعدي هنا😂
قال لي يلا انا والله العظيم بحبك 😍 والكلام دا قلتو ليك بعد تفكير ... ولقيت نفسي م بقدر اقضي لحظة من عمري من غير م اشوفك او حتى اسمع صوتك ... عشان كدة انا عايزك تكوني حقتي واسوقك معاي وين م امشي و تكوني دايما في عيوني واتصبح بيك واتمسا بيك .... من الاخر كدة عايزك تكوني حلالي ❤❤
( انا قلت ليكم من قال لي بحبك احاسيسي اتبلدت😂وبقيت زي الصنم )
بس هو شغال يتكلم وانا اعاين للنجيلة😂 قال لي دنيا
قلت ليهو اااا😟
قال لي انا اسي قاعد اتكلم ليك عن مستقبل وبيوت ح تتبني وتقولي لي ااااا😂 سكت و م قلت ليهو حاجة
قال لي انا عارف نفسي فاجئتك بس م بيدي والله لانو كنت حاسس انو ممكن تضيعي مني وانا م عايز اضيعك بس اخدي وقتك وفكري كويس وعلى مهلك ولو عملت ليك حاجة قبل كدة زعلتك م تدخليها معاك في التفكير 😂 فكري في الحاجات الإيجابية والجوانب المشرقة بس😂😂 وارجوك وافقي😂
قلت ليهو اسي طيب لزومو شنو فكري واخدي راحتك مدام قررت لي😂
قال لي اااي بس بوريك الحاجات اللي لازم تفكري فيها والحاجات البتشوش تفكيرك 😁
قلت ليهو طيب انا داخلة قبل م يفقدوني
قال لي طيب
قلت ليهو طيب يلا باي ومشيت شوية كدة بس ناداني
دنياااا
التفت عليهو
قال لي الحاجات ال م كويسة م تفكري فيها
قلت ليهو طيب ومشيت
تاني ناداني قلت ليهو نعععععم
قال لي وافقي طيب؟؟😁
قلت ليهو بشوف😂 ومشيت
تاني ناداني
قلت ليهو اها في شنو المرة دي
قال لي وحيات الخلقني وخلقك انا بعشقك😍
المرة دي م قلت ليهو حاجة طوالي دخلت البيت😂
اول م دخلت البيت قعدت انطط زي المجنونة ... بس الوية كانت بتكابس في المطبخ وسعت صوتي
جات قالت لي بتنططي زي الحمار مالك وكنتي وين في الساعة دي
قلت ليها كنت مع ابوبكر😍
قالت لي سجمي وداك وين في الليل دا😲 وكل متين هو
قلت ليها ي هبلة ح يوديني وين يعني😂 راسك الكلو شمال دا
قالت لي اها في شنو فهميني😕
قلت ليها جا اسي وقال عايز يشوفني ويقول لي كلام مهم وانا نزلت ليهو ووقفنا جمب بيتنا بس
قالت لي والكلام المهم شنو
قلت ليها قال انو بحبني😍
قالت لي دا شنو دا اسي 😂😂 الناس كلها عارفاكم بتحبو بعض الا انتو
قلت ليها وطلبني للزواج🙈🙈
قالت لي انتي جاااااااادة😲
قلت ليها اي والله زي م بقول ليك كدة
قالت لي وانتي قلتي ليهو شنو
قلت ليها م رديت ليهو و قلت ليهو عايزة وقت افكر
قالت لي تفكري شنو وافقي وانتي مغمصة 😂
انتي لاقيه حبيبك يطلب منك الزواج ؟؟؟..!
قلت ليها م هو انا م عرفت اقول ليهو شنو في اللحظة ديك
قالت لي تعالي تعالي الموضوع دا داير ليهو قعدة
