كرونيك#احببت_ذئبا

💞الحلقة الثالثة💞

#أ حببت_ذئبا ......
# الحلقة_الثالثة......
ملك:....اهأ...اهأ...اهأ....كانت تشهق...متسمرة في بلاصتها....عيونها مدمعين...شفارها مبلولين....خشمها حمر....و خدودها حمارو من الضربة.....شعرها مشعشط....هه...اما هذا الشي اللي زادها اغراء....و زادها زين فوق زينها.....حلاها و شهاه فيها....
كان متحكم في روحو....مسيطر على رغبتو....بارد من برا....و من داخل مايعلم بيه كان ربي.... اما هي!!! حضورو شلها.... رجوليتو قتلها....رجوليتو اللي طغات عالبلاصة....لدرجة متحسش بوجود رجال في وجودو....كان ظاهر عليها تاثرها بيه.... في الجهة الاخرا.......
هبة كانت تنقز و تسب فيها....لبنات اللي معاها حاكمينها...يهدو فيها....اما هيا كانت كالبركان شاعلة....تسب و تقبح في ملك.....تحاول تنسيب منهم باش تعاود تنقض عليها...هههه و ملك اش عاملة!!! ماكانت تسمع في والو....كأنو الزمن توقف بالنسبة ليها في هذيك اللحظة. ....مركزة معاه فقط..... بدون وعي للناس اللي واقفة تتفرج عليها...كيشافها شاردة معاه....حب يفيقها و يخرجها من حالتها.....كان عارف انها غرقت في حضورو...غرقت فيه....هز ايدو نحا لينات اللي كان لابسهم...و لتم كانا صدمة اخرا لملك.....عيونو اللي كان مخبيهم...آآه و آآه من عيون الذيب.....عينو كانت تلمع....فيهم لمعة خاصة....لمعة عسلية وسط عيون بنية.....فيهم مزيج بين القوة....و الدهاء....منظر ساحححر ....
ملك في غفلة منها: اااه...ماحلاااهم عيونكم....
ااه من يا ملك وقعتي وياويلو اللي وقع في قبضة ذيب....
تحركت شفايفو.....باش تخرج منهم ابتسامة خبيثة.....مستفزة....تدل على غرورو....و ثقتو الزايدة.... بنفسو....لانو كان يعلم انها
وقعت في شباكو....ماكانش ناوي على هذا الشي....اما الله غالب حاجة موش بيدو ....خارجة عن سيطرتو.....
مع جا يرجع يلبس اللينات...
تم كانت صدمة اخرا ليها.....عيطت باعلى صوتها....وهي تنقز......
-اآآهه...آه....وريلي....ايدك... .كيف تاع پاپي.....ايه...نفس تاع پاپي
# زويا