كرونيك#احببت_ذئبا

💞16💞

#الحلقة_السادسة_عشر
ماشية و دندن.....مشتاقة انا لصوتو....لصوته .. مشتاق انا لشوفه
واحشني كل شي فيه .. واحشني كل شي فيه

يادنيا وين اللي غدى لروحي رفيق
اللي احبه واعشقه واوله عليه
اللي بوجوده عمري ما ازعل واضيق
اللي ابيع الكون لأجله واشتريه

مشتاق انا مشتاق .. مشتاق انا مشتاق .. مشتاق انا مشتاق .. مشتاق انا......
غاطسة في عالمها الخاص.....عالم الحب و الشوق.....اللهفة لرؤية الحبيب.....لهفة العين باش تراه.....لهفة اليدين باش تلمسو....لهفة شفاف باش تبوسو.....لهفة قلب ....لهفة حب....
الذيب كان يستنا فيها......مع عبلة و ايهم.....
مرام: بوص....قريب يوصلو....
(مرام و مؤيد حكمو دورهم وبداو يتبعو في الاي يلاحقو فملك)
الذيب: اوكي...تولهو....
عبلة وايهم في نفس الوقت.....
وين لحقو؛!!!!...
عبلة خزرت فيه خزرة متعجبش....خزرة غامضة.....اما هو فوتها....بينو وبين نفسو....نحكمك و نفهم سبب تشنافك اما درك مش وقتو......
بعد عليها و قدم ناحية شجرة.....قعد تحتها يستنا فيهم يوصلو......طريقة تعاملها معاه معجباتوش....علااش تتصرف هكا؟؟ كاشما عملتها ؟؟ غلط في حقها؟؟؟ وضرب يديه في بعضاهم.....
________________
من بعيد شافها.....الدم حبسلو في عرقو.....كبس بونيتو....لين عروق يدو بانت.....الميني اللي لابساتو.....و الجزء المعري فوق سرتها طيرلو جرف العقل اللي مستعقل بيه.....ضم حواجبو.....و كبس يديه.....لازمو يهدا ومايغلطش معاها.....وقت لحساب معاها يجي و نوريلها.......
__________ شافاتو من بعيد جاتو تجري....فرحانة اللي هو استدعاها.....في بالها راح يعترفلها بمشاعرو في المكان اللي باسها فيه...(.ااييه بطبيعة احنا لبنات بهلولات ههه.....).....اما الشي اللي فزدلها فرحتها...و قطعلها سعادتها.....وجود مرا معاه(عبلة.....ايهم كان تحت شجرة مشافاتوش)....مرا اقل مايقال عليها قنبلة من الجمال....شعرها اكحل ليل...عيونها عيون غزال.....حمرة شواربها متناسقة مع لون شعرها...ليوضتها...بدنها المغري.....فاتنة قدامو.......
هاجت ومابقاش فيها طرف عقل....قدمتلو بسرعة والنار تقدح من عيونها.....
ملك: علاش استدعيتني.....ودارت ناحيتها تغزرلها باشمئزاز....شكونك نتي!!
عبلة: عبلة. ...رفيقة الذيب....
ملك: يعني صاحبتو....
عبلة شافت في عيونها الغيرة....الغيرة اللي تحسها وقت تشوف انتصار مع ايهم....فهمتها....وحاولت تكون هادية ....ماتردش على خزراتها و كلامها البايخ...
قص عليهم صوت les motos......
دارو....وعلى تلفيتتها تلقى مرا و راجل مصوبين سلاحهم على زوج رجال ويهبطو فيهم من طوموبيلهم......