كرونيك#احببت_ذئبا

💞الحلقة الثانية💞

#ا حببت_ذئبا
#ا لخلقة_الثانية
-ياماما راني نهبل من l math تاع وذني....يا مايي يا ماميييي....
مقلبة الدار...ربي سطر مشهم ياكنين في باطيمون صينو يهوا منين تحاوزو.....
تخبط في راسها علا البيرو تاعها...و تاكل في القفالة نتاع الستيلو....
-ها ربك...هاشبيك....يزي من الحس...
-يا مامي والله راسي راح يتفلق....شوفي الدالة ماطولها...معقده يالزح...وزيد دخلولنا فيها les nombres complexes...
-هدي روحك....كانت تهدي فيها....تعدي في يديها على ظهرها...عارفة لهذي طريقة تهدي النفس....
-تعبتني يالزح....
-هيا اش قولك نقعدو في لجنينة نشربو شويا جي تاخذي وقت ترتاحي فيه....
نطرت الستيلو من يديها....خزرت للكتاب....
-سنعود بعد قليل...
-هههههه ياخي مهبولة جبتها.......
قعدو في لجنينة....يحكيو و يتفرهدو....ام لبنتها....
-مامي!
-وي!
-ياخي پاپي مزالو مطول!!...
-لحد الان مبانش وقتاش يروح....
-ممم مامي!...
-ها عيون ماميها....
-ياخي متوحشتوش!..
-ووه هههه و كي منتوحشوش انا شكون راح تتوحشو...
-ممم مدامتو لوخرا...
-امشي نعلبو وجهك....يقص لسانك....
وشطاااااخ عطاتها بالطربيقة...
-ههه ياخي مامي طلعتي غيارة....
-ارواحيلي ليوم نقصلك لسانك ...وناضت تجري وراها..
دخلت سكرت الباب..
هيا روحي اقضي شغالاتك راح نكونكتي شويا......و قعدت تكونكتي....
لقات صحاباتها حاطين statut ياكلو فلاcreme في مڨازان بحذا دارهم...
-يااااه وجوه القرنون...ياكلو ومايسمعونيش....درك نوريلهم...نهد عليهم المقازا.... طيشت ل PC... و جات خارجة...
مامي راح نعمل كبسة علا لبنات في المقازا...درك نجي....اووه راكي تعملي فلكروشي ....ياخي ليا؟؟!
علاه انا عندي بنية غيرك نخيطلها....و بلا ماتبلبزي لحكاية..وشمن كبسة تحكي عليها!!! و خارجة بالبيجاما!!!...
يامامي كون نبطا يروحو....انا مقدرتش نبدل قشي خايفة منلقاهمش تولي نتي تعطلي فيا بالكلام....هيا تشاو نتلاقاو مبعد...نخبك يا احلي ام

خرجت تجري من دار.....لدرجة انو وصلت في اقل من خمس دقايق للمقازا....
-واااع يا كلاب...تاكلو بالخفية!! اااه ....قداشكم طلعتو كلاب. وانا معلاباليش.....
-يا ملوووكي ماو شفناك صباح امك تكركر فيك لدار قلنا يزي منقلقوهمش..ههه(هبة المسمامة الغيارة من ملك)...
-اصلا انا مكنتش عاملاتك في الحساب...و كي حكيت مدخلتكش معاهم....تعرفي علاه؛!!
-علاه حنونة!!
-خاطرك كلبة من بكري ماشي حاجة جديدة...
وتهز ملاك لا crème وتكبو علا راسها....
اااه يا هاملة اش عملتي......وطيح هيبة فوق ملاك تضرب فيها...ولبنات يحزو.....هيبة تضرب و ملاك تضرب.....وماحست غير بيد.جبدتها. بكل قوة حتا تلخطت في حاجة كبييرررة هههه...
اه وشنو هذا!!! طلعت ملاك ...تلقا كتلة من الرجولة متكية عليها....اااووو يا ربي ههه....راسها علا صدرو....مطلعة راسها باه تغزرلو بالقدا.....كان لابس سروال نواغ....تريكو ماغون....عضلاتو بارزة....يهبل يهبل.....و هي!! هي بهلولة...لايسة بيجاما ڨري....سروال و فاست تحتها بودي بلون.......