#عشقته _ملتحي

15

#عشقته_ملتحي 15 والاخيرة

#بقلمي_الآء_خليفة 

عمر قال ل الوية يلا نمشي من هنا دي شكلو الكلام بالحسنة م بجيب فيها فايدة 
عمر والوية مشو وخلو لينا لسة واقفة جمب الباب 
عمر اتصل ل ابوبكر 
ابوبكر قال ليهم اها عملتو شنو 
 عمر قال ليهو والله زي م قلت دي واحدة واطية وبدل م تقعد تبكي ونعتذر لينا قعدت تتلائم علينا زيادة وتطول في لسانها 
 قال ليهو انا مش قلت ليكم دي موتها احسن من حياتها؟؟، لانو ح تاذي ناس تانية مدام قدرت تعمل كدة في صحبتها 
 قال ليهو نحن بس عملنا ال علينا عشان نطلع من حساب رب العالمين وبعدين هي علي كيفها حرة في نفسها 
 ابوبكر قال ليهو اسي خلونا منها .. دنيا بعد يومين عندها جلسة بدري عشان كدة قول ل الوية تكلم امها انو الجلسة ح تكون قبل الفجر
قال ليهو طيب 

انا في الوقت داك بديت اتحسن شوية شوية وصحتي بدت ترجع وشعري بدا يرجع يطول بعد اليوم الكنت قاعدة فيهو في العرفة براي مسكت المقص قصيت شعري ال طويل الكنت مهتمة بيهو واي زول بحسدني عليهو بس قبل م اقص كتير منو جو لحقوني و شالو مني المقص و بقو م بخلوني براي في الغرفة 
وبديت ارجع زي م كنت واكل كويس واقعد معاهم
 و حتى م بصرخ لما اسمع اسم ابوبكر زي زمان بس بتوتر وبحس نفسي متضايقة وبتغير من المود ال انا فيهو 

اليوم داك كان يوم الجلسة ال قبل الأخيرة 
ابوبكر ومعاهو الشيخ جو قبل صلاة الفجر 
 انا بقيت لما يكون عندي جلسة بمشي براي من غير م يمسكوني لأني بالجد كنت حاسة انو انا فيني حاجة ولازم اتعالج وكمان لانو بعد الجلسات دي برتاح شديد 
ابوبكر كالعادة بقيف بره لغاية م الشيخ يبدأ 
اليوم داك برضو وقف برة واستنى الشيخ بدا وبعدين جا داخل 
 الشيخ برضو اليوم داك كان بقول في طلاسم غريبة بس المرة دي كان جايب معاهو بخور كدة ريحتو غريبة غير البخور ال كان بجيبو اول مرة 
 وكان في جو غريب في الغرفة وكنت حاسة في شي ماسكني من رقبتي و عايز يموتني وانا بصرخ والشيخ بيضربني بس م كنت بحس ب الضرب لكن كنت بصرخ باعلى صوتي 
 امي والوية وابوبكر كانو قاعدين برة و اي واحد فيهم سرحان براهو بس كلهم بفكرو فيني وال ح يحصل لي شنو و انو بتعافى ولا لأ 

