#عشقته_ملتحي 12
#بقلمي_الآء_خليفة
الشيخ كان معاي في الغرفة ومعانا ابوي
ابوي كان ماسكني انا بقول ليهو فكني وابوي دموعو جارية و م قادر يمسكها
قال ل الشيخ اعمل حاجة انا م قادر اشوف بنتي في الحالة دي
ابوبكر كان سامع صوتي وانا ببكي وبكورك وهو دموعو نهائي م وقفت وكان بدعي لي انو ربنا يشفيني ويرجعني ليهو زي م كنت
والوية وامي ببكو وواقفين لينا جمب الباب
الشيخ قال ل ابوي مددها في السرير
ابوي مددني والشيخ بقى يقرا لي آيات كدة هدتني شوية
بس بعدها بقى يقول طلاسم غريبة وكلام م مفهوم
وانا جسمي بقى يرجف وبقيت برتعش وبعدها بصرخ باعلى صوتي
شوية كدة والشيخ خلص كلامو وبعدها هديت شوية وقرأ لي آيات من القرآن
بعد خلص ارتحت شوية وكان دا اول يوم اخد فيهو نومة عميقة زي دي وارتاح كدة من بعد اليوم الاسود داك
ابوي والشيخ طلعو وامي والوية كانو واقفين ليهم جمب الباب وابوبكر كان قاعد في الكرسي
اول م طلعو ابوبكر جا عليهم قال ليهم بقت كيف وليه كانت بتصرخ كدة
الشيخ قال ليهم بنتكم معمول ليها عمل
امي قالت ليهو والله دنيا دي م عندها اي اعداء ولا حتى بتعرف ناس عشان يعملو فيها كدة
قال ليها معظم الناس العالجتهم قبل كدة بكون السبب زول هم م متوقعينو لانو العدو دا اول زول بجي في بالك
ابوبكر قال ليهم المهم هي اسي بقت كيف
قال ليهو م اكذب عليك العمل المعمول ليها قوي
وبصراحة العمل المعمول ليها دا معمول ليها عشان تموت وعشان يفرقكم عن بعض
كلهم بقو بصرخو ويبكو
بس ابوبكر عيونو بقو حمر وقرب يطق بس مسك الشيخ وقال ليهو ماف حاجة اسمها كدة انا جايبك من بلدك عشان تعمل شنو
ابوي قال لي ابوبكر فكو ..... دا م حل ،،،، خليهو يفهمنا الحاصل شنو
ابوي قال ل الشيخ اتفضل اقعد وفهنا براحة
مشو قعدو كلهم ومعاهم الشيخ
الشيخ قال ليهم ي جماعة بنتكم معمول ليها عمل عشان يفرقها هي وابوبكر عن طريق انو يخليها تكرهو و م تطيق تشوفو وبرضو ...!!!!!!
امي قالت ليهو برضو شنو
قال ليها في الحقيقة عشان ينهيها
زي م شايفين اسي صحتها اتدهورت صح ؟؟؟ بس م تخافو انا ح افكو ليها ان شاء الله بس العمل ليها العمل ح يموت
ابوبكر قال ليهو م يموت ولا يتحرق نحن عايزين بيهو شنو المهم دنيا
قال ليهو اصلا انا خلال الجلسات الجاية ح اعرف منو العمل ليها العمل وعايز منها شنو
وان شاء الله ح افكو ليها بإذن الله
امي قالت ليهو ان شاء الله
ابوبكر قال ليهو العربية مستنياك برة ح توديك الفندق
الشيخ ودعهم ووراهم مواعيد الجلسات وطلع
امي وابوي جو داخلين غرفتي وقعدو جمبي يبكو بس انا كنت نايمة و م حاسة ب اي حاجة بتحصل حوليني
الوية قالت ل ابوبكر تعبناك معانا
ابوبكر قال ليها تعبناك؟؟ على اساس انو دنيا دي م مرتي زي م هي اختك
قالت ليهو والله لو جينا للحق انت خطيبها بس واي واحد تاني كان ح يحاول يطلع نفسو من الموضوع ويقول انا مالي ومال الهم دا ويمشي يشوف ليهو واحدة تانية .. بس انت م عملت كدة وقفت جمبها وان شاء الله تقوم بالسلامة عشان اقول ليها ابوبكر دا العريس الكنتي متمنياهو
قال ليها خليها تقوم بس وانا م ح اخلي فيكم زول يتكلم معاها زاتو لانو ح اسوقها ونمشي مكان نكون فيهو برانا ولا نتكلم مع زول ولا زول يتكلم معانا
الوية قعدت تضحك وقالت ليهو المرة دي م ح اردح ليك لانو بالجد عندك الحق تعمل كدة
قال ليها ربنا يقومها بالسلامة بس
قالت ليهو امين ي رب
قال ليها طيب انا طالع بعد دا بس!!!!!
