كرونيك#احببت_ذئبا

💞17💞

#الحلقة_السابعة_عشر
غير شافتهم.....تنطرت ورا الذيب.....تتحما بيه...حاوطها بيدو...باش تحطها ثقتها بيه....ومتخافش....
ايهم غير سمع الحس جا يجري......جا واقف قدام عبلة....اللي دوب ماشافاتو عطاتو بتشنيفة هعع....حكمت شعرها ضرباتو لورا....جا في وجه ايهم.....اللي اول مرة يثبت فيها.....يخزرلها كمراة....يطلع في بدنها.......و يعجبو.....
مؤيد حط الرجال الزوج قدامهم....ركعهم.....جبدت عبلة سلاحها....و وجهاتو عليهم....
ملك: اااه....شهقت وحطت يديها على فمها......
الذيب: علاش راكم تبعو فيها.....
دار للراجل الاول ....حكمو علا شعرو............ وعطا لعبلة اشارة......حطت سلاحها في فمو........
الذيب: تكلم و الا راح نبدا بصاحبك ونكمل عليك.....
الراجل: مكناش نتبعو فيها.......
طاااااااع.......خرجت الرصاصة من مسدسها .. دخلت في فمو وخرجت من رقبتو( اعع لبنات منحملش هه) .....
ملك غير شافت المنظر.....تسيبت من الذيب....ولات تنقز........كانها عايفة الارض..... عايفتها لانها مسخة بالدم........رجليها رزنو........وفشلو.........حاطة يديها على فمها.....وتعيط...... ااااع ااااااع.......نفسها تقطع....تنهج.....وتجبد في نفس بالسيف......دموعها خانوها.....تبكي تبكي....وقالت منسكتش.....
ااذيب يولي ذيب في ساحة المعركة.......قلبو يتحجر....كانو مش انسان....لدرجة مهتمش بصياحها....بخوفها.....وهي لي كانت محمية بيه...هي لاول ماحست بالخطر اتخبات عندو......لانو ثقتها بيه كانت كبيرة.......اما هو ماهتمش بضعفها.....مانتبهش لفزعها.....وكمل استجوابو......
الذيب: مزالتلك فرصة باش تعيش....احكي علاش تبعو فيها....شكون نتوما....شكون قائدكم....
و على غفلة من الجميع ......
خطف السلاح من ن يد عبلة و طاااااااع....جابها في راسو........الموت اهونلو من خيانة الشي اللي يقدسو.....الخلية اللي غزاتلو عقلو.....تحت اسم حماية المواطنين من الدولة الخاينة....
مؤيد قدم يجري اما الوقت فات و الراجل مات......
الذيب بعصبية و غش....: لملمو البلاصة و نضفوها.....
عبلة ارجعي للمقر....زياد كمل مراقبتك....
ملك هيا تروحي......جا يدورلها لقاها مرمية عالارض....
مسكينة ماتحملتش.....تصدمت ...تغاشات....داخت من الصدمة......#زويا