بعد فترة كدة الشيخ خلص وانا كالعادة كنت نايمة او بالأصح مغمى علي 
 ابوبكر دخل غرفتي وقعد في الكرسي جمبي بس كان مبسوط لانو دي حبيبتو الزمان بدت ترجع ل حالتها و جمالها وكان متفائل المرة دي انو ح ترجع ليهو زي زمان 
قرأ لي قرآن كالعادة وطلع مشى بيتهم 
 بس تاني يوم الصباح الوية اتصلت ليهو قالت ليهو ي ابوبكر الحق دنيا صحت الصباح و جاتني في غرفتي تبكي و تقول لي انا العمل فيني كدة شنو و شعري مالو و معقولة ح الاقي ابوبكر ب حالتي دي 
 ابوبكر من الصدمة قام من سريرو دخل الحمام اتسوك وغسل وشو و ب ترينق و تيشيرتو بتاع البيت و شبشبو طوالي جرا علي العربية و بأقصى سرعة على بيت ناس دنيا 
في عشرة دقايق كان قدام بيتهم 
دق الباب فتحت ليهو الآء 
قال ليها انا قلبي ح يقيف عليك الله م يكون مقلب 
 قالت ليهو مقلب شنو من الصباح تبكي قالت بقت شينة و م عايزة تشوفك ب حالتها دي 
قال ليها هي وين 
قالت ليهو في غرفتها 
ابوبكر جا دق لي الباب 
 قلت ليهو الوية عليك الله خليني براي م عايزة اتكلم معاك ليه تخليني أقص شعري
قال لي انا ابوبكر
 بس انا زدت في البكا زيادة قلت ليهو ابوبكر امشي انا م عايزة اشوفك
 قال لي ي دنيا عليك الله افتحي والله بس عايز اقعد اتكلم معاك زي زمان 
 قلت ليهو ابوبكر عليك الله امشي ياخ والله ب حالتي دي م بطلع ولا بفتح الباب 
ابوبكر في اللحظة دي عيونو دمعو لانو اتاكد انو حبيبتو بقت كويسة
قام قال لي انتي لو شفتي خلقتك قبل شهر كنتي كيف😁😂
قلت ليهو انت كنت بتشوفني؟؟؟😢 
قال لي اكيد طبعا😂
 وانا البكا شرطني زيادة و قعدت اقول ل الوية ليه تخليهو يشوفني 😭😭😭😭
قال لي والله العظيم دا كلو م فارق معاي بس عليك الله افتحي عشان اتكلم معاك
قلت ليهو انا قلت ليك م بفتح بس😢
قال لي طيب تمام على راحتك خلاص انا بمشي البيت و بتصل ليك 
قلت ليهو اي كدة احسن 
قال لي طيب 
بعد شوية كدة الوية قالت لي افتحي خلاص مشى 
اول م فتحت ليها الباب بس جا داخل وراها 
 اول م جا داخل بس انا قبلت علي الدولاب وغطيت وشي ب يدي وشغالة ابكي واقول ليهو ابوبكر انت م مضطر تعرسني والله العظيم عافية ليك انا 
وهو يضحك علي ويقول لي طيب قبلي علي اخد نظرة الوداع 
قلت ليهو والله العظيم جادة انا 
هو بصارع وانا بصارع 😂 في النهاية خلاني التفت عليهو 
وعيوني كانت مليانة دموع 😢 وهو برضو 
 بس في اللحظة ديك بقينا نتكلم ونحكي في شوقنا ل بعض و نبكي 😭😭 وهو يبكي وانا ابكي 😭😭 غايتو عديناها بكا اليوم داك 
قال لي العرس بعد اسبوع و م عايز اي اعذار 
 قلت ليهو لا بعد شهرين و خلال الشهرين ديل م ح نشوف بعض الا بعد ارجع زي م كنت 😢
قال لي انا زاتي خلقة عوضية سفنجات دي م عايز اشوفها 😂😂😂
قلت ليهو امششششي ب شبشبك الشين دا😒 اسي دي خلقة تقابل بيها حبيبتك😒
قعد يضحك 😂 قال لي من ردك دا معناها بقيتي تمام 😍 اقسم بالله اللماضة دي وحشتني 😍
قلت ليهو ح تاخد منها كتير تاني😂
قال لي م عندي مشكلة احلى لماضة ياخ 😍
قلت ليهو المهم من هنا و ل شهرين م ح نتلاقى نهائي 
قال لي عليك الله مرتين في الشهر😢
قلت ليهو لا 
قال لي طيب ح اعمل شنو يعني 😪 حكم القوي
قلت ليهو اي 😂
المهم ابوبكر مشى بيتهم واتصل لي واتكلمنا بالساعات زي م كنا زمان