#عشقته_ملتحي 6
#بقلمي_الآء_خليفة
دخلو ابوي وعمو طارق وبعديهم دخل وائل ومعاهو ملاذ والوية
وائل من اول م دخل بس عيونو وقعت علي وانا طوالي نزلت راسي
يلا بعد كدة جا سلم علي امي وخالتو تهاني وانا كنت واقفة بعيد بس امي نادتني وقالت لي تعالي سلمي على وائل
مشيت سلمت عليهو وقال لي كيفك ي دنيا قلت كويسة
كيف و انت ؟؟
قال لي بخير الحمد لله
بس م كترتو معاهو وطوالي دخلت المطبخ وناديت الوية وملاذ عشان نجهز الاكل في السفرة
يلا انا بقيت قاعدة في المطبخ بس بديهم الاكل وهم بطلعوهو برا لانو م كنت عايزة اطلع
امي قالت ل الوية نادي اختك وتعالو
الوية قالت ليها دنيا قالت م جيعانة اسي
وائل قال ليها كيف الكلام دا لازم تاكل .. طيب خليها انا بناديها
وائل جا داخل المطبخ ولقاني قاعدة قال لي يعني م عايزة تشوفيني؟؟؟ ع الاقل انا ود عمك
قلت ليهو م كدة ي وائل بس بالجد م جيعانة
قال لي طيب على راحتك م ح اغصبك لو م جيعانة
وائل طلع واكل شوية بس وقام
امي قالت ليهو ي وائل م اكلت حاجة انت وبعدين السفر متعب واكيد جعت
قال ليها اكلت في الطيارة😂
قالت ليهو هو اكل الطيارة دا بالله اسمو اكل😒 تعال كمل اكل
قال ليها الحمد لله والله ي خالتو فاطمة
قالت ليهو طيب تعال اقعد لانو دنيا بتجهز ليك في التحلية
قال ليها ي سلااااام 😍 والله اشتقت ل التحلية بتاعتها
يلا انا جبت ل وائل التحلية وطوالي مشيت قعدت بعيييد
هو بقى بعاين لي ومركز معاي وانا كنت ماسكة تلفوني بس طوالي التلفون اتصل
لقيتو ابوبكر😍😍😍 يلا انا تلقائيا كدة ابتسمت ابتسامة عريييييييييييضة 😍 وشلت التلفون وطلعت برا
اول م قال لي الووو حسيت روحي رجعت لي
قلت ليهو ابوبكر😢
قال لي عيونو وقلبو وروحو😍
اتبكمت طوالي😂 م بعرف ارد ع الكلام الحلو طبعا😕
قال لي عندك كلام عايزة تقوليهو صح؟؟؟
قلت ليهو لأ🙁
قال لي انا عارف انو في عشان كدة قولي😐
سكت و م قلت ليهو حاجة
قال لي الليلة دا شكلو موضوع كبير ال م عايزة تحكيهو لي
قلت ليهو لا م كدة بس هو انتهى و م عايزة اشغلك بيهو
قال لي امممممم معناها م قادرة تحكي
طيب لما تحسي نفسك مرتاحة وعايزة تحكي لي اتصلي في اي وقت بس المهم م تزعلي نفسك لأي سبب كان
قلت ليهو ليهو طيب🙁
المهم قعد يتونس معاي ويحكي لي وطلعني من المود الكنت فيهو دا❤
يلا قفلت منو ودخلت وانا مبسووووطة 😍😍
اول م دخلت لاقاني وائل من الباب
قال لي خير مبسوطة كدة عشان انا جيت😂 ( هو من جواهو عارف انو الموضوع م كدة)
انا قعدت اضحك قلت ليهو ايوة 😂 ودخلت على كدة
لقيتهم بتونسو قعدت اتونست معاهم
بالليل كدة مشينا البيت
اليوم التاني صحيت الصباح لقيت ألوية واقفة في راسي
قالت لي الليلة ح انزل معاك الجامعة 😍
قلت ليها وفرحانة كدة لييه😂 غير التعب م فيها شي
قالت لي تعب تعب المهم اطلع برا البيت
يلا لبسنا وطلعنا مع ابوي وصلنا
يلا كلياتنا جمب بعض
قلت ليها خلصي محاضراتك وتعالي لي
قالت لي تمام
يلا انا مشيت الكلية بتاعتي خلصت محاضراتي وبعد شوية كدة اتصلت لي الآء قالت لي اقيفي لي جمب الباب انا جاية عليك
قلت ليها طيب ... طلعت استنيتها جمب الباب لما وصلت قلت ليها تعالي ندخل المطعم ناكل لانو انا م اتغديت
قالت لي انا صحباتي قالو الا نتغدا مع بعض واتغديت معاهم
قلت ليها يعني ي عولاق انا مستنياك بالجوع وتتغدي تخليني... وبعدين متين عملتي ليك صحبات ويعزموك ع الغدا كمان😂😂😂 انا بقرا في الجامعة دي لي 4 شهور وعندي صاحبة واحدة بس 😂
قالت لي وانا اعمل ليك شنو اذا كنتي متوحدة و م بتتعرفي ليك علي زول😂😂😂😆
قلت ليها معفنة انتي😂 اتزفي قدامي خلينا نتسمم
دخلنا المطعم الوية طلبت قهوة وانا اكلت
خلصنا وكنا طالعين بس لاقانا عمر
جا سلم علي وقال لي اول م انا اجي تطلعي؟؟
قلت ليهو لا لا م كدة بس نحن قاعدين هنا من بدري
قال لي مين الانسة😍
قلت ليهو دي اختي😂
قال لي انتو امكم قاعدة تتوحم فيكم على عسل😍
