عشقته_ملتحي 13
#بقلمي_الآء_خليفة
ابوبكر طلع من البيت وكان متاثر
معقولة دي دنيا حب حياتو بتضيع منو وهو م قادر يعمل حاجة؟؟ كان بفكر ومهموم بس بقول ان شاء الله ربنا م بخيب ظني فيهو
كان قاعد برة جمب البيت لغاية م الشيخ خلص وطلع
ابوبكر مشى اتكلم م الشيخ قال ليهو دنيا بقت كيف وح تتحسن متين
الشيخ قال ليهو لا اتطمن ح تبقى كويسة ان شاء الله بس مسألة وقت ..... بالمناسبة انا عايز اسالك قبل م اجي هنا في زول جاهم في البيت؟؟؟
ابوبكر قال ليهو اي في ود عمها ومرتو بس بتسأل لييه
قال ليهو لا ولا حاجة بس في الأيام الجاية ان شاء الله ح اوريكم العمل فيها كدة منو
ابوبكر ب غضب ونبرة صوت مقهورة قال ليهو يعني انت عرفت منو ؟؟؟
الشيخ قال ليهو م بالظبط كدة بس في اشارات والجلسة الجاية ان شاء الله ح اقول ليكم اي حاجة عنو
بس زي م قلت ليك انو اول م افك العمل منها طوالي العمل ليها العمل دا ح يموت
ابوبكر قال ليهو احسن ..... بس المهم دنيا تبقى كويسة
قال ليهو من الناحية دي م تشيل هم اصلا هي بدت تتعافى بس بصراحة هو من قرايبها
قال ليهو قرايبها ؟؟؟؟؟ منو دا
قال ليهو لسة م بقدر احددو ليك اسي بس ان شاء الله الجلسة الجاية ح اقول ليك هو منو
قال ليهو طيب وريني انا بس عشان لو كانت عداوة مع زول واحد م تبوظ علاقة الاهل
قال ليهو طيب
الشيخ استأذن ومشى وابوبكر دخل كان عايز يشوف دنيا بس الوية قالت ليهو نحن مش اتفقنا انو م ح تشوفها في الحالة دي؟؟
قال ليها انا بس اليوم داك اتاثرت لانو بالجد حالتها اتغيرت بس انا عايز اشوفها و في اي شكل لانو بالجد م فارق معاي غير انها ترجع تحبني زي زمان
قالت ليهو هي م بتكرهك وانت عارف ظروفها وانها م ف وعيها...... بالمناسبة الشيخ قال ليك شنو
قال ليها قال انها بدت تتحسن و بعد الجلسة الجاية ح يقول لي منو عمل ليها العمل دا بس م عايز امك او ابوك يعرفو حاجة عن الموضوع دا لانو هو قال زول من اهلكم
قالت ليهو سجمي اهلنا😳؟؟؟
قال ليها وطي صوتك م يسمعوك ..... والله دا الكلام القالو لي
قالت ليهو اهلنا ديل مستحيل يتمنو الشر ل دنيا وكلهم بحبوها وبالذات دنيا لانو م حصل كان عندها مشاكل مع زول منهم وكلهم بحبوها وحتى اكتر مني
قال ليها المهم الجلسة الجاية ح يقول لينا منو عمل كدة وبعدها ح نعرف البحبها وال بكرهها ..... طيب انا داخل اشوفها اسي
ابوبكر دخل غرفتي وجا قعد جمب راسي كالعادة وبقى بعاين لي وقرأ لي قرآن وبعدها طلع
بس انا م كنت بحس ب حاجة حوليني لانو بكون نايمة زي المغمى علي
ابوبكر اول م وصل البيت اتصل ل عمر يسالو من الشغل ماشي كيف
عمر قال ليهو انو الشغل ماشي تمام وانو كان قاعد يحول ليهو نصيبو على حسابو في البنك
ابوبكر قال ليهو انا مش قلت ليك م تعمل كدة وانا م عايز حاجة لانو بالجد لو محتاج ل قروش كان وريتك
عمر قال ليهو م تنسى انو انت مساهم في الشركة دي بالنص وبعدين انا زمان م كنت بتعب فيها زيك وانت كنت بتسافر السفريات المتعبة وتمشي تتابع الشغل هناك و دا حقك انا م جاملتك في حاجة
ابوبكر قال ليهو طيب انا من بكرة ح انزل الشغل
عمر قال ليهو ماف داعي انت خليك جمب دنيا وبعدين الفترة الجاية دي ح تكون محتاجاك اكتر لانو الفترة الأخيرة من العلاج
قال ليهو ح اجي نص دوام وبعدين انا م قاعد امشي ليهم كل يوم لانو زي م عارف دنيا لو شافتي بتقعد تصرخ وانا بصراحة م بستحمل زول يزعلها وحتى لو الزول دا انا .... عشان كدة بمشي أيام الجلسات عشان بتكون نايمة
قال ليهو والله عارفك بتكون متأزم من الحتة دي بس ربنا موجود ي صحبي واكيد ح ترجعو دندون وابوبكر زي زمان واحسن كمان
قال ليهو اميييين ي صحبي .... طيب نتلاقى بكرة
عمر قال ليهو طيب يلا تصبح على خير
