كرونيك#احببت_ذئبا

💞18💞

#الحلقة_الثامنة_عشر
حلت عيونها.......هادية فوق سريرها.....طاحت دمعة حارة من عيونها.....والدمعة ولات دموع.....دموع خيبة....مصدومة من اللي صار...مصدومة من اللي حباتو .....معقول يعمل فيها هكاكا ؟؟ وهي اللي كانت متوقعة مبادرة رومانسية منو.....اااه قداشني طلعت بهلولة.....اااه......شهقات تتالت مع بكيتها......كبست بيديها عالملحفة.......
وبكل جهدها جبدت الملحفة و رماتها عالارض......زادت لحقتلها المخاد....السرير قلباتو......طاحت فالارض....تضرب يدها حيهة قلبها.....قداشك يالقلب طحان.....قداشك بهيم..... هزت ايدها الاخرا...و ولات تضرب في راسها.....بهيمة منخممش...بهلولة اللي جا واللي راح يضحك عليا....حمارة....لملمت روحها واستجمعت شويا قوة....قدمت بيهم قدام لاكوافوز نتاعها.....طلعت عيونها للمرايا.....شهقت ....منظرها يخلع.....شعرها داخل بعضو......عيونها مندوبة بالكحل و الغيسيل.....خدودها حمر من الضرب...... تتلمس في وجها......
هذي انا!!! هذي انا......
واوووووب جابت حوايجها الكل اللي فوق لاكوافوز عالارض.......
اااااععع علااه يا ربي.. . اي ذنب عملتو باش تكويني هكا.......هبطت مع حاشية لاكوافوز...استندت عليها لين وصلت للارض.... خزرت مع الڨزاز المرمي.......هزت قطعة.......مسكتها وكبست ايدها عليها......لين ساح الدم منها.....تفزعت....وتفكرت المنظر نتاع الصباح......طيشت الڨزازة......و رجعت جيهة السرير تحبي على كرشها.....رجليها فشلو....وخانوها......ماعادتش قادرة توقف......قوتها اندثرت.....لدرجة مقدرتش تقطع المسافة بين لاكوافوز والسرير.....رخفت روحها جات مطيشة بكلها عالارض.....تبكي و تصكك......لااااا....علاه.......
_____________________
كان قاعد في بلاصتو المعتادة.....نقدفس القعدة....الساقين فوق الطاولة...والموس في يدو يلوح بيه.....طبطب الباب.....
عبلة: معليهش نحكي معاك....
اماملها براسو يعني ادخلي.....
عبلة: نحبك تسمعني للاخر.......
عاود اماملها براسو.....معينوش يحكي......
استفزها الموس اللي في يدو....حستو مركز معاه اكتر منها......اوووب سلاتو من يدو.....و وجهاتو ناحية قلبو......
عبلة: الحب اذا فات لهنا(في قلبو) ماعادش يعرف يخرج......طريق الخرجة ينساها.....ماتحرمش روحك من احساس كيف هذا....ومتحرمش روحك من انسانة كيفها.....طول عمرك محروم من الحنانة...من العايلة ..من الفرحة....جاتك فرصة بين يديك.....باش تكون عندك مرا......تحبك و تموت عليك.....وانت راخ ضيعها؟؟!!.....نعرفك تحسبلها مليح......ماضيعهاش من يديك.....اقفز بيها احسن مايقفزلك بيها غيرك......
وعلى كلمة يقغزلك بيها غيرك فاااق مع روحو.....فاااق لغلطتو....فاق انو كان حمار في تعاملو معاها.....يحساب الناس كل كيفو بلا قلب(حمار....سبوه معايا يا لبنات هه)......
تبسملها ....نحالها الموس من يديها....هز الفاست.....خرح موتور...وديراكت عند.ملك......
#زويا