قلت ليو عرديب ي ظريف😂 يلا نحن ماشين
قال لي النبي اقعدي😢 طيب خليها تقعد بوصلها ليكم انا😢
قلت ليهو انت دايما كدة في حالة انبراش😂
قال لي لالا دا انبراش من نوع اخر😍 وكمان سودانية؟؟؟ 😍
قلت ليهو انت الله يشفيك بس 😂
قلت ل ألوية يلا ي الوية عشان نطلع
لما جات قلت ليها دا عمر صاحب ابوبكر وشريكو
قال ليها وسنجل كمان 😍
قالت ليهو وانا مالي ومالك سنجل ولا شيخ جامع😂
قال لي متأكدة انو دي اختك😕
قلت ليهو دي بتصرب في المليان طوالي انت قايلها مسكينة زيي😂
قال لي طيب امشو اوصلكم
قلت ليهو لا ماف داعي ابوي ح يجينا
قال لي طيب تمام
طلع وقف معانا لغاية م ابوي جا ودخل
وصلنا البيت والوية قعدت تحكي لي ب صحباتها والناس الاتعرفت عليهم والمعيد المزة😂 قلت ليها يلا كفاك نومي بعد دا
المهم مشت على غرفتها وانا اتكلمت مع ابوبكر ونمت😍
الصباح ناس امي قالو ماشين ناس عمو طارق انا قلت ليهم تعبانة م بقدر امشي والوية اصلا ولا صحت😂
المهم طلعو كدة انا دخلت استحميت وصليت وعملت الفطور عشان نفطر انا والوية
قبل م انادي الوية للفطور سمعت صوت الباب دقه
مشيت فتحت لقيتو دا وائل😟
قلت ليهو وائل؟؟😟
قال لي في شنو اتخلعتي كدة مالك
قلت ليهو ماف حاجة ... اتفضل
دخل وقعد ... انا مشيت اجيب ليهو حاجة يشربها قال لي لا م تتعبي نفسك انا اصلا عايز اقول ليك حاجة وامشي
قلت ليهو خير
قال لي ي دنيا انتي من زمان عارفة انو انا بحبك وعايزك اتزوجك
سكت و م قلت ليهو اي حاجة
قال لي وانا اسي عايز اكلم خالتو فاطمة واشوف رايها شنو
قلت ليهو وائل انت عارف ردي كان شنو صح و لسة م اتغير
قال لي ردك كان انك م بتفكري في الموضوع دا
قلت ليهو و لسة م بفكر فيهو
قال لي بس المكالمة الجاتك يوم داك دي م بتدل علي كدة
قلت ليهو قصدك شنو
قال لي ولا قصدي ولا م قصدي ... انا بالجد تعبت من كل مرة اعيد ليك نفس الموضوع بس انتي لسة في برودك القديم ... لو انتي في يوم قررتي تدي مشاعرك ل زول فالمفروض الزول دا يكون انا .... انا دايما كنت واقف جمبك ولما تحتاجي ل حاجة انا اول زول بتلقيهو وانتي عارفة انو انا بحبك ومن زمان كمان ...
بس شكلو عشان شفتيني متعلق بيك زيادة قلتي تشوفي زول تاني ... بس ي بت عمي شكرا ليك لكن دا م كان العشم .... و م مشكلة في النهاية نحن اولاد اعمام و متى م احتجتيني ح تلقيني معاك .... وطوالي طلع ورزع الباب
في اللحظة ديك انا حسيت اني ظلمتو😢
قعدت بكيت لمن الله غفر لي😭😭😭😭😭😭😭😭
الوية جات من جوة قالت لي مالك بتبكي😰 وسامعة صوت وائل بكورك ... كان بكورك مالو
بس حضنتها وقعدت ابكي😭😭😭😭😭😭😭😭😭😭😭😭😭😭😭😭و هي تهدي فيني وتقول لي ي بت مالك
بعد شوية هديت كدة وقعدت احكي ليها ودموعي تمشي😢
قالت لي اسي انتي بتبكي ليه طيب مش قلتي م بتحبيهو
قلت ليها حاسة نفسي ظلمتو😭😭
قالت لي ايوة طول عمرك ظالمة انتي 😂
قلت ليها وسخة 😭
قالت لي بصراحة وائل دا بالجد من زمان كان بحبك وانا معتبراهو اخوي الكبير لانو دايما كان واقف جمبنا
قلت ليها عشان كدة قلت ليك ظالماهو😭😭
قالت لي بس برضو ابوبكر زول كويس وبحبك وكمان انتي بتحبيهو ... يعني م ح تكوني سعيدة مع غيرو
قلت ليها واسي العمل شنو😢
قالت لي العمل انك تمشي تغسلي وشك وتجي اعمل ليك الماسك الجديد الجبتو قالو فظييييع😍😍
قلت ليها اسي الناس في شنو وانتي في شنو😒
قالت لي ي زولة فرفشي واهتمي بنفسك و خليها زي م ربنا عايزها تجي تجي
قلت ليها ونعم بالله
مشيت غسلت وشي وعملنا ماسكات وخلطات نضارة وانبسطنا 😍 بس كل شوية اتذكر وائل عيوني بتدمع😢 الوية تقول لي اصلا انتي نكدية وبتحبي النكد😒
يلا ناس امي جو وجابو لينا معاهم عشا من برا اتعشينا ونمنا
نص الليل وانا نايمة بس تلفوني اتصل
لقيتو ابوبكر
رديت ليهو قال لي انزلي بسرعة انا مستنيك تحت
قلت ليهو انت جادي😲
قال لي خلي الكلام وانزلي بسرعة لانو مشتاق ليك
يتبع........