قالت ليهو بس شنو
قال ليها بصراحة عايز اشوف دنيا بس خايف تقعد تصرخ تاني
قالت ليهو لا م تخاف الشيخ قال م ح تصحى اسي
قال ليها يعني ادخل ؟؟؟😍
قالت ليهو اكيد طبعا
ابوبكر دخل الغرفة ومعاهو الاء وأول م شافها انهار وقعد يبكي لانو دي م دنيا البعرفها بقت ضعيفة ووشها المنور وخدودها الدايما حمراء من الخجل اختفو بس قعد جمبها في الكرسي بقى بعاين ليها ودموعو بتجري
الوية قالت ليهو ي ابوبكر انت لازم تمشي بعد كدة لانو انا عارفاك م بتقدر تشوفها في الحالة دي وان شاء الله ليك علي اول م تقوم بالسلامة ح ارجع ليك مزتك الزمان واحلى من الاول كمان
قال ليها انا عايزها تبقى كويسة بس وترجع تقول لي انها بتحبني زي زمان
قالت ليهو ان شاء الله ح ترجع بس انت ادعي ليها
قال ليها بإذن الله
ابوبكر طلع وطوالي مشى بيتهم
جمب الباب لاقتو تسنيم قالت ليهو انا الليلة استنيتك مخصوص عشان اعرف انت مالك
قال ليها ي تسنيم عليك الله انا اسي فيني المكفيني و م قادر ادخل في اي نقاشات عشان كدة ابعدي من وشي خليني ادخل
تسنيم عاينت ليهو باستغراب وهو طوالي طلع غرفتو
تاني يوم جونا وائل ولينا
م كانو عارفين بالحصل لانو هم م قاعدين مع ناس عمي
اول م دخلو لينا سألت مني
امي حكت ليها بالحصل بس لينا قربت تموت بالبكا وقالت ليهم انتو ليه م توروني دي صحبتي الوحيدة تقريبا وانا اسي جيتكم عشان خفت عليها بتصل ليها تلفونها مقفول
حتى هي اول م دخلت علي الغرفة كنت نايمة بس هي قعدت تبكي شديد لحد م ابوي طلعها وقالت الا تقعد معانا عشان تكون جمبي
بس امي قالت ليها امشي مع راجلك نحن كلنا معاها
قالت ليها انو ح تجي كل يوم عشان تطمن علي
امي قالت ليها م ف داعي بس ممكن تجيها مرة مرة
لينا ووائل طلعو وكان اليوم داك عندي جلسة مع الشيخ
بس ناس امي م وروهم حكاية الشيخ دي لانو هو قال ولا حتى اقرب الناس ليكم م يعرفو انها بتتعالج عندي بس فهموهم انها مريضة وبتاخد ادوية
المهم الشيخ جا وابوبكر كان بجي أيام الجلسات عشان بكون نايمة ويقدر يشوفني
وقت الجلسات دا انا كنت بحس روحي قاعدة تطلع واليوم داك بالجد كنت حاسة روحي ح تطلع وبقيت بكورك وبصرخ باعلى صوتي وبقول ل ابوي ي ابوي اعفى لي وقول ل امي اعفي لي لانو ح اموت
بس ابوبكر اول م سمع مني الجملة دي طوالي لاإراديا
جا فتح باب الغرفة لأنو خاف علي شديد في اللحظة ديك
بس انا اول م شفتو زدت زيادة وبقيت اقول ل ابوي دا الجابو هنا شنو انا مش قلت ليك م عايزاك .. ي ابوي قول ليهو يطلع من حياتي وقول ليهو م عايزة اعرفو تاني وببكي وبصرخ
الشيخ قال ليهو لو سمحت اطلع عشان اعرف اكمل شغلي
ابوبكر طلع قعد بره
الآء قالت ليهو انت دخلت ليه مش عارفها بتعمل شنو لما تشوفك؟؟
قال ليها والله غصبا عني لما سمعتها بتقول ل ابوها اعفي لي وانا ح اموت م قدرت امسك نفسي
قالت ليهو معليش استحمل بس الكم يوم ديل وربنا يقوها بالسلامة وبعدين شوفها قدر م انت عايز
يتبع.......
