نهاية وعد بداية حب ( عشقك جنون) - منى سليمان (الجزء الثاني لسلسلة نهاية)

مشهد خارج الرواية بمناسبة رمضان

مشهد لجاسر في رمضان 😂😂🌙🌙🌙 العسكري اتبهدل أوي من وزير الداخلية

غادر جاسر مقر الشركة وانطلق بسيارته عائداً إلى المنزل لكنه توقف بالطريق لشراء باقة ورد لطفلته... وبعد عدة دقائق دلف إلى شقة الجدة سميرة وتوجه مُباشرةً إلى غرفة طفلته فابتسمت بسعادة قائلة

- اوهو ورد ليا

اقترب منها وطبع قبلة حانية على مقدمة رأسها ثم هتف بحنان: الورد ده فتح علشان عيونك تشوفه

قالها ثم حمل طفلته الصغيرة ووضع قبلة على وجنتها وأردف: بت يا سلمى يا صغيرة، هتكبري أمتى ؟؟

- قوليله يا بابي أنا عندي عشر أيام بس، بكرة أكبر وأجننك زي يارا

ما أن أنهت سلمى كلماتها، دلفت يارا إلى الغرفة بدون سابق إنذار وهتفت بحدة

- أنت هنا من أمتى يا عسكري ؟!!!

نظر جاسر إلى سلمى ورفع أحد حاجبيه ثم تحدث مازحاً: ضرتك جت

انفجرت سلمى ضاحكة بينما اشتعلت يارا غضبا ووضعت يديها في منتصف خصرها فتساءلجاسر

- زعلان ليه بس يا سيادة الوزير ؟!!!
- سيب البت اللي في أيدك دي وتعالى شيلني
- دي أختك حبيبتك
- لا دي زنانه أوي ومش بنعرف ننام منها

قهقه جاسر وأنضمت إليه سلمى فاستيقظت الصغيرة وعلا صوت بكائها لتتابع يارا بغضب

- شوفت بت رخمه أوي، أنا أحلى منها

أعطى جاسر طفلته إلى سلمى، ثم أتجه نحو طفلته الأخرى وحملها

- عندك حق البت سلمى دي زنانه أوي، إيه رأيك نروح أنا وأنتي ناكل آيس كريم
- موافقه وبالمرة هاتلي فانوس وما تجيبش لسلمى
- حاضر، يلا روحي غيري هدومك

طبعت يارا قبلة على وجنته ثم غادرت الغرفة فعاد إلى طفلته الجميلة وهتف بحنان

- غيرانه أوي
- طالعه لواحد صاحبنا

اقترب جاسر منها بشدة وتحدث بصوت دافئ: مش كفايه عشر أيام بعيد عني، نطلع شقتنا بقى وهاخد أسبوع أجازة وأقعد معاكي، رمضان بكرة وعايز أول يوم أفطر معاكي أنتي والبنات وبس

- موافقه

اتسعت ابتسامته فبادلته سلمى بابتسامتها الساحرة التي طالما عشقها

**************

في صباح اليوم التالي استيقظت يارا في السادسة صباحاً وذهبت مُباشرةً إلى غرفة والديها

- بابي قوم يلا أتأخرت على المدرسة
- مش لازم النهارده روحي نامي

اعتلت يارا الفراش وأخذت تقفز كعادتها فوقه فزفر جاسر بضيق ثم هتف

- أنتي يا قردة سبيني أنام
-  لا قوم وديني المدرسة
- مش لازم النهارده، بطلي رخامه بقى