ابوبكر قال ليهو وانت من اهلو
الصباح ابوبكر لبس ونزل فطر وطوالي طلع مشى الشركة ومن دخل الموظفين كلهم سلمو عليهو وسالوهو وين مختفي الفترة الفاتت
قال ليهم كان عندو شغل
طلع فوق علي مكتبو ....... طبعا هو وعمر مكاتبهم جمب بعض
عمر جا سلم عليهو وسالو من الموضوع وابوبكر حكى ليهو ... وقال ليهو اكيد دا زول م عايزنا نتهنى مع بعض
عمر قال ليهو دا زول م قدر يتهنى ب حياتو وشايف انو دنيا السبب
قال ليهو كيف يعني
قال ليهو اذا زول م عايزكم ل بعض ليه م عمل ليك العمل انت واتقصد يعملو ل دنيا طيب فلنفرض انو عايز يفرقكم عن طريق دنيا ... طيب م كان يكتفي ب انها تكرهك بس ...... لية عايز يدمر حياتها هي بالذات
قال ليهو تصدق عندك حق؟؟ انا برضو فكرت في كدة بس قلت انو دنيا دي مستحيل تكون عملت حاجة ل زول ل درجة انو يفكر حتى لو تفكير انو يدمر حياتها
عمر قال ليهو هي اكيد م بتكون عملت ليهو حاجة مباشرة بس هو بكون شايفها سبب في حاجة هي م ليها فيها دخل
ابوبكر قال ليهو ربنا يستر بس
في بيت ناس دنيا :
انا بقيت بقعد براي دايما و م باكل وحتى الموية دي الا يجيبوها لي في وشي حتى اتذكر اني عطشانة..... بقيت زي المتوحدة وحتى بقيت م نفسي في شي نهائي يعني بس كنت عايشة عشان لسة م مت
حتى الحاجات ال كنت بحبها زمان و ملابسي الماركة والجزم وال ميك أب والحاجات دي كلها بقيت م بعاين ليها اصلا
والوية مرات تجيني عشان تكاويني زي زمان وتشيل من ملابسي البحبها عشان انا اتشاكل معاها بس بعاين ليها ب طرف عيني وبرجع اسرح تاني زي ال كانو م بتتكلم معاي بس هي طوالي بتطلع من الغرفة وتقعد تبكي
وفي الوقت داك خليت الجامعة ونسيت طموحي وحلمي من انا صغيرة لما ابوي كان بقول لي انتي ح تطلعي دكتورة عشان اتعالج عندك مجان وانا افرح واقول ليهو وماما وعمو طارق كمان وهو يقعد يضحك ويقول لي لا ديل ب نص القيمة
كل دا نسيتو وبقيت عايشة بدون هدف وبدون م اعرف انا عايشة اعمل شنو اصلا بس اوقات الصلوات بصلي وأول م اكبر دموعي بتجري ولغاية م اخلص بكون ببكي وفي احساس جواي بقول ي رب اشفيني واصلح حالي
#خاطرة
واذا القلب مال عنك ل برهة 💔
جاءت مصائبه ومهالكه لتعيده اليك
مولاي :
انا انا وانت انت
ألا إن عبادك كثيرون ......... وانا لا رب لي سواك🍃
فعاملني بفضلك لا بعدلك❤
اليوم داك كان عندي جلسة
الشيخ جا وابوبكر جا معاهو بس كان قاعد برة استنى الشيخ بدا وبعدين دخل
اليوم داك انا تعبت واتجرست شديد وكانت اكتر مرة اصرخ فيها كدة وكمان الشيخ كان بقول في طلاسم م مفهومة وكلام غريب كدة وانا من يقول الطلاسم دي بحس انو بالجد روحي بتتسحب مني وبصرخ باعلى صوتي بس اليوم داك كنت حاسة نفسي بصرخ وصوتي م بيطلع عشان كدة كنت بعلي في صوتي اكتر ( ملحوظة: الشيخ تقريبا كان بيتعامل مع الجن عشان يوروهو اسم الزول العمل لي العمل وكل حاجة عنو بالتفصيل )
وبقى يضربني وانا بصرخ زيادة بس م بكون حاسة بالضرب لكن في حاجة بتخنقني وكنت بسمع صوت بقول لي لازم اجيب اجلك ،،،، انتي ليه عملتي فيني كدة وانا اصرخ واقول ليهو والله م اذيتك ولا اذيت غيرك خليني اعيش وهو يقول لي م بخليك تعيشي لو م متي انا م بقدر اعيش حياتي
وابوي كان قلبو بيتقطع علي والشيخ لسة مكمل في الطلاسم بتاعتو وكلامو الغريب داك
بعد خلص الجلسة طمن امي وابوي وقال ليهم بعد جلستين ح ترجع طبيعية وطلع طوالي
بس ابوبكر كان حاسي انو عرف حاجة ... طوالي طلع وراهو
قال ليهو انا حسيتك كنت عايز تقول حاجة بس اترددت و م قلتها
قال ليهو بصراحة شكي طلع في محلو وال عامل ليها العمل فعلا زول من اهلها
قال ليهو منو دا
قال ليهو اسمها لينا ومتزوجها واحد اسمو وائل بقرب ل دنيا ود عمها ....
