كرونيك#احببت_ذئبا

💞الحلقة 7💞

#الح لقة_السابعة....
Flashe back.....
5 سنين قبل.........
كانت سمر في الكوزينة طيب و تصنف لراجلها......تاج راسها و مومو عيونها....
وهي هكذاك .....سمعاتو يحل فالباب....خرجت تجري...باش تعطيه بوستو كالعادة.....البوسة اللي تريحو بعد تعب نهار كامل.....
-نورت بيتك حبي.......
اما هو كمل طريقو......يجري طالع للمكتب تاعو.....لدرجة تعثر في الدروج...اما نهض و واصل....
-وهاب.....يا وهاب.....رد عليا.....
لحقاتو جري للمكتب.....هدت عليه الباب.....
-يهديك ربي يا راجل.....وش بيك....
قدمتلو
وهاب كان يقلب فالمكتب....جبد فاليز....حط فيها دوسيات و سلاحو.....
-يا وهاااب وهبطت عليه البيرو بيديها.......وشنو هذا اللي في يديك.....
-سمر....عيش حبي....خليني نخدم...خليني نخمم
-فواش تخمم .....فاش تخمم يا وهاب....
-التحالف....التحالف يا سمر.....
-التحالف!!!
-سمر انا لازم نخبرك بكلشي....اوعديني تبقاي هادية....
-يا وهاب راك خرجتلي قلبي ...احكي و هنيني....
- انا....انا.....سمر...والله كان لازم نخبي عليك....تعرفي اللي نحبك....ولازم تعرفي الليانا خبيت باش نحمي روحي و نحميكم.....
-وهاااااب......احكي....يهديك ربي.....احكي
-انا السيد الاول للجيل التاسع والخمسين للتحالف..
-وش هو هذا؟!! راك منظم عصابة؟؟!! اااه اش عامل يا وهاب......اااه يا ربي......بواش بليتيني....
-سمر اسمعيني.....سمر متحكميش بلا متسمعيني....
-احكي....هاني نسمع.....احكي ....وريلي وش عندك ....وش عندك اسرار...اسرار بعد عشرين عام زواج....يا وهاب....احكي....
-جمعية اخوية الموت.....و منظمة الفجر الذهبي..... اخطر زوج منظمات عرفتهم البلاد.......عمرهم يفوت القرون.....بعد ماكانو اكثر المظمات عداوة.....تحالفو.....و كونو جمعية التحالف..... المنظمة التجسسية للبلاد...
- و نت اش جابك ليها!!!....تسما نت جاسوس.....
-راكي تشوفي هذا الوشم.....هذا الوشم دليل على قيادتي للتحالف....انا خلفتها بعد بابا....من صغري .....تعلمت و تدربت....فتحت عينيا على القتل....تربيت بين يدين مقاتل...تعلمت طقوسها.....قدستها....و قدست كل واحد تابع ليها....
-اااه يا وهاب....وش هذا اللي جريتنا ليه.......اااه علاه يا ربي ....غلاه يا ربي .....علااه
- سمر انا لازم نروح.....خوذي هذا الظرف.....اذا انقطعت اخباري افتحيه.....
-وين راك رايح......
- سمر.....منقدرش نقلك....باش نحمي روحي.....نحمي صاحبي....و نحميك انتي و بنتي.....كلما عرفتي معلومات اقل كل ما ضمنت عيشك........
-شكون صاحبك....
- سمر متنسايش اللي نحبك ....و بوسيلي ملك.....
________________
من هذاك اليوم.......كان وهاب يعيط لسمر...يسال علا احوالها ...يطمنها عليه....اما عمرو لاقلها علا بلاصتو....والا وش راهو يدير.....الشي الوحيظ الي عرفاتو انو قاعد يحوس علا الحقيقة.....و حاب يكشف الخاين.....و يكشف اللعبة الي جرات تحت رجليه......
من عامين لليوم....سمر ماسمعت حتا خبر علا راحلها....الشي لي خلاها تفتح الظرف.....لقات عنوان ذو الشعر الابيض......اتصلت فيه ....قابلاتو و خيراتو بحكاية وهاب.....طمنها.....و قالها اللي هو راح يلقاهولها........تواصلت اتصالاتهم......و لقاءاتهم.....كانو يتلاقاو كل ما تلز عليه سمر باش تعرف اخبار علا راجلها......... واليوم زادو تلاقاو....واكتشفت انو بلاصة راجلها داها الذيب.......وانهم تخلاو علا خدمات راجلها.....و تخلاو علا حياتو.......