كرونيك#احببت_ذئبا

💞💞19💞💞

#الحلقة_التاسعة_عشر...
الوقت ماطولو كي تعود ملهوف على حاجة......يسوق قريب يحرق الطريق باش يوصللها......قلبو يدق....يدق....يدق.....قريب يخرج من بلاصتو....مرفرف في عالم وحدو.....طاير باحلامو....غاطس و ذايب فيه.....ماحسش بالناس اللي يصونيو عليه فالطريق.....همو كامل انو يوصللها في ساع.....
اول ماوصل ...طلع يتسلسل كالعادة هه وحيد....فتح الطاقة ودخل.....على تلفيتو تصدم......
كانت مرمية فالارض.....حالة يديها.....و مادة رجليها......السرير مفرعس......مكياجها و دوزانها مقلب......يديها بالدم......قريب مات من خوفو عليها.....تنطر ليها في رمشة العين.....ركع ليها بركبة ونص.......وحكمها على راسها و قربها لوجهو . .( اييي تخيلو اللقطة احليلي انا ).......
- ملك .....ملك.....فيقي.....عللااه عملتي في روحك هكا يا ملك .......يضرب فيها علا خدودها باش تفيق......يا ملك يا روحي فيقي..........حكملها يدها المجروحة......عرفها لي دايخة برك.....ماهيش منتحرة.....الشي اللي ريحلو قلبو شويا.......
بقا يضرب فيها .......فيقي عيش روحي......ملك..........يا ملك فيقي.......
زاد قربها ليه......لين معادش بيناتهم فاصل.......بقا يتامل في وجها....وجها الملايكي....ملك.....اسم علا مسما......وجها الابيض الصافي......عيونها لمبلبزين بالكحلة......و شواربها......ماحلاهم.....طيروه من جلدو.....وخرجوه من عقلو........و بسرعة منو طبع بوسة خفيييفة علا شفايفها
حط جبهتو على جبهتها.....و خشمو فوق خشمها.....
ملك فيقي يا روحي......عدا يدو على وجها......و بدا يتلمس فيه.......
دغدغة سرات في بدنها......كورون ضربها......رعشة تملكتها......
فتحت عيونها بالسياية......لقات روحها بين يديه.....راكع ليها......وجها في وجهو....نفس واحد....ماكانش فاصل بيناتهم......
بقات تتامل فيه....و تخزر في عينه........عينيه اللي هبلوها.....و عشقوها فيه........
ماهيش مصدقة اللي هو حدها...........ماهيش مصدقة اللي هذي حقيقة.......للحظة حسبتها حلمة.....تبسمتلو(بطبيعة مزالت تحسابلها حلم)....و حطت يدها....تعدي و تجيب فيها على وجهو.........بركان تفجر في داخلو......رغبة كبيرة تملكاتو.........حب ....وكلش...
بقات تتلمس في وجهو...واوووووب يخطفها باقصى قوتو........رغبتو الان هي اللي متحكمة فيه...جبدها ليه بكل قوتو........ماخلالهاش فرصة تستوعب اللي قاعد يصير......حاولت تتملص منو....اما هو حط يدو على شعرها......باش يتحكم فيها و يضمن عدم هروبو منها.....عاود باسها...يحب يستمتع.......ماكانت قادرة تعمل شي......لقات روحها مطاوعاتو......تحبو ماتقدرش تنكر هذا الشي....تحب و تموت في بوساتو......تحبو و تشعل بلمسة يديه.....ايه تحبو وتفنا فيه....و سلمتلو روحها...
الزوج غاطسين في عالمهم......عالم الحب ....الزوج مزالو غاطسين في البوسة.....بوسة اللهفة و الشوق... قداشهم كانو محتاجين لبعضاهم.....زوج نصاف.....واليوم تلاقاو و توحدو.....(ميروحش بالكم بعيد مامسهاش هع).....
بعد عليها شويا.....حط جبهتو على جبهتها.... و خشمو فوق خشمها....... .....حط يديه عاى وجها.......
ملك......نحبك.....نحبك و نعشق فيك......
بعدت عليه تجري .....جات واقفة......
اهأ...اهأ...اهأ......

حكمتها الشهقة.و..دمعو عيونها.......مهيش مصدقة اللي قاعد يصير....الي تسمع فيه صحيح؟؟؟؟؟!!!!!!......
تبسم.......و التبسيمة ولات ضحكة.......يضحك على تبهليلها........تسميرتها....و شوكها.......و هذيك كانت اول مرة تشوف ضحكتو.....اخااااه تهبل تهبل.....
قرصها على خشها.....باش فاقت و استوعبت........
حطت يديها على فمها و ولولات تبكي بالصوت......
-الصباااح....الصباااح......جيتك......ونت...نت اش عملتي......
قدملها حاشم علا روحو.....

-براس حبي ليك.....سامحيني....غلط نعرف....اما والله هدفي كانت غايتو صافية.....باش نحل السر ........اليامات توضحكلك كلش يا ملك.....انا هنا مرانيش الشرير....انا الولد اللي 5 سنين يحوس علا بوه .....حاسة بيا.....لانو الشي اللي قاعد نمر بيه انتي حاسة بيه و قاعدة تمري بيه تاني.....نعرف لي غلطت....اما غلطتي كانت وقت ماحسيتش بخوفك.....و ماحميتكش من عالمنا....... عالمنا اللي فوتناك ليه بلا دقة باب.....سامحيني.....وعاود هبط على ركبة ونص. ......
-سامحيني.........وباسلها يدها......
قريب تموت بالفرحة.....دنييا موش سايعتها......تنطرت بكل جهدها عليه تعنق فيه.......جاباتو مرمي فالارض....وهي فوقو......بقات مكبشة فيه......مخبية راسها في صدرو....بالاحرى شاهية صدرو الفرس هععع.........منظرهم كان يوحي بالحب و العشق المتبادل بيناتهم.......مكبشة فيه.....جاية قصيرة مكعبرة.....و هو رجليه يدلدو من التحت هههخه......
شاخ عليها......و على ردة فعلها......تبسم.....وحط يدو على شعرها....قدمو لخشمو....يشم فيه......
-ماحلا ريحتك....و ماحلا ريحة شعرك....و عاود هزو يشم فيه......
غزرتلو......و عاودت هبطت راسها تصكك برجليها من الحشمة و الفرحة.....
يابنتي ركحي روحك......
وبمانها تحب تقلقو....عاودت نفس اللقطة......
ولا يضحك عليها و علا هبالها......و كعقاب ليها....... حملها بين يديه......
اش ندير ففيك انا درك.........
ولات تفرفط برجليها.....دورت يديها ورا رقبتو.....
وحطت صبعها في قلبو........
-خبيني هنا.........
#يتبع
#زويا